He Yu ပါဝင်သော ဇာတ်ကားများ

ဒီတစ်ခါ ယူဆောင်လာတဲ့ဇာတ်လမ်းလေးကတော့ FML နဲ့ ML တို့ရဲ့အားပြိုင်မှုကြားက အချစ်ရိပ်တစ်စွန်းတစ်စကိုပါ မြင်တွေ့ရမဲ့ဇာတ်အိမ်မျိုးလေးပါ။ ဒီဇာတ်လမ်းက Tencent ကနေထုတ်လွှင့်ပြသတဲ့ Historical Political Romance အမျိုးအစားဖြစ်ပြီး စာရေးဆရာမ Jin Huang ရဲ့နာမည်ကြီးဝတ္ထု Wo Hua Kai Hou Bai Hua Sha ကိုအခြေခံပြီး ရိုက်ကူးထားတာမို့ တော်တော်လေးဇာတ်အိမ်ခိုင်ပါတယ်။ အဓိကသရုပ်ဆောင်တွေအနေနဲ့ Speed & Love မှာ ချစ်လူမိုက်လေးဖြစ်ခဲ့တဲ့ ကိုကို He Yu နဲ့ The Princess's Gambit မှာ ရူပကာလဲလှ ပရိယာယ်လည်း ကြွယ်ပြခဲ့တဲ့ မမ Meng Zi Yi တို့က တွဲဖက်သရုပ်ဆောင်ထားကြပါတယ်။ ဇာတ်လမ်းအညွှန်း>>> သွေးချောင်းစီးသတ်ဖြတ်မှုကြီးတစ်ခုထဲကနေ တစ်ဦးတည်းသောရှင်သန်ကျန်ရစ်သူဖြစ်ခဲ့တဲ့ကုချင်းကျစ်ဟာ ပြန်လည်နိုးထလာချိန်မှာတော့ အနောက်မြောက်ဒေသရဲ့မင်းသမီးလေး ရှန်ရှီးဟယ်ဆိုတဲ့ မတူညီတဲ့ဘဝအသစ်တစ်ခုကို ပိုင်ဆိုင်သွားခဲ့ပါတယ်။ တစ်ချိန်ကတော့ သူဟာ နယ်စပ်ဒေသရဲ့ဂုဏ်ယူဝံ့ကြွားပြီး တက်ကြွလန်းဆန်းတဲ့နှင်းဆီနီလေးတစ်ပွင့် ဖြစ်ခဲ့ဖူးပေမဲ့ အခုအချိန်မှာတော့ ကံကြမ္မာကို ကိုယ်တိုင်ကြိုးကိုင်ပြီး အာဏာကစားပွဲကြီးကိုလွှမ်းမိုးချုပ်ကိုင်နိုင်ဖို့အတွက် အေးစက်စက်နဲ့ အကွက်စိပ်စိပ်တွက်ချက်တတ်တဲ့လူတစ်ယောက်အဖြစ် လုံးဝပြောင်းလဲသွားခဲ့ပါပြီ။ တစ်ဖက်မှာလည်း အိမ်ရှေ့စံမင်းသား ရှောင်ဟွားယုံဟာ အပြင်ပန်းမှာ ခန္ဓာကိုယ်ပိုင်းဆိုင်ရာ အားနည်းချို့တဲ့ပြီး အသည်းအသန်ဖြစ်နေပုံရပေမဲ့ ဦးနှောက်ကတော့ ဓားသွားထက်မက ထက်မြက်လှတာမို့ နန်းတွင်းထဲက သစ္စာဖောက်မှုတွေနဲ့လှိုင်းတံပိုးတွေကို အကုန်အစင်ထိုးထွင်းမြင်နိုင်သူပါ။ ကံကြမ္မာရဲ့စီမံမှုကြောင့် သူတို့နှစ်ယောက်ရဲ့ဘဝချင်း ထပ်တူကျလာတဲ့အခါမှာတော့ တစ်ဦးနဲ့တစ်ဦး တဖြည်းဖြည်းပိုမိုနီးစပ်လာခဲ့ကြပြီး ကံကြမ္မာရဲ့လေပြင်းမုန်တိုင်းတွေကို အတူတူပူးပေါင်းတွန်းလှန်ကာ အာဏာကိုအရယူဖို့ လက်တွဲမိသွားကြပါတော့တယ်။ မမ Meng Zi Yi က အေးစက်စက်နဲ့မာယာများတဲ့ဇာတ်ကောင်ကို ပိုင်နိုင်သလို ကိုကို He Yu ကလည်း အပြင်ပန်းမှာသာ အားနည်းဟန်ဆောင်ထားပြီး အတွင်းစိတ်ဉာဏ်နက်နဲလှတဲ့အပြင်အရမ်းစွဲလမ်းတတ်တဲ့ Obsessive Male Lead Vibe မျိုးမို့လို့ နှစ်ယောက်ကြားက အားပြိုင်မှုနဲ့ကမ်မီမိမှုတွေက တကယ့်ကိုအလန်းစားဖြစ်မှာပါ။ ဒီတော့ အားပြိုင်မှုတွေကြားက စိတ်မောစရာတွေနဲ့အတူ ချစ်ရင်ခုန်သံလေးကိုနားထောင်ရင်း ကလိကလိဖြစ်ချင်ရင်တော့ ဒီကားလေးကို အားပေးလိုက်တော့နော်။ Total Episodes : 36 Quality : WEB-DL 1080p, 720p Format : mp4 Genres : Drama Runtime : 45 min Subtitle : Myanmar Subtitle ( Hardsub )

C Drama Fan တွေ မျှော်လင့်စောင့်စားနေတဲ့ Yu Shu Xin (Esther Yu) ရဲ့စီးရီးလေးက ဒီနေ့ထွက်လာပါပြီ။ ဒီကားလေးမှာ Shu Xin ကို မတူညီတဲ့ကာရိုက်တာအဖြစ်မြင်ရမှာဖြစ်ပြီး ဇာတ်လမ်းက action, romance အမျိုးအစားမို့ ပုံမှန် ချစ်၊ ကြိုက်၊ ညားဇာတ်လမ်းတွေကနေ ကွဲထွက်နေမှာပါ။ ဒီစီးရီးက မထွက်ခင်ကတည်းက နာမည်ကြီးနေတဲ့အပြင် Main Lead ကလဲ Esther Yu နဲ့ He Yu တို့က လိုက်ဖက်ညီညီသရုပ်ဆောင်ထားကြပါတယ်။ Esther Yu ရဲ့သရုပ်ဆောင်စွမ်းရည်ကိုတော့ Lin Yi နဲ့တွဲဖက်သရုပ်ဆောင်ထားတဲ့ Ski into love, Ding Yu Xi နဲ့ အတွဲညီညီသရုပ်ဆောင်ခဲ့လို့ အတော်လေးအောင်မြင်ခဲ့တဲ့ Love Game in Eastern Fantasy ဆိုတဲ့စီးရီးတွေမှာ မျက်မြင်တွေ့ခဲ့ပြီးလောက်ပါပြီ။ Shu Xin က အချစ်ရိုမန့်စ်တွေကို အတော်လေးပိုင်နိုင်တာမို့ ဒီစီးရီးကလဲ ပရိတ်သတ်အကြိုက်ဖြစ်မှာကျိန်းသေပါပဲ! ဇာတ်လမ်းအညွှန်း >>> ကိုးနှစ်မပြည့်ခင်အထိ ကျန်းမုဟာ အချစ်ခံရတဲ့ညီမလေးအဖြစ် အိမ်မှာနွေးထွေးလုံခြုံစွာနေထိုင်ခဲ့ရပါတယ်။ သူ့အစ်ကိုဖြစ်တဲ့ ကျင်းကျောက်ကလဲ ထက်မြက်တာမို့ လူတိုင်းက ချစ်ခင်ကြပါတယ်။ ဒါပေမဲ့ မိဘတွေကွာရှင်းပြတ်စဲတဲ့အခါ အရာအားလုံး