Emily Mitchell ပါဝင်သော ဇာတ်ကားများ

Lee Cronin's The Mummy (2026) 4K HEVC +++++++++++ "Evil Dead Rise" ကားကို ရိုက်ခဲ့တဲ့ ဒါရိုက်တာ Lee Cronin ရဲ့ ၂၀၂၆ ထွက် Horror ကားအသစ် "Lee Cronin's The Mummy" ရပါပြီ။ ဒီကားက ရှေးဟောင်းအီဂျစ်ဂူတွေထဲက Mummy ဇာတ်လမ်းတွေနဲ့ မတူဘဲ မိသားစုအရေးနဲ့ သည်းထိတ်ရင်ဖိုကို ပေါင်းစပ်ထားတဲ့ ပုံစံမျိုးလေးပါ။ ဇာတ်လမ်းအကျဉ်း ++++++++++++ ဇာတ်လမ်းကတော့ သတင်းထောက်တစ်ယောက်ရဲ့ သမီးငယ်လေး သဲကန္တာရထဲမှာ သဲလွန်စမရှိဘဲ ပျောက်သွားရာကနေ စထားတယ်။ ၈ နှစ်လောက်ကြာတော့ မိသားစုလည်း စိတ်ပျက်လက်ပျက် ဖြစ်နေပြီပေါ့။ ဒါပေမဲ့ တစ်နေ့ကျတော့ အဲဒီကောင်မလေး ရုတ်တရက် ပြန်ရောက်လာတဲ့အတွက် အကုန်လုံး အံ့ဩသွားကြတယ်။ တကယ်ဆိုရင် သမီးလေး ပြန်တွေ့တဲ့အတွက် ပျော်စရာ တွေဖြစ်သင့်ပေမဲ့ အဲဒီလို မဟုတ်ဘဲ အိပ်မက်ဆိုးကြီးတစ်ခုလို ကြောက်စရာကောင်းတဲ့ ကိစ္စတွေ ဆက်တိုက် ဖြစ်လာပါတော့တယ်။ ဘာတွေ ဆက်ဖြစ်မလဲ၊ သဲကန္တာရထဲမှာ ၈ နှစ်လောက် ဘာတွေကြုံခဲ့ရလဲ ဆိုတာကို ရင်တမမနဲ့ ကြည့်ရမယ့် ကားပါ။ Horror နဲ့ Mystery ခပ်မိုက်မိုက် ကြိုက်တဲ့သူတွေ သဘောကျမယ့် ကားလေးမို့ ကြည့်ကြည့်ဖို့ ညွှန်းပေးလိုက်ပါတယ်။ File Size… (4.76GB)/(1.54GB) / (937MB) Quality… WEB-DL 4K HEVC /1080p HEVC / 720p Format…mkv / mp4 Duration…2h 14m Genre ….Horror Subtitle….Myanmar Subtitle (Hard Sub)

Vicious (2025) IMDb Rating (6.1) / Rotten Tomatoes (43%) ဘာမှမရှိတာကို ကြောက်နေတဲ့ ခံစားချက်မျိုးပေးစွမ်းနိုင်မယ့် ကားပါ။ ကြောက်စရာဟာ အပြင်ကမဟုတ်၊ ကိုယ့်စိတ်ထဲကပဲ ဆိုတဲ့ concept ကိုသေချာချပြထားတယ်။ ပိုလီဆိုတဲ့ကောင်မလေးရဲ့ အိမ်ကို တစ်ညမှာ သူ့အိမ်တံခါးရှေ့ကိုလာပြီး လူတစ်ဦးက ကျွန်းသေတ္တာဗူးတစ်ခုကိုပေးသွားတယ်။ “ဒီဗူးလေးထဲမှာ hate, need, love ဆိုတဲ့အရာသုံးခုထည့်ပါ” ဆိုတာနဲ့ ဇာတ်လမ်းကစတင်ထားတယ်။ ပစ္စည်းတစ်လုံးနဲ့အိမ်တစ်နေရာထဲမှာပဲ ရိုက်ကူးထားတဲ့ သရဲကားဆိုပေမဲ့ ဒီကားက ပျင်းစရာ horror