Lin Gengxin ပါဝင်သော ဇာတ်ကားများ

"Every Dog Has Its Day (2026)" ဇာတ်ကားလေးကတော့ ဘဝကို ရုန်းကန်လှုပ်ရှားနေရတဲ့ သာမန်လူတန်းစားတွေရဲ့ ဘဝအမောတွေကို ဟာသနှောပြီး ရိုက်ကူးထားတဲ့ စိတ်ဝင်စားဖို့ကောင်းတဲ့ ဇာတ်ကားလေးတစ်ပုဒ်ပါ...ဇာတ်လမ်းကိုတော့ သူ့ကိုယ်သူ "အလုပ်ကြမ်းသမား မာထန်" လို့ ခေါ်တဲ့ လူငယ်လေးတစ်ယောက်ရဲ့ အမြင်နဲ့ တင်ဆက်ထားတာပါ... မာထန်ဟာ နေ့စဉ်ဘဝမှာ အဆင်မပြေမှုတွေနဲ့ ကြုံတွေ့နေရသူဖြစ်ပေမဲ့ တစ်နေ့မှာတော့ ထူးဆန်းတဲ့ အဖိုးကြီးတစ်ယောက်နဲ့ စတင်ဆုံတွေ့ခဲ့ရာကနေ သူ့ရဲ့ဘဝကြီးဟာ မထင်မှတ်ထားဘဲ ပြောင်းလဲသွားခဲ့ရပါတယ်.... ဇာတ်လမ်းတစ်လျှောက်မှာ ဝှီးချဲနဲ့ အဘိုးအို၊ ကားကြုံစီးရင်း ကြုံတွေ့ရတဲ့ အလွဲလေးတွေနဲ့ လူမှုပတ်ဝန်းကျင်က လူအမျိုးမျိုးရဲ့ စိတ်နေစိတ်ထားတွေကို ဟာသလေးတွေကြားထဲကနေ မြင်တွေ့ရမှာပါ.... ဒီဇာတ်ကားရဲ့ အဓိကပေးချင်တဲ့ မက်ဆေ့ခ်ျကတော့ "Every Dog Has Its Day" ဆိုတဲ့အတိုင်း ဘယ်လောက်ပဲ နိမ့်ပါးတဲ့ဘဝဖြစ်ပါစေ လူတိုင်းအတွက် ကံကောင်းတဲ့နေ့ရက်ဆိုတာ တစ်နေ့တော့ ရောက်လာတတ်တယ်ဆိုတာပါပဲ. ဘဝကို ရိုးရိုးသားသားနဲ့ အားတင်းပြီး ရုန်းကန်နေကြတဲ့သူတွေအတွက် ခွန်အားဖြစ်စေသလို တစ်ချက်တစ်ချက်မှာလည်း ရယ်မောရင်းနဲ့ ရင်ထဲတစ်မျိုးလေး ခံစားသွားရမယ့် ဇာတ်လမ်းကောင်းလေး ဖြစ်ပါတယ်... ပေါ့ပေါ့ပါးပါးနဲ့ ဘဝအနှစ်သာရကို ခံစားချင်တဲ့သူတွေအတွက် ဒီဇာတ်ကားလေးက တကယ့်ကို ကြည့်သင့်တဲ့ ဇာတ်ကားလေးတစ်ပုဒ်လို့ ညွှန်းပါရစေ... Filesize : 1.54 GB / 904 MB Quality : WEB-DL 1080p HEVC , 720p HEVC Format : mp4 Genres : Comedy , Drama Runtime : 2h 3 min Subtitle : Myanmar Subtitle ( Hardsub )

