Hans Howes ပါဝင်သော ဇာတ်ကားများ

Lucky you (2007) IMDb - 5.9 ကျောင်းမှာ ကျုပ်တို့တွေ ဖဲရိုက်ဖူးကြတယ်မို့လား။ ဖဲဟာ လူငယ်လူလတ်တွေနဲ့ မကင်းတဲ့အရာပါပဲ။ ကျုပ်ဆိုကျုပ်ဘကြီး ကျောင်းမှာ ဆရာတွေနဲ့ ကျောင်းအုပ်ကြီးဆော့တာကို ကြည့်ရင်း တတ်လာတာပဲ။အဓိကက ပိုကာဒေါင်းတယ်။ အဲ့ဒီတုန်းကတော့ Texas HoldEM Pokerကို ကျုပ်တို့ခေါ်တာရှိူးပေါ့။ Full Houseတွေ Straightတွေ Flushတွေ ဘာမှမသိဘဲ ရမ်းတုတ် မှန်းတုတ်ဆော့ခဲ့ကြရတယ်။ ဖဲသမားအစစ်တွေက ဖဲချိုးမကောင်းတော့ရင် ဖဲထုပ်အသစ်ဖောက်ကြတာဆိုတော့ ဖဲထုတ်အဟောင်းတွေ ကျွန်တော်တို့ဆီ တစ်ပုံကြီးပဲ။ အဲ့ဒီဖဲထုတ်တွေကို လောင်းကြေးလုပ်ဆော့ခဲ့ကြတာပေါ့။ ပျော်ဖို့တော့ အတော်ကောင်းခဲ့သား။‌ ဒီရုပ်ရှင်က ဇာတ်အိမ် မရှိသလောက် ဖြစ်နေပေမဲ့ ကောင်းကွက်တစ်ကွက်တော့ရှိတယ်။ တခြားအခန်း အာစွတ်ရုံလောက်ထည့်ထားပြီး အစအဆုံးကို ဖဲဝိုင်းတွေ ဖဲသမားတွေရဲ့ဗျူဟာတွေချည်း ထည့်ထားတယ်။ ပြောရရင် ရုပ်ရှင်က လူသစ်လေးတွေကို Texas HoldEM Poker ကစားတတ်အောင် သေချာ သင်ပေးထားတယ်။ ပွဲတိုင်းက ဖဲတိုင်းကိုမြင်အောင်ပြပြီး ဘယ်ဖဲက ဘယ်လိုနိုင်တယ်ဆိုတာပြထားတယ်။ ကျုပ်လည်း အောက်ကမှတ်ချက်ထုတ်ရှင်းထားတယ်။ ဖျော်ဖြေရေးကြည့်တဲ့ရုပ်ရှင်မှာ ကွင်းစကွင်းပိတ်တွေနဲ့ ရှင်းလင်းရေးလုပ်တာက အတော်ကကြိုးကကြောင် နိုင်တယ်လို့ ကျုပ်လည်းထင်ပေမဲ့ ဒီရုပ်ရှင်ဟာ ဖဲကစားတတ်အောင်သင်ပေးတဲ့ ရုပ်ရှင်လို့ ဆိုလို့ရတော့ ပြည့်စုံအောင်ထည့်ထားလိုက်တယ်။ Castတွေတော့ လန်းတယ်ပြောရမယ် မူလ Hulk မင်းသား Eric Bana, မမ Drew BarryMore, နာမည်ကြီးကားတွေမှာပါခဲ့တဲ့ အဘိုးကြီးRobert Duvall, Ironmanမင်းသား Robert Downey, Jr. သရုပ်ဆောင်တွေကတော့ မိုက်ပါတယ်။ သေချာတာကတော့ ဒီရုပ်ရှင်ဟာ ခင်ဗျားကို Texas HoldEM Pokerကို ကစားတတ်အောင် သင်ပေးမယ့် ရုပ်ရှင်သက်သက်ပဲ။ ကစားနည်းတင် မဟုတ်ဘဲ ကစားဟန်ကိုပါ သင်ပေးလိမ့်မယ်။ ဒါကြည့်ပြီး ကျုပ်တော့ Governor of