Erin Doherty ပါဝင်သော ဇာတ်ကားများ

Adolescence (2025) အပိုင်း (၁ မှ ၄) စ/ဆုံး လျှို့ဝှက်ဆန်းကြယ်စုံထောက်ဇာတ်လမ်းတွေကိုကြိုက်နှစ်သူတွေအတွက် Mini Series ကောင်းလေးတစ်ခုကို တင်ဆက်ပေးလိုက်ပါတယ်။ ပုံမှန်ဆိုရင် တရားခံတွေက လူကြီးတွေ ဖြစ်နေတာများပေမဲ့ ဒီကားထဲမှာတော့ ၁၃ နှစ်သား ကလေးလေးက တရားခံဖြစ်နေပြီး တရားခံကိုအစကတည်းက တန်းသိရပေမဲ့ နောက်ပိုင်းကိုလည်း စိတ်ဝင်စားစရာကောင်းအောင် ဆက်လက်ဆွဲခေါ်သွားပေးနိုင်တဲ့အတွက် အချိန်ပေးရတာတန်စေမဲ့ Series လေးတစ်ခုလို့ ပြောလို့ရပါတယ်။ နာမည်ကတော့ Adolescence ဖြစ်ပြီး သရုပ်ဆောင်တွေအနေနဲ့ TV Series တွေမှာ တော်တော်ကောင်းကောင်းလက်စွမ်းပြထားနိုင်တဲ့ Ashley Walters တို့ Stephen Graham တို့အပြင် တခြားသော နာမည်ကြီးသရုပ်ဆောင်များစွာပါဝင်ထားပြီး IMDb Rating ကြမ်းကြမ်း 8.5 အထိကိုဆွတ်ခူးထားနိုင်တာဖြစ်ပါတယ်။ ဇာတ်လမ်းအစမှာတော့ ဂျေမီဆိုတဲ့ ၁၃ နှစ်အရွယ်ကောင်လေးရဲ့အိမ်ကို ရဲတွေ လက်နက်ကိုင် တပ်ဖွဲ့တွေနဲ့ဝင်စီးနင်းတာကိုတွေ့ရမှာဖြစ်ပြီး သိပ်မကြာခင်မှာပဲ ဂျေမီ့ကို ရဲစခန်းကို ဖမ်းခေါ်သွား ခဲ့ပါတော့တယ်။အဲ့ဒီအခါမှာ မိဘဖြစ်သူတွေကအကျိုးအကြောင်းမေးတဲ့အခါမှာတော့ သူတို့သားကို လူသတ်မှုသံသယရှိသူအနေနဲ့ ဖမ်းဆီးခေါ်ဆောင်သွားတာဖြစ်ကြောင်းသိလိုက်ရပါတော့တယ်။ ဒီလိုနဲ့ဂျေမီတစ်ယောက် ရဲစခန်းလုပ်ထုံးလုပ်စဉ်တွေအတိုင်း စစ်ဆေးတာတွေ စစ်မေးတာ တွေကိုခံရပြီး သိပ်မကြာခင်မှာပဲ တရားခံပေါ်သွားပါတော့တယ်။ အထက်မှာပြောခဲ့သလိုပဲ တရားခံတန်းပေါ်သွားပေမဲ့ နောက်ပိုင်း ဆက်လာမဲ့ အကြောင်းအရာတွေကမှ တကယ် စိတ်ဝင်စားဖို့ ကောင်းတာပါ။ စောစောစီးစီး တရားခံအထိ Spoil ပြီးသွားပြီ ဆိုတော့ နောက်ဆက်တွဲတွေကို ဆက်မပြောတော့ဘဲ ကိုယ်တိုင်ပဲလက်မလွတ်တမ်း ကြည့်ဖြစ်အောင် ကြည့်ဖို့ ညွှန်းပေးလိုက်ချင်ပါတော့တယ်။ (အညွှန်းကို Saw Lay မှ ရေးသားပေးထားပါတယ်) Episodes: 4 Aired: 13 March 2025 Genres:  Psychological, Thriller, Crime, Drama Translated by Saw Lay Encoded by AHtet

