Forrest Goodluck ပါဝင်သော ဇာတ်ကားများ

Trust (2025) ဆိုတဲ့ ဇာတ်ကားကတော့ ရင်ခုန်စရာ သည်းထိတ်ရင်ဖိုအက်ရှင်လေးပါ၊ Sophie Turner က ခေါင်းဆောင်မင်းသမီးအဖြစ် သရုပ်ဆောင်ထားတယ်။ ဇာတ်လမ်းက ဒီလိုဗျ၊ Lauren Blake ဆိုတဲ့ ဟောလိဝုဒ်မင်းသမီးတစ်ယောက်က သူ့ဘဝက အတော်လေး အဆင်ပြေနေတုန်း၊ ရုတ်တရက် အင်တာနက်ဟက်ကာတစ်ယောက်က သူ့ရဲ့ကိုယ်ပိုင်ဖြစ်တဲ့ ဓာတ်ပုံတွေ၊ ကိုယ်ဝန်ရှိမရှိစမ်းထားတဲ့ ဓာတ်ပုံတွေကို ဖောက်ထွင်းပြီး လူသိအောင် ဖြန့်လိုက်တာ။ ဒီလိုနဲ့ Lauren ရဲ့ ဘဝက တချက်နဲ့ ဗရုတ်သုတ်ဖြစ်ပြီး အားလုံးရဲ့ ဝေဖန်မှုတွေ၊ အတင်းအဖျင်းတွေကြားမှာ သူ ဘယ်လိုမှ မနေနိုင်တော့ဘူး။ ဒါကြောင့် သူ အားလုံးကို ဖုံးကွယ်ပြီး တိတ်ဆိတ်တဲ့ တောအုပ်ထဲက အိမ်တစ်လုံးမှာ ပုန်းနေဖို့ ဆုံးဖြတ်လိုက်တယ်။ ဒါပေမယ့် ဒီအိမ်က သူထင်သလို ဘေးကင်းတဲ့နေရာမဟုတ်ဘူးဗျ။ သူ ယုံကြည်ထားတဲ့ လူတစ်ယောက်က သူ့ကို သစ္စာဖောက်ပြီး လူသတ်သမားတွေကို လွှတ်လိုက်တာ။ ဒီလူသတ်သမားတွေ အိမ်ထဲ ရောက်လာတဲ့အခါ Lauren က သူ့ရဲ့ ခွေးလေး Georgie နဲ့အတူ အသက်ရှင်ဖို့ အသည်းအသန် ရုန်းကန်ရတာပေါ့။ အိမ်ထဲမှာ ပိတ်မိနေရင်း လူသတ်သမားတွေကို ဘယ်လိုရင်ဆိုင်မလဲ၊ သူ့ရဲ့ အတိတ်က လျှို့ဝှက်ချက်တွေက ဘယ်လိုပေါ်လာမလဲဆိုတာ ကြည့်ရှုလိုက်ပါဦး File size…(1.3 GB)/(757 MB) Quality….Webrip 1080p / 720p Format…mp4 Duration….01:40:00 Subtitle….Myanmar Subtitle (Hardsub)

IMDb Rating (6.2) / Rotten Tomatoes (80%) What We Hide ကတော့ ၂၀၂၅ ခုနှစ်မှာ ထွက်ရှိလာတဲ့ အမေရိကန် ဒရာမာ ရုပ်ရှင်တစ်ကား ဖြစ်ပြီး Dan Kay ကဒါရိုက်တာလုပ် ဇာတ်ညွှန်းရေးသားခဲ့ပါတယ်။ Spider နဲ့ Jessie တို့ညီအစ်မနှစ်ယောက်ရဲ့ ဘဝဇာတ်လမ်းကိုအခြေခံ ရိုက်ကူးထားပြီး သူတို့မိခင်ဟာ မူးယစ်ဆေးအလွန်အကျွံ သုံးစွဲမှုကြောင့် သေဆုံးသွားချိန်မှာ စောင့်ရှောက်ရေးစနစ် (foster system) ထဲကို ရောက်ရှိသွားမယ်ဆိုရင် ညီအစ်မနှစ်ယောက် ကွဲသွားနိုင်တာကို စိုးရိမ်တဲ့အတွက် မိခင်ရဲ့အလောင်းကို ဝှက်ထားဖို့ဆုံးဖြတ်လိုက်ကြပါတယ်။ ဒါပေမဲ့ ရဲအုပ် Sheriff Ben Jeffries ရဲ့ စုံစမ်းစစ်ဆေးမှုတွေနဲ့ မိခင်ရဲ့မူးယစ်ဆေးရောင်းတဲ့ချစ်သူ Reece ရဲ့ ခြိမ်းခြောက်မှုတွေကြောင့် အခက်အခဲတွေနဲ့ ရင်ဆိုင်ရပါတော့တယ်။ What We Hide ရုပ်ရှင်ဟာ မိသားစုဆိုင်ရာ ဒရာမာဖြစ်ပြီး လျှို့ဝှက်ချက်တွေနဲ့ ရှင်သန်ရပ်တည်ရေးအကြောင်းကို ညီအစ်မနှစ်ယောက်ရဲ့ ဇာတ်လမ်းကတစ်ဆင့် ရိုက်ကူးထားတဲ့ ရုပ်ရှင်ကားဖြစ်ပါတယ်။ အစိုးရကလေးစောင့်ရှောက်ရေးစနစ်ရဲ့ချို့ယွင်းချက်တွေကြောင့် ကလေးငယ်တွေကြုံတွေ့ရနိုင်တဲ့အခက်အခဲတွေကို မီးမောင်းထိုးပြသထားပါတယ်။ File Size… (1.40 GB) / (847 MB) Quality… WEB-DL 1080p HEVC /720p Format…mkv / mp4 Duration…1h 42m Genre ….Drama , Mystery , Thriller Subtitle….Myanmar Subtitle (Hard Sub)

IMDb Rating - 7.6/10 History , Drama , Crime ကျွန်ဘဝကနေ လွတ်မြောက်လာပြီး အမေရိကန်ရဲ့ ပထမဆုံး လူမည်း ရဲအရာရှိဖြစ်လာတဲ့ ဘက်စ်ရိစ်ရဲ့ အကြောင်းကိုရိုက် ကူးထားတဲ့ western ဇာတ်လမ်းတွဲကောင်းဖြစ်ပါတယ်။ Rating 7.6 နဲ့ အတော်လေးကောင်းပြီး ရှားပါးတဲ့ သမိုင်းနောက်ခံဇာတ် လမ်းလည်းဖြစ်ပါတယ်။ အမေရိကန်ပြည်တွင်းစစ်ပွဲမှာ ကူတိုက်ခဲ့ပြီး ...စစ်ပွဲအပြီး မိမိ သခင်ကို သတ်ပြီးထွက်ပြေးလာခဲ့တဲ့ လူမည်းကျွန် ဘက်စ်ရိဗ် ဟာ အင်ဒီးယန်းလူနီတွေရှိရာ အရပ်မှာ ဇာတ်မြှုပ်နေခဲ့ပါတယ်။ တစ်နေ့သူတာဝန်ထမ်းဆောင်ခဲ့တဲ့ စစ်တပ်ထဲက လူဖြူအရာရှိ တစ်ယောက်ကို သံကြိုးတွေနဲ့တွေ့လိုက်ရတာကြောင့် အံ့အား သင့်ပြီး မေးလိုက်မှ အမေရိကန်သမိုင်းကြောင်းပြောင်းလဲသွား တာ သူသိလိုက်ရတယ်။ သမ္မတလင်ကွန်းအနိုင်ရသွားပြီး လူမည်း ကျွန်တွေအားလုံး လွတ်မြောက်ခဲ့ပြီဆိုတာ သိလိုက်တာကြောင့် သူ့မိန်းမရှိရာ မစ္စစပီ အနောက်ဘက် မြစ်ကမ်းဒေသကို ပြန်လာ ခဲ့ပါတယ်။ မိန်းမဖြစ်သူနဲ့ ပေါင်းဖက်ပြီးအေးချမ်းတဲ့ ဘဝလေး ကိုဖြတ်သန်းနေရင်း ဘက်စ်ရဲ့ ဘဝထဲကို အပြောင်းအလဲတွေ ဝင်လာပါတယ်။ နိုင်ငံကို ပြုပြင်ပြောင်းလဲနေချိန်မှာ ရဲဝန်ထမ်း လိုအပ်ချက်အရ ဘက်စ်နဲ့ စစ်ပွဲမှာသိခဲ့တဲ့ လူဖြူရဲတစ်ယောက်နဲ့ ရာဇဝတ်ကောင်တွေကိုကူညီလိုက်လံနှိမ်နင်းရင်း ရဲမှူးတစ်ယောက် ဖြစ်လာပြီး ဘက်စ်ရိဗ်ရဲ့ စွန့်စားခန်းတွေကို ရိုက်ပြထားတဲ့ ဇာတ် လမ်းကောင်းလေးဖြစ်ပါတယ်။ (ဒီစီးရီးရဲ့ အညွှန်းနဲ့ဘာသာပြန် ရေးသားပေးသူကတော့ Thiha Yan Naing ဖြစ်ပါတယ်။) File Size.............(300 MB) / (600 MB) Quality...............WEB-DL 720p / 1080p Total Episodes...... 8 Duration............50Mins(@Episode) Subtitle..............Myanmar Hardsub Format...............MP4 Genre.................History , Drama , Crime Translator..........Thiha Yan Naing Encoder..............SWM

