Jonathan Cherry ပါဝင်သော ဇာတ်ကားများ

Dark Match (2024) ++++++++ ဒီတစ်ခါမှာတော့ အားလုံးအတွက် Horror Action ဇာတ်ကားတစ်ကားကို ယူဆောင်လာပါပြီ။ ဒါရိုက်တာ Lowell Dean က ရိုက်ကူးထားပြီးတော့ ၂၀၂၄ ခုနှစ်တုန်းက ထွက်ရှိထားတာပါ။ အဓိကဇာတ်ကောင်တွေအဖြစ် Ayisha Issa, Jonathan Cherry, Steven Ogg, Chris Jericho စတဲ့ သရုပ်ဆောင်တွေက ပါဝင်ပေးထားပါတယ်။ ဇာတ်လမ်းအကျဉ်းကတော့ SAW ဆိုတဲ့ နပန်းအဖွဲ့ဟာ မြို့ပေါင်းများစွာကိုလှည့်လည်ပြီး နပန်းပွဲတွေ ကျင်းပပေးတဲ့ အဖွဲ့တစ်ဖွဲ့ပါ။ တစ်နေ့မှာတော့ သူတို့ဟာ ချောင်ကျတဲ့တောမြို့လေးတစ်မြို့မှာ နပန်းပွဲလုပ်ပေးဖို့အတွက် ဖိတ်ကြားခံခဲ့ရပါတယ်။ အဲဒီလိုနဲ့ ဒီမြို့လေးမှာပွဲလုပ်ရင်း မူမမှန်တဲ့အရာတွေကို သတိထားမိလာပြီး မြို့ရဲ့ဖုံးကွယ်ထားတဲ့အမှန်တရားကို သိရှိသွားကြပါတော့တယ်။ ဒီမြို့ထဲကနေလွတ်မြောက်ဖို့အတွက် သူတို့တွေ ဘယ်လိုကြိုးစားကြမလဲဆိုတာကို သည်းထိပ်ရင်ဖို စိတ်လှုပ်ရှားစွာနဲ့ ကြည့်ရှုကြရမှာပါ။ သွေးသံတရဲရဲ အက်ရှင်ဇာတ်ကားတွေကို ကြိုက်နှစ်သက်တဲ့ပရိသတ်တွေ အကြိုက်တွေ့ကြမယ့် ဇာတ်ကားမျိုးဖြစ်ပြီးတော့ IMDb မှာလည်း ကောင်းမွန်တဲ့ rating တစ်ခုကို ရရှိထားပါတယ်။ File Size… (1.24B) / (728MB) Quality… WEB-DL 1080p HEVC /720p Format…mkv / mp4 Duration…1h 34m Genre … Action , Horror Subtitle….Myanmar Subtitle (Hard Sub)

လူသားတွေမှီခိုအားထားပြီးနေထိုင်နေရတဲ့ကမ္ဘာကြီးက လူသားတွေကြောင့်ပဲ တစ်နေ့တစ်ခြားပိုပိုပျက်စီးယိုယွင်းလာတာကို ကိုယ်တွေ့မျက်မြင်မြင်တွေ့ရမှာပါ။ရာသီဥတုပြောင်းလဲတာ ရေမြေတွေညစ်ညမ်းလာတာတွေအပြင် ကမ္ဘာကြီးအဆိပ်သင့် လာရတာတွေကလည်းလူသားတွေရဲ့လောဘတွေကြောင့်ပါပဲ။ အဲ့ဒါတွေအတွက်ကမ္ဘာကြီးကကိုယ့်ကိုယ်ကိုယ်ပြန်လည်ရယူတဲ့ အနေနဲ့ ဇွန်ဘီတွေလိုဖြစ်သွားစေမဲ့ဗိုင်းရပ်စ်တစ်ခုကိုလူသားတွေဆီ ပေးသနားလိုက်တဲ့ပုံစံမျိုးနဲ့ရိုက်ကူးထားတဲ့ ဇာတ်ကားကောင်းလေး တစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ Die Alone ဖြစ်ပြီး လက်ရှိ IMDb Rating 5.6 အထိရရှိထားပါတယ်။ ဇာတ်လမ်းအစမှာတော့ အထက်မှာပြောထားခဲ့တဲ့ဗိုင်းရပ်စ်က ကမ္ဘာပေါ်မှာပျံ့နှံ့နေပြီး လူတွေလည်း