James Jagger ပါဝင်သော ဇာတ်ကားများ

Waltzing with Brando (2025) +++++++++++++ Waltzing with Brando ဆိုတဲ့ ဇာတ်ကားလေးကတော့ ဗိသုကာရှင်ဘားနက်ဂျက်ခ်ရဲ့ Waltzing with Brando: Planning a Paradise in Tahit ဆိုတဲ့စာအုပ်ကို ပြန်လည်အသက်သွင်းထားတဲ့ ဖြစ်ရပ်မှန်ဇာတ်ကားလေးဖြစ်ပါတယ်။ ဒီကားမှာ တဟီတီကျွန်းရဲ့အလှအပ၊သန္တာကျောက်တန်းတွေရဲ့အလှအပတွေနဲ့ တဟီတီကျွန်းရဲ့လူနေမှုဘဝနဲ့အတူ "The God of Father" ထဲကနာမည်ကြီးမင်းသားရဲ့ အတ္ထုပတ္တိကိုလည်း ကြည့်ရှုခံစားရမှာမလို့ ရှုခင်းလှလှတွေနဲ့ဇာတ်ကားတစ်ကားကြည့်ရှုခံစားချင်တယ်ဆိုရင်တော့ ဒီကားက ကြည့်သင့်တဲ့အထဲပါပါတယ်။ ဇာတ်လမ်းအကျဥ်း ဒီဇာတ်ကားလေးမှာ "The God of Father" က နာမည်ကြီးမင်းသားဖြစ်တဲ့ မာလွန်ဘရန်ဒို ဟာ ဟောလိဝုဒ်ရဲ့ ရှုပ်ထွေးလှတဲ့ဘဝကနေ ရုန်းထွက်ပြီး သူရဲ့သီးသန့်ကမ္ဘာလေးဖြစ်တဲ့ တဟီတီဆိုတဲ့ ကျွန်းတစ်ကျွန်းမှာ ကမ္ဘာ့ပထမဆုံး သဘာဝပတ်ဝန်းကျင်နဲ့ လုံးဝကိုက်ညီတဲ့ အပန်းဖြေစခန်းတစ်ခု တည်ဆောက်ဖို့ လော့စ်အိန်ဂျလိစ်မြို့က ဗိသုကာပညာရှင် ဘားနက်ခ်ဂျက်ကို ဆွဲဆောင်ခဲ့ပါတယ်။ ဂျက်ခ်ဟာ အစပိုင်းမှာစိတ်မဝင်စားပေမယ့် တဟီတီကျွန်းရဲ့အလှအပကြောင့်သူ့ရဲ့ သာမန်မြို့သားကြီးဘဝကနေ ရုန်းထွက်ပြီး ဘရန်ဒိုနဲ့အတူတူ စိတ်ကူးယဥ်အိပ်မက်နောက်ကိုလိုက်ခဲ့ပါတော့တယ်။ ဘရန်ဒို ရဲ့ စိတ်ကူးယဉ်ဆန်မှုတွေနဲ့ ဂျက်ခ် ရဲ့ လက်တွေ့ကျမှုတွေကြားက သူငယ်ချင်းသံယောဇဉ်၊ တဟီတီကျွန်းရဲ့ အလှအပတွေ၊ သူတို့နှစ်ယောက်ရဲ့ မတူညီတဲ့ အတွေးအခေါ်တွေ၊ စိတ်ကူးအိပ်မက်တွေနဲ့ လက်တွေ့ဘဝကြားက ပဋိပက္ခတွေရယ်နဲ့ သူတို့အိပ်မက်ကရောအကောင်ထည်ပေါ်လာပါ့မလားဆိုတာကတော့ ဆက်လက်ကြည့်ရှုခံစားလိုက်ပါ။ File Size… (1.68GB) / (991MB) Quality… WEB-DL 1080p HEVC /720p Format…mkv / mp4 Duration…1h 44m Genre … Drama Subtitle….Myanmar Subtitle (Hard Sub)

Caged (2021) IMDb Rating - 4.9/10 အသစ်ထွက်တဲ့ Drama, Horror, Thriller ဇာတ်ကားပါ။ ကျွန်တော်တို့အခေါ်တော့ Psycho ကားလို့ပြောလို့ရတာပေါ့။ ဖောက်ပြန်တဲ့ ဇနီးကိုသတ်တဲ့အမှုနဲ့ ထောင်ကျခံနေရချိန်မှာ တိုက်ပိတ်ခံထားရတဲ့ စိတ်ရောဂါကုဆရာဝန် ဒေါက်တာ ရိတ် ရဲ့ တိုက်ပိတ်ခံရခြင်းအတွေ့အကြုံကို တွေ့ရပါလိမ့်မယ်။ အလုံပိတ်ခန်းထဲမှာ နေရတာ ဘာခက်တာလဲလို့သိချင်ရင် ဒါကိုကြည့်လိုက်ပါ။ သူကတော့ ရက် ၁၀၀ ကျော်နေသွားတဲ့အကြောင်းကို ပြသွားပါတယ်။ တစ်ယောက်တည်း တသီးတခြားနေရင်း ထင်ယောင်ထင်မှားဖြစ်ရပ်တွေနဲ့ တာဝန်ကျအရာရှိရဲ့ နှိပ်စက်မှုတွေကို ကြုံတွေ့ပြီးတဲ့နောက်မှာ ဒီဒဏ်တွေကို ကြံ့ကြံ့ခံနိုင်မလား ဒါမှမဟုတ် တိုက်ပိတ်ခံထားရသူ ဦးရေရဲ့ သုံးပုံတစ်ပုံ ဖြစ်သွားခဲ့တဲ့အတိုင်း ရူးရင်ရူး မရူးရင်သေဆိုတဲ့ အခြေအနေကို ရောက်သွားမှာလား။ ထင်ယောင်ထင်မှားဖြစ်ရပ်တွေ မဟုတ်ဘဲနဲ့ သူတို့ ပြစ်မှုကျူးလွန်ခဲ့တဲ့သူတွေ တစ်နည်းအားဖြင့် သတ်ခဲ့တဲ့သူတွေက ပြန်လည်ခြောက်လှန့်တတ်တယ်ဆိုတဲ့ သီးခြားချုပ်ဆောင်ရဲ့ ပါးစပ်ပြောရာဇဝင်အတိုင်း သူသတ်ခဲ့တဲ့ ဒါမှမဟုတ် သူသတ်ခဲ့ပါတယ်လို့ စွပ်စွဲခံထားရတဲ့ သူ့ရဲ့ဇနီးက လာရောက်ခြောက်လှန့်နေတာလား။ နံရံပေါ်မှာထင်နေတဲ့ အရာလေးက ရေကွက်လေးပဲလား။ တစ်ယောက်ယောက်ရဲ့မျက်နှာလား။ သူက သူ့မိန်းမကို တကယ်သတ်ခဲ့တာလား။ ဖြစ်ရပ်မှန်မဟုတ်ပေမဲ့ အချက်အလက်တွေကို အခြေခံရိုက်ထားတာဖြစ်ပါတယ်။ သူ့တိုက်ပိတ်ခံထားရတဲ့အခြေအနေနဲ့ သူ့အမှုဖြစ်ခဲ့တဲ့အကြောင်းအရာကို ရောပြီးရိုက်ပြသွားတာက စိတ်ဝင်စားစရာကောင်းပါတယ်။ (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ d3mon ပဲဖြစ်ပါတယ်။) Quality – 1080p, 720p WebRip Duration - 1h 21min Subtitle – Myanmar Hardsub Format – Mp4 Genre : Drama, Horror, Thriller Source : 1080p.WebRip Translator – d3mon Encoder – SWM

ကိုစပ်စုစိန်နဲ့သူ့ရည်းစားတို့ဟာ ကြောက်ဖို့ကောင်းတဲ့နေရာ ထူးဆန်းတဲ့နေရာတွေကို နှစ်ယောက်သားအတူသွားစူးစမ်းကြပြီး ဗီဒီယိုတွေတင်နေကြတဲ့နှစ်ယာက်ပေါ့။ သူတို့ရဲ့ဖော်လိုဝါးတွေအတွက်ဆွဲဆောင်မှုရှိကြောက်ဖို့ကောင်းပြီး ကြည့်ရှူသူများလာစေမဲ့အရာကို ဖန်တီးဖို့ စပ်စုစိန်တစ်ယောက်အကြံရသွားပါတယ်။ ဒီလိုနဲ့ပဲ နှစ်ယောက်သားတိုင်ပင်ပြီး ဗြိတိန်ကနေပြင်သစ်အထိတကူးတကလာပြီး စပ်စုစိန်လုပ်ကြပါတော့တယ်။ ဒီလိုနဲ့ပြင်သစ်အနောက်တောင်ပိုင်းလေးက ရေအောက်မြုပ်သွားတဲ့ မြို့ကလေး(သို့) ဖရက်စ်ရေကန်လေးကို နှစ်ယောက်သားသွားစပ်စုစိန်လုပ်ကြတဲ့အခါမှာတော့... လျှို့ဝှက်သည်းဖိုဇာတ်ကားတွေကိုကြိုက်တတ်တဲ့သူတွေအတွက် ဇာတ်ကားလေးတစ်ကားပါလို့ညွှန်းပါရစေ။ File Size__...,800 MB Quality__1080p, 720p IMDb Rating__5.5/10 Format__mp4 Duration__01:30:00 Type__Drama, Horror, Mystery, Thriller Subtitle__Myanmar Subtitle (Hardsub) Translated by Chit Tee Encoded by Naing Aung Latt

