Gregory Kelly ပါဝင်သော ဇာတ်ကားများ

ရောဘတ် ပတ်တီဆန် နဲ့ တွမ် ဟော်လန်တို့ရဲ့ နက်ဖလစ် ရုပ်ရှင်အသစ်ရပါပြီ။ လက်ရှိမှာတော့ IMDb 7.9 ရထားပါတယ်။ တကယ်ကို ထိုက်ထိုက်တန်တန်ရတာပါပဲ။ နောက်ခံစကားပြောလေးနဲ့ ဂန္ဓဝင်ရုပ်ရှင်ဟောင်းတွေရဲ့ အငွေ့အသက်လေးတွေနဲ့ ဖန်တီးထားတာပါပဲ။ မူရင်း ခေတ်ဟောင်း ဝတ္ထုကို မဖတ်ဖူးပေမယ့် ရုပ်ရှင်ကို ကြည့်လိုက်တာနဲ့တင်အတော်ကို ကောင်းမယ့် ဝတ္ထုဆိုတာ သိလိုက်ပါတယ်။ အရမ်းကောင်းပေမယ့် လူတိုင်းတော့ ကြည့်လို့အဆင်ပြေမယ်မထင်ပါဘူး။ ဘာသာရေးအစွန်းရောက်မှုတွေ၊ ဘာသာရေးအမြတ်ထုတ်တာတွေ၊ စိတ္တဇလူသတ်သမားတွေနဲ့ ချိတ်ဆက်ပြီး ဇာတ်ကို ဖွဲ့စည်းထားတဲ့အပြင် သွေးသံရဲရဲ သတ်ဖြတ်ခန်းတွေလည်း ပါတော့ ကြောက်စရာတွေ မကြိုက်တတ်တဲ့သူတွေတော့ အတွက်တော့ မကောင်းပါဘူး။ ကျွန်တော်ကတော့ အတော်ကိုကြိုက်ပါတယ်။ ကြည့်ပြီးပြီးချင်း ဘာသာပြန်ပြီး တင်ပေးထားလိုက်ပါပြီ။ အကြိုက်တူတဲ့သူတွေ သဘောကျကြမှာပါ။ File Size : 1 Gb / 400 mb Quality : webrip 1080p/720p/480p Format…mp4 Duration…2hr 18min Genre :   Crime, Drama, Thriller Subtitle : Myanmar Subtitle (Hard Sub) Translated by Littleneo Encoded by Littleneo

Sin City: A Dame to Kill For က ၂၀၀၅ ခုနှစ်ထွက် Sin City နဲ့ ဆက်စပ်နေတဲ့ ဇာတ်လမ်းတွေကို ပြန်ဆက်ထားပါတယ်။ ဒါပေမယ့် အဖြစ်အပျက်အားလုံးက ပထမကားရဲ့နောက်မှာ ဖြစ်တာမျိုးတော့ မဟုတ်ဘူး။ ခေါင်းစဉ်ပေးထားတဲ့ A Dame to Kill For အပိုင်းဟာ ပထမကားထဲက ဒွိုက်ရဲ့ဇာတ်လမ်းမတိုင်ခင်က အကြောင်းပါ။ ဇာတ်လမ်းတစ်ပုဒ်ကလွဲရင် ကျန်တာတွေက ပထမကားရဲ့ ရှေ့ပိုင်းနဲ့ နောက်ဆက်တွဲအဖြစ် ချိတ်ဆက်ထားကြတယ်။ ပထမကားမှာ အခန်းနာမည်တွေ သီးသန့်ပြပြီး ဇာတ်လမ်းတစ်ပိုင်းစီ ခွဲထားပေမယ့် ဒီတစ်ခါမှာတော့ တစ်ဆက်တည်းလို တင်ပြထားပါတယ်။ အချိန်အစဉ်လိုက် ပြန်စီကြည့်ချင်ရင် ဒီကားရဲ့ အစဉ်ကို အခြေခံပြီး ပထမကားက အပိုင်းတွေကို ဖြည့်ကြည့်ရမှာပါ။ Clive Owen ကလွဲလို့ အရင်ဇာတ်ကောင်တွေကို မူလသရုပ်ဆောင်တွေကပဲ ပြန်သရုပ်ဆောင်ထားပြီး သရုပ်ဆောင်အသစ်တွေလည်း ပါဝင်လာတယ်။ အီဗာဂရင်းနဲ့ ဂျက်စီကာအယ်ဘာတို့ရဲ့ ဆွဲဆောင်မှုကို သွေးထွက်သံယို မြင်ကွင်းတွေနဲ့ တွဲဖက်တင်ဆက်ထားပါတယ်။ ဒါရိုက်တာနှစ်ယောက်ထဲက တစ်ယောက်ဟာ မူရင်းဂရပ်ဖစ်ဝတ္ထုကို ရေးခဲ့သူဖြစ်ပြီး နောက်တစ်ယောက်ကတော့ တာရန်တီနိုနဲ့ ပူးပေါင်းဖန်တီးဖူးသူပါ။ သူ့ရဲ့လက်ရာတွေထဲမှာ Mexico Trilogy၊ Alita: Battle Angel၊ Once Upon a Time in Mexico၊ From Dusk Till Dawn နဲ့ Spy Kids ဇာတ်ကားတွေလည်း ရှိပါတယ်။ ပထမကားနဲ့ ယှဉ်ရင် ရက်စက်ကြမ်းကြုတ်မှု အနည်းငယ်လျော့သွားပေမယ့် ခပ်ကြမ်းကြမ်းတင်ဆက်ပုံကို ဆက်ထိန်းထားတယ်။ ရုပ်ရှင်တစ်ကားထက် neo-noir ကာတွန်းစာအုပ်တစ်အုပ်ကို ဖတ်နေရသလိုဖြစ်စေတဲ့ တင်ဆက်ပုံလည်း ပါရှိပါတယ်။

The Tree of Life (2011) IMDb Rating - 6.8/10 ပြောရမယ်ဆိုရင် ဒီရုပ်ရှင်နဲ့ ကျွန်တော်နဲ့ကြားမှာ တံတိုင်းကြီးတစ်ခုခြားထားတယ်။အဲ့ဒီတံတိုင်းက ခရစ်ယာန်ဘာသာရေးပါပဲ။ ဒီရုပ်ရှင်ရဲ့ အဓိက Conceptက ဘာသာရေးဆိုတော့ ဒါကို ဖယ်ပြီး ခံစားဖို့အတော်ခက်တယ်။ ကောင်းလားမေးရင်လည်း ဒီရုပ်ရှင်ဟာ အတော်တန်းမြင့်တဲ့အထဲထည့်လို့ရတဲ့ အထိကောင်းတယ်။ အတော်အနုပညာဆန်တယ်။ အပေါ်မှာပြောထားတဲ့ ဘာသာရေးတွေ ဘာသာစကားတွေကို ဖယ်ကြည့်လိုက်ရင် ကျွန်တော်တို့အားလုံးဟာ နှလုံးသားကိုယ်စီရှိကြတဲ့ တူညီတဲ့လူသားတွေပါပဲ။ ဒီတော့ ဒီထဲက အဓိက Conceptမဟုတ်တဲ့ မိသားစုဆက်ဆံရေးထဲက အတော်လှတဲ့ ချစ်ခြင်း ပဋိပက္ခတွေကို ပြသွားတဲ့ ပု‌ံတွေကို အပြည့်အ၀ခံစားလို့ရတယ်။ အဓိက Conceptမဟုတ်တာနဲ့တောင် ဒီရုပ်ရှင်ဟာ အတော်လေးစွဲမက်ဖို့ကောင်းတယ်။ စကားပြောသံတွေက မသဲမကွဲတွေ စကားပြောနေရင်းတောင် တစ်ချိန်လုံးနီးပါး ကြားနေရတဲ့ဂန္တ၀င်ဂီတ‌တွက စကားပြောသံထက်ပို စူးရှနေတယ်။ ဒါကလည်းအတော်ဆွဲဆောင်မှု ရှိတယ်ပြောရမယ်။ စကြ၀ဠာကနေ သားလောင်းအထိ လှပတဲ့ (ခရစ်ယာန်စကားနဲ့ဆို ဖန်ဆင်းမှု)တွေကို ထည့်သုံးသွားတာကလည်း သက်ဆိုင်သူတွေအတွက် တကယ်ခံစားရစေမယ့်အရာပါပဲ။Tree of Lifeဆိုတဲ့နာမည်လှလှလေးနဲ့လိုက်ဖက်အောင်ကို ဒီရုပ်ရှင်ထဲက အရာအားလုံးကလှပတယ်။ Castတွေကလည်း Aတန်း၀င် Actorတွေ ဘရက်ပစ် ရှောင်ပင်းန်။ ဘာရည်ရွယ်ချက်နဲ့လဲတော့ မသိပေမယ့် ‌အသက်ခြောက်ဆယ်ရှိပြီဖြစ်တဲ့ ရှောင်ပင်းန်ကို ငါးဆယ့်ခြောက် ဘရက်ပစ်ရဲ့ သားလုပ်ပစ်ထားတာကတော့ တစ်မျိူးပါပဲ။ ရှောင်ပင်းန်အခန်းတွေမှာတော့ ဘာမှထူးထူးခြားခြား သိပ်မရှိပေမယ့် ဘရက်ပစ်ကတော့ တကယ့်ဘ၀မှာ ကလေးတွေအများကြီးရဲ့ အဖေဖြစ်နေတ‌ာရော ဇာတ်ကောင်လိုက်ဖက်မှုကြောင့်ရော ဖခင်အစစ်တစ်ယောက်လိုခံစားရစေတယ်။ သူမဟုတ်ဘဲ တခြားလူသာဆို ဒီလောက် လှမယ်မထင်မိဘူး။ ဇာတ်လမ်းအကျဉ်းပြောဖို့ မလိုလောက်အောင် ဇာတ်လမ်းက အရမ်းရိုးရှင်းတယ်။ ဒီဇာတ်လမ်းရိုးရိုးလေးကို မပျင်းရအောင် ရိုက်ပြသွားတဲ့ ဒါရိုက်တာရဲ့ အရည်အချင်းကိုလည်း မချီးကျူးဘဲထားလို့မရဘူး။သူကလည်း ခရစ်ယာန်ယုံကြည်သူစစ်တစ်‌ယောက်မဟုတ်ဘူး။ ဒါပေမယ့် အခမ်းနားဆုံးဖြစ်သွားအောင်ရိုက်ခဲ့တယ်။ ဒါက သူ့အနုပညာအပေါ်သူထားတဲ့ စေတနာပဲ ထင်တယ်။ အေးအေးဆေးဆေးအချိန်ရမှ ကြည့်ပြီး အသံတွေကို စပီကာနဲ့နားထောင်ပြီး ကြည့်ကြည့်ဖို့တော့ အကြံပေးချင်တယ်။ Arthouseဆန်တဲ့ ရုပ်ရှင်ကြိုက်တဲ့လ‌ူတွေအတွက် အတော်ခံစားလို့ကောင်းမှာ မလွဲမသေပါပဲ။ Tree of Lifeဟာ 2011ရဲ့ Top 10စာရင်း၀င်တဲ့အပြင် BBCစစ်တမ်းမှာ Gratest American Filmလည်း ဖြစ်ခဲ့တယ်။2000ခုနှစ်နောက်ပိုင်း ခုနှစ်ကားမြောက် အကောင်းဆုံးရုပ်ရှင်အဖြစ်လည်း