James Gilbert ပါဝင်သော ဇာတ်ကားများ

God of Frogs (2026) ++++++++++++ God of Frogs(ဖားနတ်ဘုရား)ဇာတ်ကားဟာ နှစ်ပေါင်း ၂၅ နှစ်မှာ တစ်ကြိမ် နိုးထလာလေ့ရှိတဲ့ ရှေးဟောင်း "ဖားနတ်ဘုရား" တစ်ကောင်ရဲ့ ကျိန်စာနဲ့ သွေးပျက်စရာ ဖြစ်ရပ်ဆိုးတွေကို ခေတ်ကာလ ၄ ခုခွဲပြီး တင်ဆက်ထားတဲ့ Horrorဇာတ်ကားကောင်းပဲဖြစ်ပါတယ်.... လူသူမနီးတဲ့ တောနက်ထဲမှာ နှစ်ပေါင်းများစွာ အိပ်ပျော်နေတဲ့ ရှေးဟောင်းဖားသတ္တဝါကြီးတစ်ကောင် ရှိပါတယ်။ ဒီသတ္တဝါဟာ ၂၅ နှစ်ပြည့်တိုင်း တစ်ကြိမ်နိုးထလာပြီး လူသားတွေကို အစာအဖြစ် အမဲလိုက်လေ့ရှိပါတယ်။ ဒီဇာတ်ကားမှာတော့ ၁၉၆၉ ခုနှစ်ကနေ အနာဂတ် ၂၀၄၄ ခုနှစ်အထိ ကာလအပိုင်းအခြား ၄ ခုကို ခွဲခြားပြသထားပါတယ်။ မြစ်ကမ်းနားက ဂိုဏ်းဝင်တွေရဲ့ ပူဇော်ပွဲ၊ တောထဲမှာ ပျောက်ဆုံးသွားတဲ့ ရုပ်ရှင်ရိုက်ကူးရေးအဖွဲ့၊ နိုင်ငံရေးသမားတစ်ဦးရဲ့ ထူးဆန်းတဲ့ သေဆုံးမှုနဲ့ အနာဂတ်က ကော်ပိုရေးရှင်းကြီးတစ်ခုရဲ့ ပျက်သုဉ်းမှု... ဒီဖြစ်ရပ်အားလုံးဟာ ထူးဆန်းတဲ့ ဖားသတ္တဝါကြီးရဲ့ ကျိန်စာနဲ့ ဘယ်လိုဆက်စပ်နေမလဲ..... သွေးပျက်စရာ သတ္တဝါဆန်းတွေကိုမှ ကြိုက်နှစ်သက်တဲ့ ပရိသတ်တွေအတွက်တော့ ခေတ်အဆက်ဆက်က ထိတ်လန့်စရာဖြစ်ရပ်တွေကို တစ်ကားတည်းမှာ မြင်တွေ့ရမယ့် ရုပ်ရှင်ပဲဖြစ်ပါတယ်။ File Size… (1.62GB) / (736MB) Quality… WEB-DL 1080p HEVC / 720p Format…mkv / mp4 Duration…1h 41m Genre ….Horror Subtitle….Myanmar Subtitle (Hard Sub)

Uno (2025) မိုင်းတွင်းမြို့လေးတစ်မြို့မှာ ဖြစ်ပွားခဲ့တဲ့ ဖြစ်ရပ်ဆိုး အမှန်တရားကို ဖော်ထုတ်ဖို့ ကြိုးစားရင်း ရွှေ၊ အာဏာနဲ့ သစ္စာဖောက်မှုတွေ ပြည့်နှက်နေတဲ့ လျှို့ဝှက်ဆန်းကြယ်ဖြစ်ရပ်အကြောင်းကိုရိုက်ပြထားတဲ့ ကိုလံဘီယာ Crime / Mystery / Drama ရုပ်ရှင် ဖြစ်ပါတယ် ဇာတ်လမ်းကတော့ ကိုလံဘီယာနိုင်ငံ La Alameda ဆိုတဲ့ မိုင်းတွင်းမြို့လေးမှာ ဖြစ်ပွားခဲ့တဲ့ မိသားစုရဲ့ ဝမ်းနည်းဖွယ်ရာ ဖြစ်ရပ်ဆိုးနဲ့ ပတ်သက်ပြီး အမှန်တရားကို လိုက်လံရှာဖွေနေတဲ့ အမျိုးသမီး "အက်စ်မီရယ်ဒါ"အကြောင်းကနေ စတင်ထားတာပါ။ အက်စ်မီရယ်ဒါဟာ ဒေသခံ လယ်သမားတစ်ဦးဖြစ်တဲ့ "ဟိုအာကွင်" ရဲ့ အကူအညီကို ယူပြီး... ကွယ်လွန်သွားပြီဖြစ်တဲ့ သူမရဲ့ လင်ယောက်ျား သွားရောက်ခဲ့တဲ့ ခြေရာတွေကို တစ်ဆင့်ပြီးတစ်ဆင့် အစဖော် လိုက်ကြည့်ခဲ့ပါတယ်။ ဒါပေမဲ့ အမှန်တရားဆီ နီးကပ်လာတာနဲ့အမျှ... ထိုမြို့လေးကို စိုးမိုးထားတဲ့ ရွှေနဲ့ အာဏာ လုပွဲကြီး ၊ သစ္စာဖောက်မှုတွေနဲ့ မြှုပ်နှံထားတဲ့ ကြောက်စရာကောင်းတဲ့ လျှို့ဝှက်ချက်တွေကိုပါ ဖော်ထုတ်မိသွားတဲ့အခါမှာတော့... အက်စ်မီရယ်ဒါတစ်ယောက် အသက်အန္တရာယ်ကြားကနေ အမှန်တရားအတွက် ဘယ်လိုမျိုး တိုက်ပွဲဝင်သွားမလဲဆိုတာကို ကြည့်ရမှာ ဖြစ်ပါတယ်။

What Would You Kill For? (2025) မင်ရဲ့ တစ်ဦးတည်းသော စီးပွားဖက်လည်းဖြစ်သူ ခင်ပွန်းဟောင်ဟာ သူတို့ပိုင်ဆိုင်တဲ့ စားသောက်ဆိုင်ထဲမှာပဲ လျှို့ဝှက်ဆန်းကြယ်စွာ ေသဆုံးလျက်သား တွေ့ရှိခဲ့ရပါတယ်။ ဒီလူသတ်မှုကြောင့်ပဲ မင် ဟာ ရဲတပ်ဖွဲ့ရဲ့ ပထမဦးဆုံး အဓိကသံသယဝင်ခံရသူ ဖြစ်လာခဲ့ပါတယ်။ ကိုယ့်ကိုယ်ကိုယ် အပြစ်မရှိကြောင်း သက်သေပြဖို့နဲ့ သူမွေးစားထားတဲ့ လင်ပါသမီးလေးကို အန္တရာယ်ကနေ ကာကွယ်ဖို့အတွက် မင်တစ်ယောက် နည်းလမ်းရှာရပါတော့တယ်။ တကယ့် တရားခံက ဘယ်သူလဲ၊ အမှန်တရားက ဘာလဲဆိုတာကို ဖော်ထုတ်ဖို့ ကြိုးစားရင်း... သူ့ရဲ့ ပတ်ဝန်းကျင်မှာ ဘယ်သူ့ကို ယုံကြည်ရမလဲဆိုတာ မခွဲခြားနိုင်လောက်အောင် ဖြစ်လာတဲ့အခါမှာတော့...။ File size… 1.3 GB / 709 MB Quality…WEB DL 1080p HEVC/ 720p Format…mkv/ mp4 Duration….1h 27m Subtitle….Myanmar Subtitle (Hard Sub)

The Face I Can't Forget ကတော့ ၂၀၂၄ ခုနှစ်မှာ ထွက်ရှိခဲ့တဲ့ Lifetime TV ရုပ်ရှင်ဇာတ်ကားဖြစ်ပြီး Alicia K. Harris က ဒါရိုက်တာလုပ်ရိုက်ကူးကာ Rayisa Kondracki နဲ့ James Gilbert တို့က ပါဝင်သရုပ်ဆောင်ပေးထားပါတယ်။ Mia ဟာ ကားမတော်တဆမှုကြောင့် မှတ်ဉာဏ်ဆုံးရှုံးသွားပြီးတဲ့နောက် ခင်ပွန်း Jesse နှင့် သမီး Madison တို့ရဲ့ ပြုစုစောင့်ရှောက်မှုကိုခံယူနေရင်း မကြာခဏဆိုသလို အိပ်မက်တွေထဲမှာ ဒုတိယသမီးတစ်ဦးဖြစ်တဲ့ Angela ကို မြင်တွေ့နေခဲ့ရပါတယ်။ ဒါပေမဲ့ တကယ်မရှိတဲ့သမီးတစ်ယောက်အကြောင်းပဲပြောနေတဲ့သူ့စကားကိုလည်း ဘယ်သူကမှ ယုံကြည်ခဲ့ကြခြင်းမရှိခဲ့ပါဘူး။ နောက်ဆုံးမှာတော့ Mia က သူ့အတိတ်ကို ပြန်လည်ရှာဖွေရင်း Jesse နှင့် Madison တို့ရဲ့ လျှို့ဝှက်ချက်တွေကို စတင်သိရှိလာခဲ့ပါတော့တယ်။ ဒီရုပ်ရှင်ကတော့ မှတ်ဉာဏ်ဆုံးရှုံးမှုနှင့် မိသားစုလျှို့ဝှက်ချက်တွေအပေါ် အခြေခံထားတဲ့ စိတ်လှုပ်ရှားစရာဇာတ်လမ်းတစ်ပုဒ်ဖြစ်ပါတယ်။ File Size… (1.15GB) / (590MB) Quality… WEB-DL 1080p HEVC /720p Format…mkv / mp4 Duration…1h 30m Genre ….Thriller Subtitle….Myanmar Subtitle (Hard Sub)

သမိုင်းနောက်ခံအချစ်ဇာတ်လမ်းအမိုက်စားလေးတွေကို မျှော်လင့်နေကြတဲ့ CM ပရိသတ်ကြီးအတွက် အခုတစ်ခေါက်တင်ဆက်ပေးမှာကတော့ လူငယ်တွေရဲ့ ချစ်ခြင်းမေတ္တာနဲ့ ခင်မင်မှုတွေကို စိတ်ဝင်စားဖွယ်ဖော်ညွှန်းထားတဲ့ ဂျိုဆွန်းခေတ်နောက်ခံဇာတ်ကားလေးပဲဖြစ်ပါတယ်။ ဒီကားလေးထဲမှာတော့ ... အရက်သေစာရောင်းဝယ်ဖောက်ကားမှုကို ပြင်းပြင်းထန်ထန်တားမြစ်ထားတဲ့ ကာလကြီးမှာ အောင်မြင်မှုအတွက် ယန်ဟန်းမြို့တော်ကိုတက်လာပြီး တရားရေးဌာနမှာအလုပ်လုပ်နေသူ အထောက်တော်လေး Nam Young အကြွေးတွေကိုဆပ်ဖို့အတွက် အရက်ပုန်းရောင်းရုံသာမက ရရာအလုပ်နဲ့ မိသားစုကိုရှာကျွေးနေရတဲ့ကောင်မလေး Kang Ro Seo နဲ့ အရက်သေစာသောက်စားမှုတားမြစ်ထားပေမယ့် စည်းမျဥ်းတွေကိုဂရုမစိုက်ဘဲ နန်းတော်အပြင်ကိုခိုးခိုးထွက်ပြီး သောက်စားနေတတ်တဲ့ ပြဿနာအိုးမင်းသားလေး Lee Pyo ကိုယ်လိုချင်တာကိုရအောင်ယူတတ်တဲ့ မျိုးရိုးမြင့်မိသားစုရဲ့ သခင်မလေး Han Ae jin တို့လေးဦး ဆုံစည်းဖို့ အကြောင်းဖန်လာခဲ့ပါတယ်။ သူတို့လေးဦးရဲ့ ဘယ်လိုကမောက်ကမအဖြစ်အပျက်လေးတွေနဲ့ ဆုံစည်းဖြစ်ကြမလဲ ? ဘယ်လိုအမှုတွေ ဘယ်လိုအခြေအနေတွေနဲ့ စုံစမ်းမှုတွေကို ရင်တထိတ်ထိတ်နဲ့ လုပ်ဆောင်ကြမလဲ ? လူငယ်တွေကြား ဘယ်လိုအချစ်ဇာတ်လမ်းမျိုးတွေ ပေါက်ဖွားလာကြမလဲ ? ဆိုတာကိုတော့ အခုတင်ဆက်ပေးထားတဲ့ When Flowers Bloom, I Think of the Moon (Moonshine) ကားလေးကို အပတ်စဥ်စောင့်ကြည့်ရင်း ရင်ခုန်လိုက်ကြရအောင်နော်။ ပါဝင်ထားတဲ့ cast တွေကလည်း နာမည်ကြီးသရုပ်ဆောင်တွေဖြစ်တဲ့ Yoo Seung Ho, LeeHyeri, Byun Woo Seok, Kang Mi Na တွေပဲဖြစ်လို့ သူတို့ လေးဦးရဲ့ အလန်းစားသရုပ်ဆောင်ချက်တွေကို ကြည့်ရှုရမှာပဲဖြစ်ပါတယ်။ Aired: December 20, 2021 --  Aired On: Monday - Tuesday Genres: Action, Historical, Comedy & Romance Duration: 1hr 10mins Episodes: 16 Translated by Lwin Lwin Aung, Ei Phyu Khin, Hnin Pale & Yumeko Encoded by  Kinnov

Witches in the Woods (2019) IMDb Rating - 4.2/10 ဒီဇာတ်လမ်းလေးကတော့ ၂၀၁၉ ကထွက်ရှိထားတဲ့ Horror/Thriller/ Mystery ဆန်ဆန် ဇာတ်ကား လေးပါ။ ဇာတ်လမ်းကတော့ အပျော်ခရီး ထွက်လာကြတဲ့ သူငယ်ချင်းတစ်သိုက်တောလမ်းတစ်နေရာမှာ လမ်းပျောက်နေကြတယ်။ သူတို့လမ်းပျောက်နေတဲ့နေရာက စုန်းနဲ့ ပတ်သက်ပြီးဇာတ်လမ်းလေးရှိခဲ့တဲ့နေရာ။ ရာသီဉတုကလည်း နှင်းတွေကျပြီး အပူချိန်ကလည်း အနှုတ်ပြနေတယ်။ ဒီတော့ ဒီသူငယ်ချင်းတစ်သိုက် ဆိုးဝါးတဲ့ရာသီဉတုအောက်မှာ စုန်းဇာတ်လမ်း ရှိတဲ့တောထဲဘယ်လိုရှင်သန်ကြမလဲ။ စုန်းကဝေကားတွေထဲကလိုမျိုး တောထဲမှာ စုန်းကဝေတွေနဲ့ တွေ့ပြီး ဖိုက်တင်ချကြမှာလား။ ဒါမှမဟုတ် စွန့်စားခန်းတွေဖွင့်ပြီး လမ်းရှာကြမှာလား။ သေချာတာကတော့ ဇာတ်လမ်းကောင်းလေးဖြစ်လို့ အဖြေကိုတော့ဇာတ်လမ်းကိုကြည့်မှပဲသိရမှာပါ။ (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ Chit Tee ပဲဖြစ်ပါတယ်။) Quality –  720p BluRay Duration - 1hr 32min Subtitle – Myanmar Hardsub Format – Mp4 Genre : Horror, Mystery, Thriller Source : 1080p.BluRay Translator – Chit Tee Encoder – SWM

