Larry Drake ပါဝင်သော ဇာတ်ကားများ

Green Lantern: First Flight 2009 IMDb 7.0/10 Genre: Animation/Action/Adventure Green Lantern ဆိုတဲ့ Ryan Reynolds ရဲ့ ၂၀၁၁ က ရုပ်ရှင်ကို ကြည့်ဖူးကြမှာပါ။ ဒါက မူလပထမ ကာတွန်းရုပ်ရှင် Green Lantern ဖြစ်ပါတယ်။ Green Lantern တစ်ဖြစ်လဲ ဟဲလ်ဂျော်ဒန်ဟာ ကမ္ဘာမြေပေါ်မှာ လေ့ကျင့်ပျံသန်းနေတုန်း အစိမ်းရောင် ရောင်ခြည်တန်းတွေရဲ့ ခေါ်ဆောင်ရာနောက်ပါသွားပါတယ်။ ပျက်ကျလာတဲ့ ယာဥ်ပျံပေါ်မှာပါလာတာက Lantern Corps ရဲ့ ထိပ်သီးတစ်ယောက်ပါ။ သူမသေဆုံးခင် စွမ်းအင်လက်စွပ်ကို ဟဲလ်ဂျော်ဒန်ဆီ လွှဲပေးလိုက်ပြီးနောက်မှာ တာဝန်တွေ ဝတ္တရားတွေက ဟဲလ်ဂျော်ဒန်အတွက် ဖြစ်လာပါတော့တယ်။ ကစဥ့်ကလျား စကြဝဠာကြီးမှာ ဟဲလ်ဂျော်ဒန် တစ်ယောက် အသားကျပါ့မလား။ တာဝန်တွေကို ထမ်းဆောင်နိုင်ပါ့မလားဆိုတာကို စောင့်ကြည့်ရတော့မှာပါ File size…    1.4 GB /  678 MB Quality… BluRay 1080p / 720p Format… mp4 Duration…. 1h 17m Genre ..... Animation/Action/Adventure Subtitle…. Myanmar Subtitle (Hard Sub) Encoder…. LegoHeart Translated by Boomer

Pathology (2008) IMDb - 6.0/10 Rotten - 45% "Forensics အသိပညာနဲ့ လူသတ်ကြည့်မလား" ~~~~~~~~~~~~~~~~~~~~~~~~~ တစ်ခါတလေ တွေးကြည့်ဖူးတယ် ။ " မှုခင်းဆေးပညာ တတ်မြောက်တဲ့သူတစ်ဦးသာ ပိပိရိရိ လူသတ်နိုင်ရင် အဲ့အမှုကာလကို ဘယ်လောက်ထိစစ်ဆေးရမလဲ " ဆိုတာပဲ။ တကယ် ရူးလွင့်လွင့် အတွေးပါပဲ။ ဒီကားကတော့ ဟစ်ပိုကရေးတီး ကျမ်းကို ဇာတ်ကားအစမှာ ညွှန်းဆိုပြပြီး မလုပ်သင့်တဲ့ ကျင့်ဝတ်များ ( တနည်းအားဖြင့် ) လူသေတွေနဲ့ ကစားပွဲတွေ ဖန်တီးကြတဲ့ ကားမျိုးဖြစ်တယ်။ အမျိုးအစားက #18+Rated ကားမျိုးဖြစ်မယ်ထင်တယ်။ ဒါပေမဲ့ သည်းထိတ်ရင်ဖို ကြည့်ချင်တဲ့သူတွေအတွက်ကတော့ တကယ်မိုက်ပါတယ်။ Autopsy of Jane Doe ကားထက် ပို ကြောက်ဖို့ကောင်းပါတယ်။ ဒီဇာတ်ကားမှာတော့ ရင်ခွဲရုံတွေ /သေဆုံးမှုစစ်ဆေးတာတွေက အမှန်တကယ် တည်ဆောက်ခြင်းတွေနဲ့တူတယ်။ သွေးသံတရဲရဲနဲ့ အမှောင်ခန်းတွေက လည်း စိတ်ခြောက်ခြားဖို့ကောင်းပါတယ်။ အဲ့ဒီနောက် ဦးခေါင်းခွံခွာပြီး ဦးနှောက်လေးကို အတုံးအခဲလိုက် ကိုင်တွယ်ယူပုံက သာမန်လူအဖို့ကျောချမ်းစေမယ် လို့ ယူဆမိပါတယ်။ နံရိုးတွေ ကို ညှပ်ကိရိယာတွေနဲ့ ချိုးယူပုံတွေက လည်း ပီပြင်စေတယ်။ ဇာတ်လမ်းအကျဉ်းအရ မှုခင်းဆရာဝန် အုပ်စု တစ်စုဟာ ကစားပွဲတစ်ခုကို ပဟေဠိဆန်ဆန် တည်ဆောက်ခဲ့ကြတယ်။ တစ်ဦးတစ်ယောက် အလှည့်ကျ အမှုတစ်ခု ဖန်တီးပြီး ကျန်တဲ့သူတွေက သေဆုံးရသည့် အကြောင်းအရင်း ('Cause of Death )ကို ရှာဖွေကြရတယ်။ ပညာ တွေ ထုတ်သုံးရင်း လူသတ်မှုတွေ ကျူးလွန်ကြ ခဲ့တယ်။ အဲ့ဒီနောက် စိတ္တဇဆန်ဆန် အမှုတွေနဲ့ ကျင့်ဝတ်တွေ တစ်စစ ပျက်ဆီးလာခဲ့ကြတဲ့ အခါမှာတော့ ………ဘယ်လို တွေ ဖြစ်လာခဲ့မလဲ……? ဘယ်လို ပဟေဠိတွေ ဘယ်လို လူသတ်မှုတွေနဲ့ ဘယ်လောက်ပီပြင်အောင် ဒါရိုက်တာရိုက်ကူးပြထားနိုင်ခဲ့သလဲ ။ ဆေး ပညာလောက အနေနဲ့လည်း ဘယ်လို ဗဟုသုတတွေ ရယူနိုင်ခဲ့မလဲဆိုတာ ကြည့်ရှုချင်စရာကောင်းလှပါတယ်။ ဒီကားကို ညွှန်းဆိုရတယ်ဆိုပေမယ့် ယခုလို ဇာတ်ကားတွေဟာ ဖျော်ဖြေခြင်းသက်သက်ပါပဲ။ ကြောက် လန့် ဖို့ကောင်းတာလည်း သိပ်မဟုတ်ပါဘဲ ပီပြင်စွာ ရိုက်ကူးမှုကြောင့်ပဲ ဇာတ်ကားက ဇာတ်ရှိန်ကြွလာခဲ့တယ်။ သမရိုးကျ ကားမျိုး မကြည့်ချင်တဲ့ သူတွေအတွက် သင့်တော်လောက်ပါတယ်။ "တစ်ခါတရံ မှာ ကြောက်ဖို့ မကောင်းတာက ကြောက်ဖို့ကောင်းနေတတ်ပါတယ်။ " "ဒီလိုပါပဲ။ မကြောက်တတ်ဘူး ဆိုတဲ့ ကျွန်တော်တို့ ရဲ့စိတ်ကိုရော အကြွင်းမဲ့ ယုံကြည်နိုင်ပါသလား " #Linnkhayan (ရုပ်ရှင်အညွှန်းကို  Linn Kya Yan Facebook မှကူးယူဖော်ပြပါသည်။) File size…(903 MB) Quality…BluRay 720p Format…mp4 Duration….01:35:00 Subtitle….Myanmar Subtitle (Hardsub) Encoder….Nyeinsaeya Aung Translated by Myo Myint Oo

American Pie ဇာတ်ကားတွေဆိုတာနဲ့ အူတက်အောင် ရယ်နေရတဲ့ ကျောင်းသားဟာသ အခွီကားတွေမှန်း သိကြမှာပါ။ ဒါပေမယ့် အဲ့လိုဟာသက်သက် အပြောင်အပျက်ဇာတ်ကားတွေမဟုတ်ဘဲ သူ့မှာ တခြားအဓိပ္ပါယ်ရှိတဲ့ ချစ်ခြင်းမေတ္တာ နွေးထွေးမှုတွေအကြောင်း အများကြီးပါဝင်နေပါတယ်။ ဒါကို ရှင်းပြဖို့ဆို American Pie ဇာတ်ကားတွေကို အပိုင်း (၂)ပိုင်းနဲ့ ရှင်းပြဖို့လိုပါတယ်။ American Pie ရဲ့ Original မူလဇာတ်ကြောင်းက ဇာတ်ကား (၄) ကားပဲရှိတယ်။ - American Pie (1999) - American Pie 2 (2001) - American Wedding (2003) - American Reunion (2012) ဒီရုပ်ရှင်ကား ၄ ကားသာလျင် သရုပ်ဆောင်တွေရော ဇာတ်လမ်းရောက တဆက်တည်းဖြစ်ပါတယ်။ လူငယ်သဘာဝ လူပျိုဖော်ဝင်စ အပျိုဖော်ဝင်စ ပြသနာတွေနဲ့ ကျောင်းသားဟာသတွေကို အစပြုထားပြီးတော့ သူငယ်ချင်းတွေကြားက ခင်မင်မှုတွေ၊ ချစ်သူတွေကြားက ကြင်နာယုယမှုတွေ၊ မိသားစုတွေကြားက နွေးထွေးတဲ့မေတ္တာတွေကို အဓိကထားတင်ဆက်ထားတာမလို့ ရယ်လဲရယ်နေရသလို နွေးထွေးတဲ့ ချစ်ခြင်းမေတ္တာတွေအကြောင်းကိုလဲ ခံစားမိစေမှာပါ။ ဒီရုပ်ရှင်ကား ၄ ကားစလုံးရဲ့ ကုန်ကျစရိတ်က Budget $147 million ခန့်သာရှိခဲ့ပေမယ့် ရုံတင်ဝင်ငွေ Box office $989.5 million ပြန်ရတဲ့ထိ အောင်မြင်ခဲ့ပြီး Rating တွေလဲ ထိုက်သင့်သလောက်ကောင်းမွန်ခဲ့သလို ဝေဖန်ရေးဆရာတွေလဲ အကြိုက်တွေ့ခဲ့ကြတဲ့ ဇာတ်ကားတွေဖြစ်ပါတယ်။ နောက်တပိုင်းကတော့ American Pie ရဲ့ Spin-off ဇာတ်ကားတွေဖြစ်တဲ့ American Pie Presents ဇာတ်ကားတွေပါ။ - American Pie Presents: Band Camp (2005) - American Pie Presents: The Naked Mile (2006) - American Pie Presents: Beta House (2007) - American Pie Presents: The Book of Love (2009) - American Pie Presents: Girls' Rules (2020) ဒီ American Pie Presents ဇာတ်ကားတွေကတော့ ဇာတ်လမ်းတွေ ဆက်စပ်မှုသိပ်မရှိတော့ဘဲ ဆယ်ကျော်သက် ပါတီတွေ၊ နောက်ပြောင်မှုတွေ၊ လိင်မှုဆိုင်ရာ ဟာသတွေကိုသာ အသားပေး တင်ဆက်ထားပါတယ်။ မူလဇာတ်ကြောင်းထဲက Jim ရဲ့ အဖေဖြစ်သူနဲ့ Stifler ရဲ့မိသားစုကိုသာ အခြေခံထားပြီး Stifler ရဲ့ညီဝမ်းကွဲတွေက အဓိကဇာတ်ကောင်အဖြစ်ပါဝင်သွားပါတယ်။ ဒီ American Pie Presents ဇာတ်ကားတွေကတော့ direct-to-video(DVD)လိုအဖြစ်သာ ရိုက်ကူးထားတာဖြစ်လို့ Rating တွေလဲ သိပ်မကောင်းခဲ့ဘဲ ကျောင်းသားဟာသဇာတ်ကားတွေအဖြစ်သာ ကြည့်ရှုကြရမှာဖြစ်ပါတယ်။ +++++++++++++++ American Pie 2 (2001) IMDb Rating (6.4) ကဲ American Pie (1999) အပြီးမှာတော့ အဆက်အနေနဲ့ ဆက်ထွက်ထားတဲ့ American Pie 2 (2001) လာပါပြီ။ ရှေ့ကားက ဇာတ်ကောင်တွေဖြစ်ကြတဲ့ မင်းသား Jason Biggs, Seann William Scott, Chris Klein, Thomas Ian Nicholas နဲ့ Eddie Kaye Thomas တို့အုပ်စုပဲ အဓိကပါဝင်ထားပြီး ပထမဇာတ်ကားရဲ့နောက်ဆုံးခန်းမှာ ဆုတောင်းခဲ့ကြတဲ့ သူတို့ရဲ့ နောက်တဆင့်ခြေလှမ်းတွေအကြောင်းပေါ့။ ဒီခါတော့ Jim တို့ Stifler တို့အုပ်စု အထက်တန်းကျောင်းပြီးလို့ ကောလိပ်တွေရောက်နေကြပြီး နွေရာသီကျောင်းပိတ်ရက်မှာ ကောလိပ်ကနေ မွေးရပ်မြို့ကိုပြန်လာကြပါတယ်။ ဒီတော့ တယောက်တကျောင်းစီတက်နေရလို့ မတွေ့ရတာကြာပြီဖြစ်တဲ့ သူတို့သူငယ်ချင်းတွေ ပါတီလုပ်ပြီး အမုန်းကဲကြဖို့ ကမ်းခြေက အိမ်တစ်လုံးကိုငှားဖို့ စီစဉ်ကြပါတော့တယ်.... ထုံးစံအတိုင်း လုပ်လိုက်တိုင်း လွဲနေကျ Jim တို့အုပ်စုကြီးနဲ့ ဘာမှဂရုမစိုက်ဘဲ နင်းကန်ချတတ်တဲ့ စတစ်ဖလာတို့ဘော်ဒါတွေ ဘာတွေအလွဲလွဲအချော်ချော်တွေနဲ့ ပျော်ကြ ခွီကြရဦးမလဲဆိုတာ..........။ ဘာဆင်ဆာမှမဖြတ်ထားတဲ့ Unrated Version ကို တင်ဆက်ထားပြီး CM အနေနဲ့ မြန်မာစာတန်းထိုးကိုလဲ ယခင်ကထက်ပိုမိုကောင်းမွန်အောင် ပြင်ဆင်ပေးထားပါတယ်။ (American Pie ဇာတ်ကားတွေက အဖော်အချွတ်ခန်းတွေနဲ့ အပြောအဆိုတချို့ကြောင့် R-Rated အဆင့်ဖြစ်ပြီး မိသားစုနဲ့ကြည့်လို့မရပါဘူး။) File size…(2.7 GB )/(1.2 GB) Quality…BluRay Unrated  1080p HEVC / 720p Format…mkv/mp4 Duration….01:51:00 Subtitle….Myanmar Subtitle (Hardsub) Encoder….Ka Naung Translated by Austin

၁၉၉၉ ခုနှစ်ထွက် "Inferno" (သို့မဟုတ် Desert Heat) ရုပ်ရှင်ဟာ မင်းသားကြီး ဂျင်းကလော့ဗန်ဒိန်း (Jean-Claude Van Damme) ရဲ့ သရုပ်ဆောင်သက်တမ်းတစ်လျှောက်မှာ အထူးခြားဆုံးနဲ့ စိတ်ဝင်စားစရာအကောင်းဆုံး ဇာတ်ကားတစ်ကား ဖြစ်ပါတယ်။ "Rocky" နဲ့ "The Karate Kid" တို့လို နာမည်ကြီးကားတွေကို ရိုက်ကူးခဲ့တဲ့ အော်စကာဆုရှင် ဒါရိုက်တာ John G. Avildsen က ပုံဖော်ထားပြီး၊ ဗန်ဒိန်းကို ဘဝအဓိပ္ပာယ်မဲ့နေတဲ့ လူတစ်ယောက်အဖြစ် မြင်တွေ့ရမှာပါ။ သူ့ရဲ့ ဆိုင်ကယ် အခိုးခံရပြီးနောက် သဲကန္တာရမြို့လေးတစ်ခုမှာ လူဆိုးဂိုဏ်းနှစ်ခုကို ကြားတိုက်ပေးပြီး လက်တုံ့ပြန်တဲ့ ပုံစံမျိုး တင်ဆက်ထားတာဖြစ်လို့ ဂန္တဝင်ရုပ်ရှင် "Yojimbo" ကို ခေတ်သစ်ပုံစံ ပြန်လည်ဆန်းသစ်ထားသလိုပါပဲ။ သာမန် အက်ရှင်ကားတွေနဲ့ မတူဘဲ ဟာသ၊ အက်ရှင်နဲ့ ထူးဆန်းတဲ့ စိတ်ကူးယဉ်ဆန်ဆန် အခန်းတွေ ရောနှောထားတာကြောင့် ကြည့်ရှုသူကို အံ့အားသင့်စေမယ့် ဂန္တဝင် Cult Classic ရုပ်ရှင်တစ်ကားလို့ ဆိုနိုင်ပါတယ်…။ File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

ကဲ ဒီတစ်ခါတော့ ပရိသတ်ကြီးအတော်များများ သဘောကျ ချစ်ခင်ကြတဲ့ မင်းသားကြီး ရိုဝင် အက်ကင်ဆန် ရဲ့ အထိမ်းအမှတ်ဇာတ်ကောင် Mr.Bean ရဲ့ ပေါက်ကားတစ်ကားကို တင်ပေးလိုက်ပါတယ်။ ၁၉၉၇ မှာထွက်ခဲ့တဲ့ ဒီကားကို အတော်များများ ကြည့်ဖူးကြမှာ မှန်ပေမယ့် ရုပ်သံအရည်အသွေးကောင်းကောင်း မြန်မာစာတန်းထိုးနဲ့ မရှိသေးတဲ့ အတွက် တင်ဆက်ပေးလိုက်ရခြင်းဖြစ်ပါတယ်။ ဘဝမှာ မမျှော်လင့်ပဲ ဘယ်လိုအခက်အခဲတွေ ကြုံတတ်တယ်...မိသားစုဆိုတာ လူတစ်ယောက်အတွက် ဘယ်လောက်အရေးပါတယ်ဆိုတာရယ်...တာဝန်ယူတတ်တဲ့စိတ်ဟာ လုပ်ငန်းခွင်မှာ ဘယ်လောက်အဓိက ကျတယ်ဆိုတာတွေကို ဟာသတွေအများကြီးနဲ့ ချပြထားတာဖြစ်ပါတယ် ပန်းချီပြခန်းတစ်ခုမှာ အလုပ်လုပ်နေတဲ့ Mr.Bean တစ်ယောက် မထင်မှတ်ပဲ အမေရိကန်နိုင်ငံသို့ လုပ်ငန်းကိစ္စဖြင့် စေလွှတ်ခံရပြီး သူ့ရဲ့ထုံးစံအတိုင်း အလွဲတွေ ပေါက်ကရတွေ လုပ်မိပုံကို ရိုက်ကူးပြသထားပါတယ်။ ဒေါ်လာသန်းချီ တန်တဲ့ ပန်းချီကားကို ဘယ်သို့ဘယ်ပုံ ဖျက်ဆီးမိလဲဆိုတာ ရယ် Mr.Beanအနေနဲ့ သူ့အမှားတွေကို ပြန်လည်ချေဖျက်ပြပြီး မထင်မှတ်တာတွေ လုပ်ပြနိုင်မလား ဆိုတာ စိတ်ဝင်စားဖို့ ကောင်းလှ သလို လူတစ်ယောက်မှာ မိသားစုနဲ့ တာဝန်ယူစိတ်ဟာ ဘယ်လောက်အရေးပါတယ်ဆိုတဲ့ သင်ခန်းစာကိုပါ ကောင်းကောင်းကြီးပေးစွမ်းနိုင်ခဲ့တဲ့ ရုပ်ရှင်ဇာတ်ကားကောင်းတစ်ကားပါ ဇာတ်ကားကို ဘာသာပြန်ပေးသူကတော့ Min Thet Oo ပဲ ဖြစ်ပါတယ် File size…640 MB Quality…1080p Bluray Format…mp4 Duration….01:29:17 Translator...Min Thet Oo Encoder….seniorkaung

