Jason Jones ပါဝင်သော ဇာတ်ကားများ

I used to be funny(2023) ဒီကားလေးကတော့ လူရွှင်တော် အမျိုးသမီး ဆမ် ဟာ လူရွှင်တော်အဖြစ် မရပ်တည်နိုင်လောက်တဲ့ အထိ စိတ်ဒဏ်ရာတွေရခဲ့တဲ့အကြောင်းကို ရိုက်ကူးထားတဲ့ ကားလေးပဲ ဖြစ်ပါတယ်။ ဆမ် ဟာ ဟာသပြောတဲ့နေရာမှာတော်ပြီး အမှန်ကိုတည့်တိုး ပြောတတ်တဲ့မိန်းကလေးတစ်ယောက်ဖြစ်ပါတယ်။ သူဟာ လူရွှင်တော်အပြင် ဆယ်ကျော်သက်တွေကို ထိန်းကျောင်းပေးတဲ့အလုပ်ကိုလဲလုပ်ပါတယ်။ တနေ့မှာတော့မိသားစုမေတ္တာကိုလုံလောက်စွာမရတဲ့ ဆယ်ကျော်သက်ပီပီ စိတ်မငြိမ်ဖြစ်နေတဲ့ ဘရွတ်ကလင်ဆိုတဲ့ ကောင်မလေးကိုထိန်းကျောင်းပေးဖို့ အကြောင်းဖန်လာပါတယ်။ သူတို့နှစ်ယောက်ကလွယ်လွယ်ကူကူနဲ့ပဲ သူငယ်ချင်းဖြစ်လာကြပါတယ်။ တစ်နေ့မှာတော့ တည်ငြိမ်နေတဲ့ရေမျက်နှာပြင်ကိုကျောက်တုံး ပစ်ချလိုက်သလို ဆမ်ဟာ ကံဆိုးမှုနဲ့ ကြုံရပါတော့တယ်။ ကံဆိုးမှုတွေကိုရင်ဆိုင်နိုင်ခဲ့ပေမဲ့လဲ စိတ်ဒဏ်ရာတွေက ကျန်ခဲ့တာမိုလို့ သူမဟာအရင်လိုရယ်စရာကောင်းတဲ့သူတစ်ယောက်မဟုတ်တော့ပါဘူး။ သို့သော်လည်း စိတ်မတင်မကျဖြစ်နေတဲ့အရာကို ဘယ်လိုဆက်ပြီး ဖြေရှင်းမလဲ နောက်ဆုံးမှာ သူမက အရင်လို ရယ်ရတဲ့လူရွှင်တော် ဖြစ်လာမှာလား သူစိတ်ဒဏ်ရတွေက healing ဖြစ်လားမလားဆိုတာကို စိတ်ဝင်စားဖွယ်ကြည့်ရှုနိုင်မဲ့ကားလေးဖြစ်ပါတယ်။ ဒီကားလေးက ဖြည်းဖြည်းချင်းဆွဲဆောင်သွားတဲ့ကားလေးမိုလို့ သေချာကြည့်သွားမယ်ဆိုရင် ဇာတ်ကားထဲနစ်ဝင်သွားနိုင်တဲ့အထိ rating 6.4ရထားတဲ့ကားလေးပဲဖြစ်ပါတယ် ။ File size… (1.44GB) / (793MB ) Quality… WEB-DL 1080p HEVC / 720p Format…mkv / mp4 Duration….1h 45m Genre ….. Comedy , Drama Subtitle….Myanmar Subtitle (Hard Sub) Encoder….Min Wai Translated by Koo Luu Moo

ဒီအက်ရှင်ဟာသကားမှာ ကယ်ဗင်ဟာ့ထ်က သူ့နာမည်နဲ့ပဲ ဇာတ်ကောင်အဖြစ် ပါဝင်သရုပ်ဆောင်ထားပါတယ်။ ဇာတ်လမ်းထဲက ကယ်ဗင်ဟာ ဒဝိန်း သရော့ ဂျွန်ဆန်နဲ့အတူ အက်ရှင်မင်းသားရဲ့ တွဲဖက်ဟာသဇာတ်ကောင်အဖြစ် ကားတွေ အများကြီး ရိုက်လာရတာကို စိတ်ပျက်နေပြီ။ သူက ဟာသလုပ်ရတဲ့သူအဖြစ်ပဲ ဆက်မနေချင်တော့ဘဲ အက်ရှင်မင်းသားတစ်ယောက်အဖြစ် တကယ်သရုပ်ဆောင်ချင်နေတာပါ။ ဒါပေမဲ့ သူ့ဆန္ဒကို ဘယ်သူမှ အလေးအနက်မထားကြဘူး။ အဲဒီအချိန်မှာ အက်ရှင်ဒါရိုက်တာ ကလောက်ဗန်ဒဗဲဒီက သူ့ကို ဇာတ်ကားတစ်ကားမှာ မင်းသားလုပ်ဖို့ ကမ်းလှမ်းလာပါတယ်။ သို့ပေမဲ့ အဲဒီအခွင့်အရေးရဖို့ အက်ရှင်သင်တန်းတစ်ခုကို အောင်အောင်မြင်မြင် တက်ပြီးရမယ်ဆိုတဲ့ စည်းကမ်းပါလာတယ်။ ဒါရိုက်တာပြောပုံအရ အဲဒီကျောင်းက စတားလုံး၊ ဂျေဆန်စတေသန်၊ ဂျက်ကီချန်းနဲ့ ဂဲဂဒေါ့တို့လို သရုပ်ဆောင်တွေကို မွေးထုတ်ပေးခဲ့တဲ့ကျောင်းပါ။ ကယ်ဗင် အဲဒီလျှို့ဝှက်အက်ရှင်ကျောင်းကို ရောက်သွားတဲ့အခါ ဘယ်လိုအလွဲတွေ ကြုံရမလဲ။ Nathalie Joanne Emmanuel လည်း ပါဝင်သရုပ်ဆောင်ထားပါတယ်။

