Elizabeth Perkins ပါဝင်သော ဇာတ်ကားများ

The Housemaid (2025) IMDb Rating (7.0) / Rotten Tomatoes (74%) Freida McFadden ရဲ့ bestseller စာအုပ်ကို ပြန်ရိုက်ထားတဲ့ Psychological Thriller ကားကောင်းလေးပါ။ မင်းသမီးချော Sydney Sweeney နဲ့ Amanda Seyfried တို့ အဓိကပါထားတော့ သရုပ်ဆောင်ပိုင်းကတော့ ပြောစရာမလိုလောက်အောင် ရှယ်ပဲ။ ဆစ်ဒနီရဲ့ အဖော်အချွတ်အခန်းတွေ ပါနေတာကြောင့် မျက်စိရှက်ရမှာစိုးရင် မကြည့်တာကောင်းပါတယ်။ ဇာတ်လမ်းအကျဉ်း Millie (Sydney Sweeney) ဆိုတဲ့ ကောင်မလေးက ထောင်ကလွတ်လာကာစ အလုပ်အရမ်းလိုနေတဲ့အချိန်မှာ Winchesters ဆိုတဲ့ သူဌေးအိမ်မှာ အိမ်ဖော်လုပ်ဖို့ ကံကောင်းပြီး အလုပ်ရသွားပါတယ်။ အိမ်ရှင်မ Nina (Amanda Seyfried) ကတော့ စိတ်မမှန်ဘဲ အရမ်းကိုပြဿနာရှာတတ်တဲ့သူပါ။ Millie ကို နိုင်စားလိုက်၊ ကောင်းပြလိုက်နဲ့ အမျိုးမျိုးလုပ်နေပါတယ်။ Nina ရဲ့ယောကျာ်း Andrew ကတော့ ရုပ်ချော၊ သဘောကောင်းပြီး Millie ဘက်ကနေတောင် ကာကွယ်ပေးသေးတဲ့ လူကောင်းပါ။ ဒါပေမဲ့ ဒီအိမ်ကြီးထဲမှာ မြင်နေရတာတွေက အမှန်တရားမဟုတ်ဘူး။ Nina က တကယ်ရော "ငတုံး" မို့လို့ ဒီလိုတွေ လုပ်နေတာလား၊ ဒါမှမဟုတ် တခြား plan တစ်ခုခု ရှိနေတာလားဆိုတာ စောင့်ကြည့်ရမယ့်ကားမျိုး။ Millie မှာလည်း ဘယ်သူမှမသိတဲ့ အတိတ်ဆိုးတစ်ခု ရှိနေပြန်တော့ ဒီမိန်းမနှစ်ယောက်ကြားက အားပြိုင်မှုတွေ၊ လှည့်ကွက်တွေကို စိတ်ဝင်စားစရာ ကြည့်ရမှာ။ Plot Twist တွေကြိုက်တဲ့သူတွေဆိုရင်တော့ ဒီကားကို လက်လွှတ်မခံသင့်ပါဘူး။ ဇာတ်လမ်းက အလှည့်အပြောင်းတွေများလို့ ပေါ့ပေါ့ပါးပါးကြည့်လို့ကောင်းမယ့် Thriller ကားတစ်ကားပါ။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (7.8 GB) / (1.7 GB) / (1 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Mystery,Thriller Duration…. 02:11:32 Subtitle…. Myanmar Subtitle (Hardsub)

Another Simple Favor (2025) IMDb Rating (5.3) / Rotten Tomatoes (66%) ဒါကတော့ A Simple Favor 2018 ရဲ့ Sequel ပါ။ ပထမ movie ဖြစ်ပြီးကာလ ငါးနှစ်အကြာမှာ ဇာတ်အိမ်တည်ထားပြီး စတစ်ဖနီစမတ်တာက မှုခင်းအစစ်အမှန်ဘလောကာတစ်ယောက်ဖြစ်နေပါပြီ။ သူနဲ့အမ်မလီနဲဆွန်ရဲ့ ဆက်ဆံရေးနဲ့ အမ်မလီထောင်ထဲ၀င်ခဲ့ရတဲ့အကြောင်းတွေကို စာအုပ်ထုတ်ထားပြီး အောင်မြင်နေပါတယ်။ ဒါပေမဲ့ သူ့စာဖတ်ပွဲမှာ ထောင်ထဲမှာရှိနေရမယ့် အမ်မလီက ခံ၀န်နဲ့လွတ်လာကာ ဗြုန်းစားကြီးရောက်ချလာပြီး အီတလီသူဌေးတစ်ယောက်နဲ့အကြောင်းပါပြီး လက်ထပ်တော့မှာမို့လို့ဆိုပြီး စတစ်ဖနီကို လက်ထပ်ပွဲမှာ သူ့သတို့သမီးအရံနဲ့ဖိတ်ပါတယ်။ သူ့ကိုလက်စားချေမယ်လို့ထင်နေတဲ့ စတစ်ဖနီက မသွားချင်ပေမယ့် အမ်မလီက အကျပ်ကိုင်သွားတာကြောင့် ကာပရီကလက်ထပ်ပွဲကို သွားရဖို့ဖြစ်လာပါတယ်။ အမ်မလီ သူ့ကိုဖိတ်ရတဲ့ အကြောင်းရင်းက သူတကယ်ပဲပြောင်းလဲသွားလို့လား ဒါမှမဟုတ် လက်စားချေချင်လို့ပဲလားဆိုတာကိုတော့ ကိုယ်တိုင်ပဲကြည့်လိုက်ကြပါ။ Cast တွေ‌အနေနဲ့ကတော့ အမ်မလီအနေနဲ့ Blake lively , စတစ်ဖနီအနေနဲ့ Anna Kendrick , အမ်မလီရဲ့ခင်ပွန်းလောင်း ဒန်တီ အနေနဲ့ကတော့ Michele Morrone ကပါ၀င်ထားပါတယ်။ (အညွှန်းနဲ့ဘာသာပြန်ကတော့ Phu Thet Khin ဖြစ်ပါတယ်။) File size… (7.5 GB) / (2.7 GB) / (1.3 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Comedy, Crime, Mystery, Thriller Duration…. 02:02:42 Subtitle…. Myanmar Subtitle (Hardsub) Encoder…. Benjamin Translated by Phu Thet Khin

မိုင်းစ်မိုရားလစ်စ်ဟာ အပြိုင်စကြဝဠာတွေက သူငယ်ချင်းတွေနဲ့ ခွဲခွာပြီးနောက် မတွေ့ရတာ ကြာနေပါပြီ။ သူက သတိရနေပေမယ့် တစ်ယောက်မှ လာမတွေ့ဖြစ်ကြဘူး။ တစ်နေ့မှာ အပြိုင်စကြဝဠာတွေကြား ခရီးသွားနိုင်တဲ့ စပေါ့ဆိုတဲ့ ဗီလိန်နဲ့ ရင်ဆိုင်ရဖို့ ဖြစ်လာပါတယ်။ အဲဒီအချိန်မှာပဲ စပိုက်ဒါဂွမ်နဲ့ ပီတာပါကာတို့ကို ပြန်တွေ့ရပြီး အပြိုင်စကြဝဠာတွေကို စောင့်ရှောက်တဲ့အဖွဲ့ခေါင်းဆောင် မီဂဲဆီ ရောက်သွားတယ်။ အဲဒီမှာ စကြဝဠာပေါင်းစုံက စပိုက်ဒါမန်းတွေ ရာထောင်ချီ တွေ့လာရတော့မှာပါ။ ၂၀၁၈ ခုနှစ် Spider-Man: Into the Spider-Verse ရဲ့ အဆက်ဖြစ်ပြီး မိုင်းစ်ရဲ့ စကြဝဠာစုံခရီးကို ဆက်တင်ဆက်ထားပါတယ်။

The After-party  Season 1 (2022) ခုတစ်ခေါက် တင်ဆက်ပေးမယ့်ကားလေးကတော့ လတ်တလောထွက်ရှိနေတဲ့ ပဟေဠိ‌ပေါင်းများစွာပါ၀င်တဲ့ မှုခင်းကားကို ဟာသနှောပြီး ရိုက်ကူးထားတဲ့ "The After-party" ဆိုတဲ့ စီးရီးလေးပဲဖြစ်ပါတယ် အထက်တန်းတုန်းက ကျောင်းသားဟောင်း‌တွေရဲ့ ပြန်လည်တွေ့ဆုံပွဲမှာ မထင်မှတ်ပဲ နာမည်ကြီးအနုပညာရှင်တစ်ယောက် ချောက်ကမ်းပါးပေါ်ကပြုတ်ကျ သေဆုံးမှုဖြစ်ပွားခဲ့ပါတယ်။ လူသတ်မှုမှန်း စုံထောက်ဒန်နာသိလိုက်ရတဲ့အချိန်မှာ လက်ထောက်ဖြစ်တဲ့ ကော့ပ်နဲ့ ပွဲတက်သူအားလုံးကိုစပြီး စစ်ဆေးမေးမြန်းပါတော့တယ်။ အားလုံးကလည်း ကိုယ့်နေရာကနေ ကိုယ့်ရှူထောင့်ကနေ ကိုယ့်ဖြစ်ရပ်တွေ‌ကိုပြောပြကြတော့ မတူညီတဲ့ဇာတ်ကြောင်းတွေထွက်လာတဲ့အခါမှာတော့ စုံထောင်ဒန်နာ အမှုကို ဘယ်လိုဖြေရှင်းမလဲ။ လူသတ်သမားက ဘယ်သူမှန်းရေရေရာရာမသိကြပဲ ဖော်ထုတ်ရင်းနဲ့ နောက်ဆုံး ဘယ်သူက လူသတ်သမားဖြစ်နေမလဲဆိုတာကို ပဟေဠိပေါင်းသောင်းခြောက်ထောင်နဲ့ ဟာသနှောပြီး ရိုက်ကူးတင်ဆက်ထားတာကြောင့် ပေါ့ပေါ့ပါးပါးကြည့်ရမယ့်မှုခင်းကားတစ်ကားပဲဖြစ်ပါတယ် File Size – 300MB@Episode Quality – 720p WEB DL AAC 5.1CH  Duration – 35minute (@Episode) Total Episodes: 8Eps Subtitle – Myanmar Hardsub Format – Mp4 Genre : Comedy , Crime , Mystery Translator – Allena & Honeyey & Yate Encoder – YK The Afterparty Season 2 (2023) ပွဲအပြီးပါတီတိုင်းမှာ လူသတ်မှုနဲ့နှစ်ပါးသွားပြီး စပရိုက်အကြီးကြီးတိုက်ခံရတတ်တဲ့ afterparty s2 ထွက်ရှိလာပါပြီ။ s1 တုန်းကလိုပဲ s2မှာလည်း ပါတီမှာပျော်ပါးပြီးနောက်မှာ ဘယ်လိုစပရိုက်တိုက်ခံရမလဲဆိုတာကို