Jordan Rodrigues ပါဝင်သော ဇာတ်ကားများ

ပရိတ်သတ်ကြီးကို ၂၀၂၄ထွက် We’re all gonna die ဆိုတဲ့ Sci-fi romance comedy ကားလေးနဲ့ မိတ်ဆက်ပေးပါရစေ။ ဇာတ်လမ်းရဲ့နာမည်ကိုက သေခြင်းတရားနဲ့နီးစပ်နေသလိုပဲ ဇာတ်လမ်းအစဟာလည်း လူသားတွေအတွက် ဆိုးဝါးတဲ့ ကပ်ဆိုးကြီးတစ်ခုနဲ့အစပြုခဲ့ပါတယ်။ ကမ္ဘာပေါ်မှာ အမျိုးအမည်မသိ အရွယ်အစား မိုင် တစ်သောင်းလောက်ရှိတဲ့ ဆူးချွန်(spike)ပုံအရာဝတ္ထုကြီးတစ်ခု ရုတ်တရက်ပေါ်ပေါက်လာပြီး လူတွေအများကြီးသေဆုံးသွားပါတယ်။ ပိုဆိုးတာက ဒီလောက်ကြီးမားတဲ့အရာကြီးက တစ်နေရာထဲမှာငြိမ်ငြိမ်နေနေတာမဟုတ်ပဲ ရွေ့နေတတ်တဲ့အပြင် ရုတ်တရက်ပေါ်လိုက်ပျောက်လိုက် ဖြစ်နေတာကလည်း အခြေအနေတွေ ကိုပိုပြီးဆိုးဝါးအောင် လုပ်နေသလိုဖြစ်နေပါတယ်။ အစိုးရပေါင်းများစွာက ဒါကြီးကိုဖယ်ရှားဖို့ ကြိုးစားပေမဲ့လည်း အရာမထင်ခဲ့ဘဲ ကမ္ဘာကြီးကသာ ဒီဆူးချွန်ကြီးကြောင့် ပြောင်းလဲလာခဲ့ရပါတယ်။ ဇာတ်လမ်းလေးကတော့ ဒီဆူးချွန်ကြီးပေါ်လာအပြီး ၁၂ နှစ်အကြာကိုဇာတ်အိမ်တည်ထားတာပါ။ အကြွေးတွေပိနေတဲ့ ထာလီရာဆိုတဲ့ ပျားမွေးတဲ့ကောင်မလေးဟာ သူပျားတွေကိုအလုပ်ကိစ္စအတွက်ပို့ရင်း လမ်းမှာ ကိုင် ဆိုတဲ့ ကောင်ချောလေးတစ်ယောက်နဲ့ဆုံမိသွားပါတယ်။ အဲဒီအချိန်မှာပဲ ဆူးချွန်ကြီးက ရုတ်တရက်နေရာရွေ့သွားတဲ့အတွက် သူတို့နှစ်ယောက်က တစ်နေရာရာကိုအပို့ခံလိုက်ရပါတော့တယ်။ ဘဝမှာဆုံးရှုံးမှုတွေကိုယ်စီရှိပြီးသားနှစ်ယောက်က သူတို့လက်ကျန် လက်ရှိပိုင်ဆိုင်နေတဲ့အရာလေးတွေ ရုတ်တရက်ပျောက်ဆုံးသွားတဲ့အခါ ….. သူတို့ရဲ့ပစ္စည်းတွေကို ပြန်လည်ရှာတွေ့ဖို့ စရိုက်မတူတဲ့နှစ်ယောက်အတူတူခရီးဆက်ရပါတော့တယ် Minor spoiler လေးအနေနဲ့ကတော့ ဒီဇာတ်ကားက တခြား Sci-fi တွေလိုမျိုး ဆန်းဆန်းပြားပြားတွေထက် ဒီလိုရှောင်လွှဲလို့လည်းမရ နားလည်ဖို့လည်းခက်ခဲတဲ့ သေခြင်းတရားနဲ့ရင်ဆိုင်နေရတဲ့ လူသားတွေ ဘယ်လိုအသက်ရှင်နေကြလည်း ရုန်းကန်လှုပ်ရှားနေကြလည်းဆိုတာကို ပိုပြီးအာရုံစိုက်ပြသထားတဲ့ ကားကောင်းလေးလို့ညွှန်းဆိုပါရစေ။ ဒါရိုက်တာ Matthew Arnold နဲ့ Freddie Wong တို့ကရိုက်ကူးထားပြီး Jordan Rodrigues, Ashly Burch တို့ကအဓိကပါဝင်သရုပ်ဆောင်ထားပါတယ်။ File Size… (1.93 GB) / (1.05 GB) Quality… WEB-DL 1080p HEVC /720p Format…mkv / mp4 Duration…1h 50m Genre …..Comedy , Romance , Sci-Fi Subtitle….Myanmar Subtitle (Hard Sub) Encoder….Min Wai Translated by Aung Khant Paing