အေလီ ဟာ အားကစား ကြေငြာလုပ်ငန်းတွေကိုအားကစား သမားတွေ နဲ့ ချိတ်ဆက်ပေးတဲ့အေးဂျင့် တစ်ယောက်ဖြစ်ပါတယ်... အလုပ်ထဲမှာ မိန်းမသား ဆိုလို့ သူမ တစ်ယောက်ထဲဖြစ်ပြီးလုပ်ငန်းထဲက အမျိုးသားတွေ နဲ့ မှီအောင် အမြဲရင်ဘောင်တန်းနိုင်သူပါ မိမိကိုယ်ကိုလဲ အမြဲယုံကြည်ချက် ရှိသူတစ်ယောက်ပေါ့... ဒီလိုနဲ့ တစ်ရက်မှာတော့ သူမ ကြံစည်နေတဲ့ ကစားသမားတစ်ယောက်ကိုလုပ်ငန်းထဲက အေးဂျင့် တစ်ယောက်က ဖြတ်လုသွားရာကနေ အကြီးအကျယ်တင်းသွားပါတော့တယ် သူဌေးဖြစ်သူကလဲ အေလီ ကို အမျိုးသားများနဲ့ပူးပေါင်းအလုပ်မလုပ်တက်ကြောင်း ယောင်္ကျားများကိုနားမလည်တဲ့ အတွက် ရာထူးတိုးဖို့ ခက်ကြောင်း ခေါ်ပြောပါတယ် အဲ့ဒီညမှာပဲ သူငယ်ချင်းတွေ နဲ့ အေလီ မူးအောင် သောက်ပါတော့တယ် နောက်နေ့ မနက် နိုးလာတဲ့အခါမှာတော့ တစ်ခုခုက မှားယွင်းနေခဲ့ပါတယ် အေလီ ဟာ ယောင်္ကျားတိုင်းရဲ့ စိတ်ကို ဖတ်နိုင်တဲ့ အကြားအမြင်ရတဲ့စွမ်းအားတစ်ခုကို ပိုင်ဆိုင်နေတာ သိလိုက်ရပါတော့တယ်... ကဲ ... ဟာသ ကား ကောင်းကောင်းလေး ကြည့်ချင်တဲ့သူတွေအတွက်အေလီ နဲ့ သူမ ရဲ့ အလွဲများကို ရယ်ဖို့ အသင့်ဖြစ်နေပြီလား တစ်ခုသတိပေးချင်တာကတော့ 18+ အခန်းတွေ စကားပြောတွေအင်မတန်များတဲ့အတွက် အသက်မပြည့်သူများ ၊ မိသားစုများနှင့် တူကြည့်ရှုရန် မသင့်တော်ပါ... ရုပ်ရှင်ကားကို ဘာသာပြန်ပေးထားတာကတော့ညို့မျက်ဝန်း ဖြစ်ပြီး အညွှန်းကိုတော့ Shwe Sin Nan Eain က ရေးပေးထားပါတယ်

The Night Before (2015) IMDb Rating - 6.3/10 ဟာသရုပ်ရှင်ကောင်းများနဲ့ Chill ချင်ကြတဲ့ ရုပ်ရှင်ပရိသတ်များ အတွက်  ၂၀၁၅ ခုနှစ်က ထွက်ရှိထားတဲ့ ခရစ္စမတ်ကာလကို အခြေ တည်ထားတဲ့ ဟာသရုပ်ရှင်ကောင်း တစ်ခု တင်ဆက်ပေးလိုက်ပါတယ်။ Rotten Tomatoes 69%, IMDb Rating 6.3/10 ရရှိထားပါတယ်။ Hangover လိုမျိုး ဟာသရုပ်ရှင်ကြိုက်တယ်ဆိုရင်တော့ လက်လွတ် မခံဖို့ အကြံပေးချင်ပါတယ်။ (Warning: ညစ်ညမ်းဟာသတစ်ချို့ ပါဝင်တာမို့ မိသားစုနဲ့အတူ မကြည့်ရှု့ သင့်တဲ့ ဇာတ်ဝင်ခန်းတချို့ ပါဝင်ပါတယ်) ခရစ်၊ အီသန်နဲ့ အိုင်ဆက်တို့ဟာ အရမ်းကို ခင်မင်ကြတဲ့ သူငယ်ချင်း သုံးယောက်ပါ။ အီသန်ဟာ ငယ်ရွယ်စဉ်မှာပဲ မိဘနှစ်ပါးလုံးကို ခရစ္စမတ် ကာလမှာ ဆုံးရှုံးလိုက်ရပါတယ်။ ဒါနဲ့ပဲ ခရစ်နဲ့ အိုင်ဆက်တို့လည်း အီသန့်ကို အတတ်နိုင်ဆုံး ကူညီပေးဖို့အတွက် ခရစ္စမတ်နေ့မှာ အတူတူ ရှိနေပေးကြ ပါတယ်။ ဒီလိုနဲ့ပဲ သူတို့သုံးယောက်အတွက် ခရစ္စမတ်ဓလေ့လေး တစ်ခု ဖြစ်လာပါတယ်။ တစ်ခုသော ခရစ္စမတ်မှာတော့ Nutcracker ball ဆိုတဲ့ အရမ်းမိုက်တဲ့ ပါတီတစ်ခုအကြောင်းကို အီသန် သိလိုက်ရပါတယ်။ သူတို့ သုံးယောက်လုံးလည်း အရမ်းသွားချင်ကြပေမယ့် နေရာကို ရှာမတွေ့ခဲ့ပါဘူး။ နှစ်တိုင်းခရစ္စမတ်အချိန်မှာ အဲပါတီကိုလိုက်ရှာပေမယ့် ဘယ်လိုမှမတွေ့လို့ လက်လျှော့ခဲ့ရပါတယ်။ ဒီလိုနဲ့ပဲ နှစ်တွေကြာညောင်းလာပြီး သူငယ်ချင်းသုံးယောက် ကိုယ့်လမ်းကိုယ် လျှောက်ရင်း ခရစ္စမတ်ကို အတူမဆင်နွှဲဖြစ်ကြတော့ပါဘူး။ အီသန်လည်း သူတို့သူငယ်ချင်းသုံးယောက်အနေနဲ့ ဒီနှစ်ခရစ္စမတ်ကိုတော့ နောက်ဆုံးအနေနဲ့ ဆင်နွှဲဖို့လုပ်ပါတော့တယ်။ ခရစ္စမတ်အကြိုညမှာ သူငယ်ချင်းသုံးယောက် ဘယ်လိုတွေ ကဲကြမလဲ၊ ဘယ်လိုအလွဲတွေ ဖြစ်နေကြမလဲဆိုတာကိုတော့ ရုပ်ရှင်ထဲမှာ ဆက်လက်ခံစားလိုက်ပါတော့။ နာမည်ကြီး မင်းသားတွေဖြစ်တဲ့ Seth Rogen, Joseph Gordon-Levitt နဲ့ Anthony Mackie တို့ သုံးယောက်ရဲ့ အတိုင်အဖောက်ညီညီ သရုပ်ဆောင် ချက်တွေကြောင့် ကြည့်ရှု့လို့‌ကောင်းသလို။ ဟာသတွေဟာလည်း အရမ်းကို ရယ်ရတာမို့ ဘာသာပြန်ရင်းနဲ့ကို ပါးစပ်မစိရပါဘူး။ မထင်ထားတဲ့ နာမည်ကြီး တွေလည်း Cameo ပါဝင်ခဲ့ပါတယ်။ (ဒီဇာတ်လမ်းရဲ့အညွှန်းနဲ့ဘာသာပြန်ရေးသားပေးသူကတော့ Leonard Lin ဖြစ်ပါတယ်) File Size..........(1.85 GB) / (778 MB) Quality............BluRay 1080p / 720p Duration.........1Hr 41mins Subtitle...........Myanmar Hardsub Format............MP4 Genre..............Comedy, Fantasy Translator.......Leonard Lin Encoder..........SWM

ကြမ်းတမ်းတဲ့အသုံးအနှုံးတွေနဲ့ ဇာတ်ဝင်ခန်းတွေပါဝင်တာကြောင့် အသက် ၁၈ နှစ်အောက် ကလေးတွေတော့ မကြည့်ရှုသင့်ပါဘူး။ 2010 ကထွက်ခဲ့တဲ့ HTTM ရဲ့အဆက်ကို တင်ဆက်ပေးလိုက်ပါတယ်။ ဇာတ်လမ်းအကျဉ်းကတော့ လု ဒေါ်ချန်တစ်ယောက်ပါတီပွဲပေးနေရင်း သေနတ်နဲ့အပစ်ခံလိုက်ရတာကြောင့် သူ့ရဲ့သားဖြစ်သူ ဂျေကော့၊ သူငယ်ချင်းဖြစ်သူ နစ်ခ် ဝက်ဘာတို့က လုကို ရေပူကန်ထဲခေါ်ပြီး အတိတ်ကိုပြန်သွားရင်း ဒီဖြစ်ရပ်ကြီးဖြစ်မလာအောင်တားဆီးဖို့လုပ်ကြပါတယ်။ ဖြစ်ချင်တော့ သူတို့ ရောက်သွားတာက အတိတ်ကာလမဟုတ်ပဲ အနာဂတ်ကာလကို ‌ဆယ်နှစ်တောင်ကြိုပြီးရောက်သွားတာပါ။ ဒီလိုနဲ့ ငရှုပ်သုံးယောက် လုကိုပစ်သွားတဲ့ သေနတ်သမားကို လူသတ်မှုမကျူးလွန်ခင်ရှာတွေ့နိုင်မှာလား၊ အနာဂတ်မှာရော ဘယ်လိုတွေပတ်ပြီး ရှုပ်ကြ၊ မွှေကြ၊ ပွေကြဦးမလဲ ဆိုတာကို ဆက်လက်ကြည့်ရှုလိုက်ကြပါဦးဗျ။ File size…(1.8 GB)/(1 GB) Quality….Webrip 1080p / 720p Format…mp4 Duration….01:33:00 Genre...Comedy Subtitle….Myanmar Subtitle (Hardsub) Encoder….Mr. Anderson Translated by TMTT

Pitch Perfect 2 ဟာ ၂၀၁၅ခုနှစ်က ထွက်ရှိခဲ့သော အမေရိကန်ဟာသကားဖြစ်ပါတယ်။ ၂၀၁၂ ခုနှစ်တွင် ထွက်ရှိခဲ့သော Pitch Perfect ၏ နောက်ဆက်တွဲကားလည်း ဖြစ်ပါတယ်။ ဂီတ-ဟာသ များတွင် ယခုထက်ထိ ဝင်ငွေ အများဆုံးရရှိထားသော ဇာတ်ကားဖြစ်ပါတယ်။ IMDb Rating 6.5/ 10 ရရှိထားပြီး Rotten Tomatoes တွင် 66% Rating ရရှိထားပါတယ်။ ဒီရုပ်ရှင်ထဲမှာ Cappella သီဆိုခြင်း ကို အဓိကထားပြီး ဇာတ်အိမ်တည်ထားပါတယ်။ Cappella သီဆိုခြင်း ဆိုတာကတော့ တူရိယာ မပါဘဲ အဖွဲ့တစ်ဖွဲ့တွင်ပါဝင်သော လူများကပဲ သီချင်းများကို သီဆိုခြင်း၊ ပါးစပ်ဖြင့် Beatbox သံလုပ်ခြင်းအပါအဝင် တူရိယာသံလုပ်ခြင်းများကို ကိုယ်တိုင်ဖန်တီး၍ လုပ်ဆောင်ရခြင်းဖြစ်ပါတယ်။ ဇာတ်လမ်းအကျဉ်းကတော့ အမေရိကန်သမ္မတ Barack Obama ၏ မွေးနေ့ပွဲတွင် Bella အဖွဲ့က ဖျော်ဖြေဆင်တင်ဆက်ရာမှ  ဖြစ်ပွားခဲ့ရသော အမှားတစ်ခုကြောင့် Bella အဖွဲ့၏နာမည်ကျဆင်းခဲ့ရပြီး ဖျော်ဖြေရေးခရီးစဉ်များကို ပိတ်ပင်ခဲ့သောကြောင့် နာမည်ကောင်း ပြန်လည် ရရှိဖို့ရန်အတွက် ကမ္ဘာ့ Cappella ပြိုင်ပွဲတွင် အနိုင်ရရှိစေရန် အစွမ်းကုန် ကြိုးစားအားထုတ်ရပါတော့တယ်။ Jesse J ၏ Flashlight သီချင်းကို အဓိကဇာတ်ဝင်တေး အဖြစ်ခံစားရမှာဖြစ်ပြီး အခြားနာမည်ကြီးသီချင်းများစွာ ကိုလည်း ပုံစံအသစ်ဖြင့် နားဆင်ရမှာပဲဖြစ်ပါတယ်။ ထို့အပြင် လွတ်လပ်သော လူငယ်ကျောင်းသားဘဝ၊ Teamworking၊ သူငယ်ချင်းချစ်ခြင်းမေတ္တာတို့ကို ဟာသနှောကာ ရူစားရမှာပဲဖြစ်ပါတယ်။ File size…(2.6 GB)/(1.5 GB) Quality….Webrip 1080p / 720p Format…mp4 Duration….01:48:00 Genre...  Comedy  Subtitle….Myanmar Subtitle (Hardsub) Encoder….Swan Min Htet Translated by Thin Thiri Aung

