Erica Chui ပါဝင်သော ဇာတ်ကားများ

ဟောင်ကောင်ကယ်ဆယ်ရေးအဖွဲ့ရဲ့ အတွေ့အကြုံရင့်ဝါရင့်ဝန်ထမ်းကြီး မာကျစ်ယဲ့ဟာ လူနာရဲ့အသက်ကိုကယ်တင်နိုင်ဖို့သာ အဓိကထားပြီး သတ်မှတ်ထားတဲ့စည်းမျဉ်းတွေအတိုင်း မလုပ်တတ်တဲ့သူဖြစ်တာကြောင့် ခန္ဓာကိုယ်မှာ ဒဏ်ရာဒဏ်ချက်နဲ့ ဖိစီးမှုတွေပြည့်နှက်နေသူဖြစ်ပါတယ်။ တစ်နေ့မှာတော့ ရာထူးတိုးဖို့နဲ့ စည်းကမ်းလိုက်နာဖို့သာအဓိကထားတဲ့ ဝန်ထမ်းအသစ်ဝမ်ဝေရောက်လာတဲ့အခါ တန်ဖိုးထားတာချင်းမတူတာကြောင့် သူတို့၂ယောက်ကြားမှာ ပြင်းထန်တဲ့သဘောထားကွဲလွဲမှုတွေ ဖြစ်လာပါတယ်။ အလုပ်မှာသူရဲကောင်းဖြစ်ပေမယ့် မာကျစ်ယဲ့ဟာ သမီးလေးတစ်ယောက်ကို တစ်ကိုယ်ထဲပျိုးထောင်နေရသူဖြစ်ပါတယ်။ သူဟာ သမီးငယ်လေးနဲ့ခွဲခွာရတော့မယ့် ဘဝအလှည့် အပြောင်းတစ်ခုကိုရင်ဆိုင်လာရပါတယ်။ ကိုယ်ချစ်ရတဲ့သူနဲ့ သေကွဲဖြစ်ဖြစ် ရှင်ကွဲဖြစ်ဖြစ် ခွဲခွာရတဲ့အချိန်မှာ ငါ့ကိုတစ်နေ့သူတို့မေ့သွားမလားဆိုတဲ့အကြောက်တရားကို သူလဲ လူသားတစ်ဦးမလို့ ခံစားနေရပါတယ်။ အရေးပေါ်ကားတစ်စီးကို မြန်မြန်ဆန်ဆန်မောင်းနှင်ဖို့လိုအပ်သလိုပဲ သူတို့ရဲ့ဘဝခရီးအပြောင်းအလဲတွေကို မြန်မြန်ဆန်ဆန်ဖြတ်သန်းနေရပါတယ်။ သူတို့နှစ်ယောက် စိတ်တွေဝေဝါးနေတဲ့အချိန်မှာပဲ ဟောင်ကောင်ရဲ့ အဝေးပြေးလမ်းမကြီးမှာ ပြင်းထန်တဲ့ယာဉ်တိုက်မှုကြီးဖြစ်သွားပြီး ဒီဖြစ်ရပ်ဆိုးကြီးမှာ လူပေါင်းများစွာရဲ့ အသက်ကိုကယ်တင်ဖို့ကြိုးစားရင်း မာကျစ်ယဲ့နဲ့ ဝမ်ဝေတို့ဟာ သူတို့ဘဝရဲ့အဓိပ္ပါယ်ကိုနားလည်သွားကြပါတော့တယ် Filesize : 1.33 GB / 711 MB Quality : WEB-DL 1080p HEVC , 720p HEVC Format : mp4 Genres : Drama Runtime : 1h 40 min Subtitle : Myanmar Subtitle ( Hardsub )

ဟောင်ကောင်က လမ်းဘေးနေရာလေးတစ်ခုကို အိမ်လို သဘောထားပြီး နေထိုင်နေကြတဲ့ အိမ်ခြေရာမဲ့လူတစ်စု ရှိပါတယ်။ သူတို့ထဲက အများစုမှာ ပြန်စရာအိမ် မရှိတော့ဘူး။ လုပ်စရာမရှိတဲ့နေ့တွေကို မူးယစ်ဆေးသုံးရင်း ကုန်လွန်စေကြတဲ့ သူတို့ဆီ တစ်နေ့မှာ စည်ပင်ဝန်ထမ်းတွေ သန့်ရှင်းရေးလာလုပ်ကြတယ်။ သူတို့တားနေတဲ့ကြားက အသုံးအဆောင်တွေအားလုံးကို အမှိုက်လို့ သတ်မှတ်ပြီး အမှိုက်ကားပေါ် တင်ပစ်လိုက်ကြပါတယ်။ တခြားသူတွေအတွက် အမှိုက်ဖြစ်နေပေမယ့် ပိုင်ရှင်တွေအတွက်တော့ တန်ဖိုးရှိတဲ့ ပစ္စည်းတွေပါ။ ဒီဖြစ်ရပ်ကြောင့် သူတို့က စည်ပင်ကို တရားစွဲကြပါတော့တယ်။ Francis Ng ပါဝင်သရုပ်ဆောင်ထားတဲ့ Drifting က ၂၀၁၂ ခုနှစ်မှာ တကယ်ဖြစ်ခဲ့တဲ့ ဟောင်ကောင်အိမ်ခြေရာမဲ့တွေနဲ့ ပတ်သက်တဲ့ တရားမှုတစ်ခုကို အခြေခံထားပါတယ်။ တရားစွဲဆိုမှုနဲ့အတူ သူတို့တစ်ယောက်ချင်းစီ အိမ်ခြေရာမဲ့မဖြစ်ခင်က ဘဝတွေနဲ့ အဲဒီနောက် ဆက်လက်ရှင်သန်ကြပုံကိုပါ ယှက်ပြီး ပြောပြထားတယ်။ သူတို့နေတဲ့ ဆင်းရဲသားရပ်ကွက်မှာ ကွန်ဒိုတွေ ဆောက်လာပြီး မြို့က တိုးတက်ပြောင်းလဲလာချိန်မှာတော့ အိမ်လို့ ခေါ်ထားတဲ့ နေရာလေးတွေပါ ပျောက်ကွယ်လာရပါတယ်။ မူရင်းအညွှန်းက ဒီဇာတ်ကားကို Limbo၊ Hand-rolled Cigarettes နဲ့ Time တို့နဲ့အတူ ဟောင်ကောင်ရုပ်ရှင်အတွက် မျှော်လင့်ချက်ပေးတဲ့ လက်ရာတွေထဲမှာ ထည့်ပြောထားပါတယ်။ ရုပ်ရှင်ပွဲတော်တွေမှာ ဆုတချို့ရရှိခဲ့တဲ့ ဇာတ်ကားဖြစ်ပြီး မြို့ကြီးရဲ့ အပြောင်းအလဲနောက်မှာ ကျန်ရစ်နေတဲ့ လူတွေရဲ့ဘဝကို အာရုံစိုက်ထားတယ်။