Emma Tremblay ပါဝင်သော ဇာတ်ကားများ

CM ပရိသတ်ကြီးကို ဖြစ်ရပ်မှန် Thriller ဇာတ်ကားလေး တစ်ခုနဲ့ မိတ်ဆက်ပေးချင်ပါတယ်။ ဒီဇာတ်ကားဟာ ဩစတြေးလျနိုင်ငံ ကွင်းစလန်းပြည်နယ်က ဖြစ်ရပ်မှန် တစ်ခုကို မှီငြမ်းပြီးတော့ ကယ်လီဖိုးနီးယားမှာ ရိုက်ကူး ထားတာပါ။ ဇာတ်လမ်းမှာ အဲရီကာဆိုတဲ့ ၁၅ နှစ်သမီးလေး ကျောင်းကို သွားပြီးနောက် အိမ်ကို ပြန်မရောက်လာတော့ဘဲ ပျောက်ဆုံး သွားခဲ့ပါတယ်။ အဲရီကာဟာ အရင်ကလည်း အိမ်ကနေ ထွက်ပြေးဖူးပြီးတော့ သူ့ထက် အသက် ၆နှစ်ကြီးတဲ့ ရည်းစားနဲ့ မိုတယ်မှာ သွားနေ ခဲ့တာပါ။ ဒီတစ်ခါမှာတော့ သူ့ရည်းစားက လမ်းခွဲပြီးသားမို့ သူနဲ့ မဆိုင်ဘူးလို့ တွင်တွင်ပြောနေခဲ့လို့ ရဲတွေ လမ်းစရှာမရ အကြပ်ရိုက်နေခဲ့ပါတယ်။ ဆယ်ကျော်သက်အရွယ် မိန်းကလေးတွေကို ပစ်မှတ်ထား တိုက်ခိုက်တဲ့ ကွင်းဆက် လူသတ်သမား ပေါ်လာခဲ့တာကြောင့် အဲရီကာဟာ လူသတ်သမားရဲ့ သားကောင်ဖြစ်သွားခဲ့ပြီး အထင်နဲ့ ၂ နှစ်အကြာမှာ လက်လျှော့ပြီး ဈာပနပွဲပါ ကျင်းပ ခဲ့ပါတယ်။ အဲရီကာ ပျောက်ဆုံးတာ ၄ နှစ်နီးပါး ရှိပြီးချိန် လူသတ်သမားရဲ့ တရားခွင် ရုံးချိန်းမှာ အဲရီကာ ရောက်လာ ခဲ့တဲ့အချိန်မှာတော့ ဒွိဟဖြစ်မှုတွေ မယုံကြည်နိုင်မှုတွေ အများ ပြည်သူတွေကြားမှာ ဖြစ်လာခဲ့ပါတော့တယ်။ ဒီဇာတ်ကားမှာ အိမ်ထောင်ရေး ပဋိပက္ခဖြစ်တဲ့အချိန်မှာ သားသမီးတွေအပေါ် စိတ်ပိုင်းဆိုင်ရာ ရိုက်ခတ်မှု ဘယ်လောက်ပြင်းထန်လဲ ဆိုတာအပြင် သမီးပျောက်ဆုံးမှု ကို နှစ်တွေကြာမြင့်လည်း မျှော်လင့်ချက် မဖျက်နိုင်တဲ့ မိခင် မေတ္တာကိုပါ တွေ့မြင်ရမှာပါ။ ဇာတ်ကားကို ကြည့်ရှုပြီးချိန် ရင်ထဲမှာ တစ်ခုခု ကျန်နေခဲ့မယ့် ဇာတ်ကား တစ်ကားလို့ ဆိုချင်ပါတယ်။ (စပွိုင်လာ ရီဗျူး--- ဒီဇာတ်ကား မှီငြမ်းရိုက်ကူးခဲ့တဲ့ ဖြစ်ရပ်မှန်မှာ ပျောက်ဆုံးခဲ့တဲ့ အမျိုးသမီးဟာ Natasha Ryan ဆိုတဲ့သူ ဖြစ်ပြီးတော့ ၂၀၂၄ ဇွန်လမှာ ဆုံးပါးသွားခဲ့ပြီး ဖြစ်ပါတယ်။ ကွယ်လွန်ချိန်မှာ သူမဟာ အသက် ၄၀ ရှိပြီ ဖြစ်ပြီး သူမရဲ့ ခင်ပွန်းသည် (အသက် ၆နှစ်ကွာ ရည်းစားဟောင်း)နဲ့ ကလေး ၄ယောက် ရထားခဲ့တာပါ။ သူမ လေးနှစ်တာ ပျောက်ဆုံးပြီး လူသတ်မှု တရားခွင်မှာ ပြန်ပေါ်လာချိန် မီဒီယာလောကမှာ ဟိုးလေးတစ်ကျော် အမှန်တကယ် ဖြစ်ခဲ့ပါတယ် ။ စာနယ်ဇင်းတွေက သူမကို “a girl in the cupboard” ဆိုပြီးတော့ နာမည်ပြောင် ပေးခဲ့ကြတာပါ။ လေးနှစ်တာလုံးလုံး မိဘအိမ်နဲ့ သိပ်မဝေးတဲ့ နေရာမှာ နေထိုင်ပြီး အသိမပေးခဲ့တဲ့ သူမလုပ်ရပ်ကို အံ့ဩဘနန်း ဖြစ်ခဲ့ကြပြီး လူအများစုက ကိုယ်ချင်းစာနာစိတ် ကင်းမဲ့သူ သမီးတစ်ယောက်အဖြစ် သမုတ်ခဲ့ကြပါတယ်.. သူ့ကြောင့် အမှန်တကယ် ပျောက်ဆုံးသူတွေအတွက် နစ်နာကြောင်း အပြစ်ဆိုသူတွေ အများကြီး ရှိခဲ့ပါတယ်။) File size… (1.19 GB) / (615 MB) Quality… WEB-DL 1080p HEVC / 720p Format…mkv / mp4 Duration….1h 26m Genre …..Horror , Thriller Subtitle….Myanmar Subtitle (Hard Sub) Encoder….Min Wai Translated by Aoi

The Nomis ကို​တော့ဒါရိုက်တာ David Raymond မှရိုက်ကူးထားပြီး Thriller အမျိုးအစားဖြစ်ပါတယ်။ Social Network ကို အသံ ဆယ်​ကျော်သက်အရွယ် အမျိုးသမီးငယ်​လေးများ ဆက်တိုက်​ပျောက်ဆုံးမှု မှုနဲ့ဇာတ်လမ်းကို စတင်ထားပါတယ်။ တရားခံဟု သံသယရှိသူ တစ်ဦး ကို ဖမ်းဆီးမိလာ​သော်လည်း စိတ်​ဝေဒနာရှင် တစ်ဦးဖြစ်​နေပြန်ပါတယ်။ တရားခံအစစ်မိ ဖမ်းမိလာတာလား တကယ့်အစစ်က အခြားတစ်​ယောက်လား ပျောက်ဆုံးသွားတဲ့အမျိူးသမီးလေးတွေကရော ဘာဖြစ်သွားကြလဲ ပျောက်သွားတာကလည်း ဘာလို့ ဆယ်ကျော်သက်အမျိူးသမီးလေးတွေဖြစ်နေတာလဲ တရားခံမှာရည်ရွယ်ချက်ရှိလားတကယ့်ရည်ရွယ်ကရော ဘာလည်း စသည်ဖြင့် မြှုပ်ကွက်များစွာဖြင့်ကား​ကောင်းတစ်ကားဖြစ်ပါတယ်။ IMDb ratingအ​နေဖြင့် 5.8/10 ရှိပြီး Triller ကြိုက်သူများအတွက် ကား​ကောင်းတစ်ကားဖြစ်ပါတယ် File size…(1.55 GB) and (725.26 MB) Quality…1080p Web-dl H264 FGT Format…mp4 Duration…1h 38min Subtitle….Myanmar Subtitle (Hardsub) Encoder…sithu Translator...Htet Htet Myint