ကားတော့မဟုတ်။ ဒါက Polly ရဲ့ စိတ်အတွင်းခံကို “မုန်းခြင်း၊ လိုချင်ခြင်းနဲ့ ချစ်ခြင်း အကြား လူတစ်ယောက်ဘယ်လောက်ထိရူးသွပ်စေလဲဆိုတာ ကြည့်ရမယ့် Psychological Horror ကားကောင်းတစ်ခုဖြစ်ပါတယ်။ File size… (4.3 GB) / (820 MB) / (600 MB) Quality…. WEB-DL 4K HEVC / WEB-Rip 1080p HEVC / 720p Format…. mkv/mp4 Genre…. Horror,Thriller Duration…. 01:44:48 Subtitle…. Myanmar Subtitle (Hardsub)

Drama အမျိုးအစားဖြစ်တဲ့ Out of My Mind ဟာ စိတ်ဓာတ်လှုံ့ဆော်မှုပေးနိုင်တဲ့ကလေးကားလို့ပြောလို့ ရပါတယ်။ ဦးနှောက်အကြောသေရောဂါကြောင့် စကား မပြောနိုင်ဘဲ ဘီးတပ်ကုလားထိုင်တစ်ခုနဲ့ပဲသွားလာရတဲ့ ခြောက်တန်းကျောင်းသူလေးမယ်လိုဒီဟာ ဥာဏ်အရမ်း ကောင်းပြီး ထူးချွန်ပေမယ့် သူ့ရဲ့မသန်စွမ်းတဲ့အခြေအနေကြောင့် ခွဲခြားဆက်ဆံခံရတဲ့အပြင် သက်တူရွယ်တူတွေလို တူညီတဲ့ အခွင့်အရေးတွေလည်းမရခဲ့ပါဘူး။ တစ်ရက်မှာတော့ ပညာရေးလေ့လာမှုအတွက်ကျောင်းကိုရောက်ရှိလာတဲ့ ဒေါက်တာတစ်ယောက်ကြောင့် မယ်လိုဒီဟာ မသန်စွမ်း အတန်းမဟုတ်ဘဲ ပုံမှန်ကျောင်းသားတွေတက်တဲ့ခြောက်တန်း အခန်းထဲမှာ စာသင်ခွင့်ရရှိလိုက်ပါတယ်။ အတန်းထဲမှာ မယ်လိုဒီဟာ တခြားကျောင်းသားတွေထက် ထူးချွန်ပေမယ့် ခွဲခြားဆက်ဆံမှုတွေကတော့ရှိနေဆဲပါပဲ။ ဇာတ်လမ်းရဲ့အဆုံးပိုင်းမှာ တကယ်တော့ အသံမထွက်နိုင်တဲ့ မယ်လိုဒီအတွက် ဘယ်လိုစကားပြောရမလဲဆိုတာက အရေးမကြီးဘဲ သူပြောစရာရှိတာကိုပြောနေဖို့ပဲလိုတယ်ဆိုတဲ့ အချက်ကို မယ်လိုဒီတစ်ယောက်သဘောပေါက်နားလည် သွားခဲ့ပါတယ်။ အစစအရာရာလိုက်လုပ်ပေးဖို့လိုတဲ့ မယ်လိုဒီလို ကလေးတစ်ယောက်အတွက် မယ်လိုဒီရဲ့မိဘတွေရဲ့အပင်ပန်းခံ ပံ့ပိုးပေးမှုကလည်း မယ်လိုဒီရဲ့အောင်မြင်မှုနဲ့ထူးချွန်မှုအတွက် အဓိကအခန်းကဏ္ဍကပါဝင်နေတယ်ဆိုတာမြင်တွေ့နိုင်မှာ ဖြစ်ပါတယ်။ File size… (1.64GB) / (853MB ) Quality… WEB-DL 1080p HEVC / 720p Format…mkv / mp4 Duration….1h 42m Genre ….. Drama Subtitle….Myanmar Subtitle (Hard Sub) Encoder….Min Wai Translated by JULY

