★ 6.2
ဇာတ်ကား / 1980The Blue Lagoon
ပင်လယ်ပြင်မှာ မုန်တိုင်းတိုက်လို့ သင်္ဘောပေါ်ကလူတွေ အသက်လုပြေးကြရတဲ့အခါ သင်္ဘောရဲ့ ထမင်းချက် ပတ်တီက ရစ်ချတ်နဲ့ အမ်မလိုင်းဆိုတဲ့ ဝမ်းကွဲမောင်နှမကလေးနှစ်ယောက်ကို ကယ်တင်ပေးခဲ့ပါတယ်။ သူတို့သုံးယောက်ဟာ လူသူဝေးတဲ့ ကျွန်းလေးတစ်ကျွန်းပေါ်မှာ သောင်တင်သွားကြတယ်။ ပတ်တီက ကလေးနှစ်ယောက်ကို ထိန်းကျောင်းပေးနေခဲ့ပေမယ့် အရက်မူးလွန်ပြီး ရေနစ်သေဆုံးသွားတဲ့နောက်မှာတော့ ကလေးနှစ်ယောက်တည်း ကျန်ခဲ့ပါတော့တယ်။ အားကိုးစရာ လူကြီးမရှိတော့တဲ့ ကျွန်းပေါ်မှာ သူတို့ဘာသာ အသက်ရှင်နေထိုင်နိုင်ဖို့ ကြိုးစားကြရပါတယ်။ တဖြည်းဖြည်း အရွယ်ရောက်လာတာနဲ့အမျှ ရစ်ချတ်နဲ့ အမ်မလိုင်းတို့ဟာ ကိုယ့်ခန္ဓာကိုယ်နဲ့ ခံစားချက်အပြောင်းအလဲတွေကို စိတ်ဝင်စားလာကြတယ်။ သူတို့ကို ကျွန်းပေါ်ကနေ ကယ်ဆယ်မယ့်သူ ရောက်လာနိုင်မလား၊ နှစ်ယောက်ရဲ့ ဆက်ဆံရေးကရော ဘယ်လိုဆက်ဖြစ်လာမလဲ။
ဇာတ်ကားကြည့်ရန်