Psych : The Movie (2017) IMDB : 7.3 Rotten Tomatoes : 100% Genre : Comedy / Mystery Psych : The Movie ကတော့ 2006 ခုနှစ်ထွက် Psych ဇာတ်လမ်းတွဲအပြီး ပထမဆုံးထွက်ခဲ့တဲ့ Television Movie တစ်ခုဖြစ်ပါတယ်။ ဒီရုပ်ရှင်ရဲ့အားသာချက်ကတော့ Psych ဇာတ်လမ်းတွဲကို မကြည့်ထားလည်း ကြည့်လို့ရတာပါပဲ။ ဒါရိုက်တာ Steven Franks ကဖန်တီးထားပြီး James Roday Rodriguez, Dulé Hill နဲ့ Timothy Omundson တို့က အားဖြည့်သရုပ်ဆောင်ထားပါတယ်။ ဇာတ်ညွှန်း “လုပ်စရာ ၁၀ ခုရှိရင် ၈ ခုကို တလွဲလုပ်တယ်။ ကျန်တဲ့ ၂ ခုက မလုပ်ရသေးတာ” ဒါကတော့ နာမည်မကျော်၊ ကမ္ဘာမကျော် စုံထောက်ကြီး ရှောန်ရဲ့ ဂုဏ်ပုဒ်ဖြစ်ပါတယ်။ သူဘာပဲလုပ်လုပ် ဘေးကနေ ကန့်လန့်၊ ကန့်လန့်နဲ့ လိုက်ခံရတာကတော့ သူငယ်ချင်း၊ အချစ်တော်ကြီး ဂပ်စ်ဖြစ်ပါတယ်။ ဒီရုပ်ရှင်မှာတော့ သူငယ်ချင်းနှစ်ယောက် ဆန်ဖရန်စစ္စကိုမြို့မှာ ဆိုင်ခန်းလေးတစ်ခုဖွင့်ဖို့ကြိုးစားရင်း ရှောန်နဲ့စေ့စပ်ထားတဲ့ ဂျူးလိယက် အိုဟားရားကို အကောက်ကြံမယ့် ပြဿနာတစ်ခုကို ရင်ဆိုင်လာရပါတော့တယ်။ ဒီလိုနဲ့ သူငယ်ချင်းနှစ်ယောက် အရှုပ်တော်ပုံကို ဘယ်လောက်ထိ ထပ်ရှုပ်အောင်လုပ်သွားမလဲဆိုတာကို စခွီထရင်း ပိတ်ရက်မှာ ခံစားကြည့်လိုက်ကြပါခင်ဗျာ။ File size…    1.8 GB / 730MB Quality… Web-DL 1080p / 720p Format… mp4 Duration…. 1h 21m Genre ..... Mystery / Comedy

IMDb - 8.0/10 Rotten - 85% ကျွန်တော်တို့ငယ်စဉ်ကတည်းကလူ့အသိုင်းအဝိုင်းနဲ့စတင်ထိတွေ့ချိန်မှာ အခက်အခဲမျိုးစုံကြုံတွေ့ရလေ့ရှိပါတယ်။ အခြေအနေအလိုက် ပိုမိုရုန်းကန်ရတဲ့သူတွေရှိသလို သက်တောင့်သက်သာရဲ့ဖြတ်သန်းသွားရသူတွေလည်းရှိပါတယ်။ ဒါပေမယ့် လူတိုင်းဟာကိုယ့်အပူနဲ့ကိုယ်၊ ကိုယ်ပိုင်ဖြေရှင်းစရာပြဿနာတစ်ခုခုကတော့ရှိနေတတ်တာပါပဲ။ ဒါတွေကို သေချာမြင်အောင် ကြည့်နိုင်မယ်ဆိုရင်တော့ အားလုံးသာသူ့နည်းသူ့ဟန်နဲ့တိုင်ပတ်နေတာဖြစ်ပြီး ဘယ်သူရယ်မှ သူဟာပုံမှန်လူ သူဟာပုံမှန်မဟုတ်တဲ့လူရယ်လို့ ရှိတော့မှာမဟုတ်ပါဘူး။ ဒီဇာတ်ကားလေးဟာ လူတိုင်းကြည့်သင့်တဲ့ဇာတ်ကားလေးပါ။ အဓိကဇာတ်ကောင်လေးဖြစ်တဲ့ အော်ဂီဟာမွေးရာပါချို့ယွင်းချက်တွေနဲ့ခွဲစိပ်မှုပေါင်းများစွာပြုလုပ်ခဲ့ရတဲ့ ကလေးတစ်ယောက်။ ပုံမှန်လူတွေရယ်လို့သတ်မှတ်ထားတဲ့သူတွေရှိတဲ့ မျက်နှာအသွင်အပြင်မရှိရှာတဲ့သူတစ်ယောက်။ သူ့မိသားစုလေးမှာ တစ်မိသားစုလုံးကို ရယ်မောပျော်ရွှင်စေပြီး