National Treasure: Edge of History (2022) Season 01 Complete National Treasure နှစ်ကားဟာ ကျွန်တော်တို့ ငယ်ငယ်ကတည်းက လူတိုင်းကြိုက်ခဲ့ကြတဲ့ ပြန်ကြည့်တိုင်းလည်း ကြည့်ကောင်းနေတဲ့ ဇာတ်ကားတွေလို့ ပြောရင် လွန်ရာကျမယ်မထင်ဘူး။ နစ်ကေ့ကြီးရဲ့ ရွှေခေတ်စာရင်းလည်း ဝင်တဲ့ကားတွေလို့ ပြောရမှာပဲ။ ရတနာရှာတဲ့ကားတွေ ရှေးဟောင်းသုတေသနကားတွေ ဖောချင်းသောချင်းရှိပေမဲ့ ဒီထဲကမှ အကောင်းဆုံး ၂ခုကိုရွေးပြဆို အင်ဒီယာနာဂျုံးစ်နဲ့ ဒီ National Treasure ကိုပဲ ရွေးကြရမှာမလား။ အင်ဒီနဲ့မတူတာကတော့ ဒီကောင်က ဖောက်ပြီးရင် သူလည်း အကျိုးအမြတ်နည်းနည်းတော့ရသေးသလို နိုင်ငံတော်ပိုင်လည်း အသိမ်းခံရသေးသပေါ့။ အင်ဒီယာနာလောက် အက်ရှင်မများပေမဲ့ သမိုင်းနဲ့ချိတ်ဆက်ပြီး ပဟေဠိဖော်တာတွေနဲ့ စိတ်ဝင်စားစရာကောင်းအောင် တရိပ်တရိပ်ပြတတ်တယ်။ ဒီလိုပြလို့လည်း ကိုယ်သိပြီးသားအချက်တွေနဲ့ သမိုင်းတွေနဲ့ နောက်ကွယ်က အချက်တွေကြောင့် စိတ်ဝင်တစားပိုဖြစ်ပြီး အားလုံးကို ဆွဲဆောင်ထားနိုင်တာပါပဲ။ National ဆိုတဲ့ နာမည်နဲ့လိုက်အောင်လည်း ကျွန်တော်တို့ရင်းနှီးတဲ့ နာမည်ကျော်သမ္မတွေဖြစ်တဲ့ ဘင်ဂျမင်ဖရန့်ကလင်၊ လင်ကွန်း၊ တက်ဒီရုစဗဲ့၊ ကနေဒီ တို့လို သမ္မတတွေနဲ့မကင်းတာတွေချည်းပါပဲ။ အခုတစ်ခေါက်မှာတော့ ပထမလူတွေနဲ့မဟုတ်တော့ဘဲ လူသစ်တွေနဲ့ ဇာတ်ကောင်မတူ သရုပ်ဆောင်မတူဘဲ စီးရီးသစ်ထွက်လာခဲ့ပါတယ်။ ကားကိုထုတ်ခဲ့တဲ့ ဒစ္စနေးကပါပဲ။ နစ်ကေ့တို့ ဒိန်းကရူဂါတို့ ဂျွန်ဗွိုက်တို့ ဟယ်လင်မရန်တို့လို အသက်ကြီးပိုင်း ဘိုးတော်ကြီးတွေကို ကြည့်ခဲ့ပြီးတဲ့နောက် ခုတော့ လူငယ်ခြေတက်တွေ ဦးဆောင်မှာကို မြင်ရတော့မှာပါ။ National Treasure 3 အတွက် မီးစိမ်းပြပြီးသား‌ဆိုတော့ ဒီစီးရီးဟာ 2007 ကတည်းကနေ ခုထိ ဆယ့်လေးနှစ်ကျော်ကြာပြီးမှထွက်လာ‌တော့မယ့် Main National Treasure movie အတွက်‌ မီးစာပျိုးပေးတဲ့ ကြားစီးရီးပေါ့။ ဒီကားနဲ့ NT3 ဆက်ရင်လည်း ဆက်လောက်ပါတယ်။ ဇာတ်လမ်းကတော့ အရင်ကားတွေအတိုင်းပဲ ဒီခေတ်ဒီအခါမှာ ရတနာသိုက်ကြီးရှိလေသတည်းဆိုပြီး ပုံပြင်လေးနဲ့ စထားတာပေါ့။ မင်းသမီးလေးလဲ မိုက်ပါတယ်။ လူငယ်ဆန်တယ် တစ်ချိန်တည်းမှာပဲ ရင့်ရင့်ကျက်ကျက် ခံစားရတယ်။ အဲဒီလို ကလေးတွေကြားထဲ ချွန်းထွက်နေပြန်တာကတော့ ကတ်သရင်းဇီတာဂျုံးစ်ကြီးပါပဲ။ Wednesday မှာလည်း သူ့သမ္ဘာနဲ့ ဝါကို မြင်ခဲ့ရပြီးပြီ။ ခုလည်း ထပ်မြင်ရပါလိမ့်မယ်။ ရှေ့ NT နှစ်ကားက သရုပ်ဆောင်တွေပဲ ပြန်ရအောင်သုံးပေးထားတာကတော့ ပရိုဂျူဆာ ဂျယ်ရီဘရက်ဟိန်းမား တော်တယ်ပြောရမှာပါပဲ။ ဘင်ဂိတ်စ်တို့ အဘီဂေးလ်တို့တော့ မပါသေးဘူးပေမယ့် ရိုင်လေပူးလ်ကတော့ ပြန်ပါရင်ပါနိုင်လောက်တယ်။ ဒီစီးရီးမှာတော့ အမေရိကန်သမိုင်း Founding Fathers သမ္မတတွေကို ဦးမတည်ဘဲ Freemason တွေနဲ့ပဲ တိုက်ရိုက်ဆက်ထားပြီး ဗီလိန်ကလည်း ငွေကိုရေလိုသုံး ရှယ်ကြမ်းတဲ့ ဗီလိန်ပါပဲ။ သူ့နောက်ကွယ်က ဗီလိန်လည်း ထွက်လာနိုင်သေးပါတယ်။ NT ခေါင်းစဉ်အောက်မှာပဲ မတူတဲ့အရသာရမယ့် ကြည့်ရတန်မယ့် နောက်အပတ်လည်း ဆက်စောင့်ကြည့်ဖို့ကောင်းတဲ့ ဆယ်ပိုင်းစာ စီးရီးအသစ်ပါပဲ။ (ဒီစီးရီးကို ဘာသာပြန်ပေးသူကတော့ Mr. Anderson ပဲဖြစ်ပါတယ်။) Size ~ 700MB+ Total - 10 Episodes Quality – 1080p Duration ~ 45min (@Episode) Subtitle – Myanmar Hardsub Format – Mp4 Genre : Action, Adventure, Mystery Source : DSNP.Web-dl.1080p Translator – Mr. Anderson Encoder – Y

Mortal Kombat Fan​တွေ ​စောင့်​မျှော်​နေတဲ့ Animation​ကားလေးထွက်ရှိလာပါပြီ၊ ဒီဇာတ်ကားက ယမန်နှစ်ကထွက်ထားတဲ့ Mortal Kombat Legends: Scorpion's Revengeရဲ့ အဆက်ဇာတ်လမ်းဖြစ်ပါတယ်။ မရင်းနှီး​သေးတဲ့သူ​တွေအတွက် Mortal Kombatပြိုင်ပွဲအ​ကြောင်း အကျဥ်းချုပ်​ပြောရရင် Realms​ခြောက်ခုထဲက ကြီးနိုင်ငယ် ညှင်းသိမ်းပိုက်မှု​တွေကို ကာကွယ်ဖို့ Universeရဲ့ Elder Gods​တွေက​နေ စီစဥ်​ပေးတဲ့ပြိုင်ပွဲဖြစ်ပါတယ်၊ ပြိုင်ပွဲကို တစ်နှစ်တစ်ကြိမ်ကျင်းပပြီး ၁၀နှစ်ဆက်တိုက်အနိုင်ရရှိတဲ့ Realmက တခြားကမ္ဘာတစ်ခုကို အပြီးတိုင်သိမ်းပိုက်ခွင့်ရမှာပါ၊ Scorpion' Revengeမှာ​တော့ ၉ကြိမ်အထိ Outworld realm က အနိုင်ရပြီးမှ လူခန်းတို့အုပ်စု​ကြောင့် Earth