အားလုံးစောင့်မျှော်နေကြတဲ့ နာမည်ကြီးမင်းသမီး Liu Yi Fei နဲ့ နာမည်ကြီး မင်းသား ၅ ယောက်ပါဝင်သရုပ်ဆောင်ထားတဲ့ The Tale of Rose ဇာတ်လမ်းတွဲကိုတော့ ဒီနေ့ကစပြီး ကြည့်ရှုရတော့မှာပဲ ဖြစ်ပါတယ် မူရင်းဝတ္ထုကိုရေးတဲ့ စာရေးဆရာမက မကြာသေးခင်ကမှ ပြီးသွားတဲ့ Xu kai နဲ့ Yang Zi သရုပ်ဆောင်ထားတဲ့ Best Choice Ever ကို ရေးခဲ့တဲ့ စာရေးဆရာမ Yi Shu မို့ ဒီတစ်ခါလည်း အမျိုးသမီး ဇာတ်ကောင်တွေကို အသားပေးပြီးရေးတတ်တဲ့ ဆရာမရဲ့ လက်ရာကောင်းတစ်ပုဒ်ကို ကြည့်ရှုရဦးမှာပါ ဇာတ်လမ်းအညွှန်း ပညာတတ်မိသားစုမှာ မွေးဖွားလာခဲ့တဲ့ ဟွမ်ယိမေ (Liu Yi Fei) ဟာ မိသားစုရဲ့ ကာကွယ်စောင့်ရှောက်မှုအောက်မှာ ကောင်းမွန်စွာကြီးပြင်းလာရသလို ငယ်စဥ်ကတည်းကစပြီး သူ့ရဲ့ အနုပညာပါရမီတွေကို ထုတ်ဖော်ပြသနိုင်ခဲ့တဲ့ မိန်းကလေးတစ်ဦးလည်း ဖြစ်ပါတယ် အဲဒီနောက်မှာတော့ လုပ်ငန်းခွင်ထဲကို စတင်ဝင်ရောက်လာတဲ့ ဟွမ်ယိမေဟာ ထူးချွန်တဲ့အရည်အချင်းတွေကြောင့် နေရာပေးခံခဲ့ရသလို မကြာခင်မှာ လုပ်ဖော်ကိုင်ဖက် ကျွမ့်ကော်တုန်း (Peng Guanying) နဲ့ ချစ်သူတွေ ဖြစ်သွားခဲ့ပေမဲ့ သူ့တို့ရဲ့ အချစ်ဇာတ်လမ်းဟာ နောက်ဆုံးမှာ လမ်းခွဲခြင်းနဲ့ အဆုံးသတ်ခဲ့သလို ဒီလုပ်ငန်းခွင်ဟာ ဟွမ်ယိမေရဲ့ ဘဝအပေါ်ထားတဲ့အမြင်တွေကို ပိုမိုပြောင်းလဲပေးနိုင်ခဲ့တာမို့ ဟွမ်ယိမေဟာ လုပ်ငန်းခွင်က ထွက်ပြီး ကျောင်းပြန်တက်ရင်း သူ့ကိုယ်သူ ပိုတိုးတက်အောင်လုပ်ဖို့ ဆုံးဖြတ်ခဲ့ပါတယ် ဘွဲ့ရပြီးတဲ့နောက်မှာတော့ ဟွမ်ယိမေတစ်ယောက် ကျောင်းတုန်းက စီနီယာဖြစ်တဲ့ ဖန်းရှယ်ဝန် (Lin Geng Xin)နဲ့ လက်ထပ်ခဲ့ပါတယ်။ ဒါပေမဲ့ လက်ထပ်ပြီးတဲ့နောက်မှ သူတို့ ၂ ယောက်ရဲ့ ကိုယ်စီဘဝတိုးတက်ရေးအတွက် ရွေးချယ်ကြတဲ့ လမ်းကြောင်းတွေ မတူညီကြတော့တဲ့အခါမှာ သူတို့အိမ်ထောင်ရေးဟာ ကွာရှင်းခြင်းနဲ့ အဆုံးသတ်ခဲ့ပါတယ်။ အဲဒီနောက်မှာတော့ ဟွမ်ယိမေဟာ သူ ထူးချွန်တဲ့ အနုပညာလုပ်ငန်းနယ်ပယ်မှာ ကိုယ်ပိုင်စီးပွားရေးလုပ်ငန်းတစ်ခုကို စတင်ခဲ့ပြီး မကြာခင်မှာပဲ သူ့ဘဝရဲ့ Soulmate ဖြစ်တဲ့ ဖူကျားမင် (Huo Jianhua) နဲ့ ထပ်မံတွေ့ဆုံခဲ့ပေမဲ့ အဲဒီအချိန်မှာ ဖူကျားမင်ဟာ တော်တော်နေမကောင်းဖြစ်နေပြီး လပိုင်းလောက်ပဲ အသက်ရှင်ခွင့်ရတော့မှာဖြစ်တာကြောင့် နောက်ဆုံးမှာတော့ သူတို့ ၂ ယောက်ကြားက အချစ်နှောင်ကြိုးဟာ သေခြင်းတရားကြောင့် လမ်းခွဲခြင်းနဲ့ပဲ အဆုံးသတ်ခဲ့ပြန်ပါတယ်။ နောက်ဆုံးမှာတော့ ဟွမ်ယိမေဟာ ဘဝကို ဝမ်းနည်းပူဆွေးမှုတွေနဲ့ ဖြတ်သန်းမယ့်အစား စိတ်ဓာတ်မကျဘဲ အရင်တုန်းကအတိုင်း သူ့အတွက်သူကြိုးစားပြီး ဘဝကို အဓိပ္ပာယ်ရှိရှိနဲ့ ဖြတ်သန်းဖို့ ရွေးချယ်ခဲ့ပါတော့တယ် Quality : WEB-DL 720p, 1080p Total Episodes : 38 Format : mp4 Genres : Romance, Life Runtime : 45 min Subtitle : Myanmar Subtitle ( Hardsub ) Translated by CM Team Reviewed By  Encoded by LK

The Legend of Shen Li ရှေးခေတ်က နတ်ဘုရားများစွာ သေဆုံးသွားပြီးတဲ့နောက် တစ်ဦးတည်းကျန်ရစ်ခဲ့တဲ့ ရှေးဟောင်းနတ်ဘုရား"ရှင်ကျစ်"ဟာ ရှင်ယွင်ဆိုတဲ့နာမည်နဲ့ လူသားမျိုးနွယ်ခန္ဓာကိုယ်ကို သုံးပြီး လူ့ပြည်မှာ တစ်ကိုယ်တည်း ဇာတ်မြှုပ်ကာ အသက်ရှင်နေထိုင်လျက်ရှိပါတယ်။ တစ်ဖက်မှာ ဝိညာဥ်လောကမှ ကျောက်စိမ်းသခင် "ရှန်လီ"ဟာ သူမရဲ့အသက်တစ်ထောင်ပြည့်မွေးနေ့မှာ ထိမ်းမြားဖို စီစဥ်ခံရတာကြောင့် ထွက်ပြေးရာမှ တိုက်ခိုက်ခံရပြီး မူလဇာမဏီငှက်ပုံသဏ္ဍာန် ပြန်ဖြစ်သွားခဲ့ပါတယ်။ ပြင်းထန်တဲ့ ဒဏ်ရာတွေနဲ့ လူ့ပြည်ကိုကျသွားတဲ့ "ရှန်လီ"ဟာ ‌ရှေးဟောင်းနတ်ဘုရား "ရှင်ကျစ်"နဲ့ လူ့ပြည်မှာ မတော်တဆဆုံတွေ့ဆုံခဲ့ရာမှာ သူတိုနှစ်ဦးကြားမှာ ချစ်ခြင်းမေတ္တာတွေ ပေါက်ဖွားလာခဲ့ပါတယ်။ လောကကြီးရဲ့ ငြိမ်းချမ်းမှုနဲ့ အရာခပ်သိမ်းကို ကာကွယ်ဖို တာဝန်ရှိတဲ့ ရှေးဟောင်းနတ်ဘုရား ရှင်ကျစ်နဲ့ မျိုးနွယ်စုတစ်ခုလုံးကို ကာကွယ်ဖို တာဝန်ရှိသလို ကြီးမားတဲ့ တာဝန်တွေကို ပုခုံးပေါ် ထမ်းထားရတဲ့ ဇာမဏီအရှင်မ "ရှန်လီ"တို သမိုင်းပေးတာဝန်တွေနဲ့ ချစ်ခြင်းမေတ္တာကြားမှာ ဘယ်လိုရွေးချယ်မှုတွေ လုပ်ကြမှာလဲ အဆုံးမှာ တစ်ဦးနဲ့တစ်ဦး ပေါင်းဖက်ရပါ့မလားဆိုတာတော့ CM ပရိသတ်ကြီး စောင့်မျှော်အားပေးကြပါဦး Quality : WEB-DL 1080p , 720p Total Episodes : 40 Format : mp4 Genres : Drama, Fantasy Runtime : 45 min Subtitle : Myanmar Subtitle ( Hardsub ) Translated by CM Team Reviewed By MeeMee JueJue Encoded by LK

ဒီတစ်ခါတင်ဆက်ပေးမယ့်ကားလေးကတော့ C drama ပရိတ်သတ်တွေနဲ့ မစိမ်းတဲ့ သရုပ်ဆောင်တွေပါဝင်ထားတဲ့ Master Of My Own ဆိုတဲ့ကားလေးပဲ ဖြစ်ပါတယ် Casts တွေကို ပြောပြရမယ်ဆိုရင် ရင်းနှီးမြှုပ်နှံရေးဒါရိုက်တာ Lu Jiming အဖြစ် Princess Agent ထဲက မင်းသား Lin Gengxin ရင်းနှီးမြှုပ်နှံရေးဒါရိုက်တာ တစ်ယောက်ဖြစ်အောင်ကြိုးစားနေတဲ့ ကောင်မလေး Ning Meng အဖြစ် Go Ahead, Mayang Street အစရှိတဲ့ ဇာတ်ကားကောင်းများစွာကို ရိုက်ကူးထားတဲ့ မင်းသမီး Tang Songyun တိုကပါဝင်ထားကြတာပဲဖြစ်ပါတယ် ရင်းနှီးမြှုပ်နှံရေးဒါရိုက်တာတစ်ယောက်ဖြစ်ဖို အိမ်မက်မက်ခဲ့ရတဲ့ ကောင်မလေး Ning Mengဟာ ဘွဲရပြီးနောက်မှာတော့ Lu Jiming ရဲ့ ရင်းနှီးမြှုပ်နှံရေးကုမ္ပဏီမှာ ‌ အတွင်းရေးမှူးအဖြစ်ဝင်ရောက်လုပ်ကိုင်ခဲ့ပြီး အိမ်မက်နဲ့ တစ်စတစ်စ ပိုလိုဝေးလာခဲ့ပါတော့တယ် Lu Jiming ကလည်း Ning Meng ဟာ ရင်းနှီးမြှုပ်နှံရေးဒါရိုက်တာတစ်ယောက် မဖြစ်နိုင်ဘူးလို သတ်မှတ်ထားတာကြောင့် Ning Meng တစ်ယောက် အိမ်မက်နဲ့ အလှမ်းဝေးလာခဲ့တဲ့အချိန်မှာ စိတ်ညစ်ခဲ့ရပေမယ့် လက်မလျှော့ဘဲ နောက်ထပ်အလုပ်တစ်ခုမှာ အရင်က ရရှိခဲ့တဲ့ သင်ခန်းစာတွေကို နမူနာယူရင်းကြိုးစားခဲ့ပါတော့တယ် တကယ်တမ်းနောက်ကွယ်မှာ Lu Jiming က Ning Meng ကိုကူညီပေးနေခဲ့တာပါ အိမ်မက်ဆိုတာ မက်ဖိုသာလွယ်သလောက် အကောင်ထည်ဖော်ရတာ ခက်ခဲပါတယ် ကဲအဲ့တော့ နောက်ပိုင်းမှာ Ning Mengက သူ့အိမ်မက်ကို အကောင်ထည်ဖော်နိုင်သွားမှာလား ဘယ်လို အခက်အခဲတွေနဲ့ကြုံရမှာလဲ ဘယ်လိုရင်ဆိုင်ဖြေရှင်းသွားမှာလဲဆိုတာကို CM ကနေမကြာခင်မှာတင်တင်ဆက်ပေးတော့မယ့် Master of My Own ဆိုတဲ့ကားလေးကို စောင့်မျှော်ကြည့်ရှုအားပေးကြပါဦးနော် Quality : WEB-DL 720p Total Episodes : 32 Format : mp4 Genres : Business,Comedy,Romance,Drama Duration : 45 min per Episode Subtitle : Myanmar Subtitle ( Hardsub ) Translated by CM Team Encoded by LK

