Don Was ပါဝင်သော ဇာတ်ကားများ

The Beach Boys [2024] (IMDb 7.1/10, RT 85%) အင်္ဂလန်မှာ The Beatles က အကောင်းဆုံး Band ဆိုရင် အမေရိကားမှာ The Beach Boys တို့ အဖွဲ့ပါပဲ... The Beach Boys ဟာ Beatles တို့နဲ့ ခေတ်ပြိုင်ဖြစ်ပြီးတော့ အမြဲတမ်း နံပါတ် ၁နေရာအတွက် ‌ယှဉ်ပြိုင်လာခဲ့ကြတာပါပဲဖြစ်ပါတယ်... အခု The Beach Boys (2024) ကတော့ Documentary အမျိုးအစား ဖြစ်ပြီးတော့ ဒီအဖွဲ့ရဲ့ ပေါ်ပေါက်လာပုံ သူတို့ရဲ့ သမိုင်းကြောင်း သူတို့ရဲ့ ခမ်းနားမှုတွေကို ဖော်ပြထားသလို အတက်တွေချည်းပဲ မဟုတ်ပဲ အကျတွေလည်း ထည့်သွင်းရိုက်ကူးပြသထားတာပဲဖြစ်ပါတယ်... သူတို့ ကြုံတွေ့ခဲ့ရတဲ့ အတွေ့အကြုံတွေ အခက်အခဲတွေ နဲ့ ဂီတအနုပညာဟာ ဘယ်လောက်သိမ်မွေ့နက်နဲသလဲ... ဖန်တီးသူတွေရဲ့ ရှုထောင့် ပရိတ်သက်တွေနဲ့ ဒီလောကသားတွေရဲ့ ရှုထောင့်မျိုးစုံကို ထည့်သွင်း ရိုက်ကူးပြထားတာပဲဖြစ်ပါတယ်... ဒီခေတ်လူအများစုက The Beatles လောက်သာ သိကြတာပါ သိဆို သူတို့က စီးပွားရေးပိုင်းမှာ ပိုအောင်မြင်ခဲ့ကြတာကိုး... The Beach Boys ဟာလည်း အောင်မြင်ပါတယ် ဒါပေမယ့် သူတို့က The Beatles အဖွဲ့ဝင် ဖြစ်တဲ့ ဂျွန် လီနွန်တို့ ပေါလ် မက်ကာနေးတို့ကတောင် အံ့ဩဘနန်းဖြစ် လေးစားအားကျရတဲ့ အနုပညာလက်ရာတွေကို ဖန်တီးထုတ်လုပ်နိုင်ခဲ့တဲ့ ပေါ့ပ်လောကရဲ့ ဘုရင်တွေလည်း ဖြစ်နေကြပါတယ်... ဒီအဖွဲ့ ဘယ်၍ဘယ်ပုံ ဂီတအနုပညာသမိုင်းမှာ အောင်မြင်ထွန်းပေါက်ခဲ့သလဲဆိုတာကို ရှုစားလိုက်ကြပါဦး (အညွှန်းနဲ့ဘာသာပြန်ကတော့ Tun Aung Kyaw ဖြစ်ပါတယ်) Genre..... Documentary, Music Quality…. 1080p WEB-DL | 720p WEB-DL File size… 2.38GB | 1.25GB Format… mp4 Duration…. 1h 53min Subtitle…. Myanmar Subtitle (Hardsub) Translator ..... Tun Aung Kyaw Encoder ..... Aaron