အားလုံးအတူကြည့်ရှုအဖြေရှာလိုက်ရအောင်ပါ။ S1တုန်းက သူများနဲ့ညားတဲ့ငါ့ခရက်ရှ်ကို နောက်ဆုံးမှာပိုင်ဆိုင်လိုက်ရတဲ့ ဇာတ်လိုက်ကျော်ကြီး Aniq တစ်ယောက် ချစ်သူလေး Zoe နဲ့အတူ Zoe ညီမ Grace ရဲ့ မင်္ဂလာပွဲကို လာတာနဲ့ အစပျိုးထားပါတယ်။ မင်္ဂလာပွဲဆိုတော့ Zoe ရဲ့ အဖေနဲ့အမေကို တွေ့ရတော့မယ်ဆိုတဲ့အသိနဲ့တင် Aniq တစ်ယောက် ချွေးပြန်နေပါပြီ။ ဘာလို့လဲဆိုတော့ ညီမဖြစ်သူရဲ့မင်္ဂလာပွဲမှာပဲ အစ်မကိုပါ လက်ထပ်ခွင့်တောင်းဖို့ စီစဉ်ထားခဲ့တာဆိုတော့ Zoe ရဲ့ အဖေနဲ့အမေခွင့်ပြုရေး၊ ရွှေသားမက်လောင်းအဖြစ် မျက်နှာရရေးတို့အရေးနဲ့ Aniq တစ်ယောက်ဗျာများနေတော့တာပေါ့။ စိုးရိမ်စိတ်တွေ ပူပန်မှုတွေကများ ဖြစ်ချင်တော့ Grace ရဲ့ခင်ပွန်းလောင်းဖြစ်တဲ့ Edgar ဟာ တော်တော်ကိုချမ်းသာတဲ့ ယောက္ခမမျက်နှာပန်းလှတဲ့ ရွှေသားမက်လေးဖြစ်နေပြန်တော့ မျက်နှာကောင်းရချင်‌ပေမဲ့အ‌ယောင်‌ယောင်အမှားမှားနဲ့ Aniqတစ်ယောက် ဖွဲဆန်ကွဲဘဝ ရောက်နေပါသတဲ့။ ဒီလိုနဲ့ပဲမင်္ဂလာညစာစားပွဲအပြီး နောက်တစ်နေ့မနက်မှာ အသစ်စက်စက်သတို့သား Edgarကို ကုတင်ပေါ်မှာသေဆုံးလျက်တွေ့ရပြီး Edgar အမေက Grace ကို လက်ညှိုးထိုးလာချိန်မှာတော့... Aniq နဲ့ Zoe တို့ Grace ကို သံသယဝင်ခံနေရတဲ့အဖြစ်ကနေ ဘယ်လိုကယ်ဆယ်ကြမလဲ။ Edgarကိုသတ်သွားတဲ့လူကဘယ်သူလဲ။ s1 အပြီးမှာ စုံထောက်အလုပ်ကထွက်ပြီး s1 လူသတ်မှုအကြောင်းကို စာအုပ်ထုတ်မယ့် စုံထောက်ကြီး Danner ကရော ဒီအမှုမှာ ဘယ်လိုကူညီသွားမလဲဆိုတာကို အားလုံးအတူ ကြည့်ရှုလိုက်ရအောင်ပါ။ အညွှန်း နဲ့ ဘာသာပြန်ကတော့ Mary Christ ပဲ ဖြစ်ပါတယ်။ Genre..... Crime, Drama, Mystery Quality…. 1080p | 720p File size… 700MB | 35MB Format… mp4 Duration…. 40min Subtitle…. Myanmar Subtitle (Hardsub) Translator ..... Mary Christ Encoder ..... Aaron

IMDb - 7/10 ဟိုးရှေးရှေးတုန်းကပေါ့ ပိုနီလို့ ခေါ်ကြတဲ့ မြင်းပုမျိုးနွယ်စုလေး သုံးခုရှိကြတယ်။ အာသ့်ပိုနီလို့ ခေါ်တဲ့မြေလျှောက်မြင်းပုလေးတွေရယ် ယူနီကွန်း လို့ ခေါ်တဲ့ မှော်စွမ်းအား သုံးနိုင်တဲ့ ဦးချိုတစ်ချောင်း မြင်းပုလေးတွေရယ် ပဲဂစိုက် လို့ခေါ်တဲ့ မြင်းပုပျံလေးတွေ ရယ်ပေ့ါ သူတို့ဟာ လက်ရှိကာလမှာတော့ မျိုးနွယ်စုတွေက တစ်ခုနဲ့ တစ်ခု မတည့်ကြဘဲ အချင်းချင်း ကြောက်ရွံ့နေကြတယ်။ ဘာအကြောင်းကြောင့် စည်းလုံးမှု ပြိုကွဲပြီး အချင်းချင်း ကြောက်နေကြမှန်း မသိရပေမဲ့ အတိတ်ကာလတုန်းက သိပ်စည်းလုံးပြီး မိတ်ဆွေကောင်းတွေ ဖြစ် ဆက်ဆံရေးခိုင်မာကြတယ်လို့ ယုံကြည်တဲ့ အာ့သ်ပိုနီ ကတော့ ရှိနေခဲ့တယ်။ သူ့ရဲ့ ယုံကြည်မှုကို သူ့သမီးဖြစ်တဲ့ ဆန်နီ လေးကို လက်ဆင့်ကမ်းရင်း ည အိပ်ယာဝင်ပုံပြင်တွေ အဖြစ် ပြောပြခဲ့တယ်။ အဲဒီ ပုံပြင်တွေ အပေါ် ယုံကြည်သက်ဝင်တဲ့ ဆန်နီလေးတစ်ယောက် အခြားမျိုးနွယ်စု‌တွေကို လိုက်ရှာရင်း သူ့အဖေ ယုံကြည်ခဲ့တဲ့ ပြန်လည်ပေါင်းစည်းရေး အတွက်ကြိုးပမ်းရင်း ဒီစွန့်စားခန်းလေး ဖြစ်ပေါ်လာတော့တာပါပဲ။ Netflix က ဇာတ်လမ်း