Jonathan Cheetham ပါဝင်သော ဇာတ်ကားများ

Midas Man (2025) IMDb Rating (6.4) / Rotten Tomatoes (83%) မိုက်ဒက်စ်မန်းဆိုတာ ကမ္ဘာကျော် Beatles အဖွဲ့ကိုစုစည်းခဲ့တဲ့ ဂန္ထဝင်မန်နေဂျာကြီး Brian Epstein ရဲ့ဘဝဇာတ်ကြောင်းကို ရိုက်ကူးထားတဲ့ ဗြိတိန် Biographical / Music ရုပ်ရှင်တစ်ကားပါ။ ကမ္ဘာကျော် The Beatles အဖွဲ့အကြောင်း လူအများသိကြပေမဲ့... သူတို့ကို အဝတ်အစား၊ ဆံပင်စတိုင်ကစလို့ ကမ္ဘာ့စူပါစတားဖြစ်အောင် နောက်ကွယ်ကနေ ပုံဖော်ပေးခဲ့တဲ့ "၅ ယောက်မြောက် Beatle လို့တင်စားခံရသူ Brian Epstein ရဲ့ ဇာတ်ကြောင်းကို အဓိကထား ရိုက်ပြထားလို့ ဂီတချစ်သူတွေအတွက် အထူးကြည့်သင့်ပါတယ်။ Queen's Gambit စီးရီးနဲ့ နာမည်ကြီးခဲ့တဲ့ မင်းသား Jacob Fortune-Lloyd မန်နေဂျာ Brian Epstein အဖြစ်ပါဝင်ထားပြီး Oscar မင်းသမီး Emily Watson တို့လည်း ပါဝင်ထားပါတယ်။ ၁၉၆၀ ပြည့်လွန်နှစ်တွေတုန်းက လစ်ဗာပူးလ်မြို့မှာ မိသားစုပိုင် ဓာတ်ပြားစတိုးဆိုင် (NEMS) ကို ဦးစီးလုပ်ကိုင်နေတဲ့ လူငယ်စီးပွားရေးလုပ်ငန်းရှင် "ဘရိုင်ယန် အက်ပ်စတိန်း" အကြောင်းကနေ စတင်ထားပါတယ်။ တစ်နေ့မှာတော့ သူဟာ မြေအောက် Cavern Club မှာ ဖျော်ဖြေနေကြတဲ့ နာမည်မရှိသေးတဲ့ လူငယ်လေးဦးပါ "The Beatles" ဆိုတဲ့ ဂီတအဖွဲ့ကို မထင်မှတ်ဘဲ မြင်တွေ့သွားခဲ့ပါတယ်။ ဂီတလောကမှာ အတွေ့အကြုံ မရှိသေးသော်လည်း ဘရိုင်ယန်ဟာ ထိုကောင်လေးတွေရဲ့ ပါရမီနဲ့ အရည်အချင်းကို ချက်ချင်းရိပ်မိသွားခဲ့ပြီး... သူတို့ရဲ့ မန်နေဂျာအဖြစ် တာဝန်ယူဖို့ ကမ်းလှမ်းခဲ့ပါတယ်.. The Beatles လို့ဖြစ်လာအောင် အဝတ်အစားအပြင်အဆင်ကအစ စတူဒီယိုတွေအထိ ကြိုးစားပေးခဲ့တဲ့ ဘရိုင်ရန်ကြောင့် The Beatlesဟာ တစ်ကမ္ဘာလုံးကို လှုပ်ခတ်စေမယ့် ဂီတအဖွဲ့ကြီး ဖြစ်လာခဲ့ပါတော့တယ်။ သူ့ကို "ရွှေလက်ဆန်းတဲ့ မိုက်ဒက်စ်မန်း" (Midas Man) လို့ တင်စားခံရပြီး စီးပွားရေးအရ အလွန်အောင်မြင်နေပေမဲ့... နောက်ကွယ်မှာတော့ ထိုခေတ်က အသိုင်းအဝိုင်းရဲ့ လိင်စိတ်တိမ်းညွတ်မှုဆိုင်ရာ ဖိနှိပ်ချုပ်ချယ်မှုတွေ အချစ်ရေးဒဏ်ရာများနဲ့ မူးယစ်ဆေးဝါးစွဲလမ်းမှုတွေကြားထဲမှာ ဘရိုင်ယန်တစ်ယောက် ဘယ်လိုမျိုး ရုန်းကန်ခဲ့ရသလဲဆိုတာကို ကြည့်ရှုရမှာ ဖြစ်ပါတယ်။ File size… (1 GB) / (740 MB) Quality…. WEB-Rip 1080p HEVC / 720p Format…. mkv/mp4 Genre…. Drama,History,Music Duration…. 01:53:22 Subtitle…. Myanmar Subtitle (Hardsub)

ဂရေ့စ် (Grace) နဲ့ အက်ဒ်ဝပ် (Edward) တို့ ဇနီးမောင်နှံဟာ အိမ်ထောင်သက်တမ်း (၂၉) နှစ်တိုင်တိုင် ပေါင်းသင်းလာခဲ့ကြသူတွေပါ။ တစ်နေ့မှာတော့ သူတို့ရဲ့ အရွယ်ရောက်ပြီးသား သားဖြစ်သူ ဂျေမီ (Jamie) အိမ်ကို အလည်လာတဲ့ အချိန်လေးမှာပဲ၊ အက်ဒ်ဝပ်က သူ အခြားအမျိုးသမီးတစ်ယောက်ကို ချစ်နေပြီဖြစ်ကြောင်းနဲ့ ကွာရှင်းချင်ကြောင်း ရုတ်တရက် ဖွင့်ပြောလိုက်ပါတယ်။ ဆယ်စုနှစ် သုံးခုနီးပါး တည်ဆောက်ခဲ့တဲ့ အိမ်ထောင်ရေးကြီး တစ်ခဏအတွင်း ပြိုကျသွားတဲ့အခါ၊ လက်ခံနိုင်စွမ်းမရှိတဲ့ ဇနီးဖြစ်သူ ဂရေ့စ်၊ လွတ်လပ်မှုကို ရှာဖွေချင်တဲ့ ခင်ပွန်း အက်ဒ်ဝပ် နဲ့ မိဘနှစ်ပါးကြားမှာ ဗျာများပြီး စိတ်ဒဏ်ရာရလာတဲ့ သားဖြစ်သူ ဂျေမီ တို့ရဲ့ စိတ်ပိုင်းဆိုင်ရာ ရုန်းကန်ရမှုတွေကို အချိုးကျကျ ရိုက်ကူးထားတာ ဖြစ်ပါတယ်။ ဝါရင့်သရုပ်ဆောင်ကြီးတွေဖြစ်တဲ့ Annette Bening နဲ့ Bill Nighy တို့ရဲ့ သရုပ်ဆောင်မှုတွေက တကယ့်ကို အံ့မခန်းပါပဲ။ ဒေါသထွက်ပြီး နာကျင်နေတဲ့ ဇနီးသည်တစ်ယောက်ရဲ့ ခံစားချက်ကို Annette က ပီပြင်စွာ ပုံဖော်ထားသလို၊ စကားနည်းပြီး စိတ်ခံစားချက်ကို မြိုသိပ်ထားတတ်တဲ့ ခင်ပွန်းသည် နေရာမှာ Bill က အကောင်းဆုံး သရုပ်ဆောင်ထားပါတယ်။ သားဖြစ်သူ နေရာက ပါဝင်ထားတဲ့ Josh O'Connor ရဲ့ ကြားညပ်နေတဲ့ ခံစားချက်တွေကလည်း ကြည့်ရှုသူကို ကိုယ်ချင်းစာမိစေပါတယ်။ ဒီဇာတ်ကားဟာ အိမ်ထောင်ရေးတစ်ခု ပြိုကွဲသွားတဲ့အခါ ဘယ်သူမှန်တယ်၊ ဘယ်သူမှားတယ် ဆိုတာထက် လူသားတွေရဲ့ မတူညီတဲ့ လိုအပ်ချက်တွေနဲ့ နားလည်မှုလွဲချော်မှုတွေကို ဘက်မလိုက်ဘဲ မီးမောင်းထိုးပြထားပါတယ်။ အင်္ဂလန်နိုင်ငံရဲ့ လှပတဲ့ ကမ်းရိုးတန်းမြို့လေး Seaford နဲ့ တောင်ကမ်းပါးယံ "Hope Gap" အလှအပတွေက ဇာတ်ကောင်တွေရဲ့ အထီးကျန်ဆန်မှု၊ ဝမ်းနည်းမှု ခံစားချက်တွေနဲ့ လိုက်ဖက်ညီစွာ ပေါင်းစပ်ပေးထားပါတယ်။ "Hope Gap" ဟာ အက်ရှင်တွေ၊ လှည့်ကွက်တွေ ပါဝင်တဲ့ ဇာတ်ကားမျိုး မဟုတ်ဘဲ၊ ဇာတ်ကောင်တွေရဲ့ အပြန်အလှန် စကားပြောခန်း (Dialogues) တွေနဲ့ ဇာတ်အိမ်တည်ထားတဲ့ အေးအေးဆေးဆေး ဒရာမာ ဇာတ်ကားမျိုး ဖြစ်ပါတယ်။ လူ့ဘဝရဲ့ နာကျင်စရာ အချိုးအကွေ့တွေကို ဘယ်လို ကြံ့ကြံ့ခံ ရင်ဆိုင်ကျော်ဖြတ်မလဲ ဆိုတာကို တွေးတောစရာ ပေးစွမ်းနိုင်တဲ့ ဇာတ်ကားကောင်း တစ်ကားအဖြစ် ညွှန်းဆိုပေးလိုက်ပါတယ်။ File size…    1.7 GB/ 800 MB Quality…Blu-Ray 1080p / 720p Format… mp4 Duration…. 1h 40m Genre ..... Drama Subtitle…. Myanmar Subtitle (Hard Sub)

တစ်ခေတ်တစ်ခါက အကြွေစောခဲ့တဲ့ Legendary Star တစ်ယောက်ဖြစ်တဲ့ Somewhere Over The Rainbow သီချင်းရဲ့ပိုင်ရှင်ဂျူဒီဂါလန်အကြောင်းကိုရိုက်ကူးထားတာပါ ဂရန်းရပ်ပစ်မင်နီဆိုတာက ဖရန်စစ်ဂမ်းစ်ကိုခေါ်တဲ့ကလေးမလေးတစ်ယောက်... အနုပညာပိုးပါလွန်းလို့ အသက် ၂နှစ်အရွယ်တည်းက စင်ပေါ်တက် သီချင်းဆိုခဲ့သူ... သူ့အနုပညာနာမည်ကို ဂျူဒီဂါလန်ရယ်လို့ သူကိုယ်တိုင်းရွေးချယ်ခဲ့သူ... သူ့အသက် ၁၃နှစ်အရွယ်ကိုရောက်ချိန်မှာတော့ Louis B. Mayor ကုမ္ပဏီကရိုက်ကူးတဲ့ Wizard of the Oz ဇာတ်လမ်းတွဲထဲမှာ အဓိကဇာတ်ကောင် ဒေါ်ရသီအဖြစ်ပါဝင်သရုပ်ဆောင်ခွင့်ရခဲ့တယ်... ရုပ်ရည်ချောမောလှပသလို အဆိုပါရမီပြည့်ဝတဲ့ သူမဘဝလေးဟာ ပန်းခင်းလမ်းပဲလို့ထင်မှတ်စရာရှိပေမယ့် တကယ်တမ်းအဲ့လိုမဟုတ်ခဲ့ရှာပါဘူး... တွန်းအားအရမ်းပေးလွန်းတဲ့ မိခင်ရယ် နေ့လည်စာစားချိန်တောင်မပေးပဲ အတင်းအဓမ္မအနိုင်ကျင့်ခိုင်းစေတဲ့ ကုမ္ပဏီကြောင့် ဂျူဒီဟာ ဘဝကိုပင်ပန်းခက်ခဲစွာ နေထိုင်နေရရှာရုံသာမက ဆေးစွဲတဲ့အဆင့်ထိရောက်သွားပါတော့တယ်... ဒီလိုသနားစရာဂျူဒီလေး အရွယ်ရောက်သွားတဲ့အခါ ကြုံတွေခဲ့ရတဲ့ ဘဝဇာတ်စုံကိုရိုက်ကူးပြသထားတာဖြစ်ပါတယ်.... သက်လတ်ပိုင်းဂျူဒီဂါလန်အဖြစ် Rene Zellweger က ပါဝင်သရုပ်ဆောင်ထားပေးပါတယ် IMDB 7.2/10 ရရှိထားပြီး ကြည့်သင့်တဲ့ဇာတ်ကားကောင်းလို့ ညွှန်းပေးလိုက်ပါရစေ File Size : ( 911 MB , 308 MB ) Quality :  WEB-DL 720p Running Time : 1 hr 58 min Format : Mp4 Genre : Biography , Drama , Romance Subtitle : Myanmar Subtitle (Hard Sub) Translated by May Myat Thu Encoded by Moe Myint Lwin

အင်္ဂလန်ဘုရင်နဲ့ ဘုရင်မတို့ နယ်လှည့်ခရီးထွက်ရင်း ဒေါင်းတွန်ကို လာမယ်ဆိုတဲ့သတင်းကြောင့် တစ်နယ်လုံး ဝမ်းသာဂုဏ်ယူနေကြပါတယ်။ အထူးသဖြင့် ဘုရင်နဲ့ ဘုရင်မတို့ တည်းခိုမယ့် မြို့စားအိမ်က အလုပ်သမားတွေက ပိုလို့တောင် စိတ်လှုပ်ရှားနေကြတယ်။ အနီးကပ်တွေ့ခွင့်ရသလို ကိုယ်တိုင် အလုပ်အကျွေးပြုခွင့်လည်း ရတော့မယ်လို့ မျှော်လင့်ထားကြတာပါ။ ဒါပေမယ့် နန်းတော်ဘက်က အစေခံတွေ၊ အိမ်တော်ထိန်းတွေနဲ့ စားဖိုမှူးတွေ အကုန်လိုက်လာပြီး အိမ်မှာရှိသမျှကိစ္စကို သူတို့ပဲ စီမံကြမယ်ဆိုတာ သိလိုက်ရတော့ မျှော်လင့်ထားသလို မဖြစ်တော့ဘူး။ ကိုယ့်အိမ်မှာ ကိုယ်တိုင်ဧည့်ခံခွင့်ရဖို့ အိမ်ကအလုပ်သမားတွေ ဘယ်လိုတုံ့ပြန်ကြမလဲဆိုတာ စောင့်ကြည့်ရပါတော့မယ်။ တစ်ဖက်မှာလည်း ဒေါင်းတွန်ကို အုပ်စိုးနေတဲ့ မိသားစုရဲ့ အဖွားကြီးနဲ့ မိသားစုထဲကနေ ခွဲထွက်သွားပြီး ဘုရင်မနားမှာ အထိန်းတော်လုပ်နေသူတို့ကြား အမွေကိစ္စ အငြင်းပွားမှုတွေ ရှိနေတယ်။ မိသားစုဝင်တွေဆီမှာလည်း တစ်ယောက်တစ်မျိုး ကိုယ့်အကြောင်းနဲ့ကိုယ် ရှိကြသေးတယ်။ ကွန်မြူနစ်ဝါဒီတွေနဲ့ ဘုရင်ကို လုပ်ကြံဖို့ ရည်ရွယ်သူပါ ပေါ်လာတဲ့အခါ ဒီခရီးစဉ်အတွက် ဘာတွေထပ်ကြုံလာရဦးမလဲ။ Maggie Smith ပါဝင်သရုပ်ဆောင်ထားပြီး မိသားစုအကြောင်းတွေနဲ့အတူ ဟာသလည်း ရောယှက်ထားပါတယ်။

