Don Lew ပါဝင်သော ဇာတ်ကားများ

ဂိမ်းလောကက နာမည်ကြီးဖြူကောင်လေး ဆိုးနစ်ရဲ့ ဒုတိယရုပ်ရှင်မှာ ရန်သူဟောင်း ရိုဘော့နစ် ပြန်ရောက်လာပါတယ်။ ကမ္ဘာပေါ်ကနေ အခြားဂြိုဟ်တစ်ခုဆီ ကန်ထုတ်ခံထားရတဲ့ ရိုဘော့နစ်ဟာ ဒီတစ်ခါ တစ်ယောက်တည်း ပြန်လာတာမဟုတ်ဘဲ ဆိုးနစ်ကို တိုက်ခိုက်မယ့် ဂြိုဟ်သားလေး နက်ကယ်ကိုပါ ခေါ်လာတယ်။ ဆိုးနစ်ဘက်မှာလည်း သူ့ကိုလေးစားအားကျနေတဲ့ မြေခွေးလေး တေးလ်စ် ပါလာပါတယ်။ တစ်ဖက်နှစ်ယောက်စီဖြစ်လာတဲ့ ဒီတစ်ကြိမ်မှာ ဘယ်လိုရင်ဆိုင်တိုက်ခိုက်ကြမလဲဆိုတာ ဆက်ကြည့်ရမှာပါ။ ရိုဘော့နစ်အဖြစ်တော့ The Mask နဲ့ လူသိများတဲ့ ဂျင်မ်ကာရေးပဲ ပြန်လည်သရုပ်ဆောင်ထားပါတယ်။

The Interview (2014) #ရုပ်ရှင်မိတ်ဆက် မြောက်ကိုရီးယားခေါင်းဆောင် ကင်ဂျုံအန်ကို သရော်တဲ့ဇာတ်ကားတွေထဲ ဒီကားကတော့ အတော်နာမည်ကြီးပါတယ်။ ၂၀၁၄ တုန်းက Sony က ပြမယ်ပြောလိုက် မပြဘူးပြောလိုက် လုပ်နေရာက နေ Youtube, Google Play စတဲ့ အွန်လိုင်း Video Hosting တွေကနေ စတင် ငှားရမ်း ပြသရာကနေ ရုံတင်ခဲ့တဲ့ဇာတ်ကားပါ။ ဇာတ်လမ်းက James Franco က Talk Show Host တစ်ယောက်ဖြစ်ပြီး Seth Rogen က Producer ဖြစ်ပါတယ်။ သူတို့ရဲ့ Show က အတည်ပေါက် Interview မဟုတ်ပဲနဲ့ ဟာသဆန်ဆန်ဖြစ်နေတာကြောင့် လူတွေလေးစားလောက်မယ့် Interview မျိုးလုပ်ချင်နေပါတယ်။ တစ်နေ့မှာ စာစောင်တစ်ခုက ဆောင်းပါးမှာ Kim Jong-un က သူတို့ Show ရဲ့ ပရိတ်သတ်ဖြစ်တယ်လို့ သိသွားရာကနေ Interview လုပ်ဖို့ဖြစ်လာပါတယ်။ ဒီကနေ အားလုံးသိတဲ့အတိုင်း CIA က Kim Jong-un ကို သတ်ပေးဖို့ တာဝန်ပေးလာပါတယ်။ တကယ်တမ်းမြောက်ကိုရီးယားကို ရောက်သွားတော့ James Franco ရဲ့ Character ဖြစ်တဲ့ Dave Skylark က Kim Jong-un ရဲ့ ညာတာခံရပြီး အစီအစဉ်တွေပြောင်းသွား ပုံကို ဟာသဆန်ဆန်တင်ဆက်ထားပါတယ်။ ဇာတ်လမ်းကအရမ်းမကောင်းပေမယ့် ကြည့်ပျော်ရှုပျော်တော့ရှိပါတယ်။ James Franco ရဲ့ ဇာတ်ကောင်က ဘာကိုမှ အလေးအနက်မထားတဲ့ ပုံစံမျိုး ပီပြင်အောင်သရုပ်ဆောင်ထားသလို၊ နောက်ပိုင်းမှာမှ တာဝန်ယူတတ်တဲ့ သူအဖြစ် ပြောင်သွားတဲ့ပုံစံကလည်း ပီပြင်ပါတယ်။ Seth Rogen ကလည်း သရုပ်ဆောင်ကောင်းပြီး၊ Kim ရဲ့ လက်ထောက် အဖြစ် သရုပ်ဆောင်တဲ့ Canadian မင်းသမီး လေး Diana Bang ကလည်း (Asian-Canadian) သရုပ်ဆောင်ကောင်းပါတယ်။ ဒီကားကို သူမနဲ့ အတူ ဇာတ်ညွှန်းရေးတဲ့ Kim Jong-um အဖြစ်သရုပ်ဆောင်တဲ့ Randall Park ကတော့ ဇာတ်ကားတစ်ကားလုံး မှာ သရုပ်ဆောင် အကောင်းဆုံးလို့တောင်ပြောလို့ရပါတယ်။ ဟာသနေရာက ပီပြင်သလို ပေါတောတော လည်းလုပ်တတ်ပါတယ်။ ဒါပေမယ့် သူ့ရဲ့ General တွေနဲ့တွေ့တဲ့အခါ မှာ ကြောက်စရာကောင်းအောင်လည်း သရုပ်ဆောင်တတ်ပါတယ်။ ဇာတ်ကားက Comedy ဖြစ်ပြီး သတင်းလွတ်လပ်ခွင့်နဲ့ အထိန်းအချုပ်ကြား ဘယ်လိုမှ မအပ်စပ်တဲ့ အခြေအနေကို ဖော်ကျူးထားပါတယ်။ #Sololay ( ရုပ်ရှင်အညွှန်းကို ရုပ်ရှင်မိတ်ဆက်မှကူးယူဖော်ပြပါသည်။) File size…(2.3 GB) and (1.1 GB) Quality….Blu-ray Rip 1080p 5.1CH and 720p Format…mp4 Duration….01:53:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

လွန်ခဲ့တဲ့ နှစ်ပေါင်းနှစ်ထောင်ဝန်းကျင်က တရုတ်နိုင်ငံမှာ ရက်စက်ကြမ်းကြုတ်တဲ့ ဟန်ဘုရင်ဟာ တိုင်းပြည်ကို စုစည်းပြီး နဂါးဧကရာဇ်အဖြစ် တစ်ကမ္ဘာလုံးကို သိမ်းပိုက်ဖို့ ပြင်ဆင်ခဲ့ပါတယ်။ ဒါပေမဲ့ မှော်ဆရာမတစ်ဦးရဲ့ ကျိန်စာကြောင့် သူနဲ့ သူ့တပ်တစ်ခုလုံး ရွှံ့ရုပ်တုတွေ ဖြစ်သွားပြီး အဲဒီရည်မှန်းချက်လည်း မြေအောက်မှာပဲ ပျောက်ကွယ်ခဲ့ရတယ်။ အိုကော်နယ်ကတော့ မြေအောက်မှာ ပျောက်နေတဲ့ ဒီအန္တရာယ်ကို မမျှော်လင့်ဘဲ ပြန်ဖော်မိပါတော့တယ်။ ဒီတစ်ခါ သူနဲ့အတူ သားဖြစ်သူ အဲ့လက်စ်လည်း ပါလာပါတယ်။ ဟန်ဘုရင် ဘယ်လိုပြန်အသက်ဝင်လာမလဲ၊ မပြီးမြောက်ခဲ့တဲ့ သူ့ရည်မှန်းချက်ကို ပြန်အကောင်အထည်ဖော်ဦးမလားဆိုတာ ဆက်တွေ့ရမှာပါ။ ရှေ့က Mummy နှစ်ကားရဲ့ အဆက်ဖြစ်ပြီး ဂျက်လီနဲ့ မီရှဲယိုတို့လည်း ပါဝင်သရုပ်ဆောင်ထားပါတယ်။

ဂတုံးမင်းသားဂျေဆင်နဲ့ ဂျက်လီတို့ အပြိုင်ကြဲထားတဲ့ အက်ရှင်ဇာတ်ကြမ်းကား အဟောင်းလေးကို တင်ဆက်ပေးလိုက်ပါတယ် ဂျေဆင်ကတော့ ထုံးစံအတိုင်း အထာများတဲ့ဘဲပုံစံနဲ့ မြင်ရမှာဖြစ်သလို ဂျက်လီကိုတော့ သွေးအေးအေးနဲ့ တည်ငြိမ်ပြီး မိုက်တဲ့ ကာရိုက်တာ အဖြစ်ရှုစားရမှာပါ F.B.I အေးဂျင့် John နဲ့ သူငယ်ချင်းလည်းဖြစ် ပါတနာလည်းဖြစ်တဲ့ အေးဂျင့် Tom Lone တို့က ယုံတမ်းစကားအရ Rogue (နတ်ဆိုး)လို့ နာမည်ကြီးတဲ့ လက်မရွံ့ လူသတ်သမားတစ်ယောက်ကို သုတ်သင်လိုက်နိုင်ပေမယ့်.... နောက်နေ့ကျ Tom အပါအဝင် ဇနီးနဲ့ သမီးလေးကိုပါ အမည်မသိလူတစ်ယောက်က Rogue အတွက် လက်စားချေသလို လုပ်ကြံသွားတယ် နောက်သုံးနှစ်ကြာမှာ ယခင် ရာကူဇာ လက်အောက်ခံ နတ်ဆိုးက မသေပဲ ပြန်ပေါ်လာခဲ့ပြီး တရုတ်မြေအောက်ဂိုဏ်းအတွက် ပြောင်းလဲလုပ်ကိုင်နေကာ တရုတ်ဂိုဏ်းနဲ့ ရာကူဇာတို့ကို တစ်လှည့်စီ အကွက်ရွှေ့နေတယ် သူငယ်ချင်းအတွက် လက်စားချေမယ်လို့ တွေးထားတဲ့ John တစ်ယောက် နတ်ဆိုးကို လက်စားချေခွင့်ရနိုင်မှာလား အရာရာတကွက်ကြိုမြင်နေတဲ့ နတ်ဆိုးကပဲ အနိုင်ရသွားမှာလား ဆိုတာကို... ဇာတ်လမ်းဖွဲ့စည်းပုံ သေသပ်ပြီး အက်ရှင်ပြကွက် အလန်းစားတွေနဲ့ ရိုက်ကူးထားတဲ့ ဒီကားလေးမှာ ဆက်လက်ကြည့်ရှုပေးကြပါဦး