အသက်ရှင်သန်နိုင်ဖို့အတွက် ကြိုးစားရုန်းနေကြရပါတယ်။အဲ့ဒီထဲမှာအီသန်နဲ့အမ်မာဆိုတဲ့လူငယ် စုံတွဲလေးလည်း အပါအဝင်ဖြစ်ပါတယ်။သူတို့က ကားတစ်စီးနဲ့ ဘေးကင်းရာကိုထွက်ပြေးလာခဲ့ကြပေမဲ့လမ်းမှာကားမှောက်ပြီး လူကွဲသွားပါတော့တယ်။အီသန်နိုးလာတဲ့အခါမှာ အမ်မာ့ကိုမတွေ့ရ တော့ဘဲ ကမ္ဘာကြီးပေါ်မှာဘာတွေဖြစ်နေတယ်ဆိုတာကိုပါ မေ့ပျောက် နေခဲ့ပါတယ်။အဓိကပြဿနာကတော့ သူ့မှာအတိတ်မေ့ရောဂါရှိနေလို့ ပါပဲ။ဒါပေမယ့် ကံကောင်းစွာနဲ့ပဲ မေလို့ခေါ်တဲ့အဖွားကြီးတစ်ယောက်နဲ့ တွေ့ခဲ့ပြီး သူ့အိမ်မှာ လိုက်ပါနေထိုင်ခွင့် ရခဲ့ပါတော့တယ်။ မေက ဒီလောကကြီးထဲမှာကျင်လည်နေတာကြာပြီဆိုတော့ သူ့အတွက် အသက်ရှင်သန်နေထိုင်ဖို့ဆိုတာ ခက်ခဲတယ်တော့မဟုတ်တော့ပါဘူး။ ဒါပေမယ့် အီသန်ကတော့ သူ့ကောင်မလေးအမ်မာကိုပဲ သွားရှာချင်စိတ် တွေတဖွားဖွားဖြစ်နေခဲ့ပါတယ်။ဒီလိုနဲ့ အီသန်တစ်ယောက် အမ်မာ့ကို ရှာဖို့ကြိုးစားရင်းနဲ့ ဘယ်လိုအခက်အခဲတွေကြုံတွေ့ရမလဲ မေကရော သူ့ကိုကူညီပေးပါ့မလားဆိုတာတွေကို စိတ်ဝင်စားစရာကြည့်ရှုရမဲ့ ဇာတ်ကားကောင်းလေးတစ်ကားပဲ ဖြစ်ပါတယ်။ File size… 1.49GB / 814MB Quality…WEB-DL  1080p HEVC / 720p Format…mkv / mp4 Duration….1h 31m Genre ….. Horror , Thriller Subtitle….Myanmar Subtitle (Hard Sub) Encoder….Min Wai Translated by Saw Lay

The Novice (2021) ဇာတ်လမ်းအညွှန်း The Novice ဆိုတဲ့ ရုပ်ရှင်ကားလေးကတော့ ပညာရေးကိုသာမကဘဲ အားကစားကိုပါ အလေးပေးကြတဲ့ တက္ကသိုလ်ကျောင်းသူဘဝမှာ ပညာသင်ဆုရဖို့ ကြိုးစားကြတဲ့ အမေရိကန်လူငယ်ကောင်မလေးတွေရဲ့ ဘဝကို ရိုက်ကူးထားတာပဲဖြစ်ပါတယ်။ အဲလစ်ဒေါလ်ဟာ မထက်မြက်ပေမယ့် ကြိုးစားမှုကြောင့် ထိပ်ဆုံးရောက်လာတဲ့ကောင်မလေးတစ်ယောက်ပါ။ ကြိုးစားမှုတစ်ခုတည်းနဲ့ ထိပ်ဆုံးရောက်လာတဲ့သူ့အတွက် နားနားနေနေနေပါဆိုတဲ့စကားက မုန်းစရာအကောင်းဆုံးစကားပါပဲ။ စိတ်အစွဲလမ်းကြီးတဲ့ အဲလစ်ဒေါလ်တစ်ယောက် တက္ကသိုလ်စတက်ချိန် လှေလှော်အသင်းကိုဝင်ရာကနေ ဘရေးလ်ဆိုတဲ့ ကောင်မလေးတစ်ယောက်နဲ့ ခင်မိသွားပါတယ်။ ဘရေးလ်ကတော့ အားကစားထူးချွန်တဲ့ကောင်မလေးဖြစ်ပြီး သူလှေလှော်အသင်းထဲဝင်ရတဲ့အကြောင်းအရင်းကတော့ တက္ကသိုလ်လှေလှော်အသင်းထဲပါဝင်ခွင့်ရပြီး ပညာသင်ဆုရနိုင်ဖို့ပါပဲ။ ဒီလိုနဲ့ လူသစ်တန်းထဲက သူငယ်ချင်းနှစ်ယောက် တက္ကသိုလ်လှေလှော်အသင်းထဲပါဖို့ကြိုးစားကြရင်း တစ်ယောက်ပဲအဆင့်တက်ခွင့်ရှိတဲ့ အခြေအနေမျိုးကို ရင်ဆိုင်တွေ့ကြုံလာရတဲ့အခါ ... ကြိုစားလုပ်ရင်ဖြစ်ရမယ်ဆိုတဲ့စိတ်နဲ့ ဘယ်အရာကိုမဆို လွန်လွန်ကြူးကြူးကြိုးစားတဲ့ အဲလစ်ဒေါလ်နဲ့ ပညာသင်ဆုကိုရမှဖြစ်မယ်ဆိုတဲ့ ဘရေးလ်တို့ ဒီနေရာကိုရဖို့ ဘယ်လိုကြိုးစားကြမလဲ၊ ဘယ်လိုတွေ တွေ့ကြုံ မလဲ ဆိုတာကို ကြည့်ရှုခံစားရမယ့် ဇာတ်ကားလေးတစ်ကားပဲဖြစ်ပါတယ်။ ဒီကားလေးထဲမှာတော့ အဲလစ်ဒေါလ်အဖြစ် Isabelle Fuhrman ၊ ဘရေးလ် အဖြစ် Amy Forsyth တို့အပြင် အဲလစ်ကိုသတိထားမိနေတဲ့ သင်ကြားရေးလက်ထောက် ဒန်နီအဖြစ် Dilone ကပါဝင်သရုပ်ဆောင်ထားပါတယ်။ (ဇာတ်လမ်းအညွှန်းနဲ့ ဘာသာပြန်ကတော့ Lwin Lwin Aung ပဲ ဖြစ်ပါတယ်) File Size     : (1.8GB)(975MB) and (485 MB) Quality       : WEB-DL 1080P, 720p Format       : mkv, mp4 Duration    : 1hr 34mins Genre         : Thriller Subtitle      : Myanmar Subtitle (Hard Sub) Translated by Lwin Lwin Aung Encoded by Kinnov

Kin (2018) အီလိုင်ဂျာဆိုတဲ့ကောင်လေးဟာ သူ့ရဲ့ပထွေးဖြစ်သူနဲ့ အတူနေထိုင်ပါတယ်။ မုန့်ဖိုးသိပ်မရတာကြောင့် သူ့ရဲ့ အသုံးအဆောင်ပစ္စည်းတွေဝယ်ဖို့အတွက် လူမနေတော့တဲ့ အိမ်အဟောင်းတွေဆီမှာ သံတိုသံစတွေကို ကောက်ပြီးတော့ ရောင်းစားလေ့ရှိပါတယ်။ ဒီလိုနဲ့ တစ်နေ့မှာ သံတိုသံစကောက်ဖို့အတွက် အဆောက်အဦးတစ်ခုထဲကို ရောက်သွားတဲ့အချိန်မှာ ထူးဆန်းတဲ့ဝတ်စုံတွေကို ဝတ်ဆင်ထားကြတဲ့ လူသေအလောင်းတွေကို တွေ့လိုက်ရပါတော့တယ်။ ညဘက်မှာ အဲဒီနေရာကိုပြန်သွားတော့ ဘာမှမရှိတော့ဘဲ ပစ္စည်းတစ်ခုကိုပဲတွေ့တာကြောင့် ကောက်ယူလာလိုက်ပါတော့တယ်။ အဲဒီအချိန်မှာ သူ့အဖေရဲ့သားအရင်းဖြစ်တဲ့ ဂျင်မီဟာ ထောင်ကနေထွက်လာပြီးတော့ အိမ်ကိုပြန်ရောက်လာပါတော့တယ်။ ဂျင်မီဟာ လူပဲပြန်ရောက်လာတာမဟုတ်ဘဲ ထောင်ထဲမှာပတ်သက်ခဲ့တဲ့ လူမိုက်တွေနဲ့အရှုပ်အရှင်းတွေကိုပါ အိမ်ကို သယ်ပြန်လာခဲ့တာပဲဖြစ်ပါတယ်။ ဒီလိုနဲ့ ထောင်ထွက်လူမိုက်တွေနဲ့ ပြဿနာဖြစ်ကြရင်း ထွက်ပြေးကြတဲ့အချိန်မှာ အီလိုင်ဂျာယူလာခဲ့တဲ့ ပစ္စည်းလေးကို မတော်တဆအသုံးပြုမိပြီး လွတ်မြောက်သွားကြပါတော့တယ်။ ဒါကြောင့် အဲဒီပစ္စည်းလေးက ဘယ်လိုအစွမ်းသတ္တိတွေရှိပြီးတော့ အီလိုင်ဂျာလက်ထဲကို ဘယ်လိုရောက်လာတာလဲဆိုတဲ့ဇာတ်ကြောင်းကို ကြည့်ရှုရမှာပဲဖြစ်ပါတယ်။ File Size - 1.86 GB/ 889 MB Quality - BluRay 1080p/ 720p Duration - 1h 42m Format - mp4 Genre - Action, Drama, Sci-Fi Subtitle - Myanmar Subtitle (Hard Sub)