❝ ငါဘယ်တော့မှ ထပ်မချစ်တော့ဘူး ❞ (𝐀𝐮𝐝𝐢𝐞𝐧𝐜𝐞 𝐈𝐧𝐬𝐢𝐠𝐡𝐭𝐬 | 𝐀 𝐒𝐭𝐚𝐫 𝐈𝐬 𝐁𝐨𝐫𝐧) ▬▬▬▬ ( အောက်ပါရုပ်ရှင်ဆောင်းပါးဟာဆိုရင် Dionola ရဲ့စာဖတ်သူတစ်ယောက်ဖြစ်တဲ့ Moe Kaung ကနေကိုယ်တိုင်ခံစားရေးဖွဲ့ပြီး ပေးပို့လာတဲ့စာမူဖြစ်ပါတယ် ။ Dionola က စာလုံးပေါင်းသတ်ပုံမှလွဲ မည်သည့်အရာကိုမှ ပြင်ဆင်ဖြတ်တောက်ထားခြင်းမရှိပါ ။ ) ▬▬▬▬ အနုပညာသမားတစ်ယောက်သည်.. နေရာ ဒေသ ရယ် .. လူပုဂ္ဂိုလ်ရယ် မရွေးဘူး .. သူ့အနုပညာ ကို သူဖန်တီးချင်တဲ့ အချိန်မှာ ဖန်တီးမယ် .. လမ်းဘေး ဖြစ်နေပါစေ .. သူစီးမျောချင်တဲ့ နေရာ မှာ စီးမျောမယ် .. အနုပညာသမား တကယ်စစ်လာရင် သူတို့ ရဲ့ စိတ်ခံစားချက် က တမျိုး .. သာမန် လူတွေ အတွက် ထူးဆန်းရင် ထူးဆန်းနေလိမ့်မယ် .. အဓိက ပြောချင်တာက အနုပညာသမားစစ် စစ်တွေ ရဲ့ ထူးခြားတဲ့ စိတ်နေစိတ်ထားကို ပြောပြချင်တာ .. " A star is born “ ဇာတ်လမ်းလေး စ လိုက်ရအောင် .. " ဂျက်ဆင်မိန်း " က လျှမ်းလျှမ်းတောက် အောင်မြင်နေတဲ့ အဆိုတော် ဂစ်တာသမား .. Live show မှာ သီချင်းဆိုတာ .. ဂစ်တာ တီးပြတာ အရမ်းမိုက်တယ် .. ခက်တာက သူက ဆေးပြားလည်းချတယ် .. အရက်လည်းသောက်တယ် .. တစ်ည သူ့ရဲ့ Show ပွဲကနေ ဒရိုင်ဘာ နဲ့ အပြန် ကားထဲမှာ အရက်သောက်ရင်း နဲ့ ကုန်သွားတယ် .. အရက်ဆိုင် လိုက်ရှာရင်း လမ်းကြို လမ်းကြားတစ်ခုမှာ ဖွင့်ထားတဲ့ မထင်မရှား ဘားတစ်ခုကို တွေ့တယ် .. " ဂျက်ဆင်မိန်း " က ကျန်တာတွေ မစဉ်းစားဘူး .. " ဘားရှိရင် အရက် ရှိမယ် .. " ဒါပဲတွေးနေတာ .. ဖြစ်ချင်တော့ ဒီဘားက " မိန်းမလျာ"တွေရဲ့ ဘား .. ဘားထဲ ကို ဝင်မယ်လို့ လုပ်တော့ ဝန်ထမ်းက သူ့ကို တွေ့သွားပြီး ပြောတယ် .. " ဟာ !! ခင်ဗျား နာမည်ကြီး အဆိုတော် ဂျက်ဆင်မိန်း မဟုတ်လား .. ဒီနေရာ ခင်ဗျားနေရာ မဟုတ်ဘူး .. ဘဒို .." ဂျက်ဆင်မိန်းက " အရက်ရှိတယ် မဟုတ်လား .. ဒါဆို ငါ့နေရာပဲ .." ဒီဘဲကလည်း အဲဒီလိုလူ .. ဘားထဲက စင်ပေါ်မှာ သီချင်းသီဆို ဖျော်ဖြေနေတဲ့ သူတွေ ရှိတယ် .. ဝါသနာရှင် အညတရတွေပေါ့ .. " ဂျက်ဆင်မိန်း " တစ်ယောက် အရက် သောက်ရင်း သီချင်းတွေ မှာ မိန်းမော