Jim Conroy ပါဝင်သော ဇာတ်ကားများ

Song Sung Blue (2025) IMDb Rating (7.5) / Rotten Tomatoes (77%) ဒီဇာတ်ကားကတော့ နာမည်ကြီးမင်းသားကြီး Hugh Jackman (X-Men မင်းသား) နဲ့ မင်းသမီး Kate Hudson တို့ အဓိကပါဝင်ထားတဲ့ ဖြစ်ရပ်မှန်အခြေခံ ဂီတဒရာမာ ဇာတ်ကားကောင်းလေး ဖြစ်ပါတယ်။ ဇာတ်လမ်းအကျဉ်း မေဝေါ်ကီ (Milwaukee) မြို့က သာမန်လူတန်းစား နှစ်ဦးဖြစ်တဲ့ Mike (Hugh Jackman) နဲ့ Claire (Kate Hudson) တို့ရဲ့ အချစ်ဇာတ်လမ်းကို အဓိက ပုံဖော်ထားတာပါ။ Mike က အရက်ဖြတ်ထားတဲ့ ဗီယက်နမ်စစ်ပြန် တစ်ဦးဖြစ်ပြီး နာမည်ကြီး အဆိုတော် Neil Diamond ရဲ့ သီချင်းတွေကို လိုက်ဆိုနေတဲ့ အပျော်တမ်း အဆိုတော်တစ်ဦးပါ။ Claire ကတော့ ကလေးနှစ်ယောက်မိခင် Single Mother တစ်ယောက်ဖြစ်ပါတယ်။ သူတို့နှစ်ဦး ဆုံတွေ့ချစ်ကြိုက်သွားပြီးတဲ့နောက်မှာတော့ "Lightning & Thunder" ဆိုတဲ့ နာမည်နဲ့ Neil Diamond Tribute Band (အဆိုတော် နီးလ်ဒိုင်းမွန်း ဂုဏ်ပြုတေးဂီတအဖွဲ့) တစ်ခုကို ထူထောင်ခဲ့ကြပါတယ်။ သူတို့ရဲ့ ဂီတအဖွဲ့လေး အောင်မြင်လာမယ့် အချိန်မှာပဲ ကံဆိုးမိုးမှောင်ကျစရာ မတော်တဆမှုတစ်ခု Claire အပေါ် ကျရောက်လာခဲ့ပါတယ်။ အဲဒီမတော်တဆမှုကြောင့် သူတို့အိပ်မက်အားလုံးပျက်စီးသွားချိန်မှာ ဘယ်လို ပြန်တည်ဆောက်ကြမလဲဆိုတာ မြင်ရမှာပါ။ ဒီကားဟာ သာမန် အောင်မြင်ကျော်ကြားရေး ဇာတ်လမ်းမျိုးထက်၊ လောကဓံရဲ့ ရိုက်ခတ်မှုတွေကြားကနေ လင်မယားနှစ်ယောက် လက်မတွဲဖြုတ်ဘဲ ဂီတရဲ့ စွမ်းအားနဲ့ ဘဝကို ဘယ်လို ပြန်လည်တည်ဆောက်ယူကြလဲ ဆိုတာကို ကြည်နူးဖွယ်၊ ဆွေးဆွတ်ဖွယ် ရိုက်ကူးထားပါတယ်။ Hugh Jackman နဲ့ Kate Hudson တို့ရဲ့ သဘာဝကျတဲ့ သရုပ်ဆောင်ချက်တွေနဲ့ လိုက်ဖက်ညီမှုကတော့ ကောင်းလွန်းပါတယ်။ Neil Diamond ရဲ့ နာမည်ကြီး သီချင်းကောင်းတွေကို ဇာတ်ကားတစ်လျှောက် ခံစားနားဆင်ရမယ့်အပြင် Hugh Jackman ကိုယ်တိုင် သီဆိုထားတာတွေကလည်း အရမ်းကောင်းပါတယ်။ ဘဝမှာ အခက်အခဲတွေ ကြုံလာရချိန်မှာတောင် မျှော်လင့်ချက် မပျောက်သင့်ဘူးဆိုတဲ့ ခွန်အားပေး ဇာတ်ကားမျိုး ဖြစ်ပါတယ်။ File size… (6.6 GB) / (2.7 GB) / (1.5 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Drama,Music,Romance Duration…. 02:12:27 Subtitle…. Myanmar Subtitle (Hardsub)