ပင်လယ်နဂါးအမှုအပြီးမှာ ရှင်ဘုရင်က စုံထောက်ဒီးကို နဂါးနိုင်ဓားလို့ခေါ်တဲ့ ကျိုင်းတံနဲ့အတူ တစ်တိုင်းပြည်လုံးကို စေခိုင်းနိုင်တဲ့ အခွင့်အာဏာ အပ်နှင်းလိုက်ပါတယ်။ ဒီဆုံးဖြတ်ချက်ကို မိဖုရားဝူက လုံးဝမကျေနပ်ဘူး။ ဉာဏ်ရည်ထက်မြက်ပေမယ့် သာမန်မင်းမှုထမ်းမျိုးရိုးက ဆင်းသက်လာတဲ့ ဒီးလိုလူကို ဒီလောက်အာဏာပေးရမလားဆိုပြီး ရှင်ဘုရင်ကိုပါ အမျက်ထွက်နေပါတယ်။ ရှင်ဘုရင်ရဲ့ အလိုလိုက်မှုကြောင့် နန်းတွင်းမှာ ဘုရင်မတစ်ပါးလို သြဇာရှိနေတဲ့ ဝူက ဒီးဆီက ကျိုင်းတံကို ပြန်သိမ်းပြီး သူ့အာဏာကို ပြချင်တယ်။ ဒါပေမယ့် အရင်မင်းဆက်လက်ထက်က ရန်ကြွေးမကျေသေးတဲ့ အိန္ဒိယနတ်ဝိဇ္ဇာစစ်သည်တော်တွေက ဝူကိုအကြောင်းပြုပြီး အမှုထဲ ဝင်ပါလာတဲ့အခါ ဒီးရင်ဆိုင်ရတဲ့ ပြဿနာက ပိုရှုပ်ထွေးလာပါတယ်။ ၂၀၁၃ ခုနှစ်က Young Detective Dee: Rise of the Sea Dragon ရဲ့ အဆုံးကနေ ဆက်ထားတဲ့ဇာတ်ကားဖြစ်ပြီး အဓိကသရုပ်ဆောင်အများစု ပြန်ပါဝင်ထားပါတယ်။ ဇာတ်လမ်းအချိန်အရတော့ ၂၀၁၀ ခုနှစ်က Detective Dee: Mystery of the Phantom Flame မတိုင်ခင်က အကြောင်းပါ။ သိုင်းကွက်တွေ၊ လက်နက်ပစ္စည်းတွေနဲ့ အထူးပြုလုပ်ချက်တွေကို အသုံးပြုထားသလို နောင်မှာ ဧကရာဇ်မဖြစ်လာမယ့် ဝူကျဲထျန်းရဲ့ ဉာဏ်ရည်၊ အာဏာလိုလားမှုနဲ့ ရက်စက်မှုတို့ကိုလည်း နန်းတွင်းအရေးအခင်းတွေနဲ့အတူ ဖော်ပြထားပါတယ်။

၂၀၁၇ ခုနှစ်ထွက် Journey to the West: The Demons Strike Back ဟာ ၂၀၁၃ ခုနှစ်ထွက် Journey to the West: Conquering the Demons ရဲ့ အဆက်ဖြစ်ပြီး ဒါရိုက်တာ Tsui Hark က ရိုက်ကူးထားပြီးတော့ Stephen Chow က ထုတ်လုပ်သူနဲ့ ဇာတ်ညွှန်းရေးဆရာအဖြစ် ပါဝင်ထားတဲ့ စိတ်ကူးယဉ်အက်ရှင်ဟာသ ရုပ်ရှင်တစ်ကားဖြစ်ပါတယ် Kris Wu၊ Lin Gengxin၊ Lin Yun၊ Yao Chen စတဲ့နာမည်ကြီးစတားတွေ အဓိကပါဝင်သရုပ်ဆောင်ထားတဲ့ ဒီဇာတ်ကားမှာ ဟာသ၊ အက်ရှင်၊ စိတ်ကူးယဉ်ကမ္ဘာနဲ့ အံ့မခန်း Visual Effects တွေကို ပေါင်းစပ်တင်ဆက်ထားပြီး ဆရာတော်ထန်စန်းနဲ့ သူ့ရဲ့တပည့်လေးယောက်တို့ အနောက်အရပ်ကို ကျမ်းစာပင့်ဆောင်တဲ့ ခရီးစဉ်အတွင်း ကြုံတွေ့ရတဲ့ အန္တရာယ်တွေ စမ်းသပ်မှုတွေကို စိတ်လှုပ်ရှားဖွယ် ပုံဖော်ထားတဲ့ လက်ရာကောင်းတစ်ခု ဖြစ်ပါတယ် နှစ်ပေါင်းများစွာ မိစ္ဆာနှိမ်နင်းရင်း အနောက်ဘက်ကို ကျမ်းစာယူခရီးကို ဆက်လက်လျှောက်လှမ်းနေတဲ့ ထန်စန်းကိုယ်တော်နဲ့ သူ့ရဲ့တပည့်လေးယောက်ဟာ နောက်ထပ် အန္တရာယ်ကြီးမားတဲ့ စမ်းသပ်မှုတွေနဲ့ ရင်ဆိုင်ရပါတော့တယ်ခရီးလမ်းတစ်လျှောက်မှာ သူတို့ဟာ မိစ္ဆာအမျိုးမျိုးနဲ့ တိုက်ခိုက်ရသလို တစ်ဖက်မှာလည်း အချင်းချင်းကြားက ယုံကြည်မှု မနာလိုမှုနဲ့ သံသယတွေကို ကျော်ဖြတ်ရပါတယ် အထူးသဖြင့် မျောက်မင်း စွန်းဝူခုန်းရဲ့ စိတ်ရိုင်းသဘာဝကြောင့် ဆရာတပည့်ကြား ပဋိပက္ခတွေ ပိုမိုပြင်းထန်လာပြီး သူတို့ရဲ့ ခရီးစဉ်ဟာ အန္တရာယ်အပြည့်နဲ့ ရှေ့ဆက်ရပါတော့တယ် ဒီလိုနဲ့ မိစ္ဆာဘုရင်ကြီးတစ်ပါးက ထန်စန်းကို ဖမ်းဆီးပြီး သူ့ရဲ့ ရည်ရွယ်ချက်ကို အကောင်အထည်ဖော်ဖို့ ကြိုးစားလာချိန်မှာတော့ စွန်းဝူခုန်း၊ ကျူးပါးကျဲ့၊ရှားဝုကျင့်တို့ဟာ ဆရာကို ကယ်တင်ဖို့ အသက်စွန့်တိုက်ပွဲဝင်ကြရပါတယ်ဟာသ အက်ရှင်နဲ့ စိတ်ကူးယဉ်အပြည့် ပေါင်းစပ်ထားတဲ့ ဒီဇာတ်ကားဟာ ဆရာတပည့်တွေရဲ့ သံယောဇဉ် ယုံကြည်မှုနဲ့ ပေးဆပ်မှုတို့ကို အံ့မခန်း Visual Effects တွေနဲ့ တင်ဆက်ထားတဲ့ Journey to the West ဇာတ်လမ်းတွဲရဲ့ စိတ်လှုပ်ရှားစရာ အပိုင်းတစ်ပိုင်း ဖြစ်ပါတယ် နောက်ဆုံးမှာတော့ ထန်စန်းတို့ဟာ မိစ္ဆာဘုရင်ကို အနိုင်ယူပြီး အနောက်ဘက်ခရီးစဉ်ကို ဆက်လက်နိုင်ပါ့မလား ဆရာတပည့်တွေရဲ့ သံယောဇဉ်က အခက်အခဲအားလုံးကို ကျော်ဖြတ်နိုင်ပါ့မလားဆိုတာကိုတော့ ဒီဇာတ်ကားလေးထဲမှာ ဆက်လက်ကြည့်ရှုလိုက်ကြရအောင် Filesize : 2.95 GB / 1.45 GB Quality : WEB-DL 1080p HEVC , 720p HEVC Format : mp4 Genres : Adventure, Fantasy, and Action Runtime : 1h 49 min Subtitle : Myanmar Subtitle ( Hardsub )

