Kate Capshaw ပါဝင်သော ဇာတ်ကားများ

၁၉၈၉ ခုနှစ်က ထွက်ရှိခဲ့တဲ့ နာမည်ကြီး အက်ရှင်သည်းထိတ်ရင်ဖိုဇာတ်ကား "Black Rain" အကြောင်း ပြန်လည်မျှဝေပေးချင်ပါတယ်။ နာမည်ကျော် ဒါရိုက်တာကြီး Ridley Scott ရိုက်ကူးပြီး ဟောလိဝုဒ်မင်းသား Michael Douglas, Andy Garcia တို့နဲ့အတူ ဂျပန်သရုပ်ဆောင်ကြီးတွေဖြစ်တဲ့ Ken Takakura နဲ့ Yusaku Matsuda တို့ အဓိက ပါဝင်သရုပ်ဆောင်ထားတဲ့ ဒီဇာတ်ကားဟာ အခုချိန်ထိ ကြည့်လို့ကောင်းနေဆဲ ဂန္ထဝင်ဇာတ်ကားတစ်ကားပါ။ နယူးယောက်မြို့က ခပ်ကြမ်းကြမ်း စုံထောက်နှစ်ယောက်ဖြစ်တဲ့ Nick (Michael Douglas) နဲ့ Charlie (Andy Garcia) တို့ဟာ ဂျပန် Yakuza ဂိုဏ်းဝင် လူမိုက်ခေါင်းဆောင် Sato ကို ဖမ်းဆီးရမိခဲ့ပါတယ်။ Sato ကို ဂျပန်နိုင်ငံ အိုဆာကာမြို့ဆီ လွှဲပြောင်းပေးဖို့ ခေါ်လာရင်းနဲ့ လေဆိပ်မှာတင် လူလည်ကျပြီး အလွတ်ခံလိုက်ရပါတယ်။ ဒီလိုနဲ့ သူတို့နှစ်ယောက်ဟာ Sato ကို ပြန်ဖမ်းမိဖို့အတွက် စည်းကမ်းကြီးတဲ့ ဂျပန်စုံထောက် Masahiro (Ken Takakura) နဲ့ ပူးပေါင်းပြီး အိုဆာကာမြို့ရဲ့ အန္တရာယ်များတဲ့ Yakuza အောက်ခြေလောကထဲကို ဝင်ရောက်ရှာဖွေရပါတော့တယ်။ အမေရိကန်ရဲတွေရဲ့ ထင်ရာစိုင်းလုပ်တတ်တဲ့ အကျင့်၊ ဥပဒေကို သိပ်ဂရုမစိုက်တဲ့ စတိုင်နဲ့ ဂျပန်ရဲတွေရဲ့ စည်းကမ်းကို အတိအကျလိုက်နာတတ်တဲ့ စတိုင်တွေကို ယှဉ်ပြသွားတာ တော်တော်လေး စိတ်ဝင်စားဖို့ကောင်းပါတယ်။ Nick နဲ့ Masahiro တို့ရဲ့ မတူညီတဲ့ အယူအဆတွေကနေ တစ်ယောက်ကိုတစ်ယောက် နားလည်မှုရလာတဲ့ Buddy-cop သဘောတရားကို သေချာလေး ရိုက်ပြထားပါတယ်။ ဒါရိုက်တာ Ridley Scott ရဲ့ လက်ရာပီပီ အိုဆာကာမြို့ရဲ့ ညဘက်ရှုခင်းတွေ၊ မိုးရွာနေတဲ့ လမ်းမတွေ၊ နီယွန်မီးရောင်တွေနဲ့ ခပ်မိုက်မိုက် Neo-noir ဆန်ဆန် ရိုက်ပြထားတာက မျက်စိပသာဒဖြစ်စေပြီး ၈၀ ပြည့်လွန်နှစ်တွေရဲ့ Vibe ကို အပြည့်အဝ ပေးစွမ်းနိုင်ပါတယ်။ Michael Douglas ရဲ့ မာထန်ထန် စုံထောက်ကာရိုက်တာက ပီပြင်သလို၊ ဗီလိန်ဖြစ်တဲ့ Yusaku Matsuda ရဲ့ ရက်စက်ပြီး