IMDb Rating - 6.5/10 CM ပရိသတ်ကြီးအတွက် Christmas ရာသီရဲ့ latest animation ကားလေးကို တင်ဆက်ပေးလိုက်ပါပြီ။ ချစ်ခြင်းမေတ္တာနဲ့ ပတ်သက်တဲ့ ခံယူချက်တွေ၊ ယုံကြည်သက်ဝင်မှုတွေကပဲ အဖြေရှာပေးသွားပြီး ဘဝအမောတွေကို ပြေစေမဲ့ ဇာတ်လမ်းကောင်းလေးပေါ့။ ကဲ ဇာတ်လမ်းလေးကတော့ ဒီလိုပါ။ ခရစ်စမတ်နေ့မှာ ဆန်တာကြီးကနေ ကလေးတွေကို လက်ဆောင်ပေး နိုင်ဖို့အတွက် အရုပ်လေးတွေကို ဖန်တီးပေးရတဲ့ နတ်သူငယ်လေးတွေ နေထိုင်တဲ့ ရွာလေးတစ်ရွာရှိပါတယ်။ မာဇီပန်ကတော့ အဲဒီရွာမှာ နေထိုင် တဲ့ နတ်သူငယ်မလေးတစ်ယောက်ပါ။ မာဇီပန်ရဲ့ အမေဖြစ်သူကတော့ အရုပ်ထုပ်လုပ်ရေးအလုပ်ရုံရဲ့ လက်ထောက်မန်နေဂျာတစ်ယောက်ဖြစ်ပြီး သမားရိုးကျအတိုင်း သွားနေတဲ့ အလုပ်ရုံကြောင့် အရုပ်တွေ လုံ‌လုံလောက် လောက် မထုတ်နိုင်မှာကို အမြဲစိုးရိမ်နေတတ်ပါတယ်။ တစ်ရက်မှာတော့ စက်ချို့ယွင်းမှုကြောင့် အရုပ်စာရင်းတွေ အဆမတန် တက်လာခဲ့ပြီး မာဇီပန့်အမေပြောခဲ့တဲ့အတိုင်း နတ်သူငယ်တို့ ဒုက္ခလှလှနဲ့ တွေ့လာကြတာပေါ့။ ဆိုတော့ ဒီပြဿနာကို ဖြေရှင်းဖို့အတွက် သူတို့တွေ စစ်ဆင်ရေးတစ်ခုကို ဆွဲလိုက်ကြပါတယ်။ အဲဒီစစ်ဆင်ရေးရဲ့ နာမည်ကတော့ "Merry Mission" ပါတဲ့။ ဇာတ်လမ်းဇာတ်အိမ်ကောင်းကောင်းနဲ့ ပွဲထွက်လာတာမို့ ကလေးလူကြီးမရွေး နှစ်သက်ကြမဲ့ ဇာတ်လမ်းလေး ဖြစ်လာဦးမှာပါ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ May Thet Khine Soe ဖြစ်ပါတယ်) File Size..........(1.5 GB) / (500 MB) Quality............WEB-DL 1080p / 720p Duration.........1Hr 20Min Subtitle...........Myanmar Hardsub Format............MP4 Genre..............Animation, Adventure, Family Translator.......May Thet Khine Soe Encoder..........SWM

IMDb - 6.3/10 Rio 2 (2014) အညွှန်း Rio 2 မှာတော့ အရှေ့ကားထက်ပိုကောင်းအောင် ရုပ်ပိုင်းရော အသံ‌ပိုင်းမှာပါ အဆင့်မြှင့်ထားပါတယ်။ သီချင်းတွေလည်းကောင်းတဲ့အပြင် အသံသရုပ်ဆောင်အသစ်တွေကိုလည်း ဂရမ်မီဆုရ အဆိုတော်တွေကို ခေါ်ထားပါတယ်။ ဒီကားမှာ ဘလူး ဟာ ကလေး ၃ ယောက်အဖေ ဖြစ်နေပြီးတော့ သူတို့မိသားစုက အမေဇုန်တောထဲကို စွန့်စားပြီး ခရီးထွက်ကြမှာပါ။ ပိုလှပတဲ့ရှုခင်းတွေ၊ ပိုစုံလင်တဲ့တိရစ္ဆာန်တွေနဲ့ သီချင်းအသစ်တွေလည်း အများကြီးပါလာမှာ ဖြစ်ပါတယ်။ ရုပ်ရှင်ကားကို Htet Wai Lwin က ဘာသာပြန်ပေးထားပြီး Thit San Khant မှ တင်ဆက်ပေးထားပါတယ်

