Li Man ပါဝင်သော ဇာတ်ကားများ

ယောကျာ်းတစ်ယောက်က မိန်းမကို လက်သီးနဲ့စရွယ်လိုက်တဲ့အချိန်ကစပြီးတစ်ကြိမ်သည်းခံလိုက်ခြင်းဟာ တစ်ဘဝလုံးကို ဖျက်ဆီးလိုက်တာပဲ။ ဖြစ်ရပ်မှန်ရုပ်ရှင်လေးကို ဘာသာပြန်တင်ဆက်ပေးလိုက်ပါတယ်။လေယာဉ်မယ်အိုးယန်ကျီဟဲ့ဟာ မိဘအတွက် သမီးကောင်း ကုမ္ပဏီအတွက်လည်း လုပ်ဖောင်ကိုင်ဖက်ကောင်းတစ်ယောက်ဖြစ်ပါတယ်။ ဒါပေမဲ့ တစ်နေ့မှာသူမယောကျာ်းကို သတ်မိပြီဆိုပြီး သူမကိုယ်တိုင် ဝန်ခံခဲ့ပါတယ်။ ထို့နောက် ရှေ့နေအကူအညီများကို ငြင်းခဲ့ပြီး အသေခံဖို့ ဆုံးဖြတ်ထားခဲ့ပါတယ်။ ကျန်းထုံဟာ ဥပဒေအကူအညီရှေ့နေတစ်ယောက်အနေနဲ့ ကျီဟဲ့ရဲ့ အမှုမှာဖုံးကွယ်ထားတာတွေ ရှိဦးမယ်ဆိုတာ ခံစားနေရပါတယ်။ သူမဟာ မောင်ရိရဲ့ အကူအညီဖြင့် အဓိက သက်သေတွေကို ရှာတွေ့ခဲ့ပြီးလေယာဉ်မယ်လူသတ်မှုရဲ့ အမှန်တရားကို ဖော်ထုတ်ပေးနိုင်ခဲ့ပါတယ်။ ဒီရုပ်ရှင်လေးဟာ အိမ်တွင်းအကြမ်းဖက်မှုကို အဓိကထား ရိုက်ကူးထားတာဖြစ်တဲ့အတွက် ကြည့်ရှုသင့်တဲ့ ရုပ်ရှင်ကားပဲ ဖြစ်ပါတယ်။ အမှန်တရားကို သိရဖို့ ကျန်းထုံတစ်ယောက် ဘယ်လို အခက်အခဲတွေ အန္တရာယ်တွေနဲ့ကြုံတွေ့ခဲ့ရလဲ ဆိုတာကိုတော့ ရုပ်ရှင်ကိုပဲ ဆက်လက်ကြည့်ရှုခံစားလိုက်ပါဦးနော်။ Filesize : 929 MB / 544 MB Quality : WEB-DL 1080p , 720p Format : mp4 Genres : Crime , Mystery Runtime : 1h 41 min Subtitle : Myanmar Subtitle ( Hardsub )

ရှန့်ကူနတ်တိရစ္ဆာန် ချီလင်က ရွှမ်းယွမ်၊ ချိန်ယင်အပါအဝင် မိစ္ဆာနိုင်ဓားခုနစ်ချောင်းကို ထုလုပ်ပြီး လူ့ပြည်က ကျင့်ကြံသူခုနစ်ဦးကို ဓားသခင်တွေအဖြစ် ပေးအပ်ခဲ့ပါတယ်။ အဲဒီအချိန်မှာ ချန်ရှိမြို့က နှစ်တစ်ထောင်ခန့် ကျင့်ကြံထားတဲ့ မြွေမိစ္ဆာတစ်ကောင်ဟာ သူ့စွမ်းအင် တိုးပွားဖို့ သက်ရှိတွေကို အန္တရာယ်ပြုနေတယ်။ ဓားသခင်ခုနစ်ဦးက လူ့ပြည်ငြိမ်းချမ်းဖို့ မြွေမိစ္ဆာကို တိုက်ခိုက်ပြီး ဖမ်းဆီးပိတ်လှောင်ခဲ့ကြပါတယ်။ နှစ်ငါးရာကြာတဲ့အခါ ချိန်ယင်ဓားသခင်က ပိတ်လှောင်ထားမှုကို အားဖြည့်နေစဉ် မြွေမိစ္ဆာက