Duke Nicholson ပါဝင်သော ဇာတ်ကားများ

The Deputy (2026) +++++++++++ ဒီကားဟာ ဒါရိုက်တာ Matt Sukkar ရဲ့ ပထမဆုံး ရိုက်ကူးတင်ဆက်မှုဖြစ်ပြီး ၂၀၂၆ ခုနှစ်၊ စက်တင်ဘာလ ၂၅ ရက်မှာ ထွက်ရှိထားတဲ့ Crime-Thriller / Black Comedy ရုပ်ရှင်ကားဖြစ်ပါတယ်။ စာရေးဆရာ Victor Gischler ရဲ့ ၂၀၀၉ ခုနှစ်ထွက် နာမည်ကြီးဝတ္ထုကို အခြေခံထားပြီး ဇာတ်ညွှန်းကို Carlo Bernard က ရေးသားထားတာ ဖြစ်ပါတယ်။ မြို့ငယ်လေးတစ်မြို့ရဲ့ ရုပ်ပျက်ဆင်းပျက်ဖြစ်ရပ်တွေ ပြည့်နှက်နေတဲ့ညတစ်ညအတွင်းက အတွေ့အကြုံကို ရိုက်ကူးထားတာ ဖြစ်ပါတယ်။ အချိန်ပိုင်း အလုပ်ဝင်ထားတဲ့ ရဲအရာရှိသစ် Toby Sawyer (Duke Nicholson) ကို ရဲမှူးကြီး Krueger (William H. Macy) က မှုခင်းဖြစ်ပွားရာနေရာမှာ ဆရာဝန်ရောက်မလာမီအထိ အလောင်းကို စောင့်ကြပ်ဖို့ တာဝန်ပေးခဲ့ပါတယ်။ ဒါပေမဲ့ တာဝန်ကျပြီး တစ်နာရီအကြာမှာပဲ စောင့်ကြပ်နေတဲ့အလောင်းဟာ လျှို့ဝှက်ဆန်းကြယ်စွာ ပျောက်ဆုံးသွားခဲ့ပါတယ်။ Toby ဟာ အလောင်းကို ရအောင် ပြန်ရှာဖွေရင်းကနေ မြို့ကလေးမှာ ဆယ်စုနှစ်ပေါင်းများစွာ ဖုံးကွယ်ထားတဲ့လာဘ်ပေးလာဘ်ယူမှုတွေ၊ တရားမဝင်ရွှေ့ပြောင်းနေထိုင်သူတွေ ပြည့်နှက်နေတဲ့ကုန်ကားကြီးတစ်စီး၊ ဝှက်ထားတဲ့ငွေထုပ်တွေနဲ့ ရန်လိုနေတဲ့မြို့ခံတွေရဲ့အမှောင်ဘက်ခြမ်း စတာတွေကို မထင်မှတ်ဘဲ စတင်ဖော်ထုတ်မိသွားပါတယ်။ ဒုရဲမှူး Billy Banks (Stephen Dorff) အပါအဝင် အာဏာပိုင်တချို့က ဒီကိစ္စကို ခေါင်းရှောင်ဖုံးကွယ်ဖို့ ဖိအားပေးလာတဲ့အခါမှာတော့ Toby ဟာ မိမိမှာ အပြစ်မရှိကြောင်းနဲ့ နာမည်မှန်ကို ပြန်လည်ရှင်းလင်းနိုင်ဖို့အတွက် ဒုရဲမှူး Amanda Jackson (Tiffany Haddish) နဲ့ပူးပေါင်းပြီး အမှန်တရားအတွက် တိုက်ပွဲဝင်ရတော့မှာ ဖြစ်ပါတယ်။ File Size… (1.53GB) / (650MB) Quality… WEB-DL 1080p HEVC / 720p Format…mkv / mp4 Duration…2h 9m Genre …Action , Thriller Subtitle….Myanmar Subtitle (Hard Sub)

