Keith Coogan ပါဝင်သော ဇာတ်ကားများ

Don't Tell Mom the Babysitter's Dead (2024) ခရန်ဒယ်မိသားစုဟာ ဖခင်ဖြစ်သူ ဆုံးပါးသွားပြီးနောက်မှာ သားသမီး ၄ ယောက်ကို အမေတစ်ယောက်တည်းကပဲ ပြုစုပျိုးထောင်လာခဲ့တာဖြစ်ပြီး သားသမီးတွေက တစ်ယောက်တစ်မျိုးဆိုးသွမ်းကြလို အမေဖြစ်သူက နိုင်ငံခြားကိုသွားချိန်မှာ ၁၇ နှစ်အရွယ် သမီးကြီးက အားကိုးလိုမရလို ကလေးထိန်းနဲ့ထားခဲ့ရတယ်။ လူမည်းခရန်ဒယ်မိသားစုဆီရောက်လာတဲ့ ကလေးထိန်းအဖွားကြီးဟာ လူဖြူအမျိုးသမီးဖြစ်နေပြီး လူမျိုးရေးအလွန်ခွဲခြားသူ။ ကံဆိုးချင်တော့ ကလေးထိန်းအဖွားကြီးဟာ သူတိုအိမ်ပေါ်မှာတင် သေဆုံးသွားတာကြောင့် လူကြီးမရှိဘဲ ကလေး ၄ ယောက် ဘယ်လိုတွေဖြရှင်းကြမလဲ။ ရှေ့ဆက်ပြီးတော့ရော ဘယ်လိုအရာတွေနဲ့ ကြုံရမှာလဲ။ ၁၉၉၁ ခုနှစ်ထွက် Don't tell Mom the Babysitter's Dead ရဲ့ remake ဖြစ်ပါတယ်။ (အညွှန်းနဲ့ဘာသာပြန်ကတော့ Su ဖြစ်ပါတယ်။) File size… (2 GB) / (900 MB) Quality….WEB-Rip 1080p HEVC / 720p Format…. mkv/mp4 Genre….Comedy Duration….01:38:52 Subtitle….Myanmar Subtitle (Hardsub) Encoder….Benjamin Translated by Su

Team of Two (2024) IMDb Rating (5.1) ဒီကားကတော့ 2024 ခုနှစ်ထဲမှာ ထွက်ရှိထားတဲ့ ဟာသအက်ရှင် ဇာတ်ကားလေးဖြစ်ပါတယ်။ အဓိကသရုပ်ဆောင်တွေ အနေနဲ့ကတော့ Joss Gomez , Marc Singer , Eric Roberts စတဲ့ သရုပ်ဆောင်များစွာပါဝင်ထားပြီးတော့ ဒါရိုက်တာအနေနဲ့ရော ဇာတ်ညွှန်းကိုပါ Joss Gomez ကိုယ်တိုင်ပဲ ပါဝင်ထားတာပဲ ဖြစ်ပါတယ်။ ဇာတ်လမ်းအကျဉ်း Marc Valentine(Joss Gomez) ကတော့ တစ်ယောက်တည်း အလုပ်လုပ်ရတာကို ကြိုက်တဲ့ လူသတ်မှု စုံထောက်တစ်ယောက်ဖြစ်ပါတယ်။ ဒါပေမယ့် အထက်လူကြီးရဲ့ အမိန့်အရ လူမျိုးစုံနဲ့ အလုပ်တွဲလုပ်ရဖို့ဖြစ်လာပါတယ်။ Marc ကတော့ သူ့ကိုယ်သူ 80 ခုနှစ်တွေထဲမှာပဲ နေထိုင်နေတယ်လို့ ထင်ပြီးတော့ နည်းနည်းတော့ ရူးကြောင်ကြောင်နိုင်ပါတယ်။ Big Boss Tango(Marc Singer) ကတော့ တစ်ကမ္ဘာလုံးကို