The Apprentice (2024) IMDb Rating (7.2) / Rotten Tomatoes (82%) အမေရိကန် ရဲ့ သမ္မတဟောင်းတစ်ယောက် ဖြစ်သလို လက်ရှိအချိန်မှာလည်း ရီပါဘလီကန် ပါတီဘက်ကနေ အမေရိကန် ရွေးကောက်ပွဲမှာ သမ္မတအဖြစ် ဝင်ရောက် ရွေးချယ်ခံနေတဲ့ ကမ္ဘာကျော် ဘီလျံနာ ဒေါ်နယ်ထရန့် ရဲ့ လောလော လတ်လတ် ထွက်ထားတဲ့ Biopic ရုပ်ရှင်ပဲ ဖြစ်ပါတယ်။ ဒီ ရုပ်ရှင်မှာ ဒေါ်နယ်ထရန့် ဆိုပြီး ဖြစ်လာအောင် ကူညီပေးခဲ့တဲ့ ရှေ့နေ ရွိုင်ကုမ်း နဲ့ ဒေါ်နယ်ထရန့် တို့ရဲ့ ဆက်ဆံရေး ရှုထောင့်ကနေ ပြသထားပြီး အနိုင်ရဖို့အတွက် ဘာမဆို လုပ်ရဲတဲ့ ထရန့် ရဲ့ စရိုက်ကို သေချာ ပုံဖော်ထားပါတယ်။ Winter Soldier အဖြစ် နာမည်ကြီးတဲ့ မင်းသား Sebastian Stan က ဒေါ်နယ် ထရန့် အဖြစ် သရုပ်ဆောင်ထားပြီး သူ့ရဲ့ အကောင်းဆုံး သရုပ်ဆောင်ချက်တွေထဲက တစ်ခုအဖြစ် သတ်မှတ်လို့ရတဲ့အထိ ထရန့်နေရာကို ပီပြင်စွာ သရုပ်ဆောင်နိုင်ခဲ့ပါတယ်။ Succession နဲ့ နာမည်ကြီးတဲ့ မင်းသား Jereme strong က ရှေ့နေ့ ရွိုင်ကုမ်း အဖြစ် သရုပ်ုပ်ဆောင်ထားပြီး Rating တွေလည်း ကောင်းသလို ထရန့် ဘယ်လိုလူလဲဆိုတာ၊ သူဘာကြောင့် အောင်မြင်တာလဲဆိုတာတွေကို တစ်စွန်းတစ်စ မြင်နိုင်မှာ ဖြစ်ပါတယ်။ (အညွှန်းနဲ့ဘာသာပြန်ကတော့ Marco ဖြစ်ပါတယ်။) File size…(13.4 GB) / (4.7 GB) / (1.8 GB) Quality….WEB-DL 4K HEVC / 1080p HEVC / 720p Format…. mkv/mp4 Genre….Drama, History Duration….02:02:37 Subtitle….Myanmar Subtitle (Hardsub) Encoder….Benjamin Translated by Marco

Ordinary Angels (2024) Drama ရုပ်ရှင်ကောင်း ကြိုက်သူတွေအတွက် ဇာတ်ကားကောင်းတစ်ခု တင်ဆက်ပေးလိုက်ပါတယ်။ Rotten Tomatoes – 85%, IMDb rating – 7.8 ရရှိထားပါတယ်။ ၁၉၉၄ ခုနှစ် ကန်တက်ကီ ပြည်နယ်၊ လူးဝစ်ဗေးလ်မြို့က အသည်းရောဂါသည် ကောင်မလေးကို အသည်းအစားထိုးကုသနိုင်ဖို့ ရန်ပုံငွေရှာဖွေ ပေးခဲ့တဲ့ အမျိုးသမီးတစ်ယောက်အကြောင်း တကယ့်ဖြစ်ရပ်မှန်ကို အခြေတည်ပြီး ရိုက်ကူးထားတာပါ။ ဇာတ်လမ်းအကျဉ်းကတော့ အက်ဝါ့ဒ်ရှမစ်ဟာ ဇနီးဖြစ်သူထရီဆာ ရောဂါနဲ့ သေဆုံးပြီးနောက် သမီးလေး၂ယောက်နဲ့ ဘဝကို ရုန်းကန်နေရသူပါ။ ပိုပြီး ကံဆိုးတာက သမီးအငယ်လေး မီရှဲလ်ဟာ အသည်းရောဂါကို ခံစားနေရပြီး အစားထိုးကုသမှုခံယူဖို့ လိုအပ်နေပါတယ်။ သမီးလေးရဲ့ ရောဂါကို ကုပေးရင်း အကြွေးနွံထဲမှာ နစ်နေခဲ့ပါတယ်။ ထရီဆာရဲ့ အသုဘကို သိလည်းမသိဘဲ ယောင်လည်လည်နဲ့ ရောက်လာတဲ့ ရှာရွန်ဆိုတဲ့ အမျိုးသမီးနဲ့တွေ့ဆုံခဲ့ပါတယ်။ ရှာရွန်ဟာလည်း မြို့ထဲမှာ ဆံပင်အလှပြင်ဆိုင်ဖွင့်ထားပေမယ့် အရက်စွဲတဲ့ ပြဿနာရှိနေသူပါ။ လိုနဲ့ ရှာရွန်လည်း အက်ဒ်တို့ မိသားစုကို သနားသွားပြီး ကူညီပေးဖို့ ရန်ပုံငွေ ရှာဖို့ ကြိုးစားပါတော့တယ်.... ဘဝမှာ အဆိုးတွေချည်းပဲ ရှိတယ်လို့ ခံစားရတဲ့အချိန်ဆိုတာရှိမှာပါ။ ငါ့မှာမှ ဘာလို့ဒီလိုဖြစ်ရတာလဲလို့ တွေးမိနေတဲ့အချိန်တွေ ရှိမှာပါ။ အဲလိုအချိန်တွေ ကြုံရတိုင်း ဒီရုပ်ရှင်ကို ကြည့်လိုက်ပါ။ ဘဝခွန်အားတွေ အနည်းငယ်တော့ ရမယ်လို့ ထင်ပါတယ်။ အညွှန်း နဲ့ ဘာသာပြန်ကတော့ Leonard Lin ပဲ ဖြစ်ပါတယ်။ Genre..... Drama Quality…. 1080p | 720p File size… 1.6GB | 710MB Format… mp4 Duration…. 1h 58min Subtitle…. Myanmar Subtitle (Hardsub) Translator ..... Leonard Lin Encoder ..... Aaron

Priscilla (2023) ~ IMDb - 7/10, RT - 82%, Meta - 78% ~ ဖရန်စစ်ဖို့ဒ်ကော်ပိုလာကြီးကတော့ ၂၀၁၁ကတည်းက ဘာကားမှမထွက်ဘဲ ၂၀၁၉လောက်ကမှ Megalopolis ဆိုတဲ့ ရုပ်ရှင်အသစ်အကြောင်းထအော် သူဒီကားအတွက် ဇာတ်ညွှန်းရေးနေတာ ၁၉၈၀ကတည်းက ဖြစ်ကြောင်း ထအော်ပြီး ပျောက်သွားလောက်တာ အခု ၂၀၂၄ စတော့မယ့်အထိ ပြန်ကိုပေါ်မလာသေးပါဘူး။ Megalopolis ဆိုလည်း ရိုက်ကူးပြီးစီးပြီတော့ကြားပေမဲ့ အခုထိ ပိုစတာတောင် မလာသေးပါဘူး။ ရိုက်ကွင်းမှာလည်း ကော်ပိုလာထုံးစံအတိုင်း တော်တော်ကသောင်းကနင်းဖြစ်ခဲ့တယ်တော့ ကြားထားတာပါပဲ။ သူ့သမီး ဆိုဖီယာကော်ပိုလာကတော့ ၃နှစ်တစ်ကားဆိုသလို ပုံမှန်ရိုက်နေကျအတိုင်း ဒီနှစ်မှာ Priscilla နဲ့ ပြန်ပေါ်လာပြန်ပါပြီ။ ဒီတစ်ခါတော့ A24 က