ပြောင်းလဲသွားခဲ့ပါတော့တယ်။ ဖခင်ဖြစ်သူက ကျင်းကျောက်နဲ့အတူ ထိုင်းနိုင်ငံကိုထွက်သွားခဲ့ချိန်မှာ‌တော့ သူအရမ်းချစ်ခင်ရတဲ့အစ်ကိုကြီးကျင်းကျောက်ဟာ မွေးစားသားဖြစ်မှန်း ကျန်းမုလေး သိရှိသွားခဲ့ပါ။ ဒါပေမဲ့ အစ်ကိုကို အဲလိုမျိုးမလွှတ်လိုက်နိုင်တဲ့ကျန်းမုဟာ ကျင်းကျောက်ကိုရှာဖို့ ထိုင်းနိုင်ငံကို တစ်ယောက်တည်းခရီးထွက်လာခဲ့တယ်။ ပြန်ဆုံတွေ့ကြချိန်မှာတော့ သူသိခဲ့တဲ့ချစ်စရာကောင်လေးက ပြောင်းလဲသွားခဲ့ပါပြီ။ တောက်ပတဲ့အနာဂတ်မရှိဘဲ တဇွတ်ထိုးပြီးမိုက်ရူးရဲဆန်တဲ့လူငယ်လေး ဖြစ်နေပါပြီ။ ကျင်းကျောက်ဟာ ကျန်းမု လုံးဝမသိတဲ့မြေအောက်ဂိုဏ်းတွေမှာ ရုန်းကန်ရင်း အန္တရာယ်များတဲ့အလုပ်‌တွေကိုလုပ်ကိုင်နေခဲ့ပါတယ်။ ဒီပြန်လည်ဆုံဆည်းမှုကိုတောင့်တခဲ့ပေမဲ့ ထိပ်တိုက်ရင်ဆိုင်ရချိန်မှာတော့ စိတ်မသက်မသာဖြစ်ခဲ့ရပါတယ်။ တွေ့ချင်စိတ်တစ်ခုနဲ့၊ လက်မလွှတ်နိုင်တဲ့စိတ်တစ်ခုနဲ့ မဆိုင်းမတွအပြေးရှာခဲ့ပေမဲ့ အခုချိန်မှာတော့ အစ်ကိုဖြစ်သူဟာ သူ့အတွက် သူစိမ်းတစ်ယောက်လို ဖြစ်နေခဲ့ပါတယ်။ ဒါပေမဲ့ သူစိမ်းတွေကနေ ချစ်သူတွေအထိဖြစ်လာအောင် ကျန်းမုက တည်ငြိမ်စွာချဉ်းကပ်ခဲ့ပါတယ်။ အစပိုင်းမှာတော့ ကျင်းကျောက်ကခုခံရင်း နောက်ဆုတ်ခဲ့ပေမဲ့ နောက်ဆုံးမှာ သူ့ခံစားချက်တွေကိုလက်ခံပြီး ကျန်းမုဆီ ရဲရဲကြီးလျှောက်လှမ်းလာပါတော့တယ်။ သူ့ဘဝက ခါးသီးလွန်းတာမို့ ကျန်းမုကို အဲဒီအမှောင်ထုကနေ ဝေးဝေးမှာထားချင်ခဲ့ပေမဲ့ အချစ်သူရဲကောင်းမလေး ကျန်းမုက အရာအားလုံးကိုစွန့်စားပြီး သူ့ဆီသို့ ခိုင်ခိုင်မာမာလျှောက်လှမ်းခဲ့ပါတယ်။ ဒီလိုနဲ့ အချစ်စွမ်းအားကိုအရင်းပြုပြီး အရာရာကို ရင်ဆိုင်ဖို့ ဆုံးဖြတ်လိုက်ကြပါတယ်။ ရင်းနှီးသူကနေ သူစိမ်း၊ သူစိမ်းကနေ ချစ်သူအထိပြန်လည်တည်ဆောက်ထားကြတဲ့သူတို့ရဲ့ချစ်ခရီးလမ်းက အဆင်ချောပါ့မလား? ဘယ်လိုတွေရင်ဆိုင်ကျော်ဖြတ်ကြမလဲဆိုတာကိုတော့ ဒီစီးရီးလေးမှာ စီးမျောကြည့်ရှုပေးကြပါအုံးနော်။ သေချာတာတစ်ခုကတော့ Romance Queen ဖြစ်တဲ့ Esther Yu ရဲ့စီးရီးမို့ ကြည့်ရှုသူတွေကို စိတ်ထဲကလိကလိဖြစ်စေမှာကတော့ အသေအချာပါပဲ ပရိသတ်ရေ...! Quality : WEB-DL 1080p, 720p  Total Episodes : 30 Format : mp4 Genres : Historical Runtime : 45 min Subtitle : Myanmar Subtitle ( Hardsub )