သတ်မှတ်ခံခဲ့ရတယ် အော်စကာ ဆန်ခါတင်သုံးခါ၀င်ခဲ့တယ်။ဒီလောက်လှတဲ့ ရုပ်ရှင် အော်စကာတစ်ဆုမှမရခဲ့တာတော့ ‌နှမြောစရာပါပဲ။ (ဒီဇာတ်ကားရဲ့ အညွှန်းနဲ့ဘာသာပြန်ရေးသားပေးသူကတော့ WiRa Aung ပဲဖြစ်ပါတယ်။) Quality –  1080p, 720p BluRay 5.1 CH Duration - 2hr 19min Subtitle – Myanmar Hardsub Format – Mp4 Genre : Drama, Fantasy Source : 1080p. BluRay Translator – WiRa Aung Encoder – SWM

ကျွန်တော်တို့ ရုပ်ရှင်တွေ စာအုပ်တွေထဲမှာ အနာဂါတ်ဆိုတာကို ဉာဏ်ရည်ပိုမြင့်မားတဲ့လူတွေ တိုးတက်တဲ့ နည်းပညာတွေနဲ့ ပုံဖော်ကြတာကို တွေ့ကြမှာပါ။ ဒါပေမယ့် ဆင့်ကဲပြောင်းလဲမှုဖြစ်စဉ်က ဉာဏ်ရည်မြင့်မားမှုကို မပေးအပ်ခဲ့ရင် ဘယ်လိုဖြစ်လာမလဲ? ဒီဇာတ်လမ်းမှာ ကြည့်လိုက်ရအောင်။ ၂၀၀၅ ခုနှစ်ကာလမှာ ပညာရှင်တွေဟာ ကမ္ဘာကြီးရဲ့ မဟာပြဿနာကြီးကို သတိထားမိခဲ့ပါပြီ။ အဲဒါကတော့ လူသားတွေရဲ့ ဉာဏ်ရည်ဟာ အချိန်နဲ့အမျှ လျော့ကျလာနေကြတာပါ။ အဲဒီပြဿနာကနေ ကယ်တင်နိုင်ဖို့ သိပ္ပံပညာရှင်တွေဟာ သူတို့ခေတ်ရဲ့ အတော်ဆုံး အကောင်းဆုံးလူသားတွေကို နှစ်ပေါင်းများစွာ သိုလှောင်ထားနိုင်ဖို့ ကြံစည်ပါတော့တယ်။ ဒါပေမယ့် အဲဒီနည်းစနစ်ကို စမ်းသပ်ဖို့အတွက်ကိုတော့ ပထမဆုံးအနေနဲ့ လုံးဝမထူးခြားတဲ့ သာမာန်ဉာဏ်ရည်နဲ့ ဂျိုးဆိုတဲ့ ယောကျား်တစ်ယောက်နဲ့ ရီတာ ဆိုတဲ့ မိန်းမတစ်ယောက်ကို အရင်စမ်းသပ်ကြည့်ပါတယ်။ သူတို့၂ ယောက်ကို စမ်းသပ်ပြီးပြီးချင်းမှာပဲ အဲဒီစီမံကိန်း ရပ်ဆိုင်းသွားခဲ့ပြီး သူတို့ ၂ ယောက်ကို မေ့သွားကြပါတယ်။ သူတို့ ၂ ယောက်ပြန်နိုးလာတဲ့အချိန်ဟာ အနာဂါတ်နှစ် ၅၀၀ အကြာပဲဖြစ်ပါတယ်။ အဲဒီအချိန်မှာ ကမ္ဘာသားတွေရဲ့ ဉာဏ်ရည်ဟာ လုံးဝကို လျော့နည်းသွားကြပါပြီ။ နိုင်ငံတစ်ခုလုံးမှာ -မူလဘာသာစကားပျောက်ကွယ်သွားပြီ ဗန်းစကားတွေ အသံပျက်တွေပဲ ကျန်ပါတော့တယ် မူလစကားကိုကောင်းကောင်းပြောသူဟာ အခြောက်လိုလို ငကြောင်လိုလိုအထင်ခံရပါတယ် -ရုပ်ရှင်ဆိုရင်လည်း ဘာဇာတ်လမ်းဇာတ်ကွက်မှ မပါတဲ့ အောက်ပိုင်းကိုပဲ အကြိမ်ကြိမ်ထိခိုက်ပြတဲ့ ကားတွေကိုပဲ နှစ်နှစ်ခြိုက်ခြိုက်အားပေးကုန်ကြပါတော့တယ် -နိုင်ငံတစ်ခုလုံးရဲ့ အော်စကာ ၈ ဆုရ အကောင်းဆုံးရုပ်ရှင်ဟာ ဖင်တစ်ခုတည်းပဲ မိနစ် ၉၀ လုံးပြသွားပါတယ် - အခြားသော စီးပွားရေး ပညာရေး ဗဟုသုတ နယ်အားလုံးမှာ လည်း ကြပ်မပြည့်ကြတော့ပါဘူး - သမ္မတဟာလည်း ၅ ကြိမ်ဆက်တိုက် နဘမ်းချန်ပီယံ အပြာကားမင်းသား လိုလူတွေ ဖြစ်လာပါပြီ - သမ္မတရုံးတစ်ဖွဲ့လုံးကလည်း ကြပ်မပြည့်တဲ့ ဝန်ကြီးတွေနဲ့ သမ္မတအမျိုးတွေပဲ ကျန်ပါတော့တယ် အဲဒီလိုခေတ်မှာ မှတ်ပုံတင်မပါတဲ့ ဂျိုးတစ်တစ်ယောက်အဖမ်းခံရပြီး မှတ်ပုံတင်မှာ " မသေချာဘူး " ဆိုတာကိုနာမည်အဖြစ် မှားယွင်း မှတ်ပုံတင်ခံလိုက်ရပါတယ်။ ဒါပေမယ့် ထောင်ထဲမှာ ဉာဏ်ရည်စစ်ဆေးခံပြီးတဲ့နောက်မှာတော့ ဂျိုးဟာ တစ်ကမ္ဘာလုံးမှာ IQ အမြင့်ဆုံးလူအဖြစ် အားလုံးသိရှိသွားပါတော့တယ်။ ဒါကြောင့် ဂျိုးဟာ သမ္မတရဲ့ အနီးကပ်အကြံပေးအဖြစ် အတွင်းဝန်ရာထူးပေးအပ်ခံရပြီး တစ်နိုင်ငံလုံးရဲ့ ပြဿနာတွေကို ဖြေရှင်းပေးဖို့ ထိုးအပ်ခံရပါတော့တယ်။ ဒါမေပယ့် သူကိုယ်တိုင်လည်း သာမန်ဉာဏ်ရည်သာ ရှိတာမို့ ကောင်းနိုးရာရာလေး မှန်းဆလုပ်ကြည့်ရင်း လူတွေကလည်း သူလုပ်တာကို နားမလည်နိင်တာမို့ တစ်နိုင်ငံလုံး အလုပ်ပြုတ်ပြီး အငတ်ဘေးဆိုက်မလို ဖြစ်သွားခဲ့ပါပြီ။ ကဲဒီတော့ အတွင်းဝန် မစ္စတာ မသေချာဘူးရဲ့ နိုင်ငံကြီးကိုကယ်တင်မယ့်အစီအစဉ်တွေအောင်မြင်မလား၊ ကြပ်မပြည့်တဲ့ခေတ်ကြီးနဲ့ လူတွေနဲ့ ဘယ်လိုတွေ စခန်းသွားပြီး စွန့်စာခန်းဖွင့်မလဲဆိုတာ ဆက်ပြီး ကြည့်လိုက်ကြပါ။ File Size     :   600MB Duration    :   1 : 24: 12 Quality       :   Webrip Translator  :  Littleneo Encoder      :  Littleneo