Joy Sunday ပါဝင်သော ဇာတ်ကားများ

အဒမ်စ်မိသားစုရဲ့ သမီး Wednesday က အရင်ကျောင်းကနေ အထုတ်ခံရပြီး နဲဗားမောကျောင်းကို ပြောင်းလာပါတယ်။ သာမန်ကျောင်းနဲ့မတူဘဲ သွေးစုတ်ကောင်တွေ၊ ဝံပုလွေတွေလို သဘာဝလွန်မျိုးနွယ်တွေ တက်နေတဲ့ကျောင်းပါ။ သူ့အဖေနဲ့အမေ စတွေ့ခဲ့တဲ့နေရာလည်း ဖြစ်သလို ကျောင်းအုပ်ကလည်း အမေရဲ့ ကျောင်းနေဖက်ဖြစ်နေပါတယ်။ ကျောင်းအသစ်မှာ အခြေကျဖို့တောင် မပြီးသေးခင် ကျောင်းပတ်ဝန်းကျင်က ထူးဆန်းတဲ့ လူသတ်မှုတွေနဲ့ ရင်ဆိုင်လာရတယ်။ ဒီအမှုတွေကြားမှာ Wednesday ဘာတွေ ကြုံတွေ့မလဲဆိုတာကို သဘာဝလွန်ပဟေဠိတွေ၊ ခပ်မှောင်မှောင်ဟာသတွေနဲ့ တွဲကြည့်ရမှာပါ။ Tim Burton ရဲ့ ထူးခြားတဲ့ ဇာတ်လမ်းကမ္ဘာတွေကို ကြိုက်သူတွေဆိုရင် လူ့ကန့်လန့်သဘောရှိတဲ့ အဒမ်စ်မိသားစုနဲ့ ဒီကျောင်းက လူထူးဆန်းတွေကိုပါ စိတ်ဝင်စားနိုင်ပါတယ်။

အမေရိကန်လေထီးတပ်သားဟောင်း ဘရစ်ဟာ ဦးနှောက်ထိခိုက်ဒဏ်ရာကြောင့် စစ်တပ်ကနေ အငြိမ်းစားယူခဲ့ရပါတယ်။ လုံခြုံရေးဝန်ထမ်းအဖြစ် အလုပ်ပြန်လုပ်ချင်ပေမယ့် ဆေးမှတ်တမ်းကြောင့် အလုပ်ရဖို့ အခက်တွေ့နေတယ်။ သူလိုချင်တဲ့အလုပ်အတွက် ဗိုလ်ကြီးရဲ့ ထောက်ခံချက်လိုနေလို့ အကူအညီသွားတောင်းတဲ့အခါ ဗိုလ်ကြီးကလည်း အပြန်အလှန်အနေနဲ့ တာဝန်တစ်ခု ပေးလိုက်ပါတယ်။ အဲဒီတာဝန်က သူနဲ့အတူ တာဝန်ထမ်းဆောင်ဖူးတဲ့ ခွေးမလေး လူလူကို ခရီးတစ်ခု ပို့ပေးဖို့ပါ။ လူလူရဲ့ခွေးထိန်း ရိုင်လီက ကိုယ့်ကိုယ်ကိုယ် သတ်သေသွားခဲ့လို့ သူ့မိသားစုက ဈာပနမှာ လူလူကို ရှိစေချင်ကြတယ်။ ဒါပေမယ့် လူလူဟာ တခြားခွေးထိန်းတွေနဲ့ ရဲဘော်တွေကို ပြင်းပြင်းထန်ထန် ဒဏ်ရာရတဲ့အထိ ကိုက်ခဲတိုက်ခိုက်ခဲ့ပါတယ်။ တိရစ္ဆာန်ဆရာဝန်တွေက ကုသလို့မရနိုင်တော့တဲ့ စိတ်ဒဏ်ရာအခြေအနေလို့ သတ်မှတ်ထားပြီး ဈာပနပြီးရင် ဆေးထိုးသတ်ဖို့ ဆုံးဖြတ်ထားကြတယ်။ ဘရစ်က ကြမ်းတမ်းနေတဲ့ လူလူကို ကားပေါ်တင်ပြီး နိုင်ငံတစ်ဝက်လောက်ကို ဖြတ်မောင်းကာ ဈာပနဆီ ပို့ပေးရမှာပါ။ အဲဒီနောက် လူလူကို ဆေးထိုးသတ်မယ့် စခန်းဆီ ဆက်ပို့ရဦးမယ်။ ဒီတာဝန်ပြီးမြောက်ရင်တော့ သူလိုချင်တဲ့အလုပ်ရဖို့ ဗိုလ်ကြီးက ထောက်ခံပေးမှာဖြစ်ပါတယ်။ ဒီလိုနဲ့ ဘရစ်နဲ့ လူလူတို့နှစ်ယောက် လမ်းခရီးမှာ ဘယ်လိုစွန့်စားခန်းတွေ ကြုံကြရမလဲဆိုတာ ဆက်ပြထားပါတယ်။

IMDb Rating(6.6) / Rotten Tomatoes (94%) ဟောလိဝုဒ်က အေးဂျင့် ​ဂျော်ဒန်ဟာ တစ်နေ့မှာ အမည်မသိသူတစ်​ယောက်နဲ့ ဟိုတယ်တစ်ခုမှာ နှစ်ကိုယ်တူအချိန်ကုန်ဆုံးဖို့ ဖိတ်ကြားတဲ့ စာတစ်စောင်ကိုရရှိခဲ့ပါတယ်။ ​စေ့စပ်ထားသူ ဖြစ်​ပေမယ့် ဒီလိုအရာဆိုရင် စူးစမ်းချင်တဲ့စိတ်တွေက တဖွားဖွားပေါ်လာတဲ့အမျိုးကိုး...။ သူကိုယ်တိုင်ကလည်း ဟောလိဝုဒ်အေးဂျင့်ဆိုတော့ လုပ်စားနေကျ လူလည်ပတ်ကား ကလိမ်ကကျစ်ပဲလေ...တစ်ရက်တစ်ရက် ဘယ်သူ့ကို ဂျင်းထည့်ရမလဲ ဘာတွေရှုပ်ရမလဲပဲ စဉ်းစားနေရင်း တစ်ဘဝလုံးက အလိမ်အညာတွေချည်းနဲ့ပဲ ပြည့်နှက်နေတဲ့လူမျိုးပဲ။ အဲ့ဒီအမျိုးသမီး ဘယ်သူလဲဆိုတာကို သိချင်လွန်းလှတဲ့ ​ဂျော်ဒန်ဟာ အသည်းအသန် မရမကလိုက်စုံစမ်းပါ​တော့တယ်... ဒီလိုနဲ့ပဲ သူ့ရဲ့ ဆန္ဒတွေ ပြည့်ဝသွားမလား၊ သူ့ရဲ့ အလိမ်အညာ ဇာတ်ရှုပ်တွေထဲ ဘယ်လောက်ထိ နစ်မြောသွားမလဲဆိုတာကို ခံစားရမှာဖြစ်ပါတယ်။ The Beta Test ဟာ thriller အမျိုးအစား ဇာတ်ကားဖြစ်တဲ့အတွက် ကြည့်ရှုသူတွေအနေနဲ့လည်း စိတ်ဝင်တစားကြည့်ရမယ့်ကားအမျိုးအစားဖြစ်ပါကြောင်း ညွှန်းဆိုလိုက်ပါရစေ။ Get More info File size…(1.4 GB) / (750 MB) Quality….WEB-DL 1080p/ 720p Format…mp4 Duration….01:33:00 Subtitle….Myanmar Subtitle (Hardsub) Encoder….Ka Naung Translated by Mugiwara Ya