စီးမျောရင်း ကျောက်ရိုင်းတုံးလေး တစ်ပွင့် ကိုသွားတွေ့တယ် .. ဒီကျောက်ရိုင်းပွင့်လေးရဲ့ နာမည်က " အယ်လီ " မထင်မရှား အရက်ဘားလေး တစ်ခု မှာ သီဆို ဖျော်ဖြေပေးနေတဲ့ အညတရအနုပညာသည် .. အညတရ ဆိုပေမယ့် .. သီချင်းကို mood အပြည့်နဲ့ ဖျော်ဖြေနေတာများ .. ဘား တစ်ခု လုံး သူ့ အနုပညာ မှော်တွေ အောက်မှာ ပျော် ဝင်နေလေရဲ့ .. အဲဒီ အထဲမှာ " ဂျက်ဆင်မိန်း " တစ်ယောက်လည်း အပါအဝင်ပေါ့ .. သီချင်းဆုံးသွားတဲ့ အချိန်မှာ .. အရက်ဘား တစ်ခုလုံးရဲ့ လက်ခုပ် ဩဘာသံတွေ နဲ့ အတူ .. " ဂျက်ဆင်မိန်း " ရဲ့ မျက်ဝန်းအိမ်မှာ မျက်ရည်တွေနဲ့.. ပြီးတော့ " အယ်လီ " ကို မိတ်ဆက်ပြီး .. သူ့ဘဝ ကိုယ့်ဘဝ ဇာတ်ကြောင်းတွေပြောပြီး .. စကားလက်ဆုံကျကြတယ် .. တကယ်တော့ အယ်လီက နေ့ဘက်ဆိုရင် စားသောက်ဆိုင်တစ်ခုမှာ ဝန်ထမ်း .. ညဘက် ဆိုရင် မိန်းမလျာဘားမှာ ဖျော်ဖြေပေးရတဲ့ အဆိုတော် .. ဒီလိုပုံစံ နဲ့ အသက်မွေးဝမ်းကျောင်းနေရတဲ့ မိန်းကလေး .. ဒါပေမယ့် " အယ်လီ " ရဲ့ အဆိုပညာ အရည်အချင်းကို .. အဆိုတော်ရင့်မာကြီး ဖြစ်တဲ့ " ဂျက်ဆင်မိန်း " ကသိတယ် .. ဂီတ လောက ထဲ ဝင်ဖို့ .. သူလက်တွဲ ခေါ်မယ်လို့ တိုက်တွန်းတယ် .. အယ်လီက ငြင်းတယ် .. သူဟာ ရုပ်ဆိုးပါတယ်တဲ့ .. ဒီလိုနဲ့ ခင်သွားကြတော့ " ဂျက်ဆင်မိန်း " က သူ့သီချင်းဖျော်ဖြေပွဲ တွေ ကို ဖိတ်တယ် .. " အယ်လီ " ကတော့ သူ့အားနည်းချက်တွေ ကြောင့် ငြင်းမြဲ ငြင်းလျက်ဘဲ .. တစ်နေ့ကျတော့ " ဂျက်ဆင်မိန်း " ရဲ့ ဖိတ်ခေါ်ချက်ကို လက်ခံပြီး Live show ပွဲ တစ်ခုကို အယ်လီ လိုက်ကြည့်တယ် .. အဲဒီမှာ ဇာတ်လမ်းစတော့တာပါပဲ .. " ဂျက်ဆင်မိန်း " တစ်ယောက် " အယ်လီ " လာကြည့်လို့ ပျော်ရွှင်မြူးတူးနေလေရဲ့ .. ဒါ့အပြင် " အယ်လီ " ရေးထားတဲ့ သီချင်းကိုစင်ပေါ်အတင်းဆွဲတင်ပြီး နှစ်ယောက်အတူဆိုတယ် .. ပရိသတ်ရဲ့ အားပေးမှုက ကြောက်ခမန်းလိလိ .. " ဂျက်ဆင်မိန်း " ရဲ့ ရင်ထဲမှာ အချစ် ဆိုတာမွေးဖွားလာခဲ့ပြီ .. ဒီကောင်မလေးနဲ့ သီချင်းအတူတူ ဆိုနေရရင် သူ အရမ်းပျော်တယ် .. သိပ်ချစ်မိသွားတဲ့ .. သူတို့နှစ်ယောက် ဘဝ တစ်ခု တည်ဆောက် လိုက်ကြပါတော့တယ်.. သူနဲ့ အတူတူ သီချင်းတွေ ဆိုရင်း " အယ်လီ "က တဖြည်းဖြည်း နာမည်ကြီးသထက် ကြီးလာပြီ .. " ဂျက်ဆင်မိန်း " တစ်ယောက်ကတော့ မကောင်းမှန်းသိပေမယ့် သူစွဲလန်းမိတဲ့ အရက် နဲ့ မူးယစ် ဆေးဝါးကြောင့် နာမည် ဇောက်ထိုး ဆင်းနေပြီ .. အချိန်တော်တော်များများမှာ ဒီ မူးယစ်ဆေးဝါး ကြောင့် လူက " လစ် " နေတာများတယ်.. ဘယ်လောက်အထိ " လစ် " သလဲ ဆိုရင် .. သူ့ဇနီးရဲ့ အအောင်မြင်ဆုံး ဆု ရ တဲ့ " ဂရမ်မီ " ဆုပေးပွဲ စင်မြင့်ပေါ်မှာ .. သေးတွေ ပေါက်ချ မိတဲ့ အထိ " လစ် " တော့တာ .. ဆိုရရင် သူ့ကို အနုပညာ အသိုင်းအဝိုင်းက ဖယ်ကြဉ်လာသလို .. ပရိသတ် အားပေးမှုက လည်း တဖြည်းဖြည်းလျော့ကျလာပြီ .. သူ့ဇနီး " အယ်လီ" က နာမည် အကြီးဆုံးဖြစ်ပြီး သူက အောက်ဆုံးမှာ .. တနေ့ကျတော့ " အယ်လီ" က သူ့ရဲ့ Show ပွဲ တစ်ခုမှာ " ဂျက်ဆင်မိန်း " ကို ပြန်တွဲ ခေါ်ဖို့ ကြိုးစားတယ် .. သူတို့နှစ်ယောက်စလုံး ဒီပွဲကို အရမ်းမျှော်လင့်အားခဲထားတယ် .. တစ်နေ့ " အယ်လီ " အိမ်မှာ မရှိခိုက် " အယ်လီ " ရဲ့ ပရိုဂျူဆာ ရောက်လာပြီး " ဂျက်ဆင်မိန်း " ကိုပြောတယ် .. မင်းမိန်းမရဲ့ အောင်မြင်မှု အတွက် ဒီပွဲ ကို မင်းရှောင်ပေးပါ .. ပရိသတ်တွေကရော .. ငါတို့ ပရိုဂျူဆာ တွေ ကပါ မင်းကို မလိုအပ် တော့ဘူး .. မလိုချင်တော့ဘူး .. တဲ့ .. ဒီစကားဟာ အနုပညာရှင် .. သီချင်းတွေ ဆိုရမှ နေပျော်နေသူ တစ်ယောက် ရဲ့ စိတ်ဓာတ်ကို ဟိုးအောက်ဆုံးအထိ ဆွဲချ လိုက်သလိုဘဲ .. " ဂျက်ဆင်မိန်း " အိမ်လေးထဲမှာ သူတစ်ယောက်တည်း .. အဖော်ဆိုလို့ ခွေးလေး တစ်ကောင်ဘဲ သူ့အနားမှာ ရှိတော့တယ် .. သူ့စိတ်ထဲမှာ သူ့ဇနီး ကိုယ်တိုင်က ရော .. ဒီလိုစိတ်မျိုး .. ဒီလို အမြင်မျိုး ရှိနေပြီလား ဆိုတဲ့ အတွေးပေါင်း များစွာ ရင်ဝယ် ပိုက်လို့ ..