John Bennett ပါဝင်သော ဇာတ်ကားများ

၂၀၅၄ ခုနှစ်မှာ အမေရိကန်ဖယ်ဒရယ်အစိုးရဟာ Precrime လို့ခေါ်တဲ့ မှုခင်းကြိုတင်တားဆီးရေးအဖွဲ့ကို နိုင်ငံတော်အဆင့် ဖွဲ့စည်းဖို့ ကြိုးစားနေပါတယ်။ ဒီအဖွဲ့က လူသတ်မှုတွေ မဖြစ်ခင် ကြိုတင်တားဆီးပေးတဲ့ အထူးရဲတပ်ဖွဲ့ပါ။ မျိုးဗီဇမွမ်းမံထားတဲ့ လူသားတွေဖြစ်တဲ့ precogs တွေက မှုခင်းဖြစ်မယ့် နေရာ၊ အချိန်နဲ့ ပါဝင်မယ့်လူတွေကို အတိအကျ ဟောကိန်းထုတ်ပေးတယ်။ အဲဒီအချက်အလက်တွေအတိုင်း precops လို့ခေါ်တဲ့ အထူးရဲတွေက အချိန်မီ သွားရောက်ဝန်းရံပြီး တားဆီးကြတာပါ။ အထူးရဲအဖွဲ့မှူး ဂျွန်အန်ဒါတန်ဟာ အိမ်ထောင်ကွဲထားပြီး မကြာသေးခင်က သားဖြစ်သူ ပျောက်ဆုံးသွားခဲ့သူပါ။ တာဝန်နဲ့ စစ်ဆင်ရေးတွေမှာ ကျေပွန်ပေမယ့် သားပျောက်သွားတဲ့ စိတ်ဒဏ်ရာကို ကုစားရင်း ဆေးစွဲနေပါတယ်။ သူ့နေရာမှာ တွမ်ခရုစ်က သရုပ်ဆောင်ထားတယ်။ Precrime ဟာ ကိုလံဘီယာခရိုင်မှာ စမ်းသပ်လည်ပတ်နေဆဲဖြစ်လို့ နိုင်ငံတော်အဆင့် တရားဝင်ဖွဲ့စည်းနိုင်ရေးအတွက် ဖယ်ဒရယ်အရာရှိတွေရဲ့ စစ်ဆေးမှုကို ခံနေရပါတယ်။ အထူးတာဝန်နဲ့ ရောက်လာတဲ့ ဖယ်ဒရယ်အေးဂျင့် ဒန်နီဝစ်တ်ဝါကလည်း မာန်တကြွကြွရှိသူမို့ အန်ဒါတန်တို့နဲ့ ထိပ်တိုက်တွေ့လာတယ်။ တစ်နေ့မှာ လူသတ်မှုတစ်ခုကို တားဆီးဖို့ precogs တွေ ခန့်မှန်းပေးလိုက်တဲ့ လူသတ်သမားအမည်ပါ ဘောလုံးအနီကို အန်ဒါတန် ကြည့်လိုက်မိပါတယ်။ အဲဒီအပေါ်မှာ ရေးထားတာက သူ့နာမည်ဖြစ်နေတာပါ။ Precrime ရဲ့ဟာကွက်ကို စောင့်ကြည့်နေပြီး သူ့ကိုလည်း မကြည်တဲ့ ဝစ်တ်ဝါက ထောင်ချောက်ဆင်တာလို့ အန်ဒါတန် သံသယဝင်လာကာ ထွက်ပြေးဖို့ ကြံစည်ပါတော့တယ်။ ဟောကိန်းထဲကအတိုင်း အန်ဒါတန် တကယ်လူသတ်မိမှာလား။ ပြီးပြည့်စုံတယ်လို့ ယူဆထားတဲ့ Precrime မှာ ဘယ်လိုအားနည်းချက်တွေ ရှိနေနိုင်သလဲ။ ဝစ်တ်ဝါကရော သူ့ကို တကယ်ပဲ ထောင်ချောက်ဆင်ထားတာလား။ စတီဗင်စပီးဘာ့ဂ် ရိုက်ကူးထားတဲ့ သိပ္ပံစိတ်ကူးယဉ် သည်းထိတ်ရင်ဖိုဇာတ်ကားက ဒီမေးခွန်းတွေနဲ့အတူ မှုခင်းတစ်ခုကို လိုက်လံဖော်ထုတ်ထားပါတယ်။