မြေမြှပ်လိုက်တိုင်း ပြန်ရှင်လာတဲ့ သင်္ချိုင်း၊ စာရေးဆရာကိုယ်တိုင်အကြောက်ဆုံးစာအုပ် Pet Semetary ဒီဇာတ်လမ်းဟာ ဟော်ရာစာရေးဆရာကြီး စတီဖင်ကင်းရဲ့ နာမည်အကြီးဆုံး ဝတ္ထုတွေထဲက တစ်အုပ်ဖြစ်တဲ့ Pet Semetary ကိုအခြေခံပြီးရိုက်ကူးထားတာပါ။ စတီဖင်ကင်းဟာ အင်တာဗြူးတိုင်းမှာ သူရေးတဲ့ဝတ္ထုတွေထဲ သူအကြောက်ဆုံးဇာတ်လမ်းကိုပြောပါဆိုရင် Pet Semetary ကိုပဲ ညွှန်းလေ့ရှိပါတယ်။ ပထမဆုံးရုပ်ရှင်ကို 1989 မှာ ရိုက်ကူးခဲ့ပြီး၊ ၂၀၁၉ မှာ ဗားရှင်းအသစ်ရိုက်ကူးထားပါတယ်။ နှစ်ကားလုံးကို ချန်နယ်မြန်မာမှာ ကြည့်ရှုနိုင်ပါတယ်။ အခု ဇာတ်လမ်းကတော့ မူရင်းဝတ္ထုထဲက ဇာတ်လမ်းကြီးမစခင် ရှေ့မျိုးဆက်အကြောင်းကို ရိုက်ကူးထားတာပါ။ မူရင်းဇာတ်လမ်းထဲက အဘိုးကြီးဂျက်ဟာ ဒီရုပ်ရှင်ထဲမှာ အဓိကဇာတ်လိုက်ပါပဲ။ မူရင်းဇာတ်လမ်းတုန်းက တိရစ္ဆာန်သင်္ချိုင်းအကြောင်းကို အဘိုးကြီးက စကားအနေနဲ့ သတိပေးတဲ့ဟာကို အခြေခံပြီး ဇာတ်လမ်းပြန်ဖွဲ့ ရိုက်ကူးထားတာပါ။ ဇာတ်လမ်းအကျဉ်း လဒ်လိုမြို့မှာ ဖုန်းဆိုးမြေလို့ ခေါ်ရမဲ့ နေရာတစ်ခုရှိတယ်။ အရင်ကတော့ မျိုးနွယ်စုတွေဟာ တိရစ္ဆာန်တွေကိုမြှပ်နှံပြီး တိရစ္ဆာန်ဝိညာဉ်တွေဟာ လူတွေကို မကောင်းဆိုးဝါးလက်ကနေ ကာကွယ်ပေးတယ်လို့ ယုံကြည်ကြပါတယ်။ ဒါပေမဲ့ အဲဒီမြေက ပုတ်သိုးသွားပြီး သီးနှံတွေလည်းသေဆုံးလာသလို မကောင်းဆိုးဝါး အားကောင်းလာတဲ့အခါ စွန့်ခွာပြီး ပြေးခဲ့ကြပါတော့တယ်။ နှောင်းလူတွေ အဲဒီ သင်္ချိုင်းမြေကို ဆက်မသုံးမိအောင်လည်း သတိပေးထားကြပါတယ်။ ဒါပေမဲ့ အဲဒီမြေရဲ့ မကောင်းဆိုးဝါးက သူစည်းရုံးရမဲ့ ပစ်မှတ်တွေကို ရှာနေဆဲပါပဲ။ ချစ်ရတဲ့လူတွေ တိရစ္ဆာန်တွေသေဆုံးသွားတဲ့အခါ သူတို့တွေကို လက်မလွှတ်နိုင်သေးတဲ့လူတွေကို တီးတိုးခေါ်ပြီး သင်္ချိုင်းမြေမှာ လာမြှပ်အောင် ပြန်ရှင်လာအောင် ဆွဲဆောင်နေပါတယ်။ ပြန်ရှင်လာတဲ့ လူတွေ အကောင်တွေက မသေခင်ကအတိုင်းမဟုတ်တော့ပါဘူး။ ရက်စက်တဲ့မကောင်းဆိုးဝါးတွေတဖြည်းဖြည်းဖြစ်လာတာပါ။ အဲဒီအရာတွေနဲ့ မြို့ခံတွေနဲ့ ရင်ဆိုင်ကြရပုံတွေကို ပြသထားတာပဲဖြစ်ပါတယ်။ စတီဖင်ကင်းရဲ့ ဇာတ်လမ်းတွေကိုအခြေခံရိုက်ကူးထားတဲ့ နာမည်ကြီးရုပ်ရှင်တွေကိုလည်း ချန်နယ်မြန်မာမှာ တင်ပေးထားပါတယ်။ မကြည့်ရသေးတာတွေပါရင်လည်း ကြည့်ကြည့်လိုက်ပါ။ A Good Marriage Apt Pupil The Boogeyman Carrie Cat's Eye Cell Children of the Corn Christine Creepshow Creepshow 2 Cujo The Dark Half The Dark Tower The Dead Zone Doctor Sleep Dolan's Cadillac Dolores Claiborne Dreamcatcher Firestarter Gerald's Game The Girl Who Loved Tom Gordon Graveyard Shift The Green Mile Hearts Hearts in Atlantis In the Tall Grass IT: Chapter Two IT - Part 1: The Losers' Club The Mangler Maximum Overdrive Mercy Misery The Mist Mr. Harrigan's Phone My Pretty Pony Needful Things The Night Flier Pet Sematary (1989) Pet Sematary (2019) Riding the Bullet The Running Man Salem's Lot Secret Window The Shawshank Redemption The Shining Silver Bullet Sleepwalkers Stand By Me Suffer the Little Children Tales from the Darkside: The Movie Thinner 1408 1922 File size…  3.1 GB / 1  GB /  560 MB Quality… Web-DL 4K / 1080p / 720p Format… mp4 / mkv Duration…. 1h 27m Genre .....  Horror Subtitle…. Myanmar Subtitle (Hard Sub) Encoder…. Thit San Khant Translated by Mr. Anderson

Panhandle (2022) IMDb Rating - 6.8/10 ‌ဘဲလ်ပရက်စ်ကော့ ဆိုတဲ့ ဇီဇာကြောင်တဲ့ သူဌေးတစ်ယောက်နဲ့ ကမ်မီလော့ဒ်ဆိုတဲ့ အလုပ်လုပ်ရတာစိတ်မပါတဲ့ ယာဉ်ထိန်းရဲမေရယ်၊ သူတို့နှစ်ယောက် လူသတ်မှုတစ်ခုအကြောင်းစုံစမ်းတာကို ရိုက်ကူး ပုံဖော်ထားတဲ့ဇာတ်လမ်းတွဲလေးဖြစ်ပါတယ်။ ဇာတ်လမ်းအကျဉ်း ဘဲလ်က မိန်းမဖြစ်သူ ဗီဒါ တရားခံမပေါ်ဘဲ အသတ် ခံလိုက်ရပြီးကတည်း အိမ်တွင်းအောင်းနေတဲ့ ကိုဇီဇာကြောင်သူကြီးပေါ့။ အဲဒီနောက်ငါးနှစ်ကြာပြီးတဲ့ တစ်ရက်မှာ သူ့ခြံဝင်းထဲမှာ ဘယ်ကမှန်းမသိတဲ့ လူသေအလောင်းတစ်လောင်းပေါ်လာရော အဲဒါနဲ့ ရဲခေါ်လိုက်တော့ ဇာတ် လိုက်ရဲမေဖြစ်တဲ့၊ ကားပြေစာရေးတဲ့ယာဉ်ထိန်းရဲမေတစ်ယောက်ရောက် လာတယ်။ တိုက်ဆိုင်ချင်တော့ အဲဒီအ‌လောင်းက သူ့မိန်းမအသတ်ခံရတဲ့ အမှုနဲ့ ဆက်နွယ်နေတယ်ဆိုတာကို သူတို့ရှာတွေ့သွားတယ်။ ဒါကိုသူတို့ ဘယ်လိုဆက်ပြီးဖော်ထုတ်မလဲ၊ သူ့မိန်းမကိုရော ဘယ်သူက သတ်သွားတာလဲ ဆိုတာကို ဟာသနှောနှောနဲ့ ဒရာမာဆန်ဆန် ကြည့်ရှုရမယ့် မှုခင်းဇာတ်လမ်းတွဲ လေးပဲဖြစ်ပါတယ်။ အပတ်စဥ်(၁)ပိုင်းနှုန်းနဲ့ထွက်ရှိတာဖြစ်ပြီး cm မှထွက်သမျှအပိုင်းအားလုံးကို အပတ်စဥ်တင်ဆက်ပေးသွားပါမည်။ (ဒီစီးရီးရဲ့ အညွှန်းနဲ့ ဘာသာပြန် ရေးသားပေးသူကတော့ Khant Sett Naing ဖြစ်ပါတယ်။) File Size.............(350 MB) / (700 MB) Quality...............WEB-DL 720p / 1080p Duration............50Mins(@Episode) Subtitle..............Myanmar Hardsub Format...............MP4 Genre.................Crime, Drama Translator..........Khant Sett Naing Encoder..............SWM

Rotten Tomatoes 90% ရရှိထားတဲ့ ဒီရှပ်ရှင်ဟာ ဇွန်ဘီအပေါ်ကလေ့ပ်စ်ရုပ်ရှင်တစ်ခုပဲဖြစ်ပါတယ်။ အမေရိကားမှာရှိတဲ့ လူနီရိုင်းအပိုင်ဒေသက ဖုတ်ကောင်တွေနဲ့ကမ္ဘာပျက်တဲ့အကြောင်းရိုက်ကူးထားတာပါ။ ဇာတ်လမ်းထဲမှာထူးဆန်းစွာနဲ့ပဲ လူနီရိုင်း(နေးတစ်အမေရိကန်)တွေဟာ ဇွန်ဘီပိုးကို Immune ဖြစ်နေကြပါတယ်။ လူဖြူတွေကသာအကိုက်ခံရရင် ပိုးကူးစပ်ပြီး ဇွန်ဘီတွေအဖြစ်ပြောင်းလဲကြပါတယ်။ ဇွန်ဘီရုပ်ရှင်တွေထဲမှာ လူနီရိုင်းဇွန်ဘီကားဆိုတော့ ကြည့်ရတာ ထူးထူးခြားခြားလေးဖြစ်နေပါတယ်။ လူမှုရေးအရှုပ်ထွေးတွေနဲ့ သေရေးရှင်ရေးကိစ္စတွေဖြစ်နေတာတောင် လူတွေရဲ့အတ္တ၊ မာန၊ ဒေါသတွေဟာ ခဝါချနိုင်ဖို့မလွယ်တဲ့အကြောင်း ရှင်သန်ဖို့အတွက်ဆိုဘာမဆိုလုပ်မဲ့ သူတွေအကြောင်း စတာတွေကို မြင်တွေ့ရမှာဖြစ်ပါတယ်။ ဇာတ်လမ်းအကျဉ်းက ကျီးနီ(Red Crow)ကိုယ်ပိုင်ဒေသမှာ ငါးအသေတစ်ကောင်အသက်ပြန်ရှင်လာတာ၊ ခွေးအသေအသက်ပြန်ရှင်လာတာကနေ စပါတယ်။ နောက်ပိုင်း လူတွေပါ ပိုးကူးစပ်ပြီး ဇယားတွေကပ်ကုန်ကြပါတော့တယ်။ ရဲမှူး ထရေဗာတစ်ယောက် ပြဿနာတွေကိုဦးဆောင်ဖြေရှင်းဖို့ဖြစ်လာပြီး ခံတပ်တွေ စခန်းတွေဆောက်ကာ အစုဖွဲ့နှင့်ရှင်သန်နေရာမှ အပြင်ဘက်မှာ ပိုးထိထားတဲ့ လူဖြူဒုက္ခသည်တွေကိုစခန်းသို့ ချွေးမဖြစ်သူ လူဖြူမချာလီ ခေါ်ဆောင်လာရာမှာ ဒုက္ခလှလှတွေ့ကြပါတော့တယ်။ ဘယ်လိုရှေ့ဆက်ပြီး သတ်ဖြတ်ရှင်သန်ကြမလဲ၊ ဘယ်သူတွေက ဘယ်လိုထဖောက်ကြမလဲဆိုတာ ဇာတ်လမ်းအဆုံးထိကြည့်ရှုခံစားကြည့်ရမှဖြစ်ပါတယ်။

