Erica Anderson ပါဝင်သော ဇာတ်ကားများ

ဖုန်းကို အိတ်ထဲထည့်ထားရင်း မသိလိုက်ဘဲ တခြားသူဆီ ဖုန်းခေါ်မိသွားတာကို pocket dial လို့ ခေါ်ကြပါတယ်။ စတေစီဆိုတဲ့ အမျိုးသမီးတစ်ယောက်ကတော့ ခင်ပွန်းရဲ့ဖုန်းကနေ အဲဒီလို မတော်တဆ ဝင်လာတဲ့ ဖုန်းကို ကိုင်မိရာက လူသတ်မှုတစ်ခုကို မထင်မှတ်ဘဲ ကြားလိုက်ရပါတယ်။ သူကြားလိုက်ရတဲ့ လူသတ်မှုဟာ ခင်ပွန်းနဲ့ ဘယ်လိုပတ်သက်နေမလဲ၊ အမှန်တရားကို သူတို့ ဘယ်လိုဖော်ထုတ်ကြမလဲဆိုတာကို လိုက်ပြထားတဲ့ မှုခင်းနဲ့ လျှို့ဝှက်ဆန်းကြယ် သည်းထိတ်ရင်ဖိုဇာတ်ကားပါ။

ဟယ်လန်ဟာ သမီးဖြစ်သူ လော်ရာကို ကောလိပ်မှာ သွားကြိုပြီး မြောက်ပိုင်းက သူတို့ရဲ့ သစ်သားအိမ်လေးဆီ သွားဖို့ စီစဉ်ထားပါတယ်။ ဒါပေမယ့် မြောက်ပိုင်းမှာ နှင်းမုန်တိုင်း ပြင်းထန်နေပြီး ရာသီဥတုနဲ့ လမ်းအခြေအနေတွေက အတော်ဆိုးနေတယ်။ လမ်းမှာတော့ ကားကြုံစီးချင်တဲ့ ကာလီဆိုတဲ့ အမျိုးသမီးနဲ့ တွေ့ပါတယ်။ ပုံမှန်ဆို ကားကြုံတင်ပေးလေ့မရှိတဲ့ ဟယ်လန်က တစ်ယောက်တည်းဖြစ်နေတဲ့ ကာလီကို မိန်းမချင်း ကိုယ်ချင်းစာပြီး ခေါ်တင်လိုက်တယ်။ သူမသိတာက ကာလီဟာ တစ်ယောက်တည်း မဟုတ်ဘူးဆိုတာပါ။ သမီးကို ကြိုပြီး ကာလီနဲ့အတူ ခေါင်ဖျားတဲ့ မြောက်ပိုင်းဆီ ခရီးဆက်တဲ့အချိန်ကနေ ဇာတ်လမ်းစပါတယ်။