ချစ်သူရဲ့ ဖောက်ပြန်မှုကို ကြုံခဲ့ပြီးနောက် တစ်ယောက်တည်း အထီးကျန်နေတဲ့ လူငယ်တစ်ယောက်ဟာ ကောင်မလေးတစ်ယောက်နဲ့ ဆုံလာပါတယ်။ ဒါပေမယ့် ကောင်မလေးမှာ ရေရှည်တွဲလာတဲ့ ချစ်သူရှိပြီး သူတို့စုံတွဲကလည်း အစစအရာရာ အဆင်ပြေနေကြတာပါ။ ကိုယ်စိတ်ဝင်စားလာတဲ့သူဆီ ရှေ့တိုးဖို့ မလွယ်တဲ့အပြင် သူ့ရဲ့ငယ်ဘဝဒဏ်ရာတွေနဲ့ နောက်ပိုင်းကြုံခဲ့ရတဲ့ စိတ်ထိခိုက်မှုတွေကလည်း ဒီကိစ္စနဲ့ ဆက်စပ်နေပါတယ်။ ကိုယ်နဲ့ စိတ်ချင်းကိုက်တဲ့သူတစ်ယောက်ကို တွေ့ပေမယ့် သူငယ်ချင်းအဖြစ်ပဲ နေရမယ်ဆိုရင် ဘယ်လိုလုပ်မလဲ။ ကိုယ့်ရဲ့ ကြောင်တောင်တောင်အတွေးတွေ၊ အလွဲတွေကို နားလည်ပေးနိုင်ပြီး ရင်ဖွင့်တိုင်ပင်လို့ရတဲ့သူ ဖြစ်နေရင်တောင် မကျော်သင့်တဲ့ စည်းတစ်ခု ရှိနေတဲ့အခါ ရှေ့တိုးသင့်သလားဆိုတဲ့ အခက်အခဲကို ဒီအချစ်ဟာသဇာတ်လမ်းက မေးထားပါတယ်။ သူငယ်ချင်းကတော့ မပြတ်မသားနေတာ ပိုခံရခက်လို့ တစ်ခုခုကို ပြတ်ပြတ်သားသား ဆုံးဖြတ်ဖို့ ပြောတယ်။ တစ်ဖက်မှာ အဆင်ပြေနေတဲ့ ချစ်သူနှစ်ယောက်ရှိနေတော့ သူ့မျှော်လင့်ချက်ကလည်း နည်းနေပါတယ်။ အမျိုးသားဇာတ်ကောင်အဖြစ် ဟယ်ရီပေါ်တာမင်းသား ဒယ်နီရယ်ရတ်ကလစ်ဖ်က သရုပ်ဆောင်ထားပြီး ကောင်မလေးအဖြစ်တော့ Ruby Spark နဲ့ Big Sick တို့မှာ ပါဝင်ဖူးတဲ့ ဇိုးကာဇန်က သရုပ်ဆောင်ထားပါတယ်။ ဇာတ်ပို့တွေထဲမှာ အဒမ်ဒရိုက်ဘာလည်း ပါဝင်ပါတယ်။

Final Destination 2 (2003) IMDb.....6.2 Horror ကားကြိုက်နှစ်သက်သူတို့အဖို့  ကြည့်ဖူးသမျှထဲမယ် သူတို့ရဲ့ နှလုံးသည်းအူကို လှုပ်ရမ်းနိုင်တဲ့ ဇာတ်ကားများကို ပြောပါဆိုရင် Final Destination တွေကို ပြောကြမှာသေချာသလောက်ပါပဲ.... ယခု နောက်ပိုင်းထွက်တဲ့ horror ကား တော်တော်များများမှာ အထူးသဖြင့် Jump scare မျိုး ဝုန်းကနဲ ဒိုင်းခနဲ ခြောက်လှန့်တတ်တဲ့ ကားမျိုးတွေကို horror ကား ကြိုက်နှစ်သက်သူသူတို့အဖို့ ကြာလာတော့ အနည်းငယ်ရိုးအီလာသလိုပါပဲ....... Final Destination လို horror မျိုးကျတော့လည်း တကယ့်ကို သွေးပျက်ထိတ်လန့်စရာဖြစ်တဲ့အပြင် ကျောထဲစိမ့်နေအောင် ကြောက်နေရတာမျိုး...  