Keith Michl ပါဝင်သော ဇာတ်ကားများ

စနေဂြိုဟ်ဆီ အာကာသယာဉ်တစ်စင်း လွှတ်တင်လိုက်ရာကနေ မထင်မှတ်ထားတဲ့ ဖြစ်ရပ်ဆန်းတစ်ခု ဖြစ်ပွားခဲ့ပါတယ်။ အဲဒီဖြစ်ရပ်ကြောင့် အာကာသယာဉ်မှူးတစ်ယောက်ဟာ ခန္ဓာကိုယ်အရည်ပျော်နေတဲ့ လူတစ်ယောက်အဖြစ် ပြောင်းလဲသွားတယ်။ ဒီလိုဖြစ်သွားတဲ့သူ ဘာတွေဆက်လုပ်မလဲ၊ သူ့အတွက် ဘာတွေထပ်ဖြစ်လာမလဲဆိုတာကို ဆက်ပြထားပါတယ်။ ၁၉၇၇ ခုနှစ်ထွက် သိပ္ပံစိတ်ကူးယဉ် ထိတ်လန့်ဇာတ်ကားဖြစ်ပြီး လူတွေ အာကာသထဲကို စတင်ခြေဆန့်လာတဲ့ ၂၀ ရာစုက အာကာသအကြောင်း ဇာတ်ကားတွေထဲက တစ်ကားပါ။ သွေးသံရဲရဲနဲ့ ရွံစရာကောင်းတဲ့ ဇာတ်ဝင်ခန်းတွေ ပါတဲ့အတွက် ဒီလိုအခန်းမျိုး မခံနိုင်သူတွေအတွက်တော့ ကြည့်ရခက်နိုင်ပါတယ်။

Cannonball! (1976) အမေရိကန် အနောက်ဘက်ကမ်းခြေ လော့စ်အိန်ဂျလိစ်မြို့ကနေ အရှေ့ဘက်ကမ်းခြေ နယူးယောက်မြို့အထိ တစ်နိုင်ငံလုံးကို ဖြတ်ကျော်ပြီး... စည်းကမ်းမဲ့ ဥပဒေပြင်ပကနေအပြင်းမောင်းနှင်ကြတဲ့ ကားပြိုင်ပွဲကြီးအကြောင်းကို ရိုက်ကူးထားတဲ့ အမေရိကန် Action / Comedy / Racing ရုပ်ရှင်ကားဟောင်းဖြစ်ပါတယ်။ ဇာတ်လမ်းကတော့ အမေရိကတိုက်ကြီးကို ဖြတ်ကျော်ပြီး တရားမဝင် လျှို့ဝှက်ကျင်းပတဲ့ "Cannonball Grand Prix" လို့ခေါ်တဲ့ ကားပြိုင်ပွဲကြီးအကြောင်း ဖြစ်ပါတယ်။ ဒီပြိုင်ပွဲရဲ့ စည်းကမ်းက ရိုးရိုးလေးပါပဲ— လော့စ်အိန်ဂျလိစ်မြို့ကနေ နယူးယောက်မြို့အထိဘယ်လမ်းကနေဖြစ်ဖြစ်၊ ဘယ်လိုနည်းလမ်းနဲ့ဖြစ်ဖြစ် အမြန်ဆုံး ရောက်ရှိတဲ့သူဟာ အမေရိကန်ဒေါ်လာ တစ်သိန်း ဆုကြေးငွေကို အပိုင်ရရှိမှာ ဖြစ်ပါတယ်။ ၁ သိန်းဆိုတာ အဲ့ဒီခေတ်က အရမ်းကိုများတဲ့ပမာဏပါ.. ဒီဆုကြေးငွေကြီးကို မျက်စိကျတဲ့ ပြိုင်ပွဲဝင်တွေဟာ ကမ္ဘာ့အဆင့်မြင့် ပြိုင်ကားအဆန်းကြီးတွေကိုယ်စီနဲ့ ဝင်ရောက်ယှဉ်ပြိုင်ကြပါတော့တယ်။ ဇာတ်လိုက်ဖြစ်သူ ကိုယိုတီ ဘိတ်စ်ဟာ ထောင်ကလွတ်လာခါစ ကားမောင်းသမားတစ်ဦးဖြစ်ပြီး ဘဝသစ်စတင်ဖို့ ဒီပြိုင်ပွဲကို ဝင်ပြိုင်တာပါ။ ဒါပေမဲ့ ပြိုင်ပွဲက သာမန်အားကစားပြိုင်ပွဲ မဟုတ်ဘဲ... ပြိုင်ဘက်တွေကတစ်ဆင့် လမ်းမှာ တစ်ယောက်ကိုတစ်ယောက် ထောင်ချောက်ဆင်တာ၊ ကားချင်းတိုက်ပြီး လူသတ်ဖို့အထိ ကြိုးစားတာ၊ ရဲတပ်ဖွဲ့ရဲ့ လိုက်လံဖမ်းဆီးမှုတွေကို ရှောင်ကွင်းရတာတွေကြောင့်... တစ်နိုင်ငံလုံးက လမ်းမတွေပေါ်မှာ ကားအက်ဆီးဒင့်တွေ၊ ကမောက်ကမ ဟာသပြကွက်တွေနဲ့ ဘယ်သူက နောက်ဆုံးပန်းတိုင်ကို အသက်ရှင်လျက် ရောက်သွားမလဲဆိုတာကို စိတ်လှုပ်ရှားစရာ ရိုက်ပြထားပါတယ်။

အမေရိကန်နိုင်ငံမှာ အကျင့်ပျက်အစိုးရက ပြည်သူတွေကို ဖျော်ဖြေဖို့အတွက် ရက်စက်ကြမ်းကြုတ်တဲ့ "ကားပြိုင်ပွဲ" ကို နှစ်စဉ်ကျင်းပပေးပါတယ်။ ဒီပြိုင်ပွဲရဲ့ စည်းမျဉ်းကတော့ အမြန်ဆုံးမောင်းရုံတင်မကဘဲ လမ်းထက်က အပြစ်မဲ့ပြည်သူတွေကို ကားနဲ့တိုက်သတ်ပြီး ရမှတ်အပြိုင်အဆိုင် ယူရတာပါ။ လူမဆန်တဲ့ ဒီပြိုင်ပွဲကြီးနဲ့ အကျင့်ပျက်အစိုးရကို ဖြုတ်ချဖို လျှို့ဝှက်ပြင်ဆင်နေတဲ့ အဖွဲ့တစ်ဖွဲ့ ရှိနေပြီး၊ ဖရန်ကင်စတိန်းရဲ့ လမ်းညွှန်အသစ်အဖြစ် ရောက်လာတဲ့ ကောင်မလေး "အန်နီ" ဟာလည်း အဲဒီအဖွဲ့ရဲ့ သူလျှိုတစ်ယောက် ဖြစ်နေပါတယ်။ သွေးဆာနေတဲ့ ပြိုင်ကားသမားတွေကြားထဲမှာ ဖရန်ကင်စတိန်းတစ်ယောက် ချန်ပီယံဆုကို ဘယ်လိုထိန်းသိမ်းမလဲ၊ အစိုးရကိုဖြုတ်ချရေးကြံစည်နေသူတွေရဲ့ အစီအစဉ်ကရော အောင်မြင်မလားဆိုတာကတော့.......