ကြောက်စရာကောင်းတဲ့ သရုပ်ဆောင်ချက်တွေက တကယ့်ကို အသက်ပါပါတယ်။ (ဒီဇာတ်ကားဟာ Matsuda ကင်ဆာရောဂါနဲ့ မကွယ်လွန်ခင် ရိုက်ကူးခဲ့တဲ့ သူရဲ့ နောက်ဆုံးဇာတ်ကားလည်း ဖြစ်ပါတယ်)။ ဒါ့အပြင် Hans Zimmer ရဲ့ နောက်ခံတေးဂီတကလည်း ဇာတ်လမ်းရဲ့ အရှိန်ကို ပိုမြှင့်ပေးထားပါတယ်။ Black Rain ဟာ ရိုးရှင်းတဲ့ ရဲနဲ့သူခိုး ဇာတ်လမ်းမျိုးဖြစ်ပေမယ့် Ridley Scott ရဲ့ တင်ဆက်ပုံ၊ သရုပ်ဆောင်တွေရဲ့ အချိတ်အဆက်နဲ့ ဂျပန် Yakuza လောကရဲ့ အငွေ့အသက်တွေကြောင့် ပုံမှန် အက်ရှင်ကားတွေထက် ပိုပြီး ထူးခြားနေပါတယ်။ အက်ရှင်ဇာတ်ကြမ်း၊ Yakuza ဂိုဏ်းတွေအကြောင်းနဲ့ ၈၀ ပြည့်လွန်နှစ်တွေရဲ့ ရုပ်ရှင်စတိုင်ကို သဘောကျတဲ့သူတွေအတွက်တော့ သေချာပေါက် ကြည့်သင့်တဲ့ ဇာတ်ကားကောင်းတစ်ကားပါ။ File size… 2.43 GB/ 1.1 GB Quality… Blu - Ray 1080p & 720p Format… mp4 Duration…. 2h 15m Genre ..... Action , Drama Subtitle…. Myanmar Subtitle (Hard Sub)

Power (1986) IMDB 5.9/10 ဒီကားကတော့ နိုင်ငံရေးလောက နဲ့ မီဒီယာတွေရဲ့ ကြိုးကိုင်မှုတွေအကြောင်းကို ပေါ်လွင်အောင် ရိုက်ကူးထားတဲ့ ဇာတ်ကားကောင်းတစ်ကားဖြစ်ပါတယ် ဇာတ်လမ်းအကျဉ်း ပီတာ ဟာ အောင်မြင်ကျော်ကြားတဲ့ နိုင်ငံရေး နည်းဗျူဟာပညာရှင်တစ်ဦးဖြစ်ပြီး ငွေကြေးနဲ့ အာဏာအတွက်ဆိုရင် ဘယ်လိုလူမျိုးကိုမဆို ရွေးကောက်ပွဲမှာ အနိုင်ရအောင် ဖန်တီးပေးနိုင်စွမ်းရှိသူပါ။ ဒါ့အပြင် သူဟာ မီဒီယာတွေကို အသုံးချပြီး လူထုရဲ့ အမြင်တွေကို ပြောင်းလဲပစ်တဲ့နေရာမှာ ဆရာတစ်ဆူ ဖြစ်ပါသေးတယ် တစ်နေ့မှာတော့ ပီတာ ဟာ အိုဟိုင်းယိုးပြည်နယ်ရဲ့ အထက်လွှတ်တော်အမတ်နေရာအတွက် လျှို့ဝှက်ဆန်းကြယ်တဲ့ လုပ်ငန်းရှင်တစ်ဦးရဲ့ ကျောထောက်နောက်ခံပြုမှုကို ခံထားရတဲ့ ကိုယ်စားလှယ်လောင်းတစ်ဦးကို ကူညီပေးဖို့ လက်ခံခဲ့ပါတယ်။ ဒါပေမဲ့ ဒီအလုပ်ကို လုပ်ကိုင်ရင်းနဲ့ သူ့ရဲ့ မိတ်ဆွေဟောင်းတွေ၊ ပြိုင်ဘက်တွေနဲ့ ထိတွေ့မိတဲ့အခါမှာတော့ နိုင်ငံရေးလောကရဲ့ နောက်ကွယ်က အကျင့်ပျက်ခြစားမှုတွေ၊ လူသတ်မှုတွေကို သိရှိလာပါတော့တယ်။ ပီတာ တစ်ယောက် သူအမြဲယုံကြည်ထားတဲ့ "အနိုင်ရဖို့ပဲ အဓိက" ဆိုတဲ့ မူဝါဒနဲ့ ကိုယ်ကျင့်တရားကြားမှာ ဘယ်လိုရွေးချယ်မလဲ၊ အာဏာရဲ့ အရိပ်အောက်မှာ ဘယ်လောက်ထိ နက်နက်ရှိင်းရှိင်း နစ်မွန်းသွားမလဲဆိုတာကို တော့ အတူစောင့်ကြည့်လိုက်ရအောင်ပါ

