John Cunningham ပါဝင်သော ဇာတ်ကားများ

" လမ်းခွဲဖို့ နှစ်ပတ် အလို " ဒီရုပ်ရှင်ကားကို ဆန်ဒရာဘူးလော့ခ်ကပရိုဂျူဆာ လုပ်ထားပြီး သူကိုယ်တိုင် မင်းသမီး အဖြစ် သရုပ်ဆောင်ထားပါတယ်။ မင်းသားကတော့ မျက်လုံးလှပြီး ဆွဲဆောင်မှုရှိတဲ့ မင်းသား ဟုဟ်ဂရန့် ပါ အမေရိကန်သမ္မတကြီး ဒေါ်နယ်ထရမ့်လဲ ဧည့်သည်သရုပ်ဆောင်ပါဝင်ထားပါသေးတယ်။ ဇာတ်လမ်းကတော့... ပြည်သူ့အကျိုးပြု ရှေ့နေမိသားစုက ပေါက်ဖွားလာတဲ့ ဉာဏ်ရည်မြင့် ထက်မြတ်တဲ့ အူကြောင်ကြောင်နိုင်တဲ့ရှေ့နေမလေး လူစီ အကြောင်း ဖြစ်ရင် ဖြစ်လိမ့်မယ်.... ဘာလို့ဆိုရင် ဒီရုပ်ရှင်က သူ့ အတွက် သူ့နေရာကနေ ဝင်ကြည့်လို့ရမယ့်ပုံစံ မျိုး ဖြစ်နေတာပါ လူစီက ဆင်းရဲတဲ့ ပြည်သူတွေ ဘက်ကနေရပ်တည်ပြီး ခရိုနီတွေရဲ့ ချဉ်ဖတ် ဖြစ်နေသူဆိုလဲ မမှားပါဘူး... တစ်ရက်မှာတော့ နှစ်ပေါင်းများစွာကြာပြီဖြစ်တဲ့ အသင်းတိုက်တစ်ခုကို ဝိန့်ဒ်မိသားစုပိုင်လုပ်ငန်းက ကန်ထရိုက်ယူပြီး ဖြိုဖျက်ကာ ခေတ်မှီအဆောက်အဦးတစ်ခုဆောက်ဖို့ အကြောင်းဖန်လာပါတယ်... ဒီ အသင်းတိုက်ဟာ လူစီ နဲ့ သူ့မိဘ နှစ်ပါးရဲ့အမှတ်တရတွေအပြင် ပြည်သူလူထု လိုအပ်နေတဲ့ ရှေးဟောင်း အမွေအနှစ်မို့ မပျက်စီးရအောင် ဝိန့်ဒ်လုပ်ငန်းစုရဲ့ ပိုင်ရှင်တစ်ဦးဖြစ်တဲ့ ဝိန့်ဒ်ဂျော်ဂျီဆီ ရောက်သွားတဲ့အခါမှာတော့ ဂျော်ဂျီကလဲ အကြံပေး ရှေ့နေတစ်ဦး လိုနေတာနဲ့ အသင်းတိုက် ကို မဖျက်ဘူး ငါ့ဆီမှာတော့ ဒီ ကန်ထရိုက် ကိစ္စ တစ်ခု ပြီးတဲ့အထိ အလုပ်လုပ်ရမယ်လို့ အပေးအယူ လုပ်ပါတယ်...ဒီတော့ လူစီတယောက်လဲ သူမုန်းတဲ့ ခရိုနီသူဌေး လက်အောက် မှာ အလုပ်လုပ်ပေးဖို့ဖြစ်လာပါတော့တယ်။ ဒီလိုနဲ့တဦးကိုတဦးအမြင်မကြည်ကြတဲ့ သူဌေးနဲ့ရှေ့နေ့တို့ ဘယ်လိုစခန်းသွားကြမလဲ နှစ်ပတ်အလိုကိစ္စတွေမှာရော ဘာတွေဖြစ်လာမလဲဆိုတာ အချစ်ရိုမန့်ဇာတ်ကားလေးလိုကြည့်ရှုရမှာပါ။ ဆန်ဒရာဘူးလော့ခ်က ဝါရင့်သရုပ်ဆောင်ဖြစ်တာနဲ့အညီ ဇာတ်ကားရဲ့ကာရိုက်တာနဲ့ကိုက်ညီအောင် ဒီထဲမှာ အရမ်းကို အူကြောင်ကြောင်နိုင်တဲ့ မိန်းမ အလုပ်ပဲ သိ အလုပ်ပဲ ရှိ တစ်လောကလုံးနဲ့ အဆင်ပြေအောင် မပေါင်းတတ်သူ မိတ်ကပ်လိမ်းတာလဲ နည်းမကျ ဝတ်တာစားတာက တောဂိုက်နဲ့ တကယ့်ကို ဇာတ်ကိုသယ်ပို့သွားနိုင်ပါတယ်။ ဒီလိုအူကြောင်ကြောင်ပုံလေးနဲ့ ဘယ်လောက်တောင်ချစ်ဖို့ကောင်းနေမလဲဆိုတာ ကြည့်ကြပါစို့။ File size…(3 GB )/(1.4 GB)  Quality….BluRay 1080p HEVC / 720p Format…mkv/mp4 Duration….01:41:00 Subtitle….Myanmar Subtitle (Hardsub) Encoder….Ka Naung Trasnlated by Archi Thang Gyi

Shaft (2000) IMDb Rating (6.0) / Rotten Tomatoes (67%) ၂၀၁၉ ထွက် ရှက်ဖ် ကို အတော်များများ ကြိုက်ကြမယ် ထင်ပါတယ်။ ဆမ်မြူရယ် ဂျက်ဆန် ကြီးက အထာကျတာကိုး။ ဒီကားကတော့ ဂျွန်ရှက်ဖ် တစ်ယောက် စုံထောက်အလုပ်ကနေ ဘယ်လိုထွက်လာပြီး အလွတ်စုံထောက်ဖြစ်လာလဲဆိုတာ တွေ့ရမှာပါ။ သူနဲ့အပြိုင်ဗီလိန်မင်းသားက ခရစ်ရှန်ဘေး ဆိုတော့ အတော်ကောင်းနေတာပါပဲ။ ဒီဇာတ်လမ်းအစမှာ သန်းကြွယ်သူဌေးကြီးရဲ့ သားတစ်ယောက်က ကလပ်မှာ လူသတ်လိုက်တယ်။ တရားခံကို ဖမ်းပေးလိုက်နိုင်ပေမယ့် သက်သေက ထွက်ပြေးနေလို့ အာမခံရသွားတယ်။ ဒီအမှုကို တရားမျှတမှုရဖို့ ရှက်ဖ်ကြီး သဲကြီးမဲကြီးလိုက်ရပါတော့တယ်။  (အညွှန်းနဲ့ဘာသာပြန်ကတော့ Littleneo ဖြစ်ပါတယ်။) File size…(1.6 GB) / (870 MB) Quality….Blu-Ray 1080p HEVC / 720p Format…. mkv/mp4 Genre….Action, Crime, Thriller Duration….01:41:18 Subtitle….Myanmar Subtitle (Hardsub) Encoder….Benjamin Translated by Littleneo

ကျွန်တော်တို့ ၉၀ ခုနှစ်ကျော်က Sci-fi ကားကောင်းတွေအကြောင်း ပြောမယ်ဆိုရင် Star Wars တွေ Star Trek တွေ Alien တို့လောက်နဲ့ မပြီးဘူးဗျ ဒီ Starship Trooper ကို ဇာတ်ကားနာမည်သာ မသိမယ် ဓားခုတ်ကောင်ကြီးတွေနဲ့ ချတယ်ဆိုပြီး လူတိုင်းငယ်ဘဝက ကြည့်ခဲ့ဖူးကြမယ် ထင်ပါတယ် (တချို့အခန်းတွေအကြောင်းလည်း ပါမယ်ပေါ့လေ)။ ထားပါ ပြောချင်တာက သူကတော့ Franchise အနေနဲ့ ၃ ကားထိ ထွက်ရှိထားတာ ဖြစ်ပါတယ် အကုန်လုံး တင်ဆက်ပေးသွားမှာပဲ ဖြစ်ပါတယ်။ ဒါရိုက်တာဖြစ်တဲ့ Paul Verhoeven ဆိုရင်လည်း တခြား Robocop တို့ Hollow Man တို့ကို ရိုက်ကူးထားတဲ့လူပါ။ နောက်ပြီး ၁၉၉၈ ခုနှစ် အော်စကာဆုပေးပွဲမှာ Best Visual Effect စကာတင်လည်း ဝင်ခဲ့ပါသေးတယ် (Titanic နဲ့ Jurassic World ဆိုတော့ ယှဉ်မရဘူးပေါ့လေ) ဇာတ်လမ်းအကျဉ်းကတော့ နောင်အနာဂတ်တွေမှာ ကမ္ဘာကြီးတစ်ခုလုံးက နိုင်ငံတွေအနေနဲ့ ရှိမနေတော့ပဲ ဖက်ဒရယ်အစိုးရနဲ့ ဖက်ဒရယ် ပြည်ထောင်စုလိုက်ကြီး ဖြစ်နေပါပြီ။ ရန်စွယ်အနေနဲ့ကလည်း ကလန်ဒတ်သူဂြိုလ်က အယ်ရာခနစ်ဆိုတဲ့ ပိုးကောင်တွေဖြစ်ပြီး သူတို့ကလည်း ဥက္ကာခဲတွေ လွှတ်ပြီး တိုက်ခိုက်တယ်ပေါ့လေ။ အဲဒီအချိန် ဖက်ဒရယ်ပညာရေးကျောင်းမှာ သူငယ်ချင်း ၃ ယောက်ရှိကြတယ် ရီကိုရယ် ကားလ်ရယ် ကာမန်ရယ်ပေါ့၊ ရီကိုနဲ့ ကာမန်က အတွဲ၊ ရီကို့ကို ခိုးကြိုက်နေတဲ့ ကောင်မလေး ဒစ်ဇီဆိုတာလည်းရှိတယ်။ ကားလ်နဲ့ ကာမန်ကတော့ ဖက်ဒရယ်စစ်တာဝန် ထမ်းဆောင်ချင်ကြသူတွေပေါ့၊ ရီကိုကတော့ သူဌေးသား စိတ်ကသိပ်မပါပေမယ့် ကောင်မလေး ကာမန်သဘောကျအောင် မိဘတွေ တားနေရက်နဲ့ စစ်ထဲဝင်ချင်တဲ့ကောင်ပေါ့လေ။ ဖြစ်ချင်တော့ ဖက်ဒရယ်စနစ်မှာ အမျိုးအစားက ၃ နေရာရှိတယ် ပထမ ဉာဏ်အတော်ဆုံး ဆရာကြီးဌာနက ထောက်လှမ်းရေးပေါ့လေ (စိတ်စွမ်းအားရှိတဲ့လူတွေကို ပျိုးထောင်ပေးတဲ့နေရာ) အဲဒီကို ကားလ်က ရောက်သွားခဲ့တယ်၊ ဒုတိယကတော့ ယာဉ်တန်းစု တပ်ဖွဲ့ကြီး၊ ယာဉ်အမျိုးအစားပေါင်းစုံ မောင်းနှင်ရတာပေါ့၊ အဲဒီမှာက ပိုင်းလော့ဖြစ်ချင်တဲ့ ကာမန်ရောက်သွားတယ်၊ တတိယအနေနဲ့ကတော့ သချာၤနဲ့ အမျိုးအစားခွဲပါတယ်ဆိုမှ အမှတ်အနည်းဆုံးရရင် သွားရတဲ့ ခြေလျင်တပ်ရင်း ဖြစ်ပါတယ် ရီကိုတစ်ကောင် ဒီကိုရောက်သွားတာပေါ့၊ သူ့ကို ကြိုက်နေတဲ့ ဒစ်ဇီကလည်း ဒီကိုရောက်လာပါတယ်။ ဒီလိုနဲ့ ကိုယ်စီ ကြိုးစားလေ့ကျင့်နေကြတုန်း ရန်သူတွေဖြစ်တဲ့ အယ်ရာခနစ်တွေ ခြေလှမ်းစလှမ်းလိုက်တဲ့အခါမှာတော့……….