အခါတစ်ပါး၌ ဂျပန်သည် တရုတ်ပြည်ကို အုပ်စိုးရန် ကျူးကျော်ဝင်လာကြ၏။ တရုတ်ပြည်လဲ ကပ်ဆိုက်လေသည်။ ဂျပန်တို့သည် အရှေ့အာရှ သာတူညီမျှ ဘလာ ဘလာ ဘလာ ကြွေးကြော်ပြီး တရုတ်ပြည်သူများကိုကျုံးသွင်းရန်ကြံဆောင်နေလေသည်။ ထိုကာလ၌ ပျောက်ဆုံးနေပြီဖြစ်သော ရှေးတရုတ်အင်ပါယာတို့၏ အထိမ်းအမှတ် ယူချီဟူသော တံဆိပ်တုံးကို ဂူသင်္ချိုင်းတစ်ခုမှ ပြန်လည်တူးဖော်ရရှိလာကြောင်း ဂျပန်တို့သတင်းရရှိလေသည်။ ထိုတံဆိပ်တုံးသည် အင်ပါယာ၏အမှတ်အသားဖြစ်သလို ကျောက်စိမ်းတုံးပေါ်တွင်ထွင်းထုထားခြင်းဖြစ်လေရာ တန်ဖိုးအရကြီးမားလှပြီး ရှေးဟောင်းအမွေအနှစ်အစစ်အမှန်လဲဖြစ်ပေသည်။ ဂျပန်တို့သည် တရုတ်ပြည်သူများကို ထိုတံဆိပ်တုံးဖြင့် ဂျင်းထည့်ရန် အာရုံရလေသည်။ ထိုသတင်းကိုသိလေသော တရုတ်မျိုးချစ်တို့သည် ဂျပန်တို့လက်ထဲ တံဆိပ်တုံးမရောက်ရှိစေရန် လျှို့ဝှက်လုပ်ဆောင်လေသည်။ ခိုးယူရမည်ဖြစ်သောကြောင့် တရုတ်ပြည်၏ အတော်ဆုံးသူခိုးနှစ်ယောက်ကို အသုံးချမိသောအခါ....။ တရုတ်ပြည်၏ တစ်ချိန်က အတော်ဆုံးသူခိုး ချိဖော်။ ချိဖော်ကဲ့သို့ နာမည်ကြီးချင်နေသော ကျန်ကျောင်း။ သေနတ်ပစ်တစ်ဖက်ကမ်းခတ်ကျွမ်းကျင်သော တရုတ်မျိုးချစ်သမလေး ယူရင်။ ရက်စက်ကြမ်းကြတ်သော လူသတ်သမား အပိုင်း-၇၃၁ တစ္ဆေအရိပ်။ စသည့် စသည့်ဇာတ်ကောင်များဖြင့် ဖန်တီးထားသော Action , Comedy ဇာတ်ကားကောင်းဖြစ်ပေသည်။ ငြီးငွေ့ဖွယ်မရှိရအောင် သွက်သွက်လက်လက်တင်ဆက်ထားပြီး ဆွဲဆောင်မှုရှိသော တရုတ်ဇာတ်ကားဖြစ်ကြောင်း တင်ပြလိုက်ရပါသည်။ File size…(2.4 GB) and (1.3 GB) Quality…BluRay 1080p & 720p (HEVC Encode) Format…mkv Duration….01:55:02 Subtitle….Myanmar Subtitle (Hardsub) Encoder….Nyeinsaeya Aung Translated by Moe Myint Lwin