Poker 3 ဆော့လိုက်တာ တော်တော်တော့နိုင်သွားတယ်။ မဆော့ဖူးတဲ့လူဆိုရင်တော့ ဒီကားကြည့်ပြီး GOP3နည်းနည်းလောက်ဆော့ကြည့်ရင် ခင်ဗျားTexas HoldEM Pokerကို ကျွမ်းသွားမှာပဲ။ အဲ့ဒီကျကျောင်းမှာလည်း ဝင်နွဲလို့ရသပေါ့။ ဘယ်အတတ်မဆို တတ်ထားတာ‌တော့ အကောင်းဆုံးပဲဗျ။ ကစားနည်းတွေဟာ အပျော်တမ်းဆော့ရင် မိတ်ဆွေပေါစေမယ့်လမ်းစပဲ။ ဒီတော့ ပိုကာဆော့တတ်ရင် ခင်ဗျားသင်ထား သင့်တယ်လို့ အကြံပေးချင်တယ်။ သင်ပြီးရင်လည်း ကြေးကြီးနဲ့မဆော့မိအောင်ထိန်းပေါ့။ ပြောခဲ့တယ်မလား ကစားနည်းတွေဟာ မိတ်ဆွေရှာဖို့ပဲကောင်းတာ ငွေရှာဖို့မကောင်းဘူး။ ( အညွှန်းရေးသားထားသူကတော့ The Pooh ပါ ) Quality__1080p ,720p IMDb Rating__5.9/10 Format__mp4 Duration__02:00:00 Type__Drama , Romance , Sport Subtitle__Myanmar Subtitle (Hardsub) Translated by The Pooh Encoded by Naing Aung Latt

There Will Be Blood (2007) IMDb Rating - 8.2/10 #Unicode အချိန်ကာလက ၁၈၉၈ ခုနှစ်။ နယူးမက္ကစီကိုရဲ့ ကွင်းပြင်တွေအလည်က မိုင်းတွင်းတွေထဲမှာ ငွေသတ္တု ရှာဖွေနေသူ တစ်ယောက်ကို တွေ့ရတယ်။ ဇွဲနဲ့မာန်နဲ့ တူးနေတဲ့သူ့ရဲ့ လုံ့လအတွက် အဖိုးအခအနေနဲ့ ငွေသတ္တုရိုင်းတစ်ခဲကိုလည်း တွေ့ထားပြီးပြီ။ သူ့အလုပ် ပြီးပြီဆိုတော့ တွင်းပေါ်ပြန်တက်ဖို့ လုပ်တာပေါ့။ ဒါပေမဲ့ မတော်တဆမှုတစ်ခုဖြစ်ပြီး သူ့ဘယ်ခြေထောက်က ဆာသွားခဲ့တယ်။ ဒါပေမဲ့ မြေပြင်ပေါ်ကိုတော့ သူရအောင်ပြန်တက်နိုင်ခဲ့တယ်။ သူ့နာမည်က 'ဒန်နီယယ် ပလိန်းဗျူး' တဲ့။ နှစ်ဆယ်ရာစုအစောပိုင်းကာလတွေမှာ လူမှုဘဝတွေရဲ့ တိုးတက်ဖွံ့ဖြိုးမှုအရ လောင်စာဟာ ရတနာပစ္စည်းတွေထက် ပိုတန်ဖိုးရှိလာတယ်။ ဒါကြောင့်လည်း ရေနံထွက်မယ်လို့ ယူဆကြတဲ့မြေပေါ်မှာ လူသားတွေဟာ ခြေချင်းလိမ် လာကြတယ်။ တစ်ကယ်တော့ ရေနံတူးဖော်မှုလုပ်ငန်းက အန္တရာယ်များတဲ့အလုပ်မျိုး။ အဲ့ဒီခေတ်ကာလအနေနဲ့ဆို ပိုဆိုးတာပေါ့။ မြေအောက်အလွှာထဲက အနက်ရောင် ရွှေရည်တွေကို မြေပြင်ပေါ်တင်ဖို့ဆိုတာ အန္တရာယ်များသလို စိန်ခေါ်မှုတွေလည်း ပြည့်နှက်နေတယ်။ ယနေ့ခေတ်လို ခေတ်မှီတူးဖော်ကိရိယာတွေ မရှိတဲ့အတွက် လူအား ကာယအားကိုသာ အသုံးချပြီး မြေအောက် ပေအတော်ကွာတဲ့ တွင်းထဲ ရှူစရာ လေလုံလုံလောက်လောက်မရှိ၊ ဓာတ်ငွေ့ နံ့တွေ လွှမ်းနေတဲ့ကြားထဲမှာ တူးဖော်ကြရတယ်။ ဒါတောင် လုပ်ငန်းခွင်အန္တရာယ်တွေဖြစ်တဲ့ တွင်းပြိုကျမှုတွေ၊ ဝန်မနိုင်ပဲ ပျက်စီးရာကနေ လူထိခိုက်မှုတွေ မပါသေးဘူး။ ဒါပဲလား၊ ဘယ်ဟုတ်လိမ့်မလဲ။ ရေနံတူးအလုပ်သမား တွေရဲ့ ကိုယ်ကာယကြံ့ခိုင်မှုတွေ စိတ်ဓာတ်ကြံ့ခိုင်မှု။ ဒါတွေမပြည့်စုံလို့လဲ မရပြန်ဘူး။ အသက်နဲ့ရင်းမှ ငွေပြန်ရမဲ့ အလုပ်မျိုး။ 'ဒန်နီယယ်' ကို ခေတ်ဆိုးကြားမှာ လူလာဖြစ်တယ်လို့ သတ်မှတ်ရမယ်။ ကိုယ်ကောင်းစားဖို့ သူတစ်ပါးကို ချနင်းကြတဲ့ ခေတ်ကာလမျိုးမှာ ကျင်လည်လာရတဲ့ သူ့အဖို့တော့ အရာရာကို မုန်းတီးစိတ်နဲ့ပဲ ကြည့်တတ် နေပြီ။ သူ့ရဲ့ စိတ်နှလုံးတစ်ခုလုံးဟာလည်း အနိုင်ရလိုစိတ် သံသယစိတ်တွေနဲ့ ပြည့်နှက်နေတယ်။ ကိုယ့်အပေါ် တစ်ခါကျူးရင် ဆယ်ခါပြန်ကျူးပြတတ်တဲ့ လူစားမျိုး။ ကိုယ့်ကိုလက်သီးနဲ့တစ်ခါထိုးရင် ဓားနဲ့ပါပြန်ထိုးမယ်ဆိုတဲ့ စိတ်ဓာတ်ပိုင်ရှင်မျိုး။ တစ်ကယ်ခက်ထန်တဲ့ လူစားမျိုး ဖြစ်နေပြီ။ ဒါကြောင့် တူးလို့ရလာခဲ့တဲ့ ငွေသတ္တုခဲကို အရင်းပြုပြီး 'ဒန်နီယယ်' တစ်ယောက် ရေနံတူးဖော်ရေးလုပ်ငန်းကို စတင်ခဲ့တယ်။ တစ်ရက်တော့ သူနဲ့လုပ်ငန်းတူ မိတ်ဆွေတစ်ယောက်ဟာ လုပ်ငန်းခွင်မတော်တဆမှု တစ်ခုမှာ ဆုံးပါးသွားခဲ့တယ်။ သားကလေးတစ်ယောက် ကျန်ခဲ့တာကြောင့် 'ဒန်နီယယ်' က သည်ကောင်လေးကို မွေးစားခဲ့တယ်။ အရွယ်ရောက်လာတော့လည်း သူ့လို ရေနံကို ချစ်တတ်အောင် သင်ပေးနိုင်ခဲ့တယ်။ နှစ်ကာလတွေ ကြာလာတာနဲ့အမျှ 'ဒန်နီယယ်' ရဲ့ လုပ်ငန်းက တစ်စထက်တစ်စ အောင်မြင်လာပြီ။ ဒီလိုနဲ့တစ်ခုသော ကာလအရောက်မှာ ရေနံသမားတိုင်း မျက်စိကျလောက်တဲ့ နယ်မြေသစ်တစ်ခုကို သတိ ထားလိုက်မိချိန်ကစပြီး 'ဒန်နီယယ်' ဟာ လူသား ဆန်စိတ်တွေပါ ပျောက်ဆုံး၊ ပြိုင်ဘက်တွေအပေါ် ပရိယာယ်တွေသုံးပြီး သွေးအေးအေးနဲ့ ဖယ်ရှား တတ်တဲ့ လူကြမ်းကြီးတစ်ယောက် ဖြစ်လာတော့တယ်...