။ ရုပ်ရှင်တစ်ကားများ ကောင်းပြီဆို ဘယ်နှခုနှစ်ကထွက်တာဖြစ်ဖြစ် ကြည့်လို့ကောင်းနေဆဲပဲ။ တစ်ခုရှိတာက အပေါ်ပိုင်းတွေ လွတ်လပ်စွာ တင်ဆက်ထားတဲ့ R Rated ကားဖြစ်တဲ့အတွက် ကြည့်ရှုမယ်ဆို သတိပြုစေလိုပါတယ် သွေးသံရဲရဲ သတ်ဖြတ်မှုတွေလည်း ပါဝင်ပါတယ်။ ကဲ Old School တွေ ပြန်ခံစားလိုက်ကြရအောင်ဗျာ File size…  3.2 GB /  1.7 GB Quality… BluRay 1080p / 720p Format… mp4 Duration…. 2h  9m Genre .....  Action , Adventure Subtitle…. Myanmar Subtitle (Hard Sub) Encoder…. Thit San Khant Translated by Thura Aung

အမေရိကန် FBI အဖွဲ့ဟာ ရုရှားဗိုလ်ကြီး ခိုစလိုဗာနဲ့အတူ ရုရှားမူးယစ်ဂိုဏ်းတစ်ခုကို ဝင်စီးရာမှာ မာဖီးယားခေါင်းဆောင် တဲရက်ရဲ့ညီကို မတော်တဆ ပစ်သတ်မိသွားပါတယ်။ တဲရက်က အမေရိကန်တွေကို လက်စားချေဖို့ FBI ဒါရိုက်တာ ဘရောင်းကို လုပ်ကြံသတ်ဖြတ်မယ်လို့ ဆုံးဖြတ်လိုက်တယ်။ အဲဒီအလုပ်အတွက် “ဝံပုလွေငယ်” လို့ခေါ်တဲ့ ကြေးစားလူသတ်သမားကို ငှားရမ်းလိုက်ပါတယ်။ ဝံပုလွေငယ်ဟာ လုပ်ကြံသတ်ဖြတ်မှုတွေ အများကြီး ကျူးလွန်ခဲ့ဖူးပေမယ့် သူ့ရုပ်ကို မြင်ဖူးသူတောင် အနည်းငယ်ပဲ ရှိတယ်။ ဒီလို လူသိနည်းပြီး လုပ်ကြံရေးမှာ ကျွမ်းကျင်သူတစ်ယောက် FBI ဒါရိုက်တာကို ပစ်မှတ်ထားလာတဲ့အကြောင်းကို Bruce Willis နဲ့ Richard Gere တို့ ပါဝင်သရုပ်ဆောင်ထားပါတယ်။

Dead Poets Society (1989) IMDb - 8.0/10 Rotten - 84% Won 1 Oscar. Another 19 wins & 18 nominations အခု ပြောမှာက ဒီရုပ်ရှင်ကနေ ကျွန်တော် ဖမ်းဆုပ်လို့ရသလောက် အတွေးမျှင်တွေအကြောင်းပါ။ ဒီ ရုပ်ရှင်ထဲက Robin Willain ရဲ့ စကားကို မှီးပြောရရင် ပညာရေးဆိုတာ ကိုယ့်ဘာသာ တွေးခေါ်တတ်ဖို့ သင်ပေးရတာပါတဲ့။ကိုယ့်ဘာသာ တွေးခေါ်တတ်ဖို့ (ဝါ) ကိုယ့်ဆင်ခြင်တုံတရား ကိုယ့်အသိစိတ်နဲ့ ကိုယ် ရှင်သန်တတ်ဖို့ ကျွန်တော်တို့ လိုအပ်တဲ့အရာကရော ဘာများလဲ ကျွန်တော်ကတော့ အနုပညာလို့ပဲ ဆိုချင်တယ်။ ဂီတ စာပေ ကဗျာ ပန်းချီ ဘာမဆိုပါပဲ။ ဒီရုပ်ရှင်မှာတော့ ကဗျာတွေနဲ့ပဲ ဥမေယျပြုသွားပါတယ်။ အတွေးအခေါ်နဲ့ ခံစားချက်အပေါ်အခြေခံတဲ့ ကဗျာဆိုတာဟာ အပေါ်ယံကြည့်ရင် ဘာမှမဆိုင်သလိုနဲ့ တစ်သားတည်းပါပဲ။ အနုပညာကိုမုန်းပါတဲ့ ကျော်ကြားလှစွာသော ဒဿ နိကဆရာကြီး ပလေတိုတောင် သူ ဘယ်လိုပဲ အနုပညာကိုမုန်းမုန်း သူ့ကျမ်းတွေကတော့ အတော်ပြေပြစ်လှပတဲ့ အရေးအသား ဖြစ်နေခဲ့ပါတယ်။ အနုပညာနဲ့ ဒဿဘ နိကဟာ မဆိုင်သလိုနဲ့ဆိုင်နေတဲ့ ဒင်္ဂါးပြားရဲ့ ခေါင်းနဲ့ပန်းပါပဲ။ပြီးတော့ကာ တွေးခေါ်မှုဟာ ခံစားချက်မပါရင် အတော်အန္တရယ်ကြီးတဲ့အရာပါပဲ။ ဒီဇာတ်လမ်းမှာ တွေးခေါ်တတ်ဖို့ လွတ်လပ်စွာ ရှင်သန်တတ်ဖို့ ကဗျာသင်ပေးတဲ့ ဆရာတစ်ယောက်.... ခံစားချက်တွေနဲ့ ပြည့်နှက်ဖွဲ့စည်းနေတဲ့ လူ့အဖွဲ့အစည်းကြီးမှာ ကဗျာတွေရဲ့ အရေးပါမှုအကြောင်းကို သင်ပြပေးသွားခဲ့တဲ့ လူတစ်ယောက် ပါပါတယ်။ ကဗျာသင်ရိုးမှာပါတဲ့ ကဗျာတစ်ပုဒ်ကို တိုင်းတာပြထားတဲ့ စံညွှန်းတွေကို အကုန်ဆွဲဖြဲပြီး ကဗျာရဲ့ တန်ဖိုးအစစ်အမှန်ကို မိဘတွေရဲ့ဆန္ဒအောက် ပိတ်မိနေတဲ့ တပြည့်တွေကို မီးမောင်းထိုးပြခဲ့တဲ့ အဲ့ဒီဆရာနာမည်က ဂျွန် ကိတင်း...ပါတဲ့။ ခင်ဗျားတို့ရော ဘဝတစ်ခု ကဗျာတစ်ပုဒ်ကို ဘယ်လိုများတိုင်းတာကြလဲ။ အသုံးဝင်မှုတန်ဖိုးနဲ့လား အရည်အသွေးတန်ဖိုးနဲ့လား... ဘာနဲ့မှ မတိုင်းတာပါနဲ့ ကဗျာတစ်ပုဒ်ရဲ့ တန်ဖိုးဟာ ကဗျာကိုရေးထားတဲ့ စည်းမျဉ်းစည်းကမ်းလည်းမဟုတ်သလို သူ့ရဲ့ ကျန်တဲ့ စံညွှန်းတွေလည်း မဟုတ်ပါဘူး။ ကဗျာတစ်ပုဒ်ရဲ့တန်ဖိုးဟာ နှလုံးသားကခံစားရတဲ့ ခံစားချက်ပါပဲ။ ဒီလိုပါပဲ ဘဝတစ်ခုရဲ့တန်ဖိုးဟာ ကျွန်တော်တို့ရဲ့ တော်နေတတ်နေမှု အသုံးဝင်မှုတွေ ကျွန်တော်တို့ ဘာကောင်ကြီးဆိုတာတွေ မဟုတ်ပါဘူး။ ကျွန်တော်တို့ရဲ့ လွတ်လပ်မှုတွေ ဆန္ဒတွေ ကျွန်တော်တို့ချစ်တဲ့ ကျွန်တော်တို့ကို ချစ်တဲ့လူတွေပါပဲ။ ဘာကောင်ကြီးဆိုတာအောက် ပိတ်မိမသွားကြဖို့ ကျွန်တော့်ကိုယ်ကျွန်တော်တို့ ရှာဖွေကြဖို့ ကျွန်တော်တို့ ဘာလုပ်သင့်တယ်ဆိုတာကိုသိဖို့ တွေးခေါ်တတ်ဖို့ ဘဝရဲ့တန်ဖိုးကို သိဖို့.... ကျွန်တော်တို့ ပညာတွေသင်နေ အသိညဏ်တွေ ရှာနေကြရတာပါပဲ။ ဒီရုပ်ရှင်ဟာ ခင်ဗျားတို့တည်ဆောက်ရမဲ့ ကိုယ်ပိုင်အတွေးအခေါ်တွေအတွက် အုပ်တစ်ချပ်သဲတစ်ပွင့် ဖြစ်ပါစေလိမ့်မယ် ထင်ပါတယ်။ အက္ခရာတင် ရေးထိုးထားတဲ့ စည်းမျဉ်းစည်းကမ်းတွေကို အမြဲလိုက်နာနေဖို့ မလိုသလို ပိုကျယ်ပြန့်နက်နဲတဲ့ မရေးထိုးထားတဲ့ စည်းမျဉ်းစည်းကမ်းတွေကို တစ်ရံတစ်ခါ လိုက်နာတတ်ဖို့်လည်း လိုပါတယ်။ ဘယ်ဟာကို လိုက်နာရမလဲဆိုတာကိုတော့ ကျွန်တော်တို့်ရဲ့ လူသားဆန်မှုက ဆုံးဖြတ်ပေးပါလိမ့်မယ်။ ဒီဇာတ်လမ်းမှာလည်း ရေးထိုးထားတဲ့ ဆရာတွေကိုညာမပြောရဆိုတဲ့ စည်းမျဉ်းကို လိုက်နာပြီး.. မရေးထားတဲ့ ပိုကျယ်ပြန့်နက်နဲတဲ့ "မိတ်ဆွေတွေကို သစ္စာမဖောက်ရ " ဆိုတဲ့စည်းမျဉ်းကို ဖောက်ဖျက်မိတဲ့ ကျောင်းသားလေးတစ်ယောက် ပါပါသေးတယ်။ ဒီရုပ်ရှင်ကတော့...တကယ့်ကို..ခံစားချက်အကြောင်း ဖတ်စာ ပါပဲ။ ခင်ဗျား အများကြီး သင်ယူရရှိပါလိမ့်မယ်။ (အညွှန်းကတော့ WiRa Aung ရေးသားထားတာဖြစ်ပြီး ဘာသာပြန်သူကတော့ d3mon ဖြစ်ပါတယ်) FilFile size…  3.4 GB / 1.29 GB Quality… Blu-ray 1080p / 720p Format… mp4 Duration…. 2h 8m Genre ..... Drama Subtitle…. Myanmar Subtitle (Hard Sub)

၈၀ ပြည့်လွန်နှစ်တွေရဲ့ နွေးထွေးလှပတဲ့ အငွေ့အသက်တွေနဲ့အတူ လူငယ်ဘဝရဲ့ အချစ်ရေး၊ အိပ်မက်နဲ့ ရင့်ကျက်လာမှုတွေကို သဘာဝကျကျ ပုံဖော်ထားတဲ့ ၁၉၈၈ ခုနှစ်ထွက် ဂန္ထဝင် အချစ်ဟာသ ဒရာမာ (Romantic Comedy-Drama) ဇာတ်ကားလေး "Mystic Pizza (၁၉၈၈)" ကို ဒီနေ့မှာ Review လုပ်ပေးချင်ပါတယ်။ ဒါရိုက်တာ Donald Petrie ရိုက်ကူးထားပြီး ကမ္ဘာကျော် မင်းသမီးကြီး Julia Roberts ရဲ့ အောင်မြင်မှု လမ်းစဖြစ်ခဲ့တဲ့ ဒီဇာတ်ကားလေးဟာ ကြည့်ရှုသူတိုင်းရဲ့ ရင်ထဲကို နွေးထွေးမှုပေးစွမ်းနိုင်မယ့် Feel-good ဇာတ်ကားကောင်းလေး ဖြစ်ပါတယ်။ ဇာတ်လမ်းဟာ အမေရိကန်နိုင်ငံ၊ ကွန်နက်တီကတ်ပြည်နယ်က မစ်စတစ် (Mystic) လို့ခေါ်တဲ့ ကမ်းခြေငါးဖမ်းမြို့လေးမှာ အခြေခံထားပါတယ်။ အဲဒီမြို့လေးက နာမည်ကြီး "Mystic Pizza" ဆိုတဲ့ ပီဇာဆိုင်လေးမှာ စားပွဲထိုးအဖြစ် အတူတူ အလုပ်လုပ်ကြတဲ့ ပေါ်တူဂီ-အမေရိကန်နွယ်ဖွား မိန်းကလေး သုံးဦးရဲ့ နွေရာသီအကုန် ဘဝဖြတ်သန်းမှုကို ရိုက်ကူးထားတာပါ။ ပထမတစ်ယောက်ကတော့ ဒေစီ ဖြစ်ပြီး ဆွဲဆောင်မှုရှိသလို ပွင့်လင်းရဲတင်းတဲ့ အစ်မကြီးပါ။ သူမဟာ မြို့ကို အပန်းဖြေလာတဲ့ လူချမ်းသာ အထက်တန်းလွှာ မိသားစုက ကောင်လေး ချာလီ နဲ့ ချစ်ကြိုးသွယ်မိရာကနေ လူတန်းစား ကွာဟမှုတွေနဲ့ ရင်ဆိုင်ရပါတယ်။ ဒုတိယတစ်ယောက်ကတော့ ဒေစီရဲ့ ညီမဖြစ်သူ ကတ် (Kat - သရုပ်ဆောင် Annabeth Gish) ပါ။ သူမကတော့ အစ်မဖြစ်သူနဲ့ ဆန့်ကျင်ဘက် စာတော်ပြီး တည်ငြိမ်သူဖြစ်ကာ နာမည်ကြီး Yale တက္ကသိုလ်မှာ နက္ခတ္တဗေဒပညာ သင်ယူဖို့ ပြင်ဆင်နေသူပါ။ ဒါပေမယ့် သူမ ကလေးထိန်းအလုပ် သွားလုပ်ပေးရတဲ့ အိမ်က အိမ်ထောင်ရှိသူ ဗိသုကာပညာရှင် တင်မ် အပေါ် မဖြစ်သင့်တဲ့ အချစ်စိတ်တွေ ဝင်မိရာကနေ စိတ်ဒဏ်ရာ ရလာခဲ့ပါတယ်။ တတိယတစ်ယောက်ကတော့ သူတို့ညီအစ်မရဲ့ အချစ်ဆုံး သူငယ်ချင်း ဂျိုဂျို ဖြစ်ပြီး၊ သူမရဲ့ ချစ်သူ ဘေလ် ကို အရမ်းချစ်ပေမယ့် တစ်သက်လုံး အိမ်ထောင်ရေးချည်နှောင်မှုအောက်မှာ နေရမှာကို ကြောက်ရွံ့တဲ့အတွက် မင်္ဂလာဆောင်ပွဲမှာတင် မေ့လဲသွားခဲ့သူပါ။ စရိုက်မတူတဲ့ သူတို့သုံးဦးသား အချစ်ရေး အရှုပ်အထွေးတွေ၊ အသည်းကွဲမှုတွေနဲ့ ဘဝရဲ့ လမ်းဆုံလမ်းခွတွေကို အချင်းချင်း ဖေးမကူညီရင်း ဘယ်လို ရင်ဆိုင်ကျော်ဖြတ်ကြမလဲ ဆိုတာကို ကြည်နူးဖွယ် ကြည့်ရှုရမှာပါ။ "Mystic Pizza (၁၉၈၈)" ဟာ ဘယ်အချိန် ပြန်ကြည့်ကြည့် ရိုးမသွားဘဲ ပီဇာပူပူလေးတစ်ချပ် စားရသလို ရင်ထဲမှာ နွေးထွေးကျန်ရစ်စေမယ့် ၈၀ ခုနှစ်များရဲ့ ဂန္ထဝင် ဇာတ်ကားကောင်းလေး ဖြစ်ပါတယ်။ သူငယ်ချင်း သံယောဇဉ်၊ ညီအစ်မ မေတ္တာနဲ့ ပေါ့ပေါ့ပါးပါး အချစ်ဒရာမာ ဇာတ်ကားလေးတွေကို သဘောကျတဲ့ ပရိသတ်တွေအတွက် အချိန်ပေး ကြည့်ရှုသင့်ကြောင်း အထူးပဲ ညွှန်းဆိုပေးလိုက်ပါတယ်။ File size… 3.29 GB / 1.21 GB Quality… Blu-ray 1080p / 720p Format… mp4 Duration…. 1h 44m Genre ..... Comedy, Drama, Romance Subtitle…. Myanmar Subtitle (Hard Sub)