ဒီနေ့မှာတော့ CM Team က လူငယ်တွေရဲ့ခွန်အားနဲ့ လောကကို ပြောင်းလဲဖို ကြိုးစားခဲ့တဲ့ Dashing Youth (2024) ကို ဘာသာပြန်တင်ဆက်ပေးလိုက်ပါတယ်... The Blood of Youth (2022)ကို ဘာသာပြန်ခဲ့တုန်းက ကြည့်ပြီးကြသူတွေ မှတ်မိမယ်ထင်ပါတယ်... သူတိုမိဘတွေအကြောင်း အရိပ်အမြွက်လေး ထည့်ပြောခဲ့တာ... ဒီကားက BOY နဲ့ ဘယ်လိုဆက်စပ်နေလဲဆိုရင်တော့ ထန်းယန်ရဲ့ ဆရာ ရွှယ်ယွဲမြိုသခင် ပိုင်လီတုန်းကျွင်း နဲ့ ဆရာကတော် ပေချွေ့မင်းသမီး ယွဲယောင် တိုက ဒီကားမှာ ဇာတ်လိုက် မင်းသား၊ မင်းသမီးပေါ့ ဝူရှင်းရဲ့ အဖေ ယဲ့တင်းကျစ်က ပိုင်လီတုန်းကျွင်းငယ်သူငယ်ချင်း အကြောင်းအမျိုးမျိုးကြောင့် မချေမတင်ဖြစ်ခဲ့သူ... ဝူရှင်းအမေဟာ ချင်ယွဲဝမ်ဖေး ယန့်ဝိန်ကျွင်းပါ... ဘယ်လို ယဲ့တင်းကျစ်နဲ့ ဖူးစာဆုံမယ်တော့ ကြည့်လိုက်နော်... စစ်ခုန်းချန်းလော့ရဲ့ အဖေ စစ်ခုန်းချန်းဖုန်း၊ လေဝူကျယ် ချိုမော့သခင်လေး လေမုန့်ရှား စတဲ့ ဖေဖေမေမေ ဆရာဆရာကတော်တိုရဲ့ အချစ်အမုန်း၊ လောကကောင်းကျိုး နဲ့ လောကပြောင်းလဲမှုတွေကို ရသစုံလင်ခံစားရမယ့် ကားလေးပေါ့ ဇာတ်လမ်းအကျဉ်း ကျန်းရှီအိမ်တော်မြိုစားမင်းရဲ့ သခင်လေး ပိုင်လီတုန်းကျွင်းက ငယ်စဉ်ကတည်း ခေါင်းမာပြီး လုပ်ချင်ရာလုပ်တတ်သူတစ်ဦးပေါ့... သူက ကဗျာစာပေတွေ စစ်ရေးနည်းဗျူဟာတွေနဲ့ ကိုယ်ခံပညာတွေကို လုံးဝ စိတ်ဝင်စားခဲ့တာမဟုတ်ဘူးတဲ့... ဒါပေမယ့်လည်း သူ့သူငယ်ချင်း ယဲ့ယွင် တစ်ယောက် သူငယ်ငယ်က အသတ်ခံရပြီးချိန်ကစပြီး "အရက်နတ်"အနေနဲ့ ဆက်နေဖို ဖြစ်လာတယ်... သိုပါသော်လည်း သူ့ကံကြမ္မာကို သူရွေးချယ်ခွင့်မရခဲ့ဘူး... ဒီလိုနဲ့ လောကပြိုင်စံရှား လီချန်းရှန်းရဲ့ ကျောင်းမှာ ကိုယ်ခံပညာ စတင်သင်ယူခဲ့သည်။ ဒီလိုနဲ့ သူ့ကြိုးစားလေ့လာစဉ်မှာပဲ ယွဲယောင်နဲ့ ယဲ့တင်းကျစ်နဲ့ ဆုံတွေ့ခဲ့တယ်.... ယဲ့တင်းကျစ်က တကယ်တော့ အသတ်ခံခဲ့ရတဲ့ ယဲ့ယွင်ပါပဲ.. သူတိုရဲ့ အားပေးမှုကြောင့်ပဲ သူလည်း သူကိုယ့်သူ ပြန်ဆန်းစစ်လာပြီး ကံကြမ္မာနဲ့ တာဝန်တွေကို မြင်သိလာခဲ့တယ် နှစ်အနည်းငယ်ကြာတော့ ယဲ့တင်းကျစ်က မြေပြန့်ဒေသနဲ့ ပိုင်လီတုန်းကျွင်းဦးဆောင်တဲ့ သူရဲကောင်းအဖွဲတွေကို တွန်းလှန်တိုက်ခိုက်ဖို ဦးဆောင်သူဖြစ်လာတယ်... အခင်ဆုံးသူငယ်ချင်းကို ရင်ဆိုင်ဖို နောင်တမရသလို မတွန့်ဆုတ်ခဲ့ဘူး... ဘာလိုလဲဆိုတော့ သူဟာပြည်သူတွေကိုတင်မကဘူး လမ်းမှားရောက်နေတဲ့ သူငယ်ချင်းကိုပါ ကယ်တင်ချင်လိုပါ... Quality : WEB-DL 720p, 1080p Total Episodes : 40 Format : mp4 Genres : Wuxia, Youth, Fantasy Runtime : 45 min Subtitle : Myanmar Subtitle ( Hardsub ) Translated by CM Team Reviewed By Chu Chu Encoded by LK

အသစ်ထွက်ရှိလာတဲ့ The Legend of Heroes (2024) သိုင်းကားစစ်စစ်ဖြစ်ပါတယ် ဂန္ဓာဝင်စာရေးဆရာကြီး ကျင်းယုံရဲ့ လက်ရာဖြစ်တဲ့ Condor Trilogy ထဲက ပထမဆုံး စာအုပ်ကို ပြန်လည်ဆန်းသစ်ရိုက်ကူးတင်ဆက်ထားခြင်းဖြစ်ပါတယ် သိုင်းကားစစ်စစ် ငတ်နေကြတဲ့ သိုင်းပရိသတ်တွေအတွက်တော့ မျှော်လင့်ထားရမယ့် စီးရီးတွဲတခုဖြစ်ပါတယ် 2020 နောက်ပိုင်း ဆရာကြီးကျင်းယုံရဲ့ Novel တွေကို ပြန်ရိုက်သမျှ Remake တွေလိုပဲ အစဉ်အလာမပျက် Fail ဦးမလား ဒါမှမဟုတ် အောင်မြင်မှာလားဆိုတာတော့ ကျွန်တော်တိုဆက်လက်ရှုစားကြရအောင်ပါ ရိုက်ကူးရေးမှာတော့ Director ၅ ယောက် နဲ့ Screen Writer ၅ ယောက် ပါဝင်ထားပါတယ် Part တွေခွဲပြီးရိုက်ကူးသွားကြမှာဖြစ်ပြီး Shen Li ရဲ့ ဒါရိုက်တာ အပြင် Legend Of Zhuo Hua ရဲ့ ဒါရိုက်တာလဲပါဝင်ကြောင်းသိရပါတယ် ဇာတ်လမ်းကောင်းတွေကိုရိုက်ကူးခဲ့တဲ့ ဒါရိုက်တာတွေလဲ ပါဝင်ကြတာဖြစ်တဲ့အတွက် မျှော်လင့်ဖိုထိုက်တန်တဲ့ Drama