IMDb Rating - 6.4/10 ဒီစီးရီးကတော့ ဇာတ်ကောင်တွေ အများကြီးနဲ့ ရှုပ်ထွေးပွေလီတဲ့ Crime and mystery စီးရီးမျိုးလို့ပဲ ဆိုရမယ်။ 'ရတယ် ရှုပ်တာမျိုးမှ ကြိုက်တာ' ဆိုတဲ့သူတွေအတွက်တော့ ကွက်စတိပါပဲ။ အချိန်လေး သာရရင် သေချာထိုင်စဉ်းစားပြီး ကြည့်ရမဲ့စီးရီးထဲ ပါတယ်ဆိုပါတော့။ ကဲ ဇာတ်လမ်းကို နည်းနည်းလောက် ညွှန်းပေးရမယ်ဆိုရင်တော့ ဒီလိုက စလိုက်ကြတာပေါ့။ ဂိုင်ယန်နာက လူမိုက်ဂိုဏ်းတစ်ခုကို မစ္စမဟာဘီရာ ဆိုတဲ့ အမျိုးသမီးကြီးတစ်ယောက်က ဦးဆောင်နေတယ်။ တစ်ရက်မှာ တော့ သူ့မိသားစုဝင်တစ်ယောက် လုပ်ကြံခံလိုက်ရတယ်။ ဒီအတွက် မစ္စ မဟာဘီရာ အလိုချင်ဆုံးဖြစ်နေတာက လက်တုံ့ပြန်မှု။ လူးဝစ်နဲ့ ဇာဗီယာ ကတော့ နယူးယောက်မှာ အလုပ်လုပ်ရမယ်ဆိုလို့ ဂိုင်ယန်နာကနေ ထွက် လာကြတဲ့ ရိုးရိုးအေးအေး ကောင်လေးနှစ်ယောက်ပေါ့။ ဒါပေမဲ့ သူတို့ရသွားတဲ့အလုပ်က မစ္စမဟာဘီရာရဲ့ ဂိုဏ်းအဖွဲ့ဝင်တွေအဖြစ်။ မစ္စမဟာဘီရာ လက်စားချေမဲ့ မိသားစုကတော့ စားဖိုမှူးဂျက်ဖ်လို့ နာမည် ကြီးတဲ့ ကာစီနိုနဲ့ ချမ်းသာလာတဲ့ ခရိုနီအဘိုးကြီးရဲ့ မိသားစုပါ။ ဒီအတွက် သားကောင်ဖြစ်လာတာကတော့ အဘိုးကြီးရဲ့ တစ်ဦးတည်းသောမြေးဖြစ်တဲ့ ဂျဲရတ်ဆိုတဲ့ကောင်လေးတစ်ယောက်။ တစ်ဖက်မှာတော့ အမေရိကန်ထောက် လှမ်းရေးဆားဗစ်က ဟာမိုနီဆိုတဲ့ စုံထောက်မလေးတစ်ယောက် ရှိလို့နေပါ သေးတယ်။ သူကတော့ အမှုကြီးတွေကို ကိုင်ပြပြီး ဘော့စ်ဖြစ်သူကို သူလုပ် နိုင်ကြောင်း ကိုယ်ရည်သွေးချင်နေတဲ့ စုံထောက်မလေးပါပဲ။ သေချာတာတစ်ခုကတော့ ဒီလူတွေအားလုံး လက်စားချေတဲ့အမှုကြီးမှာ ပါဝင် ပတ်သက်လာကြတော့မှာပါ။ အမှုရဲ့အသွားအလာသည် ဇာတ်လမ်းရဲ့မြှုပ်ကွက် ဖြစ်တာကြောင့် ဒီလောက်နဲ့ပဲ ညွှန်းပေးတာကို ရပ်လိုက်ပါတော့မယ်။ စကားလေး တစ်ခွန်းရှိတယ်မလား။ ဘာမှမသိရတဲ့ ဇာတ်လမ်းတွေက အရှုပ်ထွေးဆုံးပါပဲတဲ့။ (ဒီစီးရီးရဲ့ အညွှန်းနဲ့ဘာသာပြန် ရေးသားပေးသူကတော့ May Thet Khine Soe ဖြစ်ပါတယ်။) File Size.............(400 MB) / (800 MB) Quality...............WEB-DL 720p / 1080p Duration............60Mins(@Episode) Subtitle..............Myanmar Hardsub Format...............MP4 Genre.................Crime, Drama, Mystery Translator..........May Thet Khine Soe Encoder..............SWM
ဇာတ်ကားကြည့်ရန်
