Johan Rheborg ပါဝင်သော ဇာတ်ကားများ

The Storm (2026) IMDb Rating (5.0) အခုမိတ်ဆက်ပေးမှာကတော့ Stormen (The Storm) ဆိုတဲ့ ၂၀၂၆ ထွက် ဆွီဒင် Dark Comedy ရုပ်ရှင်ကားပါ။ ဖိလစ် နဲ့ ကိုယ်ဝန်ရင့်မာကြီးဖြစ်နေတဲ့ သူ့ဇနီး ကာရိုလိုင်းတို့က ဆွီဒင်မြောက်ပိုင်းက တောကျကျ ခြံဝင်းကြီးတစ်ခုကို ဝယ်ပြီး ဟိုတယ်လိုမျိုး ပြန်လည်ပြင်ဆင်ခဲ့ကြတယ်။ တကယ်တော့ သူတို့မှာ ပိုက်ဆံအကုန်ပြတ်သွားပြီး ဒေဝါလီခံရမယ့် အခြေအနေ ရောက်နေတာပါ။ ဒါကြောင့် ဖိလစ်ရဲ့ ၄၅ နှစ်ပြည့် မွေးနေ့ပါတီကို အကြောင်းပြပြီး တက္ကသိုလ်တုန်းက ချမ်းသာတဲ့ သူငယ်ချင်းတစ်စုကို သူတို့ဆီ ဖိတ်ခေါ်လိုက်ကြတယ်။ ကာရိုလိုင်းရဲ့ စိတ်ကူးကတော့ မွေးနေ့ပွဲလုပ်ရင်းနဲ့ အဲဒီသူငယ်ချင်းတွေကို သူတို့ရဲ့ စီးပွားရေးလုပ်ငန်းမှာ ရှယ်ယာဝင်ဖို့ လှည့်ဖြားစည်းရုံးပြီး ပိုက်ဆံအလစ်အငိုက် တောင်းဖို့ပေါ့။ ရောက်လာတဲ့ သူငယ်ချင်းတွေကလည်း အပြင်ပန်းကြည့်ရင် အဆင်ပြေနေပုံရပေမဲ့ လူတိုင်းမှာ ကိုယ်စီ မှောင်မိုက်တဲ့ လျှို့ဝှက်ချက်တွေ ရှိနေကြတယ်။ ရာထူးကပြုတ်တော့မယ့် လုပ်ငန်းရှင်၊ ကလေးနေမကောင်းတာကို ထားခဲ့ပြီး လင်မယားချင်း စိတ်ကောက်နေတဲ့ စုံတွဲ စသဖြင့်ပေါ့။ အဲဒီလိုနဲ့ အားလုံးစုံလို့ ပါတီလုပ်နေတုန်း အပြင်မှာ မမျှော်လင့်ဘဲ ဆိုးရွားလွန်းတဲ့ နှင်းမုန်တိုင်းကြီး တိုက်ခတ်လာပြီး လျှပ်စစ်မီးတွေ အကုန်ပြတ်တောက်သွားပါတော့တယ်။ အမှောင်ထဲမှာ ပိတ်မိသွားတဲ့ သူငယ်ချင်းတစ်စုက အရက်တွေ အလွန်အကျွံသောက်၊ မတော်တဆ စိတ်ကြွမှိုတွေပါ စားမိပြီးနောက်မှာတော့ ဘရိတ်မရှိတော့ဘဲ ထိန်းမရသိမ်းမရ ဖြစ်ကုန်ကြတယ်။ အချင်းချင်း မနာလိုမှုတွေ၊ အိမ်ထောင်ရေးပြဿနာတွေ၊ ဖုံးကွယ်ထားတဲ့ လျှို့ဝှက်ချက်တွေ အကုန်လုံး အပြင်ကို ဝုန်းဒိုင်းကြဲ ပေါက်ကွဲထွက်လာပြီး အော်ဟစ်ဆဲဆို ရန်ဖြစ်ကြတဲ့အထိ ပါတီကြီးက ဗြောင်းဆန်သွားပါတော့တယ်။ ဒီလိုနဲ့ နှင်းမုန်တိုင်းဒဏ်တင်မကဘဲ လူတွေရဲ့ စိတ်ခံစားချက် မုန်တိုင်းဒဏ်ကိုပါ အလူးအလဲ ခံလိုက်ရတဲ့ ဒီသူငယ်ချင်းတစ်စု၊ တစ်ညလုံး ရူးသွပ်စရာ အလွဲအချော်တွေ ဖြစ်ပြီးတဲ့နောက် မနက်လင်းလို့ မုန်တိုင်းစဲသွားတဲ့အခါ သူတို့တွေရဲ့ ဆက်ဆံရေး ဘာတွေဆက်ဖြစ်မလဲ၊ အိမ်ရှင်လင်မယားရဲ့ လှည့်ကွက်ကော အောင်မြင်သွားမလဲဆိုတာကိုတော့... ရယ်ရယ်မောမောနဲ့ပဲ ဆက်ကြည့်လိုက်ဖို့ ညွှန်းပါရစေ။ File size… (5.8 GB) / (1.3 GB) / (870 MB) Quality…. WEB-Rip 4K HEVC / 1080p HEVC / 720p Format…. mkv/mp4 Genre…. Comedy,Drama Duration…. 