Realmဘက်က ပြန်အနိုင်ရပြီး ကံ​ကောင်းခဲ့တာပါ၊ Scorpion's Revengeအပြီးမှာ Outworld Realmကို အနိုင်ရခဲ့တဲ့ လူခန်း၊ ​ရေဒင်၊ ဂျွန်နီ​​​ကေ့ဂျ်နဲ့ ဆွန်ညာဘလိတ်တို့က ​နောက်တစ်နှစ် ပြည့်သွားပြီဖြစ်တာ​​ကြောင့် Outworldစစ်တပ်​တွေ Earth​ပေါ် ကျူး​​ကျော်လာတာကို ထပ်မံရင်ဆိုင်ရပြန်ပါပြီ၊ ဒီတစ်ခါမှာ​တော့ Outworldရဲ့သခင်​ရှောင်ခမ်းက Earth realmနဲ့ လူခန်းတို့အုပ်စုကို ​နောက်ဆုံးပြိုင်ပွဲ (Final Mortal Kombat) အဖြစ်ယှဥ်ပြိုင်ပြီး ဘယ်သူပိုင်ဆိုင်သင့်လဲဆိုတာကို ဆုံးဖြတ်ကြမယ်လို့ ကမ်းလှမ်းလာပါတယ်၊ ဒီကမ်းလှမ်းချက်ကို လူခန်းနဲ့​ရေဒင်တို့ တ​တွေ လက်ခံလိုက်မလား၊ တစ်ဖက်မှာလည်း Nether Realmရဲ့သခင် Shinnokဆီမှာ အသက်ဝိဉာဉ်​ပေးထားရတဲ့ Scorpionတစ်​ယောက် Shinnokရဲ့ ​စေခိုင်းချက်​တွေကို လိုက်​ပေးဦးမှာလား၊ ငရဲသခင် Shinnokရဲ့ ​နောက်ကွယ်က တကယ့်အကြံအစည်က ဘာဖြစ်မလဲ၊ Earth Realmတစ်ခုတည်းအပြင် တခြား Realm​တွေ​​ရော အ​န္တရာယ်ကင်းပါ့မလား စသဖြင့် ​မေးခွန်း​ပေါင်းများစွာနဲ့အတူ ကြည့်ရှုရမှာပါ Mortal Kombat ဇာတ်ကားတို့ရဲ့ထုံးစံအတိုင်း တိုက်ခိုက်ခန်း၊ သတ်ဖြတ်ခန်း​တွေကို ​သွေးသံရဲရဲနဲ့ အပီအပြင်ပြထားသလို ဒီဇာတ်ကားမှာဆိုရင် Game​တွေထဲက Bone broken effect​တွေပါ ပါလာလို့ ပိုပြီးသ​ဘောကျမိပါတယ်၊ Animationဆို​ပေမယ့် R-ratedဖြစ်​ကြောင်း ​ပြောပါရ​စေ၊ Mortal Kombat Hardcore​တွေအတွက်​တော့ ဒီ Animationကကြည့်ရတာတန်တဲ့ ဇာတ်ကားဖြစ်မှာ အ​သေအချာပါပဲ။ (ဒီဇာတ်လမ်းရဲ့ အညွှန်းကိုရေးသားပေးသူကတော့ JimX ပဲဖြစ်ပြီ၊ ဘာသာပြန်ရေးသားပေးသူများကတော့ JimX, Chit Tee တို့ပဲ ဖြစ်ပါတယ်။) Quality – 1080p, 720p Web-DL Duration - 1h 30min Subtitle – Myanmar Hardsub Format – Mp4 Genre : Animation, Action, Adventure Source : 1080p.Web-DL Translator – JimX, Chit Tee Encoder – SWM

