Laura Linney ပါဝင်သော ဇာတ်ကားများ

Euphoria: A Look Back (2026) IMDb Rating (7.4) မကြာခင်ကမှ ပြီးဆုံးသွားတဲ့ လူငယ်ပရိသတ်တွေရဲ့ အသည်းစွဲ Euphoria ဇာတ်လမ်းတွဲကို လွမ်းနေကြတဲ့သူအတွက် အလွမ်းပြေစေဖို့ HBO က Documentary လေးတစ်ခုကို ထုတ်ပေးခဲ့ပါတယ်။ ဒီ Documentary လေးမှာတော့ လွန်ခဲ့တဲ့ ဆယ်စုနှစ်အတွင်းမှာ ရုပ်ရှင်နယ်ပယ်အပြင် တခြားသော ယဉ်ကျေးမှုဓလေ့ နယ်ပယ်အသီးသီးကို လူငယ်ဆန်ပြီး ဆန်းသစ်တဲ့ပုံစံတွေနဲ့ မီးစတစ်ဖက် ရေမုတ်တစ်ဖက် ရိုက်ခတ်ဖောက်ထွက်လာခဲ့တဲ့ Euphoria ဇာတ်လမ်းတွဲလေးဟာ ဘယ်လိုမျိုး အစပြုခဲ့လဲဆိုတာကို မြင်တွေ့ရမှာပါ။ ဒါ့အပြင် Euphoria ဇာတ်လမ်းတွဲမှာ ပါဝင်ခဲ့တဲ့ Cast & Crew တစ်ဖွဲ့လုံးကလည်း သူတို့အတွေ့အကြုံတွေကို ပြန်လည်မျှဝေထားပြီး ဒီဇာတ်လမ်းတွဲကို ကြည့်ရင်း ကြီးပြင်းလာတဲ့၊ အတူဖြတ်သန်းလာတဲ့ပရိသတ်တွေအတွက် ဒီ Documentary လေးက အလွမ်းပြေစရာလေး ဖြစ်မှာပါ။ File size… (1.2 GB) / (630 MB) Quality…. WEB-DL 1080p HEVC / 720p Format…. mkv/mp4 Genre…. Documentary Duration…. 01:00:56 Subtitle…. Myanmar Subtitle (Hardsub)

American စာရေးဆရာမ မယ်ရီဖလန်နရီ အိုကော်နာရဲ့ ပထမဆုံး ဝတ္ထုကိုရေးတုန်းမှာ ကြုံတွေ့ရတဲ့ အခက်အခဲတွေကို ပြန်သရုပ်ဖော်ထားတဲ့ biography ရုပ်ရှင်တစ်ခုပါ။ မင်းသမီးချော Maya Hawke က ဇာတ်လိုက်အနေနဲ့ ပါဝင်ပေးထားပြီး ဖခင်ဖြစ်သူ Ethan Hawke က ရိုက်ကူးထားတာပဲဖြစ်ပါတယ်။ စိတ်ဝင်စားစရာကောင်းတဲ့ အတွေးအခေါ်တွေနဲ့ မပြတ်ဆွဲဆောင်သွားနိုင်တဲ့ဇာတ်ကားဖြစ်လို့ သာမန်ဘဝဇာတ်ကြောင်းရုပ်ရှင်တွေလို ပျင်းဖို့ကောင်းမှာ မဟုတ်တာတော့ အာမခံနိုင်ပါတယ်။ File size…1.09GB / 486MB Quality…WEB-DL 1080p 5.1CH / 720p Format…mp4 Duration….1h 43m Genre …..Biography , Drama Subtitle….Myanmar Subtitle (Hard Sub) Encoder….Min Wai Translated by Alice

Suncoast (2024) ~ IMDb - 6.6/10, RT - 75%, Meta - 61% ~ ဒီကားလေးကတော့ အခုနှစ်အစပိုင်းမှာ ထွက်ရှိလာတဲ့ ဟာသဒရာမာကားကောင်းလေးပါပဲ။ သရုပ်ဆောင်အနေနဲ့ဆိုရင် True Detective, Now You See Me, Zombieland တို့နဲ့ လူသိများတဲ့ မင်းသားကြီး Woody Harrelson ပါ၀င်ထားပါတယ်။ ဆန်းကို့စ်ဆိုတာ နာတာရှည်လူနာတွေအတွက် ဆေးရုံပါ။ ဒိုးရစ်ရဲ့အစ်ကိုဖြစ်သူက စကားလည်းမပြောနိုင် အသိစိတ်လည်းမရှိတော့ဘဲ သေဖို့အချိန်ကို ထိုင်စောင့်နေရတဲ့သူပါ။ သူ့အမေကလည်း သူ့အစ်ကိုကိုပဲ ဂရုစိုက်လို့ ဒိုးရစ်က သိပ်အချစ်မခံရသလိုခံစားနေရတဲ့အတွက် အစ်ကိုဖြစ်သူကို မုန်းတီးနေတဲ့သူပါ။ ငယ်ငယ်ကတည်းက နာမကျန်းဖြစ်တဲ့အစ်ကိုကိုပြုစုခဲ့ရတဲ့ ဒိုးရစ်တစ်ယောက် သူလိုချင်တာက သာမန်ဆယ်ကျော်သက်ဘ၀လေးပါပဲတဲ့။ သူ့အမေက သူ့အစ်ကိုကိုအဖော်ပြုပြီး ဆန်းကို့စ်ဆေးရုံမှာ သွားအိပ်တဲ့အခါမှာတော့ ဒိုးရစ် သာမန်ဆယ်ကျော်သက်ဘ၀မှာ ပျော်ဖို့ကြိုးစားပါတော့တယ်။ ဒီကားလေးကတော့ ဒိုးရစ်ဖက်က ခံစားချက်တွေ မိခင်ဖြစ်သူရဲ့ခံစားချက်တွေကို အချိုးညီညီပေါင်းစပ်ပြီး ကွဲပြားတဲ့အမြင်နဲ့ မျဉ်းပြိုင်လိုလူနှစ်ယောက် နောက်ဆုံးမှာဘယ်လိုခံစားချက်တွေနဲ့ ထပ်တူညီသွားမလဲဆိုတာကို မျက်ရည်တွေကြားထဲခံစားရမယ့်ကားလေးပါပဲ။ (ဒီဇာတ်ကားနဲ့အညွှန်းကို Soe Thiri Swe မှ ပြန်ဆို ရေးသားထားပါတယ်) Size - 8.2GB, 1.75GB, 845MB Quality - 4K HEVC, 1080p, 720p IMDb Rating - 6.6/10 Format - mp4 Duration - 1H 49Min Genre - Drama Subtitle - Myanmar Subtitle (Hardsub) Translated by Soe Thiri Swe Encoded by Y

The Miracle Club ဇာတ်ကားဟု ၂၀၂၃ ခုနှစ်ထွက် Family Drama ဇာတ်ကားကောင်းလေး တစ်ကားပဲ ဖြစ်ပါတယ်... ဇာတ်လမ်းကျောရိုးလေးကတော့ အိုင်ယာလန် မြို့လေးတစ်မြို့က မိန်းမ ၄ ယောက်ဟာ ဘုရာကျောင်းရဲ့ ဘာသာရေးခရီးစဉ်တစ်ခုနဲ့ အံ့ဖွယ်ဖြစ်ရပ်တွေ နာမကျန်းသူတွေ ပြန်ကောင်းတယ်လို့ နာမည်ကြီးတဲ့ ပြင်သစ်က နေရာတစ်ခုကို သွားရောက်ခဲ့တဲ့အကြောင်းလေး ဖြစ်ပါတယ်။ ဒီခရီးစဉ်မှာ ပါဝင်ကြတဲ့ မိန်းမ ၄ ယောက်ဟာ အတိတ် နောက်ကြောင်းတွေ ဘယ်လိုရှိကြမလဲ သူတို့ရဲ့ ကိုယ်စိတ်နာမကျန်းမှုတွေဟာ အံ့ဖွယ်ဖြစ်ရပ်တွေကြောင့် ပျောက်သွားနိုင်မလား ဆိုတာ ကြည့်ရမှာပဲ ဖြစ်ပါတယ်။ ဇာတ်လမ်းလေးက ရိုးရိုးရှင်းရှင်းဆိုပေမဲ့ နာမည်နဲ့လိုက်အောင် ကြည့်ရှုသူတွေကို ကိုယ်စိတ်ချမ်းသာအောင် လုပ်ပေးနိုင်မဲ့ feel good ဇာတ်ကားကောင်းလေး ဖြစ်တာမို့ စိတ်ခွန်အားတွေ ရအောင် ကြည့်လိုက်ကြရအောင်... File size…1.88GB / 609MB Quality…WEB-DL 1080p 5.1CH / 720p Format…mp4 Duration….1h 30m Genre ….. Comedy , Drama Subtitle….Myanmar Subtitle (Hard Sub) Encoder….Min Wai Translated by Lin Aung

