Jamison Jones ပါဝင်သော ဇာတ်ကားများ

The Womb (2025) IMDb Rating (5.3) ဆာမီဟာ နားမကြားတစ်ယောက်ဖြစ်ပြီး ဗို့အားမြင့်လျှပ်စစ်ဓာတ်အားလိုင်းကြီးတွေအောက်ကခြောက်ကပ်ပြီး လူသူကင်းမဲ့နေတဲ့ ဆင်ခြေဖုံးအရပ်မှာ တစ်ဦးတည်းနေထိုင်ပါတယ်။ အဲ့ဒီဒေသမှာ သက်ရှိမှန်သမျှကိုလိုက်ပြီးသတ်ဖြတ်နေတဲ့ ကြောက်စရာသတ္တဝါဆိုးကြီးတစ်ကောင်ရှိပြီး ဆာမီကတော့ သူ့နားကြားကိရိယာက ထွက်လာတဲ့ တုန်ခါမှုကြောင့် ကြိုသိနိုင်ပြီး အမြန်ပုန်းအောင်းနိုင်တဲ့အတွက် အခုထိလွတ်မြောက်နေသေးတာပါ။ အဲ့ဒီအန္တရာယ်ကြောင့် စစ်တပ်က ဒေသတစ်ခုလုံးကို ဖျက်ဆီးဖို့ပြင်ဆင်နေပေမယ့်ဆာမီကတော့ ပျောက်ဆုံးနေတဲ့ သူ့မိသားစုဝင်တွေပြန်လာမယ်ဆိုတာကိုယုံကြည်စိတ်နဲ့ ပေပြီး အိမ်ထဲကမထွက်ပဲစောင့်နေခဲ့ပါတယ်။ ဒါပေမယ့်.. Sci-fi action လို့ထင်စရာရှိပေမယ့် တကယ်တမ်းတော့ စိတ်ဒဏ်ရာတွေအကြောင်းကို နိမိတ်ပုံတွေလှည့်ကွက်တွေနဲ့တင်ဆက်သွားတဲ့ Psychological Thriller ဇာတ်ကားတစ်ကားပါ။ဇာတ်လမ်းအထနှေးတဲ့ Slow-burn ပုံစံဖြစ်သလို တင်ဆက်ပုံလည်း အများကြီးကွဲထွက်မနေပေမယ့် စိတ်ခံစားမှုအပြည့်နဲ့ ဇာတ်လမ်းအဆုံးကိုဆွဲခေါ်နိုင်တဲ့ ဇာတ်ကားမျိုးဖြစ်လို့ စိတ်ပညာနဲ့သည်းထိတ်ရင်ဖိုဇာတ်ကားကြိုက်သူတွေအကြိုက်တွေ့ကြမှာပါ။ File size… (1 GB) / (620 MB) Quality…. WEB-Rip 1080p HEVC / 720p Format…. mkv/mp4 Genre…. Thriller Duration…. 01:40:06 Subtitle…. Myanmar Subtitle (Hardsub)

The Lodger (2009) အယ်လင်ဟာ မပြေလည်တဲ့ အိမ်ထောင်ရေးနဲ့စိတ်ဒဏ်ရာတွေကြားမှာ ခက်ခက်ခဲခဲရှေ့ဆက်နေရတဲ့ အမျိုးသမီးတစ်ယောက်ဖြစ်ပါတယ်။တစ်နေ့တော့ သူတို့ခြံဝင်းထဲက ငှားစားတဲ့အိမ်အလွတ်ကို သူစိမ်းလူချောတစ်ယောက်ပြောင်းလာခဲ့ချိန်မှာတော့ ငြီးငွေ့ဖွယ် သူ့ဘ၀ထဲမှာ ရင်ခုန်စိတ်လှုပ်ရှားစရာတွေဖြစ်ပေါ်လာပါတော့တယ်။ အဲ့ဒီသူစိမ်းဟာ သူ့ကိုယ်သူ စာရေးဆရာတစ်ယောက်အဖြစ်မိတ်ဆက်ပါတယ်။ စိတ်ကူးနဲ့လုပ်ရတဲ့အလုပ်ဖြစ်တဲ့အတွက်အနှောင့်အယှက်မခံနိုင်လို့ဆိုပြီး သူငှားနေတဲ့ အိမ်ထဲကိုအယ်လင်ကိုပါအလာမခံပါဘူး။ ဒါပေမယ့် သူ့ဆင်ခြေနဲ့သူ ဟုတ်နေတဲ့အတွက်သံသယတစ်စုံတစ်ရာမရှိပဲ ပဟေဠိဆန်တဲ့လူတစ်ယောက်ကို အယ်လင့်အနေနဲ့လက်ခံထားမိရက်သားဖြစ်နေခဲ့ပါတယ်။ အဲ့ဒီအချိန်ဟာ ဝက်စ်ဟောလိ၀ုဒ်မှာ ရက်စက်ကြမ်းတမ်းလွန်းတဲ့လူသတ်မှုတွေစပြီးဖြစ်ပေါ်နေတဲ့အချိန်ပါ။ အသတ်ခံရသူတွေဟာ ပြည့်တန်ဆာတွေဖြစ်ပြီး သတ်ပုံသတ်နည်းတွေ သားကောင်ရွေးချယ်မှုတွေဟာ လွန်ခဲ့တဲ့ ၁၈၈၈ ခုနှစ်က လန်ဒန်မှာဖြစ်‌ပေါ်ခဲ့ပြီး အခုချိန်ထိတရားခံမပေါ်ခဲ့တဲ့ Jack the Ripper ကိုပုံတူကူးထားတာဖြစ်ပါတယ်။ အဲ့ဒီလိုပုံစံတူလူသတ်မှုတွေဟာ လွန်ခဲ့တဲ့ ခုနှစ်နှစ်ကလည်းဖြစ်ပွားခဲ့ဖူးပြီး အဲ့ဒီအမှုတွေရဲ့တရားခံကိုဖော်ထုတ် ကွပ်မျက်ခဲ့ပြီးပါပြီ၊ ဒါဆိုရင်အခုထပ်ဖြစ်လာတဲ့လူသတ်မှုတွေကရော ပုံတူကူးလူသတ်သမားနောက်တစ်ယောက်လား? ဖမ်းဆီးကွပ်မျက်ခံလိုက်ရတဲ့သူဟာ တရားခံအစစ်ဖြစ်နိုင်ပါ့မလား? အဲ့ဒီလူသတ်မှုတွေဟာ အယ်လင်နဲ့ ဘယ်လိုပတ်သက်လာမလဲ ဆက်လက်ရှုစားကြပါ။ ( ဘာသာပြန်ပြီး အညွှန်းရေးသားထားသူကတော့ alias ပါ ) File size_(2.1GB)/(1.1GB) Quality_Blu-Ray 1080p / 720p Format_mp4 Duration_01:35:00 Genre_Crime, Horror , Mystery Subtitle_Myanmar Subtitle (Hardsub) Encoder_a hao Translated by alias

အယ်ဒွန်ပယ်ရီ နဲ့ ဘော်ဘီကီရယ် တို့ဟာ LAPD အထူးစုံစမ်းရေးတပ်ဖွဲ့က စုံထောက်တွေပါ။ ပယ်ရီဟာ ရဲအလုပ်ကို မျိုးရိုးစဉ်ဆက်အမွေအဖြစ် လုပ်ခဲ့သူဖြစ်ပြီး ဘာမဆို သွေးအေးအေး လက်ရဲ ဇတ်ရဲ ရှိလှပါတယ်။ ဘော်ဘီ ရဲ့ဦးလေး ဂျက်ဟာ ရဲဌာနရဲ့ အကြီးအကဲဖြစ်ပြီး ဒုစရိုက်သမားတွေ နဲ့ လက်တွဲနေသူပါ။ ဘော်ဘီဟာ အထူးစုံစမ်းရေးအဖွဲ့ကို ရောက်ရောက်ချင်းမှာပဲ သံသယရှိသူကို ပစ်ခတ်မှု နဲ့ စစ်ဆေးခြင်းခံရပါတော့တယ်။ တကယ်ပစ်ခတ်ခဲ့သူက ပယ်ရီဖြစ်ပြီး ဂျက် ရဲ့ ခိုင်းစေမှုနဲ့ ဘော်ဘီကို အရှက်မရအောင်လို့ဟု အကြောင်းပြကာ တာဝန်ခံခိုင်းခဲ့ပါတယ်။ ဒါပေမယ့် ဂျက်ရဲ့ စီမံမှုကြောင့်ပဲ ပြစ်ဒဏ်တော့မကျခဲ့ပါဘူး။ ပယ်ရီ လုပ်တာမှန်း သတိထားမိသွားသူက လူမည်းရဲမှူး ဟောလန်းပါ။ သက်သေပြလို့မရတာကြောင့် ဒီတိုင်း ကြည့်နေရပါတယ်။ ဂျက် နဲ့ ဟောလန်း ကြားမှာလည်း အားပြိုင်မှုတွေရှိပြီး တစ်ဦးနဲ့တစ်ဦး မျက်ခြေမပြတ်စောင့်ကြည့်နေကြတာပါ။ အဲဒီလို အခြေအနေမှာပဲ စတိုးဆိုင်ကို ဖောက်ထွင်းဝင်ရောက်ပြီး ရဲဝန်ထမ်း အပါအဝင် လူလေးယောက်အသတ်ခံရမှု ကို စုံစမ်းဖို့ဖြစ်လာပါတော့တယ်။ အဲဒီအမှုကို ဂျက် က ပယ်ရီတို့ နှစ်ယောက်ကို လိုက်ခိုင်းတဲ့အခါ ပယ်ရီက ဘာတွေ တွေ့ရှိသွားမလဲ။ ဂျက် ကရော ဘယ်လိုပါဝင် ပတ်သတ်နေလဲ။ မနူးမနပ် ဘော်ဘီရော ဘယ်လိုသင်ခန်းစားတွေရသွားလဲ ဆိုတာအပြင် ရဲမှူး ဟောလန်း ကရော ပ ယ်ရီရဲ့ ကျူးလွန်မှုတွေကိုဖော်ထုတ် နိုင်ပါ့မလားဆိုတာကို စိတ်ဝင်စားဖွယ် ကြည့်ရှုကြရမှာပါ။ ရဲဝန်ထမ်းတွေရဲ့ ဥပဒေကို လက်တစ်လုံးခြားလုပ်ကြပုံတွေ အ ချင်းချင်း ထိုးကျွေးကြတာတွေကို ပြတဲ့ ဖန်တရာ‌တေဇာတ်လမ်းမျိုးဖြစ်ပေမယ့်လည်း ဇာတ်လမ်း ဇာတ်အိမ်ခိုင်ခိုင်မာမာနဲ့ လူမျိုးရေးအဓိကရုဏ်းတွေကိုပါ နောက်ခံထားရိုက်ကူးထားတဲ့အတွက် မတူညီတဲ့ခံစားမှုမျိုးရမှာပါ။ 2002 ခုနှစ်ကထွက်ရှိခဲ့ပြီး IMDb rating 6.6 ရထားတဲ့ ဟောင်းပေမယ့် ကောင်းနေဆဲ ဇာတ်ကားလေးပါ။ မင်းသားကြီး Kurt Russell က အယ်ဒွန် ပယ်ရီ နေရာက သရုပ်ဆောင်ထားပြီး သရုပ်ဆောင်ချက်တွေ နဲ့ ဒိုင်ယာလော့တွေက အရမ်းမိုက်ပါတယ်။ အက်ရှင်ကားတွေ၊ ရဲစုံထောက်ဇာတ်လမ်းတွေကို နှစ်သက်သူတွေ မဖြစ်မနေကြည့်ရှုသင့်လို့ တင်ဆက်ပေးလိုက်ပါတယ်။ File size…    1.4 GB /  815 MB Quality… BluRay 1080p / 720p Format… mp4 Duration…. 1h 58m Genre ..... Crime/Thriller Subtitle…. Myanmar Subtitle (Hard Sub) Encoder…. Thit San Khant Translated by Sophie