ဖြန့်ဝေပေးထားပါတယ်။ ၁၉၈၅မှာ Elvis Presley ရဲ့မိန်းမ Priscilla Presley က "Elvis and Me" ဆိုတဲ့ စာအုပ်ကို ထုတ်ခဲ့ပြီး အဲဗစ်နဲ့ သူ့အကြောင်းကို ရေးသားခဲ့ဖူးတယ်။ ၂၀၂၂ မှာတော့ ဆိုဖီယာကော်ပိုလာက ဒါကို ရုပ်ရှင်အဖြစ်အသက်သွင်းဖို့ ကြေညာခဲ့တယ်။ ဆိုဖီကာကော်ပိုလာဟာ ဒီစာအုပ်ကို ဖတ်ပြီး တော်တော်လေးထိသွားခဲ့တယ်တော့ ဆိုပါတယ်။ ဘယ်လိုထိသွားသလဲတော့ မသိဘူးပေါ့။ ဒီကားဟာ ပရက်စလေ ဘိုင်အိုဂရပ်ဖီကားတစ်ကားလို့ပြောလို့ရပေမဲ့ Baz Luhrmann ရဲ့ Elvis (2022) နဲ့ ဆန့်ကျင်စွာပဲ ဒီရုပ်ရှင်မှာ အဲဗစ်ရဲ့အောင်မြင်ခဲ့တဲ့ဘဝအကြောင်း သေချာထည့်သွင်းပြသသွားတာမျိုးမရှိဘူး။ အဲဗစ်ရဲ့ စိတ်အမှောင်ဘက်ခြမ်းကို ပိုအသားပေးပြသွားတယ်။ ဆိုဖီကာကော်ပိုလာဟာ သူတို့၂ယောက်ဆက်ဆံရေးထဲကမှ Priscilla ရဲ့ဘက်ကို ပိုပြသချင်ခဲ့ပြီး Priscilla ကို အဲဗစ်က ရုပ်ပိုင်း စိတ်ပိုင်း အနိုင်ကျင့်ခဲ့တာတွေကို ပေါ်လွင်အောင် ပြသချင်ခဲ့တယ်။ ကျွန်တော့်အမြင်အရတော့ ဆိုဖီယာဟာ အဲဗစ်ကို အရမ်းဆိုးဆိုးရွားရွားကြီးတော့ ပြမထားဘူး။ ဒါပေမဲ့လည်း အဲဗစ်ရဲ့သမီးကတော့ သူ့အဖေအကြောင်း ဒီလိုပြသတဲ့ရုပ်ရှင်ကို သဘောမကျခဲ့သလို သူ့အမေဘက်ကမြင်တဲ့ သူ့အဖေအပေါ်အမြင်အကြောင်းလည်း သူစိတ်မဝင်စားဘူးလို့ဆိုခဲ့တယ်။ ဇာတ်ကတော့ အဲဗစ်ကို အမေရိကန်စစ်တပ်က ဂျာမနီမှာ မထမ်းမနေရ စစ်မှုထမ်းခိုင်းတဲ့အချိန်မှာစထားတယ်။ ဒီအချိန်မှာ သူအဆိုတော်အနေနဲ့ တော်တော်လေး အောင်မြင်ပြီးနေပြီ။ တစ်ရပ်တကျေးမှာပဲ ဂျာမနီကို တာဝန်ကျတဲ့ ဗိုလ်မှူးတစ်ယောက်ရဲ့သမီး Priscilla နဲ့တွေ့ပြီး သူချစ်ကျွမ်းဝင်မိခဲ့တယ်။ ပြဿနာကတော့ သူတို့စတွေ့တဲ့အချိန်မှာ Priscilla အသက်က ၁၅နှစ်ပဲရှိသေးတယ်။ ကလေးမလေးကို အဲဗစ်က ကြွေဆင်းသွားခဲ့သလို သျှမ်းသျှမ်းတောက်အောင်မြင်နေတဲ့ အဲဗစ်ရဲ့ အရှိန်အဝါကိုလည်း ကလေးမလေးက မလွန်ဆန်နိုင်ခဲ့ဘူး။ ဒီလိုနဲ့ ၁၅နှစ်ကလေးနဲ့ နာမည်ကျော်အဆိုတော်ကြီးတို့ရဲ့ ဇာတ်လမ်းလေးစခဲ့တယ်။ အဲဒီဇာတ်လမ်းကနေမှ Priscilla အတွက် အဲဗစ်နဲ့ပတ်သက်ပြီး ကြုံခဲ့ရတာတွေကို ဆိုဖီယာကော်ပိုလာက ဆက်တင်ပြသွားတယ်။ ပြောရရင် ဒီရုပ်ရှင်မှာ အဲဗစ် နဲ့ Priscilla တို့ရဲ့ အိမ်ထောင်ရေး ဇာတ်လမ်းကို စဆုံးတင်ပြထားတယ်။ အဲဗစ်အဖြစ် ဆိုဖီယာရွေးထားတာက Jacob Elordi... သူ့အဆိုအရတော့ အဲဗစ်နဲ့ တူတဲ့ သရုပ်ဆောင်မျိုးရှိမှာမဟုတ်ပေမဲ့ ဂျက်ကော့ကလည်း အဲဗစ်လို ညှို့ဓာတ်ရှိပြီး မိန်းကလေးတွေသည်းသည်းလှုပ်သဘောကျခံရတဲ့သူမို့ သူရွေးခဲ့တာဆိုတယ်။ Priscilla ရဲ့ ၁၅နှစ်ကနေ ၂၇နှစ်အထိအပိုင်းအခြားကို သရုပ်ဆောင်ရမှာက Cailee Spaeny... သူလည်း ကောင်းခဲ့ပါတယ်။ ရွှေကမ္ဘာလုံးဆုပေးပွဲမှာ သူ မင်းသမီးဆုဆန်ခါတင်ဝင်ထားသေးတယ်။ ဝေဖန်ရေးသမားတစ်ချို့ကတော့ Priscilla ဟာ "Lost in Translation" နောက်ပိုင်း ဆိုဖီယာကော်ပိုလာရဲ့အကောင်းဆုံးကားလို့ ဆိုကြတယ်။ ဘာပဲဖြစ်ဖြစ်ပါ။ သူ့အဖေကြီး ဖရန်စစ်ရဲ့ကား ဘယ်တော့ဘယ်ဆီမှ ထွက်မယ်မှန်းလည်းမသိနိုင်တော့ ဘာမှမဆိုင်ပေမဲ့ အဆာပြေ ဆိုဖီယာကော်ပိုလာရဲ့ကားလေးကြည့်ရင်းပဲ စောင့်လိုက်ကြတာပေါ့။ ဆိုဖီယာကော်ပိုလာဟာ ဒီရုပ်ရှင်ကို သူ့ဝသီအတိုင်း အမျိုးသမီးဆန်တဲ့ အမြင်နဲ့ အသက်သွင်းသွားခဲ့တယ်။ ထူးတာကတော့ အဲဗစ်ပရက်စလေရဲ့ ဘိုင်အိုကားလို့ပြောလို့ရပေမဲ့ အဲဗစ်သီချင်းတွေမပါဘဲ ဆိုဖီယာ့ယောက်ျားနဲ့ သူ့ဝိုင်းတော်သားတွေက ဒီရုပ်ရှင်ရဲ့ သီချင်းတွေကို ဖန်တီးပေးထားတယ်။ အောင်မြင်တဲ့ယောက်ျားတွေအကြောင်း ကျွန်တော်တို့ အလုံအလောက်နီးပါးကြည့်ပြီးပါပြီ။ ဆိုဖီယာကော်ပိုလာကတော့ အဲဒီအောင်မြင်တဲ့ယောက်ျားတွေထဲက တစ်ယောက်ဒဏ်ကိုခံခဲ့ရတဲ့ မိန်းမတစ်ယောက်အကြောင်းကို ကျွန်တော်တို့ကို ပြသသွားခဲ့တယ်။ Priscilla ကို ဆိုဖီယာကော်ပိုလာရဲ့ လျှပ်ပြေးဖော်ပြတဲ့ပုံစံအတိုင်းပဲ တင်ပြထားတာမို့ သူ့တင်ဆက်ဟန်ကို သဘောကျတဲ့လူတွေ‌တော့ ကြိုက်ကြမှာပေမဲ့ အားလုံးတော့ ကြိုက်ကြမယ်မထင်ဘူး။ ဒါပေမဲ့လည်း အော်စကာမှာ တစ်နေရာရာက ဝင်ကောင်းဝင်နိုင်တဲ့ ရုပ်ရှင်ပါပဲ။ ကျွန်တော့်အမြင်တော့ အဲဗစ်ကို ဆိုဖီယာ ပုံဖော်သွားတဲ့ပုံစံက နားလည်ပေးလို့ရသလို သိပ်အဆိုးကြီးတော့လည်း မဟုတ်တာမို့ အဲဗစ်ဖန်တွေလည်း