ကပ်ဘေးဖြစ်စေနိုင်တဲ့ ဗိုင်းရပ်စ်တစ်ခုကို ဖန်တီးပြီးတော့ Marc သာ မတားဘူးဆိုရင် Los Angeles မြို့ထဲမှာ စပြီးတော့ ဖြန့်ပစ်ဖို့ စီစဉ်နေတဲ့ ရာဇဝတ်သားတစ်ယောက်ဖြစ်ပါတယ်။ ပရော်ဖက်ဆာ Malevolent (Dr Robert Ray) ကတော့ Captain Dupree(Ken Davitian) ရဲ့သမီးကို ပြန်ပေးဆွဲလိုက်ပြီးတော့ အခြေအနေတွေပိုဆိုးလာခဲ့ပါတယ်။ Marc ရဲ့အဖေ (Lorenzo Lamas) နဲ့ Captain Johnson(Eric Roberts) တို့ရဲ့ လမ်းညွှန်မှုနဲ့အတူ Marc တစ်ယောက် အခက်အခဲတွေကို ဘယ်လို ကျော်ဖြတ်ပြီးတော့ Big Boss Tango ရဲ့ အစီအစဉ်တွေကို ဘယ်လိုတားသွားမလဲ ဆိုတာကို ဟာသဆန်ဆန်ကြည့်ရမှာပဲ ဖြစ်ပါတယ်။ (အညွှန်းနဲ့ဘာသာပြန်ကတော့ Nay ဖြစ်ပါတယ်။) File size…(3.6 GB) / (1.6 GB) Quality….WEB-Rip 1080p HEVC / 720p Format…. mkv/mp4 Genre….Action,Adventure,Comedy Duration….01:47:55 Subtitle….Myanmar Subtitle (Hardsub) Encoder….Double K Translated by Nay

တစ်ခါတလေကျတော့လည်း အရင်တုန်းက ပေါ့ပေါ့ပါးပါး ဇာတ်လမ်းကလေးတွေကို ပြန်ကြည့်ကြရတာက အသက်အရွယ်ငယ်ငယ် ဆယ်ကျော်သက်ဘဝတွေကို ပြန်လည် အမှတ်ရစေတာကတော့ တကယ်ပါပဲ။ ခေတ်တွေ ဘယ်လောက်ပဲ ပြောင်းလဲနေပါစေ ဆယ်ကျော်သက်အရွယ်ကလေးတွေ ကပေါက်တိကပေါက်ချာလုပ်ကြတဲ့ ဇာတ်ကွက်တွေနဲ့ ဇာတ်လမ်းတွေကိုတော့ ဘယ်အချိန်နေနေ ပြန်လည်ကြည့်ရှုချင်မိကြမှာကတော့ အသေအချာပဲ ဖြစ်ပါတယ်။ (၁၉၉၁)ခုနစ်မှာ ထွက်ရှိခဲ့တဲ့ Comedy/ Dark comedy အမျိုးအစား ဇာတ်လမ်းတစ်ပုဒ်ဖြစ်တဲ့ “Don’t Tell Mom the Babysitter’s Dead” ဇာတ်လမ်းလေးမှာဆိုရင်တော့ စွဲလ်တို့မောင်နှမတသိုက် ဖြတ်သန်းရမယ့် နွေရာသီအားလပ်ရက်တွေကို မြင်တွေ့ရမှာပြ ဖြစ်ပါတယ်။ ခင်ပွန်းနဲ့ ကွာရှင်းထားသူ စွဲလ်တို့အမေက စွဲလ်တို့မောင်နှမငါးယောက်ကို ထိန်းေကျာင်းပျိုးထောင်ရင်းနဲ့ နှစ်ပေါင််း(၃၀)ကျော်ကို ကုန်ဆုံးခဲ့တာ ပင်ပန်းလွန်းလှလို့ တူပါရဲ့ ဒီနွေတော့ သူ့ကလေးတွေကို အိမ်မှာထားခဲ့ကာ၊ သူ့ချစ်သူနဲ့ ဥရောပကို