The Art of the Steal (2013) (အမိုက်စားကားမို့ Blu-Ray 1080p 5.1 CH ပါပြုလုပ်ပေးထားပါတယ်...) ကျွန်တော်တို့ဟာ မကောင်းမှုကို အားပေးတာမျိုးမဟုတ်ပေမဲ့ အမိုက်စား ဘဏ်ဓားပြကားတွေ၊ သူခိုးကားတွေဆိုရင်တော့ အရမ်းသဘောကျတယ်...ဘာလို့ဆိုဒီလိုကားတွေဟာ အချက်အလက်တွေများစွာ အသုံးပြုရသလို ခေတ်မှီနည်းပညာတွေနဲ့ ပါဝင်ဖွဲ့စည်းထားပြီး ဇာတ်လမ်းအစမှအဆုံးထိ စိတ်လှုပ်ရှားရင်ခုန်မှုပေးနိုင်လွန်းလို့ဖြစ်တယ်... ဒီကားထဲမှာလည်း တကယ့်အချီကြီးတွေကိုမှ ခိုးကြလိမ်ကြတာ...ညီအကို(၂)ယောက်ဉီးဆောင်ပြီး အဖွဲ့လေးတစ်ဖွဲ့ရှိတယ်..အချီကြီးတွေမှ သမတာ...ကျွမ်းကျင်မှုကိုယ်စီရှိသလို အဆက်အသွယ်ကောင်းတွေလည်းရှိတယ်... အကိုဖြစ်သူဟာ ခိုးမှုကြောင့်ပဲ ထောင်(၁၀)နှစ်ကျသွားတယ်...အကျင့်တွေပြင်အောင်ထောင်ထဲထည့်လိုက်ပေမဲ့ ထောင်ကထွက်လာပြီးနောက် အချီကြီးပွပေါက်တစ်ခုထပ်တွေ့တဲ့အခါမှာတော့... သူတို့ ဘယ်လိုဆရာကျကျ ခိုးကြမလဲဆိုတာကိုတော့...... ဇာတ်လမ်းအညွှန်းနဲ့ ဘာသာပြန်သူကတော့ Paing ပဲဖြစ်ပါတယ်... File Size : 1.23 GB & 540 MB Quality : Blu-Ray 1080p 5.1 CH, Blu-Ray 720p Format…mp4 Duration…01:30:00 Genre : Comedy ,Crime , Thriller Subtitle : Myanmar Subtitle (Hard Sub) Translated by Paing Encoded by Phyo Pyae

IMDb Rating 7.2/10 Rotten Tomatoes 81% Pitch Perfect ကားဟာ ၂၀၁၂ ခုနှစ်က ထွက်ရှိခဲ့တဲ့ အမေရိကန် Mucical Comedy ဇာတ်ကားပဲဖြစ်ပါတယ်။ ဇာတ်လမ်းအကျဉ်းကတော့ Barden တက္ကသိုလ်မှ Cappella သီဆိုကြတဲ့ မိန်းကလေးများသာပါဝင်တဲ့ Bella အဖွဲ့ဟာ ၂၀၁၁ခုနှစ် နိုင်ငံအဆင့် Cappella ပြိုင်ပွဲမှာ ယှဉ်ပြိုင်နေစဉ် အဖွဲ့ဝင်တစ်ဦးဖြစ်တဲ့ Aubrey က စင်ပေါ်မှာ အန်ချမိခဲ့တဲ့အတွက် ပွဲပျက်ပြီး ရှုံးနိမ့်ခဲ့ရပါတယ်။ ထို့နောက် အဖွဲ့တော်တော်များများက ကျောင်းပြီးသွား၍ အဖွဲ့မှာ မပါဝင်နိုင်တော့သဖြင့် အဖွဲ့ဝင်သစ်တွေကို ပြန်လည်ရွေးချယ်ရပါတော့တယ်။ ရှေ့က Bella တွေရဲ့ပုံစံကတော့ သေးသေးသွယ်သွယ်၊ အရပ်မြင့်မြင့်နဲ့ ပရိသတ်တွေကို ဆွဲဆောင်နိုင်တဲ့ ပုံစံမျိုးတွေပဲဖြစ်ပါတယ်။ သို့သော် မနှစ်က ဖြစ်ခဲ့တဲ့ အမှားကြောင့် Bella အဖွဲ့ နာမည်ကျဆင်းခဲ့ရသောကြောင့် လူအများက ဝင်ရောက်အရွေးချယ်ခံဖို့စိတ်ဝင်စားမှုနည်းပါးခဲ့ရသောကြောင့် ရှေးက ပုံစံအတိုင်းအဖွဲ့ဝင်တွေကို မရွေးချယ်နိုင်တော့သောကြောင့် အသံကောင်းပြီး သီချင်းဆိုတတ်တဲ့ မိန်းကလေးများကိုသာ ရွေးချယ်ခဲ့ရပါတော့တယ်။ အဖွဲ့ဝင်သစ်တွေဖြစ်ကြသောကြောင့် တစ်ယောက်နဲ့တစ်ယောက်ရင်းနှီးမှုနည်းကာ နားလည်မပေးနိုင်ကြသောကြောင့် သီချင်းဆိုရာတွင် အခက်အခဲဖြစ်သည့်အပြင် ခေါင်းဆောင်သစ်ဖြစ်သည့် Aubrey ၏ ရှေးရိုးစွဲလုပ်ဆောင်မှုတွေကြောင့် ပရိသတ်ကို ဆွဲဆောင်နိုင်မှုနည်းပါးခဲ့ရပါတယ်။ နောက်ပိုင်းတွင် အဖွဲ့ဝင်သစ်ဖြစ်သည့် Beca ၏ အကြံပေးမှုများဖြင့် သီချင်းရွေးချယ်ပြီး သီဆိုမှုပုံစံကို ပြောင်းလဲခဲ့ကာမှ နိုင်ငံတကာ Cappella ပွဲကို အနိုင်ရရှိခဲ့ပါတော့တယ်။ ဤဇာတ်ကားတွင် Beca အဖြစ်သရုပ်ဆောင်သည့် မင်းသမီး Anna Kendrick မှ ခွက်ကို အသုံးပြုပြီး ကိုယ်တိုင်သီဆိုခဲ့သည့် When I Gone သီချင်းသည် Billboard Hot 100 တွင် ပါဝင်ခဲ့သည်အထိ နာမည်ကျော်ကြားခဲ့ပါတယ်။ ထူးခြားချက်အနေဖြင့် Aubrey အဖြစ်သရုပ်ဆောင်သည့် Anna Camp နှင့် Jesse အဖြစ်သရုပ်ဆောင်သည့် Skylar Astin နှင့် ၂၀၁၃ ခုနှစ်တွင် စတင် Date လုပ်ကာ ၂၀၁၆ ခုနှစ်တွင် လက်ထပ်ခဲ့ပါတယ်။ Jesse J ၏ Price Tag သီချင်းကိုလည်း Final ပွဲတွင် သီဆိုခဲ့ပြီး တခြားနာမည်ကြီးသီချင်းများစွာကိုလည်း Version အသစ်နဲ့သီဆိုသွားတာကို နားဆင်ခံစားနိုင်ပါတယ်။ လူငယ်များရဲ့ လွတ်လပ်သောဘဝ၊ ဖခင်မေတ္တာ၊ သူငယ်ချင်းသံယောဇဉ်နဲ့အတူ မဆုတ်မနစ်ကြိုးစားမှုတွေကိုလည်း ဤဇာတ်ကားတွင် ကြည့်ရူခံစားရမှာပါ။ IMDb Rating 7.2/10 ရရှိကာ Rotten Tomatoes အနေနဲ့ ၈၁ % ရရှိထားပြီး ဆုပေါင်းများစွာလည်း ရရှိခဲ့တဲ့ ဇာတ်ကားကောင်းတစ်ကားကိုကြည့်ရူနိုင်ဖို့ တင်ဆက်ပေးလိုက်ရပါတယ်။ File size…(2.2 GB)/(1.1 GB) Quality….Webrip 1080p / 720p Format…mp4 Duration….01:48:00 Genre... Comedy , Romance  Subtitle….Myanmar Subtitle (Hardsub) Encoder….Swan Min Htet Translated by Thin Thiri Aung

ဖီလ်ဖော်စတာနဲ့ကလျာဖော်စတာတို့ဟာနယူးဂျာစီပြည်နယ်မှာနေတဲ့အိမ်ထောင်သည်လင်မယား ၂ဦးပါ။ လင်မယား ၂ယောက်ဟာ သားသမီးတွေပြုစုရ ငွေရှာရ ဆိုတော့ တစ်ယောက်ကိုတစ်ယောက် အချိန်မပေးနိုင်ကြဘူး:။ ဒီတော့ သူတို့ ၂ယောက် ဟာ အလှည့်အပြောင်းလေးဖြစ်သွားအောင် အိမ်နဲ့ခပ်လှမ်းလှမ်းမှာရှိတဲ့ မြိုတစ်မြို့ရဲ့ ဆိုင်ကြီးတစ်ဆိုင်မှာ ပျော်စရာတွေပြန်ဖန်တီးဖို့ ညဘက်မှာချိန်းတွေ့ကြတယ် ။ဆိုင်က နာမည်ကြီး လူကြိုက်များတဲ့အပြင် အထင်ကရတွေပဲလာတတ်လေတော့ ဘွတ်ကင်ကြိုမလုပ်တဲ့သူတို့အဖို့ နေရာ မရရှာဘူး။သူတို့လင်မယား ၂ယောက်ဟာ ဘွတ်ကင်လုပ်ပြီးမလာတဲ့ သူရဲ့ဝိုင်းကိုခပ်တည်တည်နဲ့ဝင်ထိုင်ကြတယ်။။။အဲ့ဒီမှာပြသနာစတော့တာပဲ။။။ လူဆိုးတွေက အဲ့စားပွဲကို လာထိုင်တဲ့ သူကိုစောင့်နေတာပါ ဘာလို့ဆို ဘွတ်ကင်လုပ်ထားတဲ့နာမည်နဲ့လူဟာ နိုင်ငံအကြီးအကဲ ရဲ့ လျှို့ဝှက် အချက်အလက်တွေခိုးယူထားတဲ့သူမို့ပါ။ ပျော်ချင်လို့ လာတဲ့လင်မယား ၂ယောက် ၆ပါးစမှောက်တော့တာပဲ။ ကိုင်းပြိတ်သတ်ကြီးရေ အလွဲအချော်တွေနဲ့ ဟာသကားလေးတွေကြည့်ချင်တယ်ဆိုရင်တော့ ကိုင်း ........ ဒီကားထဲကအဓိကသရုပ်ဆောင် တလွဲမင်းသားကြီးကိုတော့သိကြမှာပါနော် File Size…(874 MB) and (355 MB) Quality…BluRay Rip 720p Format…mp4 Duration…01:27:00 Subtitle…Myanmar Subtitle(Hardsub) Encoder…Phyo Pyae Translated by Saw Wunna

The Switch (2010) IMDb Rating (6.1) မင်းသမီး Jennifer Aniston , မင်းသား Jason Bateman နဲ့ Patrick Wilson တို့ပါဝင်ထားတဲ့ Comedy Romance Drama အမျိုးအစားဇာတ်ကားလေးပါ။ ဇာတ်လမ်းကတော့... Wally နဲ့ Kassie တို့ဟာ သူငယ်ချင်းကောင်းတွေဖြစ်ကြပါတယ် ကြောင်တောင်တောင်နိုင်ပြီး ကြောက်တတ်တဲ့ Wally ဟာ သတ္တိရှိပြီး စွန့်စားလိုစိတ်အပြည့်ရှိတဲ့ ‌သူငယ်ချင်း Kassie ကို ချစ်နေပေမဲ့ သူငယ်ချင်းဇုန်ထဲကပါထုတ်ခံရမှာကြောက်ပြီး ဖွင့်ပြောခွင့်သာတိုင်းလည်း ရှောင်ရှောင်ပြေးနေတတ်‌သူတဦးပါ။ စွန့်စားလိုစိတ်အပြည့်ရှိတဲ့ Kassie ကတော့ Wally ရှေ့တင် ရည်းစားတွေတယောက်ပြီးတယောက်တွဲခဲ့ပြီး နောက်ဆုံးမှာတော့ အိမ်ထောင်ပြုဖို့ကိုပါ မစဉ်းစားတော့ဘဲ သုက်ပိုးအလှူခံပြီးကိုယ်ဝန်ဆောင်ဖို့ကိုသာ ရွေးချယ်ပါတော့တယ်.. ဒီအကြံကိုလည်း လက်မခံနိုင် ကိုယ်တိုင်လည်းဖွင့်မပြောနိုင်တဲ့ Wally ဟာ Kassie သဘောထားပြောင်းလဲလာဖို့ ကြိုးစားခဲ့ပေမဲ့ Kassie ကတော့ သူ့ဆန္ဒအတိုင်းအကောင်အထည်ဖော်ပါတော့တယ်.. Kassie ဟာ သူ့အစီအစဉ်အတိုင်း ပါတီတခုကျင်းပကာ သူ့စိတ်ကြိုက်သုက်ပိုးအလှူရှင်ကို မရရအောင်ရှာဖွေနိုင်ခဲ့ပြီး သုက်ပိုးကူးပြောင်းယူမယ့်အခိုက် နာကျင်ကြေကွဲ‌နေတဲ့ Wally တယောက် သူကိုယ်တိုင်တောင် ဘာတွေလုပ်ခဲ့မှန်းမသိလုပ်မိအောင် အရက်အလွန်အကျွံမူးပြီးနောက်မှာတော့... ခံစားချက်တွေပွင့်ထွက်သွားမလားဆိုတာ.....။ ဒီကားလေးက သူငယ်ချင်းဇုန်ထဲက ဇာတ်လိုက်များ ၊မိခင်စိတ်အပြည့်နဲ့ အမျိုးသမီးတဦး၊ မိဘမေတ္တာ စတဲ့ချစ်ခြင်းမေတ္တာတွေအကြောင်းကို ဟာသလေးစွက်ပြီး ကြည့်ရှုခံစားနိုင်မှာဖြစ်လို့ ရုပ်ရှင်ချစ်ပရိသတ်များ လက်မလွတ်ရဖို့ ညွှန်းဆိုတင်ဆက်ပေးလိုက်ရပါတယ်။ (ရုပ်ရှင်အညွှန်းနဲ့ဘာသာပြန်ကို Ye Thiha Htet မှ တင်ဆက်ထားပါတယ်။) File size…(2.4 GB )/(1 GB) Quality…BluRay 1080p HEVC / 720p Format…mkv/mp4 Duration….01:41:00 Subtitle….Myanmar Subtitle (Hardsub) Encoder….Ka Naung Translated by Ye Thiha Htet