စိတ်ဓာတ်က အောက်ဆုံးအထိ ကျနေပြီ .. သူ ဘာ ဆက်လုပ်ရတော့မလဲ ..?? ဒီနေရာမှာ ဒီဇာတ်ကားမှာ သမားရိုးကျ ဇာတ်ကားတွေ လို မပြဘူး .. အရိပ်အယောင်လေးပဲပြသွားတယ် .. ဒီဇာတ်ကားရဲ့ နောက်ဆုံးခန်းမှာ " အယ်လီ " ကိုယ်တိုင် Mood အပြည့်နဲ့ စန္ဒယားတီးပြီး ဆိုသွားတဲ့ .. " I’ll never love again “ ဆိုတဲ့ သီချင်းကတော့ ဒီ ဇာတ်ကားတစ်ခုလုံးရဲ့ အသက်ပါ .. ဒီဇာတ်ကားမှာ .. " ဂျက်ဆင်မိန်း " အဖြစ် "ဘရက်ဒလီကူးပါး"က သရုပ်ဆောင် ဒါရိုက်တာ အပြင် သီချင်းတွေပါ ကိုယ်တိုင်ဆိုထားပါတယ် .. " အယ်လီ " နေရာ မှာ သရုပ်ဆောင် ထား တာက "လေဒီဂါးဂါး "ပါ .. " လေဒီဂါးဂါး " ကို အရင်က ကျနော် လုံးဝ အထင်မကြီးခဲ့ပါဘူး .. သူ့ကိုတွေ့ရရင် မိတ်ကပ်ထူထူကြီးလိမ်းထားတယ် .. မျက်မှန်ပုံစံ အမျိုးမျိုး .. ဆံပင်ပုံစံ နဲ့ အရောင် အမျိုးမျိုးဆိုးမယ် .. ဝတ်စုံ ကလည်း သူများထက် မထူးထူးအောင် ဝတ်ပြတဲ့ ဖက်ရှင်မော်ဒယ် တစ်ယောက်လောက်ပဲလို့ ထင်ထားတာ.. ဒီဇာတ်ကားမှာတော့ .. မိတ်ကပ်မလိမ်းတဲ့ ပကတိ မျက်နှာ နဲ့ သရုပ်ဆောင်ပညာ .. အဆိုပညာ Skill တွေ မြင်ရတော့ အရမ်းကို ကြိုက်မိသလို လေးစားမိသွားပါတယ် .. ၂၀၁၈ ခုနှစ်တုန်းက ထွက်ခဲ့ပြီး ဆုတွေ အများကြီး ရထားတဲ့ ဇာတ်ကား .. Live show တွေ နဲ့ သီချင်းတွေ နားထောင် ရတာနဲ့တင် အရသာ ရှိလွန်းလှတဲ့ ဇာတ်ကားလို့ ညွှန်းလိုက်ပါရစေဗျာ။ (ရုပ်ရှင်အညွှန်းကို Dionola Fb Page မှ ကူးယူဖော်ပြပါသည်။) File size…(8.8 GB) / (2.5 GB )/ (1.4 GB) Quality…BluRay 4K HEVC/ 1080p HEVC / 720p Format…mkv/mp4 Duration….02:16:00 Subtitle….Myanmar Subtitle (Hardsub) Encoder….Ka Naung Translated by Nway Oo K Zaw

ဒီတစ်ခါတင်ဆက်ပေးမှာကတော့ Al Pacino ကြီးရဲ့ ၂၀၁၅ခုနှစ်က ထွက်ရှိခဲ့တဲ့ ဖြစ်ရပ်မှန်အချက်အချို့ပေါ်အခြေခံထားတဲ့ အသက်ကြီးကြီးရော့ခ်စတားတစ်ယောက်ရဲ့ ဘဝဇာတ်ကြောင်းပါ Al Pacino အပြင် အခြားသောနာမည်ကြီးသရုပ်ဆောင်များစွာလည်း ပါပါတယ် American Beauty, 20th