Jeremy Howard ပါဝင်သော ဇာတ်ကားများ

Teenage Mutant Ninja Turtles မြန်မာစာတန်းထိုးနဲ့ အကြည်ရပါပြီ။ ဒီ နံပါတ်၂ လိပ်နင်ဂျာကားမှာတော့ နံပါတ်၁ မှာ သူတို့ဖမ်းပေးလိုက်တဲ့ ဗီလိန်ကြီး ရှရက်ဒါ ပြန်လွှတ်လာပြီး အခြားကမ္ဘာတစ်ခုက ဂြိုလ်သားနဲ့ ပူးပေါင်းပြီး ကမ္ဘာကိုသိမ်းပိုက်မယ့် အန္တရာယ်ကို ညီအစ်ကို ၄ ယောက်တွန်းလှန်ကြတာပါပဲ။ ဒီအပိုင်းမှာ ဇာတ်ကောင်အသစ်ကေစီဂျုန်းအဖြစ် အဲရိုးမင်းသား စတက်ဖန် အမ်းမဲလ် သရုပ်ဆောင်ထားပါတယ်။ အက်ရှင်ကားကောင်းတစ်ကားအဖြစ် ပိုင်ပိုင်နိုင်နိုင် ရိုက်ကူးထားသလို လုံးဝစရိုက်မတူညီတဲ့ ညီအစ်ကိုတွေ ဘယ်လိုနားလည်မှုနဲ့ အဖွဲ့တစ်ခုအဖြစ်လှုပ်ရှားနိုင်ခဲ့လည်း ဆိုတာကိုလဲ သရုပ်ဖော်ပြထားပါတယ်။ တခါတလေ ခက်ခဲတဲ့ရွေးချယ်မှုတွေ ကြုံလာတဲ့အခါ တစ်ယောက်တည်းရဲ့ အမြင်နဲ့ဆုံးဖြတ်ချက်ဟာ ဘယ်လောက်စေတနာပါပါ အမြဲမမှန်နိုင်တာမို့ အဖွဲတစ်ခုရဲ့ စဉ်းစားဉာဏ်နဲ့ အင်အားဆိုတာ အမြဲထည့်တွက်ရမယ့်အရာဆိုတာ လိပ်ညီအစ်ကိုတွေကနေ သင်ခန်းစာယူရင်း ဟာသနဲ့အက်ရှင်ကောင်းတွေ ခံစားနိုင်ကြပါစေ။ (ဇာတ်လမ်း အညွန်းနဲ. ဘာသာပြန်သူကတော. Moe Myint Lwin ပဲဖြစ်ပါတယ်) File size…(982 MB) Quality… WEB.DL 720p Format…mp4 Duration….01:52:00 Subtitle….Myanmar Subtitle (Hardsub) Translator....Moe Myint Lwin Encoder…Thanhtike Zaw

Teenage Mutant Ninja Turtles (2014) IMDb - 5.8/10 ပရိတ်သတ်ကြီး စောင့်မျှော်နေတဲ့ TMNT ဇာတ်ကား နဲ့မိတ်ဆက်ပေးချင်ပါတယ်။ ဒီဇာတ်ကားက တစ်ချိန်တုန်းက နာမည်ကြီး ကာတွန်းဇာတ်လမ်းတွဲ နဲ့ ကာတွန်းစာအုပ် တွေထဲက Superheros ဖြစ်တဲ့ TMNT ကို ပြန်ရိုက်ထားတာဖြစ်ပါတယ်။ သူက အခုမှ ရုပ်ရှင်ထွက်တာတော့မဟုတ်ပါဘူး။ ၁၉၉၀ တုန်းက ဇာတ်ကား ၃ကားထွက်ထားဖူးသလို၊ ၂၀၀၇ မှာလည်း ကာတွန်းအနေနဲ့ထွက်ထားဖူးပါတယ်။ ဇာတ်လမ်းမှာ April O'Neil (Megan Fox) က သတင်းထောက်တစ်ဦးဖြစ်ပြီး New York မြို့က Foot Clan ဆိုတဲ့ ဂိုဏ်းကို လိုက်လံသတင်းယူနေရာကနေ Turtles တွေနဲ့ အမှတ်မထင်ဆုံတွေ့ခဲ့ပါတယ်။ ဒီကနေ သူမ လွန်ခဲ့တဲ့ ၁၅ နှစ်တုန်းက အဖြစ်အပျက်ကို