IMDb 8.4 လူ တစ်သိန်းခွဲလောက်က 8.4 vote ပေးထားတော့ အတော်ကို ကောင်းမှန်းသိသာပါတယ်။ ဇာတ်လမ်းကတော့ crime, thriller, drama အမျိုးအစားပါ။ တကယ်လို့ အမေရိကန်မှာ ခင်ဗျားလက်ထဲကို လူဆိုးဂိုဏ်းတစ်ခုရဲ့ ငွေ တစ်သန်းလောက် ရောက်လာရင် ခင်ဗျားဘာလုပ်မလဲ။ ဘာမှလုပ်လို့မရပါဘူးတဲ့။ ဘဏ်ကို သွားသွင်းလို့မရပါဘူး။ တစ်သောင်းကျော်တာနဲ့ ဘဏ္ဍာရေးနဲ့အခွန်ဌာနက လိုက်လာမှာပါ။ ကားဝယ်မလား? မရပြန်ပါဘူး အကောက်ခွန်က ချက်ချင်းလိုက်လာမှာပါပဲ။ ဒီတော့ ဘာလုပ်မလဲ။ တစ်သက်လုံး အသေးသုံးလေးတွေနဲ့ မုန့်ဝယ်စား ကားဆီဖြည့်ဖို့လောက်ပဲ ရပါလိမ့်မယ်။ ဒီငွေတွေက ငွေမည်းတွေ ဖြစ်လို့ပါပဲ။ ခင်ဗျားဘိန်းဖြူမှောင်ခိုကူးပြီး ငွေ သန်း ၁၀၀ ချမ်းသာလည်း သုံးချင်တိုင်း သုံးမရသေးပါဘူး။ ဒီငွေတွေကို တရားဝင်ဖြစ်အောင် လုပ်ရပါတယ်။ ငွေမည်းတွေကို ငွေဖြူဖြစ်အောင် လျှော်ဖွတ်ရတယ်၊ ခဝါချရတယ်ပေါ့။ အဲဒီမှာ လူဆိုးဂိုဏ်းတွေဟာ ငွေကြေးနဲ့ အခွန်ပိုင်းကို ကျွမ်းကျင်သူတွေကို ချဉ်းကပ်ရတော့တာပါပဲ။ ဒါတောင် ရဲတွေ၊ နယ်စပ်အစောင့်တွေ၊ တရားသူကြီးတွေ၊ နိုင်ငံရေးသမားတွေကို လာဘ်ထိုးရတာတွေ ရှိပါသေးတယ်။ မာတီ ဘာ့ဟာ အတော်တော်တဲ့ ငွေကြေးဆိုင်ရာ အကြံပေးပညာရှင်ပါ။ ဘယ်ကိစ္စမဆို သွေးအေးအေးနဲ့ ဉာဏ်သုံးပြီးဖြေရှင်းတတ်တဲ့သူ၊ အတွက်အချက် သိပ်တော်တဲ့သူပေါ့။ သူ့ရဲ့မိတ်ဆွေ ဘရုစ် နဲ့ အတူ ကုမ္ပဏီတစ်ခု ထောင်ထားပါတယ်။ အဲဒီကုမ္ပဏီရဲ့ နောက်ကွယ်မှာတော့ မက္ကဆီကိုရဲ့ ဒုတိယအကြီးဆုံး ဘိန်းဖြူဂိုဏ်းကြီးအတွက် ငွေ ခဝါချပေးနေတာပါပဲ။ တစ်နေ့မှာတော့ သူ့မိတ်ဆွေ ဘရုစ်က သူမသိဘဲ ဂိုဏ်းဆီက ငွေတွေဖြောင်ထားတာကို ဂိုဏ်းခေါင်းဆောင်က သိတော့ သူတို့တစ်ဖွဲ့လုံးကို ပစ်သတ်ပြီး အလောင်းတွေကို အက်ဆစ်နဲ့ ဖျော်ချလိုက်ပါတယ်။ မာတီကတော့ အသက်ချမ်းသာရာရဖို့ အပေးအယူတစ်ခုလုပ်လိုက်ရပါတော့တယ်။ ဒါကတော့ သူ့မိတ်ဆွေခိုးသွားတဲ့ ငွေ ၈ သန်းကို ပြန်ဆပ်မယ့်အပြင် ငါးနှစ်အတွင်း ငွေမည်း သန်း ၅၀၀ ကို ခဝါချပေးပါ့မယ်ဆိုတဲ့ ကတိပါ။ တကယ်တော့ ငွေအဲဒီလောက်များများကို လက်ရှိသူနေတဲ့ ချီကာဂိုမှာလုပ်လို့မရပါဘူး။ အက်ဖ်ဘီအိုင်တွေ၊ အိုင်အာအက်စ်တွေ၊ ဒီအီးအေတွေ ခြေချင်းလိမ်နေတာမို့ပါပဲ။ ဒီတော့ သူက တစ်နှစ်ပတ်လုံး လူမရှိဘဲ တိုးရစ်ရာသီဆိုရင် လူတွေအုံခဲလာတတ်တဲ့ အိုဇာ့ခ် ဆိုတဲ့ နေရာတစ်ခုကို ပြောင်းပြီး ငွေတွေကို ခဝါချဖို့ ကြိုးစားရပါတော့တယ်။ ဒါပေမယ့် အိုဇာ့ကိုရောက်တဲ့အခါ ထင်သလောက်မလွယ်တာကို တွေ့ရတာပါပဲ။ တုံးလွန်းလို့ တွဲလုပ်မရတာတွေ၊ လည်လွန်းလို့ တွဲလို့မရတာတွေ၊ အကြံတူတွေ၊ အပြိုင်ဂိုဏ်းတွေ၊ လူဆိုးသူခိုးတွေ၊ ရဲတွေနဲ့ အကုန် ပတ်ရှင်းရပါတော့တယ်။ ဒီကားမှာ လူလည်ငွေကြေးပညာရှင်၊ လူလည် ဂိုဏ်းခေါင်းဆောင်၊ လူလည် အက်ဖ်ဘီအိုင် အေးဂျင့်တို့ ဉာဏ်ချင်းပြိုင်ပြီး အသက်နဲ့ရင်းပြီး ကစားကြတာကို တွေ့ရမှာပါပဲ။ Translated by Yoon Sandi Aung Encoded by Mr.Anderson Season 4 - 14 Episode Duration - 50 Min Genre - Crime, Drama

Maxwell Perkins ဟာ နာမည်ကျော် အမေရိကန်စာရေးဆရာကြီးများဖြစ်တဲ့ The Great Gatsby ကို ရေးသားခဲ့သူ F. Scott Fitzgerald နဲ့ စာပေနိုဘယ်ဆုရှင် Ernest Hemingway တို့ကို တွေ့ရှိစင်တင်ပေးခဲ့သူ အယ်ဒီတာတစ်ဦးဖြစ်ပြီး ၁၉၂၉ ရဲ့ တစ်ခုသောနေ့မှာ သူ့ဆီကို စာမျက်နှာပေါင်း တစ်ထောင်ကျော်တဲ့ စာမူတစ်ထပ်ကြီး ရောက်လာပါတယ်။ အဲဒီစာမူပိုင်ရှင်က Thomas Wolfe ဆိုတဲ့ မထင်မရှား လူငယ်စာရေးဆရာတစ်ဦးဖြစ်ပြီး Maxwell ကလည်း စာမူကို အကြမ်းသဘော ဖတ်မိရာကနေ တစ်ပတ်တာလုံးလုံး ဇနီးနဲ့သမီးတွေကိုတောင် ဂရုမစိုက်အားဘဲ စာမူကို လက်ကမချစတမ်း ဖတ်ရှူမိပါတော့တယ်။ နောက်ဆုံးမှာ Maxwell ဟာ Thomas Wolfe နဲ့ တွေ့ဆုံပြီး ဒီစာမူကို စာအုပ်အဖြစ်ထုတ်ဝေဖို့ စာချုပ်ချုပ်လိုက်ရာကနေ "Look Homeward, Angel" ဆိုတဲ့ စာအုပ်ဖြစ်လာပြီး Thomas Wolfe ဟာလည်း အမေရိကန်စာပေသမိုင်းမှာ အရေးပါဆုံး စာရေးဆရာတစ်ဦး ဖြစ်လာခဲ့ပါတယ်။ တစ်ချိန်တည်းမှာလည်း Maxwell နဲ့ Thomas တို့အကြားမှာလည်း ထူးခြားလေးနက်တဲ့ ဆက်ဆံရေးမျိုးနဲ့ မမေ့နိုင်စရာ အဖြစ်သနစ်တွေ ပေါ်ပေါက်လာပါတော့တယ်။ ဒီဇာတ်ကားကို တိုနီဆုရ ဒါရိုက်တာ Michael Grandage ရိုက်ကူးထားပြီး ဉာဏ်ကြီးရှင် အယ်ဒီတာလို့ လူသိများတဲ့ Maxwell Perkins နဲ့ ဉာဏ်ကြီးရှင် စာရေးဆရာလို့ ထင်ရှားတဲ့ Thomas Wolfe တို့နှစ်ဦးအကြားက မတူကွဲပြားတဲ့ အယူအဆတွေနဲ့ လေးနက်တဲ့ ဆက်ဆံရေးအပြင် သူတို့မိသားစုတွေအပေါ် သက်ရောက်လာတဲ့ အကျိုးဆက်တွေကို ဖွဲ့ဆိုတင်ဆက်ထားတဲ့ Drama/History ဇာတ်လမ်းတစ်ပုဒ်ဖြစ်ပါတယ်။ အက်ဖ်စကော့ ဖစ်ဂျရယ်နဲ့ အားနက်စ်ဟဲမင်းဝေးတို့နဲ့ အဲဒီခေတ် အမေရိကန်စာပေလောကကိုလည်း တစေ့တစောင်း မြင်တွေ့နိုင်ပါသေးတယ်။ Maxwell အဖြစ် Collin Firth ၊ Thomas Wolfe အဖြစ် Jude Law ၊ Thomas ရဲ့ အတူနေချစ်သူအဖြစ် Nicole Kidman ၊ Scott Fitzgerald အဖြစ် Guy Pearce ၊ Ernest Hemingway အဖြစ် Dominic West တို့လို နာမည်ကျော် သရုပ်ဆောင်တွေ ပါဝင်ထားပါတယ်။ ဒရာမာ နှစ်သက်သူတွေ ကြည့်ရှုသင့်တဲ့ ရုပ်ရှင်တစ်ကားဖြစ်ပါတယ်။ File size…(1.6 GB)/(750 Mb) Quality….Blu-Ray 1080p / 720p Format… mp4 Duration…. 01:44:00 Genre... Biography, Drama Subtitle….Myanmar Subtitle (Hardsub) Encoder….Garfield Translated by Wolfenheim

Teenage Mutant Ninja Turtles မြန်မာစာတန်းထိုးနဲ့ အကြည်ရပါပြီ။ ဒီ နံပါတ်၂ လိပ်နင်ဂျာကားမှာတော့ နံပါတ်၁ မှာ သူတို့ဖမ်းပေးလိုက်တဲ့ ဗီလိန်ကြီး ရှရက်ဒါ ပြန်လွှတ်လာပြီး အခြားကမ္ဘာတစ်ခုက ဂြိုလ်သားနဲ့ ပူးပေါင်းပြီး ကမ္ဘာကိုသိမ်းပိုက်မယ့် အန္တရာယ်ကို ညီအစ်ကို ၄ ယောက်တွန်းလှန်ကြတာပါပဲ။ ဒီအပိုင်းမှာ ဇာတ်ကောင်အသစ်ကေစီဂျုန်းအဖြစ် အဲရိုးမင်းသား စတက်ဖန် အမ်းမဲလ် သရုပ်ဆောင်ထားပါတယ်။ အက်ရှင်ကားကောင်းတစ်ကားအဖြစ် ပိုင်ပိုင်နိုင်နိုင် ရိုက်ကူးထားသလို လုံးဝစရိုက်မတူညီတဲ့ ညီအစ်ကိုတွေ ဘယ်လိုနားလည်မှုနဲ့ အဖွဲ့တစ်ခုအဖြစ်လှုပ်ရှားနိုင်ခဲ့လည်း ဆိုတာကိုလဲ သရုပ်ဖော်ပြထားပါတယ်။ တခါတလေ ခက်ခဲတဲ့ရွေးချယ်မှုတွေ ကြုံလာတဲ့အခါ တစ်ယောက်တည်းရဲ့ အမြင်နဲ့ဆုံးဖြတ်ချက်ဟာ ဘယ်လောက်စေတနာပါပါ အမြဲမမှန်နိုင်တာမို့ အဖွဲတစ်ခုရဲ့ စဉ်းစားဉာဏ်နဲ့ အင်အားဆိုတာ အမြဲထည့်တွက်ရမယ့်အရာဆိုတာ လိပ်ညီအစ်ကိုတွေကနေ သင်ခန်းစာယူရင်း ဟာသနဲ့အက်ရှင်ကောင်းတွေ ခံစားနိုင်ကြပါစေ။ (ဇာတ်လမ်း အညွန်းနဲ. ဘာသာပြန်သူကတော. Moe Myint Lwin ပဲဖြစ်ပါတယ်) File size…(982 MB) Quality… WEB.DL 720p Format…mp4 Duration….01:52:00 Subtitle….Myanmar Subtitle (Hardsub) Translator....Moe Myint Lwin Encoder…Thanhtike Zaw