ခရီးထွက်သွားပါတော့တယ်။ The babysitter ဆိုတဲ့အတိုင်း စွဲလ်တို့ကို ထိန်းကျောင်းဖို့ ကလေးထိန်းဘွားဘွားတစ်ယောက်ကိုလည်း အိမ်မှာ ခန့်ခဲ့ပါသေးတယ်။ ကလေးထိန်းသက်တမ်းရင့်နေပြီဖြစ်တဲ့ ကလေးထိန်းအဘွားကြီးက စည်းကမ်းအလွန်အမင်းတင်းကျပ်လွန်းတာကြောင့် ကလေးတွေက အစ်မကြီးဖြစ်သူစွဲလ်ကို အားကိုးတကြီး ပြောပေးခိုင်းကြတော့တာပေါ့။ စွဲလ်လည်း ကလေးထိန်းအဘွားကြီးကို သွားအပြော ဘာမှန်းမသိ သေဆုံးနေတဲ့ အဘွားကြီးကို တွေ့လိုက်ရပါတော့တယ်။ အဘွားကြီး သေသွားတာကို စွဲလ်တို့တွေဟာ ပျော်ချင်တိုင်းပျော်ခွင့်ရမယ့် သူတို့နွေအားလပ်ရက်ရေး ဆုံးရှုံးသွားမှာကို စိုးရိမ်တာကြောင့် သူတို့အမေကို မပြောဖို့ ဆုံးဖြတ်ကြပြီးတော့ စွဲလ်ဦးဆောင်မှုအတိုင်း မောင်နှမငါးယောက်စခန်းသွားကြပါတော့တယ်။ ဒီနွေရာသီအားလပ်ရက်လေးက စွဲလ်တို့အတွက် လုပ်ချင်တာလုပ်ဖို့ အခွင့်အရေးလား ဒါမှမဟုတ် ဂြိုဟ်ဆိုးဝင်တာလားပဲဆိုတာကိုတော့ CMက တင်ဆက်ပေးလိုက်တဲ့ “Don’t Tell Mom the Babysitter’s Dead” (1991) ဇာတ်လမ်းလေးထဲမှာ ခံစားကြည့်ရှုနိုင်မှာပဲ ဖြစ်ပါတယ်။ File Size :  2.8 GB, 1.3 GB Quality : WEB-DL 1080p / 720p Running Time : 1hr 40min Format : Mp4 Genre : Comedy, Dark Comedy Subtitle : Myanmar Subtitle (Hard Sub) Translated by : Doros Encode by : Thit San Khant

The Fox and the Hound (1981) ကာတွန်းကား ကြည့်ရင် မငိုတတ်ဘူးဆိုတဲ့ သူငယ်ချင်းကိုပြဖို့ ကာတွန်းတစ်ပုဒ် Walt Disney ရဲ့ နာမည်ကျော် ကာတွန်းကား The Fox and the Hound (မြေခွေးနှင့် အမဲလိုက်ခွေး) ရုပ်ရှင်က ကလေးအတွက်တင် မဟုတ်ဘဲ လူကြီးတွေအတွက်ပါ သင်ခန်းစာယူတတ်ရင် အကျိုးရှိတဲ့ မက်ဆေ့ခ်ျလေး‌တွေ ထည့်သွင်းပေးထားပါတယ်။ ရုပ်ရှင်အညွှန်း The Fox and the Hound (1981) ဒီဇာတ်ကားဟာ မွေးကတည်းက ရန်သူဖြစ်ဖို့ ကံပါလာတဲ့ တိရစ္ဆာန်နှစ်ကောင်ကြားက မဖြစ်နိုင်တဲ့ ခင်မင်ရင်းနှီးမှုကို ဖော်ပြထားတဲ့ Disney ရဲ့ စိတ်လှုပ်ရှားစရာ ကာတွန်းဇာတ်လမ်းတစ်ပုဒ် ဖြစ်ပါတယ်။ ဇာတ်လမ်းအကျဉ်း အမေဖြစ်သူ မုဆိုးလက်ချက်နဲ့ ဆုံးပါးသွားပြီးနောက် မိဘမဲ့ဖြစ်သွားတဲ့ Tod (တော့ဒ်) လို့ နာမည်ပေးထားတဲ့ မြေခွေးပေါက်လေးတစ်ကောင်ကို မုဆိုးမကြီး တွိဒ် (Widow Tweed) က မေတ္တာထားပြီး မွေးစားထားပါတယ်။ အဲဒီလိုပဲ အိမ်နီးချင်း မုဆိုးကြီး အေမိုစ့် စလိတ် (Amos Slade) ကလည်း Copper (ကော့ပါး) လို့ အမည်ရတဲ့ အမဲလိုက်ခွေးလေးတစ်ကောင်ကို မွေးထားပါတယ်။ ငယ်စဉ်ဘဝမှာ Tod နဲ့ Copper တို့ဟာ သူတို့ရဲ့ မျိုးနွယ်တွေကြားက ရန်ငြိုးရန်စတွေကို မသိဘဲ လွတ်လပ်ပျော်ရွှင်စွာ ဆော့ကစားရင်း အမြဲတမ်း သူငယ်ချင်းကောင်းများ ဖြစ်ကြဖို့ ကတိပေးခဲ့ကြပါတယ်။ ဒါပေမဲ့ အမဲလိုက်ရာသီရောက်လာပြီး Copper ဟာ အမဲလိုက်ခွေးအဖြစ် လေ့ကျင့်ခံရဖို့ မုဆိုးကြီးနဲ့အတူ တောထဲကို ထွက်ခွာသွားချိန်မှာတော့ သူတို့နှစ်ဦးကြားက အခြေအနေတွေ စတင်ပြောင်းလဲလာပါတယ်။ နွေဦးပေါက်လို့ Copper ပြန်ရောက်လာချိန်မှာ Tod ဟာလည်း အရွယ်ရောက်လာပြီး သူငယ်ချင်းနှစ်ဦးဟာ မလွဲမရှောင်သာ ရင်ဆိုင်ရမယ့် ရန်သူ ဖြစ်လာပါတော့တယ်။ တစ်ယောက်က မုဆိုးရဲ့ ခွေး၊ နောက်တစ်ယောက်က အမဲလိုက်ခံရမယ့် မြေခွေး အဖြစ် သူတို့ရဲ့ တာဝန်နဲ့ သဘာဝအလျှောက် ဖြစ်လာတဲ့ တိုက်ပွဲတွေ၊ စွန့်စားခန်းတွေကြားမှာ Tod နဲ့ Copper တို့ဟာ သူတို့ရဲ့ ကလေးဘဝ ကတိသစ္စာကို အမှန်တကယ် စောင့်ထိန်းနိုင်မလား၊ ဒါမှမဟုတ် ပတ်ဝန်းကျင်ရဲ့ ဖိအားပေးမှုနဲ့ သူတို့ရဲ့ ဇာတိစိတ်အောက်မှာ ခင်မင်ရင်းနှီးမှုကို စတေးလိုက်ရမလားဆိုတာကို စိတ်လှုပ်ရှားစွာ ကြည့်ရှုရမှာ ဖြစ်ပါတယ်။ The Fox and the Hound ဟာ မေတ္တာ၊ သတ္တိနဲ့ လူမှုပတ်ဝန်းကျင်ရဲ့ အစွဲအလမ်းတွေက လူသားတွေနဲ့ သတ္တဝါတွေရဲ့ ဆက်ဆံရေးအပေါ် ဘယ်လို သက်ရောက်မှုရှိတယ်ဆိုတဲ့ သင်ခန်းစာတွေကို ပေးစွမ်းတဲ့ ရုပ်ရှင်ကားကောင်းတစ်ကားပဲ ဖြစ်ပါတယ်။ Disney ရဲ့ပုံစံခွက်မှ ကွဲထွက်နေသော ရုပ်ရှင်တစ်ခု သာမန်မြင်တွေ့နေကျ Disney ကာတွန်းတွေနဲ့ မတူဘဲ ဇာတ်လမ်းဇာတ်ကွက်တွေ ကွဲထွက်နေတဲ့အပြင် ဒီရုပ်ရှင်မှာတော့ အဆုံးသတ် Happy Ending ကိုဖွင့်ဆိုချက်က ကွာခြားနေပါတယ်။ ဇာတ်လမ်းမှာ Antagonist ရေရေရာရာ မပါဘဲ လောကရဲ့သဘာဝသာလျှင် အဓိက Antagonist အဖြစ် မြင်ရပါတယ်။ဇာတ်ကောင်တိုင်းက ကိုယ့်ယုံကြည်မှုတစ်ခုကို လက်ကိုင်စွဲရင်း ကိုယ်မှန်ရာ ကိုယ်လုပ်နေသူတွေသာ ပါပါတယ်။ ကလေးကြည့်ရူသူများနဲ့ သင့်တော်အောင် မူရင်းစာအုပ်မှ ဖြစ်ရပ်တချို့ကို ပြောင်းလဲပြုပြင်ထားတာကိုလည်း တွေ့ရပါတယ်။ Disney ရဲ့အပြောင်မြောက်ဆုံးလက်ရာတွေထဲက တစ်ခုလို့ ပြောရင် မမှားနိုင်ပါဘူး။ ဒီဇာတ်ကားမှာ မင်းသား၊ မင်းသမီး လူဆိုးရယ် ပျော်စရာ အဆုံးသတ်နဲ့မြင်နေကျမဟုတ်ဘဲ ဇာတ်ကွက် အလှည့်အပြောင်းအပြင် ရှေးကနဲ့ မတူတဲ့ Ending ကိုမြင်ရပါတယ်။ လက်တွေ့ကျတဲ့ သဘာဝကိုသာ ဇာတ်လမ်းအခြေခံထားပြီး ဇာတ်ကွက်ဟာလည်း အပြင်မှာ ဖြစ်နေကျ ရန်သူလို့ အများက သတ်မှတ်ထားသူနှစ်ဦးရဲ့ သူငယ်ချင်းသံယောဇဉ်ကိုသာ ရိုက်ပြထားပါတယ်။ အများက ရန်သူဖြစ်ရမယ်လို့ သတ်မှတ်ထားလို့ မပေါင်းနိုင်ကြတဲ့ စည်းမျဉ်းတွေ အများကြီး ရှိပါတယ်။ ဒီဇာတ်ကားမှာတော့ ပတ်ဝန်းကျင်အတိုက်အခိုက်ကြားက ဆက်လက်တည်တံ့ဖို့ ကြိုးစားကြတဲ့ ကလေးနှစ်ဦးရဲ့ မေတ္တာကိုသာမြင်ရပါတယ်။ တစ်ခါတစ်ရံ ကြောင်းကျိုးမှန်ကန်စွာမရှိဘဲ ပုဂ္ဂိုလ်စွဲကို လက်ကိုင်လွန်းရင်းက ပဋိပက္ခများစွာဖြစ်ပေါ်နေတဲ့ လောကကြီးအတွက် လူသားတွေ ပြန်သုံးသပ်သင့်တဲ့ အရေးအကြီးဆုံး အခြေခံအကျဆုံး လူသားချင်းရင်းနှီးမှုကို Disney က ကလေးရုပ်ရှင်မှ တစ်ဆင့် ပညာပေးနိုင်ပုံကို တွေ့ရပါတယ်။ အချိန်ကာလမှ သင်ခန်းစာ၊ အချိန်က လူကိုပြောင်းလဲတတ်စေတာကို လက်ခံဖို့ မီးမောင်းထိုးပြပေးထားပါတယ်။ တစ်ခါတစ်ရံ ရှိခဲ့တဲ့ အခြေအနေကို အမြဲတည်တံ့ဖို့ ကြိုးစားလို့မရနိုင်တာကိုလည်း ပြသထားပါတယ်။ Disney ရုပ်ရှင်အတော်များများထဲက သူမတူဘဲ ရင့်ကျက်တဲ့ ဇာတ်ကွက်ကို မှီငြမ်းထားပြီး Traditional Animation (Hand-drawing) ကို နှစ်ခြိုက်စွာ ခံစားနိုင်မယ့် အဖိုးတန် ကာတွန်းတစ်ခုပါ။