Indiana Jones and the Temple of Doom (1984) IMDb Rating (7.5) / Rotten Tomatoes (77%) +++++++++++++++++++++++++ Indiana Jones Franchise (1981-2023) George Lucas လို့ပြောလိုက်တာနဲ့ ရုပ်ရှင်ပရိသတ်တော်တော်များများက Star Wars ကို ပြေးမြင်မိကြလိမ့်မယ်။ ဟုတ်တော့လည်း ဟုတ်ပါတယ်။ လူးကပ်စ်ရဲ့ အပေါက်ဆုံးကား‌တွေဟာ ကြယ်တာရာစစ်ပွဲတွေ ဖြစ်ခဲ့တာကိုး။ ဒါပေမဲ့ Steven Spielberg လို့ပြောရင်ကျ ပြေးမြင်မိစရာ ဇာတ်ကားအများကြီးရှိပါလိမ့်မယ်။ အဲဒီလို ဇာတ်ကားအများကြီးတွေထဲကမှ Jaws ဟာ စပီးဘာ့ဂ်အတွက် ရိုက်ရတာ ဒုက္ခအရောက်ဆုံးဖြစ်ခဲ့သလို လူးကပ်စ်အတွက်လည်း Star Wars Ep IV: A New Hope ကို လွယ်လွယ်နဲ့ ရိုက်ခွင့်ရခဲ့တာ မဟုတ်ဘူး။ ဒါပေမဲ့ အဲဒီလို ပင်ပင်ပန်းပန်းကာလတွေအလွန်မှာ သူတို့နှစ်ယောက်ဟာ အပျင်းလည်းပြေ စိတ်ပေါ့ပေါ့ပါးပါးဖြစ်အောင် ဇာတ်ကားတစ်ကားပေါင်းရိုက်ဖို့ စိတ်ကူးမိခဲ့ကြတယ်။ Indiana Jones ပေါ့။ စပီးဘာ့ဂ်နဲ့ လူးကပ်စ်တို့ ငယ်ငယ်က ကြည့်ခဲ့ရတဲ့ ဖန်တစ်ရာတေ ဇာတ်လမ်းဇာတ်ကွက်တွေနဲ့ ဗီလိန်ကလည်း တစ်ခါလာလည်း ဒီလိုပုံစံ၊ နောက်တစ်ယောက်လာလည်းဒီလိုပုံစံ၊ ဘယ်လိုလာလာ မင်းသားပဲနိုင်သွားလေသတည်းဆိုတဲ့ B အဆင့် ဇာတ်ကားတွေကို မှီးပြီး Indiana Jones ကို ဖန်တီးခဲ့ကြပေမဲ့ Raiders of the Lost Ark (1981) ဟာ အကြီးအကျယ်ပေါက်သွားခဲ့တယ်။ အော်စကာဆုတွေထိပါ ရသွားခဲ့တယ်။ ဒါရိုက်တာ စပီးဘာ့ဂ်အတွက်လည်း လက်နဲ့ထိရင် ရွှေဖြစ်တဲ့ကာလ လို့တောင် ပြောစမှတ်ပြုခဲ့ရတယ်။ Indiana ရဲ့ နာမည်ကိုလည်း တစ်ကမ္ဘာလုံးသိသွားခဲ့ပါတယ်။ The Temple of Doom (1984) ကိုတော့ Raiders မတိုင်ခင် တစ်နှစ်အလိုမှာ ဇာတ်အိမ်တည်ထားလိုက်တယ်။ ဗီလိန်တွေက