သတိရသွားပြီး Turtles တွေရဲ့ Origin ကို မှတ်မိသွားပါတယ်။ တစ်ဖက်မှာလည်း ဆရာ Splinter က April ကို Foot Clan ရဲ့ ရန်က ကာကွယ်ဖို့အတွက် April ကို ရအောင် ရှာပြီး ခေါ်လာဖို့ ညွှန်ကြားပါတယ်။ ဇာတ်လမ်းကသိပ်မထူးခြားပေမယ့် ပရိတ်သတ် စိတ်ဝင်စားမယ့် Action ကားကောင်းတစ်ကားပါ ကျွန်တော်တို့ ကလေးဘဝကတည်းက တီဗီမှာ ကာတွန်းအဖြစ်နဲ့ကြည့်ခဲ့ဖူးကြပြီး၊ Nintendo ဂိမ်းတွေ အဖြစ်လည်း ဆော့ကစားခဲ့ကြပါတယ်။ ဒါကြောင့် ပရိတ်သတ်နဲ့တော့မစိမ်းကြပါဘူး။ ဒီကားက ဒီဘက်ခေတ်ရဲ့ ပိုကောင်းတဲ့ CGI နဲ့ရိုက်ကူးထားတာကြောင့် အရင်ကားတွေထက် ပိုကြည့်ကောင်းပေမယ့် ဇာတ်လမ်းအရတော့ သိပ် မကောင်းလှပါဘူး။ အထူးသဖြင့် လိပ်နင်ဂျာတွေရဲ့ Origin ကိုအနည်းငယ် ပြင်ထားတာကြောင့် ပရိတ်သတ်အချို့က သိပ်မကျေနပ်ကြပါဘူး။ TMNT ရဲ့ အဓိကဗီလိန် ဖြစ်တဲ့ Shredder ကလည်း Transformer လို စက်ရုပ်ပုံစံဖြစ်နေတာကလည်း စိတ်ပျက်စရာပါ။ အထူးသဖြင့် Shredder အဖြစ်သရုပ်ဆောင်မယ့် William Fichtner က သရုပ်ဆောင်ကောင်း တစ်ဦးဖြစ်ပေမယ့်၊ တကယ့် ကာတွန်းထဲက Shredder က ဂျပန်လူမျိုး တစ်ဦးဖြစ်တာကြောင့် ဥရောပလူမျိုး ဖြစ်တဲ့ William ကို Shredder အဖြစ်ရိုက်ကူးပြီးမှ ဝေဖန်ခံရမှာစိုးတာကြောင့် ပြန်ရိုက်ကူးခဲ့ပြီး၊ ဂျပန်လူမျိုးတစ်ဦးကို အသံနဲ့ သရုပ်ဆောင်စေခဲ့ပါတယ်။ ဒါတွေကြောင့်လည်း ဇာတ်ကားကကောင်းသင့်သလောက် မကောင်းခဲ့ပါဘူး။ ဘယ်လိုပဲဖြစ်ဖြစ်၊ ပရိတ်သတ် တွေ စိတ်ကျေနပ်မှုရခဲ့တဲ့ဇာတ်ကားဖြစ်ပြီး၊ TMNT 2 ထွက်မယ်လို့ကြေငြာ ခဲ့တာကြောင့် နောက်ကားမှာ ပိုကောင်းလာမယ်လို့လည်း ပရိတ်သတ်တွေက မျှော်လင့်နေပါတယ်။ ဒါ့အပြင် TMNT ပိုစတာထွက်လာတုန်းက ပရိတ်သတ်တွေတော်တော်များများက ပုံတွေကိုကြည့်ပြီး Turtles တွေက ရုပ်ဆိုးပြီး ကြောက်စရာကောင်းတယ်လို့ ထင်နေကြပါတယ်။ တကယ်တမ်းရုပ်ရှင်ထဲ မှာတော့ ဆန့်ကျင်ဘက်ဖြစ်ပြီး၊ Teenager သရုပ်ကိုပီပြင်အောင် သရုပ်ဖော်ထားနိုင်ပါတယ်။ ကာတွန်းတွေမှာ ပါတဲ့အတိုင်း လူငယ်စရိုက်နဲ့တွေ့ရမှာဖြစ်သလို၊ သူတို့အချင်းချင်းကြားက စကားပြော ခန်းတွေကလည်း ပရိတ်သတ်တွေကို အကြိုက်တွေ့စေမှာပါ။ မိသားစုတူတူကြည့်ဖု့ိအဆင်ပြေပါတယ်။ Action ဇာတ်ကားကြိုက်သူတိုင်း၊ TMNT ပရိတ်သတ်တိုင်း ကြည့်သင့်ပါတယ်။ (အညွှန်းကို ရုပ်ရှင်မိတ်ဆက် Movie Review မှကူးယူဖော်ပြပါသည်...) File size...