ဒုတိယကမ္ဘာစစ်အတွင်း ပိုလန်နိုင်ငံသား ဂျူးလူမျိုး စန္ဒရားပညာရှင် Wladyslaw Szpilman ဟာ ဝါဆောမြို့မှာ ပုန်းအောင်းရင်း အသက်ရှင်ဖို့ ကြိုးစားခဲ့ရပါတယ်။ The Pianist က သူ့ရဲ့ဖြစ်ရပ်မှန်ကို အခြေခံထားတဲ့ ရုပ်ရှင်ဖြစ်ပြီး ဇာတ်လမ်းအစမှာတော့ Szpilman ဟာ ဝါဆောမြို့က ရေဒီယိုစခန်းတစ်ခုမှာ စန္ဒရားတီးနေတယ်။ အဲဒီအချိန် ဂျာမန်ဗုံးတွေ စကျလာတာကြောင့် အဆောက်အအုံထဲက လူတွေ ဘေးလွတ်ရာကို အပြေးအလွှား ထွက်ကြရပါတယ်။ အင်္ဂလန်နဲ့ ပြင်သစ်တို့က စစ်ကြေညာပြီးနောက် မြို့ကနေ ထွက်ခွာသူတွေ ရှိပေမယ့် Szpilman တို့မိသားစုကတော့ အခြေအနေပြန်ကောင်းလာမယ်လို့ မျှော်လင့်ရင်း ဝါဆောမှာပဲ နေခဲ့ကြတယ်။ ဒါပေမယ့် သူတို့မျှော်လင့်သလို ဖြစ်မလာဘဲ ဂျာမန်တို့ရဲ့အာဏာ ပိုမိုကြီးထွားလာပါတယ်။ မြို့ထဲက ဂျူးတွေကို သီးခြားသတ်မှတ်ထားတဲ့ ရပ်ကွက်ထဲ ပြောင်းရွှေ့ခိုင်းပြီး ဖိနှိပ်ညှဉ်းပန်းမှုတွေ ဆက်တိုက်ကြုံလာရတယ်။ နောက်တော့ Szpilman တို့မိသားစုအပါအဝင် ဂျူးတွေကို ရထားတွေနဲ့ ပို့ဆောင်ဖို့ စီစဉ်လာကြပါတယ်။ အဲဒီအချိန် ဂျူးထိန်းသိမ်းရေးအဖွဲ့က လူတစ်ယောက်ရဲ့ အကူအညီကြောင့် Szpilman လွတ်မြောက်သွားပေမယ့် မိသားစုနဲ့ ကွဲကွာပြီး ဝါဆောမှာ တစ်ယောက်တည်း ကျန်ခဲ့ရတယ်။ ချစ်တဲ့မိသားစုကို ဆုံးရှုံးရသလို ဝါသနာပါတဲ့ စန္ဒရားပညာရှင်အလုပ်ကိုလည်း စွန့်လွှတ်ထားရပါတယ်။ သူနေခဲ့တဲ့မြို့ကလည်း ပျက်စီးယိုယွင်းပြီး လူသူကင်းမဲ့လာတဲ့အတွက် အသက်မသေရုံ နေနိုင်ဖို့တောင် ခက်ခဲနေတယ်။ ဇာတ်လမ်းက ၁၉၃၉ ခုနှစ်ဝန်းကျင် ဂျာမန်တို့ ဝါဆောကို စသိမ်းချိန်ကနေ ၁၉၄၅ ခုနှစ်ဝန်းကျင်အထိ သူဖြတ်သန်းရတဲ့ စစ်ကာလကို ပုံဖော်ထားပါတယ်။ ဒီရုပ်ရှင်ကို ပိုလန်နဲ့ ပြင်သစ်နွယ်ဖွား ဒါရိုက်တာ Roman Polanski က ရိုက်ကူးပြီး ၂၀၀၂ ခုနှစ်မှာ ထွက်ရှိခဲ့ပါတယ်။ Polanski ကိုယ်တိုင်လည်း ငယ်စဉ်က ဂျူးတွေကို သီးခြားထားတဲ့ ရပ်ကွက်ထဲ နေခဲ့ရပြီး မိဘတွေ ဖမ်းဆီးခံရတာ၊ မိခင်က