Joey Perillo ပါဝင်သော ဇာတ်ကားများ

Rachel Getting Married (2008) 2008 ခုနှစ်မှာ ထွက်ရှိပြီး ဆု ၃၂ ဆု best leading actress Oscar Nomination အပါအဝင် Nomination ၆၅ နဲ့ အဲဒီအချိန်က ဝေဖန်ချက်ကောင်းတွေ ရရှိခဲ့တဲ့ ဇာတ်လမ်းတွဲလေးပဲဖြစ်ပါတယ်။ Family Drama အကြောင်း အသားပေးရိုက်ကူးထားပြီး ဒါရိုက်တာ Jonathan Demme ရိုက်ကူးကာ အားလုံးသိကြတဲ့ မင်းသမီးချော Anne Hathaway , Rosemarie DeWitt နဲ့ မင်းသမီးကြီး Debra Winger , မင်းသား Bill Irwin တို့က အဓိက ပါဝင်သရုပ်ဆောင်ထားကြပါတယ်။ Anne Hathaway ကို ပထမဆုံးအကြိမ် Oscar nomination ရစေခဲ့တဲ့ကားဖြစ်ပြီးတော့ ဒီကားမှာတော့ ပုံမှန်ချစ်စရာကောင်းတဲ့ Anne Hathaway ကို Rehab ကထွက်လာတဲ့ Drug Addict အနေနဲ့မြင်ရမှာပဲဖြစ်ပါတယ်။ ဆယ်နှစ်အတောအတွင်း rehab ကိုဝင်လိုက်ထွက်လိုက်လုပ်နေရတဲ့ Kym ဟာ သူ့အစ်မ Rachel မင်္ဂလာဆောင်အတွက် rehab ကနေ ထွက်လာပါတယ်။ ကိုးလကြာ sober ဖြစ်နေတဲ့ Kym ဟာ rehab ကနေထွက်လာရတဲ့အတောအတွင်း မင်္ဂလာဆောင်ကျင်းပမဲ့ သူတို့ရဲ့မိသားစုအိမ်မှာ နေထိုင်ခဲ့ပါတယ်။ မင်္ဂဆောင်အတွက် စီစဥ်ကြရင်း ပြန်ပြီးပေါ်ထွက်လာတဲ့ သူတို့မိသားစုပြဿနာတွေနဲ့ Kym ပြန်ရောက်လာတာကြောင့် အမြစ်ပြန်ပေါ်လာတဲ့ အနာဟောင်းတွေကို သူတို့မိသားစုဘယ်လိုဖြေရှင်းကြမလဲဆိုတာကို ကြည့်ရှုခံစားရမှာဖြစ်ပါတယ်.... (အညွှန်းကို Aerin မှ ရေးသားထားပါတယ်) File size…2.29GB / 1.01GB Quality… BluRay 1080p/ 720p Format…mp4 Duration….1h 54m Genre ….. Romance, Drama Subtitle….Myanmar Subtitle (Hard Sub) Translated by Aerin Encoded by AHtet

ဗိုလ်မှူးဘန်မာကိုနဲ့ ပထမတန်းဆာဂျင် ရေမွန်ရှောတို့ဟာ ၁၉၉၁ ခုနှစ် ကန္တာရမုန်တိုင်းတိုက်ပွဲမှာ ပါဝင်ခဲ့ကြပါတယ်။ အဲဒီတိုက်ပွဲမှာ ရဲရင့်စွာ တိုက်ခိုက်ခဲ့တယ်ဆိုတဲ့ အကြောင်းပြချက်နဲ့ ရေမွန်ဟာ ဂုဏ်ထူးဆောင်ဆုတံဆိပ် ချီးမြှင့်ခံရပြီး နောက်ပိုင်းမှာ လွှတ်တော်အမတ် ဖြစ်လာတယ်။ အခုတော့ ဒုတိယသမ္မတအဖြစ် ရွေးကောက်ခံဖို့အထိ ရှေ့ဆက်နေပါပြီ။ ဒါပေမဲ့ ဘန်နဲ့ အဲဒီတိုက်ပွဲမှာ ရှိခဲ့တဲ့တပ်သားတွေက ထူးဆန်းတဲ့အိပ်မက်တစ်ခုကို ထပ်ခါထပ်ခါ မက်နေကြတယ်။ အိပ်မက်ထဲမှာတော့ ဆုတံဆိပ်ရသင့်သူဟာ ရေမွန်မဟုတ်ဘဲ ဘန်ဖြစ်နေပြီး ရေမွန်ကိုသာ ထိုက်တန်သူလို့ ယုံကြည်အောင် နည်းတစ်မျိုးမျိုးနဲ့ စိတ်ကို ထိန်းချုပ်ထားသလို အပိုင်းအစတွေ မြင်နေကြရပါတယ်။ ရေမွန် ဆုတံဆိပ်ရလာတဲ့နောက်ကွယ်မှာ ဘာတွေရှိနေတာလဲ၊ တိုက်ပွဲထဲမှာ တကယ်ဘာဖြစ်ခဲ့တာလဲဆိုတာ ဘန်က စုံစမ်းဖို့ ကြိုးစားလာတယ်။ နိုင်ငံရေးလှည့်ကွက်တွေနဲ့ စိတ်ပိုင်းဆိုင်ရာလှည့်စားမှုတွေကို တွဲဖော်ပြထားတဲ့ ဒီဇာတ်ကားမှာ Denzel Washington၊ Liev Schreiber၊ Meryl Streep၊ Jon Voight နဲ့ Kimberly Elise တို့ ပါဝင်သရုပ်ဆောင်ထားပါတယ်။

Unbreakable (2000) IMDb Rating (7.3) / Rotten Tomatoes (70%) Mr.glassဆိုတဲ့လူကိုကြားဖူးကြလားဗျ မကြားဖူးသေးရင်တော့2019 ဇန်နဝါရီလရဲ့ပထမအပတ်မှာရုံတင်တော့မယ့် Glass ကိုသွားကြည့်ရင် အဆင်ပြေလှမှာမဟုတ်ပါဘူး။ Mr.glassဆိုတာ Osteogenesis Imperfecta လို့ခေါ်တဲ့ အရိုးကြေမွလွယ်ရောဂါဖြစ်နေတဲ့လူမမာလေးပါ။ ငယ်ငယ်ထဲကဆေးရုံမှာပဲကြီးပျင်းလာတာဖြစ်ပြီး သူ့အမေ ယူယူလာပေးတဲ့ ကာတွန်းစာအုပ်တွေနဲ့သာကြီးပျင်းလာတဲ့ကလေးလေးတစ်ယောက်ပါ။ ခန္ဓာကိုယ်ကိုသိပ်မသုံးနိုင်တဲ့သူ့ရဲ့ ဦးနှောက်ဟာအစွန်းတစ်ဖက်ရောက်တဲ့အထိစွမ်းဆောင်ရည်ရှိနေပါတယ်။ သူအဲ့ဦးနှောက်ကိုပြန်အသုံးချဖို့တော့ကာတွန်းစာအုပ်တွေကလွဲပြီးမရှိခဲ့ပါဘူး။ ကလေးဘဝကလုပ်ဆောင်နိုင်စွမ်းတွေဟာအသက်ရလာတာနဲ့အတူပိုပိုပြီးတိုးလာခဲ့ပါတယ်။ သူ့ကိုယ်သူဘယ်သူလဲဆိုတာလည်းအရမ်းရှာချင်ခဲ့ပါတယ်။ အရွယ်ရောက်လာတာနဲ့အမျှသူ့ကိုယ်သူရှာတဲ့ကိစ္စကလည်းပိုပြီးတွင်ကျယ်လာခဲ့ပါတယ်။ ကာတွန်းစာအုပ်တွေထဲကလိုပဲ သူ့ရဲ့အစွန်းတစ်ဖက်ကိုသူရှာခဲ့ပါတယ်။ Dunnလို့ခေါ်တဲ့လူအာဂဟာ အယောက်၁၃၁ယောက်ကိုသေသွားစေတဲ့ ရထားမတော်တဆမှုမှာခြစ်ရာမထင်ပဲကျန်ခဲ့ပါတယ်။ အိမ်ထောင်ရေးအဆင်မပြေတဲ့ပုံမှန်အခြေခံလူတန်းစား Dunn ဟာ အဲ့အဖြစ်အပျက်တွေဖြစ်ပြီးသိပ်မကြာခင်မှာပဲ လူထူးဆန်းတစ်ယောက်နဲ့မဖြစ်မနေရင်ဆိုင်ရပါတော့တယ်။ အဲ့လူကတော့ Mr.glassဖြစ်ပြီး Dunn ရဲ့ဘဝတစ်ခုလုံးကိုပြောင်းသွားစေမယ့်comic factsတွေနဲ့ သွေးအေးတဲ့လူသတ်မှုတွေကိုအရသာရှိရှိကြည့်ရမှာပဲဖြစ်ပါတယ်။ (အညွှန်းနဲ့ဘာသာပြန်ကတော့ Lin Kyaw Swar Aung ဖြစ်ပါတယ်။) File size…(1.5 GB) / (630 MB) Quality….Blu-Ray 1080p HEVC /720p Format…. mkv/mp4 Genre….Drama,Mystery,Thriller Duration….01:47:39 Subtitle….Myanmar Subtitle (Hardsub) Encoder….Double K Translated by Lin Kyaw Swar Aung

ဒီဇာတ်ကားက Toni Morrison ရဲ့ Pulitzer ဆုရထားတဲ့ ဝတ္ထုကို အခြေခံထားပြီး၊ ဒါရိုက်တာ Jonathan Demme က ရိုက်ကူးထားတဲ့ ဒရာမာနဲ့ သည်းထိတ်ရင်ဖိုမှုတွေ ပါဝင်တဲ့ ရုပ်ရှင်တစ်ခုပါ။ ၁၉ ရာစုနှစ် အမေရိကန်ပြည်တွင်းစစ်ပြီးခေတ် အိုဟိုင်းယိုးပြည်နယ် (Ohio) မှာ ဇာတ်အိမ်တည်ထားပါတယ်။ ဇာတ်လမ်းက Sethe (Oprah Winfrey) ဆိုတဲ့ အာဖရိက-အမေရိကန် အမျိုးသမီးတစ်ယောက်အကြောင်းပါ။ သူမဟာ ကျွန်စနစ်ရဲ့ ရက်စက်မှုကနေ လွတ်မြောက်လာခဲ့ပြီး၊ သမီးဖြစ်သူ Denver (Kimberly Elise) နဲ့အတူ ဘဝသစ်တစ်ခုကို တည်ဆောက်ဖို့ ကြိုးစားနေပါတယ်။ ဒါပေမယ့် သူတို့ရဲ့အိမ်မှာ ထူးဆန်းတဲ့ ဝိညာဉ်တစ်ခုရဲ့ ခြောက်လှန့်မှုတွေ ရှိနေပြီး Sethe ရဲ့ အတိတ်က သေဆုံးခဲ့တဲ့ သမီးဖြစ်သူနဲ့ ဆက်စပ်နေတယ်လို့ ယုံကြည်ထားပါတယ်။ တစ်နေ့မှာ Beloved (Thandiwe Newton) ဆိုတဲ့ ထူးဆန်းတဲ့ မိန်းမပျိုတစ်ယောက် သူတို့အိမ်ကို ရောက်လာပြီး Sethe နဲ့ Denver ရဲ့ဘဝထဲကို ဝင်ရောက်လာပါတယ်။ Beloved ရဲ့ ရောက်လာမှုက Sethe ရဲ့ အတိတ်က အကြမ်းဖက်မှုတွေ၊ ဆုံးရှုံးမှုတွေနဲ့ သူမရဲ့ သားသမီးတွေကို ကာကွယ်ဖို့ လုပ်ခဲ့ရတဲ့ နာကျင်ဖွယ် ဆုံးဖြတ်ချက်တွေကို ပြန်လည်အမှတ်ရစေပါတယ်။ Paul D (Danny Glover) ဆိုတဲ့ Sethe ရဲ့ အတိတ်က သူငယ်ချင်းတစ်ယောက်လည်း ဇာတ်လမ်းထဲမှာ ပါဝင်လာပြီး ထူးဆန်းတဲ့ ဖြစ်ရပ်တွေကို ရင်ဆိုင်ကြရပါတယ်။ ဒီဇာတ်ကားက ကျွန်စနစ်ရဲ့ ရက်စက်မှု၊ မိသားစုရဲ့ ချစ်ခြင်းမေတ္တာ၊ စိတ်ဒဏ်ရာတွေကို ကျော်လွှားခြင်းနဲ့ လွတ်မြောက်မှုရဲ့ အဓိပ္ပါယ်ကို နက်ရှိုင်းစွာ စူးစမ်းထားတဲ့ ဇာတ်လမ်းတစ်ပုဒ်ပါ။ Oprah Winfrey နဲ့ Thandiwe Newton တို့ရဲ့ သရုပ်ဆောင်မှုတွေက ဇာတ်ကားရဲ့ အားသာချက်တစ်ခုဖြစ်ပြီး လူ့စိတ်နဲ့ သမိုင်းရဲ့ နာကျင်ဖွယ်အမှန်တရားတွေကို ပုံဖော်ထားပါတယ်။ အဓိက သရုပ်ဆောင်များ: Oprah Winfrey, Thandiwe Newton, Danny Glover, Kimberly Elise File size…(3.4 GB)/(2 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama, Thriller, Horror  Subtitle….Myanmar Subtitle (Hardsub) Encoder….Swan Min Htet Translated by Peter Tulot

The Negotiator(1998) IMDb....7.3,,,,,,, Rotten...75% ဒန်နီ ရိုမန် (Samuel L. Jackson) ဆိုတဲ့ ရဲအရာရှိတစ်ယောက်ဟာ ချီကာဂို ရဲဌာနမှာ Negotiator လုပ်ရတဲ့ ရဲတစ်ယောက်ပေါ့…. Negotiator ဆိုတာ မြန်မာလိုဆိုရင် စေ့စပ်ညှိနှိုင်းဆွေးနွေးသူပေါ့ ….သူ့ရဲ့ အဓိကတာဝန်ကတော့ ပြန်ပေးဆွဲအမှုတွေ ဓားစာခံအမှုတွေမှာ သူက ဓားစာခံတွေ မထိခိုက်အောင် အနာတရ အသေအပျောက်မရှိအောင် ပြန်ပေးသမားနဲ့ စကားပြောပေးရတဲ့သူပေါ့…  သူပြောတဲ့စကားတစ်ခွန်းဟာ ပြန်ပေးသမားရဲ့ စိတ်အခြေအနေကို အဆိုးဘက်ကိုအနည်းငယ်ရောက်စေရုံနဲ့ ဓားစာခံရဲ့ အသက်အချိန်မရွေးပျောက်သွားနိုင်သလို အခြားမလိုလားအပ်တဲ့ ပြသနာတွေလည်း ရှိနိုင်ပါတယ်.... ဒန်နီရိုမန်ကတော့ ပြန်ပေးသမားကို သိမ်းသွင်းပြီး ဖြေရှင်းတဲ့အပိုင်းမှာ အထူးကျွမ်းကျင်သလို ရုပ်မြင်သံကြားမှာလည်း မကြာခဏ ချီးကျူးဖော်ပြခံနေရတဲ့ သူပေါ့…... လုပ်ဖော်ကိုင်ဘက်တွေကလည်း သူ့အပေါ်လေးစားကြတယ်.... တစ်နေ့တော့ ရဲဌာနထဲမှာ ရံပုံငွေတွေကို ဒေါ်လာသန်းနဲ့ ချီပြီး အလွဲသုံးစားလုပ်တဲ့ အမှုတစ်ခု ဖြစ်လာခဲ့ပါတယ်…... ဒီကိစ္စကို ကံဆိုးချင်တော့ ဒီအမှုကို ဒန်နီရိုမန် လုပ်တယ်ဆိုပြီး ထောင်ချောက်ဆင်ခံလိုက်ရတယ်... ဒီထောင်ချောက်ဆင်မှုကြောင့် လုပ်ဖော်ကိုင်ဘက်တွေရဲ့ရွံ့မုန်းတဲအကြည့်တွေရခဲ့တဲ့အပြင် မီဒီယာတွေရဲ့ခေါင်းစဉ်တွေမှာလည်း အကျင့်ပျက်ခြစားတဲ့ရွံစရာအကောင်းဆုံး လူသားအဖြစ်အဖော်ပြခံလိုက်ရတယ်...ဒန်နီရိုမန်အတွက် တကယ့်ကို ကမ္ဘာပျက်တဲ့အခိုက်အတန့်ပါပဲ....