ဒီဇာတ်ကားက ၂၀၀၉ ခုနှစ် တစ်လပိုင်းက ဖြစ်ပျက်ခဲ့တဲ့ မြစ်ထဲကို လေယာဉ်ပျက်ကျမှုဖြစ်ရပ်မှန်ကို ပြန်လည်ရိုက်ကူးထားတာပါ။ ထူးခြားမှုကတော့ လေယာဉ်ပေါ်က လူ ၁၅၅ ယောက်လုံးအသက်ရှင်နိုင်ခဲ့တာပါပဲ။ ဒီဇာတ်ကားမှာ မင်းသားကြီး တွမ်ဟန့်ခ်က အမေရိကန်ရဲ့ သူရဲကောင်းတစ်ယောက်ဖြစ်လာတဲ့ ပိုင်းလော့ကြီးနေရာကနေ သရုပ်ဆောင်ထားပါတယ်။ မြစ်ထဲကို လူအသေအပျောက်မရှိထိုးဆင်းနိုင်ခဲ့လို့ တကယ်ချီးကျူးစရာဖြစ်ခဲ့သလို ၂၄ မိနစ်အတွင်း သင်္ဘောတွေ လေယာဉ်တွေနဲ့ ကယ်ဆယ်ရေး လူ၁၀၀၀ ကျော်စုစည်းပြီး အားလုံးကို ကယ်တင်နိုင်ခဲ့တဲ့ နိုင်ငံရဲ့စီမံခန့်ခွဲမှုကလည်း အံသြစရာတစ်ခုလို့ ပြောသင့်တယ်ထင်ပါတယ်။ IMDb rating 7.8 ရထားတဲ့ဒီဇာတ်လမ်းမှာ အားလုံးက သူရဲကောင်းလို့သတ်မှတ်ထားတဲ့ ပိုင်းလော့ကြီးရဲ့ လေယာဉ်ဆင်းသက်ခဲ့ပြီး နောက်ဆက်တွဲပြဿနာနဲ့ လေယာဉ်ပေါ်က အကြောင်းအရာတွေကို ပေါင်းစပ်ပြီးပြသထားတာပါ။ ပြဿနာကတော့ လေယာဉ်ကိုစစ်ဆေးတဲ့ အင်ဂျင်ပိုင်းဆိုင်ရာ ပညာရှင်တွေနဲ့ ကွန်ပြူတာအချက်အလက်တွေက လေယာဉ်ဟာ မြစ်ထဲထိုးဆင်းစရာမလိုဘဲ လေဆိပ်ကိုအရောက်ပျံသန်းနိုင်တယ်လို့ ညွှန်ပြပြီး ပိုင်းလော့ကို အာမခံကုမ္မဏီက တရားခံရှာဖို့ကြိုးစားလာတာပါပဲ။ ဆူလီဟာ သူရဲကောင်းတစ်ယောက်လား အားလုံးကိုအန္တရာယ်ကျရောက်စေတဲ့ ဆုံးဖြတ်ချက်မှားယွင်းသူလား? ဆူလီတစ်ယောက် သူ့အတွေ့အကြုံနဲ့ဆုံးဖြတ်ချက်ဟာ ကွန်ပြူတာတွေ ပညာရှင်တွေရဲ့ သီအိုရီတွေထက် ပိုမှန်ကန်လားဆိုတာ သက်သေပြနိုင်ဖို့...... File size…    3.6 GB / 1.3 GB / 770 MB Quality… BluRay 4K HEVC 1080p / 720p Format… mkv & mp4 Audio… AAC & E-AC-3 Duration…. 1h 36m Genre ..... Biography, Drama Subtitle…. Myanmar Subtitle (Hard Sub) Encoder…. Thit San Khant Translated by Garfield

Nocturnal Animals (2016) IMDb Rating (7.6) / Rotten Tomatoes (74%) မင်းသား Jake Gyllenhaal နဲ့ Aaron Taylor-Johnson , ရုပ်ချင်းခပ်ဆင်ဆင် မင်းသမီးနှစ်ယောက်ဖြစ်တဲ့ Amy Adams နဲ့ Isla Fisher စတဲ့သရုပ်ဆောင်တွေနဲ့ Psychological Thrillers အမျိုးအစား ရင်ဘတ်ထဲက ၃ ၄ ရက်ခန့် ထုတ်မရဆိုတဲ့ ရုပ်ရှင်ကားကြီးပါ။ ဇာတ်လမ်းက အစမှာ ရွံစရာကောင်းတဲ့ စိတ်မသက်မသာအခန်းတွေနဲ့စလာပါမယ်...ပြီးရင်တော့ ထိုင်ရာမထဆွဲခေါ်သွားမယ့် ဇာတ်လမ်းဇာတ်ကွက်တွေနဲ့ အဆုံးမှာတော့ ရင်ဘတ်ထဲက ထုတ်မရ အတွေးတွေများသွား။ အနုပညာ ပြခန်းတခန်းကနေ ဆူစန် (သူဌေး) စထွက်လာတာကနေစတယ် သူမ အိမ်ကို ရောက်သွားတယ် သူမ မအိပ်ဖြစ်တာ အတော်ကြာနေတဲ့ ပုံပါပဲ... ထူးထူးခြားခြားသူမဆီကို ပါဆယ်တစ်ခု ရောက်နေလို့ တိပ်တွေကို လျင်လျင်မြန်မြန် ဆွဲဖွင့်တဲ့အခါ စက္ကူသားကြောင့် လက်ရှသွားပြီး ဝန်ထမ်းတစ်ယောက်ကိုဖွင့်ခိုင်းပြီး စာကို ဖတ်ခိုင်းတဲ့အခါ သူမ ယောင်္ကျားဟောင်း အက်ဝဒ် မှ ဆူစန် ဖတ်ဖို့ ဝတ္တုစာမူကြမ်းကို ပေးပို့ပေးလိုက်တာပါ... အလုပ်ပိတ်တဲ့ ဒီတစ်ပတ်မှာ သူမ လက်ရှိ ယောင်္ကျားနဲ့ အပန်းဖြေ ခရီးထွက်ချင်နေပေမယ့် ခြေလှမ်းတွေ ပျက်နေတဲ့ ယောင်္ကျားဖြစ်သူဟာ ဆူစန်အနားမှာ ရှိမနေခဲ့ပါဘူး... ၁၉ နှစ်ကျော် ကြာအထိ သူမ နဲ့ အဆက်အသွယ် မလုပ်ခဲ့တဲ့ ခင်ပွန်းဟောင်းဖြစ်သူ အက်ဝဒ်ရဲ့ဝတ္တုစာအုပ်မူကြမ်းကို စိတ်လိုလက်ရဖတ်ဖို့မရှိပေမယ့် တစ်ယောက်ထဲ ဖြစ်နေတဲ့ အချိန်မှာတော့ သူမဟာ စာအုပ်ကို ကိုင်ဆွဲပြီး အိပ်ရာထက်ဝင်ခဲ့ပါတော့တယ်... (စာအုပ်ထဲက ဇတ်လမ်း) ဟေးစတင်းဟာ သူ့ မိန်းမ လော်ရာ နှင့် သမီးဖြစ်သူ အင်ဒိယတို့ကိုခေါပြီး တက္ကဆက်ပြည်နယ်မြောက်ပိုင်းဘက်သို့ မိသားစု ၃ ယောက်ထဲ ကားမောင်းပြီး ထွက်လာပါတယ်... တက္ကဆက် မြောက်ပိုင်း အဝေးပြေး လမ်းမဟာ လူပြတ်ပြီး ဖုန်းလိုင်းမမိတဲ့ နေရာလဲ ဖြစ်ပါတယ်.... ဒီလိုနဲ့ ကားမောင်းလာနေရင်း ဟေးစတင်းတို့ ကားကို အမူးသမား တစ်ချို့မှ ဘေးတိုက် ဆွဲချပြီးပြသနာရှာခဲ့ပါတယ်... ဟေးစတင်းက တားဆီးနေတဲ့ကြားက သူ့မိန်းမ နဲ့ သမီး ကို အမူးသမားတွေမှ ကားပေါ်ချုပ်တင်ပြီး ခေါ်သွားခဲ့ပါတယ် သူ့ကိုလဲ ကားတစ်စီးဖြင့် ခေါ်သွားရာမှ လမ်းမှာ ထွက်ပြေးလွတ်မြောက်ခဲ့ပါတယ်... ဒါပေမယ့် မိန်းမ နဲ့ သမီးအပေါ် ပူပင်နေတဲ့ သူ့စိတ်က ရေမြေအဆုံး လိုက်ရှာဖို့ပဲ အားသန်နေခဲ့ပါတော့တယ်.... (စာအုပ်အချ) ဆူစန် စိတ်တွေ ဂယောင်ချောက်ခြားဖြစ်သွားခဲ့တယ် စာအုပ်ထဲက ဟေးစတင်း နေရာမှာ သူရောက်သွားသလိုပဲ သူမ နှလုံးသားသည်လဲ ဟေးစတင်း နှင့် ထပ်တူ နာကျင်ခံစားလိုက်ရတယ်.... စာအုပ်ကို ဆက်လဲ ဖတ်ချင်တယ် ဟေးစတင်း ဘာဆက်ဖြစ်မလဲ သိချင်နေပေမယ့် ဖြစ်လာမယ့် အရာကိုလဲ သူမ ကြိုတွေးနေမိခဲ့တယ်... ဒီလိုနဲ့ စာအုပ်ကို ဆက်ဖတ်ဖြစ်ခဲ့ပါတယ်... စာအုပ်နာမည်ကတော့ " Nocturnal Animals " ဒီစာအုပ်ကို ဖတ်နေတဲ့ ဆူစန်ရဲ့ ဇာတ်လမ်း တစ်ခု ရယ် စာအုပ်ထဲက ဇာတ်ကောင် ဟေးစတင်းရဲ့ မိန်းမပျောက် သမီးပျောက် ရှာပုံတော် ဇာတ်လမ်း ၂ ခု ဟာ သင့်ကို ထိုင်ရာက မထစတမ်း ဆွဲဆောင်သွားမယ့် ရုပ်ရှင်ကားကောင်းတစ်ခုဆိုတာညွှန်းဆိုလိုက်ပါရစေ... (ရုပ်ရှင်အညွှန်းကို Thit San Khant မှ ရေးသားပြီး ဘာသာပြန်ကို Htet Wai Lwin မှ တင်ဆက်ထားပါတယ်။) File size…(2.1 GB )/(870 MB) Quality….BluRay 1080p HEVC / 720p Format…mkv/mp4 Duration….01:57:07 Subtitle….Myanmar Subtitle (Hardsub) Encoder….Ka Naung Trasnlated by Htet Wai Lwin