ဖြစ်တာကြောင့် ကျန်တဲ့ အပိုင်းကို သိပ်မညွှန်းတော့ပါဘူး။ မမေ့မလျော့ ပြောချင်တာက သီချင်းတွေ အရမ်းကောင်းတာပါ။ ခံစားကြည့်ကြပါဦး။ အညွှန်း နဲ့ ဘာသာပြန်ကတော့ Charm Wave ပဲ ဖြစ်ပါတယ်။ Quality….WEB-DL 1080p and 720p and 480p File size…1.6GB and 1GB and 467MB Format…mp4 Duration….1h 30mmin Subtitle….Myanmar Subtitle (Hardsub) Translator ..... Charm Wave Encoder ..... August

ဒီတစ်ခါမှာတော့ The​ Ring ဆိုတဲ့horror ကားကောင်းလေးကို တင်ဆက်ပေးပါရစေ တစ်ချို့သဘာဝလွန်ဖြစ်ရပ်တွေက တကယ်​ရှိတယ်​ မရှိဘူးပြောလို့မရဘဲ ကိုယ်တိုင်ကြုံတွေ့မှလက်ခံလို့ရတာမျိုးဗျ ဒီဇာတ်ကားလေးထဲမှာလည်းအဲလိုပဲ ရေချယ်လ်နဲ့သားဖြစ်သူ အေဒန်တို့ကြုံတွေ့နေရတဲ့ သဘာဝလွန်ဖြစ်ရပ်က ဘေးလူတွေ အတွက်တော့​ မယုံနိုင်စရာရူးကြောင်ကြောင်ပုံပြင်လိုပါပဲ ရေချယ်လ်ရဲ့သားဖြစ်သူအေဒန်ဟာ​ ဆမာရာဆိုတဲ့သေပြီးသား ကလေးမလေးရဲ့ဝိညာဥ်ပူးကပ်ခြင်းကိုခံနေရတာပါ ဒီလိုမျိုးပူးကပ်ခံရတာမှာအေဒန်ဟာပထမဆုံးကလေးတော့မဟုတ်ပါဘူး ရှေ့မှာလည်းအေဒန့်လိုမျိုးပူးကပ်ခံရတဲ့ကလေးတွေရှိပါသေးတယ် ကလေးတွေ​ကိုပူးကပ်တတ်တဲ့ဆမာရာဟာ စိတ်ကျဝေဒနာ ခံစားနေရတဲ့မိခင်ဖြစ်သူကြောင့် သေဆုံးခဲ့ရတဲ့ကလေးလေးပါ မိခင်ကောင်းတစ်ယောက်လိုချင်တဲ့ဆမာရာတစ်ယောက် ဝိညာဉ်​ ဘဝနဲ့ကလေးတွေကိုလိုက်ပူးကပ်ရင်းမိခင်ရဖို့ကြိုးစားရင်းနဲ့ အေဒန်ဆီကိုပူးကပ်ရာကနေ အေဒန်လေးဟာ လူတစ်ကိုယ် စိတ်နှစ်မျိုးလိုဖြစ်သွားတတ်ပါတယ် ဒီလိုဖြစ်ရပ်ကနေလွတ်မြောက်ချင်လို့ မူလနေထိုင်ရာမြို့က နေထွက်ပြေးတိမ်းရှောင်လာကြပေမယ့် အေဒန်ဟာ ဆမာရာရဲ့ ပူးကပ်မှုကိုမလွတ်မြောက်နိုင်ဘဲ ဘာတွေဆက်ဖြစ်မလဲဆိုတာကို အတူတူကြည့်လိုက်ရအောင်ပါ.... File size…2.26GB / 1.12GB Quality…Blu-Ray 1080p  / 720p Format…mp4 Duration….1h 50m Genre ….. Horror , Mystery Subtitle….Myanmar Subtitle (Hard Sub) Encoder….Min Wai Translated by Thura Mg Mg

အသစ်ဘယ်လောက်ကောင်းကောင်း အဟောင်းလေးကို မမှီဘူးဆိုတဲ့ စကားလေးအတိုင်းပါပဲ ဒီတစ်ခါတော့ CM ပရိတ်သတ်ကြီးအတွက် အဟောင်းထဲက အကောင်းလေး တစ်ကားကို ပြန်လည် တင်ဆက်လိုက်ပါတယ် ... နီမို (Nemo) ဆိုရင် မသိသူမရှိသလောက်ပါပဲ ... အောင်မြင်မှုများစွာကိုလည်း ရရှိခဲ့တဲ့ ရုပ်ရှင်ကားကောင်းတစ်ကားဖြစ်ခဲ့ပါတယ် ... ဇတ်လမ်းအကျဉ်းလေးကတော့ Clown fish လေး ဖြစ်တဲ့ မိတဆိုးသားလေး နီမိုတစ်ကောင် သူနေထိုင်ရာ သမုဒ္ဒရာကြီးထဲကနေ လူတစ်ချို့ဖမ်းဆီးခေါ်ဆောင်သွားခြင်းခံလိုက်ရတဲ့အခါ ဖခင်ဖြစ်သူက လိုက်လံရှာဖွေတဲ့ ဇာတ်လမ်းပဲဖြစ်ပါတယ်... ဒီသားပျောက်ရှာပုံတော်မှာ စွန့်စားခန်းတွေ တစ်လှေကြီးပါဝင်ပြီး ဇာတ်လမ်း ဇာတ်အိမ်ကောင်းကောင်းနဲ့ စိတ်ဝင်စားစရာလည်းကောင်းတာမို့ ပရိတ်သတ်တွေ သဘောကျနှစ်ခြိုက်ကြမှာ အသေအချာပါပဲ ... ဒီတော့ အားပေးကြပါဦး.. ဘာသာပြန်သူနဲ့အညွှန်းရေးသူကတော့ ရဲကျော်ထက်ဖြစ်ပါတယ် File size…  6.5 GB / 2.7 GB / 1.3 GB Quality… BluRay 4k / 1080p / 720p Format… mp4 , mkv Duration…. 1h 40m Genre .....  Animation , Adventure , Comedy Subtitle…. Myanmar Subtitle (Hard Sub) Encoder…. Thit San Khant Translated by Ye Kyaw Htet

