Kevin Molis ပါဝင်သော ဇာတ်ကားများ

Confidential(2020) အားလုံးစောင့်မျှော်ခဲ့ကြတဲ့ မင်းသား Mark Wahlberg ရဲ့ Spenser Confidential ရုပ်ရှင်ဖြစ်ပါတယ်။ အမေရိကန် comedy-thriller ရုပ်ရှင်အမျိုးအစားပါ။ ဒါရိုက်တာ Peter Berg ရိုက်ကူးထားပြီး Netflix Production က ထုတ်လုပ်ဖြန့်ချီထားပါတယ်။ ဒီရုပ်ရှင်ဟာဆိုရင် Mark Wahlberg ရဲ့ ပထမဦးဆုံး Netflixရုပ်ရှင်ကားပါ။ အမေရိကန်ရက်ပ်ပါ Post Malone တစ်ယောက် ပါဝင်သရုပ်ဆောင်ထားတာကို တွေ့ရပါတယ်။ ဒီဇာတ်လမ်းမှာ ဘော်စတွန်မြို့ရဲ့ရဲအရာရှိတစ်ယောက်ဖြစ်တဲ့ Spenser ဟာ အကျင့်ပျက်ခြစားနေတဲ့ သူ့အထက်အရာရှိကို ကိုယ်ထိလက်ရောက်ကျူးလွန်မှုနဲ့ ထောင်ထဲမှာ ငါးနှစ်နေခဲ့ရတယ်။ Spenser က ထောင်ကထွက်လာပြီးတဲ့အချိန်မှာ ဘော်စတွန်မြို့ကနေထွက်သွားပြီး ထရပ်ကားမောင်းသူအဖြစ် ဘဝအသစ်ပြန်စတော့မှာပါ။ ဒါပေမယ့် သူ ထောင်ကထွက်လာပြီးတဲ့ နောက်နေ့မှာ ရာဇဝတ်မှုတစ်ခုရုတ်တရက်ပေါ်ပေါက်လာခဲ့တယ်။ အဲ့ဒီရာဇဝတ်မှုရဲ့ ရှုပ်ထွေးပွေလီမှုကို တွေ့ရှိလိုက်ရတဲ့ Spenser တစ်ယောက် အမှန်တရားကို ဖော်ထုတ်ဖို့ ဆုံးဖြတ်လိုက်ပါတော့တယ်။ File Size : (1 GB , 335 MB ) Quality : WEB-DL 720p Running Time : 1 hr 51 min Format : Mp4 Genre : Crime , Drama , Mystery Subtitle : Myanmar Subtitle (Hard Sub) Translated by Lucille Encoded by Moe Myint Lwin

Patriots Day (2016) ~ IMDb - 7.3/10, RT - 80%, Meta - 69% ~ Patriot Day ဆိုတာကတော့ အသက်ဆုံးရှုံးသွားတဲ့ သူရဲကောင်းတွေ နစ်နာသူတွေကို အောက်မေ့တသပြုကြတဲ့နေ့ပါပဲ။ ၂၀၁၃ ဧပြီ ၁၅ရက်တုန်းက ဘော်စတွန်မာရသွန်ပွဲမှာ ဗုံးနှစ်လုံးပေါက်သွားခဲ့တယ်။ အဲဒီအဖြစ်ဟာ တော်တော်ဟိုးလေးတကြော်ဖြစ်သွားခဲ့သလို မူရာကာမိကလည်း အက်ဆေးတစ်ပုဒ်ထဲ ဒီကြောင်းထဲရေးခဲ့ဖူးတယ်။ ဒီဇာတ်လမ်းကတော့ ဒီဘော်စတွန်မာရသွန်ဗုံးကွဲမှုနဲ့ အဲဒီနောက်ပိုင်း အကြမ်းဖက်ကို လိုက်ဖမ်းကြတဲ့အကြောင်းကို ရိုက်ပြထားတယ်။ Casey Sherman နဲ့ Dave Wedge တို့ရဲ့ Boston Strong ဆိုတဲ့ စာအုပ်ကို Lone Survivor နဲ့ Hancock တို့ရဲ့ ဒါရိုက်တာ Peter Berg က ပြန်ရိုက်ထားတယ်။ သရုပ်ဆောင်တွေကတော့ Mark Wahlberg, J. K. Simmons နဲ့ Kevin Bacon တို့အပြင် Michelle Monaghan နဲ့ Melissa Benoist တို့လို အလှလေးတွေလည်းပါတယ်။ ရုပ်ရှင်ကတော့ ဘော်စတွန်မာရသွန်အကြမ်းဖက်တိုက်ခိုက်မှုနဲ့ အကြမ်းဖက်သမားတွေကို ဖမ်းတဲ့အကြောင်းပဲဆိုပေမဲ့ ဒီအဖြစ်က