အခွင့်ကောင်းယူပြီး လွတ်ထွက်သွားတယ်။ ချိန်ယင်ဓားသခင်ဟာ သူ့စီးတော်မြည်းကို ဓားနဲ့အတူ ထွက်ပြေးလွတ်မြောက်နိုင်အောင် အသက်ပေးကာကွယ်ခဲ့ရပါတယ်။ ဖုန်းယွင်အရက်ဆိုင်က စားပွဲထိုးလေး လော့ရှောင်ထျန်းဟာ အရက်ပို့သွားရင်း အဲဒီမြည်းနဲ့ တွေ့သွားပြီး ချိန်ယင်ဓားရဲ့ ရွေးချယ်ခြင်းကို ခံလိုက်ရတယ်။ အဲဒီကစလို့ သူ့ဘဝမှာ ပြဿနာမျိုးစုံ ပေါ်လာတော့တာပါ။ လော့ရှောင်ထျန်း ဘာတွေနဲ့ ကြုံရဦးမလဲ၊ လွတ်မြောက်သွားတဲ့ မြွေမိစ္ဆာကိုရော ဘယ်လိုတိုက်ခိုက်ကြမလဲ။

IMDb (7/10) Rotten Tomatoes (66%) Storyline AD 928 ခုနစ် တရုတ်ပြည် မှာပါ။ ပြည့်ရှင်ဘုရင်ကြီးက သိုင်းပညာနဲ့ နိုင်ငံရေးတွေမှာ တတ်ကျွမ်းသလောက် ရက်စက်ကြမ်းကြုတ်တဲ့သူလည်းဖြစ်တယ်။ သူ့မိဖုရားကြီးကို မချစ်လို့ သူသောက်နေကြ ဆေးရည်ထဲမှာ ကြာကြာသောက်ရင် ရူးသွားစေတဲ့ ပစ္စည်းတွေထည့်တိုက်ပြီး တဖြည်းဖြည်း အဆိပ်ခတ်လုပ်ကြံတယ်။ ဒါကို မိဖုရားကြီးနဲ့ စစ်တပ်ရဲ့ အကြီးအကဲတစ်ယောက်ဖြစ်တဲ့ ဒုတိယသားတော်တို့ သိသွားတဲ့အခါမှာတော့ အမေကို ရက်ရက်စက်စက် သတ်ဖို့ကြိုးစားနေတဲ့ အဖေကို ပန်းပွဲတော်ကျင်းပတဲ့အချိန်မှာ ရှင်းလင်းပြီး တိုင်းပြည်အာဏာလုဖို့ ဖြစ်လာပါတယ်။ အဲအပြင် တော်ဝင်မိသားစုတစ်ခုလုံးမှာလည်း တခြား အရှုပ်တော်ပုံတွေနဲ့ ရှုပ်ရှက်ခတ်ပြီး ထိန်းမရသိမ်းမရဖြစ်လာပါတော့တယ်။ … Review ဒီကားကို ကျော်အရင်ဆုံးကြည့်ဖူးတော့ ခုတ်တဲ့ထစ်တဲ့ အခန်းကလွဲလို့ ဘာကိုမှသဘောမကျခဲ့ပါဘူး။ ရုပ်ရှင်မကြည့်တတ်သေးတဲ့ အရွယ်ကိုး။ နောက်မှ စကားပြောခန်းတွေကိုလည်း စိတ်ဝင်စားပြီး ရုပ်ရှင်ကြည့်တတ်သလိုဖြစ်လာတော့မှ ပြန်ကြည့်မိတော့ အင်မတန်ကို လက်ရာမြောက်တဲ့ကားတစ်ကားဖြစ်နေပါတယ်။ ရုပ်ရှင်တစ်ကားလုံးရဲ့ 70% လောက်က နန်းတွင်းအဆောင်တွေထဲမှာတင် စကားပြောနေကြလို့ သာမန်အပျင်းပြေကြည့်မဲ့သူတွေအတွက်တော့ တော်တော်ကိုပျင်းဖို့ကောင်းပါတယ်။ ဒါပေမဲ့ ဇာတ်လမ်းက ကြီးပြီး တော်တော်လည်းကြမ်းလို့ ဇာတ်လမ်းကောင်းကြိုက်တဲ့သူတွေ သဘောကျပါလိမ့်မယ်။ ရိုက်ချက်တွေထဲမှာတော့ ဒီကားဟာ ရှေးခေတ်အခြေပြုကားတွေထဲမှာ အကြီးကျယ်အခန်းနားဆုံးကားလို့ မြင်မိပါတယ်။ တခြား Hollywood ကားတွေ အများကြီးရှိပေမဲ့ သိကြတဲ့အတိုင်း တရုတ်ကားတွေက CGI ထက် လူအစစ်တွေ setting အစစ်တွေကို ပိုသုံးတယ်လေ။ အဲအပြင် ဒီကားရဲ့ Costume design, Art direction, set design ဆိုတာ တော်တော်ကိုလက်ရာမြောက်တယ်။ စစ်သားတွေဝတ်တဲ့ သံချပ်ကာ armour တွေဆိုရင်လည်း အနုစိပ်လုပ်ထားတယ်။ Chow Yun Fet ရဲ့ armour ဆို ပိုဆိုး။ မိဖုရားကြီးရဲ့ အသုံးအဆောင်တွေ အဝတ်အစားတွေ နောက် နန်းတွင်းအပြင်အဆင်၊ နန်းတွင်းအမှုထမ်းတွေရဲ့ လုပ်ပုံကိုင်ပုံ စနစ်ကျပုံတွေကို ပညာသားပါပါ အပင်ပန်းခံပုံဖော်ထားတာက ရှေးခေတ် တရုတ်ပြည်ရဲ့ ကြီးကျယ်ခန်းနားမှု အောင်မြင်မှုတွေကို မြင်စေတယ်။ နောက်ဆုံး climax အပိုင်းနဲ့ ပန်းပွဲတော်ကျင်းပတဲ့အခန်းတွေဆို နောက်ခံတီးလုံးနဲ့ပေါင်းလိုက်တဲ့အခါ ကြက်သီးထလောက်အောင် ကြမ်းတယ်။ သရုပ်ဆောင်တာကတော့ မင်းသားကြီး Chow Yun Fet ဟာ တကယ်ကို ဝါရင့် သမ္ဘာရင့် အားလုံးကို ဂရုမစိုက်တဲ့ ဘုရင်မင်းမြတ်ကြီးအပြင် လှည့်ကွက်တွေ ရက်စက်ကြမ်းကြုတ်မှုတွေနဲ့ပြည့်နေတဲ့ လူကြီးအဖြစ် ပီပြင်အောင် သရုပ်ဆောင်နိုင်တယ်။ ဇာတ်လမ်းပိုင်းမှာတော့ တစ်လျှောက်လုံးက တဖြည်းဖြည်း မှန်မှန်တက်လာပြီး နောက်ဆုံးမှာ တော်တော်ကြမ်းတယ်။ ဒါပေမဲ့ တစ်ကားလုံးနီးပါး အဆောင်တွေထဲမှာပဲ လူတွေစကားပြော ဖြစ်ပျက်နေရတာကို ကြည့်ထားရပြီး နောက်ဆုံး Ending ပါပေါင်းလိုက်တဲ့အခါမှာတော့ ကြည့်တဲ့သူက ဇာတ်လမ်းပြီးတဲ့အခါ လေးလံပြီး စိတ်ချမ်းသာရမလို စိတ်ညစ်ရမလို ဖြစ်နေပါလိမ့်မယ်။ သေချာတာကတော့ အထဲက Plot twist တွေက ကြည့်နေတဲ့သူကို ဇာတ်လမ်းတစ်လျှောက် ဆွဲဆောင်ထားနိုင်ပါလိမ့်မယ်။ (ရုပ်ရှင်အညွှန်းကို DatShin Facebook Page မှကူးယူဖော်ပြပါသည်။) File size…(999MB) Quality…BR-Rip 720p Format…mp4 Duration….01:54:00 Subtitle….Myanmar Subtitle (Hardsub) Encoder….Nyeinsaeya Aung