01:41:34 Subtitle…. Myanmar Subtitle (Hardsub)

The Glass Dome (2025) IMDb 6.6/10 IMDb rating 86နဲ့ ပွဲထွက်လာတဲ့ အပိုင်း၆ပိုင်းပါ ဆွီဒင်ဇာတ်လမ်းတွဲအတိုလေးပဲဖြစ်ပါတယ်။ ဇာတ်လမ်းအကျဉ်း အမေရိကမှာနေတဲ့ လေလာဟာ သူ့ရဲ့မွေးစားအမေ ဆုံးသွားလို့ ဆွီဒင်ကသူမရဲ့ မြို့ငယ်လေးကိုပြန်လာဖို့ဖြစ်လာပါတယ်။ နာရေးကိစ္စတွေပြင်ဆင်ပြီး မပြန်ခင် ငယ်ပေါင်းသူငယ်ချင်း လူဝိစ်နဲ့ မပြန်ခင်မနက်မှာ စကားပြောဖို့ ချိန်ထားခဲ့ပြီး လူဝိစ်ရဲ့အိမ်ကိုအရောက်မှာတော့ လူဝိစ်ဟာ ရေချိုးဇလားထဲမှာ သေဆုံးနေပြီ ဖြစ်ပြီး လူဝိစ်ရဲ့သမီးလေးဟာလည်း ပျောက်ခြင်းမလှပျောက်လို့နေပါတယ်။ လူဝိစ်ရဲ့ ခင်ပွန်းနဲ့ယောက်က္ခမတို့ဟာ သူတို့ရဲ့ ဂရာနို့စ်ဆိုတဲ့ မြို့လေးမှာ လူအများကန့်ကွက်နေတဲ့ကြားက မိုင်းတွင်းကုမ္ပဏီအလုပ်လုပ်ကိုင်နေတဲ့ မိသားစုဖြစ်လို့ လူမုန်းအတော်များလှပါတယ်။ လူဝိစ်သေဆုံးရခြင်းကိစ္စဟာ မိုင်းတွင်းကို လူအများကန့်ကွက်နေကြရင်း လက်စားချေတာလား ခြိမ်းခြောက်တာလားဆိုတဲ့ကိစ္စကိုလည်း ရဲမှူးတိုမာ့စ်တို့ ခေါင်းစားနေရပါတယ်။ ဇာတ်လမ်းမြှုပ်ကွက်များစွာနဲ့ စိတ်ဝင်စားဖွယ် ဆွဲခေါ်သွားမယ့် စီးရီးဇာတ်လမ်းတိုလေးဖြစ်လို့ movie နဲ့လည်းအားမရ စီးရီးအရှည်ကြီးတွေလည်း မကြည့်အားတဲ့လူတွေအတွက် သင့်လျော်မယ့် ဇာတ်အိမ်မျိုးဖြစ်လို့ ကြည့်ကိုကြည့်သင့်တဲ့ စီးရီးမျိုးဖြစ်ပါတယ်။ အညွှန်းနဲ့ဘာသာပြန်ကိုတော့ CM Team ကပဲတင်ဆက်ထားတာဖြစ်ပါတယ်ခင်ဗျ။ File Size –700 MB (Appx;)@Episode Quality – 1080p WEB DL Duration – 50minute (@Episode) Total Episodes: 6Eps Subtitle – Myanmar Hardsub Format – Mp4 Genre : Drama, Crime Translator – CM Team Encoder – YK

Nova and Alice are two contrasting artists who are reluctantly forced to go on a joint tour by their manager. The clash is inevitable - both musically and personally.