နာဇီတွေပဲ ထပ်မဖြစ်စေချင်တဲ့အကြောင်းအရင်းကြောင့်ပေါ့။ Temple of Doom ဟာ Raiders လောက်တော့ ဂန္ထဝင်တွင်လောက်အောင်ပေါက်တဲ့ကား မဟုတ်ခဲ့ပေမဲ့ အထိုက်အလျောက်တော့ အောင်မြင်မှုရခဲ့ပြီး‌ အော်စကာပါရခဲ့ပါတယ်။ ပထမကားနဲ့ ဘယ်လိုမှမတူ၊ နောက်လာမယ့်ကားတွေနဲ့လည်း ဘယ်လိုမှမတူအောင် Deep Dark ပြီး သွေးထွက်သံယိုတွေအများဆုံးကားတစ်ကားအဖြစ် Indiana Jones Franchise ထဲမှာ ကွဲအထွက်ဆုံးကားတစ်ကားဖြစ်ခဲ့တယ်။ လူမျိုးရေးခွဲခြားမှုပြဿနာတွေ ကျွန်သဘောက်ပြဿနာတွေလည်း မီးမောင်းထိုးပြခဲ့တဲ့ကား ဖြစ်ခဲ့တယ်။ နှစ်ကြာလာလေ ပိုကောင်းလာလေဆိုပြီး နှစ်ချို့ဝိုင်လိုဖြစ်ခဲ့ပေမဲ့ Temple of Doom ဟာ သူ့နှစ်မှာတော့ ဝေဖန်ရေးသမားတွေ အတော်များများအကြိုက်တွေ့ခဲ့ကြတဲ့ ရုပ်ရှင်တစ်ကားတော့ မဟုတ်ခဲ့ဘူး။ အဲဒီအတွက် လူးကပ်စ်ဟာ ဒီပြဿနာကို ‌Sean Connery နဲ့ Holy Grail ကို ပေါင်းထည့်‌ပြီး‌ ဖြေရှင်းပေးလိုက်တယ်။ ခုနေ အင်ဒီယာနာဂျုံးစ်ကြည့်ဖူးတဲ့ ဘယ်သူ့ကိုမဆို "အကြိုက်ဆုံးက ဘာကားလဲ" လို့ သွားမေးလိုက်ရင် ဖန်အတော်များများ‌ဖြေကြမှာက The Last Crusade (1989) ပဲ ဖြစ်လိမ့်မယ်။ Raiders အလွန်မှာ အပြီးပြည့်စုံဆုံးဖြစ်ခဲ့တဲ့ ဇာတ်ကားတစ်ကားပါပဲ။ အစအဆုံးကို မှတ်မှတ်ရရ ရှိနေလောက်အောင်ကို ကောင်းလွန်းခဲ့တဲ့ ဇာတ်ကားတစ်ကားပေါ့။ ကွန်နရီနဲ့ဖို့ဒ်တို့ရဲ့ သားအဖ Moments တွေ၊ ပြန်ပါလာတဲ့ အချစ်တော်ကြီး ဆာလာ၊ ရင်လည်းဖိုရသလို ခွီလည်းခွီရတဲ့ Action ခန်းတွေ၊ ဂျုံးစ်နဲ့ ဟစ်တလာ၊ ဂျုံးစ်ရဲ့ ငယ်ဘဝ တစေ့တစောင်း၊ နောက်ဆုံး ဘုရားသခင်ရဲ့ သောက်တော်ရေခွက်။ သိပ်ကို လှပလွန်းခဲ့တဲ့ ရုပ်ရှင်တစ်ကားပါပဲ။ Original Trilogy အပြီးမှာတော့ အင်ဒီယာနာဂျုံးစ်ဆိုတဲ့ နာမည်နဲ့ ဇာတ်ကောင်ဟာ တစ်ကမ္ဘာလုံးစာ လွှမ်းမိုးသွားခဲ့တယ်။ သူ့ရဲ့ Trademark ဖြစ်တဲ့ ကျာပွတ် လယ်သာဂျက်ကတ် သက္ကလပ်ဦးထုပ်ပျော့ စတဲ့ဟာတွေကလည်း Lightsaber တွေနည်းတူ ရောင်းအားထိပ်ဆုံးရောက်ခဲ့တယ်။ Canon မဟုတ်တဲ့ အင်ဒီယာနာဂျုံးစ် ဂိမ်းတွေ ဝတ္ထုတွေ ကောမစ်တွေကလည်း