Janette Colon ပါဝင်သော ဇာတ်ကားများ

ပရိသတ်ကြီးအတွက် ဒီနေ့တော့ ၁၉၈၈ ခုနှစ်က အရမ်းအောင်မြင်ခဲ့တဲ့ ဟာသဂန္ထဝင်ဇာတ်ကား Coming to America ရဲ့ (၃၃) နှစ်အကြာမှ ပြန်လည်ထွက်ရှိလာတဲ့ အဆက်ဇာတ်ကား "Coming 2 America (၂၀၂၁)" ကို တင်ဆက်ချင်ပါတယ်။ မင်းသားကြီး Eddie Murphy နဲ့ Arsenio Hall တို့ ပြန်လည်ပါဝင်ထားပြီး အတိတ်က အငွေ့အသက် (Nostalgia) တွေကို အပြည့်အဝ ပြန်လည်ခံစားရမယ့် ဟာသကားလေး ဖြစ်ပါတယ်။ ဇာတ်လမ်းကတော့ ဇာမွန်ဒါ ဆိုတဲ့ စိတ်ကူးယဉ် အာဖရိက နိုင်ငံလေးမှာ စတင်ပါတယ်။ မင်းသား အာကင်းဟာ ဘုရင်ကြီး (James Earl Jones) နတ်ရွာစံသွားတဲ့အတွက် ဇာမွန်ဒါရဲ့ ဘုရင်သစ် ဖြစ်လာပါတယ်။ ဒါပေမယ့် ဇာမွန်ဒါရဲ့ ဥပဒေအရ ထီးနန်းဆက်ခံဖို့ သားယောကျ်ားလေး လိုအပ်နေပြီး၊ အာကင်းမှာက သမီး (၃) ယောက်သာ ရှိနေပါတယ်။ ဒီအချိန်မှာ အိမ်နီးချင်း နိုင်ငံက အာဏာရှင် စစ်ဗိုလ်ချုပ် အီဇီ က သားယောကျ်ားလေး အမွေဆက်ခံသူ မရှိရင် ဇာမွန်ဒါကို စစ်ခင်းပြီး သိမ်းပိုက်မယ်လို့ ခြိမ်းခြောက်လာပါတယ်။ ကံကောင်းချင်တော့ အာကင်း ဟာ လွန်ခဲ့တဲ့ နှစ် ၃၀ ကျော်က အမေရိကန်နိုင်ငံ၊ နယူးယောက် (Queens) ကို သွားခဲ့စဉ်က မတော်တဆ ရခဲ့တဲ့ လာဗယ်လ် (Lavelle) ဆိုတဲ့ သားတစ်ယောက် ရှိနေကြောင်း သိလိုက်ရပါတယ်။ ဒါကြောင့် သူ့ရဲ့ သစ္စာခံ ဆမ်မီ နဲ့အတူ သားဖြစ်သူကို ရှာဖွေပြီး ထီးနန်းဆက်ခံဖို့အတွက် အမေရိကန်ကို ဒုတိယအကြိမ် ပြန်လည် ထွက်ခွာလာပုံကို ဟာသနှောပြီး ရိုက်ကူးထားတာပါ။ ဒီဇာတ်ကားရဲ့ အကြီးမားဆုံး အားသာချက်ကတော့ ၈၀ ပြည့်လွန်နှစ်တွေက မူရင်းဇာတ်ကားထဲက ဇာတ်ကောင် အဟောင်းတွေ အားလုံးနီးပါးကို ပြန်လည်တွေ့မြင်ရတာပါပဲ။ ဆံပင်ညှပ်ဆိုင်က အဘိုးကြီးတွေ၊ တရားဟောဆရာ၊ အဆိုတော် စတဲ့ ဇာတ်ကောင် မျိုးစုံကို Eddie Murphy နဲ့ Arsenio Hall တို့ နှစ်ယောက်တည်းက မိတ်ကပ် တွေ အသုံးပြုပြီး အရင်လိုပဲ ပီပီပြင်ပြင် သရုပ်ဆောင်သွားကြတာက တကယ့်ကို အလွမ်းပြေစေပါတယ်။ "Coming 2 America (၂၀၂၁)" ဟာ ၁၉၈၈ ခုနှစ်က မူရင်း ဇာတ်ကားရဲ့ ဂန္ထဝင်မြောက်မှုကိုတော့ မမီပါဘူး။ ဒါပေမယ့် မူရင်းဇာတ်ကားကို ကြိုက်နှစ်သက်ခဲ့တဲ့ ပရိသတ်တွေအတွက်တော့ ဇာတ်ကောင်ဟောင်းတွေကို ပြန်လည်တွေ့မြင်ရဖို့ သက်သက်နဲ့တင် အချိန်ပေးကြည့်ရှုသင့်တဲ့ ဇာတ်ကားလေးပါ။ စိတ်ညစ်စရာတွေ မပါဝင်ဘဲ မိသားစုနဲ့အတူတူ ပေါ့ပေါ့ပါးပါး ရယ်မောချင်တယ် ဆိုရင်တော့ ဒီဇာတ်ကားလေးကို ရွေးချယ်နိုင်ပါတယ်။ File size… 2.3 GB / 1.23 GB Quality… BluRay 1080p / 720p Format… mp4 Duration…. 1h 49m Genre ..... Comedy, Romance Subtitle…. Myanmar Subtitle (Hard Sub)

ဒီဇာတ်ကားကတော့ အက်ဒီမာဖီ (Eddie Murphy) ရဲ့ အအောင်မြင်ဆုံး အချိန်ကာလမှာ ရိုက်ကူးခဲ့တဲ့ ဂန္ထဝင်ဟာသကား တစ်ကားလို့ ပြောရင် မမှားပါဘူး။ လွန်ခဲ့တဲ့ နှစ် ၃၀ ကျော်က ထွက်ခဲ့တဲ့ ကားဆိုပေမယ့် အခုချိန်မှာ ပြန်ကြည့်ရင်တောင် တဝါးဝါး တဟားဟား ရယ်နေရတုန်းပဲဆိုတာ တကယ့်အမှန်ပါပဲ။ ဇာတ်လမ်းကတော့ အာဖရိကတိုက်က ဇာမွန်ဒါ (Zamunda) ဆိုတဲ့ စိတ်ကူးယဉ်နိုင်ငံလေးရဲ့ အိမ်ရှေ့မင်းသား အကင်းမ် (Akeem) အကြောင်းကို ရိုက်ကူးထားတာပါ။ အကင်းမ် ဟာ သူ့မိဘတွေ စီစဉ်ပေးတဲ့ အိမ်ထောင်ရေးကို လက်မခံချင်ဘဲ၊ သူ့ရဲ့ စည်းစိမ်ချမ်းသာနဲ့ မင်းသားရာထူးကြောင့် မဟုတ်ဘဲ သူ့ရဲ့ ပင်ကိုယ်စိတ်ထားကို တကယ်ချစ်မယ့် မိန်းကလေးကို ရှာဖွေချင်ခဲ့ပါတယ်။ ဒါကြောင့် သူနဲ့ သူ့ရဲ့ ကိုယ်ရံတော် ဆီမီ (Semmi) တို့ဟာ အမေရိကန်နိုင်ငံ၊ နယူးယောက်မြို့က မိဖုရားတစ်ပါးနဲ့ လိုက်ဖက်မယ်လို့ သူထင်တဲ့ Queens ရပ်ကွက်ကို ထွက်လာခဲ့ကြပါတယ်။ အဲဒီမှာ မင်းသားဘဝကို ဖျောက်၊ ဆင်းရဲသားပုံစံ ဖမ်းပြီး McDowell's (မက်ဒေါ်ဝယ်လ်) ဘာဂါဆိုင်မှာ သန့်ရှင်းရေးအလုပ် ဝင်လုပ်ရင်း ကြုံတွေ့ရတဲ့ ယဉ်ကျေးမှုကွာဟချက်တွေ၊ အလွဲအချော်တွေနဲ့ ရယ်စရာတွေကို ဟာသနှောပြီး တင်ဆက်ထားပါတယ်။ ဒီကားရဲ့ အသက်ကတော့ အက်ဒီမာဖီ နဲ့ အာဆီနီယို ဟောလ် (Arsenio