မိခင်မရှိတော့ဘဲ ဖခင်ဖြစ်သူနဲ့နေနေရတဲ့ နယ်လီရာ့ပ်... မိခင်ဖြစ်သူနဲ့ဦးလေးဖြစ်သူလို Monster agent ကြီးဖြစ်ချင်နေတဲ့သူ နွေရာသီကျောင်းပိတ်ရက်မှာ ဦးလေးဖြစ်သူဆီမှာနေရဖို့ အကြောင်းဖန်လာခဲ့ပါတယ် Monster agentဆိုတာကတော့ လူတွေကိုမွန်းစတားတွေရန်ကနေကာကွယ်ဖို့ဖွဲ့ထားတဲ့အဖွဲ့ပါနဂိုကတည်းက monster agent ဖြစ်ချင်နေသူ နယ်လီက ဦးလေးနဲ့အတူနေရတဲ့အခါမှာတော့ သူဟာအေးဂျင့်တစ်ယောက်လုပိဖို့အသင့်ဖြစ်ပြီဆိုတာကို ဦးလေးဖြစ်သူကိုသက်သေပြဖို့လုပ်လာပါတယ် နယ်လီတစ်ယောက် အမျိုးမျိုးအဖုံဖုံသောမွန်းစတားတွေအကြောင်းလေ့လာရင်း လက်တွေ့လုပ်ချင်လာတဲ့အခါမှာတော့... ဇာတ်လမ်းလေးက နယ်လီလေးရဲ့စွန့်စားခန်းလေးတွေနဲ့အတူ ပေါ့ပေါ့ပါးပါးဟာသလေးနှောကာရိုက်ကူးထားပြီး ဆုနှစ်ဆုအပြင်ဇကာတင်စာရင်းလေးခုထဲဝင်ထားတဲ့ကားလေးဖြစ်တာကြောင့် စိတ်အပန်းဖြေချင်သူတွေအတွက် သင့်လျော်တဲ့ကားလေးတစ်ကားပါလို့ညွှန်းပါရစေ။ File Size__1.6 GB, 900 MB Quality__1080p, 720p IMDb Rating__6.2/10 Format__mp4 Duration__01:30:00 Type__Adventure, Comedy, Family Subtitle__Myanmar Subtitle (Hardsub) Translated by Chit Tee & Oleander Encoded by Naing Aung Latt

The 100 Year-Old Man Who Climbed Out the Window and Disappeared (2013) Original title: Hundraåringen som klev ut genom fönstret och försvann IMDb Rating (7.0) / Rotten Tomatoes (68%) ကဲ...မိတ်ဆွေတို့ရေ..... ဒီတစ်ခေါက်ကတော့ အသက် ၁၀၀ ကျော် အဘိုးကြီးတစ်ယောက်ရဲ့ စွန့်စားခန်းလေးအကြောင်းကို ပြောပြသွားပါ့မယ်.. သူ့နာမည်က အယ်လန်ကာလ်ဆန် တဲ့..... ရုပ်ရှင်နာမည်အတိုင်းပဲ အသက်၁၀၀ကျော် အဘိုးကြီးတစ်ယောက် ဘိုးဘွားရိပ်သာ ပြတင်းပေါက်ကနေ ကျော်ထွက်သွားပြီး ဘယ်တော့မှ ပြန်ပေါ်မလာတော့တဲ့ အကြောင်းပါ။ ကိုယ့်လူတို့ကတော့ တွေးနေကြမှာပဲ..."ဟ..ပြတင်းပေါက်က ကျော်ထွက်တာများ အဆန်းလုပ်လို့ကွာ" လို့ တွေးမိကြမှာပါ။ ဟုတ်ပါတယ်..