ရောဘတ်ဖော်ရက်စတာက သူအချစ်ကြီးချစ်ခဲ့ရတဲ့ဇနီးသည်နဲ့ကွာရှင်းပြတ်စဲဖို့လုပ်ဆောင်နေရတဲ့အတွက် စိတ်ထိခိုက်ဖိစီးရင်းအထီးကျန်ဝေဒနာကိုခံစားနေရတဲ့သူဖြစ်ပါတယ်။စိတ်ဓာတ်ကျမူမမှန်သူတို့ထင်ရာစိုင်းလေ့ရှိတဲ့အတိုင်း သူ့မှာဝါသနာတစ်ခုငြိတွယ်လာခဲ့ပါတယ်။ အဲ့ဒါကတော့ လူသူမနီးတဲ့အရပ်မှာတကိုယ်တည်းနေတဲ့ မိန်းကလေးတစ်ယောက်ကိုချောင်းကြည့်ပြီးစိတ်ဖြေရာကိုရှာတာပါပဲ။သူ့ဟာသူ အိမ်အလုပ်တွေနဲ့ရှုပ်နေလေ့ရှိတဲ့ မိန်းကလေးငယ်ကိုအဝေးကနေကြည့်ရတာ သူ့အတွက်စိတ်ငြိမ်းချမ်းရာ တစ်မျိုးရစေတယ်လို့ သူက အထင်ရှိပါတယ်။တစ်နေ့မှာတော့ ချောင်းကြည့်နေတဲ့သူ့ကို ကောင်မလေးကမြင်သွားပြီး စကားပြောဖြစ်ရာကနေ သူတို့နှစ်ယောက်ပတ်သက်မှုအစပျိုးလာခဲ့ပါတယ်။ အဲ့ဒီမိန်းကလေးငယ်ဖြစ်တဲ့ ဂျန်နီက အစွဲအလန်းကြီးအယူသီးလေ့ရှိသူ တစ်ဦးဖြစ်ပြီး ရောဘတ်ဟာ သူ့ဘ၀အတွက်နိမိတ်ပုံတစ်မျိုးကိုဆောင်နေတယ်လို့ယူဆထားပါတယ်။ ပြဿနာက ဂျန်နီမှာလက်ထပ်ဖို့ရည်ရွယ်ထားတဲ့ ချစ်သူ ဂရက် ရှိနေပြီး ရောဘတ်နဲ့တွေ့ချိန်မှာ သူ့ကိုအဆက်အသွယ်ဖြတ်လိုက်တဲ့အတွက်ကြိတ်မနိုင်ခဲမရဖြစ်နေပါတယ်။ အဲ့ဒါကြောင့်လည်း တစ်ညမှာရောဘတ်ကို လုပ်ကြံဖို့ကြိုးစားရင်းအပြန်အလှန်သတ်ပုတ်ကြရာကနေ ဂရက်ကမြစ်ထဲထိုးကျသွားခဲ့ပါတယ်။ ရောဘတ် သူ့ကို ထိုးချလိုက်တာ တစ်ချက်တည်းဖြစ်သလို မြစ်ထဲကျကျချင်းမသေတာသိတဲ့အတွက် ဆယ်တင်ပြီး ကမ်းနဘေးမှာထားခဲ့ပါတယ်။ ဒါပေမယ့် နောက်တစ်နေ့မှာတော့ ဂရက်ပျောက်ဆုံးနေမှုနဲ့အတူ စုံထောက်တွေက သူ့ကိုလာပြီးစုံစမ်းစစ်ဆေးမှုတွေစတင်လာချိန်မှာတော့ ရောဘတ်တစ်ယောက် သပွတ်အူနဲ့တောက်လျှောက်တိုးပါတော့တယ်။ The Talented Mr. Ripley တို့ Strangers on a Train တို့လိုနာမည်ကျော်ဂန္ဓဝင်တွေ လတ်တလောနာမည်ကြီးသွားခဲ့တဲ့ Ben Affleck. Ana de Armas တို့ရဲ့ Deep water ဇာတ်ကားတွေရဲ့လက်ရာရှင်စာရေးဆရာမ Patricia Highsmith ရဲ့၀တ္ထုကိုအခြေခံထားတဲ့ဇာတ်ကားဖြစ်ပါတယ်။Thriller ပရိသတ်တွေအကြိုက်တွေ့မယ့် ဇာတ်ကားပါပဲ။

CM ကနေ နာမည်ကျော် Saw ဇာတ်ကားတွေကို ဆင်ဆာမဖြတ်ထားတဲ့ Version တွေဖြစ်တဲ့ Unrated/Director's cut Version တွေနဲ့ ပြန်လည် Update လိုက်ပါတယ်။ Saw ဇာတ်လမ်းတွေရဲ့အစကတော့ ရုပ်ရှင်ကျောင်းကနေ သင်တန်းဆင်းလာတဲ့ ဒါရိုက်တာပညာသင်ထားတဲ့ James Wan နဲ့ ဇာတ်ညွှန်းပညာသင်ထားတဲ့ Leigh Whannell  တို့ ၂ ယောက် ရုပ်ရှင်လောကထဲဝင်ဖို့ လုံလောက်တဲ့ ငွေကြေးမရှိရာကနေ စပါတယ်။ ရုပ်ရှင်ရိုက်ဖို့ ပိုက်ဆံမရှိတော့ ဘတ်ဂျက်နည်းနည်းနဲ့ Twist များတဲ့ ဇာတ်ညွှန်းကို နှစ်ယောက်သားဖန်တီးရိုက်ကူးခဲ့ရာကနေ Saw 2004 ပထမဆုံးရုပ်ရှင်ဖြစ်လာခဲ့ပါတယ်။ လူမငှားနိုင်လို့ ဇာတ်ညွှန်းဆရာ Leigh Whannell ကိုယ်တိုင်သရုပ်ဆောင်ဝင်ရိုက်ခဲ့ရပြီး အခန်းတစ်ခန်းအတွင်းမှာပဲ ရိုက်ကူးခဲ့ရတဲ့ Saw 2004 ရုပ်ရှင်ဟာ ဘတ်ဂျက် ၁ သန်းပဲ ကုန်ကျခဲ့ပေမယ့် ရုံတင်ဝင်ငွေ သန်း ၁၀၀ ကျော်ပြန်လည်ရရှိသည်အထိ အောင်မြင်သွားခဲ့ပါတယ်။ Saw ဟာ ဘယ်လိုရုပ်ရှင်တွေလဲဆိုတာကိုတော့....(လူသာမန်ရဲ့ အညွှန်း နဲ့ညွှန်းခဲ့ချင်ပါတယ်။) ဆိုးဆိုးရွားရွား လူသတ်ပြတဲ့ဇာတ်ကွက်တွေ၊ သွေးထွက်သံယို ရာဇဝတ်မှုတွေကို အိပ်မက်ထဲအထိ သယ်ပိုးယူဆောင်ကာ လန့်နိုးတတ်သူတွေအတွက် SAW Series ကို လုံးဝ ရှောင်သင့်တယ်။ ကြည့်မိရင် ကာလတစ်ခုစာအထိ ရက်စက်တဲ့လူသတ်ပုံတွေကို မေ့နိုင်မှာမဟုတ်လို့ ဒီလိုဆိုရခြင်းပါ။ Horror ရုပ်ရှင်တွေကို စွဲကြည့်တတ်သူတွေကတော့ SAW ကို လုံးဝ လက်မလွှတ်ကြ။ ● Jigsaw ဆိုပြီး ရဲတွေက အမည်သညာပေးထားတဲ့ ကွင်းဆက်လူသတ်သမားရဲ့ ထူးခြားတဲ့စီမံမှုတွေကြား Jigsaw ရွေးချယ်ထားတဲ့လူတွေဟာ ရှင်သန်မှုအတွက် ပါဝင်ကစားကြရတယ်။ ကစားကွင်းနယ်မြေကို Jigsaw က ရွေးချယ်ထားတာဖြစ်ပြီး ပါဝင်ကစားသူတွေဟာလည်း နိုးလာတာနဲ့ သူ့ကစားကွင်းထဲကို ရောက်နေကြရတာ ဖြစ်တယ်။ ထူးခြားတာက ဒီကစားပွဲမှာ ရှုံးရင် အသက်တွေ ပေးအပ်ကြရတာ။ Jigsaw ဟာ သူ ရွေးချယ်လိုက်တဲ့လူတွေကို မေ့မြောနေတဲ့အချိန်မှာကတည်းက သတ်ဖြတ်ပစ်လိုက်လို့ရပေမယ့် မသတ်ဘူး။ သူ့ရည်ရွယ်ချက်က ကိုယ့်အသက်ရှင်သန်မှုအတွက် ကိုယ်တိုင် ပါဝင်ပြီး ရွေးချယ်ဆုံးဖြတ်ကြစေလိုတာပဲ။ သူက တိကျတဲ့အချိန်တွေ သတ်မှတ်ပေးတယ်။ ရွေးချယ်ခွင့်တွေ ပေးတယ်။ လိုအပ်တဲ့တန်ဆာပလာတွေ ပေးတယ်။ ပေးထားချက်တွေကို ကိုယ် တတ်စွမ်းသမျှနဲ့ ဆောင်ရွက်ရင် အသက်ရှင်မယ်။ (တချို့သော ခန္ဓာကိုယ်အစိတ်အပိုင်းတွေတော့ ဆုံးရှုံးကောင်း ဆုံးရှုံးမယ်။) ပါဝင်ကစားရတဲ့သူတွေကလည်း