Auschwitz မှာ သေဆုံးခဲ့တာနဲ့ ဂျူးတွေ ပစ်သတ်ခံရတာကို မျက်မြင်ကြုံခဲ့ရသူပါ။ Szpilman ကတော့ ရုပ်ရှင်မထွက်မီ နှစ်နှစ်အလိုမှာ ကွယ်လွန်ခဲ့ပါတယ်။ Szpilman အဖြစ် သရုပ်ဆောင်ထားတဲ့ Adrien Brody ဟာ ဒီဇာတ်ရုပ်နဲ့ အသက် ၂၉ နှစ်မှာ ပထမဆုံး အော်စကာဆု ရခဲ့တယ်။ ရုပ်ရှင်ကလည်း အော်စကာဆု ခုနစ်ဆုအတွက် ဆန်ခါတင်ဝင်ခဲ့ပြီး သုံးဆု ရရှိခဲ့ပါတယ်။

စစ်တပ်ကနေ အငြိမ်းစားယူထားတဲ့ ကော်ဘန်ဒဲလပ်စ်ဟာ အငှားယာဉ်မောင်းအဖြစ် အသက်မွေးနေပါတယ်။ တစ်နေ့မှာတော့ ကမ္ဘာကြီးကို မိစ္ဆာတွေလက်က ကယ်တင်ဖို့ ဓာတ်ကြီးငါးပါးကို သွားယူရမယ့် တာဝန်တစ်ခု သူ့ဆီရောက်လာတယ်။ အဲဒီဓာတ်ကြီးငါးပါးထဲက တစ်ပါးဖြစ်တဲ့ လီလူကိုလည်း ချစ်မိသွားပြီး သူ့ကို ကယ်တင်ဖို့ပါ ကြိုးစားရပါတယ်။ ဓာတ်ကြီးငါးပါးကို လိုက်လံရှာဖွေရတဲ့ ခရီးမှာ အခက်အခဲတွေ ရှိနေသလို အပြိုင်လိုက်စုနေတဲ့ အဖွဲ့တွေနဲ့လည်း တိုက်ခိုက်ကြရတယ်။ ဒီခရီးစဉ်နဲ့အတူ ကော်ဘန်က လီလူအပေါ်ထားတဲ့ ခံစားချက်တွေကိုပါ ဖော်ပြထားပါတယ်။ Luc Besson ရိုက်ကူးထားတဲ့ သိပ္ပံအက်ရှင်ဇာတ်ကားမှာ Bruce Willis နဲ့ Milla Jovovich တို့က အဓိကသရုပ်ဆောင်ထားပြီး Chris Tucker၊ Gary Oldman နဲ့ Ian Holm တို့လည်း ပါဝင်ထားပါတယ်။

ဖေဘာ ဟာ ဒုတိယကမ္ဘာစစ်အတွင်း ဗြိတိန်နိုင်ငံထဲမှာ ခိုအောင်းပြီး မဟာမိတ်တပ်တွေရဲ့ စစ်ဆင်ရေးလျှို့ဝှက်ချက်တွေကို စုံစမ်းနေတဲ့ ဂျာမန်လျှို့ဝှက်အေးဂျင့် ဖြစ်ပါတယ်။ သူရရှိတဲ့ အရေးကြီးအချက်အလက်တွေကို ဂျာမနီဆီ ပေးပို့ဖို့ ကြိုးစားရင်း လှေပျက်ပြီး ကျွန်းတစ်ကျွန်းကို ရောက်ရှိသွားခဲ့ပါတယ်။ အဲဒီကျွန်းပေါ်မှာတော့ လေယာဉ်မတော်တဆမှုကြောင့် ခြေထောက်မသန်စွမ်းဖြစ်နေတဲ့ ဒေးဗစ်နဲ့ လူစီ တို့ နေထိုင်ကြပါတယ်။ ဖေဘာ ဟာ ကျွန်းပေါ်မှာ ခိုလှုံနေရင်း လူစီ နဲ့ နီးစပ်မှုတွေရှိလာပြီး သံယောဇဉ်တွေ ငြိတွယ်လာတဲ့အခါမှာတော့... မိမိရဲ့ တာဝန်နဲ့ အချစ်ကြားမှာ ဘယ်အရာကို ရွေးချယ်မလဲ၊ လူစီ ကရော သူမရဲ့ ချစ်သူဟာ ရန်သူ့သူလျှိုတစ်ယောက် ဖြစ်နေမှန်း သိသွားတဲ့အခါ ဘာတွေဆက်ဖြစ်မလဲဆိုတာကို ရင်တထိတ်ထိတ်နဲ့ ကြည့်ရှုရမှာဖြစ်ပါတယ်။