ကျွန်တော်တို့လို လူငယ်တွေအတွက်ကတော့ မဆန်းပါဘူး။ ဒါပေမယ့် အသက် ၁၀၀ ကျော်ဖြစ်တဲ့ အဘိုးအိုတစ်ယောက်အတွက်ကတော့ မဟာ့မဟာ စွန့်စားခန်းကြီးပါ။ ဟုတ်ကဲ့...အဲ့ထက်ဆန်းတာ ရှိပါသေးတယ်။ သူထွက်ပြေးတဲ့နေ့က သူ့ရဲ့ အသက် ၁၀၀ ပြည့် မွေးနေ့ပါ။ သူ့မှာ အလွန်ကို စိတ်တွေလှောင်ပိတ်နေလို့ ထွက်ပြေးရတဲ့အထိ ဖြစ်သွားတာပါ။ သူဟာ Autism တစ်ယောက်ပါ။ သူ့ဘဝမှာ ဖောက်ခွဲရတာကလွဲလို့ ကျန်တာတွေ ခေါင်းထဲမဝင်ခဲ့သူတစ်ဦးပေါ့.... ဒီရုပ်ရှင်ဟာ ဆွီဒင် စာရေးဆရာ Jonas Jonasson ရဲ့ နိုင်ငံရေးနောက်ခံ ဟာသဝတ္ထုကြီးကို အသက်သွင်းထားတဲ့ ဆွီဒင်စကားပြော Dark Comedy ရုပ်ရှင်ကားဖြစ်ပါတယ်။ အယ်လန့်ကြောင့် နိုင်ငံရေးသမားတွေ လှုပ်လှုပ်ရှားရှား ဖြစ်ခဲ့ရပါသေးတယ်။ ရထားမဆိုက်တော့တဲ့ ဘူတာရုံမှာ စတည်းချနေတဲ့ ဘိုးတော်တစ်ယောက်၊ အမြဲတမ်း တလွဲတွေပဲ ကောက်ချက်ချနေတတ်တဲ့ စုံထောက်တစ်ယောက်၊ စော်ကြောင်ချင်တာနဲ့ ရှိသမျှပညာ ငါတတ် ဆိုတဲ့ တတ်ယောင်ကားတစ်ယောက်၊ မိန်းကလေးတန်မဲ့ ဇိုးဇိုးဇက်ဇက် လုပ်တတ်တဲ့ ချာတိတ်မတစ်ယောက်၊ ငကြောင်တွေချည်း ဖွဲ့ထားတဲ့ စက်ဘီးလမ်းသရဲဂိုဏ်းရယ်.. လူပေါင်းမှားမိတဲ့ အကောင်ကြီးတစ်ကောင်တို့--- အသက် ၁၀၀ ကျော် ဘိုးတော်အယ်လန်နဲ့ ဆုံမိကြတဲ့ အခါမှာတော့.....။ ဒီဇာတ်လမ်းရဲ့ ဇာတ်လိုက်ကြီး အယ်လန့်ရဲ့ဘဝကို ပဲ့ကိုင်ပေးခဲ့တာက သူ့မိခင်ရဲ့ တစ်ခုတည်းသော အမှာစကားလေးပါ... "အသေချာဆုံးတစ်ခုကတော့.. အရာရာတိုင်းဟာ သူ့ဟာနဲ့သူ ရှိနေမှာပဲ... နောက်ပြီး သူတို့ဖြစ်ရမယ့်အတိုင်း ဖြစ်ကိုဖြစ်ကြမှာပဲ... " နောက်တစ်ခု ရှိသေးတယ်...အယ်လန်ပြောပြတဲ့တစ်ခု.. "ကျုပ်ဘဝတစ်လျှောက်လုံး ကျုပ်နဲ့ ဆုံမိတဲ့သူမှန်သမျှ အော်သွားရတာချည်းပဲတဲ့"...... ကဲ..မိတ်ဆွေတို့လည်း အယ်လန်ကြီးနဲ့ တွေ့ပြီး အော်လိုက်ကြပါဦး..အဲလေ... ရယ်လိုက်ကြပါဦးလို့...... File size…(2.5 GB )/ (1.2 GB) Quality…BluRay 1080p HEVC / 720p Format…mkv/mp4 Duration….01:54:00 Subtitle….Myanmar Subtitle (Hardsub) Encoder….Ka Naung Translated by Wai Yan Maung