*"Against the Ropes"* ဇာတ်ကားသည် 2004 ခုနှစ်မှာထွက်ရှိခဲ့တဲ့ အားကစားဒရမ်မာ ဇာတ်လမ်းကောင်းတစ်ပုဒ်ဖြစ်ပါတယ် ဂျက်ကီကယ်လန်ဆိုတဲ့ အားကစားမှာ စိတ်အားထက်သန်လှတဲ့ အမျိုးသမီးတစ်ဦးရဲ့ လက်ဝှေ့လောကထဲကိုတိုးဝင်ပုံကို ရိုက်ကူးထားခြင်းဖြစ်ပါတယ်။ အမျိုးသမီးများကို အလေးထားမှုမရှိတဲ့လက်ဝှေ့လောကမှာ အမျိုးသားများနဲ့ရင်ဘောင်တန်ပြီး တန်းတူယှဉ်ပြိုင်ရင်း အလုပ်ကိုကြိုးစားရုန်းကန်သွားပုံကို စိတ်ဝင်စားဖွယ်ဖော်ပြထားတာပါ။ လက်ဝှေ့လောကမှာ နာမည်မရှိသေးတဲ့ လက်ဝှေ့သမားတစ်ယောက်ကို နာမည်ကျော်တစ်ဦးဖြစ်တဲ့အထိ လေ့ကျင့်သင်ကြားပေးပြီး စိန်ခေါ်မှုများ အခက်အခဲများနှင့်အောင်မြင်မှုကို ထင်ဟပ်ပုံဖော်ထားတဲ့ ဇာတ်ကားကောင်းတကား ဖြစ်ပါတယ်။ File size…(2.2 GB)/(1.8 GB) Quality….Webrip 1080p / 720p Format…mp4 Duration….01:22:00 Genre... Romance, Drama  Subtitle….Myanmar Subtitle (Hardsub) Encoder….Mr. Anderson Translated by Khin Sanda

ကွန်ပျူတာကျွမ်းကျင်သူတစ်ယောက်နဲ့ စက်ယန္တရားကျွမ်းကျင်သူ ဂျက်စတာတို့ ပူးပေါင်းပြီး အစိုးရပိုင် ဒေါ်လာသန်း ၄၀ ကျော်တန်ဖိုးရှိတဲ့ ရွှေတွေကို ဖောက်ထွင်းယူခဲ့ကြပါတယ်။ ဂျက်စတာက သေနတ်မယူဖို့၊ လူမသတ်ဖို့ ကြိုပြောထားပေမယ့် တစ်ဖက်လူက အစောင့်တွေကို သတ်လိုက်တယ်။ အဲဒီနောက် ဂျက်စတာဟာ ရွှေတွေယူပြီး တစ်ယောက်တည်း ထွက်ပြေးသွားကာ တစ်နေရာမှာ ဖွက်ထားပြီး ထောင်ထဲဝင်နေလိုက်ပါတယ်။ ပုဇွန်ခိုးလို့ ဖမ်းခံရတဲ့ အယ်ဗင်ကတော့ ဂျက်စတာနဲ့ ထောင်အခန်းတူ ကျသွားတယ်။ နှလုံးမကောင်းတော့တဲ့ ဂျက်စတာက ရွှေဖွက်ထားတဲ့နေရာကို သူ့ဇနီးအား ပြောပေးဖို့ အယ်ဗင့်ကို မှာခဲ့ပြီး ထောင်ထဲမှာပဲ သေဆုံးသွားပါတယ်။ ဒီတော့ အစိုးရပိုင်ရွှေတွေကို ပြန်ရချင်တဲ့ ဘဏ္ဍာရေးထောက်လှမ်းရေးမှူးနဲ့ ရွှေတွေယူပြေးသွားတဲ့အပေါ် မကျေနပ်ဖြစ်နေတဲ့ ကွန်ပျူတာသမား လူသတ်သမားတို့ရဲ့ အာရုံက အယ်ဗင့်ဆီ ရောက်လာတော့တယ်။ ထောက်လှမ်းရေးမှူးက အယ်ဗင် မသိအောင် သူ့မေးရိုးအောက်မှာ ခြေရာခံစက် ထည့်ပေးပြီး ထောင်က လွှတ်လိုက်ပါတယ်။ အယ်ဗင့်ကို ငါးစာလုပ်ပြီး ပုန်းနေတဲ့ လူသတ်သမားကို ထွက်လာအောင် မျှားဖို့ပါ။ အစိုးရဘက်က သူ့ကိုသုံးပြီး လူဆိုးဖမ်းဖို့ ကြံနေသလို လူသတ်သမားကလည်း သူ့ဆီကနေ ရွှေတွေရဖို့ ကြိုးစားနေတယ်။ Jamie Foxx သရုပ်ဆောင်ထားတဲ့ အယ်ဗင်ကတော့ နှစ်ဖက်ကြား ညပ်နေပြီး ဒီအရှုပ်အထွေးတွေထဲက ဘယ်လိုရုန်းထွက်မလဲဆိုတာ ဟာသတွေနဲ့အတူ ဆက်ကြည့်ရမှာပါ။