Jonathan Demurger ပါဝင်သော ဇာတ်ကားများ

Carjackers (2025) ကားမောင်းကျွမ်းကျင်ကြတဲ့ နိုရာတို သူငယ်ချင်း ၄ ယောက်ဟာ ဟိုတယ်တွေမှာ အလုပ်လုပ်ကြပြီး ဟိုတယ်မှာလာတည်းတဲ့ ဧည့်သည်တွေထဲကနေ ပစ်မှတ်ကိုရွေးပြီးတော့ ဟိုတယ်ကအပြန် လမ်းပေါ်မှာ ဓားပြတိုက်ကြတယ်။ ဘယ်သူ့ကိုမှ မထိခိုက်စေရ, အဖမ်းမခံရစေဘဲ အမှားကင်းကင်းနဲ့လုပ်လာခဲ့ပေမဲ့ သူတိုတွေ နောက်ဆုံးတစ်ခေါက်အနေနဲ့ ဓားပြတိုက်ကြမယ့်အချိန်မှာတော့ ဟိုတယ်ဘက်ကနေ ငှားထားတဲ့ ကြေးစားသမားတစ်ယောက်ရဲ့ရန်ကနေ လွတ်နိုင်ပါတော့မလား.. (အညွှန်းနဲ့ဘာသာပြန်ကတော့ Su ဖြစ်ပါတယ်။) File size… (6.1 GB) / (1.7 GB) / (900 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre….Action Duration….01:37:57 Subtitle….Myanmar Subtitle (Hardsub) Encoder….Benjamin Translated by Su

Vaincre ou mourir (2022) IMDb Rating (5.5) ပြင်သစ်တော်လှန်ရေးတပ်တွေဟာ ဘုရင့်စနစ်ကို ဖြုတ်ချပြီး လိုအပ်တဲ့ စစ်သားအရေအတွက် အတွက် ဗန်ဒီမှာ တပ်သားစုဆောင်းရေး သွားလုပ်ပါတယ်။ ဒါပေမဲ့ ဗန်ဒီသူ ဗန်ဒီသားတွေဆီက ဘုန်းတော်ကြီးတွေကို ဖမ်းဆီးသည့် အပြင် သူတို့ သားငယ်တွေကို ဖမ်းဆီးတဲ့အတွက် လယ်သမားအပေါင်းတို့ဟာ ပုန်ကန်ထကြွပြီး တော်လှန်ရေးတပ်တွေကို ပြန်တိုက်ခိုက်ပါတော့တယ်။ ဒါပေမဲ့ သူတို့ကို ဦးဆောင်ဖို့ ခေါင်း‌ဆောင်လိုအပ်လာကြပါတယ်။ ဒီလိုနဲ့ ရေတပ်အရာရှိအ‌ဟောင်းဖြစ်တဲ့ ချာလက်ဆိုတဲ့ ပုဂ္ဂိုလ်ကို ရှာကြပြီး ခေါင်းဆောင် ခန့်လိုက်တဲ့အခါ ဒီလူဟာ ဘယ်လို စွမ်းဆောင်ပြသွားမလဲဆိုတာကို သမိုင်းဆန်ဆန် စစ်ကားတစ်ကားကို စိတ်ဝင်တစားနဲ့ ကြည့်ရမှာ ဖြစ်ပါတယ် ခင်ဗျား။ (အညွှန်းနဲ့ဘာသာပြန်ကတော့ Maverick ဖြစ်ပါတယ်။) File size…(1.5 GB) / (820 MB) Quality….WEB-DL 1080p HEVC / 720p Format…. mkv/mp4 Genre….Action, Drama, History, War Duration….01:40:09 Subtitle….Myanmar Subtitle (Hardsub) Encoder….Benjamin Translated by Maverick