(1 GB) Quality...Blu-Ray Rip 720p Format...mp4 Duration....01:41:18 Subtitle....Myanmar Subtitle (Hardsub) Encoder....Nyeinsaeya Aung

မိဘမဲ့ ကလေးလေး ၂ ယောက်ဟာ သူတို့ရဲ့ အုပ်ထိန်းသူတွေက အိမ်မှာ ခွေးမွေးခွင့်မပြုတဲ့အတွက် လမ်းဘေးခွေးလေးတစ်ကောင်ကို ဟိုတယ်ဟောင်းကြီးတစ်ခုထဲမှာ ကယ်တင်ထားခဲ့ပါတယ်။ အဲဒီနောက်ဆက်ပြီး ခွေးဖမ်းတဲ့ လူ ၂ ယောက်နဲ့ ရဲတွေလက်ထဲကနေ အခြားသောခွေးတွေကိုပါ ကယ်တင်ထားရင်း သူတို့လေးတွေကို အမြဲတမ်းစာအတွက် ကယ်တင်ဖို့ ကြိုးစားကြပါတော့တယ်..... File Size     :   700 / 350 Mb Duration    :   1 : 39: 58 Quality        :   Bluray rip Translator   :   Appleseed Encoder       :   Littleneo

Sydney White (2007) စနှိုးဝှိုက်ဇာတ်လမ်းလေးကို ကျောရိုးယူထားတဲ့ ပေါ့ပေါ့ပါးပါး ကျောင်းသားကားလေးတစ်ကားကို မိတ်ဆက်ပေးချင်ပါတယ်။ မိတဆိုးကောင်မလေး ဆစ်ဒနီဟာ ဖခင်ဖြစ်သူနဲ့ပဲ ကြီးပြင်းခဲ့ရတော့ ဗိုင်းကောင်းကျောက်ဖိလေးမဖြစ်နေတာတော့ အမှန်ပါပဲ... ပြီးတော့ တက္ကသိုလ်ရောက်လာတဲ့အခါ သူ့ပုံစံကြောင့် အဆက်မပြေဖြစ်ရတာတွေလည်းများလာတာပေါ့...တက္ကသိုလ်မှာက သိတဲ့အတိုင်း ​အဖွဲ့တစ်ခုခုကိုဝင်ပြီး activity တွေလုပ်ဆောင်ရတယ်... အဲဒီအချိန်မှာ သူ့မိခင်ရဲ့ အဆောင်ဟောင်းဖြစ်တဲ့ Kappa အဆောင်ကို ရောက်လာပါတယ်... ပြီးတော့ လူပုလေးခုနှစ်ယောက်လိုပဲ ကောင်ချောလေးခုနှစ်ယောက်က သူ့အနားရောက်လာတဲ့အခါမှာတော့...... ဒါက American pie တို့ဘာတို့လို school comedy ပုံစံ ပေါ့ပေါ့ပါးပါး ခေတ်သစ်စနှိုးဝှိုက်ဇာတ်လမ်းလေးပါပဲ... ဟာသလေးတွေ... အလွဲအချော်လေးတွေနဲ့ အမန်ဒါတစ်ယောက် ဘယ်လိုမျိုး ကောလိပ်မှာ အားလုံးရဲ့ အ​လှောင်ခံ ဘဝကနေ မင်းသမီးလေးဘယ်လိုဖြစ်လာမှာလဲ ဆိုတာ....​.. ကျောင်းသားဘဝပျော်စရာတွေ relationship ကိစ္စတွေ... စတာတွေကို လူငယ်ဆန်ဆန်ပေါ့ပေါ့ပါးပါးနဲ့ တစ်ယောက်တည်း အေးအေးလူလူ အပန်းဖြေခံစားကြည့်ရှုလို့ရနိုင်မယ့် Entertaining ဖြစ်မယ့်ကားလေးတစ်ကားပဲ ဖြစ်ပါတယ်... (ဇာတ်ကားနဲ့အညွှန်းကို Sai Thurein Lynn မှ ပြန်ဆိုရေးသားထားပါတယ်) Size - 1.5GB, 950MB Quality - 1080p, 720p IMDb Rating - 6.2/10 Format - mp4 Duration - 1H 48Min Type - Comedy, Romance, Drama Subtitle - Myanmar Subtitle (Hardsub) Translated by Sai Thurein Lynn Encoded by Y

2006 ခုနှစ်ကထွက်ရှိခဲ့ပီး IMDb rating 6.4 ရရှိထားတဲ့ ​ကျောင်းသားကား​လေးကိုခံစားကြည့်ကြရ​အောင်ပါ။ ​ကောလိပ်​ကျောင်းတွေဟာ အထက်တန်း​ကျောင်းသားဘဝ က​နေ အမှီအခိုကင်းကင်းရပ်တည်နိုင်တဲ့ ဘဝ​တွေဆီ​ရောက်​အောင်သွားကြရာမှာ မဖြစ်မ​နေဖြတ်​ကျော်ကြရတဲ့အရာပါ။ ဒါ​​တွေကြောင့်ပဲ ​ကောလိပ်ဝင်ခွင့်​တွေဟာ နိုင်ငံ​တော်​တော်များများမှာ​တော့ လူငယ်​တွေအတွက်အိပ်မက်ဆိုးလိုဖြစ်​​နေတာပါပဲ။ society က သတ်မှတ်ထားတဲ့စံညွှန်း​တွေ​ကလည်း ​ကောလိပ်​​ကျောင်း​ကောင်း​ကောင်းတက်​ရောက်​ရေးဖိအား​တွေ​ပေးကြပါတယ်။ ဒီဇာတ်ကားထဲမှာလည်း ​ကျောင်းဝင်ခွင့်​တွေ အကြိမ်ကြိမ်ပယ်ခံရတဲ့ လူငယ်​လေး​တွေ ဟာ ကြံမိကြံရာကြံကြရင်း သတ်မှတ်ချက်​ဘောင်​တွေကို ချိုးဖြတ်ဖို့ဖြစ်လာကြပါတယ်။ လူငယ်​တွေကို အကန့်အသတ်မဲ့ ပျံသန်းခွင့်​ပေးလိုက်ရင် အံ့အားသင့်စရာ​တွေဖြစ်လာနိုင်တယ်ဆိုတာပြထားတာပါ။ ​ ပညာ​ရေးစနစ်ကြီးရဲ့အလွဲ​တွေကို​ထောက်ပြထားပြီး မူဝါဒ​တွေကိုလည်းသ​ရော်ထားပါ​သေးတယ်။ ဒါ့အပြင် ​နောက်ခံသီချင်း​လေး​တွေကလည်း အမိုက်စား​လေး​တွေဖြစ်တဲ့အတွက် အဲ့ဒီခုနှစ်ဝန်းကျင်က ​ကျောင်းတက်ကြသူ​တွေဆို အတိတ်ကို ပြန်လွမ်းမိသွားနိုင်သလို Gossip girls တို့ Age of Adaline တို့ထဲက မင်းသမီး​ချော Blake Lively ရဲ့ နုနုနယ်နယ်တက်ကြွတဲ့ အလှ​ကိုလည်းခံစားနိုင်ပါတယ်။ ဒါ​​ကြောင့် ကြည့်သင့်တဲ့ကား​လေးဖြစ်လို့ ခံစားကြည့်ကြပါဦး။ File size…  2.1 GB /  840 MB Quality… BluRay 1080p / 720p Format… mp4 Duration…. 1h 33m Genre .....  Comedy Subtitle…. Myanmar Subtitle (Hard Sub) Encoder…. Thit San Khant Translated by Sophie