Mr. Holmes(2015) IMDb....6.9 ရာစုနှစ်တစ်စုနီးပါး အချိန်ကာလကိုဖြတ်သန်းလာခဲ့ရ၍ အသက်အရွယ်ကြီးရင့်လာသော ကျွနု်ပ်တို့မိတ်ဆွေကြီး မစ္စတာဟုမ်းစ်သည်လည်း ဇရာ၏နှိပ်စက်မှုဒဏ်ကို ကောင်းကောင်းကြီးခံစား နေရပြီဖြစ်သည်။ သို့သော်လည်း သူ့၏ ထက်မြက်မှုကိုကား ဇရာက အနိုင်မတိုက်နိုင်သေးသည်မှာထင်ရှားသည်။ သို့သော် မစ္စတာ ဟုမ်းစ် စုံထောက်အလုပ်မှအနားယူလိုက်ရသည် အထိ စိတ်ဆင်းရဲကိုယ်ဆင်းရဲဖြစ်စေရသော အကြောင်းမှာ မည်သို့မည်ပုံဖြစ်သည်ကို IMDB Rating 6.9 ရရှိထားသော Mr.Holmes(2015) တွင် ဖော်ပြထားလေသည်။ အကျဉ်းမှာ ကျွနု်ပ်တို့မိတ်ဆွေကြီး မစ္စတာ ဟုမ်းစ်တစ်ယောက် သတိမေ့ရောဂါစွဲကပ်လာ၍ မိမိ၏နောက်ဆုံးအမှုမှ အဘယ်ကြောင့်အနားယူခဲ့သည်ကို မမှတ်မိသည်ကို ပြန်လည် အမှတ်ရအောင် ကြိုးစားရင်း နောက်ဆုံးမှာ မစ္စတာဟုမ်းစ်၏ အမှန်စင်စစ် နောက်ဆုံးအမှုကို မည်သို့မည်ပုံဖြေရှင်းခဲ့သည်ကို မိတ်ဆွေတို့ စိတ်ပါဝင်စားစွာနဲ့ ကြည့်ရှုရမှာဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Ko D3monပဲဖြစ်ပါတယ်... File Size : (900 MB) and (325 MB) Quality : Blu-Ray 720p Format…mp4 Duration…01:44:00 Genre :  Drama , Mystery Subtitle : Myanmar Subtitle (Hard Sub) Translated by D3mon Encoded by Phyo Pyae

The Details (2011) ဒီဇာတ်လမ်းကတော့ လူသိများတဲ့ သရုပ်ဆောင်တွေဖြစ်တဲ့ Tobey Maguire နဲ့ Elizabeth Banks တို့ရဲ့ အိမ်ထောင်ရေးအရှုပ်တော်ပုံ ဟာသဇာတ်လမ်းဖြစ်ပါတယ်။ အိမ်ထောင်သက်တမ်းကြာပြီဖြစ်တဲ့ Jeff နဲ့ Nealy တို့ရဲ့ ​နောက်ဖေးခြံဥယျာဥ်မှာ တောကြောင်တွေ လာသောင်းကျန်းလို့ ထောင်ချောက်ဆင်ရာကနေ Jeff တစ်ယောက် ပြဿနာတွေတစ်ခုပြီးတစ်ခု ဆင့်ပွားပေါ်ပေါက်လာတော့တယ်။ အစပိုင်းမှာတော့ ဘာမှမဟုတ်တဲ့အသေးအမွှား​လေးတွေဆိုပေမဲ့ အဲဒီအသေးအမွှားလေးတွေကနေ အိမ်ထောင်ရေးပြဿနာ၊ ဖောက်ပြန်မှုနဲ့ လူသတ်မှုတွေအထိ ဘယ်လိုတောင်ကြီးမားလာမလဲဆိုတာကို The Details မှာ dark humor များစွာဖြင့် ဆက်လက်ကြည့်ရှုနိုင်ပါတယ်။ ( ဘာသာပြန်ပြီး အညွှန်းရေးသားထားသူကတော့ Thwal Htoo Zin ပါ ) File size_(2GB)/(990MB) Quality_Blu-Ray 1080p / 720p Format_mp4 Duration_01:41:00 Genre_Comedy , Drama Subtitle_Myanmar Subtitle (Hardsub) Encoder_a hao Translated by Thwal Htoo Zin

Merry Christmas ပါ CM ပရိတ်သတ် ကြီးရေ။ ခရစ္စမတ် ပိတ်ရက်မှာ အေးဆေးကြည့်ရအောင် ခရစ္စမတ်နဲ့ ဆိုင်တဲ့ ကာတွန်းကားလေး တစ်ကားတင်ဆက်ပေးလိုက်ရပာတယ်ခင်ဗျား။ မိသားစု သားသမီးတွေနဲ့ ပေါ့ပေါ့ ပါးပါး ရယ်ရယ်မောမော ကြည့်လို့အဆင်ပြေတာပေါ့ဗျာ။ ဒီကား လေးကတော့ IMDB 7.1 အထိရထားတယ်ဆိုတော့ သိပ်တော့ ပြောစရာ လိုမယ် မထင်ပါဘူး။ ခရစ္စမတ် ညမှာ ခလေးတိုင်း ရဲ့ အိမ်ကို ဆန်တာက လက်ဆောင်လေးတွေ လိုက်ပို့ တက်တယ် လို့ အယုံအကြည်ရှိကြပါတယ်။ ဒါပေမဲ့ ကမ္ဘာပေါ်က ဒီလောက်များတဲ့ကလေးတွေကို ဆန်တာ တစ်ယောက် ဘယ်လိုများ ပို့လဲ ပေါ့။ ဒီကားထဲမှာ အဲ့ အကြောင်းပြောပြထားပါတယ်။ တကယ်တော့ မြောက်ဝင်ရိုးစွန်းရဲ့ အောက်မှာ ဆန်တာ တို့က ခေတ်မှီ မြန်နှုန်းမြင့် စွပ်ဖားတွေ သုံးတာပေါ့။ ဒီနှစ်မှာလည်း လက်ဆောင် စုစုပေါင်း ၂ ဘီလီယံကို သယ်ပို့ပေးရမှာဆိုပါတော့။ ဒီလိုနဲ့ သယ်ပို့ ရေးလုပ်နေစဉ်မှာ မမျှော်လင့်တဲ့ အကြောင်းတစ်ခုကြောင့် လက်ဆောင်လေးတစ်ခုက ကျန်ခဲ့ပါတယ် အဲ့လက်ဆောင်လေးကို နတ်သူငယ်လေး တစ်ယောက်က တွေ့ပြီး အာသာ ကို အကြောင်းကြားတဲ့ အချိန်မှာ အာသာ တစ်ယောက် အဲ့လက်ဆောင်ကို အချိန်မှီ ပို့ပေးပို့ လုပ်ရပါတော့တယ်။ ခေတ်မှီ မြန်နှုန်း မြင့် စွပ်ဖား မရှိတော့တဲ့အချိန်မှာ ယခင်က ဒရယ်အိုတွေနဲ့ စွပ်ဖား အို ကြီး ပဲ ရှိပါတော့တယ် အဲ့စွပ်ဖား အိုကြီး နဲ့အတူ အာသာတစ်ယောက် လက်ဆောင် ကို အမြန်ဆုံး ဘယ်လို ရောက်အောင် ပို့မလဲ။ ဘယ်လို အလွဲလွဲ အချော်ချော် တွေဖြစ်မလဲ ဆိုတာကို ရယ်ရယ် မောမော ပေါ့ပေါ့ ပါးပါး နဲ့ ကြည့်ရှု့ရမှာပါ။ File Size : 2.3 GB / 1.1 GB Quality : WEB DL 1080p HEVC / 720p Running Time : 1h 37min Format : Mp4 Genre :Animation, Comedy, Adventure Subtitle : Myanmar Subtitle (Hard Sub) Source : 1080p BluRay x264 Subtitle by Gurelia Encoded by Tariq L Walker

The Nanny Diaries (2007) မိမိကိုယ်ကို ဘယ်သူလဲ၊ ဘယ်လိုလူလဲဆိုတာ တိတိကျကျ သိကြပါသလား။ The Nanny Diaries ထဲက ဘွဲ့ရပြီးခါစ အသက် ၂၁ အရွယ်ကောင်မလေးကတော့ သူ့ကိုယ်သူ ဘယ်လိုလူလဲဆိုတာကို အဖြေရှာရင်း နာနီလို့ခေါ်တဲ့ ကလေးထိန်းဘဝကို ရောက်ရှိသွားခဲ့ပါတယ်။ အဲဒီအကြောင်းကို The Nanny Diaries ဆိုတဲ့ ဟာသ-ဒရမ်မာ ဇာတ်လမ်းမှာ စိတ်ဝင်စားစရာကောင်းအောင် ဟာသလေးနှောပြီး ရိုက်ကူးထားတာပါ။ အန်နီဘရတ်ဒေါ့ခ်ဟာ ဘွဲ့ရပြီးချိန်မှာ အလုပ်ရှာဖွေရင်းနဲ့ မထင်မှတ်ဘဲ အထက်တန်းလွှာမိသားစု တစ်ခုရဲ့ ကလေးထိန်းဘဝကို ရောက်ရှိခဲ့ပါတယ်။ အဲဒီလိုနဲ့ အန်နီဟာ အားကျစရာကောင်းလောက်အောင် ပြီးပြည့်စုံနေပြီလို့ ထင်ရတဲ့ အိမ်ထောင်သည် အမျိုးသမီးမှာလည်း လူမသိတဲ့ ဒုက္ခတွေ ရင်ဆိုင်နေရကြောင်း သိမြင်လာခဲ့ရပါတယ်။ ငွေကြေးချမ်းသာ သလောက် မိဘတွေရဲ့ ဂရုစိုက်ခြင်းကိုမခံရဘဲ၊ အိမ်ထောင်ရေးအဆင်မပြေတဲ့ မိဘတွေကြားမှာ မြေစာပင် ဖြစ်နေရတဲ့ ဂရေယာလေးကို သံယောဇဉ် ဖြစ်မိတဲ့ အန်နီဟာ အလုပ်ထွက်ချင်ပေမဲ့ မထွက်နိုင်ခဲ့ပါဘူး။ အလုပ်ကြောင့် ရည်းစားမထားရဲခဲ့ပေမဲ့ အန်နီဟာ သူ့အလုပ်ရှင်အိမ်နားမှာနေတဲ့ ဟားဗတ်တက္ကသိုလ်ကျောင်းသားလေးတစ်ယောက်နဲ့ ချစ်ကြိုက်မိခဲ့ပါတယ်။ အဲဒီအခါ သူရုန်းမထွက်သေးတဲ့ အလုပ်နဲ့ ချစ်သူကြားမှာ ဗျာများရပါတော့တယ်။ အဲဒီလိုနဲ့ အန်နီတစ်ယောက် ကလေးထိန်းဘဝက လွတ်မြောက်နိုင်မှာလား၊ သူ့ကိုယ်သူ ရှာဖွေသိရှိသွားမှာလား၊ ဂရေယာ့အတွက်ရော ဘာတွေလုပ်ပေးမလဲ၊ ချစ်သူနဲ့ရော ရှေ့ဆက်အဆင်ပြေပါ့မလားဆိုတာကို စိတ်ဝင်စားစရာ ကြည့်ရှုရမှာပါ။ ဇာတ်လမ်းတင်ကောင်းတာမဟုတ်ဘူးနော်၊ မင်းသားသမီးတွေလည်း ကြည့်လိုက်ပါဦး၊ ညှို့အားပြင်း ဟောလိဝုဒ်မင်းသမီးချော Scarlett Johansson နဲ့ အခုအချိန်မှာ Captain America ဇာတ်ကောင်အဖြစ် လူသိများနေတဲ့ ဟောလိဝုဒ်မင်းသား Chris Evans တို့က အဓိက ပါဝင်ထားပါတယ်။ မင်းသမီးဇာတ်ဆိုတော့ မင်းသမီးအခန်းပိုများပါတယ်။ ဟာသနဲ့ အတွေးလေးတွေပါတဲ့ ပေါ့ပေါ့ပါးပါး Comedy-Drama ကြိုက်သူတွေအတွက်တော့ တကယ်ကြည့်လို့ကောင်းတဲ့ ဇာတ်လမ်းကောင်းလေး ပါပဲ။ (ရုပ်ရှင်အညွှန်းကို Cherry Mon မှရေးသားထားပြီး ဘာသာပြန်ကိုတော့ Lone Lone မှ တင်ဆက်ထားပါတယ်။) File size…(3.4 GB )/ (1.1 GB) Quality…BluRay 1080p HEVC / 720p Format…mkv/mp4 Duration….01:46:00 Subtitle….Myanmar Subtitle (Hardsub) Encoder….Ka Naung Translated by Lone Lone

Man of the Year (2006) ဒီ ဇာတ်ကားထဲက တွမ်ဒေါ့ဘ်စ်နေရာမှာ သရုပ်ဆောင်သွားတဲ့သူဟာ မင်းသားကြီး Robin Williams ဖြစ်ပြီး သူ့ကို မျက်လုံးထဲမြင်အောင်ပြောရရင် Jumanji (1995) မှာ အဓိကနေရာက ပါဝင်ခဲ့တဲ့မင်းသားပါ။ ဒီဇာတ်ကားမှာ Robin Williams ဟာ Jon Stewartနဲ့ Bill Maherတို့လို နိုင်ငံရေး သရော်စာ တီဗီရှိုးတစ်ခုရဲ့ လူရွှင်တော်တွမ်ဒေါ့ဘ်စ်Tom Dobbsအဖြစ် သရုပ်ဆောင်ထားပါတယ်။ တွမ်ဟာ ပြည်သူတွေရဲ့ နိုင်ငံရေးအပေါ် စိတ်ပျက်မှုတွေကို အခွင့်ကောင်းယူပြီး သူ့ရှိုးမှာ သမ္မတရွေးကောက်ပွဲဝင်ဖို့ အကြံပြုခံရချိန်မှာ အစပိုင်းမှာ ဟာသအနေနဲ့သာ တုံ့ပြန်ခဲ့ပေမယ့် အွန်လိုင်းကနေ ထောက်ခံမှု ၄ သန်းရရှိလာတဲ့အခါ တကယ်ပဲ သမ္မတလောင်းအဖြစ် ဝင်ရောက်ယှဉ်ပြိုင်ဖို့ ဆုံးဖြတ်ခဲ့ပါတယ်။ သူဟာ ပြည်နယ် ၁၃ ခုမှာ မဲဆန္ဒစာရင်းထဲ ဝင်ရောက်နိုင်ခဲ့ပြီး ဒီမိုကရက်တစ်သမ္မတ ကယ်လော့ဂ်နဲ့ ရီပတ်ဘလစ်ကင်လွှတ်တော်အမတ် မီးလ်စ်တို့နဲ့အတူ အမျိုးသားအဆင့် စကားစစ်ထိုးပွဲမှာ ပါဝင်ယှဉ်ပြိုင်ခဲ့တယ်။ ဒီစကားစစ်ထိုးပွဲမှာ တွမ်ဟာ သူ့ရဲ့ဟာသဉာဏ်နဲ့ ရိုးသားတဲ့ ဝေဖန်မှုတွေကို အသုံးပြုပြီး ပြည်သူတွေရဲ့ အာရုံစိုက်မှုကို ဘယ်လိုတွေဖမ်းစားသွားမလဲဆိုတာ ကြည့်လိုက်ကြပါဦး။ File Size - 2.18 GB/ 1.07 GB Quality - WEB-DL 1080p/ 720p Duration - 1h 55 m Format - mp4 Genre - Comedy, Drama, Romance Subtitle - Myanmar Subtitle (Hard Sub)

အမ်မလီရို့စ်ဟာ အသက် ၁၉ နှစ်အရွယ် အေးအေးဆေးဆေး နေတတ်တဲ့ ကောင်မလေးတစ်ယောက်ပါ။ အိမ်မှာ စာဖတ်တာ၊ ဂီတလေ့လာတာတွေနဲ့ အချိန်ကုန်လေ့ရှိပေမယ့် တက္ကသိုလ်တက်ဖို့ ပညာသင်ဆုရလာတဲ့အခါ ဆရာမဖြစ်ချင်တဲ့အိပ်မက်အတွက် မိသားစုနဲ့ခွဲပြီး ကျောင်းသွားတက်ဖို့ ဆုံးဖြတ်လိုက်ပါတယ်။ နောက်ပိုင်းမှာတော့ ညဘက် မီးလောင်တဲ့အနံ့ရလို့ နိုးလာတာ၊ အဆစ်တွေ လှုပ်မရတာ၊ မျက်လုံးတွေ မည်းနက်သွားတာ၊ နာရီပေါင်းများစွာ အော်ဟစ်နေတာနဲ့ အင်းဆက်တွေ စားတာလို ထူးခြားတဲ့လက္ခဏာတွေ ဖြစ်လာပါတယ်။ မကြာခင်မှာပဲ သူ သေဆုံးသွားတဲ့အခါ ကျန်းမာရေးအခြေအနေကြောင့်လား၊ မကောင်းဆိုးဝါးပူးကပ်တာကြောင့်လား၊ သူ့သေဆုံးမှုအတွက် ဘယ်သူ့မှာ တာဝန်ရှိသလဲဆိုတဲ့ မေးခွန်းတွေ ပေါ်လာပါတယ်။ ၂၀၀၅ ခုနှစ်ထွက် ဒီသဲထိတ်ရင်ဖိုဇာတ်ကားကို Scott Derrickson က ရိုက်ကူးပြီး Jennifer Carpenter ပါဝင်သရုပ်ဆောင်ထားပါတယ်။ ၁၉၇၆ ခုနှစ်က ဂျာမနီမှာ သေဆုံးခဲ့တဲ့ Anneliese Michel ရဲ့ဖြစ်ရပ်ကို အခြေခံထားတာပါ။

Kinsey ကတော့ ၂၀၀၄ ခုနှစ်မှာထွက်ရှိထားတဲ့ Alfred Charles Kinsey အကြောင်းရိုက်ထားတဲ့ အတ္ထုပ္ပတ္တိရုပ်ရှင်ပဲဖြစ်ပါတယ်။ အတ္ထုပ္ပတ္တိရုပ်ရှင် ဖြစ်တဲ့အတွက် ဒေါက်တာ kinsey ရဲ့အကြောင်းကိုပဲ သေချာ မီးမောင်းထိုးပြီး ရိုက်ပြထားတာမျိုးဖြစ်ပါတယ်။ အတ္ထုပ္ပတ္တိဆိုပေမဲ့ ပျင်းစရာကောင်းတဲ့ရုပ်ရှင်မျိုး မဟုတ်ပဲ စိတ်ဝင်စားစရာကောင်းကောင်းနဲ့ ကြည့်ရမှာပါ Kinsey ကတော့ ၂၀ ရာစုအလယ်ပိုင်းလောက်က အမေရိကန်လူမျိူးတွေရဲ့ လိင်မှုကိစ္စတွေနဲ့ လိင်ပိုင်းဆိုင်ရာ အချက်အလက်တွေကို စမ်းသပ်နေတဲ့ ဇီဝဗေဒသုတေသနပညာရှင်တစ်ယောက်ပါ။ ဒီဇာတ်ကားမှာဆိုရင် kinsey ရဲ့အံ့ဩလောက်စရာ သုတေသနစာတမ်းတွေ စစ်တမ်းကောက်ယူချက်တွေ သူရုန်းကန်ခဲ့တာတွေ လူထုရဲ့အမြင်တွေနဲ့ အခက်အခဲတွေ နဲ့ကြုံလာရချိန်မှာ kinsey တစ်ယောက်ဘာတွေဆက်လုပ်မလဲ ဘယ်လိုတွေဖြစ်သွားမလဲဆိုတာကို ကြည့်ရမှာပါ လိင်ကိစ္စတွေမှာ သိပ်ပြီးပွင့်လင်းမြင်သာမှု မရှိသေးတဲ့ရာစုနှစ်တွေမှာ လူတွေရဲ့ လိင်ပိုင်းဆိုင်ရာအသိဉာဏ် နည်းပါးတဲ့အတွက်ကြောင့် ဆက်ဆံပုံတွေမှာ ပုံသေတစ်ခုထဲသတ်မှတ်ထားတာမျိုးတွေက အဆင်မပြေနိုင်ပုံတွေ စိတ်ကျေနပ်မှုရအောင် ဘယ်လိုမျိုးတွေရှိသင့်တယ်ဆိုတောတွေကို ဒေါက်တာ kinsey ကစစ်တမ်းတွေ ကောက်ယူပြီး သူ့ရဲ့စာအုပ်တွေထုတ်နိုင်ဖို့အတွက် ကြိုးစားနေတာတွေကိုတွေ့ရမှာပါ။ ပွင့်လင်းမြင်သာမှုမရှိတဲ့အတွက်ကြောင့်မို့ လိင်ကိစ္စကိုအဲ့လိုမျိုးပြောနေတဲ့ kinsey ကိုလူတွေရဲ့ အထင်အမြင်တွေစောင်းလာချိန်မှာရော ဘယ်လိုတွေဆက်ဖြစ်မလဲဆိုတာ စိတ်ဝင်စားဖွယ်ဆက်ကြည့် ရမှာပါ File size…(2 GB)/(1 GB) Quality….Webrip 1080p / 720p Format…mp4 Duration….01:58:00 Genre... Drama  Subtitle….Myanmar Subtitle (Hardsub) Encoder….Mr. Anderson Translated by Kaung Myat

Mystic River (2003) IMDb....7.9,,,,Rotten...88% ဒီဇာတ်ကားကတော့ စာအုပ်လည်း ထွက်ထားပါတယ် ..... ဇာတ်လမ်းကလည်း ၂နာရီလောက်ကြာပါတယ် ..... တော်တော်များများရုပ်ရှင်တွေက စာအုပ်ကို မမှီဘူးလို့ဝေဖန်ခံရလေ့ရှိပါတယ် .... ဒါပေမယ့်ဒီရုပ်ရှင်ကတော့ စာအုပ်ဖတ်ဖူးသူတိုင်းက ရုပ်ရှင်ကပိုကောင်းတယ် ပိုပြီးခံစားရတယ် .... သာမန် Thriller ရုပ်ရှင်တွေထက်ကိုသာလွန်တယ်လို့ review ကောင်းတွေရထားတဲ့ဇာတ်ကားပါ... Thriller fan တွေတကယ်ကို လက်မလွတ်သင့်တဲ့ဇာတ်ကားပါပဲ.. ထောင်ထွက် Jimmy ရဲ့သမီးလေး အသတ်ခံရတော့ သူ့ရဲ့ငယ်သူငယ်ချင်း၂ယောက်ပါ ဒီကိစ္စထဲပါလာတယ်... တစ်ယောက်က Daveက သာမန်အလုပ်သမား ဒါပေမယ့်အတိတ်ဆိုးနဲ့လူ .... သူက Jimmy သမီးကိုမသေခင်နောက်ဆုံးတွေ့ခဲ့တဲ့လူဖြစ်နေတယ်.. နောက်တစ်ယောက်က Sean လူသတ်မှုတွေရဲ့စုံထောက်ပေါ့ သူကဒီအမှုကိုတာဝန်ယူထားရတဲ့လူ... သူငယ်ချင်း၃ယောက်ပြန်ဆုံဖြစ်ကြတယ်ပေါ့ ... တဖြည်းဖြည်းနဲ့ အမှုနဲ့ပတ်သက်လို့သိလာရတာတွေရှိလာတော့ Jimmy က Dave ကိုသံသယဝင်လာတယ်... ဘယ်လိုဖြေရှင်းကြတယ် သူငယ်ချင်း၃ယောက်ရဲ့ဇာတ်လမ်းကဘယ်လိုလဲဆိုတာတော့ ဆက်ကြည့်ကြဖို့ပဲတိုက်တွန်းချင်ပါတယ်... ဒါရိုက်တာ Clint Eastwood ရိုက်ကူးထားတာဖြစ်ပြီး နာမည်ကျော်မင်းသားကြီးတွေဖြစ်တဲ့ Sean Penn,Tim Robbins, Kevin Bacon တို့ ပါဝင်သရုပ်ဆောင်ထားပါတယ်... အညွှန်းနဲ့ဘာသာပြန်သူကတော့ Jthekoala ပဲ ဖြစ်ပါတယ်... File Size : 1.96 GB, 813 MB Quality : Blu-Ray 1080p, 720p Format…mp4 Duration…02:18:00 Genre : Crime, Drama, Mystery Subtitle : Myanmar Subtitle (Hard Sub) Translated by Jthekoala Encoded by AHtet

Love Actually (2003) IMDb Rating (7.6) / Rotten Tomatoes (64 %) နာမည်ကျော်သရုပ်ဆောင်ကောင်းတွေဖြစ်တဲ့ မင်းသားကြီး Liam Nesson , Alan Rickman,Bill Nighy ,Hugh Grant Kingsman မင်းသားကြီး Colin Firth, မစ္စတာဘင်းမင်းသားကြီး Rowan Atkinson ချစ်စရာမင်းသမီးချောလေး Keira Nightly နဲ့ Laura Linney တို့ကိုတစ်နေရာထဲမှာမြင်လိုက်ရတာနဲ့တင် အချိန်ပေးရကျိုး နပ်မယ့်ရုပ်ရှင်ဖြစ်တဲ့အပြင် ဖွဲ့စည်းထားတဲ့ဇာတ်လမ်းအသွားအလာလေးကလဲ အပြစ်ဆိုရက်စရာမရှိ နှစ်လိုဖွယ်ကောင်းလွန်းတယ်လို့ညွှန်းရမယ့် ဇာတ်ကားလေးတကားပါ။ intertwined stories လို့ခေါ်တဲ့ ဇာတ်လမ်းတစ်ခုထဲမှာမတူညီတဲ့ဇာတ်လမ်းလေးတွေကို ယှက်နွယ်ပြီးပြသွားလေ့ရှိပုံစံရုပ်ရှင်ကားမျိုးတွေကို သဘောကျတတ်တဲ့သူတွေပိုပြီးအကြိုက်တွေ့မှာပါ ဝမ်းသာခြင်း ကြည်နူးခြင်း ဝမ်းနည်းရခြင်းတွေနဲ့ Love actually ဇာတ်ကားဟာ Drama/Comedy/ Romance စသဖြင့် ရသမျိုးစုံကိုပေးတဲ့ Family Type Friendship အသားပေးထားတာဖြစ်တဲ့အတွက် မိသားစုနဲ့အတူ အချိန်ပေးပြီးကြည့်ရန်လည်းအသင့်တော်ဆုံးပါပဲ အညွှန်းလေးအကျဉ်းချုပ်ပြောရရင်.... မူးယစ်ဆေးဖြတ်ပြီးအဆိုတော်ပြန်လုပ်ခပ်ကြောင်ကြောင်စကားလုံးတွေပြောပြီး ခရစ္စမတ်သီချင်းတစ်ပုဒ်ကိုဆိုနေတဲ့ခေတ်ဟောင်းအဆိုတော်အဘိုးကြီးတစ်ယောက် အမေရိကားကိုရောက်မှစော်ကြည်မယ်ထင်ပြီးမိမိမွေးရပ်မြေကိုစွန့်ခွာချင်နေတဲ့ဗြိတိန်သားငနဲလေးတစ်ယောက် အချစ်ဆုံးသူငယ်ချင်းရဲ့မင်္ဂလာပွဲကိုအခမ်းအနားဆုံးဖြစ်အောင်ပြင်ဆင်ပေးပြီးကင်မရာလေးနဲ့ရိုက်ပြီး အမှတ်တရပုံရိပ်ကိုတိတ်တခိုးခံစားချက်တွေနဲ့အတူ ခိုးပြီးသိမ်းဆည်းထားတဲ့ကောင်လေးတစ်ယောက် ဝန်ထမ်းကောင်မလေးကိုအပေါ်မှာ ချစ်စိတ်ဝင်မိရာကနေ အမေရိကန်သမ္မတကိုတောင် ချေပနိုင်တဲ့စကားတွေပြောဖြစ်သွားရာကနေ ပြည်သူရဲ့အချစ်တော်အင်္ဂလန်ဝန်ကြီးချုပ်တစ်ယောက် ဖောက်ပြန်တဲ့မိန်းမကိုလက်ပူးလက်ကြပ်မိပြီး စိတ်နာနာနဲ့ ပြင်သစ်ကတော့ရွာလေးဘက်ကို ခရီးထွက်အနားယူရာမှတွေ့ဆုံခဲ့သော ပေါ်တူဂီမလေးကိုချစ်မိသွားတဲ့လူတစ်ယောက် Real sex မဟုတ်တဲ့ဟန်ပြသရုပ်ဆောင်အပြာကားရိုက်ရင်းတကယ်ချစ်မိသွားတဲ့ချစ်သူနှစ်ဦး သူဌေးဖြစ်သူကိုစနိုက်ကြော်ရန်လိုက်ကပ်နေတဲ့ စာရေးမလေးနဲ့ သူဌေးရဲ့မိန်းမမိသားစုအကြောင်း ရုံးတစ်ခုထဲမှာအတူတူလုပ်နေတဲ့လုပ်ဖော်ကိုင်ဖက်ကောင်လေးကိုတစ်ဖတ်သတ်အချစ်နဲ့ ၂နှစ် ၇လနဲ့ ၃ရက်တိုင်အောင်ထိ ဖွင့်ဟပြောဖို့ရန်အခြေအနေမပေးတဲ့ကောင်မလေးတစ်ယောက်အကြောင်း စသဖြင့် မတူညီတဲ့ဇာတ်လမ်း ၈ ခုဟာ ဘယ်မျိုးသောအကြောင်းအရာတွေနဲ့ ချိတ်ဆက်နေမလဲ ကြည့်နေတဲ့ပရိတ်သတ်ကိုဝမ်းသာကြည်နူးတစ်လှည့် ဝမ်းနည်းကြေကွဲစရာလေးတွေနဲ့တစ်ဖုံ ခံစားမှုတွေရမယ်ဆိုတာသေချာပါတယ် Love actually ဇာတ်ကားဟာ Nominated 27 နဲ့ Winners 10 ခုကိုရရှိထားဖြစ်ပြီး အကောင်းဆုံးဇာတ်ပို့ဆုတွေကို မင်းသားကြီး Bill Nighy နဲ့ မင်းသမီးကြီး Emma Thompson တို့ကအများဆုံးရထားကြပြီး 2017 ခုနှစ်မှာတော့ Red Nose Day Actually ဆိုတဲ့ မိနစ်ပိုင်းစာလေးနဲ့အလွမ်းပြေတင်ဆက်ပေးခဲ့ပါတယ် အကယ်၍ Sequal များဆက်ထွက်ခဲ့မယ်ဆိုရင်လည်း Alan Rickman ကြီးတစ်ယောက်တော့ပါဝင်နိုင်တော့မှာမဟုတ်တော့ပါဘူး 😔 #LoveActually #HollywoodDope #Dave (ရုပ်ရှင်အညွှန်းကို Hollywood Dope Facebook Page မှ ကူးယူဖော်ပြပါသည်။) File size…(9.4 GB)/ (3.6 GB )/(2 GB) Quality…WEB-DL 4K HEVC/1080p HEVC / 720p Format…mkv/mp4 Duration….02:15:00 Subtitle….Myanmar Subtitle (Hardsub) Encoder….Ka Naung Translated by Alias

The Life of David Gale(2003) အညွှန်း IMDb...7.5 "အထက်တရားရုံးက ဒဿနိကဗေဒပါမောက္ခဟောင်း ဒေးဗစ်ဂေးလ်အား သောကြာနေ့တွင်ကွပ်မျက်ဖို့ကို ဆိုင်းငံ့မပေးနိုင်ကြောင်း ပယ်ချလိုက်ပါတယ်... ဂေးလ်ဟာ ၁၉၉၄ ခုနှစ်မှာအော်စတင်ကောလိပ်မှ လုပ်ဖော်ကိုင်ဘက်ဟောင်းကွန်းစတန့်ဟယ်ရာဝေးကို မုဒိန်းကျင့်ပြီး သတ်ဖြတ်ခဲ့မှုအတွက် ပြစ်ဒဏ်ချမှတ်ခံထားရတာဖြစ်ပါတယ်.... အမှုကို တနိုင်ငံလုံးကစိတ်ဝင်စားခဲ့ကြပါတယ်..ဘာလို့လဲဆိုတော့ ဂေးလ်နဲ့ဟယ်သာဝေးက သေဒဏ်ချမှတ်ခြင်းကို ဆန့်ကျင်ခဲ့ကြတဲ့ဖျက်သိမ်းရေးဝါဒီအဖွဲ့အစည်း ဒက်ဝက်ချ်ရဲ့ တက်ကြွလှုပ်ရှားသူတွေဖြစ်ခဲ့ကြလို့ပါပဲ" ဒါကတော့ ရုပ်သံလွှင့်ဌာန သတင်းကြေငြာသူ ပြောသွားတဲ့ စကားတွေပါပဲ... ဒေးဗစ်ဂေးလ်ဟာ ဉာဏ်ကြီးရှင်တစ်ယောက်...အကျိုးပြုစာတမ်းတွေများစွာရေးသားခဲ့သလို တက္ကဆက်ရဲ့ ပြင်းထန်လွန်းတဲ့တရားစီရင်မှုတွေကိုလည်း ကန့်ကွက်ခဲ့သူဖြစ်တယ်..ပြီးတော့ သိပ်ချစ်ရတဲ့သားလေးနဲ့မိန်းမကိုလည်း ပိုင်ဆိုင်ထားတဲ့သူ...ဒီလိုလူက သူ့ရဲ့လုပ်ဖော်ကိုင်ဘက် ကွန်းစတန့်ဟယ်ရာဝေ ဆိုတဲ့အမျိုးသမီးကို မမုဒိန်းကျင့်သတ်ဖြတ်ခဲ့လို့ သူကိုယ်တိုင်သေဒဏ်အမိန့်ချခဲ့ရသူပေါ့...သတင်းကြေငြာခဲ့သလိုပဲ ဆိုင်းငံပေးဖို့ ပယ်ဖျက်ခံရတဲ့သူပေါ့... ဆိုတော့ သူ့အတွက် အချိန်က အတိအကျဆိုရင် သေဒဏ်ပေးခံရဖို့ (၃)ရက်အလို.... ဒီလိုအနေအထားမှာ သူဟာ ထူးဆန်းစွာပဲ မီဒီယာလောကမှာနာမည်ကြီးတဲ့သတင်းထောက် ဘစ်ဆီနဲ့ အင်တာဗျူးခံဖို့ လှမ်းခေါ်လိုက်ပါတယ်.... သူက တကယ်ပဲအမှူကိုကျူးလွန်ခဲ့တာလား.... ဘာ့ကြောင့် ဒီအမျိုးသမီးကို မှ အင်တာဗျူးဖို့ခေါ်လိုက်တာလဲ... ဒီ(၇၂)နာရီအတွင်းဘာတွေဖြစ်လာမလဲဆိုတာကတော့... ဒီကားမှဦအဓိကသရုပ်ဆောင်ထားတာကတော့ မင်းသားကြီး Kevin Spacey နဲ့ မင်းသမီး Kate Winslet ပါဝင်သရုပ်ဆောင်ထားတယ်...Classic ကားတော်တော်များများဟာ တကယ်တော့ အထနှေးတယ်လို့ဆိုရမလားပဲ...အစပိုင်း မိနစ်(၄၀)လောက်ထိ စိတ်ရှည်သီးခံပြီးကြည့်ရတာများပါတယ်... သို့ပေမဲ့ ဒီကားက စစချင်းကို စိတ်ဝင်စားစရာတွေအပြည့်နဲ့...Kevin Spacey ဆိုတာ ဒီလိုဇာတ်ရုပ်တွေသိပ်ပိုင်တယ်... သူ့ရဲ့နာမည်ကြီးကားတွေဖြစ်တဲ့ The Usual Suspects(1995),L.A. Confidential,Pay It Forward တို့ကိုကြည့်ဖူးရင်သိကြပါလိမ့်မယ်... File Size :(2.4GB)(1.2GB) and (500 MB) Quality : Blu-Ray 720p Format…mp4 Duration…01:48:00 Genre : Crime , Drama, Thriller Subtitle : Myanmar Subtitle (Hard Sub) Translated by May Myat Thu Encoded by Phyo Pyae