အဆက်အစပ်မဲ့သူတွေ မဟုတ်ကြ။ တစ်နည်းမဟုတ်တစ်နည်းနဲ့ ဘဝမှာ ပတ်သက်ဖူးသူတွေကို ကွင်းတစ်ခုထဲ ချထားပေးသလို သူက ရွေးချယ်ထားတာ။ လူဖြစ်မှုနဲ့ပတ်သက်ပြီး Jigsaw ခံယူထားတာက " ကိုယ့်ရှင်သန်မှုကို တန်ဖိုးထား တွယ်တာမှ လူဟာ ရှင်သန်နေထိုင်သင့်တယ် " ဆိုတာပဲ။ ဒီ့အပြင် Jigsaw ဖော်ပြလိုတဲ့တခြားသောအရာတွေ ရှိသေးတယ်။ အထူးသဖြင့် ကလဲ့စားချေလိုမှုနဲ့ ခွင့်လွှတ်မှုပေါ့။ နောက် မိသားစုဘဝနဲ့ ရွေးချယ်ထားတဲ့အလုပ်ပေါ် တန်ဖိုးထားမှု။ Jigsaw ဆိုတဲ့ ကွင်းဆက်လူသတ်သမား ဖြစ်ပေါ်လာရခြင်းအကြောင်းကလည်း စိတ္တဇလူသတ်သမားတွေဖြစ်ပေါ်လာတတ်တဲ့အကြောင်းရင်းတွေအတိုင်းပါပဲ။ သို့သော် Jigsaw ရဲ့ ကြိုတင်စီမံမှုတွေကကျ တခြားလူသတ်သမားတွေထက် အဆင့်မြင့်တယ်။ မြင်နေကျ သာမန်သတ်ဖြတ်မှုပုံစံတွေလည်း မဟုတ်။ ရက်စက်လွန်းတဲ့သတ်ဖြတ်မှုပုံစံတွေဆိုတာကိုတော့ ပုံတွေ ကြည့်ရုံနဲ့တင် ခန့်မှန်းလို့ ရပါလိမ့်မယ်။ ● ကမ္ဘာပေါ်မှာ သမ္မာကျမ်းစာ စာအုပ်တွေပြီးရင် ရောင်းအကောင်းဆုံးဖြစ်တဲ့စာအုပ်တွေက ဖြစ်ရပ်မှန် ရာဇဝတ်မှုတွေအကြောင်းကို ပုံတွေနဲ့တကွ သေသေချာချာ ဖော်ပြ ရေးသားထားတဲ့စာအုပ်တွေပါတဲ့။ ဒီရုပ်ရှင်ဟာ အဲဒီလို လူတွေ အကြိုက်ဆုံးရုပ်ရှင်တွေထဲက တစ်ခုလို့ ဆိုကြတယ်။ တချို့လူတွေမှာ ဒီလိုအကြောင်းနဲ့ပတ်သက်ပြီး မေးခွန်းတစ်ခု ရှိတယ်။ ဒီလိုရက်ရက်စက်စက် ပြကွက်တွေ၊ ရေးသားချက်တွေကို လူတွေက ဘာလို့ကြိုက်ကြတာလဲ တဲ့။ စိတ်ပညာရှုထောင့်အရတော့ လူမှာ အမြဲဒွန်တွဲနေလေ့ရှိတဲ့ ဆန့်ကျင်ဘက် စိတ်နှစ်မျိုးအရ ဒီလိုကားတွေကို တချို့တွေ ကြိုက်ကြတာလို့ ဆိုတယ်။ လူဟာ သူတော်စင်လုပ်မလား၊ မကောင်းဆိုးဝါးလုပ်မလားဆိုတာကို ကိုယ်တိုင် ဆုံးဖြတ်ကြရတာပဲ။ သူတော်စင်ဘက် ယိမ်းသူက မကောင်းဆိုးဝါးကို ချိုးနှိမ်အုပ်ချုပ်ရာမှာ အောင်မြင်သူ၊ မကောင်းဆိုးဝါးဘက် ယိမ်းသူက သူတော်စင်ကို ချိုးနှိမ်အုပ်ချုပ်ရာမှာ အောင်မြင်သူ။ တချို့တွေကတော့ သူ ဖြတ်သန်းနေရတဲ့ဘဝအခြေအနေအရ ဟိုဘက် ယိမ်းလိုက် ဒီဘက် ယိမ်းလိုက်ဖြစ်နေကြသူတွေ။ လူတွေဟာ ကိုယ်တိုင် လက်တွေ့ မလုပ်ရဲတာတွေကို