။ ၁၉၂၆ ခုနှစ်က စာရေးဆရာ Upton Sinclair ရဲ့ ကမ္ဘာကျော် Oil! ကို အခြေခံပြီး ရိုက်ကူးထားတဲ့ Western Style ဇာတ်ကားမျိုးဖြစ်တဲ့ There Will Be Blood ဟာ ၂၁ ရာစုရဲ့ အကောင်းဆုံးသော ရုပ်ရှင်ဇာတ်ကားတွေထဲက တစ်ကားဖြစ်ပြီး ရိုက်ကူးသူ ကတော့ Magnolia, The Master ဒီလိုဇာတ်ကား တွေရဲ့ ပဲ့ကိုင်ရှင် လက်ရှိ ဟောလိဝုဒ် ရုပ်ရှင်လောကရဲ့ အကောင်းဆုံးဒါရိုက်တာတွေထဲက တစ်ယောက်ဖြစ်တဲ့ Paul Thomas Anderson ပဲ။ Cinematography ပိုင်းကိုတော့ ထွေထွေ ထူးထူး ပြောစရာဘာမှမရှိတော့ပါဘူး။ ရေနံစင် မီးလောင်တဲ့ပြကွက်နဲ့တင် အော်စကာဆု ရခဲ့တာ တန်သွားပါပြီ။ ဒီလို ရိုက်ချက်တွေကပဲ ကျွန်တော်တို့ကို ရေနံမြေထဲ ခေါ်ဆောင်သွားပြီး ရေနံစိမ်းအနံ့တွေ ရစေခဲ့တာပါ။ Western Style ဆိုပေမဲ့ မြင်နေကျဖြစ်တဲ့ ကောင်းဘွိုင်တွေ၊ သူရဲကောင်းတွေကို မတွေ့ မမြင်ခဲ့ရပဲ ရက်စက်တတ်တဲ့ လူမဆန်တဲ့ ရေနံလုပ်ငန်းရှင်တစ်ဦးကိုပဲ မြင်ခဲ့ရတယ်။ ရက်စက်တတ်တဲ့ ဉာဏ်နီဉာဏ်နက်များတဲ့ ပိုက်ဆံကို ကိုးကွယ်တဲ့ ဒီဇာတ်ကောင်ကို အသက်သွင်းပြလိုက်သူ ကတော့ သက်ရှိထင်ရှား ရှိနေသေးတဲ့ သရုပ်ဆောင် တွေထဲ အကောင်းဆုံးလို့ သတ်မှတ်ရမဲ့ Sir Daniel Day-Lewis ပါပဲ။ အပြင်လောကမှာ ယဉ်ကျေး ရည်မွန်သူ၊ ရိုက်ကွင်းပေါ်ရောက်တာနဲ့ တခြားလူ တစ်ယောက်အဖြစ် ပြောင်းလဲသွားတတ်တဲ့ Daniel Day-Lewis အတွက် Daniel Plainview ဟာ ဒုတိယမြောက် အော်စကာကို ယူဆောင်ပေးခဲ့သလို သူ့ရဲ့ သရုပ်ဆောင်သက်တမ်းတစ်လျှောက်မှာ အကောင်းဆုံးသော သရုပ်ဆောင်ချက်အဖြစ်လည်း သတ်မှတ်ခံခဲ့ရတယ်။ Daniel Day-Lewis ဟာ Method Actor တစ်ယောက် ဖြစ်တဲ့အတွက် ရိုက်ကူးရေးပြီးပေမဲ့လည်း ဇာတ်ကောင်စရိုက်အတိုင်းနေတတ်တာကြောင့် Daniel Plainview ကို Eli ကြောက်တာထက် Daniel Plainview ကို Eli သရုပ်ဆောင် Paul Dano ကြောက်တာက