* Movie Request ထဲကဇာတ်ကားဖြစ်ပါတယ် ၇ ရာစုနှစ်အတွင်း အာရေဗျကျွန်းဆွယ်ဟာ လူမျိုးစုအလိုက် ခွဲခြားနေထိုင်မှု၊ အင်အားကြီးသူတွေရဲ့ အာဏာလွှမ်းမိုးမှု၊ လူမှုမညီမျှမှုနဲ့ ရုပ်တုကိုးကွယ်မှုတွေ လွှမ်းမိုးနေတဲ့ခေတ်ကာလတစ်ခု ဖြစ်ပါတယ်။ မက္ကာမြို့မှာလည်း ကာဘာအနီးတဝိုက်ကို ဗဟိုပြုပြီး ကုန်သွယ်ရေးနဲ့ အာဏာကို ထိန်းချုပ်ထားတဲ့ အင်အားကြီးအုပ်စုတွေ ရှိနေပါတယ်။ အဲ့ဒီလို အခြေအနေတွေကြားမှာ လူသားအားလုံး တန်းတူညီမျှမှု၊ တစ်ပါးတည်းသော ဘုရားသခင်ကို ယုံကြည်ကိုးကွယ်မှုနဲ့ တရားမျှတမှုကို အခြေခံတဲ့ သတင်းစကားတစ်ရပ် ပေါ်ပေါက်လာပါတယ်။ မိုဟာမက်တမန်တော်ထံ အလ္လာဟ်အရှင်မြတ်၏ ပထမဆုံးဗျာဒိတ်တော် ရောက်ရှိလာပြီးနောက် အစ္စလာမ်သာသနာရဲ့ သတင်းစကားကို လူထုထံ စတင်ဟောပြောလာပါတယ်။ ဆင်းရဲသား၊ အားနည်းသူတွေနဲ့ လူမှုအဆင့်အတန်းနိမ့်သူတွေပါ အလ္လာဟ်အရှင်မြတ်ရှေ့မှာ တန်းတူညီမျှကြောင်းနဲ့ လူသားတွေဟာ မတရားမှုကနေ လွတ်မြောက်ပြီး မှန်ကန်တဲ့လမ်းကို လိုက်နာသင့်ကြောင်း သွန်သင်ပေးပါတယ်။ ဒါပေမဲ့ ဒီသတင်းစကားဟာ မက္ကာမြို့ရဲ့ ရှေးရိုးယုံကြည်မှုနဲ့ အာဏာအကျိုးစီးပွားတွေအတွက် ခြိမ်းခြောက်မှုတစ်ခု ဖြစ်လာပါတယ်။ အစ္စလာမ်ကို လက်ခံယုံကြည်သူတွေ တဖြည်းဖြည်းများပြားလာတာနဲ့အမျှ သူတို့ဟာ ဖိနှိပ်ညှဉ်းပန်းမှုတွေ၊ နှိပ်စက်မှုတွေကို ရင်ဆိုင်ရပါတော့တယ်။ ကိုယ့်ယုံကြည်ချက်ကို မစွန့်လွှတ်ဘဲ အသက်အန္တရာယ်ကြားကနေ ရပ်တည်ရတဲ့ အခြေအနေတွေလည်း ပေါ်ပေါက်လာပါတယ်။ အဲ့ဒီနောက် ယုံကြည်သူတွေအတွက် မက္ကာမြို့မှာ ဆက်လက်နေထိုင်ဖို့ ခက်ခဲလာတာကြောင့် အဘီစီနီးယားနိုင်ငံဘက်ကို ရွှေ့ပြောင်းခိုလှုံကြရပါတယ်။ ဒါပေမဲ့ ပဋိပက္ခက ဒီမှာတင် မပြီးဆုံးသေးပါဘူး။ နောက်ဆုံးမှာ မိုဟာမက်တမန်တော်နဲ့ နောက်လိုက်တွေဟာ မဒီနာမြို့ကို ဟစ်ဂျရာပြုခဲ့ကြပြီး ယုံကြည်ခြင်းနဲ့ လူမှုအသိုင်းအဝိုင်းအသစ်တစ်ခုကို တည်ဆောက်ကြပါတယ်။ မဒီနာမှာ အစ္စလာမ်အသိုင်းအဝိုင်း တဖြည်းဖြည်းခိုင်မာလာတဲ့အခါ မက္ကာဘက်က ဖိအားနဲ့ ပဋိပက္ခတွေကလည်း ဆက်လက်ရှိနေပါတယ်။ ယုံကြည်သူတွေဟာ ကိုယ့်အသိုင်းအဝိုင်းကို ကာကွယ်ဖို့ စစ်ပွဲတွေနဲ့ အခက်အခဲတွေကို ရင်ဆိုင်ရပြီး သတ္တိ၊ စည်းလုံးညီညွတ်မှုနဲ့ အနစ်နာခံမှုတွေကို ပြသရပါတော့တယ်။ ဒီဖြစ်ရပ်တွေကနေတစ်ဆင့် ဇာတ်ကားဟာ အစ္စလာမ်သာသနာ စတင်တည်ထောင်လာပုံနဲ့ အစောပိုင်းမွတ်စလင်တွေရဲ့ ယုံကြည်ခြင်းအတွက် ပေးဆပ်ခဲ့ရတဲ့ စွန့်လွှတ်မှုတွေကို ဖော်ပြထားပါတယ်။ The Message (1976) ဟာ သမိုင်းဝင်ဖြစ်ရပ်တွေကိုသာ ပြန်လည်တင်ဆက်ထားတာမဟုတ်ဘဲ ယုံကြည်ချက်တစ်ခုအတွက် အခက်အခဲတွေကြားမှာ ရပ်တည်နိုင်ခြင်း၊ မတရားမှုကို ရင်ဆိုင်ခြင်း၊ လူသားတွေရဲ့ တန်းတူညီမျှမှုနဲ့ စည်းလုံးညီညွတ်မှုတို့ကိုပါ အဓိကထားဖော်ပြထားတဲ့ ဇာတ်ကားတစ်ကားပါ။ ဒီဇာတ်ကားရဲ့ အထူးခြားဆုံးအချက်တစ်ခုကတော့ မိုဟာမက်တမန်တော်ကို မျက်နှာပြင်ပေါ်မှာ တိုက်ရိုက်မပြသထားခြင်း ဖြစ်ပါတယ်။ ဇာတ်လမ်းကို တမန်တော်ရဲ့ နောက်လိုက်တွေ၊ မိသားစုဝင်တွေ၊ အစောပိုင်းမွတ်စလင်တွေနဲ့ အခြားဇာတ်ကောင်တွေရဲ့ အမြင်ကနေတစ်ဆင့် တင်ဆက်ထားပါတယ်။ ဒီနည်းလမ်းက ဘာသာရေးအရ လေးစားမှုကို ထိန်းသိမ်းထားရင်း သမိုင်းဝင်ဖြစ်ရပ်တွေရဲ့ အရေးပါမှုကို ပရိသတ်တွေ ခံစားနားလည်နိုင်အောင် ဖန်တီးထားတာ ဖြစ်ပါတယ်။ ဘာသာပြန်ဆိုသူ Leo

ဟစ်တလာရဲ့နောက်ဆုံးနေ့ရက်တွေအကြောင်း ဗားရှင်းအမျိုးမျိုးနဲ့ ရိုက်ထားတဲ့ အထဲမှာ ဒီကားကတော့ အစောဆုံးတွေထဲက တစ်ကားဖြစ်ပါတယ်။ ဇာတ်ကားနာမည်အတိုင်း ဥရောပတိုက်နဲ့ ရုရှားပြည်တစ်ဝက်ကို သိမ်းပိုက်ခဲ့တဲ့၊ဂျူးခြောက်သန်းကို သုတ်သင်ခဲ့တဲ့ ယနေ့တိုင် နာမည်ဆိုးနဲ့ကျော်ကြားဆဲ အဒေါ့ဟစ်တလာရဲ့ ဘဝနေဝင်ချိန်နောက်ဆုံး ၁၀ ရက်အတွင်းဖြစ်ပျက်ခဲ့သမျှကို တင်ဆက်ထားတာပါ။ ဒီရုပ်ရှင်ရဲ့ ထူးခြားချက်ကတော့ ဟစ်တလာရဲ့နောက်ဆုံးနေ့ရက်တွေမှာ သူနဲ့အတူဘန်ကာထဲရှိနေခဲ့တဲ့ ဗိုလ်ကြီးဂါးဟတ်ဘိုတ့် ရေးသားထားတဲ့စာအုပ်ကို အခြေခံရိုက်ကူးထားတာကြောင့် ဖြစ်ရပ်မှန်နဲ့ အနီးစပ်ဆုံးကို သိရှိနိုင်မှာဖြစ်ပါတယ်။ ၁၉၃၉ စပြီးဆင်နွှဲခဲ့တဲ့ ဒုတိယကမ္ဘာစစ်ကြီးမှာ ဂျာမနီဟာ ဆက်တိုက်အောင်ပွဲရခဲ့ပေမယ့် ၁၉၄၃က စလို့အရေးနိမ့်လာခဲ့ပြီး ၁၉၄၅ မှာတော့ ရုရှားနဲ့ အမေရိကန်ပူးပေါင်းတပ်တွေရဲ့ ထိုးစစ်ဆင်မှုနဲ့အတူ ဘာလင်မြို့ကွက်ကွက်လေးသာ ကျန်တော့တဲ့အထိ အခြေအနေဆိုးလာပါတယ်။ ဒီလို ရှုံးနိမ့်မှုတွေနဲ့ အတူ တစ်ချိန်က ဥရောပတိုက်နဲ့ ရုရှားပြည်တစ်ဝက်အောင်နိုင်ခဲ့သူကြီး ဟစ်တလာလည်း ဘာလင်မြို့တစ်နေရာက ဘန်ကာထဲမှာ လက်တစ်ဆုပ်စာလူယုံတွေနဲ့အတူ ပုန်းအောင်းနေရပါတယ်။ ရန်သူဝိုင်းတာခံနေရတဲ့ ဘန်ကာအတွင်းနေ့ရက်တွေမှာ ဟစ်တလာတစ်ယောက် လက်လျော့အရှုံးပေးခဲ့လား၊အခြေအနေကို ပြောင်းနိုင်ဖို့ ဘယ်လို ဆုံးဖြတ်ချက်တွေ ချခဲ့လဲ၊ သူ့ရဲ့သစ္စာရှိ လူယုံတွေကကော နောက်ဆုံးအချိန်ထိ သစ္စာရှိခဲ့ကြလား၊ ဟစ်တလာအနေနဲ့ အရှုံးသမားတစ်ယောက်ရဲ့ခါးသီးမှုရင်ဆိုင်ရင်း သူရဲ့နောက်ဆုံးနေ့ရက်တွေ၊‌နောက်ဆုံးစကားတွေ ၊နောက်ဆုံးလုပ်ဆောင်မှုတွေ နောက်ဆုံးရွေးချယ်မှုတွေကိုခံစားကြည့်ရမှာပဲဖြစ်ပါတယ်။ File size…    2.2 GB /  1.1 GB Quality… BluRay 1080p / 720p Format… mp4 Duration…. 1h 48m Genre ..... Drama / History Subtitle…. Myanmar Subtitle (Hard Sub) Encoder…. Thit San Khant Translated... by Swan Yee Myo Thant

Lawrence of Arabia (1962) IMDb Rating (8.3) Rotten Tomatoes (93%) အော်စကာဆု (၇) ဆု ရရှိထားတဲ့ ဖြစ်ရပ်မှန်စစ်ပွဲနောက်ခံ တကယ့်ဂန္တဝင်ဇာတ်ကားကြီးနဲ့မိတ်ဆက်ပေးချင်ပါတယ်... ဒီဇာတ်ကားဟာ ၁၉၁၆ ခုနှစ်များဆီက အာရပ်ကန္တာရတော်လှန်ရေးကို ဦးဆောင်ခဲ့တဲ့ T.E. Lawrence အကြောင်းဖြစ်ပြီးတော့ Revolution တို့ရဲ့သဘောတရားကို ရှုမြင်နိုင်ပါတယ်... ပထမကမ္ဘာစစ်အတွင်းမှာ ဗြိတိသျှဗိုလ်တစ်ဦးဖြစ်တဲ့ ဗိုလ်လောရန့်စ်ဟာ ဂျာမန်နဲ့တူရကီတွေကိုဆန့်ကျင်တိုက်ထုတ်နေတဲ့ အာရပ်တွေရဲ့တော်လှန်ရေးကို လေ့လာဖို့ အာရေးဘီးယားကို စေလွှတ်ခြင်းခံရပါတယ်။ ကိုယ်နဲ့အကျွမ်းတဝင်မရှိတဲ့ ကန္တာရဒေသမှာ ခရီးစနှင်ကတည်းက အခက်အခဲများစွာကြုံတွေ့ရင်းကနေ အာရပ်ခေါင်းဆောင် မင်းသားဖိုင်ဆယ်ဆီရောက်ရှိလာပါတော့တယ်။ ဒီလိုနဲ့ အစိတ်စိတ်အမွှာမွှာကွဲပြားနေတဲ့ အာရပ်လူမျိုးစုတွေကို ပြန်လည်စည်းရုံးစုပေါင်းပြီး လောရန့်စ်တစ်ယောက် ဗြိတိသျှအထက်အမိန့်တွေကို ဖီဆန်ကာ အာရပ်တော်လှန်ရေးကိုအရှိန်မြှင့်တင်ခဲ့ပါတော့တယ်။ စစ်မှန်တဲ့စိတ်ရင်းစေတနာ၊ မလျှော့သောဇွဲနဲ့ ထက်မြက်တဲ့စစ်ဆင်ရေးနည်းဗျူဟာတွေကြောင့် လက်နက်အင်အား၊ လူအင်အားမမျှတဲ့ တူရကီကြီးစိုးရာနယ်မြေတွေကို သိမ်းယူလာနိုင်ခဲ့တဲ့လောရန့်စ်ဟာ အာရပ်လူမျိုးတွေနဲ့ အင်္ဂလိပ်အရာရှိနှစ်ဖက်လုံးရဲ့ ယုံကြည်ကိုးစားမှုကို တစ်စတစ်စရရှိလာပြီး သူနဲ့အတူအာရပ်တော်လှန်ရေးဟာလည်း အရှိန်အဟုန်မြင့်လာပါတော့တယ်။ တော်လှန်ရေးတစ်လျှောက်မှာ မိတ်ဆွေတွေတိုးပွားပြီး စိတ်အားတက်စရာတွေကြုံခဲ့ရသလို ရပြီးသားမိတ်ဆွေတွေကိုဆုံးရှုံးရပြီး လက်လျှော့ချင်စိတ်အကြိမ်ကြိမ်ဖြစ်ခဲ့ရတဲ့ လောရန့်စ်ရဲ့စိတ်ခံစားချက်အတက်အကျတွေကိုပီပြင်အောင်ပုံဖော်နိုင်ခဲ့တဲ့ မင်းသားကြီး Peter O'Toole ရဲ့ ကောင်းမွန်လှတဲ့သရုပ်ဆောင်ချက်တွေရော၊ လှပတဲ့ရိုက်ချက်တွေရောကြောင့် အော်စကာဆု ၇ဆုထိရရှိခဲ့ပြီး လွှမ်းမိုးမှုအရှိဆုံး ရုပ်ရှင်ဇာတ်ကားကြီးအဖြစ်ပါ သတ်မှတ်ခံထားရပါတယ်။ ဇာတ်ကားကြာမြင့်ချိန် ၄ နာရီနီးပါးရှိပြီး မြင်ကွင်းကျယ်ရိုက်ကူးချက်တွေကြောင့် မီးပိတ်ပြီး အသံအဆုံးထိဖွင့်ကြည့်မယ်ဆိုရင် တကယ့်ရုပ်ရှင်ရုံမှာ ကြည့်နေရသလိုခံစားရမှာပါ။ (ရုပ်ရှင်အညွှန်းနဲ့ဘာသာပြန်ကို MTA မှတင်ဆက်ထားတာဖြစ်ပါတယ်။) File size…(5 GB) and (2.6 GB) Quality….BluRay 1080p and 720p 5.1CH Format…mp4 Duration….03:48:00 Subtitle….Myanmar Subtitle (Hardsub) Encoder….Nyeinsaeya Aung Translated by MTA