အော်စကာဆု ရွှေကမ္ဘာလုံးဆု တွေ အပါအဝင်ရုပ်ရှင်လောက ရဲ့ ထိပ်သီးဆုတွေ အတွက်လျာထားခြင်းခံထားရတဲ့ ဇာတ်ကားပါ။ ဒီဇာတ်ကား ရဲ့ အဓိက မင်းသား လီယိုနာဒို ရဲ့သရုပ်ဆောင် သက်တမ်းတစ်လျှောက်အမှတ်ရစရာအကောင်းဆုံး ဇာတ်ကားလည်းဖြစ်လာနိုင်ပါတယ်။ အော်စကာဆုတွေနဲ့ လွဲလွဲနေတဲ့ မင်းသား လီယိုနာဒိုဟာဒီဇာတ်ကားနဲ့အတူ ရနိုင်ဖို့ ကမ္ဘာ့ရုပ်ရှင်ဇာတ်ခုံပေါ်ကလူတိုင်းလိုလို တစ်ပေးထားကြပါတယ်။ ဒီဇာတ်ကားမှာဆိုရင် ပါဝင်ခဲ့တဲ့ သရုပ်ဆောင်တွေရဲ့ကြိုးစားအားထုတ်မှုတွေ အပြင်ထုတ်လုပ်သူတွေရဲ့ ကုန်ကျစရိတ်အမြောက်အများ ကျခံပြီး ရိုက်ကူးထားမှုတွေ ရုပ်ရှင်တစ်ဖွဲ့သားအားလုံး ရဲ့ အပင်ပန်းခံ ပြီး ပရိသတ်တွေ အပေါ် စေတနာဘယ်လောက် ထား ခဲ့တယ်ဆိုတာတွေပါ တွေ့မြင်ရမှာ ဖြစ်ပါတယ်။ယောကျ်ားတစ်ယောက်ရဲ့ စွန့်စားခန်းနဲ့အတူယောကျာ်းကောင်းတစ်ယောက်မှာရှိသင့်တဲ့ စိတ်ခွန်အား စွမ်းရည်သတ္တိ လုပ်ရည်ကိုင်ရည် တွေကို အကောင်းဆုံးပြနိုင်ခဲ့တဲ့ ဇာတ်ကားပါ။မိမိရဲ့အမဲလိုက်အဖွဲ့ဝင်တွေရဲ့ စွန့်ပစ်သစ္စာဖောက်ခြင်းကိုခံခဲ့ရတဲ့ နယ်မြေသစ်ရှာဖွေသူ Hugh Glass (လီယိုနာဒို) ရဲ့အသက်ရှင်ရပ်တည်ရဖို့ တစ်ဦးတည်းရုန်းကန်ရပုံတွေကိုအားရကျေနပ်ဖွယ် ကောင်းလောက်အောင်ရိုက်ပြထားတာပါ။ မင်းသား လီယိုနာဒိုဟာ ဒီဇာတ်ရုပ်ကိုပြောစမှတ်တွင်လောက်အောင် သရုပ်ဆောင်ပြသွားတာကိုအားလုံးတွေ့မြင်ရမှာပါ။ ဒီဇာတ်ရုပ်ဟာ လီယိုနာဒိုကို အခြား အော်စကာ ဆန်ကာတင်မင်းသားတွေနဲ့ ယှဉ်လိုရင် ပိုသာ သွားအောင်ထောက်ပံ့ပေးနိုင်ခဲ့ပါတယ်။ survival adventure ဇာတ်လမ်းကိုလုံးဝအသက်ဝင်သွားအောင် ချပြနိုင်ခဲ့တဲ့ ဇာတ်ကားပါ။ဇာတ်ကားကောင်းလို့မပြောပါရစေနဲ့။ ထိပ်တန်းဇာတ်ကားပါ။ကောင်းတယ်ဆိုတာထက်ကိုလွန်သွားပါပြီ။ File size…    8.3 GB / 3 GB / 1.8 GB Quality… BluRay 4K HEVC / 1080p / 720p Format… mkv & mp4 Audio… AAC & E-AC-3 Duration…. 2h 6m Genre ..... Action, Adventure, Biography Subtitle…. Myanmar Subtitle (Hard Sub) Encoder…. Thit San Khant Translated by Hades