ဒီကားလေးကတော့ဖြင့်အထူးတလည်ပြောစရာမလိုတော့ပါဘူး...ကျွန်တော်တို့ငယ်စဉ်ကလေးဘဝထဲကကြိုက်နှစ်သက်လာတဲ့ ချစ်စရာခွေးလေးတွေကြောင်လေးတွေပါတဲ့ကားလေးတစ်ကားပဲဖြစ်ပါတယ်... ကားဟောင်းလေးပေမယ့် ပြန်ပြီးသိမ်းထားသင့်တဲ့ ငယ်စဉ်ဘဝအမှတ်တရကားကောင်းလေးတစ်ကားဖြစ်ပါတယ်... ဒီကားလေးဟာ ကလေးလေးတွေကြားထဲမှာရေပန်းစားပုံတင်မက လူကြီးများပါနှစ်ခြိုက်အားပေးခဲ့ကြတဲ့ ရယ်စရာကားလေးတစ်ကားပဲဖြစ်ပါတယ်.... ဇာတ်လမ်းရဲ့ အစမှာတော့ ခွေးတွေကိုအမြဲအနိုင်လိုချင်စိတ်တွေရှိနေတဲ့ မစ္စတာတင်ကယ်ဆိုတဲ့ ကြောင်မိစ္ဆာလေး.... သူတို့ရဲ့ ပျောက်ဆုံးသွားတဲ့ အေးဂျင့်အသစ်နေရာမှာအစားထိုးခံလိုက်ရတဲ့ ခွေးကလေး လိုယူတို့..ဘယ်လို ပြိုင်ဆိုင်မှု့တွေနဲ့ချကြမလဲဆိုတာ ကြည့်ရမှာပဲဖြစ်ပါတယ်.... ဒီကားလေးကိုငယ်ငယ်ကဘာသာပြန်များနဲ့ကြည့်ရှု့ခဲ့ရပေမယ့် စိတ်တိုင်းမကျခဲ့လို အခုတော့ အကောင်းဆုံးမွန်းမံဘာသာပြန်မှု့များနဲ့ ပြန်ပြီးတင်ဆက်လိုက်ပါတယ်ဗျ... ဒီကားလေးရဲ့အားသာချက်တွေကတော့ လူတွေရဲ့ညစ်နေတဲ့စိတ်တွေကို ကြောင်လေးတွေခွေးလေးတွေရဲ့ချစ်စရာစကားပြောအသံလေးများနဲ့ ပျော်အောင်လုပ်ပေးထားတယ်ဆိုတာ ကြည့်ရှု့မယ့်သူများအားလုံးသိကြရမှာဖြစ်ပါတယ်....] File size…(724 MB ) Quality…BluRay 720p Format…mp4 Duration….01:27:15 Subtitle….Myanmar Subtitle (Hardsub) Translator…May Thazin Myint Encoder….Moe Myint Lwin

28 Days (2000) IMDb Rating (6.1) "28 Days" ဇာတ်ကားဟာ ၂၀၀၀ ခုနှစ်က ရိုက်ကူးခဲ့တဲ့ ဒရာမာနဲ့ ဟာသရောစပ်ထားတဲ့ ဇာတ်ကားတစ်ကားဖြစ်ပါတယ်။ ဇာတ်လမ်းထဲမှာ‌တော့ ဂွမ် ဟာ ပါတီပွဲတွေ၊ အရက်တွေနဲ့ ဘဝကို ဖြတ်သန်းနေသူဖြစ်ပါတယ်။ ဒါပေမယ့် တစ်နေ့မှာ သူမဟာ မတော်တဆမှုတစ်ခုကို ဖန်တီးမိပြီး နောက်ဆုံးမှာ ပြန်လည်ထူထောင်ရေးစင်တာကို ရောက်ရှိသွားပါတယ်။ ဒီနေရာမှာ ဂွမ် ဟာ သူမရဲ့ ဘဝကို ပြန်လည်သုံးသပ်ပြီး ကိုယ့်ကိုယ်ကို ပြန်လည်ရှာဖွေရတဲ့ ခရီးကို စတင်ပါတယ်။ ဇာတ်ကားထဲမှာ ဂွမ် ရဲ့ ဇာတ်ရုပ်ဟာ ပြောင်းလဲမှုတွေ၊ စိန်ခေါ်မှုတွေကို ရင်ဆိုင်ရပြီး သူမရဲ့ အားနည်းချက်တွေကို လက်ခံပြီး ကျော်လွှားနိုင်တဲ့ ဇာတ်ကောင်တစ်ယောက်ဖြစ်လာပါတယ်။ သူမရဲ့ ခံစားချက်တွေ၊ ရုန်းကန်မှုတွေကို ဇာတ်ကားက ရိုးရိုးသားသား ဖော်ပြထားပါတယ်။ ဒီဇာတ်ကားဟာ ပြန်လည်ထူထောင်ရေးနဲ့ ကိုယ့်ကိုယ်ကို ပြန်လည်ရှာဖွေတဲ့ ဇာတ်လမ်းကို ရိုးရှင်းစွာနဲ့ စိတ်ဝင်စားဖွယ်ရာ ဖော်ပြထားတဲ့ ဇာတ်ကားတစ်ကားဖြစ်ပါတယ်။ Sandra Bullock ရဲ့ သရုပ်ဆောင်မှုက ဇာတ်ကားကို ပိုမိုအသက်ဝင်စေပြီး ဇာတ်ကားကြည့်ပြီးရင် ကိုယ့်ဘဝကို ပြန်လည်သုံးသပ်မိစေမယ့် အတွေးတွေကို ပေးစွမ်းနိုင်ပါလိမ့်မယ်။ (အညွှန်းနဲ့ဘာသာပြန်ကတော့ Ivy Noe ဖြစ်ပါတယ်။) File size…(2.2 GB) / (1.2 GB) Quality….Blu-Ray 1080p HEVC / 720p Format…. mkv/mp4 Genre….Comedy, Drama Duration….01:44:26 Subtitle….Myanmar Subtitle (Hardsub) Encoder….Benjamin Translated by Ivy Noe

