Lex Scott Davis ပါဝင်သော ဇာတ်ကားများ

Suits LA (2025) Season 01 (complete) ဒီစီးရီးကတော့ နာမည်ကြီး ရှေ့နေစီးရီးကြီးဖြစ်တဲ့ Suits ကနေ ခွဲထွက်သွားတာပါ။ ဇာတ်လမ်းနဲ့ ဇာတ်ကောင်တွေ မပတ်သတ်ပေမဲ့ Suits World တစ်ခုတည်းဖြစ်ကြောင်း အတည်ပြုထားပါတယ်။ နောက်ပိုင်းမှာ crossover တွေ ပါလာနိုင်ပါတယ်။ ဟာဗေစပက်တာလည်း ဧည့်သည်အဖြစ်လာဖို့ရှိပါမယ်။ ဒီစီးရီးအဓိက မင်းသားကတော့ Arrow စီးရီးနဲ့ လူတိုင်းသိလာတယ် Stephen Amell ပါပဲ။ သူကတော့ ဟာဗေစပက်တာလိုမျိုးပဲ အရှုံးမရှိတဲ့ ရှေ့နေမျိုးပေါ့။ မိုက်ခ်လို ဉာဏ်ကြီးရှင် ဇာတ်ကောင်မျိုးတော့ မပါသေးပါဘူး။ နောက်ပြီး အယ်လ်အေမှာဆိုတော့ ဟောလိဝုဒ် အမှုတွေ အတော်များများပါပါလိမ့်မယ်။ ဇာတ်လမ်းအကျဉ်း ရှေ့နေ ကုမ္ပဏီဦးစီးဖြစ်တဲ့ တက်ဒ်ဟာ အရမ်းတော်ပေမဲ့ ရာဇဝတ်မှုကြီးတွေကို တရားပြိုင်က ဘယ်တော့မှမလိုက်ပါဘူး။ တရားခံတွေကို အမှုလိုက်ပေးရတာအရမ်းမုန်းတဲ့လူပါ။ ရှေ့နေကုမ္ပဏီကြီးမထောင်ခင်ခဲ့လည်း ခရိုင်ရှေ့နေလုပ်ခဲ့ပြီး လူဆိုးတွေကိုပဲ ထောင်ထဲထည့်ဖို့ အမြဲကြိုးစားနေတဲ့သူပါ။ ဒါပေမဲ့ ပြဿနာတစ်ခုကြောင့် အယ်လ်အေကိုပြောင်းလာပြီး အောင်မြင်တဲ့ ရှေ့နေ ကုမ္ပဏီကြီးတစ်ခုကို ဦးစီးနေပါတယ်။ အဲဒီနောက်မှာတော့ သူတို့ရှေ့နေကုမ္ပဏီကို ပြုတ်တဲ့အထိ တိုက်ခိုက်လာမဲ့ ရှေ့နေအားပြိုင်မှုတွေနဲ့ ခက်ခဲတဲ့အမှုတွေကြားမှာ ဘယ်လို ဆက်ရုန်းကန်သွားမလဲ ကြည့်ရမှာပါ။ အပိုင်း ၁ အရတော့ မူရင်း Suits ကို မီနိုင်ချေမရှိပါဘူး။ တစ်ပတ်တစ်ပိုင်းဆိုတော့ စီစန် ၁ အပြီးလောက်မှာပဲ ဘယ်အဆင့်ထိ မီနိုင်မလဲ ဆက်ကြည့်ရမှာပါပဲ။ File size…(676 MB)/(344 MB) Quality….Web-Dl 1080p HEVC / 720p Format…mkv / mp4 Duration….00:52:00 Genre...Drama Subtitle….Myanmar Subtitle (Hardsub) Encoder….Swan Min Htet, Benjamin Translated by Mr. Anderson, Thiha Yan Naing

ယခုတင်ဆက်ပေမယ့်ဇာတ်ကားလေးကတော့ မကြာသေးခင်ကမှ အသစ်ဆက်ဆက်ထွက်ရှိလာတဲ့ Comedy ဇာတ်မြူးလေးပဲဖြစ်ပါတယ်။ ဒီဇာတ်ကားမှာ Peacemaker ဇာတ်ရုပ်နဲ့လူသိများကြတဲ့ John Cena က အဓိကသရုပ်ဆောင်အဖြစ်ပါဝင်ရိုက်ကူးထားတာပါ။ ဒါ့အပြင် High School Musical / The Greatest showman တို့နဲ့လူသိများတဲ့ မင်းသားချော Zac Efron လည်းပါဝင် သရုပ်ဆောင်ထားပါသေးတယ်။ ဇာတ်လမ်းအကျဉ်း ဒင်း၊ ဝက်စ်နဲ့ ဂျေတီလို့ခေါ်တဲ့ ကလေးသုံးယောက်ဟာ Halloween ညတစ်ခုမှာ လူမရှိတဲ့အိမ်တစ်လုံးကို မတော်တဆ မီးရှို့လိုက်မိကြပါတယ်။ ဒီကိစ္စကို အပြစ် လွှဲချဖို့အတွက် ရစ်ကီ စတန်နစ်ကီဆိုတဲ့ စိတ်ကူးယဉ် သူငယ်ချင်းတစ်ယောက်ကို သုံးယောက်ပေါင်းပြီး လုပ်ကြံဖန်တီးခဲ့ကြပါတယ်။ အဲ့နောက်ပိုင်းကနေစပြီး သူတို့တွေအသက်တွေကြီးလာကြတဲ့အထိ ကိစ္စတစ်ခုခု ရှိတိုင်း ရစ်ကီစတန်နစ်ကီဆိုတဲ့ သူငယ်ချင်းကို လွှဲချ ခေါင်းစဉ်တပ်တာမျိုးက အကျင့်လိုဖြစ်လာကြပါတယ်။ တစ်နေ့မှာတော့ ဘယ်လိုမှရှောင်လွှဲလို့မရတော့တဲ့ အကြောင်းအရင်းတစ်ခုကြောင့် ရစ်ကီစတန်နစ်ကီကို မိသားစုမိတ်ဆွေတွေရှေ့ လူလုံးပြကြရဖို့အကြောင်းဖန် လာပါတော့တယ်။ အဲ့လိုအချိန် သူတို့နဲ့ ဘားတစ်ခုမှာ မထင်မှတ်ပဲ ဆုံဖြစ်ခဲ့တဲ့ အပေါစားသရုပ်ဆောင် ရော့ဒ် (John Cena) ကို ရစ်ကီစတန်နစ်ကီအဖြစ် တစ်ပွဲထိုး သရုပ်ဆောင်ဖို့ ငှားရမ်းခဲ့ကြရာကနေ ပိုကြီးတဲ့ပြဿနာတွေ အစပြုလာခဲ့ပါတော့တယ်။ ဒီဇာတ်ကားဟာ Comedy/ Fantasy genre ဖြစ်တဲ့အလျှောက် ဟာသလေးတွေအဆဲလေးတွေနဲ့ ပေါ့ပေါ့ပါးပါး ကြည့်ရှုရမှာ ဖြစ်တဲ့အတွက် ညစ်ညူးနေတဲ့စိတ်တွေကို ခဏတာ အပန်းပြေသွားစေမှာပါလို့ ညွှန်းဆိုလိုက်ပါရစေ။ File size…2.29GB / 1GB Quality…WEB-DL 1080p 5.1CH / 720p Format…mp4 Duration….1h 53m Genre ….. Comedy Subtitle….Myanmar Subtitle (Hard Sub) Encoder….Min Wai Translated by Aoi , Thinn , Muse & TD

Florida Man (2023) A Complete Netflix Series Netflix ကနေ လောလောလတ်လတ် အသစ်ထွက်ထားတာဖြစ်ပြီး ပါသမျှလူတွေအချင်းချင်း ကိုယ် သူ့မယုံ သူ့ ကိုယ်မယုံ လိမ်ကောက်ရင်း ကလိမ်ကျနေတဲ့ ရှုပ်ရှုပ်ထွေးထွေး စုံထောက် အက်ရှင်ဇာတ်လမ်းကို ဟာသလေးနှောပြီး ကြည့်ရမှာပါ။ Agents of S.H.I.E.L.D. ထဲက အေးဂျင့်ကိုလ်ဆင်ကြီး တစ်ချက်တစ်ချက် ထဖောက်တဲ့ အခန်းတွေက အခွီရဆုံးလို့ထင်တာပါပဲ။ ဇာတ်လမ်းကတော့ လောင်းကစားစွဲနေလို့ ပြဿနာတွေတက်ပြီး စုံထောက်ရာထူးကနေ အလုပ်ပြုတ်သွားတဲ့ မိုက်က သူအကြွေးတင်နေတဲ့ လူမိုက်ခေါင်းဆောင်ဆီမှာ အကြွေးသိမ်းတဲ့အလုပ် ပြန်လုပ်ရင်း သူ့သူဌေးရဲ့ မိန်းမကိုလည်း ခိုးစားနေတာက‌နေစတာပါပဲ။ အဲဒီကောင်မလေးက ရုတ်တရက် လူမိုက်ခေါင်းဆောင်ဆီက ထွက်ပြေးသွားတော့ လူမိုက်ခေါင်းဆောင်က မိုက်ကို လိုက်ရှာခိုင်းပါတယ်။ ကောင်မလေးပြေးသွားတာက မိုက်ရဲ့ ဇာတိမြို့ဖြစ်တဲ့ ဖလော်ရီဒါပါ။ ဖလော်ရီဒါကို မုန်းနေတဲ့ မိုက်တစ်ယောက် သူဌေးလုပ်သူနဲ့ အပေးအယူလုပ်ပြီး ကောင်မလေးကို ပြန်ခေါ်လာဖို့ ဖလော်ရီဒါကို လိုက်သွားပါတယ်။ ရောက်ကတည်းက ဗရုတ်သုတ်ခကိစ္စတွေထဲဝင်ရှုပ်မိပြီး ပေါင်ကြားကို ငါးမန်းကိုက်ခံရတဲ့ကောင်လို့ အင်တာနက်မှာ နာမည်ကြီးသွားပါတော့တယ်။ ဇာတိမြို့ကို ပြန်ရောက်တယ်ဆို‌တော့ မိသားစုနဲ့ပြန်တွေ့ပြီး အိမ်တွင်းရေး ကိစ္စတွေလည်း ရှင်းရတော့တာပေါ့။ နောက်တော့ သူလိုက်ရှာနေတဲ့ ကောင်မလေးက အသတ်ခံရတာကို တွေ့လိုက်ရပြီး မျက်မြင်သက်သေက အတိအကျပြောလာတဲ့ လူသတ်သမားပုံက သူ့ပုံစံဖြစ်နေတဲ့အခါမှာတော့... (ဒီစီးရီးကို အညွှန်းရေးသား ဘာသာပြန်ပေးသူကတော့ 666 ပဲဖြစ်ပါတယ်) Size ~ 600MB+ Total - 7 Episodes Quality – 1080p Duration ~ 45min (@Episode) Subtitle – Myanmar Hardsub Format – Mp4 Genre : Crime, Drama, Mystery Source : NF.Web-dl.1080p Translator – 666 Encoder – Y

ဒီနေ့အတွက် အားလုံးပဲကြိုက်နှစ်သက်လောက်မယ့် Action, Drama, Thriller ကားသစ်ကိုတင်ဆက်ပေးချင်ပါတယ်။ အဓိက ဇာတ်ဆောင်တွေအဖြစ် အားလုံးပဲ သိတဲ့ Aquaman မင်းသား Jason Momoa နဲ့ Dora and the lost city of Gold ရဲ့ မင်းသမီးလေး Isabela Mercedတို့က ပါဝင်ထားကြပါတယ်။ ဇာတ်လမ်းကျော်ရိုးကတော့ ရေး ကော့ပါးဟာ မိသားစုကို အရမ်းချစ်တဲ့သူဖြစ်ပြီး ဇနီးသည်ကို ကင်ဆာရောဂါကနေ ပြန်ကယ် နိုင်ဖို့ အစွမ်းကုန်ကြိုးစားနေသူပါ။ ကံကောင်းစွာနဲ့ ကင်ဆာကို ထိထိရောက်ရောက် ကုနိုင်တဲ့ ဆေးတစ်မျိုး ပေါ်လာခဲ့ပေမယ့် BioPrime ဆေးကုမ္ပဏီတွေရဲ့ လောဘကြီးမှုကြောင့် ဆေးကုသခွင့်ဆုံးရှံးခဲ့ရလို့ ဇနီးသည်ရဲ့ အသက်ကို မကယ်နိုင်ခဲ့ပါဘူး။ ဒီလိုနဲ့ ဇနီးသည်အတွက် တရားမျှတမှုကို လိုချင်တဲ့ ရေး တစ်ယောက် ဒီကိစ္စတွေများရဲ့ ချုပ်ကိုင်မှုတွေရဲ့ အဖြစ်မှန်တွေကို ဖော်ထုတ်ရင်း ကုမ္ပဏီတွေရဲ့ နောက်ကွယ်က အရှုပ်အရှင်းတွေကြားထဲ ရောက်သွားပါတော့တယ်။ ဇာတ်လမ်းလေးဟာ အတော်လေးကြည့်ကောင်းပြီး IMDb Rating 5.8/10 ရရှိထားပါတယ်။ (ဒီဇာတ်လမ်းရဲ့ အညွှန်းကို Htet Wai Lwin မှရေးသားပေးပြီး၊ ဘာသာပြန်ရေးသားပေးသူများကတော့ CM Team ပဲ ဖြစ်ပါတယ်။) Quality – 1080p, 720p, 360p WebRip Duration - 1h 36min Subtitle – Myanmar Hardsub Format – Mp4 Genre : Action, Drama, Thriller Source : 1080p.WebRip Translator – CM Team Encoder – SWM

ဒီဇာတ်ကားက The Purge ဇာတ်ကားတွေရဲ့ မူလအစ Prequel ကားတစ်ကားပဲဖြစ်ပါတယ်။ The Purge ကားတွေကိုတော့ မြန်မာပရိသတ်တွေသိပ်ပြီးစိမ်းကြမယ်မထင်လို့ အထူးတလည်မိတ်ဆက်ပေးမနေတော့ပါဘူး။ ဒီဇာတ်ကားမှာတော့ ရှေ့ကထွက်ခဲ့တဲ့ဇာတ်ကားတွေထဲက Purge လို့ခေါ်တဲ့ပွဲကြီး ဘယ်လိုဖြစ်တည်လာလဲဆိုတာကို ပြသထားပါတယ်။ ဒီဇာတ်လမ်းကိုရေးသားသူကတော့ ရှေ့ကားတွေကို ကိုယ်တိုင်ရေးပြီးကိုယ်တိုင်ရိုက်ခဲ့တဲ့ James Demonaco ဖြစ်ပြီး ကိုယ်တိုင်ရိုက်ကူးလိုစိတ်မရှိတာကြောင့် Gerard McMurray ဆိုတဲ့ဒါရိုက်တာကိုရိုက်ကူးခွင့်ပေးခဲ့ပါတယ်။ အမေရိကန်နိုင်ငံဟာ လူဦးရေအရမ်းကိုအဆမတန်ထူထပ်များပြားလာတာကြောင့် စီးပွားပျက်ကပ်ဆိုက်နေတဲ့အခြေအနေကိုရောက်ရှိလာပါတယ်။ အာဏာပိုင်တွေအနေနဲ့ ထိုပြဿနာကြီးကို ကိုယ်တွယ်ရာမှာ တိုးတက်ကောင်းမွန်လာတယ်လို့မရှိဘဲ ကြာလာတာနဲ့ ကြွေးမြှီတွေက လည်ပင်းအထိနစ်လာပါတော့တယ်။ အဲဒီလိုကြံရာမရဖြစ်နေတဲ့အဆုံး နောက်ဆုံးနည်းကိုထုတ်သုံးဖို့ဆုံးဖြတ်လိုက်ပါတော့တယ်။ အဲဒီနောက်ဆုံးနည်းဆိုတာကတော့ လူဦးရေကိုလျှော့ချပစ်တဲ့နည်းပါ။ Purge လို့လူအများခေါ်တွင်ကြတဲ့နည်းလမ်းကိုသုံးပြီး လူဦးရေကိုလျှော့ချပစ်တာပဲဖြစ်ပါတယ်။ Purge ဆိုတာကတော့ သတ်မှတ်ထားတဲ့ညတစ်ညမှာ ကြိုက်တဲ့ရာဇဝတ်မှုကို ကြိုက်သလိုကျူးလွန်နိုင်တဲ့ပွဲကြီးပါပဲ။ အဲဒီပွဲကြီးကိုအခွင့်ကောင်းယူပြီး လူသတ်ပြီး လုယက်ကြမယ့်လူတွေကလည်း မနည်းပါဘူး။ အာဏာပိုင်တွေကတော့ အဲဒီပွဲကိုကိုယ်တိုင်ဦးစီးပြီး တရားဝင်အဖြစ်ကြေငြာထားပါတယ်။ အဲဒီဒဏ်ကိုပထမဆုံးခံရတာကတော့ Staten Island လို့ခေါ်တဲ့ အခြေခံလူတန်းစားတွေနဲ့ လူမည်းတွေအများစုနေထိုင်တဲ့ မြို့ပါပဲ။ အစိုးရကိုယ်တိုင်က လူဦးရေလျှော့ချချင်တဲ့အကြံကြီးနဲ့ မင်းမဲ့တိုင်းပြည်လို လူကြိုက်သလောက်သတ် ကြိုက်တာလုပ်ခွင့်ပေးထားတဲ့တစ်ညတာကို အဲဒီမြို့လေးရှင်သန်နိုင်ပါ့မလားဆိုတာ ရင်ခုန်စိတ်လှုပ်ရှားဖွယ်ရာ ကြည့်ရှုရမှာပဲဖြစ်ပါတယ်။ (ဘာသာပြန်ပေးထားသူတွေကတော့ ကိုမျိုးသန့်နဲ့မေမြတ်သူပါ) File Size : (700 MB) Quality : WEB-DL 720p Running Time : 1hr 38min Format : Mp4 Genre : Action, Horror, Sci-Fi Subtitle : Myanmar Subtitle (Hard Sub) Source : 720p.WEB-DL.XviD.AC3-FGT Translated by May Myat Thu and Myo Thant Encoded by Thanhtike Zaw