လေးတခုအဖြစ် သိုင်းပရိသတ်တွေရင်ခုန်နေမှာအမှန်ပါပဲ ဒီဇာတ်လမ်းရဲ့ မူရင်းဝတ္ထုဖြစ်တဲ့ The Legend of the Condor Heroes (射鵰英雄傳) ကို ၁၉၅၇ ခုနှစ်မှာ ပထမဆုံးအကြိမ် စတင်ထုတ်ဝေခဲ့ပါတယ် အခု ထွက်လာမဲ့ Drama မှာတော့ Part 5 ခုခွဲပြီး ရိုက်ကူးတင်ဆက်သွားမယ်လို သိရပြီး စုစုပေါင်းအပိုင်း ၆၀ ပါဝင်မှာပါ အရှေ့မက်မွန်ကျွန်းသခင်၊ အနောက်အဆိပ်၊ တောင်ပိုင်းဘုန်းကြီး၊ မြောက်ပိုင်း သူဖုန်းစားနဲ့ အလယ်ပိုင်း သူတော်စင်တိုအကြောင်းကိုလဲ အကျယ်တဝံ့ရိုက်ကူးတင်ဆက်မယ့်အခန်းတွေလဲပါပါတယ် ဒီဇာတ်လမ်းရဲ့ ခေတ်ကိုတော့ စုန့်မင်းဆက်မှာ အခြေခံထားပါတယ်။ ကာလကတော့ ကျင်းလူမျိုးတွေ အင်အားကြီးမားနေချိန်၊ မွန်ဂိုတွေက သဲကန္တာရကို စိုးမိုးနေချိန်ပဲ ဖြစ်ပါတယ်။ စုန့်ဘုရင်ကလည်း စာပေအနုပညာကလွဲပြီး တိုင်းရေးပြည်ရေးကို စိတ်မဝင်စားတော့ပါဘူး။ သူ့ရဲ့ အမတ်ချုပ်ကြီး ကျင့်ဟိုင်က သစ္စာရှိအမတ်တွေကို ရှင်းထုတ်ရင်း နန်းတွင်းမှာ အုပ်စိုးနေပါတော့တယ်။ စစ်သူကြီးယွဲဖေးကို သတ်ဖြတ်ခဲ့ပြီး ကျင်းလူမျိုးတွေနဲ့ စစ်ပြေငြိမ်းထားပါတယ်။ နေရာအနှံမှာလည်း အမတ်တွေ အကျင့်ပျက်ပြီး ပြည်သူတွေကို ဖိနှိပ်နေချိန်ပါ။ ဒါကြောင့် သိုင်းလောကသားတွေ ဒီအတိုင်း ကြည့်မနေနိုင်တော့ဘဲ နေရာအနှံမှာ အကျင့်ပျက်အမတ်တွေကို သုတ်သင်ရင်း တိုက်ပွဲတွေ ဖြစ်လာပါတော့တယ်။ ဒီတိုက်ပွဲတွေကြားထဲမှာ ညပ်ပြီး ဒုက္ခရောက်သွားတဲ့ ကောမိသားစုနဲ့ ယန်မိသားစု၊ သူတိုရဲ့ သားတွေဖြစ်တဲ့ ကောကျင့် နဲ့ ယန်ခန်းတိုက အဓိက ဇာတ်ကောင်တွေဖြစ်လာပါတယ်။ သိုင်းလောကထဲမှာတော့ ဒီကာလမှာ ထိပ်သီးကြီး ၅ ဦးပေါ်ပေါက်လာပါတော့တယ်။ အရှေ့မက်မွန်ကျွန်းသခင်၊ အနောက်အဆိပ်၊ တောင်ပိုင်းဘုန်းကြီး၊ မြောက်ပိုင်း သူဖုန်းစားနဲ့ အလယ်ပိုင်း သူတော်စင်တိုပါပဲ။ ဒီဇာတ်လမ်းဟာ သိုင်းလောက နဲ့ နိုင်ငံရေးစစ်ရေးတွေကို ဟာကွက်မရှိအောင် ရေးသားထားတဲ့ ဂန္ဓာဝင်ဝတ္ထုကြီးကို ပြန်လည်ရိုက်ကူးထားတာပြီး အခု ဒီ Remake ဟာ Hit ဖြစ်လာမလား Fail