Big (1988) IMDb (7.3)......Rotten Tomatoes (93%) ၁၉၈၈ ခုနှစ်မှာ မင်းသားကြီး Tom Hanks ဟာ အသက် ၃၂ နှစ်ပဲ ရှိပါသေးတယ်။ မင်းသားကြီးလည်း မဖြစ်သေးပါဘူး။ Big ဟာ Tom Hanks ကို အခုလို စူပါမင်းသားဖြစ်လာအောင် တွန်းပို့ပေးလိုက်တယ်ပြောလို့ရပါတယ်။ ဇာတ်လမ်းက ရှင်းရှင်းလေးပါပဲ။ ကျနော်တို့ ကလေး ဘဝတုန်းက လူတိုင်းလိုလို ခံစားဖူးခဲ့ကြတဲ့ "လူကြီးဖြစ်ချင်တယ်" ဆိုတဲ့ ခံစားချက်လေး အပေါ်မှာ ရေးဖွဲ့ထားတယ်။ ၁၃ နှစ်အရွယ်ကောင်လေးတစ်ယောက် ကလေးဘဝမှာ မနေချင်တော့ဘဲ လူကြီးဖြစ်ချင်တယ်ဆိုတဲ့ ဆုတောင်းလေးပြည့် သွားပြီး နေ့ခြင်းညခြင်းပဲ အသက် ၃၀ အရွယ် လူကြီးကြီး ဖြစ်လာတယ်။ ခန္ဓာကိုယ်ကသာ လူကြီး ဖြစ်လာပေမယ့် စိတ်ကတော့ ၁၃ နှစ်ပဲရှိသေးတာပေါ့။ ဒါပေမယ့် လူကြီးဘဝ ဟာ ထင်ထားသလို မဟုတ်ပဲ စိတ်ညစ်စရာတွေလည်းတွေ့လာ တော့ ကလေးဘဝကိုပဲ ပြန်နေချင်လာတော့တယ်။ Tom Hanks သရုပ်ဆောင်ကောင်းတာကတော့ အထူးတလည်ပြောနေစရာမလိုဘူး။ အမူအရာ တွေတင်မကဘူး သူ့ရဲ့ အကြည့်တွေ စိတ်ခံစားချက်တွေကပါ Josh ဆိုတာ လူကြီး ခန္ဓာကိုယ်ဖဲရောက်နေတဲ့ ကလေးလေးပဲဆိုတာ ပရိတ်သတ်က အဆုံးထိ ယုံကြည်ထားနိုင်စေခဲ့တယ်။ ဒီပို့စ်မှာ တစ်ကယ်ဆွေးနွေးလိုတာကတော့ Big ရဲ့ ဇာတ်ညွှန်းပဲ။ အထူးသဖြင့် ခုထိ ထွက်နေတဲ့ မြန်မာကားတွေ နဲ့ နှိုင်းယှဉ်ကြည့်ချင်တာ။ မြန်မာဇာတ်ညွှန်းအများစုဟာ ဇာတ်ကောင်တွေရဲ့ စိတ်အခြေအနေတွေ၊ တွေးနေတာတွေကို ဖော်ပြမယ်ဆိုရင် စကားပြောနဲ့ ဒါမှမဟူတ်ရင် အမူအရာ အပိုကြီးတွေနဲ့ ဖော်ပြတတ်ကြတယ်။ Big မှာတော့ ဒီလိုမဟုတ်ဘူး။ ရုပ်ရှင်အစပိုင်း 1st Act မှာအဓိကဇာတ်ကောင် Josh ကလေးဘဝမှာ စိတ်ညစ်ညူးရတာတွေကိုပြထားတယ်။ ဒီလိုပြတဲ့နေရာမှာ Josh အိမ်အလုပ်တွေ ဝိုင်းကူနေရတာတွေ၊ သူ့အခန်းသေးသေးလေးမှာ မွေးခါစ ညီမလေးနဲ့ တူတူနေရတာတွေ၊ သူ့ကြိုက်နေတဲ့ အတန်းကြီး ကောင်မလေးက အတန်းကြီးတဲ့ ကောင်လေးနဲ့ ပဲ တွဲခုတ်နေလို့ အလိူမကျဖြစ်ရတာတွေပြထားတယ်။ Josh ရဲ့ အမူအရာဟာလည်း သူ့ကလေးဘဝမှာ တွေ့နေရတာတွေကို စိတ်အလိုမကျတာထပ် ပိုမသွားဘူး။ Josh ဟာ သူ ကလေးဖြစ်ရတာ စိတ်ကုန်ကြောင်း ပါးစပ်ကနေ ထုတ်ဖော် ငြီးထွားနေတဲ့ အခန်းတွေမပါဘူး။ မြန်မာဇာတ်ညွှန်းမှာဆို ဘယ်လိုဖြစ်သွားမလဲ။ ငါကလေးဖြစ်ရတာ စိတ်ကုန်နေပြီကွာ ဆိုတဲ့ စကားမျိုး Josh ကနေ သူငယ်ချင်းတွေ ခဏခဏထုတ်ပြောမယ်။ အမူအရာတွေ သရုပ်ဆောင်တွေဟာ လိုတာထပ် အများကြီးကို ပိုနေမယ်။ Josh ရဲ့ character ဟာ ကလေးလေးတစ်ယောက် ဖြစ်မနေပဲ လူကြီးတစ်ယောက်လို စိတ်တွေညစ်နေမယ်။ Big မှာ Josh ရဲ့ စိတ်အနေအထားကို တိုက်ရိုက်ကြီး ဖော်ထုတ်မထားတဲ့ အတွက် ကြည့်နေသူအတွက် Josh နေရာမှာ ပိုပြီးခံစားရတာလွယ်လာတယ်။ Josh ခံစားနေသလိူ ငါလညါး ငယ်ငယ်က