ဂျွန်ကလိုင်းက ဝါရှင်တန်ဒီစီပို့စ်သတင်းဌာနရဲ့ အောင်မြင်တဲ့ သတင်းထောက်ဖြစ်သလို သာယာတဲ့အိမ်ထောင်ရေးတစ်ခု ပိုင်ဆိုင်ထားသူတစ်ယောက်ပါ။ တစ်ညမှာ သူနဲ့ဇနီးသည်တို့ ‌အိမ်ပြန်လာစဉ် ကားမတော်တဆမှုနဲ့ ဇနီးဖြစ်သူဆုံးပါးသွား ပါတယ်။ သေခါနီးအချိန် ဇနီးသည်က ကားတိုက်မှုမဖြစ်ခင် သူမြင်ခဲ့တဲ့ အရာတစ်ခုကို ဂျွန်ရောမြင်ခဲ့ရဲ့လားလို့ မေးခွန်း ထုတ်သွားခဲ့သလို ဂျွန်ကိုယ်တိုင်လည်း ဇနီးသည် ဝှက်ခဲ့တဲ့ ပဟေဠိကို အဖြေရှာမရဘဲ အချိန်၂နှစ်ကုန်သွားပါတယ်။ ၂နှစ်ကြာတဲ့အထိ ဇနီးဖြစ်သူသေဆုံးမှုကနေ ရုန်းမထွက်နိုင် ဖြစ်နေတဲ့ ဂျွန်ဟာ တစ်ညမှာအလုပ်ခရီးသွားရင်း ကားပျက် သွားလို့ နီးရာအိမ်ကို အကူအညီဝင်တောင်းခဲ့ရာ မထင်မှတ် ထားတဲ့ ကိစ္စတစ်ခုကို သိလိုက်ရပါတယ်။ အိမ်ပိုင်ရှင်တွေက ဂျွန်ကို ၃ညဆက်တိုက် မနက်၂နာရီခွဲတိုင်း တံခါးလာခေါက် တဲ့ Stalkerအဖြစ်စွပ်စွဲဖမ်းဆီးပြီး ရဲလက်အပ်လိုက်တာပါ။ ဒါ့အပြင် သူရောက်နေတဲ့နေရာက ဝါရှင်တန်နဲ့မိုင်၄၀၀ကျော် ဝေးတဲ့ အိုဟိုင်းယိုးဖြစ်နေတာပါ။ မနက်၁နာရီထိုးမှ အိမ်ကစထွက်လာပေမယ့် မနက်၂:၃၀မှာ နေ့ဝက်ခရီးလောက် မောင်းရမယ့် အိုဟိုင်းယိုးကိရောက်နေ သလို အရှေ့၂ရက်လောက်ကတည်းက သူတို့ကိုနှောင့်ယှက် နေသူအဖြစ် အိမ်ရှင်တွေက စွပ်စွဲနေတာကြောင့် ဂျွန်လည်း ဘူမသိကိုးမသိ ရဲဖမ်းခံလိုက်ရပါတယ်။ အဆိုပါရဲနဲ့ စကား စပ်မိတဲ့အခါ ဒီမြို့မှာလည်း ထူးဆန်းတဲ့အရာ‌ကို မြင်တွေ့ နေသူတွေရှိကြောင်း သိလိုက်ရတဲ့အခါ ဇနီးဖြစ်သူပြောခဲ့တဲ့ ပဟေဠိဆန်တဲ့ အရာအကြောင်း စဉ်းစားမိပြီး ဇနီးသည်ရဲ့ ပုံမှန်မဟုတ်တဲ့သေဆုံးမှုနဲ့ ထိုပဟေဠိဖြစ်တည်မှုအကြောင်း လိုက်လံစုံစမ်းရာမှ သဘာဝလွန်ဖြစ်ရပ်ဆန်းကြယ်တွေထဲ ဝင်တိုးမိသွားပါတော့တယ်။ File size…2.35GB / 889MB Quality…1080p BluRay / 720p Format…mp4 Duration….1h 59m Subtitle….Myanmar Subtitle (Hard Sub) Encoder….YK Translated by JimX

အော်စကာတော့ မရလိုက်ပေမယ့် တခြားရုပ်ရှင်ပွဲတော်တွေမှာ ဆုပေါင်း ၃၀ အထိ သိမ်းပိုက်နိုင်ခဲ့တဲ့ ဇာတ်လမ်းကောင်းတစ်ပုဒ်ဖြစ်ပါတယ်။ Hulk သရုပ်ဆောင် Mark Ruffalo နဲ့ The Big C, True Man Show တို့လို ဇာတ်ကားတွေနဲ့ နာမည်တစ်လုံးရထားတဲ့ မင်းသမီးကြီး Laura Linney တို့က ဇာတ်ကားတစ်ခုလုံးကို ဆွဲတင်သွားခဲ့ပြီး မောင်နှမနှစ်ယောက်ကြားက ချစ်ခြင်းမေတ္တာကို ပေါ်လွင်စေခဲ့ပါတယ်။ ကလေးသရုပ်ဆောင် Rory Culkin ကလည်း အကောင်းဆုံး တောက်ပခဲ့ပြီး Drama တွေ Adventure တွေကြားကနေ ကွဲထွက်နေတဲ့ အကောင်းဆုံး ဇာတ်လမ်းတစ်ပုဒ်ပဲ ဖြစ်ပါတယ်။ ဇာတ်လမ်းအကျဉ်း ကလေးဘဝကတည်းက မိဘနှစ်ပါးလုံးကို ဆုံးရှုံးလိုက်ရတဲ့ မောင်နှမ နှစ်ယောက်... ဘဝကိုရုန်းကန်ရင်း လောကဓံကို ကြံ့ကြံ့ခံနေရပေမယ့် ကံကြမ္မာက ဘယ်တော့မှ မျက်နှာသာ မပေးတဲ့အခါ... အစ်မဖြစ်သူ ဆမ်မီက အိမ်ထောင်ရေးကံမကောင်းဘဲ သားဖြစ်တဲ့ ရူဒီလေးကို တစ်ယောက်တည်း ပျိုးထောင်နေရတဲ့ Single Mom တစ်ယောက်... မောင်ဖြစ်တဲ့ တယ်ရီကလည်း ခြေသလုံးအိမ်တိုင် လျှောက်သွားရင်း ဘာလုပ်လုပ် အဆင်မပြေတဲ့သူ... တယ်ရီ ပြန်လာတဲ့အချိန် အစပိုင်း အားလုံးအဆင်ပြေပေမယ့် တယ်ရီရဲ့ စေတနာအမှားတစ်ခုကြောင့် မောင်နှမနှစ်ယောက် စိတ်အခန့်မသင့် ဖြစ်ရာကနေ... မိဘမဲ့ခဲ့ရတဲ့ မောင်နှမနှစ်ယောက်ရဲ့ ချစ်ခြင်းမေတ္တာကို မျက်ရည်ကျလောက်တဲ့အထိ ရိုက်ချက်တွေ ဇာတ်အိမ်တွေနဲ့ ရုပ်ရှင်ချစ်သူတွေကို အဆုံးထိ ဆွဲခေါ်သွားနိုင်မယ့် ဇာတ်လမ်းကောင်းတစ်ပုဒ်ဖြစ်ပါတယ်။ Quality.....Blu-Ray 1080p / 720p File Size.....(2.3 GB) / (1 GB) Genre.....Drama Duration.....01:51:00