ကိုင်း ဒီအမှုကြီးကို ကို ဒန်နီရိုမန်တစ်ယောက်ဘယ်လိုရုန်းထွက်မလဲ ခံစားကြည့်လိုက်ပါဦး.... ဒီကားကတော့ ပြသချိန် ၂ နာရီခွဲနီးပါးရှိပေမယ့် အစအဆုံးဆွဲဆောင်မှုရှိသလို  Twist တွေ မထင်မှတ်တဲ့ရှုထောင့်တွေနဲ့ တကယ့်ကိုဆွဲဆောင်မှုရှိပါတယ်..အဓိက မင်းသား(၂)လက်ဖြစ်တဲ့  Samuel L. Jackson ကြီးနဲ့ Kevin Spacey တို့ပါဝင်လေတော့ အထူးကိုပြောစရာမလိုတော့ပါဘူး..ကိုင်းမှုခင်း ၊အက်ရှင်ကားကောင်းတွေကြိုက်တဲ့သူတွေအဖို့ လက်မလွှတ်သင့်ပါကြောင်း သတင်းကောင်းပါးပါရစေ... ဇာတ်လမ်းအညွှန်းနဲ့ ဘာသာပြန်သူကတော့ Zuel Khant Thwin ပဲဖြစ်ပါတယ်.... File Size :(2.24GB) (1GB) Quality : ,1080p5.1ch , 720p Format…mp4 Duration…02:20:00 Genre :  Action, Crime, Drama Subtitle : Myanmar Subtitle (Hard Sub) Translated by Zuel Khant Thwin Encoded by Phyo Pyae

ဒီရုပ်ရှင်က ဘယ်လိုရုပ်ရှင်မျိုးလဲဆိုတာ ဥပမာပေးရရင် ဟိုးတုန်းက ကြက်ဥနဲ့ကြက်မ ဘယ်ဟာ အရင်ဖြစ်သလဲဆိုတဲ့Paradoxလိုပါပဲ။ ဒါပေမယ့် သိပ္ပံပညာရှင်တွေက ကြက်ဥခွံမှာပါတဲ့ ဒြပ်တစ်မျိုးကို ကြက်မကသာထုတ်နိုင်တယ်ဆိုတာ အတည်ပြုပြီးစီးခဲ့တဲ့အတွက် တခြား ဥပမာတစ်ခုပြောင်းသုံးပါမယ်။ ဘုရားသခင်သာ အရာအားလုံး လုပ်နိုင်တယ်ဆိုရင်သူမ နိုင်စွမ်းမရှိတဲ့ တောင်တစ်လုံးကို ဖန်ဆင်းနိုင်ပါသလားဆိုတဲ့ Omnipotence paradoxပါ။ ဘုရားသခင်က သူမနိုင်စွမ်းမရှိတဲ့ တောင်တစ်လုံးကို ဖန်ဆင်းလိုက်တယ်ဆိုရင်လည်း သူအရာအားလုံး မလုပ်နိုင်တော့ပါဘူး။ မဖန်ဆင်းဘူးဆိုရင်လည်း သူ အရာအားလုံး မလုပ်နိုင်သေးပြန်ပါဘူး။ ဒီရုပ်ရှင်ကလည်း ဒီလိုပါပဲ ကိုယ့်အမြှီး ကိုယ်ပြန်မြိုထားတဲ့ မြွေတစ်ကောင်ပါပဲ။ 1996မှာစပြီး လေထုထဲ ဗိုင်းရပ်စ်တစ်မျိုး ပျံ့နှံ့ခဲ့တာကြောင့် ကမ္ဘာမြေမျက်နှာပေါ်မှာ လူတွေနေလို့မရတော့ပါဘူး။ လူသားတွေဟာ မြေအောက်ထဲမှာ မြေကြွက်တွေလို ရှင်သန်နေရပါတယ်။ 2035မှာ‌တော့သိပ္ပံပညာတိုးတက်လာတာနဲ့ တစ်ပြိုင်နက် အချိန်ယန္တရားကို တီထွင်နိုင်ခဲ့ပါပြီ။ သိပ္ပံပညာရှင်တွေဟာ ကမ္ဘာကြီးကိုကယ်တင်ဖို့ ကမ္ဘာ့လေထုထဲ ပျံ့နှံ့နေတဲ့ ဗိုင်းရပ်စ်ရဲ့ mutation ဖြစ်မသွားခင် မူလပုံစံရဲ့ အချက်အလက်တွေကို အတိတ်ကနေ ပြန်စုံစမ်းဖို့ အခွင့်အရေးရလာပါတယ်။ ကောက်ချက်တွေအရတော့ 12monkeysလို့ခေါ်တဲ့ အဖွဲ့အစည်းတစ်ခုက ဗိုင်းရပ်စ်ကို ဖြန့်ခဲ့တာ သိထားပါပြီ။ 12monkeysကို စုံစမ်းဖို့ လွှတ်ရမယ့် အန္တရယ်များတဲ့ အချိန်ခရီးရှည်ကြီးကိုတော့ လူကောင်းသူကောင်းတွေကိုသူတို့လွှတ်လို့ အဆင်မပြေပါဘူး။ ဆိုတော့ကာ ထောင်သားတွေကို လုပ်အားပေးအနေနဲ့သုံးပြီး ပြစ်ဒဏ်ကင်းလွတ်ခွင့်ကို မက်လုံးပေး ခိုင်းစေခဲ့ပါတယ်။ ဒီစုံစမ်းမှုအတွက် အပြစ်သားအတော်အသုံးချခဲ့ပေမယ့် အချိန်လွဲချော်မှုအစရှိတဲ့ ကယောက်ဂယက်တွေကြောင့် အတော်များများ ရူးသွားခဲ့တာပါပဲ။ သိပ္ပံပညာရှင်တွေဟာ စူးစမ်းရှာဖွေမှုကောင်းတဲ့ ဂျိမ်းစ်ကိုးလ်ကို လုပ်အားပေးအလှည့်ကျအဖြစ် ဗိုင်းရပ်စ်ဖြစ်ခဲ့တဲ့ ၁၉၉၆ကိုလွှတ်လိုက်ပါတယ်။ ကံဆိုးချင်တော့ ကိုးလ်ရောက်သွားတာ ၁၉၉၀ပါ။ လမ်းမပေါ် ပလတ်စတစ်အကြည်သား ဝတ်စုံကြီးဝတ် အတွင်းခံကလွဲအထင်းသားမြင်နေရတဲ့ ကိုးလ်ကို ၁၉၉၀က လူတွေ ပို့လိုက်တဲ့တစ်ခုတည်းသောနေရာက အရူးထောင်ပါပဲ။ ဒီရုပ်ရှင်မှာ အရာအားလုံးက အကျိူးအကြောင်းတစ်ခုနဲ့ ဖြစ်‌နေကြတာပါ။ ဒီလိုနဲ့ 12monkeysရှိတောင်မရှိသေးတဲ့ ကာလကို ရောက်လာတဲ့ ကိုးလ်ဟာ သူတွေ့သင့်လား ‌မတွေ့သင့်လား ကျွန်တော်တို့တောင် မရေရာတဲ့ လူတွေနဲ့ တွေ့ခဲ့ရပါတယ်။ အနာဂတ်ကလာတယ်ပြောပေမယ့် သက်သေပြစရာမရှိတဲ့ ကိုးလ်ဟာ ဆေးရုံကနေ ထွက်ပြေးဖို့ကြိုးစားတဲ့အတွက် တိုက်ပိတ်ခံလိုက်ရပါတယ်။ ဆရာဝန်တွေလာစစ်တဲ့ အခါမှာတော့ လေဝင်ပေါက်ကလေးလွဲ ဘာမှမရှိတဲ့အခန်းကနေ ကိုးလ်ဟာ ထူးဆန်းစွာပဲ ပျောက်ဆုံးသွားပါတယ်။ သူ့ကို ဘယ်သူမှလည်း မတွေ့တော့ပါဘူး။ ခြောက်နှစ်အကြာ 1996မှာတော့ ပေါင်မှာ သေနတ်ဒဏ်ရာကြီးနဲ့ ကိုးလ် ပြန်ပေါ်လာပြီး စိတ်ရောဂါကုဆရာဝန် ဒေါက်တာ ကတ်သရင်းရေလ်လီကို ပြန်ပေးဆွဲခဲ့ပါတယ်။ ‌ဗိုင်းရပ်စ်ဖြစ်လာဖို့ အချိန်အရမ်းနီးနေပါပြီ။ 12Monkeysနောက်ကို ကိုးလ်လိုက်နေပေမယ့် လိုက်လေဝေးလေဖြစ်နေပါပြီ။ သူ့ကို ယုံကြည်တဲ့လူလည်း တစ်ဦးတစ်ယောက်မှ မရှိပါဘူး။ ရဲတွေလိုက်ရှာနေတဲ့ကြားကနေ ကိုးလ်ထပ်ပျောက်သွားပေမယ့် ကတ်သရင်းကတော့ ကိုးလ်ပေါင်ထဲက သူထုတ်ခဲ့တဲ့ကျည်ဆန်ဟာ ပထမကမ္ဘာစစ်ကဆိုတာ သိလိုက်ပြီ ပထမကမ္ဘာစစ်အတွင်းက ကိုးလ်လို့ယူဆရတဲ့လူတစ်‌ယောက်ဓာတ်ပုံကိုတွေ့လိုက်တဲ့အခါမှာတော့... Time Travleကား တစ်ခုပေမယ့် ပြချင်တဲ့ Conceptကတော့ အတော်များပါတယ်။ တိရိစ္ဆာန်အခွင့်အရေးနဲ့ ပတ်ဝန်းကျင်ထိန်းသိမ်းရေးတို့ရဲ့ အစွန်းနှစ်ဖက်၊ Alfred Hitchcock ရုပ်ရှင်၊ အိုမာခယမ်ကဗျာ၊ နာမည်ကျော်သမိုင်းဖြစ်ရပ်တွေကို Refယူထားပြီး ဖြစ်ရပ်တွေ Dialougeတွေရဲ့ အချိတ်အဆက်က သေသပ်ပါတယ်။ ဒီရုပ်ရှင်နဲ့ Brad Pittပထမဆုံး အော်စကာ ဆန်ခါတင် ဝင်ထားပြီး Sound Trackတွေထဲ WOLFGANG AMADEUS MOEZARTရဲ့ Piano Concertoတောင်ပါပါတယ်။ ( အညွှန်းနဲ့ဘာသာပြန်သူကတော့ WiRa Aung ဖြစ်ပါတယ် ) File size__(2.5GB ) and (1.4GB) Quality__1080p ,720p IMDb Rating__8.0/10 Format__mp4 Duration__02:09:31 Type__Comedy , Romance Subtitle__Myanmar Subtitle (Hardsub) Translated by WiRa Aung Encoded by Naing Aung Latt

၁၉၉၀ ဝန်းကျင်၊ AIDS အကြောင်း လူတွေ သေသေချာချာ နားမလည်ကြသေးတဲ့အချိန်ကို အခြေခံထားတဲ့ ဇာတ်လမ်းပါ။ Philadelphia မြို့က အရည်အချင်းရှိတဲ့ စီနီယာရှေ့နေ Andrew Beckett ဟာ AIDS ရောဂါရှိနေပေမယ့် အလုပ်အတွက် စိုးရိမ်တာကြောင့် ဖုံးကွယ်ထားခဲ့ပါတယ်။ ဒါပေမယ့် နဖူးပေါ်က အနာကို တွေ့သွားကြပြီးနောက် သူကိုင်တွယ်နေတဲ့ အရေးကြီးအမှုကို အကြောင်းတစ်ခုခုပြပြီး ပြန်ရုပ်သိမ်းသွားသလို သူ့ကိုလည်း အလုပ်ထုတ်လိုက်ကြတယ်။ Andrew ကတော့ ရောဂါကြောင့် အလုပ်ထုတ်ခံရတာလို့ ယုံကြည်ပြီး သူအလုပ်လုပ်ခဲ့တဲ့ ရှေ့နေအဖွဲ့ကို တရားရင်ဆိုင်ဖို့ ဆုံးဖြတ်ပါတယ်။ ဒါပေမယ့် အဲဒီအဖွဲ့ရဲ့ ဂုဏ်သတင်းကြောင့် သူ့ဘက်က အမှုလိုက်ပေးမယ့် ရှေ့နေ ရှာမရဘူး။ ရှေ့နေကိုးယောက်အထိ ငြင်းပယ်ခံခဲ့ရပြီးနောက် Joe Miller ဆီ ရောက်လာတဲ့အခါမှာတော့ သူ့အမှုကို လက်ခံပေးခဲ့ပါတယ်။ ရှေ့နေတစ်ယောက်က ကိုယ့်အတွက် ရှေ့နေငှားရတဲ့ ဒီအမှုမှာ တရားခွင်အတွင်း ဘာတွေ ရင်ဆိုင်ရဦးမလဲ၊ AIDS ရောဂါရှိသူတစ်ယောက်ကို လူတွေက ဘယ်လို ဆက်ဆံဆုံးဖြတ်ကြမလဲဆိုတာကို ဆက်ပြထားပါတယ်။ Tom Hanks နဲ့ Denzel Washington တို့ ပါဝင်သရုပ်ဆောင်ထားတဲ့ ဒရမ်မာရုပ်ရှင်ပါ။