The Haunted Mansion (2003) အလုပ်ကြိုးစားတဲ့ ပျော်ရွှင်နေတဲ့ Evers မိသားစုက အိမ်ထောင်ဦးစီး Jim။ သူလုပ်တဲ့အလုပ်က အိမ်ခြံမြေပွဲစား။ ပွဲဖြစ်ရင် မျိုးမျိုးမြတ်မြတ် စားရတဲ့ လုပ်ငန်းပေါ့ဗျာ။ အလုပ်တွေကို ကြိုးကြိုးစားစားလုပ်ရင်း ပိုက်ဆံတွေရလာပေမယ့် မိသားစုအပေါ် ပျက်ကွက်မှုတွေများလာလို့ အလျော်ပေးတဲ့အနေနဲ့ မိသားစုခရီးလေးထွက်လာတဲ့အခါ ငွေနောက်ကို အသည်းအသန်လိုက်တဲ့သူမို့ မိသားစုခရီးထွက်လာတာတောင် လုပ်ငန်းတစ်ခုလုပ်ဖို့ တစ်နေရာကိုလမ်းကြုံဝင်ခဲ့တယ်။ သူရောင်းပေးရမယ့်အိမ်ကြီးက ဒေါ်လာ သန်းနဲ့ချီတန်တာမို့ ဘယ်လိုမှ မငြင်းဆန်နိုင်ပဲ အရောက်သွားချိန်မှာ ကံဆိုးမိုးမှောင်တွေဆက်တိုက်ကျရောက်လာပါတော့တယ်။ သရဲခြောက်တတ်တဲ့အိမ်ကြီးမှာ ဖြစ်လာသမျှ ပြဿနာတွေကို လိုက်လံဖြေရှင်းရင်း သားသမီးနဲ့ ဇနီးကို ကယ်တင်ဖို့ကြိုးစားရတဲ့ ပျော်ရွှင်စရာ မိသားစုကြည့် Fantasy ကားလေးပါ။ ခေါင်းဆောင်မင်းသားဖြစ်တဲ့ Eddie Murphy ဆိုတာက အမေရိကန် ဟာသ သရုပ်ဆောင် စာရေးဆရာ အဆိုတော်တစ်ယောက်ဖြစ်ပါတယ်။ သူဟာ ၈၀ ခုနှစ်တွေမှာ သိပ်ကို အောင်မြင်တဲ့ သူတစ်ယောက်ဖြစ်ခဲ့ပြီး သရုပ်ဆောင်ဆု‌တွေ အများကြီး သိမ်းပိုက်နိုင်ခဲ့သူပါ။ ဟာသပညာရှင်အဖြစ်လည်း အောင်မြင်ခဲ့ပြီး အအောင်မြင်ဆုံး စင်ပေါ်ဖျော်ဖြေတဲ့ ဟာသပညာရှင် ၁၀၀ ထဲမှာ နံပါတ် ၁၀ ချိတ်ခဲ့သူဖြစ်ပါတယ်။ အသံသရုပ်ဆောင်သူတစ်ယောက်လည်းဖြစ်ပြီး ပထမဆုံး မူလန်ကာတွန်းကားထဲက မူရှူးနဂါးလေးအဖြစ် အသံသရုပ်ဆောင်ခဲ့ပါ‌တယ်။ ဒီဇာတ်ကားကို Disney မှ ၂၀၀၃ ခုနှစ်မှာ ရိုက်ကူးဖြန့်ချီခဲ့ပြီး IMDb 5.1 ရရှိခဲ့ပါတယ်။ rating နည်းရတာကလည်း ဟာသသရဲကားဖြစ်နေလို့ပါ။ ဒါပေမဲ့ ခင်ဗျားတို့ရဲ့ နေ့တစ်နေ့ကို ဒီဇာတ်ကားက ဘယ်လိုဖျော်ဖြေပေးနိုင်သလဲဆိုတာတော့ စမ်းသပ်ကြည့်ဖို့ ထိုက်တန်ပါတယ်။ (ဇာတ်ကားနဲ့ အညွှန်းကို Arr Khun Winchester မှ ပြန်ဆိုရေးသားထားပါတယ်) Size - 1.35GB, 840MB Quality - 1080p, 720p IMDb Rating - 5.1/10 Format - mp4 Duration - 1H 28Min Type - Fantasy, Comedy Subtitle - Myanmar Subtitle (Hardsub) Translated by Arr Khun Winchester Encoded by Y