ခံစားဖူးပါလားဆိုတာမျိုးတွေ ပြန်မှတ်မိလာတယ်။ ဒီက ဇာတ်ညွှန်းတွေလို ဇာတ်ကောင်ရဲ့ ခံစားချက်ကို ပရိတ်သတ်ကို အတင်းကြီး ဇွန်းတပ်ကျွေးဖို့ ကြိုးစားမယ်ဆိုရင် Josh ရဲ့နေရာက ဝင်မခံစားမိပဲ Josh ရဲ့အကြောင်းကို ကြားလူတစ်ယောက် လာပြီး ပြောပြနေသလိုပဲဖြစ်မယ်။ ဇာတ်ကောင်နဲ့ ပရိတ်သတ်ကြားမှာ ဇာတ်ကောင်ရဲ့ အဖြစ်အပျက်တွေ၊ ခံစားချက်တွေအားလုံးကို လိုက်ရှင်းပြနေတဲ့ narrative ဆိုတဲ့ အတားအဆီးကြီးရှိနေတော့ ပရိတ်သတ်အနေနဲ့ ရုပ်ရှင်မှာ ပါဝင်စီးမျောသွားဖို့ဆိုတာ သိပ်ခက်သွားပြီ။ Big ရဲ့ 2nd နဲ့ 3rd act တွေမှာလည်း အရမ်းစိတ်ဝင်စားဖို့ကောင်းတဲ့ ဇာတ်ကောင်တွေရှိတယ်။ villain တွေပါလာသလို Josh အလုပ်ဝင်လုပ်မယ့် အရုပ်ကုမ္ပဏီ ပိုင်ရှင်ကြီး MacMillan တို့ပါဝင်လာတယ်။ MacMillan ဆိုတဲ့ဇာတ်ကောင်ဟာ စိတ်ကူးကောင်းကောင်း creativity ကောင်းကောင်းနဲ့ အရုပ်တွေထုပ်ပြီး အောင်မြင်လာတဲ့ သူဌေးကြီး။ သူက Josh ရဲ့ ကလေးဆန်တာ၊ လူကြီးဆန်ဆန် အလုပ်တွေကို နားမလည်တာ၊ စိတ်ထဲရှိရာ အကုန်ပြောတတ်တဲ့ သဘာဝကို သဘောကျလို့ ချက်ချင်း Josh ကို ရာထူးတွေတိုးပေးလိုက်သူကြီး။ ဒါတွေကို ကြည့်ရင် သူဌေးကြီးက စည်းမျဉ်းတွေ သိပ်ဂရုမစိုက်တတ်တဲ့ ပညာရှိတဲ့ သဘောကောင်းတဲ့ လူကြီးဆိုတဲ့ character ပေါ်လာတယ်။ သူ့ဇာတ်ကောင် ဝတ်စားထားတာတွေကအစ character ကို ပိုပေါ်အောင် အထောင်ကူပြုတယ်။ ဘီလျံနာသူဌေးကြီးသာပြောတယ် အမြဲတမ်း အဝတ်အစားတွေက ဖရိုဖရဲနဲ့။ မြန်မာကားမှာဆို သန်းကြွယ်သူဌေးတွေကို ဘယ်လိုပုံဖော်မလဲ။ ဘယ်ကားကြည့်ကြည့် သူဌေးဆိုတာနဲ့ ဇာတ်ကောင်က တစ်ပုံစံထဲပဲ။ ကုဒ်တွေဝတ်ထားမယ်၊ စကားကို ကြီးကြီးကျယ်ကျယ် ခန့်ခန့်ညားညားပြောမယ်၊ ကားအကောင်းစားကြီးစီးမယ်၊ အိမ်အကြီးကြီးမှာနေမယ်၊ အနားမှာ အမြဲတမ်း တပည့် လေးယောက်ရှိနေမယ်။ မြန်မာ ဇာတ်ကောင်တွေဟာ အရမ်းယေဘုယျဆန်လွန်းတယ်။ အတိမ်အနက်လုံးဝ မရှိဘူး။ နောက်တစ်ခုက Big မှာ တစ်ကားလုံး သွားတဲ့ ဇာတ်လမ်းရဲ့ depth နဲ့ theme။ ဒီကားကို Comedy Drama လေးအဖြစ်နဲ့ သရုပ်ဖော်ထားတယ်။ ရုပ်ရှင်တောက်လျှောက်မှာ ဇာတ်ဝင်ခန်းတိုင်းက ဒီကားရဲ့ theme နဲ့ depth ကို သစ္စာမဖောက်ဘူး။ build up တွေ climax တွေမှာတောင် လေးလေးနက်နက်ကြီး ဖြစ်မသွားဘူး။ ဟာသ တွေကလည်း ရုပ်ရှင်ကို အရမ်းပေါချာ မသွားစေပဲ ကြည့်လို့ကောင်းအောင် ရယ်ရအောင် ကြည့်တဲ့ သူပျော်နေအောင် ဖြစ်စေတယ်။ Big တစ်ကားလုံးဟာ ပေါ့ပါးသွက်လက်နေပြီး ဒီကားစာ အနုပညာအရ အလွန်တန်ဖိုးရှိကြောင်း၊ အလွန်နက်ရှိုင်းကြောင်း ဟန်ဆောင်ပြနေတာတွေ မပါဘူး။ ဇာတ်လမ်းရှိသလောက်ကို အကောင်းဆုံး တင်ဆက်သွားတယ်။ မြန်မာကားတွေမှာဆို ဒီလို consistency ရှိတဲ့ ကားမျိုးကရှားတယ်။ အမြဲတမ်းပရိတ်သတ်ဘာလိုချင်လည်း၊ ဘယ်မင်းသားကိူ ဘာလုပ်ခိုင်းရင် ပိုအမြတ်ရမလဲပဲ ကြည့်နေကြတယ်။ comedy ဆိုပြီး တစ်ကားလုံး ပေါချာနေအောင် လုပ်လာပြီးတော့ drama ကြီးတွေ ချိုးပစ်ပြီး ဇာတ်ကောင်တွေမှာ မျက်ရည်စို့ပြီးငိူနေရအောင်လည်း လုပ်တာပဲ။ Action လူမိူက်ကားဆိူပြီးတော့ လူမိုက်သုံးယောက် စကားပြောရင် ပေါတောတောတွေပြောပြီး သံယောင်လိူက် အပေါစား ဟာသတွေလည်း ထည့်ပစ်တာပဲ။ Drama ကားတွေမှာလည်း ကုမ္ပဏီပိုင်ရှင် ဇာတ်ကောင်နေက သရုပ်ဆောင်တဲ့ စူပါမင်းသားတွေက သိုင်းကွက်တွေထုတ် ကျွမ်းတွေပြစ်ပြီး လူကြမ်း လေးငါးယောက်လောက်ကို ချရင်လည်း ချတာပဲ။ တစ်ကားလုံး စုတ်ပြတ်သတ်နေအောင်ပေါလာ၊ ဇာတ်ညွှန်းမရှိ ဇာတ်လမ်းမရှိ လုပ်ချင်ရာတွေလုပ်ပြ ပြီးခါနီးမှ အမျိုးဘာသာ သာသနာတွေ၊ နိုင်ငံတော်တွေကို အရမ်းချစ်ပြတဲ့ စကားလုံးတွေ ဘာမှမဆိုင်ဘဲ ပစ်ထဲ့ပြီး အကယ်ဒမီတွေလည်း ယူလို့ယူတာပဲ။ ကျနော်ထင်တာတော့ မြန်မာ ရုပ်ရှင်တွေနဲ့ Hollywood က အောင်မြင်နေတဲ့ ရုပ်ရှင်တွေ အဓိက ကွာခြားချက်ကတော့ အဲ့တာပဲ။ ပိုက်ဆံတွေအများကြီးသုံး၊ စတူဒီယို အကောင်းစားတွေ ကင်မရာတွေ စပယ်ရှင်အဖက်တွေ ရလာရင်တောင် ဇာတ်ညွှန်းအသွားအလာပုံစံက ပြောင်းလဲမှုမရှိရင် မြန်မာကားတွေဟာ ပေါကားတွေ ဖြစ်နေဦးမယ် ထင်တယ်။ ~ Admin Andy ~ (ရုပ်ရှင်အညွှန်းကို Datshin Facebook Page မှ ကူးယူဖော်ပြပါသည်။) File size…(999 MB) Quality…Blu-Ray Rip 720p Format…mp4 Duration….02:10:00 Subtitle….Myanmar Subtitle (Hardsub) Encoder….Nyeinsaeya Aung Translated by OWL

About Last Night... (1986) IMDb Rating (6.3) / Rotten Tomatoes (65%) ဒန်နီနဲ့ဒတ်ဘီတို့ဟာ ညဘက် ဘားတစ်ခုမှာဆုံတွေ့ခဲ့ပြီး တစ်ညတာ ပတ်သက်မှုးအဖြစ်စတင်ခဲ့ပါတယ်။ အဲ့ဒီ တစ်ညတာ ပတ်သက်မှုလေးကနေ တစ်ယောက်နဲ့တစ်ယောက် သံယောဇဉ်တွေငြိတွယ်လာချိန်မှာတော့ အတူတူနေထိုင်ကြဖို့ဆုံးဖြတ်လိုက်တဲ့အခါမှာတော့ လက်တွေ့ဘ၀ရဲ့စိန်ခေါ်မှုတွေစတင်လာပါတော့တယ်။ သူတို့နှစ်ယောက်ရဲ့မတူညီတဲ့ အကျင့်စရိုက်တွေ အနာဂတ် ရည်မှန်းချက်တွေနဲ့အတူ ဒန်နီရဲ့အပြောအဆိုရိုင်းစိုင်းပြီး မိန်းမပွေတဲ့ သူငယ်ချင်း ဘာနီ၊ ဒတ်ဘီရဲ့စည်းကမ်းကြီးပြီး သံသယများတဲ့သူငယ်ချင်း ဂျုံးတို့ရဲ့ ဘေးတီးစကားတွေကြား သူတို့နှစ်ယောက်ကြားက သံယောဇဉ်ကို ပြတ်မသွားအောင်ဘယ်လိုနှောင်တည်းထားကြမလဲဆိုတာကို ဟာသနှောပြီးတင်ဆက်ထားတာပါ။ ဘတ်ဂျက်ငွေ ၁၅ သန်း‌လောက်သာသုံးပြီး အမေရိကန်ပြည်တွင်းဝင်ငွေတင် ဒေါ်လာ ၃၈.၇ သန်းပြန်ရခဲ့တဲ့ အတွက် ဒီဇာတ်ကားဟာ စီးပွားရေးအရအလွန်အောင်မြင်ခဲ့သလို Rob Lowe နဲ့ Demi Moore တို့ကို Hollywood ရဲ့ ထိပ်တန်း အနုပညာရှင်များအဖြစ်ခိုင်မာစေခဲ့ပါတယ်။ ၈၀ ခုနှစ်ဝန်းကျင် မြို့ပြလူငယ်တွေရဲ့အချစ်ရေး၊ လိင်မှုရေးရာနဲ့ ဆက်ဆံရေး ပဋိပက္ခတွေကို ပွင့်လင်းမြင်သာစွာနဲ့ ကြမ်းကြမ်းတမ်းတမ်း ရိုက်ပြထားတာမို့အဲ့ဒီခေတ်လူငယ်တွေကြား အလွန်ရေပန်းစားခဲ့ပါတယ်။ အဲ့ဒီခေတ်အခါ Rom-com တွေထဲက ဘယ်တော့မှရိုးမသွားမယ့် ဇာတ်ကားကောင်းတစ်ကားပါပဲ။ File size… (3.2 GB) / (1.5 GB) Quality…. Blu-Ray 1080p HEVC / 720p Format…. mkv/mp4 Genre…. Comedy,Drama,Romancce Duration…. 01:53:33 Subtitle…. Myanmar Subtitle (Hardsub)