ကြည့်လို့အဆင်ပြေမှာပါပဲ။ Priscilla ရဲ့ တစ်ထောင့်မှာ အချစ်နဲ့အောင်မြင်ခြင်းဟာ ဘယ်တော့မှ ထပ်တူမကျနိုင်တဲ့အကြောင်းတွေကိုလည်း ကျွန်တော်တို့ မြင်ရပါလိမ့်မယ်။ Priscilla Presley အချစ်ဆိုတာ နတ်ပြည်နဲ့ငရဲလက်တွဲထားတဲ့ ကမ္ဘာပဲ Priscilla ရေ မင်းရင်ခုန်ခဲ့တဲ့အချစ်ဟာ မင်းကိုနာကျင်စေခဲ့ပြီ အသက်ရှင်ခြင်းကလည်း ဘယ်လောက်ချစ်နိုင်ခဲ့သလဲ ဘုရားသခင်ပေးတဲ့ ကဗျာပဲ။   ။ ~ သုခမိန်လှိုင် P.S - Special thanks to Sayar Thukhamein Hlaing who wrote this poem exclusively for Channel Myanmar... (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 4.06GB, 2.15GB, 810MB Quality - 4K HEVC, 1080p, 720p IMDb Rating - 7/10 Format - mp4 Duration - 1H 53Min Genre - Biography, Drama, Music Subtitle - Myanmar Subtitle (Hardsub) Translated by WiRa Aung Encoded by Y, Ka Naung

Snoopy Presents: One-of-a-Kind Marcie က August လ 18 ရက်နေ့ကမှထွက်ရှိထားတဲ့ 39 မိနစ်စာ short movie လေးဖြစ်ပြီး messenger မှာ လူတိုင်းချစ်တဲ့ခွေးကလေး Snoopy ရဲ့ comedy series ဖြစ်တဲ့ The Snoopy Show ရဲ့ Spin-off story ဖြစ်ပါတယ်။ ဇာတ်ကားနာမည်အတိုင်းပဲ ဒီ movie ရဲ့ အဓိကဇာတ်လိုက်က မာစီလို့ခေါ်တဲ့ introvert ကောင်မလေးတစ်ယောက်ဖြစ်ပါတယ်။ ဉာဏ်ကောင်းပြီး ပြဿနာဖြေရှင်းနိုင်မှုအားကောင်းတဲ့ မာစီဟာ လူတွေကိုကူညီချင်ပေမဲ့ လူကြောက်တတ်တဲ့သူ့ရဲ့ပင်ကိုစရိုက်ကြောင့် တခြားသူတွေကိုကူညီဖို့ သူ့ခရီးလမ်းဟာ ခရီးမတွင်ဘဲ‌ဖြစ်နေရပါတယ်။ ဒါကိုကိုင်တွယ်နိုင်ဖို့ မာစီတစ်ယောက်ဘယ်လိုကြိုးစားမလဲ၊ ဒီဇာတ်လမ်းရဲ့ main theme ဖြစ်တဲ့ ဂေါက်ရိုက်ချန်ပီယံရှစ်ပြိုင်ပွဲမှာ သူငယ်ချင်းပက်ထရစ်ရှာချန်ပီယံဖြစ်ဖို့ မာစီဘယ်လိုတွေကူညီသွားမလဲဆိုတာ တွေ့မြင်ရမှာပါ။ IMDB rating အနေနဲ့ 7.4 အထိရရှိထားပြီး The Snoopy Show မကြည့်ရသေးလည်း ကြည့်လို့အဆင်ပြေတဲ့အပြင် runtime လည်းမကြာတာမို့ အပျင်းပြေကြည့်ဖို့ဆိုရင် ကြည့်ကိုကြည့်သင့်တဲ့ animation ဇာတ်ကားလေးပဲဖြစ်ပါတယ်။ File size…(661 Mb)/(337 Mb) Quality….Webrip 1080p / 720p Format…mp4 Duration….00:39:00 Genre...Animation, Comedy, Family Subtitle….Myanmar Subtitle (Hardsub) Encoder….Garfield Translated by Mariposa