IMDB Rating 7.2/10 ၆ ပိုင်းထဲနဲ့ ကြည့်ကောင်းမယ့် အကြမ်းစား စီးရီးတစ်ခုလာပါပြီ ၁၈၀၀ နှောင်းပိုင်းလောက်က အင်္ဂလန်ပြည်ကို ဇာတ်အိမ်တည်ထားပြီး. လန်ဒန်မြို့အရှေ့ဘက်ပိုင်းကို ဂျမေကာကနေ တက်လာတဲ့ ဟီဇီကယ်နဲ့ အဲလေ့စ်ဆိုတဲ့ သူငယ်ချင်း  ၂ ယောက်အကြောင်းပါ...လန်ဒန်အရှေ့ဘက်က လူမိုက်ဂိုဏ်းတွေ အကျင့်ပျက်ခြစားရဲတွေ.. ဒုစရိုက်မှုတွေနဲ့ ပြည့်နှက်နေတဲ့အချိန်ပေါ့... ခြင်္သေ့ထိန်းအဖြစ်လုပ်ကိုင်ဖို့ လန်ဒန်တက်လာခဲ့တဲ့ ဟီဇီကယ်ဟာ အသားရောင်ခွဲခြားမှုကြောင့် လန်ဒန်မှာ နေရာထိုင်ခင်းအခက်ခဲဖြစ်နေတဲ့အချိန်  Blue Coat Boy အရက်ဆိုင်က လုပ်တဲ့ နာမည်ကြီး ဘောက်ဆင်ပွဲမှာ ဝင်ထိုးရင်း နာမည်ရလာပါတယ်...ဒါပေမဲ့ သူရင်ဆိုင်ရမှာက အရှေ့လန်ဒန်ရဲ့ ဘုရင်လို့သတ်မှတ်ထားတဲ့ ရှူးဂါးဂွတ်ဆင်နဲ့ ထရီကယ် ဂွတ်ဆင်တို့ ညီအစ်ကို နှစ်ယောက်ဖြစ်နေပါတယ် အတိုက်အခိုက်တွေ စွန့်စားခန်းတွေနဲ့ Non Stop action ဇာတ်လမ်းမျိုးဖြစ်တဲ့အတွက် သေချာပေါက်ကြည့်သင့်တဲ့ ဇာတ်လမ်းတွဲပါပဲ File size…(1.1 GB)/(1 GB) Quality….Webrip 1080p / 720p Format…mp4 Duration….00:52:00 Genre...Drama  Subtitle….Myanmar Subtitle (Hardsub) Encoder….Swan Min Htet Translated by Matteo

ဒီဇာတ်ကားလေးကတော့ ၂၀၂၄ ခုနှစ်တုန်းကထွက်ရှိခဲ့တဲ့ British Drama ဇာတ်ကားတစ်ကားဖြစ်ပြီးတော့ ဒါရိုက်တာ Virginia Gilbert က ရိုက်ကူးထားပါတယ်။ အဓိကဇာတ်ဆောင်တွေအဖြစ် Jared Harris, Juliet Stevenson နဲ့ Erin Doherty တို့က ပါဝင်ထားပါတယ်။ ဇာတ်လမ်းအကျဉ်းကတော့ ဂျွန်နဲ့မယ်ရီတို့ဟာ ပျောက်သွားတဲ့ သူတို့ရဲ့ ၁၄ နှစ်အရွယ်သမီးလေးကလဲရ်ကို လိုက်ရှာနေခဲ့ ပါတယ်။ ဆယ်နှစ်ကြာပြီးနောက် တစ်နေ့မှာတော့ မမျှော်လင့် ထားပဲနဲ့ ကလဲရ်က အိမ်ပြန်ရောက်လာပါတယ်။ နှစ်ပေါင်းများစွာကြာပြီဖြစ်တာကြောင့် မိဘဖြစ်သူတွေကလည်း မမှတ်မိကြတော့ပါဘူး။ ဒီလိုနဲ့ နောက်ဆုံးမှာတော့ မိသားစုလေး ပြန်လည်ဆုံဆည်းဖြစ်သွားပါပြီ။ ဒါပေမယ့် သူက တကယ့်ကလဲရ်အစစ်အမှန်ရောဟုတ်ရဲ့လား။ ဘာလို့ ဆယ်နှစ်ကြာပြီးမှ ပြန်ရောက်လာတာလဲ စတဲ့မေးခွန်း တွေရဲ့အဖြေကို ဒီဇာတ်ကားထဲမှာ စိတ်ဝင်စားဖွယ်ကြည့်ရှုရမှာပါ။ သမီးဖြစ်သူ ပျောက်ဆုံးသွားတာနဲ့ပတ်သတ်ပြီး မဖြေရှင်းနိုင်တဲ့ ပဟေဠိတွေနဲ့ ရင်ဆိုင်နေရတဲ့ မိဘဖြစ်သူနှစ်ယောက်ရဲ့ခံစားချက်ကို ပေါ်လွင်အောင်ဖော်ပြထားပါတယ်။ IMDb မှာ rating ကောင်းတစ်ခုကို ရရှိထားပြီးတော့ အရမ်း ကြည့်လို့ကောင်းတဲ့ ဒရာမာဇာတ်ကားလေးဖြစ်တာကြောင့် ကြည့်ကြည့်ဖို့ တိုက်တွန်းချင်ပါတယ်။ File size… (1.01 GB) / (468 MB) Quality… WEB-DL 1080p HEVC / 720p Format…mkv / mp4 Duration….1h 34m Genre …. Thriller Subtitle….Myanmar Subtitle (Hard Sub) Encoder….Min Wai Translated by Austin

Firebrand ရုပ်ရှင်ဟာ Drama ၊ History အမျိုးအစားဖြစ်ပြီး မင်းသားကြီး Jude Law နဲ့အတူ Tomb Rider ထဲက မင်းသမီး Alicia Vikander တို့က ပါဝင်သရုပ်ဆောင် ပေးထားကြပါတယ်။ ရက်စက်ကြမ်းကြုတ်တဲ့အုပ်ချုပ်မှုကြောင့် သွေးစွန်းနေတဲ့အင်္ဂလန်နိုင်ငံမှာ ဘုရင် Henry VIII ရဲ့ ခြောက်ယောက်မြောက်နဲ့နောက်ဆုံးမိဖုရားဖြစ်တဲ့ ကတ်သရင်းပါးဟာ ဘုရင်စစ်ထွက်သွားနေတဲ့အချိန်မှာ နိုင်ငံကိုဘုရင်ခံအနေနဲ့အုပ်ချုပ် ကျန်ရစ်ခဲ့ရပါတယ်။ ကတ်သရင်းဟာ သူ့ရဲ့အစွန်းရောက်ပရိုတက်စတင့်ယုံကြည်မှုတွေကို အခြေခံပြီး တိုင်းပြည်ရဲ့အနာဂတ်သစ်တစ်ခုကိုဖော်ဆောင်နိုင်ဖို့ တွန်းအားပေးလုပ်ဆောင်ခဲ့ပါတယ်။ ဒါပေမဲ့ သူများကိုယုံမှားသံသယ လွန်ကဲတတ်ပြီး ကျန်းမာရေးလည်းချွတ်ယွင်းနေတဲ့ဘုရင်ဟင်နရီ ပြန်ရောက်လာချိန်မှာတော့ အစွန်းရောက်တွေကိုဒေါသပုံချပြီး အစွန်းရောက်တရားဟောဆရာမတစ်ဦးဖြစ်တဲ့ ကတ်သရင်းရဲ့အချစ်ဆုံး သူငယ်ချင်းအန်းကို ဖမ်းဆီးမီးရှို့သတ်ဖြတ်ခဲ့ပါတယ်။ သူငယ်ချင်းအတွက် ဒေါသလည်းထွက် ပူဆွေးသောကလည်းရောက်ရတဲ့ကတ်သရင်းဟာ နန်းတော်ထဲမှာ အရင်မိဖုရားတွေကိုလည်းခေါင်းဖြတ်သတ်ခဲ့တဲ့ ဟင်နရီရဲ့လက်ကနေ သူ့အတွက်သူလွတ်မြောက်အောင် ကြိုးပမ်း ရပါတော့တယ်။ File size…1.55GB / 716MB Quality…WEB-Rip 1080p 5.1CH / 720p Format…mp4 Duration….2h 1m Genre ….. Drama , History Subtitle….Myanmar Subtitle (Hard Sub) Encoder….Min Wai Translated by JULY