ဘယ်လောက်ဆိုးလဲသိရဖို့က ဘော်စတွန်မာရသွန်အပေါ် အပြေးသမားတွေရဲ့ခံစားချက်ကို သိတာပိုကောင်းမယ်ထင်လို့ မူရာကာမိရဲ့ ဘော်စတွန်အက်ဆေးကို သူရိန်ဝင်းဘာသာပြန်ထားတဲ့ ဗားရှင်းထဲက ကောက်နုတ်အပိုဒ်တွေကို ဆက်တင်ပြသွားပါမယ်။ "ပေါက်ကွဲတဲ့နေရာမှာ လူတွေအများကြီး ကိုယ်ကာယ ထိခိုက်ဒဏ်ရာရကြတယ်။ ဒါပေမဲ့ အခြား အခြေအနေတွေနဲ့ ပိုထိခိုက်ဒဏ်ရာရကြမှာ၊ သန့်ရှင်းစင်ကြယ်ရမယ့် တစ်စုံတရာဟာ ညစ်နွမ်းသွားရတယ်။ ပြီးတော့ "ကိုယ့်ကိုယ်ကိုယ် အပြေးသမားလို့သတ်မှတ်ထားတဲ့ ကမ္ဘာသားတစ်ဦး" ကျွန်တော်ကိုယ်တိုင် ထိခိုက်ခံစားရတယ်။ ဝမ်းနည်းကြေကွဲမှု စိတ်ပျက်စိတ်ထိခိုက်မှုဒေါသနဲ့ စိတ်ပျက်ရခြင်းတွေ ဒီလိုပေါင်းစုနေတာ ပျက်ကြယ်သွားဖို့ မလွယ်ပါဘူး။ စိတ်ခံစားမှုဒဏ်ရာတွေက တူချင်မှတူမှာပါ။ ပြောရရင် တကယ့်နာကျင်မှုဟာ အချိန်တစ်ခုလွန်ပြီးမှ စခံစားရတာ၊ ဖြစ်ပျက်စမှာ ထိတ်လန့်ချောက်ချားရတာကို ကျော်လွန်ပြီး အခြေအနေတွေ စတည်ငြိမ်လာပြီးမှ ခံစားရတာပါ။ မတ်စောက်တောင်ကုန်းကို ဖြတ်ကျော်ပြီး ပြန့်ပြူးတဲ့မြေပြင်ကိုရောက်မှပဲ အဲဒီကိုရောက်တဲ့အထိ ဘယ်လောက်နာကျင်ခဲ့ရတာ စသိရတာ။ ဘော်စတွန်ဗုံးခွဲတိုက်ခိုက်မှုကြောင့် ဒီလိုကာလရှည်ကြာ စိတ်ထိခိုက်မှုမျိုး ကျန်ကောင်းကျန်ခဲ့နိုင်တာပဲ။ ဘာကြောင့်လဲ ကျွန်တော်မမေးဘဲ မနေနိုင်ဘူး။ မာရသွန်လိုပျော်ရွှင်အေးချမ်း အခါသမယမှာ ဒီလိုဆိုးရွားသွေးစွန်းတဲ့နည်းနဲ့ ဘာကြောင့်နင်းချေရတာလဲ။ ကျူးလွန်သူတွေဟာ ဘယ်သူဘယ်ဝါရယ်လို့ သိသွားပေမဲ့လည်း ဒီမေးခွန်းအတွက် အဖြေတွေက‌ ဝေဝါနေတုန်းပဲ။ အသက်ဆုံးပါးရသူတွေ ဘောယဲလ်စတန်လမ်းမှာ ဒဏ်ရာရခဲ့သူတွေအတွက် ကျွန်တော်နေ့စဉ်နေ့တိုင်းပြေးရင်း ဝမ်းနည်းကြေကွဲရတယ်။ ဒါက သူတို့ဆီ ပါးနိုင်တဲ့ ကျွန်တော့်သတင်းစကားပါပဲ။ ဒါဟာ ဘာမှမဟုတ်တာ ကျွန်တော်သိပါတယ်။ ဒါပေမဲ့ ကျွန်တော့်အသံရောက်သွားမယ်လို့ မျှော်လင့်ပါတယ်။ ဘော်စတွန်မာရသွန်ဟာ သူ့ဒဏ်ရာတွေ အနာပြန်ကျက်လာမယ်။ အဲဒီ၂၆မိုင်ဟာ လှလှပပ သဘာဝကျကျ လွတ်လွတ်လပ်လပ် ပြန်ဖြစ်လာဦးမယ်လို့ ကျွန်တော်မျှော်လင့်ပါတယ်။" (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size - 6.5GB, 1.4GB, 830MB Quality - BluRay HEVC 4K, 1080p, 720p IMDb Rating - 7.3/10 Format - mp4 Duration - 2H 13Min Genre - Action, Crime, Drama, History, Thriller Subtitle - Myanmar Subtitle (Hardsub) Translated by 666 Encoded by Y

Gone Baby Gone (2007) IMDB- 7.7/10 ....Rotten...94%ရရှိထားတဲ့ Crime/Drama ဇာတ်ကားတစ်ကားပါ။ ဒါရိုက်တာကတော့ Good Will Hunting နဲ့ လက်စွမ်းပြထားတဲ့ Ben Affleck ဖြစ်ပါတယ်။ (Morgan Freeman ကြီးကိုလည်း သူနဲ့ အလိုက်ဖက်ဆုံးဖြစ်တဲ့ ခပ်လေးလေးစကားလုံးတွေကို ပြောရင်း တွေ့ရဦးမှာပါ။) ဇာတ်ကားကြည့်ပြီးတဲ့အချိန်ကျရင် ဒီမေးခွန်း(၂)ခုကို ဖြေကြည့်ကြပါဦး။ (၁) ဘယ်သူက မှန်လဲ။ (၂) မှန်ကန်တဲ့အဖြေဆိုတာရော ရှိခဲ့လား။ ဒီတစ်ခါ Review ကို မရေးဘဲ နိုင်ငံတကာ ရုပ်ရှင်ပရိသတ်အချို့ခံစားရှုမြင်ခဲ့တဲ့အပေါ် Spoil မဖြစ်စေအောင် ရှောင်ရင်း ဘာသာပြန်ဖော်ပြပေးလိုက်ပါတယ်... (A) Gone Baby Gone ဟာ ကလေးသူငယ်ပြန်ပေးမှုအကြောင်းနဲ့... အဲဒါတွေက ဖျက်ဆီးလိုက်တဲ့ ဘဝတွေ အကြောင်းကို ခပ်ကြမ်းကြမ်း ဖော်ပြထားတဲ့ ဇာတ်ကားပါ။ ဇာတ်လမ်းက ရှည်လျားဟန်ရှိပေမယ့် အစကနေအဆုံးထိ ပျင်းစရာ ကောင်းတာမျိုး မရှိပါဘူး။ ဇာတ်ကားရဲ့အဆုံးသတ်ဟာ ခင်ဗျားတို့အတွက် အချိန်အတိုင်းအတာတစ်ခုထိ.... ပြောဆိုငြင်းခုန်စရာအကြောင်းအရာတစ်ခုအဖြစ် ကျန်နေခဲ့မှာပါ။ (B) ဒီဇာတ်ကားက တကယ့်စစ်မှန်တဲ့ခံစားမှုတစ်ခုကို ပေးနိုင်စွမ်းရှိပါတယ်။ ဒါရိုက်တာ Ben Affleck ဟာ ဘော်စတွန်မြို့ရဲ့လမ်းမပေါ်က ဘဝတွေကို တင်ဆက်ပြသတတ်သူပါ။ ဇာတ်ကားက မကောင်းပါဘူးလို့ ပြောမိတော့မဲ့အချိန်တွေမှာ သူပေးချင်တဲ့ Message တွေကို... တစ်ခုချင်းစီ ထုတ်ပြသွားပါတယ်။ Ben ဟာ ခင်ဗျားတို့ရဲ့ အာရုံကို ဘယ်အချိန်မှာ ဖမ်းစားရမလဲဆိုတာ... ကောင်းကောင်းသိပုံပေါ်တဲ့ ဒါရိုက်တာတစ်ဦးပါပဲ။ ဒီဇာတ်ကားဟာ ကျွန်တော့်ကို မေးခွန်းနှစ်ခုမေးပါတယ်။ “ဆုံးဖြတ်ချက်မှန်တယ်ဆိုတာ၊ အဲဒီဆုံးဖြတ်ချက်အတိုင်း လိုက်လုပ်ရမယ်လို့ ပြောတာလား” “မှန်မယ်၊ မမှန်ဘူးဆိုတာ နောက်ဆုံးမှာ ရသွားတဲ့ အကျိုးကျေးဇူးကိုကြည့်ပြီး ပြောမှာလား” (C) ဒီရုပ်ရှင်ဟာ ရိုးသားခြင်းရဲ့အရေးပါမှုကိုလှလှပပဖော်ကျူးပြီး...တစ်ဆက်တည်းမှာပဲ.. ဘဝရဲ့အလှတရားတွေကို ဂရုမစိုက်တော့ကြတဲ့ လူ့အသိုင်းအဝိုင်းအကြောင်းကို ရိုက်ပြထားတာပါ။ ဒီဇာတ်ကားကို ကြည့်ပြီးသွားတဲ့အချိန်မှာ ကလေးသူငယ်တွေကို ဒီထက်ပိုပြီး ကြင်နာမယ်၊ စာနာမယ်၊ မေတ္တာထားမယ်ဆိုတဲ့ စိတ်ဖြစ်မလာဘူးဆိုရင် ခင်ဗျားတို့ဟာ ရင်ဘတ်ဗလာနဲ့ လူသားတွေပါပဲ။ ဇာတ်လမ်းအညွန်းနဲ့ ဘာသာပြန်သူကတော့ ကို Sherlockပဲဖြစ်ပါတယ်.... File size : 1.87GB/ 800MB Quality : 1080p 720p Genres : Mystery, Crime, Drama Duration : 1 hr 54 mins Subtitle : Myanmar Subtitle (Hard Sub) Translated By Sherlock Encoded By Heather Oo