The Truman Show (1998) IMDb Rating (8.2) Rotten Tomatoes (95%) Metacritic 90% Movie Type-Sci-fi/Drama သင့်ဘဝကြီးတခုလုံးက Show တခုဖြစ်နေပြီး သင်ကဇာတ်လိုက်ဖြစ်နေမယ်လို့တွေးဖူးလား? ဒီကားက သင့်ကိုအတွေးပေါက်စေမယ့်ကားမျိုးပါ။ Sci-fi ဆိုပေမယ့် လေဆာတွေပစ် ယာဥ်ပျံတွေပါတဲ့ကားမျိုးမဟုတ်ပါဘူး။ သင်ဒီကားကြည့်ရင်းမျက်ရည်ဝဲမယ်။ နောက်ဆုံးခန်းကိုကြည့်နေရင်းမှာ လက်ကတခုခုကိုဆုပ်မှန်းမသိဆုပ်နေမိလိမ့်မယ်။ ပြီးတော့ အဆုံးမှာ ဇာတ်ကားထဲက လူတွေလိုပဲ သင်အရမ်းကိုကျေနပ်ပြီးမျက်ရည်တွေကျလာလိမ့်မယ်။ မယုံမရှိပါနဲ့။ မင်းသားက ရှားမှရှား Jim Carrey ပါ။ သူလိုလူနောက်ပေါ်လာဖို့ဆိုတာ တော်တော်မဖြစ်နိုင်တာပါ။ ဒါပေမယ့် ကျွန်တော်တို့မြင်နေကျ ပေါတောတော ဟာသ ကောင်ကြီးအဖြစ်နဲ့ ဒီကားမှာမြင်တွေ့ရမှာမဟုတ်ပါဘူး။ တကယ့် တခြား Jim Carrey တစ်ယောက်ကိုကြည့်နေရသလိုခံစားစေမှာပါ။ Oscar တန်းဝင်ကားပါ။ Truman ဆိုတာက ဘဏ်မှာအလုပ်လုပ်တဲ့ဝန်ထမ်းတစ်ယောက်။ သူ့ဘဝကြီးကအစစအရာရာသာယာတယ်။ မိန်းမတစ်ယောက်ရှိတယ်။ မိန်းမကလည်းချောတယ်။ အရမ်းချစ်တဲ့သူငယ်ချင်းတစ်ယောက်လည်းရှိတယ်။ ဒါပေမယ့် သူနေနေတဲ့ကမ္ဘာကြီးမှာသူတစ်ယောက်ကလွဲ ပြီးကျန်တဲ့လူတွေကအတုတွေ နေရာတွေအကုန်လုံးက အတုတွေဆိုတာ တဖြည်းဖြည်း နဲ့ရိပ်မိလာတယ်။ Seaheaven ကျွန်းလေးဟာအတုအယောင်ဆိုတာသူတဖြည်းဖြည်းရိပ်မိလာတယ်။ သူဒီကထွက်ဖို့ကြိုးစားတော့မယ်.... ဒါပေမယ့်အောင်မြင်ပါ့မလား? Truman ဟာမိန်းမမရခင်မှာ Laurenဆိုတဲ့ကောင်မလေးနဲ့တွေ့တယ်ကြိုက်ခဲ့တယ်။ သူမကလည်းအတုအယောင်ပဲ။ ဒါပေမယ့် Lauren က Truman ကို ဒါကြီးကအတုအယောင် အကုန်လုံးကအတုတွေဆိုတာကိုမခွဲခွာခင်မှာပြောခဲ့တယ်။ သူတို့ကရှင်နဲ့တွေ့တာမကြိုက်ဘူး ဆိုတာကိုလည်းပြောခဲ့တယ်။ ပြီးတော့သူမဟာ Fijiတောင်တန်းတွေဘက်ကိုအရွေ့ခံလိုက်ရတယ်။ တကယ်တော့သူမကို Show ပွဲကနေထုတ်လိုက်တာပါ။ Trumanတစ်ယောက် Fijiဆိုတာကိုရှာမယ်။ သူမကိုတွေ့အောင်ရှာမယ်။ ဒါပေမယ့် အချစ်က တကယ်ပဲသူ့ကို ဒီအိမ်မက်ဆိုးကြီးကလွတ်မြောက်အောင်ဆောင်ရွက်ပေးမှာလား။ သူကလွဲပြီးအကုန်အတုအယောင်တွေဆိုတာကိုသူသိသွားမှာလား။ တကယ်ပဲလွတ်မြောက်သွားမှာလား။ တကယ့်ကိုရုပ်ရှင်ချစ်တဲ့လူဆို ဒီကားကိုကြည့်ပြီး အကောင်းဆုံးတွေထဲကတခုအဖြစ်သတ်မှတ်မှာသေချာပါတယ်။ ကြည့်ကိုကြည့်ရမယ့်ကားပါ။ PG ရုပ်ရှင်ဖြစ်တာနဲ့အညီဟာသလေးတွေနဲ့မပျင်းရအောင်ဆွဲခေါ်ထားပါတယ်။ ဒါပေမယ့်တကယ်တွေးကြည့်ရင်ဇာတ်ကားကနက်နဲ ပြီးကြောက်စရာကောင်းပါတယ်။ ကြောက်စရာအကောင်းဆုံးရုပ်ရှင်တွေထဲကတခုအဖြစ်သတ်မှတ်ထားပါတယ်။ Coraline လိုမျိုးပါပဲ။ ဖြဲမခြောက်ပဲကိုကြောက်စရာကောင်းတဲ့ကားမျိုးပါ။ မျက်ရည်ဝဲရင်းကျေနပ်မှုအပြည့်အဝပေးမယ့်ကားလေးပါ။ ဇာတ်ကားကလည်း 1 နာရီနဲ့43မိနစ်ဆိုတော့အရမ်းမကြာပါဘူး။ စလာထဲကဘာဖြစ်မလဲ ဘာဖြစ်မလဲနဲ့ ပြီးတဲ့အထိမထပဲ ကြည့်ချင်မယ့်ကားမျိုးပါ။ မင်းသားအနေနဲ့ အချစ်တော် Jim Carreyက အဓိကပါဝင်သရုပ်ဆောင်ထားပါတယ်။ Show ပွဲကိုစီစဥ်သူအနေနဲ့ Ed Harris က ပါဝင်အားဖြည့်ထားပါတယ်။ Jim Carrey အနေနဲ့ Golden Globe အကောင်းဆုံးမင်းသားဆု Ed Harris အနေနဲ့ Golden Globe အကောင်းဆုံးဇာတ်ပို့မင်းသားဆုအပြင်ဆုတွေအများအပြားသိမ်းပိုက်ထားတဲ့ကားပါ။ ကြည့်ဖြစ်အောင်ကြည့်ပါ။ (ရုပ်ရှင်အညွှန်းကို Myat P Kyaw Fb မှ ကူးယူဖော်ပြပါသည်။) File size…(8.1 GB)/ (2.1 GB ) / (1.1 GB) Quality….BluRay 4K HEVC/ 1080p HEVC/ 720p Format…mkv/mp4 Duration….01:42:56 Subtitle….Myanmar Subtitle (Hardsub) Encoder….Ka Naung Translated by Waiyan Myothet

လူသာဝစ်တနီဟာ ဖောက်ထွင်းမှုမှာ ကျွမ်းကျင်တဲ့ သူခိုးတစ်ယောက်ပါ။ တစ်နေ့ ဘီလျံနာသူဌေးကြီးတစ်ယောက်ရဲ့အိမ်ကို ဝင်ဖောက်ရာကနေ မထင်မှတ်ဘဲ လူသတ်မှုတစ်ခုနဲ့ ပတ်သက်သွားပါတယ်။ အဲဒီအမှုရဲ့ အဓိကတရားခံကလည်း နိုင်ငံရဲ့ ထိပ်တန်းပုဂ္ဂိုလ်တစ်ယောက် ဖြစ်နေတယ်။ လူသာကိုယ်တိုင်က အမှုရဲ့ သံသယရှိသူဖြစ်လာတဲ့အခါ ဒီအခြေအနေကနေ ဘယ်လိုလွတ်မြောက်အောင် လုပ်မလဲ။ ဥပဒေဘောင်အပြင်ဘက်ကနေ တရားခံကို ဘယ်လိုအပြစ်ပေးမလဲဆိုတာ ဆက်လာပါတယ်။ အမေရိကန်နိုင်ငံရေးကို နောက်ခံထားတဲ့ အက်ရှင်နဲ့ သည်းထိတ်ရင်ဖိုဇာတ်လမ်းပါ။ ၁၉၉၇ ခုနှစ်မှာ ရုံတင်ခဲ့ပြီး ကလင့်အိစ်ဝုဒ်က လူသာဝစ်တနီအဖြစ် သရုပ်ဆောင်သလို ကိုယ်တိုင်လည်း ရိုက်ကူးထုတ်လုပ်ထားပါတယ်။ အမေရိကန်သမ္မတ အယ်လန်ရစ်ခ်ျမွန်းအဖြစ် ဂျီးန်ဟက်ခ်မန်း၊ အထက်တန်းစုံထောက် ဆက်သ်ဖရန့်အဖြစ် အက်ခ်ဟဲရစ်နဲ့ ကိတ်ဝစ်တနီအဖြစ် လော်ရာဝင်းနေးတို့ ပါဝင်ထားပါတယ်။

1996 ခုနှစ်ကထွက်ရှိခဲ့ပြီး IMDb rating 7.7 ရရှိထားတဲ့သည်းထိပ်ရင်ဖို ဇာတ်ကားလေးတစ်ကားနဲ့ မိတ်ဆက်ပေးခြင်ပါတယ် ဇာတ်ကားလေးကတော့ အော်စကာဆုအတွက် စကာတင်စာရင်း တဆုနာမည်ဝင်ခဲ့ပြီး တခြား ရုပ်ရှင်ဆုတွေလည်း ၁၀ ဆုတောင် ရရှိခဲ့ပါတယ်ကဲ ဒီလောက် တောင် ညွှန်းနေမှတော့ ကောင်းလား မကောင်းလားကို မပြောတော့ပုဗျာ.... ဇာတ်လမ်း အကျဉ်းဖက်ကို လှည့်ကြတာပေါ့....ဇာတ်လမ်း အကျဥ်းလေးကတော့..... နာမည်ကြီး အမှုလိုက်ရှေ့နေတယောက်ဟာမထင်မှတ်ပဲ လူသတ်မှုတခုကို လိုက်လံဖော်ထုပ်ရာမှအရင် ရီးစားဟောင်းနဲ့ ပါဝင်ပတ်သက်မီပြီးလူသတ်မှုရဲ့ အမှန်တရားဟာလဲ နှစ်ပေါင်းများစွာကြာအောင် ဖုံကွယ်ခြင်း ခံထားလိုက်ရာမှ ဘယ်လို တွေကြောင့် အမှုကပေါ်ပေါက်သွားလေမလဲဆိုတာကို ပရိတ်သတ်ကြီးက ဆက်လက်ကြည့်ရှူလိုက်ပါတော့ဗျာ..... ဇာတ်ကားလေးထဲမှာတော့  Don't believe everything you see တဲ့ဗျာ

၁၉၉၅ ခုနှစ်ထွက် Congo ကို ဒါရိုက်တာနဲ့ ထုတ်လုပ်သူ Frank Marshall ရိုက်ကူးထားပါတယ်။ သူ ရိုက်ကူးထုတ်လုပ်ရေးပိုင်းမှာ ပါဝင်ခဲ့တဲ့ ရုပ်ရှင်တွေထဲမှာ E.T. the Extra-Terrestrial၊ The Sixth Sense၊ The Goonies၊ Jurassic World၊ Indiana Jones ရုပ်ရှင်အချို့နဲ့ Back to the Future သုံးကားလုံး ပါဝင်ပါတယ်။ ဒီကားမှာ ဒေါက်တာ Karen Ross အဖြစ် Laura Linney သရုပ်ဆောင်ထားပါတယ်။ သူ့ကို The Truman Show နဲ့ Love Actually တို့မှာလည်း တွေ့နိုင်ပြီး အတူပါဝင်သူတွေကတော့ The Lake House မှ Dylan Walsh၊ Ghostbusters ရုပ်ရှင်တွေမှ Ernie Hudson နဲ့ Home Alone ပရိသတ်တွေ ရင်းနှီးကြတဲ့ Tim Curry တို့ပါ။ အက်ရှင်၊ စွန့်စားခန်းနဲ့ သိပ္ပံစိတ်ကူးယဉ်အမျိုးအစား ဖြစ်ပါတယ်။