အဆက်မပြတ်ထွက်လာခဲ့တယ်။ Indiana Jones ဇာတ်ကားတွေကလည်း နောင်လာမယ့် စွန့်စားခန်းရုပ်ရှင်တွေရဲ့ မီးရှူးတိုင် ပြဌာန်းစာအုပ်တွေ ဖြစ်သွားသလို One of the World's Greatest Action Heroes အနေနဲ့လည်း အသိအမှတ်ပြုခံခဲ့ရတယ်။ Paramount နဲ့ ငါးကားစာ စာချုပ်ချုပ်ပြီးသားဖြစ်လို့ နောက်တစ်ကားအတွက် လူးကပ်စ်က ဇာတ်လမ်းရှာနေတဲ့အချိန်မှာ ဇာတ်လမ်းလည်းစဉ်းစား အပျင်းလည်းပြေ တစ်ချက်ခုတ် နှစ်ချက်ပြတ်အနေနဲ့ The Young Indiana Jones Chronicles စီးရီးကြီးကို ရိုက်ဖြစ်သွားတယ်။ ပရိသတ်တွေ သိချင်လှပါချည်ရဲ့ဆိုတဲ့ ဂျုံးစ်ရဲ့ ငယ်ဘဝ လူငယ်ဘဝ အဖြစ်အပျက်အကုန်ကို လူးကပ်စ်က ချပြခဲ့တယ်။ Star Wars ထဲမှာ Princess Leia အနေနဲ့ သရုပ်ဆောင်ခဲ့တဲ့ Carrie Fisher တောင် တစ်ပိုင်းအတွက် ဇာတ်ညွှန်းဝင်ရေးပေးခဲ့သလို Harrison Ford ကိုယ်တိုင်လည်း အင်ဒီယာနာအနေနဲ့ တစ်ပိုင်း ဝင်ပါခဲ့ပါသေးတယ်။ ခရူးဆိတ်အလွန် 19 နှစ်အကြာမှာတော့ အင်ဒီယာနာဟာ ပိတ်ကားပေါ် ပြန်ရောက်လာခဲ့တယ်။ ဖို့ဒ်လည်း အိုနေပြီဖြစ်သလို ဂျုံးစ်လည်း အိုနေပြီ၊ စပီးဘာ့ဂ်နဲ့ လူးကပ်စ်ရောပေါ့။ ဒါပေမဲ့ The Kingdom of the Crystal Skull (2008) ဟာ ပရိသတ်အချစ်တော် ရှေးသုပညာရှင်ကြီးနဲ့ မာရီယွန်ရေဗန်ဝုဒ်တို့ကို ပြန်ပေါင်းစည်းစေပြီး ခုခေတ်ရဲ့ တိုးတက်လာတဲ့ နည်းပညာတွေသုံးပြီး အရင်ကားတွေရဲ့ အရသာ ပြန်ရစေ‌ဖို့ အတတ်နိုင်ဆုံးကြိုးစားထားတဲ့ ကားကောင်းတစ်ကားဖြစ်ခဲ့ပါတယ်။ ဇရာထောင်းလာပြီဖြစ်တဲ့ ဟယ်ရီဆင်ဖို့ဒ်အတွက် ဂျုံးစ်ဇာတ်ကောင်ကနေ အနားယူနိုင်အောင်လို့ လှလှပပသိမ်းထားတဲ့ ဇာတ်သိမ်းခန်းလေးနဲ့ပေါ့။ ဒါပေမဲ့ Shia LaBeouf ကြောင့် ဒီပလန် အလုပ်ဖြစ်မသွားဘူး။ 2012 မှာ Lucasfilm ကို ဒစ်စနေးက ဝယ်လိုက်လို့ Star Wars နဲ့ Indiana Jones ဟာ ဒစ်စနေးပိုင်ဆိုင်မှုအောက် ရောက်သွားတယ်။ အဲဒီနောက်မှာတော့ Star Wars တွေပဲ ပေါပေါလောလောထွက်လာပေမဲ့ အင်ဒီယာနာအတွက်တော့ ဇာတ်လမ်းရှာနေတာနဲ့တင် ဆယ်နှစ်ကြာသွားတယ်။ ကားအသစ်မှာသုံးဖို့ ဇာတ်ချိတ်ပစ္စည်း MacGuffin ကို လူးကပ်က စဉ်းစားထားပြီးပေမဲ့ ဇာတ်လမ်းကိုတော့ သူမရေးတော့ဘူး။ စပီးဘာ့ဂ်ကလည်း Kingdom of Crystal Skull အလွန်မှာ လူသစ်ဒါရိုက်တာတစ်ယောက်ယောက် ပြောင်းကိုင်စေချင်တယ်။ ဒီလိုနဲ့ပဲ အင်ဒီယာနာ ကားသစ်ဟာ Walk the Line, Logan နဲ့ Ford v Ferrari စတဲ့ ကားကောင်းတွေရိုက်ခဲ့တဲ့ James Mangold လက် ရောက်သွားတယ်။ The Dial of Destiny (2023) ဟာ Indiana Jones Franchise ကြီးအတွက် နောက်ဆုံးပိတ်ကားဖြစ်လာတယ်။ ပါရာမောင့်နဲ့ ငါးကား စာချုပ်ကလည်း ပြည့်ပြီကိုး။ Disney က လူပြောင်းပြီး ထပ်ညှစ်ထုတ်ရင် ထုတ်နိုင်လောက်သေးပေမဲ့ ဒီကားက Harrison Ford ရဲ့ Indiana Jones အတွက် ဇာတ်သိမ်းခန်းတစ်ခုခုကို ယူဆောင်ပေးရတော့မယ့်ကားတစ်ကားပါပဲ။ မထွက်သေးခင် Trailer အနေနဲ့ရော၊ ထွက်တဲ့အချိန်မှာရော Mixed Reviews တွေ အများကြီးရှိခဲ့တဲ့ နောက်ဆုံးကားဟာ ကောင်းမကောင်းဆိုတာ ကြည့်တဲ့သူအပေါ်အများကြီး မူတည်သွားပါလိမ့်မယ်။ သမိုင်းကြီးခဲ့တဲ့ ဇာတ်ကောင်တစ်ကောင်ရဲ့ ဇာတ်သိမ်းဟာ ဒီအတိုင်းပဲ ဖြစ်သင့်လား ဆိုတာက ကြည့်ပြီးရင်ဖြစ်လာမယ့် မေးခွန်းတစ်ခု‌ပေါ့။ ဘယ်လိုပဲဆိုဆိုပါ George Lucas, Steven Spielberg, John Williams နဲ့ Harrison Ford တို့ ဖန်တီးခဲ့ကြတဲ့ Indiana Jones Franchise ကြီးဟာ နှစ်ပေါင်း 40 ကျော်အကြာမှာ ရုပ်ရှင်ငါးကား စီးရီးတစ်ခုနဲ့ ဇာတ်သိမ်းသွားပါပြီ။ ဒါပေမဲ့ ကျွန်‌တော်တို့ အချစ်တော် ရှေးသုပညာရှင်ကြီးနဲ့ သူ့ရဲ့ စွန့်စားခန်းတွေကတော့ ဘယ်တော့မှ တိမ်ကော‌ပျောက်ပျက်မသွားမယ့် သမိုင်းတစ်ပုဒ်ပါပဲ။ "I am like a bad penny, I always turn up." - Indiana Jones (Harrison Ford) ~ Y ~ Indiana Jones ဇာတ်ကားများကို https://channelmyanmar.org/?s=indiana+jones  မှာကြည့်လို့ရပါတယ်။ File size…(12 GB)/(3 GB)/ (1.4 GB) Quality….BluRay 4K HEVC/1080p HEVC/720p Format…mkv/mp4 Duration….01:58:26 Subtitle….Myanmar Subtitle(Hardsub) Encoder….Ka Naung