အသစ်စက်စက်ထွက်ရှိလာတဲ့ Mortal Combat Animation ပါ။ တော်တော်လေး ကြည့်လို့ကောင်းပါတယ်။ ဂိမ်းသမားတွေကတော့ ဘရုစ်လီနဲ့သံခမောက်ဆိုရင် မသိတဲ့လူ မရှိသလောက်ပါပဲ။ သွေးသံတရဲရဲတွေနဲ့မို့ R rated ကြိုက်တဲ့သူတွေအတွက် ရှယ်ပါပဲ။ ဇာတ်လမ်းအကျဉ်းကတော့ စင်္ကဝြဠာကြီးအစမှာ Elder God တွေက realm တွေဖန်တီးပေးခဲ့ကြတယ်။ ကိုယ့်လောကဆီကို တခြားလောကကသူတွေ လာမကျူးကျော်ဖို့ generation တစ်ခုမှာတစ်ခါ realm တိုင်းက အတော်ဆုံးတိုက်ခိုက်ရေးသမားတွေစုပြီး ယှဉ်ပြိုင်တိုက်ခိုက်စေတယ်။ အဲဒီပြိုင်ပွဲရဲ့နာမည်ကတော့ Mortal Kombat ပေါ့။ Mortal Kombat ကို realm တစ်ခုတည်းကနေ ၁၀ ပွဲဆက်တိုက်နိုင်သွားခဲ့ရင် အနိုင်ရတဲ့သူက တခြားrealmတွေနဲ့ပေါင်းပြီး သူအုပ်ချုပ်ချင်သလို အုပ်ချုပ်ခွင့်ရှိတယ်။ Earthrealm ကတော့ ပြီးခဲ့တဲ့ ၉ ပွဲမှာ Shao Khan ဆိုတဲ့ ဧကရာဇ်ကြီးကို ရှုံးထားလေရဲ့။ အခု ၁၀ ပွဲမြောက်က Earthrealm ရဲ့ကံကြမ္မာကို အဆုံးအဖြတ်ပေးမယ့် ပွဲတစ်ပွဲဖြစ်လာတော့တယ်။ File Size : ( 751 MB , 219 MB) Quality : WEB-DL 720p Running Time : 1 hr 20 min Format : Mp4 Genre : Animation , Action , Adventure Subtitle : Myanmar Subtitle (Hard Sub) Translated by Ye Man Aung Encoded by Moe Myint Lwin

Imdb - 7.8 Rotten Tomatoes - 99% သားသမီးတွေနဲ့ မိဘတွေ ကတောက်ကဆအဖြစ်ဆုံးအရွယ်က အထက်တန်းကျောင်းသူကျောင်းသားအရွယ်ဆိုတာ အားလုံးလက်ခံကြမှာပါ။ လူပျိုပေါက်၊ အပျိုပေါက်ဖြစ်လာတဲ့အရွယ်မှာ လွတ်လပ်ခွင့်တွေ အရင်ထက်ပိုလိုချင်လာကြတယ်၊ ကိုယ် ဘာလုပ်လုပ်အမှန်ပဲထင်တတ်ကြတယ်။ မိဘကလဲ ဒီအရွယ်ဆို သေးသေးလေးကအစ အပြစ်လိုက်ပြောတတ်၊ သားသမီးမပျက်စီးအောင်ဆိုပြီး ထိန်းချုပ်မှုတွေလုပ်တတ်တဲ့အခါ သားသမီးနဲ့မိဘတွေကြား နားလည်မှုလေးတွေလွဲတတ်ကြပါတယ်။ ခရစ္စတင်းဆိုတဲ့ ကောင်မလေးဟာ သူ့ကိုယ်သူ "ငှက်မဒီ" လို့နာမည်ပေးထားပါတယ်။ ငှက်မဒီတို့ မိသားစုက သူဌေးရပ်ကွက်တစ်ခုမှာ နေထိုင်ပြီး ငှက်မဒီကတော့ ကတ်သလစ်အထက်တန်းကျောင်း တက်ပါတယ်။ ငှက်မဒီရဲ့ မိဘတွေဟာ ငွေရေးကြေးရေး မချောင်လည်ပေမယ့် ဆက်ကျော်သက်အရွယ် ဟော့ဟော့ရမ်းရမ်းနေချင်၊ ပျော်ပါးချင်တဲ့ ငှက်မဒီ လိုအပ်သမျှကိုတော့ တတ်နိုင်သလောက်ဖြည့်ဆည်းပေးပါတယ်။ မြန်မာပြည်မှာ ၁၀ တန်းအောင်ပြီးရင် တက္ကသိုလ်ရွေးကြသလိုမျိုး ငှက်မဒီတစ်ယောက် အထက်တန်းကျောင်းအောင်သွားတဲ့အခါ ကိုယ်တက်ချင်တဲ့ကောလိပ်ရွေးရပါတော့တယ်။ အစကတည်းက အချစ်ကြီးပြီး အစိုးရိမ်လွန်တတ်တဲ့ အမေဖြစ်သူဟာ ငှက်မဒီလေးကို အိမ်နားအနီးတစ်ဝိုက်က ကျောင်းမှာပဲ တက်စေချင်ခဲ့ပေမယ့် ငှက်မဒီကတော့ ကျောင်းကောင်းတွေကိုသာ ရွေးလျှောက်ဖို့ကြိုးစားခဲ့ပါတယ်။ အဖေဖြစ်သူကတော့ သမီးလေးအဆင်ပြေအောင် နည်းမျိုးစုံနဲ့ထောက်ပံ့ခဲ့ပါတယ်။ ငှက်မဒီတစ်ယောက် မိဘတွေနဲ့ ဘယ်လိုကတောက်ကဆတွေဖြစ်မလဲ၊ ဘယ်အရာမဆို လက်တည့်စမ်းချင်တဲ့အရွယ်မှာ ဘာတွေကြုံရမလဲ၊ ငွေရေးကြေးရေး အခက်အခဲတွေကို ဘယ်လိုရင်ဆိုင်ရမလဲ ဆိုတာကိုတော့ ရုပ်ရှင်ထဲမှာ ဆက်လက်ခံစားကြပါ။ Ladybird ရုပ်ရှင်ဟာ Poster ပဲကြည့်ရင် နာမည်ကျော်အထင်ကရ အမျိုးသမီးတစ်ယောက်ယောက်အကြောင်း ရိုက်ထားသလားလို့ ထင်မိပါလိမ့်မယ်။ ဒီရုပ်ရှင်ဟာ အလွန်ရိုးရှင်းပေမယ့် အော်စကာဆန်ကာတင်စာရင်းမှာ အကောင်းဆုံးရုပ်ရှင်ဆုနေရာအတွက် တစ်ကားအပါအဝင်အဖြစ် ရွေးချယ်ခံထားရပါတယ်။ အမျိုးသမီးဒါရိုက်တာ Greta Gerwig အတွက်လဲ ပွဲဦးထွက်ရုပ်ရှင်မှာတင် အော်စကာဆန်ကာတင်စာရင်းဝင်သွားတဲ့အတွက် မှတ်တမ်းသစ်စိုက်ထူနိုင်ခဲ့ပါတယ်။ ဒီရုပ်ရှင်ရဲ့ ဇာတ်ဆောင်မင်းသမီး Saoirse Ronan လဲ အကောင်းဆုံးအမျိုးသမီးဇာတ်ဆောင်ဆု နေရာအတွက် ဆန်ကာတင်စာရင်းမှာပါခဲ့ပါတယ်။ သူဟာ 2015 ခုနှစ်တုန်းက ပြသခဲ့တဲ့ Brooklyn ရုပ်ရှင်မှာလဲပါဝင်ခဲ့ဖူးပြီး အဲ့ရုပ်ရှင်နဲ့တုန်းကလဲ ဆန်ကာတင်စာရင်းဝင်ခဲ့ပါသေးတယ်။ Ladybird ရုပ်ရှင်ဟာ အကောင်းဆုံးရုပ်ရှင်ဆု ဆန်ကာတင်ရုပ်ရှင်တွေထဲမှာတော့ အရိုးရှင်းဆုံးရုပ်ရှင်ဖြစ်ပါတယ်။ ရုပ်ရှင်ထဲမှာ အဓိကပြသသွားတာက လူတွေရဲ့အပြင်ပန်းသဏ္ဏာန်နဲ့ စိတ်ထဲကခံစားချက်တွေ၊ ဆယ်ကျော်သက်အရွယ်တွေရဲ့ စိတ်ကစားမှုတွေပါ။ ဒီနှစ် အကောင်းဆုံးရုပ်ရှင်ဆုအတွက်ကတော့ တစ်ပေးချင်စရာ ရုပ်ရှင်တွေကြီးပဲ ဖြစ်နေပါပြီ။ အားလုံးပဲ တကယ်ကောင်းပါတယ်လို့အာမခံနိုင်လောက်တဲ့ ရုပ်ရှင်ဖြစ်တဲ့အတွက် ကြည့်ဖြစ်အောင်ကြည့်ဖို့ တိုက်တွန်းလိုက်ပါတယ်။ (ဇာတ်လမ်းအညွှန်းနဲ့ဘာသာပြန်ကတော့ ကိုအာကာဖြိုးပါ) File Size : (756 MB) Quality : WEB-DL 720p Running Time : 1hr 34min Format : Mp4 Genre :Comedy, Drama Subtitle : Myanmar Subtitle (Hard Sub) Source : 720p.WEB-DL.DD5.1.H264-FGT Translated by Arkar Phyo Encoded by Thanhtike Zaw