အေးဂျင့်ကေဟာ အရင်ရုပ်ရှင်မှာ အေးဂျင့်ဂျေကို သူသိသမျှ၊ တတ်သမျှ သင်ပေးခဲ့ပြီး Men in Black အဖွဲ့ကနေ အနားယူသွားပါတယ်။ အနားယူတဲ့အခါ ဒီအလုပ်နဲ့ပတ်သက်သမျှ ဘာမှ မမှတ်မိချင်တော့လို့ သူ့ရဲ့မှတ်ဉာဏ်တွေကို ဖျက်ပေးဖို့ ဂျေကို တောင်းဆိုခဲ့တာပါ။ အခု ကေမရှိတော့တဲ့နောက် ဂျေဟာ အလုပ်မှာ တလွဲတွေ လုပ်တတ်တဲ့ တွဲဖက်အသစ်နဲ့ အဆင်မပြေ ဖြစ်နေပါတယ်။ အဲဒီအချိန်မှာပဲ အရင်က ကမ္ဘာကို ရောက်လာဖူးပြီး MIB နဲ့ ရင်ဆိုင်ရာမှာ ရှုံးနိမ့်ခဲ့တဲ့ ဂြိုဟ်သားမ ဆယ်လီနာ ပြန်ရောက်လာတယ်။ သူရှာနေတာက ဇာသန်တွေရဲ့ အလင်းရောင်စွမ်းအားပါ။ ကေ ငယ်ရွယ်စဉ်တုန်းက ဇာသန်တွေဟာ သူတို့ဂြိုဟ်ရဲ့ တန်ဖိုးရှိတဲ့အရာကို စောင့်ရှောက်ပေးဖို့ ကေနဲ့ MIB ဆီ အပ်နှံခဲ့ကြပြီး အဲဒါကို လုယူဖို့ ဆယ်လီနာ ပြန်လာတာ ဖြစ်ပါတယ်။ ဒီအကြောင်းတွေကို သိထားတဲ့ ကေကို အဖွဲ့ထဲ ပြန်ခေါ်ဖို့ ဂျေ တာဝန်ယူရပါတော့တယ်။ ဒါပေမယ့် သူပြန်ခေါ်ရမယ့် ကေက MIB မှာ လုပ်ခဲ့သမျှကို မမှတ်မိတော့တဲ့သူပါ။

ဉာဏ်ကောင်းပေမယ့် လမ်းမှားရောက်နေတဲ့ လူငယ် ဖရန့်နဲ့ သူ့ကိုဖမ်းဆီးဖို့ တာဝန်ရှိတဲ့ ကားလ်ဟန်ရက်တီတို့အကြောင်းကို ရိုက်ကူးထားတဲ့ ဇာတ်ကားပါ။ ကားလ်အတွက်တော့ ဒီလူငယ်ကို ဖမ်းမိဖို့သာမက လမ်းမှန်ပြန်ရောက်လာစေဖို့ကလည်း အရေးပါနေပါတယ်။ သူတို့နှစ်ယောက်ကြားက ဆက်ဆံရေးကို ဇာတ်လမ်းနဲ့အတူ လိုက်ကြည့်ရမှာပါ။ Steven Spielberg ရိုက်ကူးထားပြီး Leonardo နဲ့ Tom Hanks တို့ အဓိကပါဝင်ပါတယ်။ Tom Hanks က ကားလ်ဟန်ရက်တီအဖြစ် သရုပ်ဆောင်ထားတာပါ။ မူရင်းမိတ်ဆက်စာမှာ ဖြစ်ရပ်မှန်ကို အခြေခံတဲ့ဇာတ်ကားအဖြစ် ဖော်ပြထားပြီး အဓိကသရုပ်ဆောင်နှစ်ယောက်ရဲ့ သရုပ်ဆောင်မှု၊ သူတို့ကြားက ဆက်ဆံရေးနဲ့ ဇာတ်လမ်းတည်းဖြတ်ပုံတို့ကို အလေးထား ညွှန်းထားပါတယ်။