အမျိုးသားတွေရဲ့ ဆုံးဖြတ်ချက်ကသာ အခရာဖြစ်နေတဲ့ မြို့ငယ်လေးတစ်ခုမှာ အမျိုးသမီးတွေဟာ ပညာသင်ခွင့်မရဘဲ စာတောင် မရေးမဖတ်တတ်တဲ့ဘဝနဲ့ နေကြရပါတယ်။ အမြဲအနိုင်ကျင့်ခံ၊ အောက်ကျို့ခံနေရတဲ့ သူတို့အပေါ် လိင်အကြမ်းဖက်မှုတွေပါ ကျူးလွန်လာတဲ့အခါ အမျိုးသမီးတွေ စုပေါင်းပြီး ကျူးလွန်သူတွေကို ဖမ်းလိုက်ကြတယ်။ မကြာခင် ရဲတွေ လာခေါ်သွားပေမယ့် အကြောင်းကတော့ ဒေါသထွက်နေတဲ့ အမျိုးသမီးတွေလက်ကနေ ကျူးလွန်သူတွေကို ကာကွယ်ပေးဖို့ ဖြစ်နေပါတယ်။ မြို့က အမျိုးသားတွေက ကျူးလွန်သူတွေအတွက် အာမခံပေးကြသလို အမျိုးသမီးတွေကိုလည်း နှစ်ရက်အတွင်း ခွင့်လွှတ်ပေးဖို့ ပြောလာကြတယ်။ ခွင့်မလွှတ်နိုင်ရင် မြို့ကနေ နှင်ထုတ်ခံရမှာပါ။ ဒီတော့ ဘာမှမလုပ်ဘဲ ဆက်နေမလား၊ ဒီမှာပဲနေပြီး ပြန်ရင်ဆိုင်မလား၊ ဒါမှမဟုတ် ထွက်သွားမလားဆိုတဲ့ လမ်းသုံးလမ်းထဲက တစ်ခုကို ရွေးဖို့ မြို့ခံအမျိုးသမီးတွေကိုယ်စား အမျိုးသမီးတစ်စုက နှစ်ရက်အတွင်း ဆွေးနွေးဆုံးဖြတ်ရပါတော့တယ်။ အနိုင်ကျင့်ခံရသူကိုပဲ အပြစ်ပြန်တင်တတ်တဲ့ အသိုင်းအဝိုင်းထဲမှာ တစ်သက်လုံး နေလာခဲ့ကြသူတွေအတွက် ဒီဆုံးဖြတ်ချက်က မလွယ်ပါဘူး။ မြို့က နှင်ထုတ်ခံရရင် ကောင်းကင်ဘုံမရောက်နိုင်ဘူးလို့ ယုံကြည်အောင် သွန်သင်ခံထားရတာက တစ်ဖက်၊ နေသားကျနေတဲ့ ဘဝထဲကနေ ရုန်းထွက်ဖို့ ခက်နေတာက တစ်ဖက်ပါ။ အပြစ်ထပ်တင်ခံရမှာကိုလည်း ကြောက်နေကြတဲ့ သူတို့ဟာ အတိတ်က အနိုင်ကျင့်မှုတွေအောက်ကနေ လွတ်မြောက်ဖို့နဲ့ ကိုယ့်အခွင့်အရေးကို ရဖို့ အကြိတ်အနယ် ဆွေးနွေးကြပါတယ်။ Sarah Polley ရဲ့ ဒီဒရာမာဟာ နေရာတစ်ခုတည်းမှာ အဓိကဇာတ်တည်ပြီး အမျိုးသမီးတွေရဲ့ စကားဝိုင်းကနေ ဇာတ်လမ်းကို ဆက်သွားထားတာပါ။ Claire Foy နဲ့ Rooney Mara တို့ ပါဝင်သရုပ်ဆောင်ထားပါတယ်။