မင်းသားကြီး Liam Nesson ကိုကြိုက်တဲ့ ပရိသတ်အတွက် ဇာတ်ကားကောင်းတစ်ကားပါ... လွန်ခဲ့တဲ့ နှစ် ၂၀ လောက်က ဇာတ်ကားဖြစ်ပေမယ့် ရိုက်ကူးထားတာသေသပ်လို့ မရိုးနိုင်အောင် ပြန်ကြည့်မိတဲ့ဇာတ်ကားပါ... လူကြမ်းတွေရော မင်းသားတွေပါသရုပ်ဆောင်ပီပြင်ကြပြီး အတိတ်ကရုပ်ရှင်အငွေ့အသက်တွေကို ပြန်လည်ခံစားရမယ့် Action ဇာတ်ကားကောင်းတစ်ကားပါ... Quality....အကြည် Format...mkv hour....01:30:22 subtitle....မြန်မာစာတန်းထိုး

'' တပည့်ဆိုးဆိုတာ မရှိဘူး၊ ဆရာဆိုးပဲ ရှိတယ်'' '' တိုက်ခိုက်တာကိုဘာလို့လေ့ကျင့်ရတာလဲ၊ တိုက်ခိုက်ဖို့မလိုအောင်ပေါ့'' ဂျက်ကီချန်းရဲ့ Karate Kid ကိုတော့ အားလုံးရင်းနှီးပြီးသားဖြစ်မှာပါ။ အဲဒီရုပ်ရှင်ရဲ့ မူရင်းဗားရှင်း ဂန္ဓဝင်ရုပ်ရှင်ကားကြီးကို ပြန်ခံစားနိုင်ဖို့ တင်ဆက်ပေးလိုက်ပါတယ်။ ဒီရုပ်ရှင်မှာ ကရာတေးဆရာကြီး မီယာဂီအဖြစ် သရုပ်ဆောင်ခဲ့တဲ့ မင်းသားကြီး Pat Morita ဟာ အကောင်းဆုံးဇာတ်ပို့ဆု အော်စကာဆန်ခါတင်ဝင်ခဲ့ပါတယ်။ ဒီရုပ်ရှင်ထဲမှာ fight scene တွေထက် မှတ်သားစရာ စကားတွေ သင်ခန်းစာယူစရာ အကြောင်းအရာတွေက ပိုပြီး စိတ်ဝင်စားဖို့တောင်ကောင်းပါသေးတယ်။ Action,Drama,Family ရုပ်ရှင်တွေထဲမှာတော့ ကြည့်ကိုကြည့်သင့်တဲ့ ကားပါပဲ။ File size…(2.2 GB)/(1.1 GB)/(500 Mb) Quality….Bluray rip 1080p / 720p / 480p Format…mp4 Duration….02:06:00 Genre...Drama, Action, Family Subtitle….Myanmar Subtitle (Hardsub) Encoder….Mr. Anderson Translated by Garfield

Dark Knight တို့ Scarecrow တို့မြင်လို့ ဆရာဘတ်တို့ ဇာတ်ကားထင်သွားရင်တော့ မဟုတ်ပါဘူးခင်ဗျာ ဒီဇာတ်ကားကတော့ 1981 ခုနစ်က ရိုက်ကူးထားတဲ့ Horror ကား‌တစ်ကားဖြစ်ပါတယ် ဘတ်ဘာဆိုတဲ့ကောင်လေးဟာ အရွယ်ရောက်နေပေမဲ့ စိတ်က ကလေးစိတ်ပဲရှိနေသူတစ်ဦးဖြစ်ပါတယ်။ မြို့နေလူကြီးတစ်ချို့ကတော့ ဘတ်ဘာကို ကျပ်မပြည့်တဲ့ကောင်ဆိုပြီး တစ်ခုခုဖြစ်တိုင်း ဘတ်ဘာကိုပဲ အပြစ်ဖို့နှိပ်စက်လေ့ရှိပါတယ်။ ဘတ်ဘာဟာ သူနဲ့ ကလေးတွေကို ရွယ်တူလိုပဲ မြင်တဲ့အတွက် ကလေးတွေနဲ့ပဲ ပေါင်းပါတယ်။ တစ်ရက်မှာတော့ ဘတ်ဘာနဲ့ အတူဆော့နေကျ ကောင်မလေးတစ်ယောက် မတော်တဆဖြစ်တာကို မြို့ထဲမှာတော့ ကျပ်မပြည့်တဲ့ ဘတ်ဘာဟာ ကောင်မလေးကို သတ်လိုက်တယ်လို့ သတင်းထွက်သွားပါတော့တယ်။ အစကတည်းက တစ်ခုခုဖြစ်ရင် ဘတ်ဘာကိုပဲ မဲနေတဲ့ မြို့ခံလူ လေးယောက်ဟာ ဘာမှစုံစမ်းမနေဘဲ ဘတ်ဘာကို လိုက်ရှာကြရင်း စာခြောက်ရုပ်ထဲမှာပုန်းနေတဲ့ ဘတ်ဘာကို ရက်ရက်စက်စက် ပစ်သတ်လိုက်ကြပါတော့တယ်။ အဲဒီနောက် သက်သေမလုံလောက်တာကြောင့် အမှုကနေလည်း လွတ်သွားပါသေးတယ်။ အမှုကလွတ်သွားတဲ့ သူတို့လေးယောက်ဟာ ဘတ်ဘာ ဝင်ပုန်းသွားတဲ့ စာခြောက်ရုပ်ကို နောက်တစ်ကြိမ်ထပ်တွေ့ရပြီးနောက် ကံကြမ္မာဆိုးတွေလည်း စတင်ဝင်ရောက်လာပါတော့တယ် File size…(1 GB) Quality….Blu-Ray 720p Format…mp4 Duration….01:36:00 Genre...Horror Subtitle….Myanmar Subtitle (Hardsub) Encoder….Garfield Translated by Ban

သရုပ်ဆောင်အက်ရှင်မင်းသားကြီးဂျက်ကီချမ်းငယ်ငယ်ကဇာတ်ကားလေးတစ်ကားတင်ဆက်ပေးချင်ပါတယ်။ ဂျက်ကီချမ်းရဲ့ ဇာတ်ကားတွေရဲ့ထုံးစံအတိုင်းပဲ အက်ရှင်ခန်းတွေ အတိုက်အခိုက်တွေ ဟာသာတွေဝေဝေဆာဆာနဲ့ ပရိတ်သတ်တွေအမောပြေရဦးမှာပါ။ ဇာတ်ကားထဲမှာမင်းသားကအလုပ်မရှိအကိုင်မရှိ (ဒါပေမယ့်ကောင်မလေးတော့ရှိပါတယ်)ပါ အဖေဖြစ်သူဖွင့်ထားတဲ့ဆိုင်ကို လူဆိုးတွေလာပြီး ဆက်ကြေးကောက်ရာကစလို့ သူတတ်ထားတဲ့ကွန်ဖူးပညာကို လူဆိုးအဖွဲ့ဘက်ကခေါင်းဆောင်က တွေ့ပြီးသဘောကျသွားခဲ့ပါတယ်။ အဲ့ဒီနောက် ချီကာဂိုမှာကျင်းပမယ့် battle creek brawlမှာ ဂျက်ကီချမ်းကိုသူ့ဘက်ကနေ ဝင်ပြိုင်အောင် အကြပ်ကိုင်ဖို့ နည်းလမ်းရှာပါတော့တယ်......... ကဲ .. အညွှန်းဖတ်ပြီးပြီဆိုရင်တော့ 1980 ခုနှစ်တွေဆီက အနုပညာတွေကိုတဖန်ပြန်ခံစားလိုက်ကြပါဦး....... File size…(1.8 GB)/(960 Mb) Quality….Webrip 1080p / 720p Format…mp4 Duration….01:35:00 Genre...Action, Comedy, Crime Subtitle….Myanmar Subtitle (Hardsub) Encoder….Thit San Khant Translated by Nay Chii