Original Sin မှာ အလန်နဲ့ ဗားဂတ်တို့ ပြောကြတဲ့ စကားတစ်ခွန်းက အချစ်နဲ့ တဏှာကြားက ကွာခြားချက်ကို မေးထားပါတယ်။ ဗားဂတ် ခံစားနေရတာ အချစ်လား၊ တဏှာသက်သက်လားလို့ အလန်က မေးတဲ့အခါ ဗားဂတ်က အဲဒီနှစ်ခုမှာ ကွာခြားမှုရှိလို့လားလို့ ပြန်မေးတယ်။ အလန်ရဲ့အမြင်မှာ ချစ်တယ်ဆိုတာ ပေးပြီးရင်း ပေးချင်နေတာဖြစ်ပြီး တဏှာကတော့ ယူပြီးရင်း ယူချင်နေတာပါ။ ကိုယ်က ပေးချင်တာလား၊ ယူချင်တာလားဆိုတဲ့ မေးခွန်းကိုတော့ ဗားဂတ်က နှစ်ခုစလုံးလို့ ဖြေပါတယ်။ သူချစ်တဲ့သူကို အရာရာပေးချင်သလို အဲဒီလူဆီက အရာအားလုံးကိုလည်း ရချင်တယ်။ ဒီအဖြေကြားတော့ အလန်က သူ့ကို အချစ်မှာ အရှုံးသမားဖြစ်နေပြီလို့ ပြောလိုက်တယ်။ ဒီစကားဝိုင်းကတစ်ဆင့် အချစ်မှာ ရှုံးနိမ့်ရတဲ့ ခံစားချက်ကို မိတ်ဆက်ထားတာပါ။ ၂၀၀၁ ခုနှစ်ထွက် ဒီဇာတ်ကားမှာ Antonio Banderas နဲ့ Angelina Jolie တို့ အဓိကပါဝင်ထားပြီး အချစ်၊ ဒရာမာ၊ လျှို့ဝှက်ဆန်းကြယ်မှုနဲ့ သည်းထိတ်ရင်ဖိုအကြောင်းအရာတွေ ပါဝင်ပါတယ်။ ကိုယ်လုံးတီးပြကွက်တချို့ ပါဝင်တဲ့ R အဆင့်သတ်မှတ်ထားသော ဇာတ်ကားဖြစ်ပါတယ်။
ဇာတ်ကားကြည့်ရန်