Ellora Torchia ပါဝင်သော ဇာတ်ကားများ

Cold Storage (2026) 4K +++++++++ IMDb Rating (6.4) / Rotten Tomatoes (78%) ဒီတစ်ခါတော့ ၂၀၂၆ ခုနှစ် ဖေဖော်ဝါရီလထဲမှာ အသစ်ထွက်ထားတဲ့ "Cold Storage" ဆိုတဲ့ ရုပ်ရှင် တင်ပေးထားပါတယ်။ ဒီကားက ရိုးရိုး သွေးထွက်သံယို သရဲကားမျိုးမဟုတ်ဘဲ သိပ္ပံစိတ်ကူးယဉ်၊ ဟာသနဲ့ အက်ရှင်ကို သေသေချာချာ ရောမွှေထားတဲ့ ကားမျိုးပါ။ မင်းသားကတော့ Stranger Things စီးရီးထဲက ဂျိုးကီးရီး (Joe Keery) နဲ့ မင်းသမီး ဂျော်ဂျီနာ ကမ်းဘဲလ် (Georgina Campbell) တို့ အဓိကပါဝင်ထားပြီး၊ ကျွန်တော်တို့ရဲ့ အက်ရှင်မင်းသားကြီး လီယန်နီဆင် (Liam Neeson) လည်း အမိုက်စား ပါဝင်အားဖြည့်ထားပါတယ်။ ဇာတ်လမ်းအကျဉ်း +++++++++++ လွန်ခဲ့တဲ့ နှစ်ပေါင်းများစွာက အာကာသထဲကနေ ပြုတ်ကျလာတဲ့ အရာတစ်ခုကနေတစ်ဆင့် အရမ်းကို ကူးစက်မြန်ပြီး သက်ရှိတွေကို ထိန်းချုပ်နိုင်တဲ့ မှိုပိုးမွှားတွေ ကမ္ဘာပေါ် ရောက်လာတယ်။ အစိုးရက အဲဒီပိုးမွှားတွေကို လျှို့ဝှက်စစ်စခန်းတစ်ခုရဲ့ မြေအောက်ခန်းထဲမှာ အအေးခံစနစ်နဲ့ သွားပိတ်လှောင်ထားခဲ့တာပေါ့။ အချိန်တွေ အတော်ကြာလာတော့ အဲဒီစစ်စခန်းဟောင်းကြီးရဲ့ အပေါ်ထပ်က သာမန် ပစ္စည်းသိုလှောင်ရုံ (Self-storage facility) ကြီး ဖြစ်လာတယ်။ ဇာတ်လမ်းက အဲဒီသိုလှောင်ရုံမှာ ညဆိုင်းစောင့်ရတဲ့ လုံခြုံရေးဝန်ထမ်း နှစ်ယောက်ဖြစ်တဲ့ တီးကိတ် (Teacake) နဲ့ နေအိုမီ (Naomi) တို့ဆီကနေ စတာပါ။ တစ်ညကျတော့ မြေအောက်ခန်းထဲက အပူချိန်တွေတက်လာပြီး ဟိုအရင်က ပိတ်လှောင်ထားတဲ့ မှိုပိုးမွှားတွေ အပြင်ကို ထွက်လာပါတော့တယ်။ အဲဒီပိုးတွေက ကြွက်တွေ၊ ကြောင်တွေကစလို့ လူတွေဆီကိုပါ ဝင်ရောက်ကူးစက်ပြီး ကိုယ်တွင်းကနေ ဖောက်ထွက်တာတို့၊ အကောင်တွေ ကူးစက်ခံရပြီး သောင်းကျန်းတာတို့နဲ့ ရုံထဲမှာ တစ်သိုက်ကြီး ကမောက်ကမတွေ ဖြစ်ကုန်တာပေါ့။ ဒီလိုနဲ့ ကမ္ဘာပျက်မယ့်အရေးကို တားဆီးဖို့အတွက် အရင်ကတည်းက ဒီပိုးမွှားတွေအကြောင်း ကောင်းကောင်းသိနေတဲ့ အငြိမ်းစား ဇီဝအကြမ်းဖက်မှု နှိမ်နင်းရေး အရာရှိဟောင်းကြီး ရောဘတ် ရောက်လာပါတယ်။ သူတို့သုံးယောက်ပေါင်းပြီး ဒီပိုးမွှားတွေ အပြင်ကို မပြန့်သွားအောင် ဗုံးခွဲပြီး ရှင်းလင်းဖို့ ကြိုးစားကြတဲ့ တစ်ညတာ အလွဲလွဲအချော်ချော် အသက်လုပွဲကို ရင်တမမနဲ့ ကြည့်ရမယ့်ကားပါ။ ကြည့်ရတာ ပေါ့ပေါ့ပါးပါးနဲ့ အရမ်းပျော်ဖို့ကောင်းတယ်။ ဇာတ်ဝင်ခန်းတွေက ရွံစရာကောင်းပေမဲ့ ဟာသလေးတွေ နှောထားတော့ ရယ်လည်းရယ်ရတယ်။ သိပ်ပြီး ခေါင်းစားခံစရာမလိုဘဲ အက်ရှင်နဲ့ ဟာသကို ပေါက်ပေါက်ဆုပ်လေးစားရင်း အပန်းဖြေကြည့်ချင်တဲ့သူတွေအတွက်တော့ တကယ်ကို အကြိုက်တွေ့စေမယ့် ဇာတ်ကားလေး တစ်ကားပါပဲ။ File Size… (4.63)/(1.60GB) / (884MB) Quality… WEB-DL 4K HEVC / 1080p HEVC /720p Format…mkv / mp4 Duration…1h 39m Genre ….Comedy , Horror , Sci-Fi Subtitle….Myanmar Subtitle (Hard Sub)

ဒါက‌တော့ လတ်တလောမှထွက်ရှိထားတဲ့ အပိုင်း၆ပိုင်းပါ ဗြိတိန်မီနီစီးရီးလေးဖြစ်ပါတယ်။ အပိုင်းတစ်အစမှာ စစ်တပ်သယ်ပို့ရေးယာဉ်က စမ်းသပ်ခန်းကနေ ပစ္စည်းသယ်လာရာမှ ဒမ်ဘရီမြို့အနီးမှာ ကားမှောက်ပြီး ဓါတုလက်နက်ယိုစိမ့်သွားပါတယ်။ အနီးအနားမှာရှိနေတဲ့ သက်ကြီးစုံတွဲက ကူးစက်ခံရပြီး ဘိုးဘွားဂေဟာက လူတချို့ပါ ကူးစက်ခံလိုက်ရပါတယ်။ ကူးစက်ခံလက္ခဏာတွေကတော့ အသားကိုဆာလောင်တာဖြစ်ပြီး ဇွမ်ဘီတွေနဲ့မတူဘဲ ကိုယ်ပိုင်အသိစိတ်ကတော့ ကျန်နေသေးတာပါ။ ဂေဟာကနေမှတဆင့် ဒမ်ဘရီမြို့ထဲကိုပါကူးစက်လာပြီး ဆယ်ကျော်သက်တွေဖြစ်ကြတဲ့ ကယ်လီ၊ ဖင်န်၊ ချာလီနဲ့ စတက်ဖ်တို့ ဘယ်လိုရင်ဆိုင်ကြမလဲဆိုတာ စိတ်၀င်စားစရာကြည့်ရှုရမှာပါ။ File size…(660 MB)/(392 MB) Quality….Webrip 1080p / 720p Format…mp4 Duration….00:52:00 Genre...Comedy, Drama Subtitle….Myanmar Subtitle (Hardsub) Encoder….Swan Min Htet Translated by Soe Thiri Nwe