သွားမလားဆိုတာကိုတော့ ပရိသတ်ကပဲ ဆုံးဖြတ်သွားမှာ ဖြစ်ပါတယ် Quality : WEB-DL 720p, 1080p Total Episodes : 60 Format : mp4 Genres : Drama, Romance, Historical Runtime : 45 min Subtitle : Myanmar Subtitle ( Hardsub ) Translated by CM Team Reviewed By LK Encoded by LK

ဒီဇာတ်ကားလေးကတော့ 2005 ခုနှစ်က Hu Ge နဲ့ Liu Yi Fei တိုရိုက်ကူးခဲ့ပြီးတော့ အရမ်းကိုလျှမ်းလျှမ်းတောက်အောင်မြင်မှုတွေရခဲ့တဲ့ sword and fairy 1 ကို ၂၀၂၄ ဗားရှင်းအဖြစ်ပြန်လည်ရိုက်ကူးတင်ဆက်ထားတဲ့ ဇာတ်လမ်းကောင်းလေးပဲဖြစ်ပါတယ် ။ ဇာတ်လမ်းက အရမ်းကောင်းတာမို သရုပ်ဆောင်တွေလည်းတာဝန်ကြီးပါတယ် 2005 ခုနှစ်ဗားရှင်းနဲ့ 2024ဗားရှင်းကြားဘယ်လိုတွေကွာခြားမှုရှိနေမလဲဆိုတာကို ပရိသတ်ကြီးက စောင့်ကြည့်ပေးကြပါအုံးရှင် ။ ဇာတ်လမ်းအကျဉ်းလေးအနေနဲ့တော့ လီရှောင်းယောင်လိုခေါ်တဲ့ကောင်လေးက သူ့ဒေါ်လေးရဲ့ ရောဂါကိုကုသဖိုအတွက်နဲ့အိပ်မက်ကျွန်းဆီခရီးထွက်လာခဲ့ပါတယ်။ အဲဒီကျွန်းမှာပဲ သူချစ်ရတဲ့ မိန်းမလှလေးလင်အာနဲ့တွေ့ဆုံပြီးချစ်ခင်ဆုံမက်ကာ လက်ထပ်ဖြစ်ခဲ့ကြပါတယ် ။ ဒီလိုနဲ့ဒေါ်လေးရဲ့ ရောဂါကိုကုသဖိုအတွက် ဆေးလည်းရပြီဖြစ်လို အိပ်မက်ကျွန်းကနေ အိမ်အပြန်ခရီးလမ်းမှာ ပိုင်ယွဲဂိုဏ်းရဲ့လုပ်ကြံမှုတွေနဲ့ ကြုံတွေ့လာရပါတော့တယ် ။ အဲဒီအခါကျမှ လီရှောင်းယောင်လည်း သူအိပ်မက်ကျွန်းကိုသွားဖြစ်အောင်လုပ်ခဲ့တာကလည်း ပိုင်ယွဲဂိုဏ်းရဲ့ထောင်ချောက်ဖြစ်ပြီးတော့ ချစ်ရတဲ့သူ လင်အာကိုပြန်ပေးဆွဲဖိုဆိုတာကိုသိရှိသွားပါတော့တယ် ။ ဒါပေမဲ့ကံဆိုးစွာနဲ့သူလည်း ပိုင်ယွဲဂိုဏ်းရဲ့တိုက်ခိုက်မှုတွေကိုခံလိုက်ရပြီးတော့ ဒဏ်ရာအပြင်းအထန်ရကာ အတိတ်မေ့သွားပါတော့တယ် ။ ဆိုတော့ ဇာတ်လမ်းလေးထဲမှာ ပိုင်ယွဲဂိုဏ်းက လင်အာကိုဘာလိုလိုက်ဖမ်းနေတာလဲ ရှောင်းယောင်ကရော ပြန်ပြီးတော့ အတိတ်တွေအားလုံးကို သတိရလာနိုင်မလား အိမ်ပြန်တဲ့လမ်းမှာရော ဘယ်လိုအခက်အခဲတွေ အတားအဆီးတွေနဲ့ကြုံတွေရပြီးတော့ မိတ်ဆွေလားရန်သူလား ဘယ်လိုတွေခွဲခြားသိကြမလဲဆိုတာကို စိတ်ဝင်စားဖွယ်ကြည့်ရှူရမှာဖြစ်လို စောင့်မျှော်ကြည့်ရှုဖိုမမေ့ကြပါနဲ့နော် ။ Quality : WEB-DL 1080p , 720p Total Episodes : 40 Format : mp4 Genres : Romance, Wuxia, Fantasy Runtime : 45 min Subtitle : Myanmar Subtitle ( Hardsub ) Translated by CM Team Reviewed By Kay Encoded by LK

The Legend of Shen Li ရှေးခေတ်က နတ်ဘုရားများစွာ သေဆုံးသွားပြီးတဲ့နောက် တစ်ဦးတည်းကျန်ရစ်ခဲ့တဲ့ ရှေးဟောင်းနတ်ဘုရား"ရှင်ကျစ်"ဟာ ရှင်ယွင်ဆိုတဲ့နာမည်နဲ့ လူသားမျိုးနွယ်ခန္ဓာကိုယ်ကို သုံးပြီး လူ့ပြည်မှာ တစ်ကိုယ်တည်း ဇာတ်မြှုပ်ကာ အသက်ရှင်နေထိုင်လျက်ရှိပါတယ်။ တစ်ဖက်မှာ ဝိညာဥ်လောကမှ ကျောက်စိမ်းသခင် "ရှန်လီ"ဟာ သူမရဲ့အသက်တစ်ထောင်ပြည့်မွေးနေ့မှာ ထိမ်းမြားဖို စီစဥ်ခံရတာကြောင့် ထွက်ပြေးရာမှ တိုက်ခိုက်ခံရပြီး မူလဇာမဏီငှက်ပုံသဏ္ဍာန် ပြန်ဖြစ်သွားခဲ့ပါတယ်။ ပြင်းထန်တဲ့ ဒဏ်ရာတွေနဲ့ လူ့ပြည်ကိုကျသွားတဲ့ "ရှန်လီ"ဟာ ‌ရှေးဟောင်းနတ်ဘုရား "ရှင်ကျစ်"နဲ့ လူ့ပြည်မှာ မတော်တဆဆုံတွေ့ဆုံခဲ့ရာမှာ သူတိုနှစ်ဦးကြားမှာ ချစ်ခြင်းမေတ္တာတွေ ပေါက်ဖွားလာခဲ့ပါတယ်။ လောကကြီးရဲ့ ငြိမ်းချမ်းမှုနဲ့ အရာခပ်သိမ်းကို ကာကွယ်ဖို တာဝန်ရှိတဲ့ ရှေးဟောင်းနတ်ဘုရား ရှင်ကျစ်နဲ့ မျိုးနွယ်စုတစ်ခုလုံးကို ကာကွယ်ဖို တာဝန်ရှိသလို ကြီးမားတဲ့ တာဝန်တွေကို ပုခုံးပေါ် ထမ်းထားရတဲ့ ဇာမဏီအရှင်မ "ရှန်လီ"တို သမိုင်းပေးတာဝန်တွေနဲ့ ချစ်ခြင်းမေတ္တာကြားမှာ ဘယ်လိုရွေးချယ်မှုတွေ လုပ်ကြမှာလဲ အဆုံးမှာ တစ်ဦးနဲ့တစ်ဦး ပေါင်းဖက်ရပါ့မလားဆိုတာတော့ CM ပရိသတ်ကြီး စောင့်မျှော်အားပေးကြပါဦး Quality : WEB-DL 1080p , 720p Total Episodes : 40 Format : mp4 Genres : Drama, Fantasy Runtime : 45 min Subtitle : Myanmar Subtitle ( Hardsub ) Translated by CM Team Reviewed By MeeMee JueJue Encoded by LK