မင်း horror ဘယ်လောက် crazy ဖြစ်လဲဆိုတာကို Final Destination (1 to 5) ကို စဆုံးကြည့်ဖြစ်လားဆိုတာမျိုးနဲ့ ဆုံးဖြတ်ရလောက်အောင် သွေးပျက်ထိတ်လန့်စရာပါပဲ... ယခုလည်း New Line Cinema က Final Destination Reboot ကို စတင်လုပ်ဆောင်နေပြီလို့သိရပါတယ်။ ဒီတော့ စဆုံးလေးကို ပြန်လည် ခံစားချင်သူများအတွက်  အရည်အသွေးစုံလင်စွာဖြင့် ပြန်လည်တင်ဆက်ပေးလိုက်ပါသည်..... (ဇာတ်လမ်းအညွှန်းနဲ့ ဘာသာပြန်သူကတော့ War Dog ပဲဖြစ်ပါတယ်) File Size : 5.95GB / 2.47GB/ 1.04GB Quality : 4K / Blu-Ray 1080p 5.1 CH / 720p Format…mp4 Duration…01:30:00 Genre : Horror, Thriller Subtitle : Myanmar Subtitle (Hard Sub) Translated by War Dog Encoded by Aaron, Tiff

They (2002) ကလေးဘဝ တုန်းက ခြောက်အိပ်မက် မက်ခဲ့ဖူးတဲ့ ကလေးတွေရှိကြမှာပါ။ ဒီရုပ်ရှင်ဟာ ဒီလို ခြောက်အိပ်မက်မက်ခဲ့တဲ့ ကလေးတွေ အသက်ကြီးလာတဲ့ အချိန်မှာ ငယ်ဘဝ ရဲ့ အရိပ်ဆိုးကြီးတွေ ပြန်ခြောက်လှန့်လာတဲ့အကြောင်းကို ဇာတ်အိမ်တည်ထားပါတယ်။ အဓိက ဇာတ်ကောင် ဂျူလီယာဆို တဲ့ ကောင်မလေးဟာတစ်နေ့မှာတော့ သူ့လိုပဲ ငယ်ဘဝတုန်းက ခြောက်အိပ်မက်တွေ ခံစားခဲ့ရတဲ့ သူငယ်ချင်းဟောင်း ဘီလီ နဲ့ ပြန်အဆက်အသွယ်ရခဲ့ပါတယ်။ ဘီလီ ရဲ့ပြောချက်အရ သူတို့လို ခြောက်အိပ်မက် မက်ခဲ့တဲ့ ကလေးတွေကို အမှတ်အသားလုပ်ပြီး အမှောင်ထဲပြန်ခေါ်သွားချင်နေတဲ့ အရာ တွေရှိတယ်လို့ဆို ပါတယ်။ ဘီလီက အဲဒီအရာတွေဟာ အမှောင်ထဲမှာပဲ နေပြီး အလင်းကို ကြောက်တယ်လို့ ပြောပြပြီး သူ့ကိုယ်သူ သတ်သေသွားပါတယ်။ ဘီလီ သေဆုံးသွားပြီးမကြာခင်မှာပဲ ဂျူလီယာကိုယ်တိုင် ခြောက်အိပ်မက်တွေ ပြန်မက်လာပြီး သူ့လို လူမျိုးတွေနဲ့လည်း မိတ်ဆွေ တွေဖြစ်ခဲ့ပါတယ်။ တစ်နေ့မှာတော့ ဘီလီပြောတဲ့ အမှတ်အသားမျိုး ဂျူလီယာဆီမှာလည်း ပေါ်လာပြီး သူ့ကို အမှောင်ထဲ ခေါ်သွားဖို့ကြိုးစားနေတဲ့ အရာတွေနဲ့ ကိုယ်တိုင် ရင်ဆိုင်ရပါတော့တယ်။ (အညွှန်းနဲ့ဘာသာပြန်ကတော့ Marco ဖြစ်ပါတယ်။) File size…(1.1 GB) / (550 MB) Quality….Bli-Ray 1080p HEVC / 720p Format…. mkv/mp4 Genre….Horror, Mystery, Thriller Duration….01:30:25 Subtitle….Myanmar Subtitle (Hardsub) Encoder….Benjamin Translated by Marco