အမြဲတမ်းအားပေးတတ်တဲ့အဖေ၊ ကိုယ့်သားသမီးတွေကို အရာအားလုံးစွန့်လွှတ်ပြီး ဂရုစိုက်တတ်တဲ့အမေ၊ ကိုယ့်မိသားစုကိုပြန်ထောက်ကြည့်တတ်တဲ့ အစ်မဖြစ်သူအိုလစ်ဗီယာ ဆိုပြီးမိသားစုသုံးယောက်ရှိပါတယ်။ ဒီဇာတ်ကားမှာ မွေးဖွားလာစဉ်ကတည်းကချို့ယွင်းရှာတဲ့သားဖြစ်သူကို အားလုံးထက်ပိုဂရုစိုက်တတ်တဲ့မိခင်၊ ဘယ်တော့မှလက်မလျှော့ပဲ ကိုယ့်သားသမီးအပေါ်ယုံကြည်စိတ်မပျက်တတ်တဲ့ မိဘတွေရဲ့စိတ်၊ ကိုယ့်သားသမီးတွေတစ်ခုခုလိုအပ်နေပြီဆိုရင် အမြဲပြန်လည်ဖြည့်ဆည်းပေးဖို့ကြိုးစားတတ်တဲ့ မိဘတွေရဲ့မေတ္တာ၊ ကိုယ့်မောင်လေးအတွက် မိဘတွေရဲ့မေတ္တာကို ကြည်ကြည်ဖြူဖြူခွဲဝေပေးတဲ့ အစ်မတစ်ယောက်ရဲ့မေတ္တာ၊ သည်းခံစိတ်၊ စွန့်လွှတ်စိတ်၊ မိဘမောင်နှမတွေရဲ့ အားပေးမှု၊ ကူညီရိုင်းပင်းထောက်ပံ့မှုတွေနဲ့ အားတင်းအရှုံးမပေးတတ်တဲ့ အော်ဂီ၊ သူ့အတွက်ထိုးနှက်မှုများစွာနဲ့ ကြိုဆိုနေတဲ့ လောကကြီးထဲ ရဲရဲဝင့်ဝင့်မိသားစုရဲ့အင်အားနဲ့ ကြံကြံခိုင်ရပ်တည်နိုင်တဲ့ အော်ဂီ၊ စသည်ဖြင့် မိသားစုတစ်ခုမှာရှိရမယ့် မိသားစုစိတ်ဓာတ်ကိုအပြည့်အဝဖော်ညွှန်းပြထားပါတယ်။ ဒါပေမယ့် လူဆိုတာမျိုးဟာ ပြောင်းလဲတတ်တဲ့အမျိုးမဟုတ်လားဗျာ။ ဘေးပတ်ဝန်းကျင်လူ့အသိုင်းအဝိုင်းရဲ့ ဘောင်ကန့်သတ်ချက်တွေ၊ ထိုးနှက်မှုတွေကြားမှာယိုင်နဲ့တတ်တဲ့သဘာဝလည်းရှိတတ်တာပါပဲ။ ဒီလိုနဲ့ လမ်းမှားကိုတဒင်္ဂရောက်သွားရတဲ့သူတွေရှိသလို၊ မရုန်းထွက်နိုင်တော့တဲအထိနွံ့နစ်သွားရတဲ့သူတွေလည်းရှိပါတယ်။ ဒီလိုမဖြစ်ရအောင် အားလုံးသာ တစ်ဦးအပေါ်တစ်ဦး နားလည်မှုတွေ၊ အကြင်နာတရားတွေနဲ့ပွင့်လင်းတဲ့ဆက်ဆံရေး၊ ရိုင်းပင်းတတ်တဲ့စိတ်ဓာတ်၊ စတာတွေသာရှိရင် အားလုံးအတွက် အဆင်ပြေနိုင်မှာပါ။ ဒီဇာတ်ကားလေးကချပြသွားပုံလေးကိုသဘောကျမိပါတယ်။ မိသားစုတစ်စုတည်းကို ဦးတည်မသွားဘဲ သူ့ရဲ့ပတ်ဝန်းကျင်ကသူတွေနဲ့ပတ်သက်ပြီး ရိုက်ခတ်မှု၊ နောက်ကွယ်ကကိုယ်ပိုင်ပြဿနာတွေ၊ စတာတွေကိုပါ ချပြသွားပြီး အားလုံးဟာသူမသာကိုယ်အသုဘပါပဲဆိုတာကိုပြောပြနေသလိုပါပဲ။ ဇာတ်ကားလေးကြည့်ရင်း ရင်ထဲခံစားရတာတွေ၊ ခေါင်းထဲတွေးမိတာတွေအများကြီးပေါ်လာရတဲ့အထိပါပဲ။ ရည်ရွယ်ချက်ကို သေချာမြင်အောင် ပြသနိုင်တဲ့ ဇာတ်ကားကောင်းလေးတစ်ကားပဲဖြစ်ပါတယ်။ ဒီထက်ပိုပြီးရေးမပြတတ်တော့ပေမယ့် တကယ်ကို လူတိုင်းကြည့်သင့်တယ်ဆိုတာကိုတော့ အားလုံးကိုတိုက်တွန်းလိုက်ချင်ပါတယ်။ ကိုယ်တိုင်ကြည့်ရှုပြီး ကိုယ်ပိုင်အတွေးတွေနဲ့ ခံစားကြည့်ရှုစေချင်ပါတယ်။ ရင်ထဲမှာရောခေါင်းထဲမှာပါ တစ်ခုမကကျန်ရစ်သွားစေမှာပါလို့ပဲညွှန်းဆိုရင်း……. File Size : (956 MB) Quality : Blu-Ray 720p Running Time : 1hr 53min Format : Mp4 Genre :Drama, Family Subtitle : Myanmar Subtitle (Hard Sub) Source : 720p.BluRay.x264-GECKOS Translated by Thura and May Haruko Encoded by Thanhtike Zaw

The Giver (2014) IMDB Rating: 6.4/10 Genre : Drama, Romance, Sci-Fi ဒီနေ့ ပြောမယ့်ရုပ်ရှင်က "The Giver" ပါ။ ၂၀၁၄ ခုနှစ်က ထွက်ရှိခဲ့တဲ့ ဒီရုပ်ရှင်ကတော့ Lois Lowry ရဲ့ နာမည်ကြီး စာအုပ်ကနေ ရုပ်ရှင်အဖြစ် ပြောင်းလဲရိုက်ကူးထားတာဖြစ်ပါတယ်။ ဒီဇာတ်ကားထဲမှာ Jeff Bridges, Meryl Streep, Brenton Thwaites တို့လို နာမည်ကြီးသရုပ်ဆောင်တွေ ပါဝင်ပါတယ်။ ဒိတ်ဒိတ်ကြဲအဆိုတော် တေလာဆွဖ် တောင် ပါ၀င်ထားပါသေးတယ်။ ဇာတ်လမ်းကိုပြောရရင်တော့ နာကျင်မှုတွေ၊ စစ်ပွဲတွေ၊ ရက်စက်မှုတွေ၊ အရောင်တွေ မရှိပဲ အားလုံး တပြေးညီဖြစ်နေတဲ့ ကမ္ဘာမှာ ရှင်သန်နေထိုင်ကြတဲ့ လူတွေအကြောင်းပါ။ အားလုံးက သူ့ဟာနဲ့ သူကွက်တိဖြစ်နေပြီး အားလုံးပြီးပြည့်စုံနေတာမျိုးပေါ့။ အရွယ်တစ်ခုရောက်တဲ့အခါ အကြီးအကဲဆိုသူတွေက ‌သတ်မှတ်ပေးတဲ့ တာ၀န်ကျရာ အလုပ်ကို လုပ်ကြရပါဝာယ်။ အဲ့မှာ ဂျိုနတ်စ်လို့ခေါ်တဲ့ လူငယ်လေးတစ်ယောက်က Receiver of Memory(မှတ်ညဏ်လက်ခံသူ)အဖြစ် ရွေးချယ်ခံရပြီး အရင်ကမ္ဘာရဲ့ တကယ့် အမှတ်တရတွေကို သိရှိရဖို့ တာဝန်ပေးအပ်ခံရတာပါ။ ဂျိုနတ်စ်က သူမခံစားဖူးတာတွေ မမြင်ဖူး မကြားဖူးဝာာ‌ တွေကို သိရှိပြီး နောက်မှာတော့ လက်ရှိကမ္ဘာကိုအယုံအကြည်မရှိတော့ပဲ စွန့်စားခန်းစဖွင့်ပါ‌တော့တယ်။ အစပိုင်းမှာအဖြူအမည်းရုပ်ရှင်လိုမျိုးကနေ တဖြည်းဖြည်း အရောင်တွေ ပေါ်လာတဲ့ပုံက ဇာတ်ကားရဲ့ ပုံစံကို ပိုထင်ဟပ်စေပါတယ်။ (ရုပ်ရှင်အညွှန်းနဲ့ဘာသာပြန်ကို Thinzar Oo မှတင်ဆက်ထားပါတယ် ) File size…(1.4 GB )/ (1 GB) Quality…BluRay 1080p HEVC / 720p Format…mkv/mp4 Duration….01:37:00 Subtitle….Myanmar Subtitle (Hardsub) Encoder….Ka Naung Translated by Ivy Noe