In the Hand of Dante (2026) အမေရိကန်ဂျာနယ်လစ်စာရေးဆရာကြီးနစ်ခ်တော်ရှေးရဲ့ နာမည်ကြီးဝတ္ထုကို ဂန္ထဝင်ဇာတ်ကောင်တွေအကြောင်း လှလှပပ ပုံဖော်ပြတတ်တဲ့ ဒါရိုက်တာကြီး ဂျူလီယန်ရှနာဘဲလ် အသက်သွင်းရိုက်ကူးပြီး အော်စကာအိုင်းဆက်၊ အယ်လ်ပချီနို၊ ဂျရက်ဒ်ဘတ်တလာ၊ ဂျွန်မယ်လ်ကိုဗစ်ချ်တို့လို့ ဆရာ့ဆရာကြီးတွေပါဝင်ထားတဲ့ရုပ်ရှင်သစ်ကို တင်ဆက်ပေးလိုက်ပါတယ်။ ဒန်တေးဆိုတာ အီတလီစာပေလောကရဲ့ ဖခင်ကြီးလို့ပြောလို့ရတဲ့ ၁၃ ရာစုတုန်းက ကဗျာဆရာကြီးတစ်ယောက်ပါ။ The Divine Comedy ဆိုတဲ့ ကဗျာရှည်ကြီးဟာ သူရေးခဲ့တဲ့ကဗျာတွေထဲမှာ အကောင်းဆုံးလက်ရာလို့ပြောလို့ရပါတယ်။ နစ်ခ်တော်ရှေးဟာ နယူးယော့ခ်မြို့က စာရေးဆရာတစ်ယောက် ဖြစ်ပြီး ဒန်တေးရဲ့ ကဗျာတွေအပေါ် အစွဲအလမ်းကြီးသူပါ။ သူ့ရဲ့ ဒန်တေးအပေါ်စွဲလန်းမှုကို အခွင့်ကောင်းယူပြီး မာဖီယားဂိုဏ်းချုပ်ကြီး ဂျိုးဘလက်ခ်ဟာ ဗာတီကန်ရဲ့ လျှို့ဝှက်မော်ကွန်းတိုက်ထဲကနေ ပျောက်ဆုံးသွားတဲ့ ဒန်တေးရဲ့ The Divine Comedy မူရင်းလက်ရေးစာမူကို စစ်ဆေးအတည်ပြုပြီး မာဖီယားတွေအတွက် ခိုးယူပေးဖို့ နစ်ခ်ကို အကျပ်ကိုင်စေခိုင်းဖို့လုပ်ပါတယ်။ ဒီနောက်မှာတော့ နစ်ခ်ဟာ သွေးဆာနေတဲ့ လူသတ်သမား လူဝီနဲ့အတူ အန္တရာယ်များတဲ့ အမှောင်လောကထဲမှာ ကျင်လည်ရပုံကို စိတ်လှုပ်ရှားဖွယ် ကြည့်ရှုခံစားကြရမှာပါ...။ File size…    12.48 GB Quality… WEB-DL 1080p Format… mp4 Duration…. 2h 33m Genre ..... Drama , Crime Subtitle…. Myanmar Subtitle (Hard Sub)

Crisis (2021) IMDb Rating - 6.1/10 ဘိန်း စကားလုံးတစ်လုံးလေးပေမယ့် တစ်လောကလုံးကို ချုပ်ကိုင်ပစ်နိုင်တယ်။ ဒီဘိန်းကြောင့် အမေရိကန်ပြည်ထောင်စု ဒေသတစ်ခုမှာနေထိုင်သူ မိခင်တစ်ယောက် သူချစ်ရတဲ့ သားကို ရုတ်တရက်ဆုံးရှုံးလိုက်ရတယ်၊ ဒီဘိန်းကြောင့် တက္ကသိုလ်က ဇီဝဗေဒပညာရှင်တစ်ယောက် ရာထူးပြုတ်ပြီး အလုပ်လက်မဲ့ဖြစ်လုနီးပါး အခြေအနေကို ကြုံနေရတယ်၊ ဒီဘိန်းကြောင့် လူဆိုးဖမ်းချင်တဲ့ အက်ဖ်ဘီအိုင်အေးဂျင့်တစ်ယောက် ဘိန်းကုန်သည်ယောင်ဆောင်ပြီး အသက် အန္တရာယ်ရှိတဲ့ဘ၀ကို နေထိုင်နေရတယ်၊ ဒီဘိန်းကြောင့် မိန်းကလေးတစ်ယောက်ရဲ့ ဘ၀ဟာ လမ်းပျောက်လုနီးပါးဖြစ်နေရတယ်၊ ဒီဘိန်းကြောင့် လောဘသားတွေ အတောမသတ်နိုင်သလို အပြစ်မရှိတဲ့သူတွေပါ သေဆုံးနေရတယ်၊ ဒီအကြောင်းအရာတွေအားလုံးရဲ့ တစ်ခုတည်းသော တရားခံက ဘိန်းပဲ . . . ဒီတော့ ဒီပြဿနာကို ဘယ်လိုဖြေရှင်းကြမလဲ လူ ၃ ယောက် ကြုံရတဲ့ မတူညီတဲ့ အခြေအနေတွေကို ချိတ်ဆက်ရိုက်ပြထားပြီး အင်မတန်မှ စိတ်၀င်စားဖို့ ကောင်းပါတယ်။ − မင်းသားကြီး Gary Oldman − Social Network , Call Me by Your Name တို့နဲ့ လူသိများတဲ့ Armie Hammer − မင်းသမီးကြီး Evangeline Lilly တို့က အဓိကပါ၀င်သရုပ်ဆောင်ထားပါတယ်။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ Yoon Sandi Aung ပဲဖြစ်ပါတယ်။) Quality – 1080p, 720p WebRip Duration - 1h 58min Subtitle – Myanmar Hardsub Format – Mp4 Genre : Drama, Thriller Source : 1080p.WebRip Translator – Yoon Sandi Aung Encoder – SWM

Adelaide ဆိုတဲ့ မိန်းကလေးတစ်ယောက်နဲ့ ဇာတ်လမ်းစပါတယ်။ သူငယ်ငယ်က မိဘတွေနဲ့ Santa Cruz ကမ်းခြေမှာ အပန်းဖြေထွက်ရင် တစ်ယောက်ထဲ လျှောက်သွားရာက လမ်းပျောက်သွားတယ်။ Hall of Mirrors ထဲရောက်သွားပြီး အထဲမှာ သူနဲ့ တစ်ထေရာထဲတူတဲ့ ကလေးမလေးတစ်ယောက်နဲ့ တွေ့ခဲ့ရတယ်။ အဲအတွက် Adelaide ဟာ စိတ်ဒဏ်ရာတွေရပြီး တော်တော်ကြာစကားမပြောတတ်တော့ပါဘူး။ မိဘတွေက ဆရာဝန်တွေနဲ့ပြပြီး သူ့စိတ်ပုံမှန်ပြန်ဖြစ်အောင် ဝိုင်းကြိုးစားခဲ့ရတယ်။ အခုလက်ရှိအချိန်ရောက်လာတော့ လင်နဲ့ သားနဲ့ဖြစ်နေပါပြီ။ကလေး ၂ ယောက်ရနေတဲ့အထိ Adelaide က traumatic ဖြစ်နေတုန်းပါ။ သားဖြစ်သူ Jason က ကမ်းခြေသွားချင်တယ်ဆိုလို့မသွားချင်သွားချင်နဲ့ လိုက်သွားခဲ့တယ်။ဒါပေမဲ့ သူ့စိတ်ထဲမှာကြောက်နေတုန်း။ညကျတော့ သူ့ယောကျင်္ားကို သူငယ်ငယ်ကအကြောင်း ပြောပြတယ်။ အဲဒီ သူနဲ့တစ်ပုံတည်းဖြစ်နေတဲ့ ကောင်မလေးက သူ့ကိုဒုက္ခပေးဖို့ ရောက်လာတော့မယ်လို့ ခံစားနေရတယ်ဆိုပြီး။ မကြာပါဘူး သူတို့မိသားစုနဲ့ တစ်ပုံထဲတူတဲ့ လူတစ်အုပ်ရောက်လာ ခဲ့သောအခါမှာတော့.... (ရုပ်ရှင်အညွှန်းအား DatShin Page မှ ကူးယူဖော်ပြပါသည်။ ) (စပွိုင်လာဖြစ်မှာစိုး၍ ပိုစ်အား အနည်းငယ်ဖြတ်တောက်ထားပါသည်) ရုပ်ရှင်အား Little Neo မှ ဘာသာပြန်ပေးထားပါတယ်