Hall) တို့ရဲ့ သရုပ်ဆောင်စွမ်းရည်ပါပဲ။ သူတို့နှစ်ယောက်ဟာ မိတ်ကပ်တွေ အထပ်ထပ်လိမ်းပြီး ဇာတ်ကောင် ၄-၅ ကောင်လောက်ကို ပီပြင်စွာ သရုပ်ဆောင်သွားတာ တကယ်ကို အံ့သြစရာကောင်းပါတယ်။ အထူးသဖြင့် ဆံပင်ညှပ်ဆိုင်က အဘိုးကြီးတွေ အဖြစ် သရုပ်ဆောင်သွားတဲ့ အခန်းတွေဆိုရင် ရယ်ရလွန်းလို့ ဗိုက်တောင်နာပါတယ်။ လူတစ်ယောက်တည်းက ဇာတ်ကောင်အမျိုးမျိုး ခွဲကပြသွားတာကို လုံးဝ မရိုးအီသွားအောင် ကြည့်ရပါလိမ့်မယ်။ ဟာသကားဆိုပေမယ့် ဇာတ်လမ်းက ရယ်ရုံသက်သက် မဟုတ်ပါဘူး။ ပိုက်ဆံနဲ့ အာဏာထက် အချစ်စစ်ကို ရှာဖွေချင်တဲ့ မင်းသားရဲ့ စိတ်ကူးက ရိုးရှင်းပေမယ့် ကြည့်ရှုသူရဲ့ ရင်ထဲကို နွေးထွေးမှု ရောက်စေပါတယ်။ လီဆာ (Lisa McDowell) အဖြစ် သရုပ်ဆောင်ထားတဲ့ Shari Headley နဲ့ Eddie Murphy တို့ရဲ့ ဓာတုဗေဒ (Chemistry) ကလည်း တော်တော်လေး လိုက်ဖက်ပါတယ်။ တချို့ ဟာသတွေက အခုခေတ်နဲ့ဆို နည်းနည်းလေး ခေတ်နောက်ကျနေသလို ခံစားရနိုင်ပေမယ့်၊ ယေဘုယျအားဖြင့်တော့ စိတ်အပန်းပြေချင်တဲ့ အချိန်၊ ဘာမှ သိပ်တွေးစရာမလိုဘဲ ပေါ့ပေါ့ပါးပါး ရယ်မောချင်တဲ့ အချိန်တွေမှာ ကြည့်ဖို့ အသင့်တော်ဆုံးပါပဲ။ ဇာတ်လမ်းက ခန့်မှန်းရလွယ်တယ် ဆိုပေမယ့် အက်ဒီမာဖီရဲ့ ကွက်တိကျတဲ့ ဟာသပြောဟန်တွေကြောင့် ပျင်းစရာကောင်းမနေပါဘူး။ Coming to America ဟာ ၈၀ ပြည့်လွန်နှစ်တွေရဲ့ ရသကို အပြည့်အဝ ပေးစွမ်းနိုင်တဲ့ ဟာသဇာတ်ကားကောင်း တစ်ကားပါ။ မိသားစုနဲ့ အတူတူ ကြည့်မလား၊ စိတ်ညစ်နေချိန်မှာ ရယ်ချင်လို့ ကြည့်မလား၊ ဘယ်လိုပဲဖြစ်ဖြစ် သင့်ကို ကျေနပ်မှုပေးနိုင်မယ့် ကားမျိုးလို့ ရဲရဲကြီး ထောက်ခံချင်ပါတယ်။ အက်ဒီမာဖီရဲ့ ပရိသတ်ဖြစ်ဖြစ်၊ မဖြစ်ဖြစ် သေချာပေါက် တစ်ခါလောက်တော့ ကြည့်သင့်တဲ့ ဂန္ထဝင်ကားတစ်ကား ဖြစ်ပါတယ်။ File size…    2.11 GB /966 MB Quality… Blu-ray 1080p / 720p Format… mp4 Duration…. 1h 57m Genre ..... Comedy , Romace Subtitle…. Myanmar Subtitle (Hard Sub)