A Real Pain (2024) IMDb Rating (7.3) / Rotten Tomatoes (96%) ဒီရုပ်ရှင်ကတော့ 2024 ရဲ့ထိပ်တန်းစာရင်းဝင် (၁၀) ကားထဲမှာ တစ်ကားအပါအဝင်ဖြစ်ပြီး Golden Globe မှာလည်း ဆုတွေ တစ်သီကြီးရရှိထားပါတယ်။ Now You See Me, Social Network တို့နဲ့ နာမည်ကြီးခဲ့တဲ့ မင်းသား Jesse Eisenberg ပါဝင်သရုပ်ဆောင်ထားပြီး ဆုရမင်းသား Kieran Culkin က ဦးဆောင်ထားပါတယ်။ ဇာတ်လမ်းက ပိုလန်နဲ့ အမေရိကန် ရုပ်ရှင်ကုမ္ပဏီ ပူးပေါင်းရိုက်ကူးတာဖြစ်ပြီး ဒုတိယ ကမ္ဘာစစ်က နာဇီဂျူးတပ်စခန်းမှာ အသက်ရှင်ကျန်ရစ်ခဲ့တဲ့ လူတွေရဲ့ မျိုးဆက်တွေဖြစ်လာတဲ့ ကမ္ဘာအနှံ့က ဂျူးမျိူးနွယ်ဝင် လူတစ်စုက သူတို့ဘိုးဘေးတွေရဲ့သမိုင်းကြောင်းခြေရာပြန်ကောက်ဖို့ ပိုလန်ကိုခရီးထွက်ခဲ့ကြတဲ့အကြောင်းကို ရိုက်ကူးထားတာပါ။ ဒီထဲမှာ ဂျူး-အမေရိကန် တွေဖြစ်တဲ့ ဒေးဗစ်နဲ့ ဘန်ဂျီတို့ ဝမ်းကွဲညီအစ်ကိုကလည်း သူ့အဖွားနေခဲ့တဲ့ ပိုလန်ကအိမ်နဲ့ ဂျူးတွေရဲ့သမိုင်းကိုလေ့လာဖို့ ခရီးထွက်ရင်း ဇာတ်လမ်းလေးစတင်ထားပါတယ်။ လူတွေနဲ့သိပ်အပေါင်းအသင်းမရှိဘဲ Introvert ဆန်ဆန်နေတတ်တဲ့ ဒေးဗစ်နဲ့ ဆေးကွဲပြီး တွေ့ရာလူကို လိုက်ကြပ်နေတဲ့ဘန်ဂျီတို့ ၂ ယောက် ဒီခရီးစဉ်မှာ ဘယ်လိုအမှတ်တရတွေဖန်တီးသွားမလဲ ကြည့်လိုက်ကြပါဦး။ (အညွှန်းရေးသားသူကတော့ Thiha Yan Naing ဖြစ်ပါတယ်။) File size…(8.7 GB) / (2.2 GB) / (1 GB) Quality….WEB-DL 4K HEVC / 1080p HEVC / 720p Format…. mkv/mp4 Genre….Comedy, Drama Duration….01:30:02 Subtitle….Myanmar Subtitle (Hardsub) Encoder….Benjamin Translated by Act Molemy, Thiha Yan Naing, Matteo

Crisis (2021) IMDb Rating - 6.1/10 ဘိန်း စကားလုံးတစ်လုံးလေးပေမယ့် တစ်လောကလုံးကို ချုပ်ကိုင်ပစ်နိုင်တယ်။ ဒီဘိန်းကြောင့် အမေရိကန်ပြည်ထောင်စု ဒေသတစ်ခုမှာနေထိုင်သူ မိခင်တစ်ယောက် သူချစ်ရတဲ့ သားကို ရုတ်တရက်ဆုံးရှုံးလိုက်ရတယ်၊ ဒီဘိန်းကြောင့် တက္ကသိုလ်က ဇီဝဗေဒပညာရှင်တစ်ယောက် ရာထူးပြုတ်ပြီး အလုပ်လက်မဲ့ဖြစ်လုနီးပါး အခြေအနေကို ကြုံနေရတယ်၊ ဒီဘိန်းကြောင့် လူဆိုးဖမ်းချင်တဲ့ အက်ဖ်ဘီအိုင်အေးဂျင့်တစ်ယောက် ဘိန်းကုန်သည်ယောင်ဆောင်ပြီး အသက် အန္တရာယ်ရှိတဲ့ဘ၀ကို နေထိုင်နေရတယ်၊ ဒီဘိန်းကြောင့် မိန်းကလေးတစ်ယောက်ရဲ့ ဘ၀ဟာ လမ်းပျောက်လုနီးပါးဖြစ်နေရတယ်၊ ဒီဘိန်းကြောင့် လောဘသားတွေ အတောမသတ်နိုင်သလို အပြစ်မရှိတဲ့သူတွေပါ သေဆုံးနေရတယ်၊ ဒီအကြောင်းအရာတွေအားလုံးရဲ့ တစ်ခုတည်းသော တရားခံက ဘိန်းပဲ . . . ဒီတော့ ဒီပြဿနာကို ဘယ်လိုဖြေရှင်းကြမလဲ လူ ၃ ယောက် ကြုံရတဲ့ မတူညီတဲ့ အခြေအနေတွေကို ချိတ်ဆက်ရိုက်ပြထားပြီး အင်မတန်မှ စိတ်၀င်စားဖို့ ကောင်းပါတယ်။ − မင်းသားကြီး Gary Oldman − Social Network , Call Me by Your Name တို့နဲ့ လူသိများတဲ့ Armie Hammer − မင်းသမီးကြီး Evangeline Lilly တို့က အဓိကပါ၀င်သရုပ်ဆောင်ထားပါတယ်။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ Yoon Sandi Aung ပဲဖြစ်ပါတယ်။) Quality – 1080p, 720p WebRip Duration - 1h 58min Subtitle – Myanmar Hardsub Format – Mp4 Genre : Drama, Thriller Source : 1080p.WebRip Translator – Yoon Sandi Aung Encoder – SWM

Rotten Tomatoes Ciritic Rating - 79% High Riseတို့ Free Fireတို့ Rebecca ( 2021)တို့ရဲ့ ဒါရိုက်တာ Ben Wheatleyကရိုက်ထားတဲ့ကား။ Rotten Ratingနဲ့ Metacritic Rating အရတော့ အလယ်အလတ်အဆင့်ကားလို့ဆိုလို့ရတယ်။ လန်ပျံနေအောင် ကောင်းမနေဘူး။ သို့ပေမဲ့ ကြည့်ပျော်တယ်။ ပြဿနာက Genres, Horrorလို့အမည်ခံထားပေမဲ့ Thrillerအဆင့်လောက်ပဲရှိမယ်။ Mysteryဘက်လည်း တော်တော်သွားတယ်။ Horrorကားအလန်းတစ်ကားဖြစ်တော့မလိုနဲ့ အလယ်လောက်ပြုတ်ကျသွားတဲ့ ဒီရုပ်ရှင်ရဲ့ အဓိကအားနည်းချက်ကတော့ လူနားမလည်အောင် အဆန်းကြီးဖြစ်အောင်လုပ်ချင်ဇောကြီးပြီး ဟိတ်ဟန်များသွားတာကြောင့်လို့ပဲ ယူဆလို့ရတယ်။ "Plot" ဇာတ်လမ်းအစအဆုံးကို သစ်တောတစ်ခုမှာ ဇာတ်အိမ်တည်ထားတယ်။ သစ်တောထဲမှာ ဘာမှန်းမသိတဲ့အရာကြီးတစ်ခုရှိနေတယ်။ အဲဒီဘာမှန်းမသိတဲ့အရာကြီးနဲ့ ဆက်သွယ်ဖို့ သိပ္ပံပညာရှင်တစ်ယောက်က ကြိုးစားခဲ့တယ်။ သိပ္ပံပညာလိုလို မှော်လိုလို ဟို‌လိုလိုဒီလိုလို နည်းတွေနဲ့ပေါ့ ။ သူ့နည်းတွေကို သူလည်း ဘာမှန်းတော့သေချာတော့သိပုံမရဘူး။ ဒီလိုနဲ့ သစ်တောကြီးက သူ့ကို ပြန်ထွက်လို့မရအောင် လုပ်ထားသလိုလို သူကပဲမထွက်ချင်သလိုလိုနဲ့ ဘာမှန်းမသိရဘဲ ပြင်ပကလူတွေနဲ့ အဆက်အသွယ် ပြတ်သွားတယ်။ ဘာမှန်းမသိပျောက်သွားတဲ့ သူ့ကိုရှာဖို့ ဘာမှန်းမသိဘဲရောက်လာတဲ့ လူတစ်ယောက်က ဘာမှန်းသေချာမသိဘဲပါလာတဲ့ တောထိန်းတစ်ယောက်နဲ့အတူ သစ်တောထဲ ရောက်လာခဲ့တယ်။ သူတို့နှစ်ယောက်ရဲ့ ပက်သက်မှုကလည်း ဘာမှန်းမသိတဲ့ ပက်သက်မှုမျိုးပဲ။ ရောက်လာပြီး သူတို့ဘာမှန်းမသိတဲ့ကိစ္စတွေကို ဆက်တိုက်ကြုံခဲ့ရတယ်။ အဲ့ဒီဘာမှန်းမသိတာတွေကနေ ဘာတွေဆက် ဖြစ်သွားလဲ။ ဘာမှန်းမသိဘဲကြည့်တဲ့လူကရော ဘာကြီးမှန်းသိလာနိုင်လားကတော့ ဒီဘာမှန်းမသိတဲ့ရုပ်ရှင်မှာ ဘာမှန်းမသိသိမသိသိ ကြည့်ကြည့်ကြပါ။ ဒီရုပ်ရှင်ဟာ ဇာတ်လမ်းတစ်ကြောလုံးကို ရင်တဖိုဖိုနဲ့ ဘာတွေဖြစ်နေတာလဲ စိတ်ဝင်စားနေရင်း ကြည့်ချင်တာဆိုရင် ရွေးသင့်တဲ့ကားပါပဲ။ ရုပ်ရှင်ကြည့်ပြီး ခေါင်းစားရတာကြိုက်တဲ့သူတွေ ကြည့်သင့်တဲ့ကားလည်း ဟုတ်တယ်။ ( အညွှန်းရေးသားထားသူကတော့ WiRa Aung ပါ ) File Size__2.1 GB, 1.1 GB Quality__1080p, 720p IMDb Rating__5.2/10 Format__mp4 Duration__01:50:00 Type__Horror, Sci-Fi, Thriller Subtitle__Myanmar Subtitle (Hardsub) Translated by WiRa Aung Encoded by Naing Aung Latt

Midsommar (2019) (Director's Cut Version) IMDB : 7.1 Rotten Tomatoes : 83% Genre : Psychological Horror/Drama Psychological Horror/Thriller လို့ခေါင်းစဉ်တပ်ပြီးပြောကြမယ်ဆိုရင် A24 ကိုမေ့ထားလို့မရပါဘူး။ A24 လို့ဆိုလိုက်တာနဲ့ ဒီကားက တစ်နည်းမဟုတ် တစ်နည်းနဲ့တော့ လူကိုစားတော့မယ်ဆိုတာ လူတိုင်းသိကြမယ်ထင်ပါတယ်။ Midsommar မှာ Theater Version နဲ့ Director's Cut ဆိုပြီး နှစ်ခုရှိပါတယ်။ ခုကတော့ Director's Cut ဖြစ်တဲ့အတွက် ရုံတင်ဗားရှင်းမှာ ဖျက်ခံထားရတဲ့အခန်းတွေပါရှိမှာဖြစ်ပြီးမိနစ် ၃၀ ခန့်အပိုပါလာတာကြောင့် ၃ နာရီနီးပါးကြာရှည်ပါတယ်။ သာမန် Horror ရုပ်ရှင်တွေနဲ့မတူတဲ့အချက်က Midsommar ဟာ ဇာတ်အိမ်ကို အရမ်းကိုလှပပါတယ်ဆိုတဲ့ ဆွီဒင်နိုင်ငံမှာ တည်ထားတာဖြစ်ပြီးနေမဝင်တဲ့ နွေလယ်ရာသီအချိန်ကာလကို ဦးတည်ရိုက်ကူးထားတာဖြစ်ပါတယ်။ ဒါကလည်း ဒါရိုက်တာ Ari Aster ကိုချီးကျူးရမယ့် ကိစ္စပါပဲ။ မကြည့်ရသေးတဲ့လူတွေရော ကြည်ပြီးတဲ့လူတွေရော လက်မလွှတ်သင့်တဲ့ Psychological Horror ရုပ်ရှင်ကားကောင်းတစ်ခုဖြစ်တာကြောင့် ကြည့်ဖြစ်အောင်ကြည့်ဖို့ တိုက်တွန်းချင်ပါတယ်။ ဇာတ်လမ်းကတော့... ဒန်နီဟာ သံသရလွန်ကဲတတ်တဲ့ကောင်မလေးတစ်ယောက်ဖြစ်ပါတယ်။ သူ(မ)ဟာ စိတ်ပညာဘာသာရပ်ကိုယူထားတဲ့ ‌ကျောင်းသားတစ်ယောက်ဖြစ်ပြီး ခရစ်ရှန်ဆိုတဲ့ ကောင်လေးလည်းရှိပါတယ်။ တစ်ရက်မှာတော့ စိတ်ဓာတ်အလွန်အမင်းကျတဲ့ရောဂါကိုခံစားနေရတဲ့ ညီမလေး တယ်ရီဟာသူကိုယ်တိုင်ကိုရော ဒန်နီရဲ့မိဘနှစ်ပါးလုံးကိုရော ကာ‌ဗွန်မိုနောက်ဆိုက် အဆိပ်သင့်ပြီး သေအောင်သတ်လိုက်ပါတော့တယ်။ ခိုကိုးရာမဲ့သွားတဲ့ ဒန်နီဟာ အရင်ကထက်ကောင်လေး ခရစ်ရှန်အပေါ်ကို တွယ်ကပ်လာပါတယ်။ ခရစ်ရှန် မာ့ခ်၊ ပယ်လ်လေ၊ ဂျော့ရှ် ဆိုတဲ့သူငယ်ချင်းသုံးယောက်ရှိပြီး ခရစ်ရှန်နဲ့ ဂျော့ရှ်က တစ်မေဂျာတည်းဖြစ်ကာ ဘွဲ့ယူကျမ်းပြုစုဖို့ ပြင်ဆင်နေတာဖြစ်ပါတယ်။ တစ်ရက်မှာတော့ ပယ်လ်လေဟာ သူ့ရဲ့မွေးရပ်ဇာတိဖြစ်တဲ့ ဆွီဒင်နိုင်ငံက ကျေးလက်တောရွာလေးတစ်ခုကို ခရစ်ရှန်တို့ တစ်သိုက်ကို ဖိတ်ခဲ့ပါတယ်။ ဒီလိုနဲ့ ဒန်နီလည်း ခရစ်ရှန်နဲ့စကားများပြီး နောက်ဆုံးမှာတော့ ဆွီဒင်နိုင်ငံကိုပါသွားပါတော့တယ်။ အဓိကရည်ရွယ်ချက်ကတော့ နွေလယ်ရာသီပွဲတစ်ခုကို အလည်အပတ်သွားကြတာဖြစ်ပါတယ်။ ဒါပေမယ့်လည်း အရမ်းကိုသာယာလှတဲ့ ဆွီဒင်နိုင်ငံ ရွာလေးတစ်ရွာမှာ သူငယ်ချင်းတစ်သိုက် ဘယ်လိုကြမ္မာငင်ကြမလဲဆိုတာကို ခံစားကြည့်လိုက်ကြပါခင်‌ဗျာ။ ဒန်နီ အဖြစ်အချစ်တော်မင်းသမီးလေး Florence Pugh ကပါဝင်သရုပ်ဆောင်ထားပြီး သူ့ရဲ့နာမည်ကြီး "Upside Down Face" လေးကိုခံစားရမှာဖြစ်ပါတယ်။ ကောင်မလေးနဲ့ကြည့်ဖို့တော့အကြံပေးပါတယ်၊ ကြောက်ရင်ဖက်ထားလို့ရတာပေါ့။ File size…(7.8 GB)/ (2.7 GB )/(1.6 GB) Quality…BluRay Director's Cut 4K HEVC/1080p HEVC / 720p Format…mkv/mp4 Duration….02:50:15 Subtitle….Myanmar Subtitle (Hardsub) Encoder….Ka Naung Translated by Lucifer Maximoff