Century Women ထဲက Annette Bening, Christopher Plummer, Jeniffer Garner, Bobby Cannavale တို့ပါဝင်အားဖြည့်သရုပ်ဆောင်ထားပါတယ် ဒီ ဒန်နီကောလင်း ဆိုတာက အပြင်က Steve Tilston ဆိုတဲ့ အင်္ဂလိပ်Folk သီချင်းတေးရေးတီဆိုသူကို အခြေခံထားတာပါ IMDb rating 7, Rotten Tomatoes 78%ထိရရှိထားတဲ့ comedy/drama ရုပ်ရှင်လေးမို့ ကြည့်မကောင်းမှာတော့မပူရပါဘူး ဇာတ်လမ်းအကြောင်းအရာက ဒန်နီကောလင်းလို့အမည်တွင်တဲ့ အသက်ကြီးကြီးရော့ခ်ကာစူပါစတားကြီးဟာ သူ့ရဲ့မွေးနေ့မှာ ချစ်သူငယ်ချင်းကြီးက မွေးနေ့လက်ဆောင်အဖြစ်ရှာလာပေးတဲ့ နှစ်၄၀ကြာသက်တမ်းရှိနေပြီဖြစ်တဲ့ စာတစ်စောင်ကိုရခဲ့ပါတယ် အဲဒီစာက John Lennon ကြီးက သူ့ဆီ သူတက်သစ်စအချိန်မှာ အကြံပေးစာ၊ အကူအညီကမ်းလှမ်းစာအနေနဲ့ ရေးခဲ့တာပါ ကံမကောင်းစွာနဲ့ သူဒီစာကို ရသင့်တဲ့အချိန်မှာ ချက်ချင်းမရခဲ့ဘဲ မသမာသူတစ်ဦးရဲ့လက်ချက်ကြောင့် နှစ်ပေါင်း ၄၀အကြာမှသာ လက်ခံရရှိခဲ့ပါတယ် သူ့ဘဝကို ပရိသတ်တွေစိတ်တိုင်းကျရင်ပြီး‌ရော ဖြစ်သလိုနေနေတဲ့ ဒန်နီကောလင်းတစ်ယောက် ဒီအသက်အရွယ်မှာ ဒီစာကိုမြင်မှ အသိတရားရပြီး လွဲမှားနေခဲ့တဲ့သူ့ဘဝကို ပြန်ပြင်ဆင်ဖို့ဆိုပြီး စိုင်းပြင်ပါတော့တယ် ခြေလှမ်းအစအနေနဲ့ သူလှမ်းဖို့ပြင်ခဲ့တာက သူတစ်ခါမှမမြင်ဖူးတဲ့ သူ့ရဲ့တရားမဝင်သားဖြစ်သူဆီ သွားတွေ့ဖို့ပါ သွားတွေ့တဲ့အချိန်မှာတော့ သားဖြစ်သူက တစ်သက်လုံးနေလို့တစ်ခါတောင်မလာတဲ့သူ့ကို မကြိုဆိုနေခဲ့ပါဘူး အဖြစ်က ထင်ထားသလိုမလွယ်ကူတဲ့အခါမှာ ဒန်နီကောလင်းတစ်ယောက် သူ့သားနဲ့သင့်မြတ်အောင် ဘယ်လိုကြိုးစားမလဲ သူ့ဘဝကို သူဖြစ်ချင်ခဲ့တဲ့အတိုင်း ရှေ့ဆက်မလားဆိုတာကို ဟာသလေးနှောပြီး ကြည့်ရှုခံစားလိုက်ကြပါခင်ဗျာ File size…(1.6 GB)/(700 Mb) Quality….Blu-Ray 1080p / 720p Format… mp4 Duration…. 01:46:00 Genre... Comedy, Drama, Music Subtitle….Myanmar Subtitle (Hardsub) Encoder….Garfield Translated by Khey Ki