IMDB (6.5) / Rotten Tomatoes (73%) အလီဆင်ဟာ ရှေးရိုးစွဲ (စကွဲ) လို့ခေါ်ကြတဲ့ မိသားစု ဝန်းကျင်ကနေဆင်းသက်လာတဲ့ မိန်းမလှလေးတစ်ယောက်၊ တစ်သက်လုံး လိမ်မာခဲ့ရတာ စိတ်ကုန်လှပါပြီလို့ ဆုံးဖြတ်မိရာကနေ ခရိုင်းဘေဘီဝေါလ်ကာ ဆိုတဲ့ ဆန့်ကျင်ဘက် ဒရိတ်ပ် ခေါ် ဆိုးသွမ်းလူငယ်အဖွဲ့ တစ်ဖွဲ့ရဲ့ခေါင်းဆောင် ခပ်မိုက်မိုက်ဂေါ်ဘဲတစ်ပွေနဲ့ ချစ်ကျွမ်းဝင်မိပါတယ်။ မျိုးနွယ်ချင်း ခံယူချက်ချင်း ယဉ်ကျေးမှုချင်း တောင်နဲ့မြောက် အရှေ့နဲ့အနောက်လို ကွာခြားချက် အစစအရာရာတွေကိုဆန့်ကျင်ပြီး သူတို့ဇာတ်လမ်းမှာ ကြုံရမယ့် အခက်အခဲတွေကို ဘယ်လိုရင်ဆိုင်ဖြတ်ကျော်မလဲဆိုတာကို ဂီတတွေနဲ့ မြူးမြူးကြွကြွပုံဖော်ထားတဲ့ Comedy, Musical ကိုမှ ဂန္ဓဝင်ကားကောင်းတစ်ကားဖြစ်ပါတယ်။ အဲလ်ဗစ်ပရက်စလေရဲ့ ရုပ်ရှင်တွေ ၁၉၅၀ ဝန်းကျင်က ဆိုးသွမ်းလူငယ်တွေအကြောင်းနာမည်ကျော် ရုပ်ရှင်တွေကို တစ်စိတ်တစ်ပိုင်းသရော်လှောင်ပြောင်ထားတာဖြစ်တဲ့အတွက် သူတို့ ရဲ့ ရုပ်တည်ကြီးနဲ့ ခံစားချက်အပြည့်နဲ့အမူအယာတွေဟာ အတည်ပေါက်နဲ့ခွီရမယ့်အကွက်တွေပါပဲ။ ခရိုင်းဘေဘီရဲ့ ဇာတ်ကောင်နေရာနဲ့ကိုက်ညီတဲ့ လူငယ်မင်းသား ရှာဖို့ ဒါရိုက်တာဟာ ဆယ်ကျော်သက် မဂ္ဂဇင်းတွေကို အဲ့ဒီခေတ်က ဒေါ်လာ သုံးဆယ်ဖိုးဝယ်ယူခဲ့ပြီး မျက်နှာဖုံးအားလုံးဟာ ၁၉၈၇ က 21 Jump Street ဇာတ်လမ်းတွဲရဲ့ ခေါင်းဆောင်မင်းသား အားလုံးရဲ့ အချစ်တော် Johnny Depp ပုံတွေချည်းဖြစ်နေတဲ့အတွက် သူ့ကိုရွေးဖြစ်ခဲ့တာပါတဲ့။ သူ့ကိုမရွေးဖြစ်ခင်အထိ ထည့်သွင်းစဉ်းစားခဲ့တဲ့သူတွေထဲမှာ Tom Cruise, Robert Downey Jr နဲ့ Jim Carrey တို့အထိပါဝင်ခဲ့ပါသေးတယ်လို့ ဆိုပါတယ်။ File size…(1.5 GB) and (940 MB) Quality…Blu-Ray Rip 1080p and 720p Format…mp4 Duration….01:32:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias