ဒါရိုက်တာမိန်းမငယ်တစ်ယောက်ဟာ ၁၉၇၆ ခုနှစ်က ဘန်ကောက်မြို့ သမ်မာဆတ်တက္ကသိုလ်မှာ ဖြစ်ပွားခဲ့တဲ့ ကျောင်းသားသပိတ်အကြောင်း ရုပ်ရှင်ရိုက်ဖို့ ကြိုးစားနေပါတယ်။ သူရိုက်ချင်တာက အဲဒီအချိန်တုန်းက သပိတ်ခေါင်းဆောင်ဖြစ်ခဲ့တဲ့ အမျိုးသမီးတစ်ယောက်ရဲ့ ဇာတ်လမ်းပါ။ ကျောင်းသားသပိတ်နဲ့ လူမဆန်တဲ့ သတ်ဖြတ်မှုတွေရှိခဲ့တဲ့ အတိတ်ကို အမှတ်တရအပိုင်းအစတွေကနေ ပြန်လည်ကြည့်ရှုထားပါတယ်။ ဇာတ်လမ်းက ဒါရိုက်တာမိန်းမငယ်တစ်ယောက်တည်းရဲ့အကြောင်းနဲ့ မပြီးသွားပါဘူး။ ခြံလုပ်သားဘဝကနေ နာမည်ကြီးသရုပ်ဆောင်ဖြစ်လာတဲ့ လူငယ်တစ်ယောက်၊ အလုပ်တွေ ဆက်တိုက်ပြောင်းနေတဲ့ သာမန်မိန်းကလေးတစ်ယောက်တို့ရဲ့ ဖြတ်သန်းမှုတွေကိုပါ အပိုင်းအစတွေအဖြစ် တွဲဖွဲ့ထားတယ်။ အဖြစ်အပျက်တွေကို အစအဆုံး ရှင်းပြပေးတဲ့ပုံစံမျိုးမဟုတ်ဘဲ ကြည့်သူက အချိန်ယူပြီး အပိုင်းအစတွေကို ဆက်စပ်စဉ်းစားရတဲ့ ရုပ်ရှင်ပါ။ ထိုင်းနိုင်ငံရဲ့ သမိုင်းဖြစ်ရပ်ကို အခြေခံထားပေမယ့် တင်ပြပုံက နှေးကွေးပြီး ရုပ်ရှင်ပွဲတော်တွေမှာ တွေ့ရတတ်တဲ့ ဇာတ်လမ်းပြောဟန်ကို သုံးထားပါတယ်။
ဇာတ်ကားကြည့်ရန်