How the Grinch Stole Christmas (2000) ငယ်ငယ်ကတော့ ခရစ္စမတ်နားနီးတဲ့ အပတ်မှာ ပုတက်တို့ Kidzone တို့လို ကာတွန်းစာစောင်တွေမှာ ခရစ္စမတ်ဇာတ်လမ်းလေးတွေ ထည့်တာကို ဖတ်ရင်း၊ Casper, Mickey Mouse, Winnie the Pooh တို့ရဲ့ ခရစ္စမတ်ကာလကားလေးတွေ၊ A Christmas Carol တို့ Home Alone တို့ Grinch တို့လို ခရစ္စမတ်ကားလေးတွေကြည့်ရင်း ဖြတ်သန်းဖူးခဲ့ကြတယ်မို့လား။ ခရစ္စမတ်ဟာ ကျွန်တော်တို့နဲ့ မဆိုင်ပေမဲ့ မစိမ်းလှပါဘူး။ ဒီဇာတ်လမ်းကတော့ ငယ်ဘ၀ကခရစ္စမတ်ကိုရော ငယ်ဘ၀ကိုရော Nostalgia ဖြစ်စေမယ့် ဇာတ်လမ်းပါ။၂၀၀၀ခုနှစ်မှာထွက်ခဲ့တာဆိုတော့ ကျွန်တော်တို့ငယ်ငယ်က ခရစ္စမတ်ကားတွေရဲ့ အရသာအတိုင်းပါပဲ။ ခရစ္စမတ်ကားလေးပေမဲ့ မင်းသားက ဂျင်ကာရေး ဖြစ်တဲ့အပြင် ဆာအန်သိုနီဟော့ကင်းကလည်း Narrator အဖြစ် နောက်ခံစကား‌ပြောပေးထားတယ်။ ဒါရိုက်တာကတော့ ၂၀၀၂မှာ A Beautiful Mind ရုပ်ရှင်နဲ့ Best Picture ဆုနဲ့ Best Director ဆုကို ရခဲ့တဲ့ Ron Howard ပါ။ မူရင်းစာရေးဆရာကတော့ အမေရိကန်ကလေးစာပေမှာ ဆရာတစ်ပါးဖြစ်တဲ့ Dr. Seuss ပါ။ သူလည်း ကျွန်တော်တို့နဲ့ မစိမ်းပါဘူး။ ငယ်ငယ်က ကြည့်ခဲ့ဖူး ကြိုက်ခဲ့ဖူးကြတဲ့ Horton တို့ The Cat in the Hat တို့ The Lorax တို့က သူ့လက်ရာတွေကို အသက်သွင်းထားတာပါပဲ။ ဒီရုပ်ရှင်ဟာ သူ့ခေတ်ဖြစ်ခဲ့တဲ့ ၂၀၀၀ခုနှစ်ရဲ့ အမြတ်အစွန်းအထွက်ဆုံး ရုပ်ရှင်စာရင်းမှာ နံပါတ်၆ ချိတ်ခဲ့ပါတယ်။ ဝေဖန်ရေးဆရာတွေကတော့ ဂျင်ကာရေးရဲ့ သရုပ်ဆောင်စွမ်းရည်ကို ချီးကျူးခဲ့ကြပြီး ခရစ္စမတ်ရုပ်ရှင်နဲ့မလိုက်အောင် နည်းနည်း ကြောက်စရာကောင်းနေတဲ့ ဇာတ်၀င်ခန်းတစ်ချို့ကိုတော့ ဝေဖန်ခဲ့ကြတယ်။ အော်စကာမှာ Best Art Direction ဆုနဲ့ Best Costume Design ဆု တို့ကို ဆန်ခါတင်၀င်ခဲ့ပြီး Best Makeup ဆုကို ဆွတ်ခူးနိုင်ခဲ့ပါတယ်။ ခရစ္စမတ်ကို တန်ဖိုးအထားဆုံး "ဟူး"မျိုးနွယ်တွေနေတဲ့ ရွာလေးရှိတယ်။ အဲဒီရွာမြောက်ဘက်က တောင်မြင့်ကြီးကတော့ ဂရင့်ချ်လို့ခေါ်တဲ့bခရစ္စမတ်ကိုအမုန်းဆုံး သတ္တဝါတစ်ကောင်ရဲ့ ပျော်စံရာပေါ့။ ခရစ္စမတ်အကြိုညမှာ ဟူးတွေ အိပ်ပျော်နေတဲ့အချိန် ဂရင့်ခ်ျဟာ ခရစ္စမတ်ကို ခိုးယူသွားမှာကိုတော့ ဘယ်သူမှကြိုမမြင်ခဲ့ကြပါဘူး။ ခရစ္စမတ်ကို ဂရင့်ဘယ်လိုခိုးယူခဲ့လဲဆိုတာကို ကြည့်ပြီး ပျော်စရာတွေ အခိုးခံခဲ့ရတဲ့ ဒီလိုနှစ်မှာ ကလေးဘ၀က