စိတ်ကူးနဲ့ပဲ ပုံဖော်ကြရတယ်။ ကိုယ့်အပေါ် တစ်ခုခု မတရားကျူးလွန်ခဲ့သူကို လက်တွေ့ မှာ ပေါ်ပေါ်ထင်ထင် မသတ်ရဲကြပေမယ့် စိတ်ကူးနဲ့ နေ့စဉ် သတ်ဖြတ်နေသူတွေ၊ ဝဇီကံနဲ့ သတ်ဖြတ်နေသူတွေ မနည်းလှဘူး။ ဒီလူတွေကပဲ ဘဝမှာ ခံခဲ့ရတဲ့မတရားမှုတွေ၊ အဆင်မပြေမှုတွေကို ဖြေဖျောက်ဖို့အတွက် သူတို့လိုတွေးတဲ့တခြားစိတ်ကူးတွေကို ရှာဖွေကြတယ်။ နွားရိုင်းသတ်ပွဲလို သွေးထွက်သံယို ပွဲတော်တွေကို နှစ်သက်ကြတယ်။ လူချင်း ထိုးသတ်ကြတဲ့ပွဲတော်တွေဆီ သွားကြတယ်။ နောက်တော့ စာပေထဲက ရက်စက်မှုတွေဆီ ရောက်တယ်။ ရုပ်ရှင်ကတော့ ကိုယ့်စိတ်ကူးနဲ့ကို ရိုက်စရာမလိုတော့ဘူး။ (စာပေက ကိုယ့်ဘာသာ ပြန်ရိုက်နေရသေးတာကိုး။) ဒါရိုက်တာက ပြထားတဲ့အတိုင်း ရက်စက်မှုတွေကို လိုက်ပါခံစားရုံ၊ ရင်ထိတ်ရုံ၊ ကျေနပ်ရုံပဲ။ ဒီတော့ Horror ကြိုက်တယ်ဆိုရင် . . . Jigsaw က စောင့်နေကြောင်း ဆိုပါရစေလား။ -လူသာမန်- Saw ဇာတ်ကားများအားလုံးကို ဒီမှာ https://channelmyanmar.org/category/special-package/saw-collection/  ကြည့်ပါ။ Saw 6 (2009) "Live or Die..Choice is Yours" ဇာတ်အိမ်ခိုင်ခိုင်နဲ့ စိတ်လှုပ်ရှားဖို့​ကောင်းတဲ့ horror ချစ်သူ​တွေအ​နေနဲ့ လက်လွတ်ဖို့မသင့်တဲ့ကား​ကောင်းတစ်ကားပါ SAW VI မှာ ကိုယ်​တွေရဲ့ဇာတ်လိုက်ကြီး ဂျစ်​ဆောက ​သေသွား​ပေမယ့် သူ့ရဲ့ဇနီး​ဟောင်းနဲ့ ရဲအရာရှိတစ်​ယောက်​ပေါင်းပြီး သူ့ရဲ့​နောက်ဆုံးဆန္ဒကိုဖြည့်ဆည်း​ပေးတဲ့အ​နေနဲ့ လူသတ်ဂိမ်း​တွေ ဆက်ပြီးအသက်သွင်းကြတယ် ဒီထဲမှာ​​တော့ ဂျစ်​ဆောကို သနားစိတ်ဝင်မိမယ်လို့ထင်ပါတယ် သူ့မှာက​လေးလည်းဆုံးရှုံးရတယ် သူ့ကျန်းမာ​ရေးအာမခံအတွက် အာမခံမ​ပေးခဲ့တယ့် အကျင့်ပြတ်ချစား​နေတဲ့ အာမခံကုမ္ပဏီပိုင်ရှင်ကို ဘယ်လို​တွေ ကလဲ့စား​ချေရင်း စိတ်လှုပ်ရှားစရာ (လူသတ်)ဂိမ်း​တွေနဲ့ ဇာတ်လမ်းအဆုံးထိ ကြည့်ချင်​လောက်တဲ့အထိ ဖြစ်မှာ ကို အာမခံပါတယ်။ File size…(2.4 GB)/(1 GB) Quality….BluRay Director's cut 1080p/720p Format…mp4 Duration….01:31:39 Subtitle….Myanmar Subtitle(Hardsub) Encoder….Ka Naung