The Outpost Rotten Tomato 91% IMDB 6.6 Metacritic 72% စစ်ကား ကောင်းကောင်းလေးတွေ မထွက်တာကြာနေတဲ့အချိန်မှာ Rating ကောင်းကောင်းနဲ့ စစ်ကားလေး ထွက်လာပါတယ်  ကြည့်ကိုကြည့်သင့်တဲ့ဇာတ်ကား အစပိုင်းနည်းနည်းအေးပေမယ့် တိုက်ပွဲခန်းတွေကတော့ တကယ်ကြမ်း။ ကြည့်နေရင်းလည်း စိတ်တိုစရာရှိတဲ့သူတွေကို စိတ်တိုမိလိမ့်မယ်။ ဖြစ်ရပ်မှန်ရိုက်ထားတာဖြစ်လို့ နောက်ပိုင်းမှာ အင်တာဗျူးလေးတွေပါတာကိုပါ ကြည့်လို့ရပါတယ်။ စစ်တပ်မှာ သုံးတဲ့စကားလုံးတွေတော့ အတတ်နိုင်ဆုံးရှာပြီး ကိုက်ညီအောင် ဘာသာပြန်ပေးထားပါတယ်။ မှားတာလေးများတွေ့ရင် သည်းခံပေးပါအုံး။ မင်းသားတွေကလည်း နာမည်ကြီးတွေပဲ။ Scott Eastwood ဆို တချို့ကတော့ The longest rideထဲက မင်းသားလို့သိကြမယ်။ သူ့အဖေ Clint Eastwood နဲ့ နှိုင်းယှဉ်လို့မရသေးပေမယ့် သရုပ်ဆောင်ကောင်းတယ်ဆိုတာတော့ ငြင်းမရနိုင်ဘူး။ နောက် သူကအရင်ကလည်း စစ်ကားတကားရိုက်ဖူးပါတယ်။ အဲထဲမှာတော့ သူ့မှာ ကလေးမလို့ မပစ်လိုက်ရတာနဲ့ လက်နက်ချတဲ့ရန်သူကိုမသတ်ချင်လို့ သူ့ပဲသတ်ပါလို့ ပြောရတာနဲ့ လုပ်နေတဲ့ကောင်လေးအဖြစ်မြင်ရမှာဖြစ်ပြီးတော့ အခု ဒီထဲမှာတော့ တကယ့်ပစ်ခတ်တိုက်ခိုက်နေတဲ့ စစ်သားတယောက်အဖြစ်မြင်ရမှာပါ။ သူ့အရင်စစ်ကားကတော့ Fury ပါပဲ။ နောက်မင်းသားတယောက်ကတော့ Orlando Bloomပါ။ သူကတော့ The lord of the rings တို့ Pirate of the Caribbean ထဲမှာကတည်းက သိပြီးသားဆိုတော့ သိပ်ပြောစရာမလိုပါဘူး။ ဇာတ်လမ်းအကြောင်းလေး ပြောလိုက်ရအောင်။ ဇာတ်လမ်းကတော့ Jake Tapperရေးထားတဲ့ The Outpost :An untold story of American Valor ဆိုတဲ့ ဖြစ်ရပ်မှန်စာအုပ်ကို ပြန်ရိုက်ထားတာပါ။ များသောအားဖြင့် အမေရိကန်စစ်တပ်ဆိုတာနဲ့ စစ်အင်အားကြီးပြီးတော့ နည်းဗျူဟာ မဟာဗျူဟာတွေမှာ အရမ်းတော်တဲ့စစ်တပ်တခုအဖြစ်မြင်ကြတာများပါတယ်။ အဲဒါအမြဲတမ်းရော မှန်ပါရဲ့လား။ ဒီကားမှာတော့ အဲဒီအကြောင်းကို ပြသသွားပါတယ်။ အထက်လူကြီးက မြေပုံကိုကြည့် လေဆာပွိုင့်လေးပြပြီး အလုပ်လုပ်နေတဲ့အခါမှာ ဖြစ်ပေါ်လာတဲ့ အမှားအယွင်းတွေအကြောင်း။ Red Platoonဆိုတဲ့ တပ်စုလေးရယ် အာဖဂန်နစ္စတန်ရဲ့ နယ်စွန်က တပ်စခန်းလေးတခုရယ် တာလီဘန်တွေရယ် ပေါင်းစုံလိုက်တဲ့အခါမှာတော့ အခုဒီ The outpost ဆိုတဲ့ ဇာတ်လမ်းလေးဖြစ်လာခဲ့တာပါပဲ။ ဇာတ်လမ်းအဖွင့်မှာတော့ နယ်စွန်တပ်စခန်းလေးမှာ တာဝန်ကျတဲ့ စစ်သားတဖွဲ့ကို ဟယ်လီကော်ပတာတွေနဲ့ လာပို့တယ်။ သူတို့ကိုလာပို့တာကလည်း ညဘက်ပဲပို့လို့ရလို့။ သူတို့တပ်ဖွဲ့ ရောက်တဲ့အခါမှာတော့ ရှိနေတဲ့သူတွေနဲ့နှုတ်ဆက်ကြ နေမယ့်နေရာရှာကြပေါ့။ မနက်ရောက်လို့ အပြင်ထွက်ကြည့်တဲ့အခါမှာတော့ သူတို့တပ်စခန်းက တောင်ကြားမှာ တည်ဆောက်ထားတယ်။ စစ်ရဲ့သဘောတရားနဲ့ရိုးရိုးလေးကြည့်မယ်ဆိုရင်တောင် ဖြစ်နိုင်ရင် ရန်သူကို အပေါ်စီးမှာ မထားသင့်ဘူးမလား။ အခုတော့ ကိုယ်ကြိုက်တဲ့နေရာ စခန်းဆောက်လို့ရတဲ့ကိစ္စကို ဘယ်နှယ့်လုပ် တောင်ကြားအောက်ခြေမှာ လာတည်ထားရသလဲတော့ အထက်က ရွှေဉာဏ်တော်စူးရောက်သူတွေပဲ သိနိုင်မယ်။ စစ်သားဆိုတာကလည်း ပေးအပ်တဲ့အမိန့်တာဝန်ကို ထမ်းဆောင်ရမှာဆိုတော့လည်း ဘယ်တတ်နိုင်မလဲလေ။ သူတို့စခန်းကိုတော့ နေ့တိုင်းနီးပါး ရန်သူတွေက လာလာပစ်ကြတယ်။ အားနေ သေနတ်ပစ်လာစမ်းတယ်ထင်ပါတယ်။ မော်တာနဲ့ပစ်မှပဲ ပြန်ပြေးသွားကြတာများတယ်။ အဲလိုနဲ့ သူတို့တပ်ဖွဲ့က အရာရှိတွေလည်း တယောက်ပြီး တယောက်ပြောင်းသွားကြပြီး အာဖဂန်ရွေးကောက်ပွဲပြီးနောက် သူတို့တပ်တွေ ရုပ်သိမ်းကာနီး ဆဲဆဲစခန်းမှာ တပ်ကြပ်သာ ရာထူးအကြီးဆုံးရှိတဲ့ အချိန်2009ခုနှစ် October 3ရက်နေ့ မှာပဲ တိုက်ပွဲတခုဖြစ်ပေါ်လာခဲ့တော့တယ်။ သူတို့မှာ ရှိတာက စုစုပေါင်းအမေရိကန် စစ်သည် 40ကျော်နဲ့ အာဖဂန်စစ်သည် ANA တွေ 50 ကျော်လောက်ပဲရှိတဲ့နေရာ။ ဝင်တိုက်တဲ့ တာလီဘန်တွေကတော့ 300 လောက်ရှိမယ်။ နေရာအရလည်း အသာစီးမရ လူအင်အားနဲ့ လက်နက်အင်အားလည်းကွာ လေကြောင်းပစ်ကူကလည်း ချက်ချင်းမလာနိုင်တဲ့နေရာ။ ဒီကြားထဲ ANA လို့ခေါ်တဲ့ အာဖဂန်စစ်သားတွေက အကုန်ထွက်ပြေးသွားကြတော့ လေကြောင်းပစ်ကူနဲ့ တပ်ကူတွေ လာတဲ့အထိ သူတို့ ခံတိုက်ထားနိုင်မလားဆိုတာကိုတော့ ဆက်လက် ရှုစားလိုက်ကြပါအုံး။ File Size : ( 1 GB ) Quality : WEB DL 720p Running Time : 2 hr 03 min Format : Mp4 Genre : Drama , History , War Subtitle : Myanmar Subtitle (Hard Sub) Translated by NightFury Encoded by Moe Myint Lwin