IMDb - 8.0/10 Rotten - 60% Won 4 Oscars. Another 40 wins & 76 nominations ဘိုဟီးမီးယန်း ရာ့ပ်ဆိုဒီ ၂၀၁၈ ၂၀၁၈ ခုနှစ်အတွင်း အကြိုက်မိဆုံး ရုပ်ရှင်တစ်ကားပါ။ လက်ရှိမှာတေ့ ရွှေကမ္ဘာလုံးဆုပေးပွဲမှာ ရုပ်ရှင်ဆုနဲ့ အမျိုးသားသရုပ်ဆောင်ဆု ဆွတ်ခူးပြီးသွားပါပြီ။ ဘာကြောင့်ဆုတွေရလဲဆိုတာတော့ ကြည့်လိုက်ရုံနဲ့ သိပါလိမ့်မယ်။ ဇာတ်ညွှန်း၊ သရုပ်ဆောင်၊ အသံ၊ ရိုက်ကွင်းတွေ အားလုံး ကောင်းနေပါတယ်။ Queen တီးဝိုင်းအဖွဲ့ရဲ့ ပင်တိုင်အဆိုတော် ဖရက်ဒီ မာကျူရီရဲ့ ဘဝဇာတ်ကြောင်းကို ရိုက်ကူးထားတာဖြစ်ပါတယ်။ ကွင်းအဖွဲ့ရဲ့ ကမ္ဘာကျော်သီချင်းတွေ ဖြစ်လာပုံနဲ့ သီချင်းတွေကို အကောင်းဆုံး ပြထားတဲ့ ရုပ်ရှင်ပါ။ ကွင်းအဖွဲ့ရဲ့ ဂန္ဓဝင် Live Aid ရှိုးပွဲကြီးရဲ့ ဖျော်ဖြေမှုကို ပြန်တင်ဆက်ထားတာနဲ့တင် အတော်တန်ပြီပြောရမှာပါ။ ဖရက်ဒီမာကျူရီရဲ့ ဂီတအမျိုးအစားပေါင်းစုံ ရောစပ်ထားတဲ့ ဘိုဟီးမီးယမ်း ရာ့ပ်ဆိုဒီ သီချင်းဟာ မာစတာပိစ်အဖြစ် သတ်မှတ်ခံခဲ့ရပြီး ကမ္ဘာ့အကောင်းဆုံး သီချင်းတွေထဲက တစ်ပုဒ်ဖြစ်လာခဲ့ပါတယ်။ သမိုင်းတစ်လျှောက် ဖျော်ဖြေခဲ့တဲ့ အနုပညာရှင်တွေထဲမှာလည်း ဖရက်ဒီဟာ ပရိသတ်ကို တစ်သားထဲဖြစ်အောင် ဆွဲဆောင်နိုင်ဆုံး အဆိုတော်အဖြစ် သတ်မှတ်ခံထားရပါတယ်။ သူနဲ့ တထပ်တည်းနည်းပါတူအောင် သရုပ်ဆောင်ထားတဲ့ ရာမီမားလက်ခ် ရဲ့ စွမ်းရည်ကြောင့်လည်း ဒီရုပ်ရှင်ကို ပိုကြိုက်မိတယ်ထင်ပါတယ်။ File Size : (6.2 GB) / (2.07 GB) / (0.99 GB) Quality : Blu-Ray 4K HEVC /1080p / 720p) Running Time : 2hr 14min Format : Mkv/Mp4 Genre : Biography, Drama, Music Subtitle : Myanmar Subtitle (Hard Sub) Source : 1080p.BluRay.x264-SPARKS Translated by Littleneo Encode by Thanhtike Zaw,Ka Naung