ပိုမယ်လို့လည်း ကျွန်တော်ယူဆမိတယ်။ ဒီလိုဇာတ်လမ်းမျိုးနဲ့ ဇာတ်ကောင်မျိုးကို ပုံဖော်ပေးခဲ့တဲ့ Director Paul Thomas Anderson နဲ့ သရုပ်ဆောင်ကြီး Daniel Day-Lewis ကြောင့်ပဲ သွေးနံ့နဲ့ ရေနံစိမ်းနံ့တွေ ရောနှောလွင့်ပျံ့နေတဲ့ ရေနံမြေက ရက်စက်ကြမ်းကြုတ်တဲ့ လူကြမ်းကြီးတစ်ယောက်ကို ကျွန်တော်တို့ မေ့မရနိုင်ခဲ့တာ ဖြစ်ပါလိမ့်မယ်။ #Review Crd (ဒီဇာတ်ကားကို ဘာသာပြန်ရေးသားပေးသူကတော့ d3mon ပဲဖြစ်ပါတယ်။) Quality –  1080p, 720p BluRay 5.1CH Duration - 2hr 38min Subtitle – Myanmar Hardsub Format – Mp4 Genre : Drama Source : 1080p.BluRay Translator – d3mon Encoder – SWM

Seabiscuit(2003) IMDb....7.3,,,,Rotten....77% "ဆွဲထား...ထိန်းထား..." ဆိုတဲ့ အော်ဟစ်သံတွေနဲ့အတူ လူလေးယောက်လောက် မြင်းတစ်ကောင်ကို ဝရုန်းသုန်းကား လိုက်ထိန်းနေရတယ်... အားလုံး ဝိုင်းပြီး ထိန်းလိုက်နိုင်ချိန်မှာတော့ မြင်းပိုင်ရှင်ဖြစ်ပုံရတဲ့ လူတစ်ယောက်က စကားတစ်ခွန်းပြောတယ်.... "...သတ်လိုက်တော့..." တဲ့ ခြေတစ်ဖက်မှာ မဆိုသလောက်လေး ထိခိုက်ပြီး အရိုးအက်သွားတဲ့ မြင်းတစ်ကောင်ဟာ ပြိုင်မြင်းအဖြစ် ဆက်ပြိုင်ဖို့ မဖြစ်နိုင်သ လောက်ပါပဲ...အဲ့တာကြောင့်လည်း "သတ်လိုက်တော့" ဆိုတဲ့ စကား ခပ်လွယ်လွယ်ထွက်လာခဲ့တာပါ... ဒါပေမဲ့လည်း မြင်းတွေကိုချစ်မြတ်နိုးသူ မြင်းဝါသနာရှင်တစ်ယောက်က အဲ့ဒီအချိန်မှာပဲ အဲ့မြင်းကို ဖြတ်ဝယ်ခဲ့ပါတယ်... မြင်းလေးရဲ့ နာမည်ကတော့ Seabiscuit ပါ... ဒီမြင်းလေးဟာ ဝယ်ပြီးတဲ့အချိန်မှာ တခြားမြင်းတွေနဲ့ မတူတဲ့ အရည်အချင်းတွေကို သွားတွေ့မိတယ်.... အဲ့ဒီနောက်မှာတော့...ဘာတွေဆက်ဖြစ်မလဲဆိုတာကိုတော့ ခံစားကြည့်လိုက်ပါဦး.... ဒီဇာတ်ကားဟာ 1930-40 အတောအတွင်း နာမည်ကြီးခဲ့တဲ့ Seabiscuit ဆိုတဲ့ မြင်းလေးအကြောင် းကို ရိုက်ကူးထားတဲ့ ဖြစ်ရပ်မှန်ဇာတ်ကားလေးဖြစ်ပါတယ်...IMDbရော Rottenရော အကောင်းဆုံးအနေအထားမှာ ရှိနေတဲ့ အပြင် နာမည်ကြီးသရုပ်ဆောင်ပေါင်းများစွာ ပါဝင်နေလေတော့  မကောင်းမှာတော့ ပူမနေနဲ့ဗျို့.... အေးဆေးကြည့်လို့ရမယ့် အချိန်လေးမှာ ဒီကားကိုကြည့်စေချင်တယ်.... ဇာတ်လမ်းအညွှန်းနဲ့ ဘာသာပြန်သူကတော့ Paing ပဲဖြစ်ပါတယ်.... File Size : (1 GB) and (418 MB) Quality : Blu-Ray 720p Format…mp4 Duration…02:20:00 Genre :  Drama, History, Sport Subtitle : Myanmar Subtitle (Hard Sub) Translated by Paing Encoded by Phyo Pyae

၁၉၉၁ ခုနှစ်က ထွက်ခဲ့ပြီး အဲဒီအချိန်က အောင်မြင်ခဲ့တဲ့ကားကောင်းတစ်ကားပါ။ IMDb rating 6.0/10 ရရှိထားပါတယ်။ ဇာတ်လမ်းထဲမှာတော့ ၁၉၉၆ ခုနှစ်ကို ဇာတ်အိမ်တည်ထားပါတယ်။ အခု အဖိုးကြီးဖြစ်နေပြီး Ironman 2 တို့ Sin City တို့ထဲမှာ လူကြမ်းအဖြစ်သရုပ်ဆောင်နေတဲ့ မင်းသားမိုက်ကီရောက်ကီနဲ့ ဒွန်ဂျွန်ဆင်တို့ရဲ့ ကားကောင်းတစ်ကားဖြစ်ပါတယ်။ ကျွန်တော့်အမြင်တော့ ဒီကားထဲမှာမိုက်ကီရောက်ကီထက်စာရင် ဒွန်ဂျွန်ဆင်ကပိုပြီးသရုပ်ဆောင် ကောင်းတယ်လို့ ထင်ပါတယ်။ ဇာတ်လမ်းအကျဉ်းကတော့ ဟာလေဒေဗစ်ဆင်ဆိုင်ကယ်ကြီးစီးပြီး ဟာလေဒေဗစ်ဆင်လိုအမည်ရတဲ့သူတစ်ယောက်ဟာ ငယ်ငယ်ကကြီးပြင်းလာခဲ့တဲ့ဘားဆိုင်တစ်ဆိုင်ကို သူငယ်ချင်းတွေနဲ့တွေ့ဖို့ ပြန်သွားခဲ့ပါတယ်။ လမ်းမှာ မာလ်ဘိုရိုမန်းလို့ခေါ်တဲ့ ကောင်းဘွိုင်စတိုင်နဲ့ သူငယ်ချင်းဟောင်းကို ပြန်တွေ့ခဲ့ပါတယ်။ သူတို့နှစ်ယောက်က သူတို့နဲ့နေရာဟောင်း ဘားဆိုင်ကိုပြန်အရောက်မှာတော့ သူတို့ဘားဆိုင်ကို ဘဏ်တစ်ဘဏ်ကအပိုင်စီးပြီး မိုးမျှော်တိုက်ကြီး ဆောက်ရန်ကြံရွယ်နေတာကို သိလိုက်ရပါတယ်။ အဲဒီအချိန်မှာ သူတို့က ဘဏ်ကိုဓါးမြတိုက်ပြီး ပိုက်ဆံရှာဖို့ ကြိုးစားခဲ့ပါတယ်။ ဒါပေမယ့် သူတို့ဓါးမြတိုက်ခဲ့တဲ့အထုပ်တွေကပိုက်ဆံတွေမဟုတ်ပဲ ဘဏ်မန်နေဂျာက လျှို့ဝှက်ဖြန့်ဖြူးနေတဲ့ အဆင့်မြင့်မူးယစ်ဆေးဝါးတွေ ဖြစ်နေခဲ့တဲ့အတွက် ပြသနာကြုံရပါတော့တယ်။ ဘဏ်မန်နေဂျာက အဆင့်မြင့်လူသတ်သမားတွေကို စေလွှတ်ပြီးသူတို့ကို လက်စဖျောက်ဖို့ ကြိုးစားတဲ့အခါ ဟာလေဒေဗစ်ဆင်နဲ့မာလ်ဘိုရိုမန်းတို့က ဘယ်လိုလွတ်မြောက်အောင် ရုန်းထွက်ကြမလဲ။ သူတိုနှစ်ယောက့်ရဲ့အဓိက ရည်မှန်းချက်ကရော ဘာတွေဖြစ်မလဲဆိုတာဇာတ်လမ်းဆုံးအောင် ကြည့်လိုက်ကြပါ။ (အပေါ်ပိုင်း ဗလာကျင်းတဲ့ အခန်းနှစ်ခန်းတော့ ပါပါတယ် ဒါပေမယ့် လိင်ခန်းတွေဘာတွေ မပါဝင်တဲ့ကားတစ်ကားပါ) (ဒီဇာတ်ကားရဲ့အညွှန်းနဲ့ ဘာသာပြန်ရေးသားပေးသူကတော့ CM Team မှ ကိုညီညီကျော်မြင့် ဖြစ်ပါတယ်။) @San Win Maung File Size                          : 700 Mb Quality                            : HD 720P File Size 2                       : 350 Mb Quality                            : HD 360P Running Time                  : 1h 38m Translated                       : Nyi Nyi Kyaw Myint Encoded                         : San Win Maung

၁၉၉၀ ခုနှစ်က ထွက်ရှိခဲ့တဲ့ Death Warrant ဇာတ်ကားဟာ မင်းသားကြီး ဂျင်းကလော့ ဗန်ဒိန်း (Jean-Claude Van Damme) ရဲ့ ရွှေခေတ်က အမှတ်ရစရာ လက်ရာတစ်ခုဖြစ်ပြီး၊ အကျဉ်းထောင်ထဲက လူသတ်မှုတွေကို စုံစမ်းဖို့ အကျဉ်းသားအဖြစ် ဟန်ဆောင်ဝင်ရောက်တဲ့ ရဲအရာရှိတစ်ဦးအကြောင်း ရိုက်ကူးထားတာ ဖြစ်ပါတယ်။ ဒီကားရဲ့ ထူးခြားချက်ကတော့ ရိုးရိုးအက်ရှင်ကား သက်သက်မဟုတ်ဘဲ ဗီလိန် "The Sandman" (Patrick Kilpatrick) ရဲ့ ကြောက်မက်ဖွယ် သရုပ်ဆောင်ချက်တွေကြောင့် ဟော်ရာဆန်ဆန် သည်းထိတ်ရင်ဖိုစရာ အငွေ့အသက်တွေ ပါဝင်နေတာပါပဲ။ ဇာတ်သိမ်းပိုင်းက တိုက်ခိုက်ခန်းတွေဟာ Slasher ရုပ်ရှင်တွေလို ရင်တမမ ဖြစ်စေပြီး၊ အက်ရှင်ကြမ်းကြမ်း ကြိုက်သူတွေနဲ့ ၉၀ ပြည့်လွန်နှစ်တွေက ရုပ်ရှင်တွေကို လွမ်းဆွတ်သူတွေအတွက် လက်မလွှတ်သင့်တဲ့ Classic ဇာတ်ကားကောင်း တစ်ကားပါ။ ဗန်ဒိန်းရဲ့ ဇာတ်ကားကောင်းတွေကို ပြန်လည်ကြည့်ရှုချင်သူတွေအတွက် အချိန်ပေးရတာတန်တဲ့ ဇာတ်ကားကောင်းတစ်ကားပါ…။ File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)