ခရစ္စမတ် အရသာအပြည့်ကို ပြန်ခံစားရမှာပါ။ ဒီရုပ်ရှင်ဟာ ဒီနေ့မှာ အားလုံးကို သေချာတဲ့ ခံစားမှုတစ်ခု ပေးနိုင်ပါလိမ့်မယ်။ အားလုံးပဲ " Merry Christmas "ပါ။ (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size - 1.9GB, 1GB Quality - 1080p, 720p IMDb Rating - 6.2/10 Format - mp4 Duration - 1H 45Min Type - Fantasy, Comedy Subtitle - Myanmar Subtitle (Hardsub) Translated by WiRa Aung Encoded by Y

The Cure (1995) IMDb Rating (7.7) / Rotten Tomatoes (45%) ဒီကားလေးကတော့ Monster ( 2023 ) လို Vibe လေးရစေမယ့်ကားလေးပါ။ ကြည့်ပြီးရင် ရင်ထဲမှာ ဟာတာတာကြီးကျန်ခဲ့ပြီး တစိမ့်စိမ့်တွေးမိနေမယ့် ကလေးနှစ်ယောက်ကြားက ဖြူစင်တဲ့ခင်မင်မှုလေးပေါ့။ ဇာတ်လမ်းလေးကကျ ဒက်စ်တာဆိုတဲ့ကောင်လေးက ကလေးဘ၀တုန်းက သွေး‌ပြောင်းသွင်းရင်းကနေ AIDS ရလိုက်တာ။ အခြားကလေးတွေနဲ့လည်းအတူမဆော့ရပဲ တစ်ယောက်တည်းနေရင်းကနေ တစ်နေ့ကျ အိမ်ပြောင်းတော့ အဲရစ်ဆိုတဲ့ ဘေးအိမ်က ကောင်လေးနဲ့ခင်မင်သွားကြတယ်။ အဲ့ဒီခေတ်က AIDS ဆိုတာက Gay တွေမှာအဖြစ်များတာမို့ ဒက်စ်တာကအမြဲတမ်းအဲ့တာကြောင့်အနိုင်ကျင့်ခံရတာတွေကို အဲရစ်က ကာကွယ်ပေးလေ့ရှိတယ်။ ဒက်စ်တာရဲ့ရောဂါပျောက်ဖို့အတွက် ကုသဆေးကိုရအောင်ရှာမယ်လို့ အဲရစ်က ဆုံးဖြတ်လိုက်ပြီး ဆေးရှာပုံတော်ဖွင့်ကြပါတော့တယ်။ မိသားစုနဲ့အတူလည်းကြည့်လို့ရပြီး ကြည့်မိလို့နောင်တရမယ့် ကားမျိုးမဟုတ်ပါဘူး။ 1995 ကကားလေးပေမယ့် ဒီလိုကားလေးတွေကြိုက်ရင် ရွှေပါပဲ။ ရောဂါသည်ကောင်လေးနဲ့ အိမ်တွင်းရေးမကောင်းတဲ့ကောင်လေးနှစ်ယောက်ရဲ့အမြင်ဘက်ကနေ ကလေးအတွေးလေးနဲ့ ဆေးရှာဖို့ ဘယ်လိုတွေစွန့်စားခန်းဖွင့်ပြီး ဘယ်လိုမျိုးလေးအဆုံးသတ်သွားမလဲ ကြည့်ကြည့်လိုက်ကြနော်။ (အညွှန်းနဲ့ဘာသာပြန်ကတော့ Phu Thet Khin ဖြစ်ပါတယ်။) File size…(1.9 GB) / (1 GB) Quality….Blu-Ray 1080p HEVC / 720p Format…. mkv/mp4 Genre….Adventure, Drama, Family Duration….01:38:58 Subtitle….Myanmar Subtitle (Hardsub) Encoder….Benjamin Translated by Phu Thet Khin