A Bela E A Fera ( 2014 ) Beauty and the Beast ဇာတ်လမ်းက ဒစ္စနေး ကျေးဇူးနဲ့ ကျွန်တော်တို့ ဟိုးကလေးပေါက်စလေးကတည်းကရင်းနှီးလာတဲ့ ဇာတ်လမ်းပဲ။ ၁၉၄၆ကထွက်တဲ့ ပြင်သစ်ကားအပြင် ခုထိ ဒီဇာတ်လမ်းကို ရိုက်လာလိုက်တာ ၁၀ကားအထက်တော့ ရှိနေပြီ။ ဒီထဲမှာ ၁၉၉၁က ထွက်တဲ့ ဒစ္စနေးကာတွန်းကားနဲ့ ၂၀၁၇ထွက်တဲ့ အန်မာဝတ်ဆန်နဲ့ ရိုက်တဲ့ကားတော့ လူသိအများဆုံးဖြစ်လိမ့်မယ်။ ၂၀၁၇ကားက ၁၉၉၁ကားရဲ့ Live Actionပဲဆိုတော့ ဒီလူသိအများဆုံး ၂ခုက ဇာတ်လမ်းအတူတူနီးပါးပဲ။ ၁၉၉၁ကားကိုတော့ ၁၇၅၆ကထွက်ခဲ့တဲ့ Jeanne-Marieရဲ့ဗားရှင်း ဇာတ်လမ်းကိုသုံးထားပြီး ၁၉၄၆ရုပ်ရှင်ကနေလည်း မှီးထားတယ်။ ၄၆ရုပ်ရှင်ကလည်း Jeanne-Marieဗားရှင်းပဲ။ ဒါပေမဲ့ သူက Beauty and the Beast ရဲ့ မူရင်း စာရေးဆရာတော့မဟုတ်ဘူး။ မူရင်းကို ၁၇၄၀မှာ Gabrielle-Suzanneက ရေးခဲ့တယ်။ ဒီ၂၀၁၄ ပြင်သစ်ကားကတော့ Gabrielle-Suzanneရဲ့ မူရင်းစာအုပ်ကို ရိုက်ထားတာ။ ကျွန်တော်တို့ ကြည့်နေကျဇာတ်နဲ့ တော်တော်လေးတော့ ကွဲပြားခြားနားတယ်။ ရိုက်လာခဲ့သမျှထဲမှာလည်း မူရင်းဇာတ်ကိုရိုက်တာက ဒီတစ်ကားပဲ ထင်ထင်ရှားရှားတွေ့ရတယ်။ ဒါရိုက်တာကတော့ Crying Freemanတို့ Silent Hillတို့ကို အသက်သွင်းခဲ့တဲ့လူ။ ပြောသာပြောရတယ် သူရိုက်ထားတာ ၄ကားပဲရိုက်တဲ့နောက် ဒီကားနဲ့ Brotherhood of the Wolfကလည်း သူ့ဟာနဲ့သူတော့ ပရိသတ်အာရုံစိုက်မှုရခဲ့တော့ ၄ကားလုံး အထိုက်အလျောက် အောင်မြင်တယ်။ အကုန်လုံးက ဂိမ်းတို့ မန်ဂါတို့ကို LAရိုက်ထားတာတွေချည်းပဲ။ သူ့လိုင်းကလည်း horror , fantasyဆိုတော့ ဒီဇာတ်နဲ့ ကွက်တိတော့ ကွက်တိပဲ။ ဒါကြောင့်လည်း ဒီထဲကBeastက နည်းနည်းတော့ ကြက်သီးထစရာကောင်းတယ်။ ပြင်သစ်ကားဆိုပေမဲ့ အင်တာပရိသတ်ကို တားဂတ်ထားထားလို့လားမသိ။ သုံးထားတဲ့ သရုပ်ဆောင်တွေက ပြင်သစ်တွေပေမဲ့ အမေရိကန်ရုပ်ရှင်နယ်ပယ်မှာ နေရာအခိုင်အမာရထားတဲ့လူတွေကိုသုံးထားတယ်။ ဒါပေမဲ့လည်း အနုပညာအရအောင်မြင်တဲ့ ကားကောင်းတွေကို ရိုက်ထားတဲ့သူတွေပါပဲ။ ကျွန်တော်တို့နဲ့လည်း မစိမ်းဘူး။ Beast နေရာကနေ Vincent Casselက သရုပ်ဆောင်ထားတယ်။ La Hainတို့ The Apartmentတို့လို ဒိတ်ဒိတ်ကြဲပြင်သစ်ကားတွေ Ocean'sတို့ Black Swanတို့လို အမေရိကန်ကားတွေမှာ မင်းသားလုပ်ခဲ့တဲ့သူဆိုတော့ အားလုံးကောင်းကောင်းသိနေတဲ့သူပဲ။ Beauty နေရာကတော့ တကယ့်အလှလေးပဲ။ ဘွန်းဂဲလ်တစ်ဖြစ်လဲ Lea Seydoux။ သူ့ကိုတော့ ကျွန်တော်တော့ Midnight in Parisမှာ ပထမဆုံးစကြွေဆင်းခဲ့ဖူးတယ်။ နောက်ပိုင်းလည်း ပိုပိုကြမ်းလာပါတယ်။ Wes Anderson , Yorgos Lanthimos , Sam Mendes , Denis Villeneuve တို့လို ဒိတ်ဒိတ်ကြဲ ဒါရိုက်တာတွေနဲ့ ဆက်တိုက်ကိုရိုက်နေရတယ်။ ဇာတ်ကတော့ သင်္ဘောသုံးစီးပိုင်တဲ့ ကုန်သည်ကြီးတစ်ယောက်ရှိတယ်။ သူ့မှာ သားသမီးခြောက်ယောက်ရှိတယ်။ ကြမ္မာငင်တဲ့တစ်နေ့မှာ သင်္ဘောတွေအကုန် မုန်တိုင်းမိပြီး ဆုံးရှုံးသွားတော့ ကျေးလက်ဘက်မှာ ဆင်းဆင်းရဲရဲနေရဖို့ အကြောင်းဖန်လာတယ်။ ဒီလိုနဲ့ တစ်နေ့ကိစ္စရှိလို့ မြို့ကိုသွားရင်း အပြန်မှာBeastရဲ့ ရဲတိုက်ကို မျက်စိလည်လမ်းမှားရောက်သွားပြီး မယူသင့်တာကို သွားယူမိတယ်။ Beastက သူ့ကို တစ်ရက်အချိန်ပေးပြီး ပြန်လာအသေခံဖို့မှာလိုက်တယ်။ အိမ်ရောက်တော့ ဒီအကြောင်းပြောပြတော့ သူ့သမီး အငယ်ဆုံးလေးက သူ့အဖေအစား အသေခံဖို့ထွက်သွားရာကနေ အလှလေးနဲ့ အရိုင်းကောင်ရဲ့ ဇာတ်လမ်းက အစပြုတယ်။ Beastရဲ့ကျိန်စာတို့ ဘာတို့ကအစ ဘယ်လီရဲ့ဘဝနဲ့ကာရိုက်တာကအစ ကျွန်တော်တို့မြင်နေကျအရိုက်များခဲ့တဲ့ဇာတ်လမ်းနဲ့တော့ ကွဲပြားတယ်။ Beastရဲ့ ကျိန်စာမိတဲ့ဇာတ်က ဝူခုန်းထဲက တစ်ခန်းနဲ့တောင် သွားတူတယ်။ ဒီကားက ဝေဖန်ရေးသမားတွေကြားထဲတော့ အကောင်းပြောခံရလိုက် အဆိုးပြောခံရလိုက် ဖြစ်ခဲ့ပေမဲ့ ဝင်ငွေအရတော့ အောင်မြင်ခဲ့တယ်။ ဇာတ်ရှိန်ကလည်း နည်းနည်းမြန်နေသကိုး။ ဘာပဲပြောပြော fantasyကားတစ်ကားအနေနဲ့ ကြည့်လို့တော်တော်ကောင်းတဲ့ ရုပ်ရှင်ပါပဲ။ ကျွန်တော့်အတွက်‌တော့ Lea Seydouxနဲ့တင် ကြည့်ကိုကြည့်ရမယ့်ရုပ်ရှင်ပဲ။ File size…    2 GB /  939 MB Quality… BluRay 1080p / 720p Format… mp4 Duration…. 1h 52m Genre ..... Drama/Family/Fantasy Subtitle…. Myanmar Subtitle (Hard Sub) Encoder…. Thit San Khant Translated by WiRa Aung