မယ်ရီကက်သရင်းဟာ အမေဆုံးပါးသွားတဲ့နောက် တောထဲမှာ သုတေသနလုပ်နေတဲ့ အဖေနဲ့အတူ နေဖို့ ရောက်လာပါတယ်။ သူ့အဖေက အဲဒီတောထဲမှာ လူအသေးလေးတွေ ရှိတယ်လို့ အခိုင်အမာယုံကြည်နေပြီး သူ့အယူအဆ မှန်ကြောင်း သက်သေပြဖို့လည်း ကြိုးစားနေသူပါ။ မယ်ရီကတော့ အဖေ့စကားကို အဓိပ္ပါယ်မရှိဘူးလို့ ထင်ပြီး မယုံကြည်ခဲ့ပါဘူး။ ဒါပေမယ့် တစ်နေ့မှာ သူကိုယ်တိုင် အဲဒီလူအသေးလေးတွေနဲ့ တွေ့လိုက်ရပါတယ်။ အဖေ ယုံကြည်နေတဲ့အရာကို ကိုယ်တိုင်တွေ့ရတဲ့အခါ မယ်ရီ ဘယ်လိုစွန့်စားခန်းတွေနဲ့ ကြုံရမလဲ။ လူအသေးလေးတွေက ဘာလုပ်နေကြတာလဲ၊ မယ်ရီနဲ့ သူတို့ကြား ဘယ်လိုဆက်စပ်မှု ရှိလာမလဲ၊ ဘယ်လိုပြဿနာတွေကို ရင်ဆိုင်ကြရမလဲဆိုတာကို ၂၀၁၃ ခုနှစ်ထွက် ဒီအန်နီမေးရှင်းကားမှာ ဆက်ပြထားပါတယ်။

ဒီဇာတ်ကားက Ice age franchiseရဲ့ စတုတ္ထဇာတ်ကား ဖြစ်ပြီး ၂၀၁၂ ခုနှစ်မှာ ထွက်ရှိခဲ့ပါတယ်။ ဒီဇာတ်လမ်းကြီးတစ်ခုလုံးမှာ အစကတည်းက ပါဝင်ခဲ့တဲ့ ဝက်သစ်ချသီးကိုမှ အရူးအမူးစွဲလမ်း ​နေတဲ့ ရှဉ့်​လေး​ကြောင့်ပဲ ဒီဇာတ်လမ်း မြစ်ဖျားခံလာခဲ့တယ်လို့ ​ပြောရမှာပါပဲ။ အမြဲတမ်း ကိုရီးယားကားလိုမျိုး တေ့လွဲလွဲ​နေတဲ့ ဝက်သစ်ချသီးကို လိုက်ဖမ်းရင်း အဆိုပါရှဉ့်ဟာ ကမ္ဘာ့ဗဟိုချက် အူတိုင်ထဲကို ​ကျသွားပြီး သူ့ရဲ့ဂယက်​ကြောင့်ပဲ ကမ္ဘာဦး​ခေတ်ရဲ့ ကုန်း​မြေ​တွေ တစ်စစီပြိုကွဲသွားကာ ယ​နေ့​ခေတ် တိုက်ကြီး၇ခုရဲ့ ကနဦးဗားရှင်း​​တွေ ဖြစ်လာခဲ့ပါတယ်။ ဒီသက်​ရောက်မှုကို အဓိကခံခဲ့ရတာက ​ကမ္ဘာပေါ်က တိရစ္ဆာန်​တွေ ဖြစ်ပြီး ​မြေလွှာပြတ်​ရွေ့မှု​တွေ​ကြောင့် ​​နေရပ်​ဌာနတွေ ပျက်စီးကာ မိသားစုပြိုကွဲမှု​တွေ ကြုံခဲ့ရပါတယ်။ အဲဒီထဲမှာ ဇာတ်လိုက်​ကျော် မန်နီတို့ မိသားစုလည်း ပါဝင်ခဲ့ပြီး ဇနီးအယ်လီ၊သမီးပိချက်စ်တို့ရဲ့ အ​ဝေးကိုရောက်သွားခဲ့တာ​ကြောင့် မိသားစုဆီပြန်ဖို့ မန်နီတို့အဖွဲ့ရဲ့ ကြိုးစားအားထုတ်မှု​တွေ၊ ခရီးမှာကြုံရတဲ့ ဓါးပြ​အဖွဲ့ရဲ့ အန္တရာယ် ​တွေကို ​ကျော်ဖြတ်ဖို့ကြိုးစားမှု​တွေကို မြင်​တွေ့ရမှာပါ။ ဒီကားမှာ character အသစ်​တွေအဖြစ် ဒီ​ယေဂိုရဲ့ချစ်သူဖြစ်လာမယ့် ရှီရာ ဆိုတဲ့ ကျားမ​လေးနဲ့ ဆစ်ဒနီရဲ့ အဘွားဖြစ်သူပါ ပါလာတာ​ကြောင့် အလွဲအ​ချော်​တွေ၊ဟာသ​တွေနဲ့ Ice age​တွေရဲ့အရသာ မပျက်တဲ့ Animationဇာတ်ကား​ကောင်းပဲ ဖြစ်ပါတယ်။ File size…     5.8 GB /   2.2 GB /    1.1 GB Quality… Web-DL  4K HDR /  1080p / 720p Format… mp4 Duration…. 1h 28m Genre .....  Animation, Comedy Subtitle…. Myanmar Subtitle (Hard Sub) Encoder…. Thit San Khant Translated by JimX