The Judge (2014) IMDb Rating (7.4) ရင်ဘတ်ကြီးကိုဖွင့် နှလုံးသားကို စွင့်ပြီး ခံစားချင်သူတွေအတွက် ဒီဇာတ်ကားဟာ အကောင်းဆုံးကားတစ်ကားဖြစ်ပါတယ်. ပြကွက်တစ်ကွက်ချင်းစီမှာ အရေးကြီးတဲ့ စနစ်တကျခြယ်သမှုတွေနဲ့ တင်ဆက်ထားပါတယ်.. ဇာတ်လမ်းကြာချိန်ကလည်း နှစ်နာရီ ခွဲလောက်ဖြစ်တဲ့အတွက် အချိန်ကြာမြင့်စွာအရသာခံကြည့်ရှုရမယ့်ကားတစ်ကားဖြစ်ပြီး ကြည့်ပြီးချိန်မှာ ရင်ဘတ်ထဲ ခံစားချက်တွေကျန်ခဲ့စေမယ့်အပြင် နောက်တစ်ခါထပ်ကြည့်ချင်လောက်အောင် ကောင်းလှပါတယ်.. kids တွေက ပါဝါရိန်းဂျား..men တွေက DC တွေ Marvel တွေကြိုက်တယ်ဆိုရင် ဒီကားက Legend တွေကြည့်တဲ့ကားလို့ သတ်မှတ်ပေးပါရစေ… Iron Man မင်းသား Robert Downey Jr က ဒီကားထဲမှာ ထက်မြက်တဲ့ရှေ့နေတစ်ယောက်ပါ.. သူ့ရဲ့ထူးခြားတဲ့အကျင့်က အပြစ်ရှိသူတွေဖက်ကပဲ ရှေ့နေလိုက်ပေးတာပါ.. သူ့မှာ ဇနီးနဲ့ သမီးတစ်ယောက်ရှိတယ်.. တစ်နေ့ တရားရုံးမှာ အမှုတစ်ခုရှေ့နေလိုက်နေရင်း သူ့အစ်ကိုအကြီးဆုံးဆီက သူ့အမေဆုံးပြီဆိုတဲ့ ဖုန်းဝင်လာပါတယ်.. ဒါနဲ့သူ့အမေ အသုဘကိစ္စအတွက် သူ့ရဲ့နယ်မြို့လေးကို ပြန်ခဲ့သည်ပေ့ါ.. ညီအစ်ကိုသုံးယောက်ရှိတဲ့အထဲမှာမှ အလတ်ကောင်ဖြစ်သူက တရားသူကြီးတစ်ဦးဖြစ်သူ ဖခင်နဲ့မတည့်လို့ အိမ်ကိုမပြန်ခဲ့တာနှစ်ပေါင်းအတော်ကြာပါပြီ. ပြန်ရောက်တဲ့အချိန်ကနေစလို့ အသုဘကိစ္စပြီးလို့ ပြန်မယ့်အချိန်ထိ အဖေနဲ့သား တကျက်ကျက်ပါပဲ.. ဒီလိုနဲ့အဖေနဲ့ရန်ဖြစ်ပြီး အိမ်ပြန်ဖို့ လေယာဉ်ပေါ်အတက်.. အစ်ကိုအကြီးဆုံးဆီကဖုန်းဝင်လာပြန်တာက.. သူတို့အဖေတရားသူကြီး လူသတ်မှုနဲ့ ရဲစခန်းရောက်နေလို့ပါတဲ့… ဒီဇာတ်လမ်းဟာ မှုခင်း ဒရာမာကားလို့ ဆိုထားပေမယ့် ဒီထက် အများကြီးအများကြီး အတွေးတွေ ပေးနိုင်မယ့်ကားတစ်ကားဖြစ်ပါတယ်.. ရိုးရှင်းတဲ့ ရိုက်ချက်တွေနဲ့ သားအဖတွေကြားဆက်ဆံရေးတွေ .. လူ့အသိုင်းအဝိုင်းနဲ့ တရားဥပဒေအပေါ် လေးစားမှု မလေးစားမှု..တရားဥပဒေရဲ့အရေးပါမှုတွေ.. ကံတရားတစ်ပတ်လည်ပုံတွေကို အချိတ်အဆက်ကောင်းကောင်းနဲ့ ရိုက်ပြထားပါတယ် ၂၀၁၄ မှာ ထွက်ခဲ့တဲ့ကားတစ်ကားဖြစ်ပြီး IMDb – 7.4  Google users – 94%  Rotten tomatoes – 48% တို့ဖြစ်ကြပါတယ်. နောက်ဆုံးဇာတ်လမ်းပြီးစာတန်းထိုးတဲ့အခါ… The Scientist ဆိုတဲ့ သီချင်းလေးကိုလည်း နားထောင်ဖြစ်အောင်နားထောင်ဖို့ တိုက်တွန်းလိုက်ပါတယ်..။ (ရုပ်ရှင်အညွှန်းနဲ့ ဘာသာပြန်ကို Zuel Khant Thwin မှ တင်ဆက်ထားပါတယ်။) File size…(2.7 GB )/(1.3 GB)  Quality….BluRay 1080p HEVC / 720p Format…mkv/mp4 Duration….02:22:00 Subtitle….Myanmar Subtitle (Hardsub) Encoder….Ka Naung Trasnlated by Zuel Khant Thwin

IMDb Rating (6.6) / Rotten Tomatoes (64%) 2013 ခုနှစ်မှာ ထွက်ရှိခဲ့တဲ့ မင်းသား မက်ဒေမွန်ရဲ့ Elysium ရုပ်ရှင်ကားဟာ Box Office အမေရိကန်ဒေါ်လာ 286 သန်း အထိရရှိခဲ့ပြီး ဝေဖန်ရေးဆရာတွေလဲ အကြိုက်တွေ့ခဲ့တဲ့ရုပ်ရှင်ဇာတ်ကားဖြစ်ပါတယ်။ Action,Sci-fi ပုံစံတင်ဆက်ထားပေမယ့် လူဦးရေထူထပ်လာခြင်း၊ လူသားဆန်မှုလျော့နည်းလာခြင်း၊ ခေတ်သစ်ကျန်းမာရေးစောင့်ရှောက်မှု၊ အလုပ်သမားခေါင်းပုံဖြတ်မှု၊ တရားစီရင်ရေးစနစ်နဲ့ လူတန်းစားဆိုင်ရာပြသနာတွေ အနာဂတ်မှာဖြစ်လာမှာတွေကို မီးမောင်းထိုးပြထားပါတယ်... ၂၁ ရာစုရဲ့အဆုံးသတ်မှာ ကမ္ဘာကြီးဟာ လူဦးရေလွန်ကဲမှု အဆိပ်သင့်မှု ကပ်ရောဂါတွေ ဖုံးလွှမ်းလာပါတယ် ...ဒီလိုအချိန်မှာ အချမ်းသာဆုံးလူတွေဟာ ကမ္ဘာကြီးမှာ မနေကြတော့ဘဲ သူတို့ရဲ့လူနေမှုအဆင့်အတိုင်း သီးသန့်တည်ဆောက်ထားတဲ့ အိုခြင်းမရှိ နာဖျားခြင်းမရှိတဲ့ ဂြိုလ်တစ်ခုဆီကို ထွက်ခွာသွားကြပါတယ်... သမိုင်းနဲ့ချီလာတဲ့ထုံးစံအတိုင်း ငမွဲလေးတွေ နင်းပြားလေးတွေကတော့ ကမ္ဘာကြီးရဲ့ဆိုးညစ်မှုတွေကြား ပိတ်လှောင်ခံရစမြဲပေါ့... သိပ္ပံစိတ်ကူးယဉ်ရုပ်ရှင်ဇာတ်လမ်းဆိုပေမယ့် လက်တွေ့ဘဝတွေနဲ့လဲ ဆင်တူတာမလို့ ခံစားကြည့်ကြပါဦး။ File size…(4.9 GB)/(1.8 GB) /(1 GB) Quality….BluRay 4K HEVC/1080p HEVC/720p Format…mkv/mp4 Duration….01:49:35 Subtitle….Myanmar Subtitle (Hardsub) Encoder….Ka Naung