သိုင်းလောကသားတွေအတွက် ၂၀၁၆က Peter Huo နဲ့ Lin Geng xinတို့ရဲ့ သိုင်းကားကောင်းကိုပြန်တင်ဆက်ပေးလိုက်ပါတယ်။ ယန်ရှီဆန်း......သိုင်းလောကထိပ်ခေါင်ဖြစ်ဖို့အတွက် အရူးအမူးဖြစ်နေတဲ့ ဓားသမားတစ်ယောက်...... ရှဲ့ရှောင်ဖုန်း.....ဓားစံအိမ်ရဲ့တတိယသခင်လေးဖြစ်ပြီး ပြိုင်ဘက်မရှိတဲ့ဓားသမား ဓားသခင်လို့အမွှန်းတင်ခံရတဲ့ သိုင်းသမားတစ်ယောက်..... သိုင်းလောကကြီးတစ်ခုလုံးကသူတို့ (၂)ယောက်ရဲ့တိုက်ပွဲကို စိတ်ဝင်တစားစောင့်ကြည့်နေခဲ့ကြတယ်။ ဒါပေမယ့် ယန်ရှီဆန်းက ဓားစံအိမ်ကိုစိန်ခေါ်ဖို့ရောက်လာတဲ့အချိန်မှာ သူ့ကိုကြိုဆိုနေခဲ့တာကတော့ ရှဲ့ရှောင်ဖုန်းရဲ့အုတ်ဂူပဲဖြစ်ပါတယ်။ သူ့ရဲ့အကြီးဆုံးပြိုင်ဖက်ကိုဆုံးရှုံးလိုက်ရတဲ့ ယန်ရှီဆန်းက အကြီးအကျယ်စိတ်ပျက်ဝမ်းနည်းသွားခဲ့ပါတယ်။ အဲ့ဒီအချိန်မှာ လျှို့ဝှက်ဆန်းကြယ်တဲ့မုရုံမိန်းကလေးပေါ်လာပြီး ယန်ရှီဆန်းကို ရှဲ့ရှောင်ဖုန်းမသေသေးကြောင်း အသိပေးလိုက်တဲ့အခါမှာတော့ သိုင်းလောကတစ်ခုလုံးစောင့်ကြည့်နေတဲ့ ထိပ်တန်းသိုင်းပညာရှင်၂ယောက်ရဲ့စိန်ခေါ်ပွဲကပြန်ပြီးအသက်ဝင်လာပါတော့တယ်....... Filesize : 2.96 GB / 1.47 GB Quality : WEB-DL 1080p HEVC , 720p HEVC Format : mp4 Genres : Action Runtime : 1h 48 min Subtitle : Myanmar Subtitle ( Hardsub )

The Great Wall (2016) (4K ) (Only on Bioscope App) IMDB : 6.0 Genre : Action / Fantasy ဒီရုပ်ရှင်ကတော့ ဒါရိုက်တာ Zhang Yimou ရိုက်ကူးထားတဲ့ အမေရိကန်-တရုတ် ပူးတွဲဖန်တီးထားသော Action / Fantasy ရုပ်ရှင်တစ်ခုဖြစ်ပါတယ်။ Matt Damon Willem Dafoe Pedro Pascal Jing Tian Andy Lau စတဲ့ ဟောလိဝုဒ်နဲ့ တရုတ်က နာမည်ကျော်တွေပါဝင်ထားတဲ့ ရုပ်ရှင်တစ်ကားဖြစ်ပါတယ်။ ဝေဖန်သူတွေကြားထဲမှာ ထင်သလောက်မအောင်မြင်ခဲ့ပေမဲ့ ကြည့်ရှုသူတွေကြားမှာတော့ ရေပန်းစားတဲ့ရုပ်ရှင်တစ်ခုဆိုလည်းမမှားပါဘူး။ ဇာတ်ညွှန်း ဝီလျံနဲ့ ပီရိုက ကြေးစားစစ်သား၊ ကုန်သည်တွေဖြစ်ပါတယ်။ အစွမ်းထက်တဲ့ ယမ်းမှုန့်တွေကို ကုန်သည်ဖို့ တစ်နည်းအားဖြင့်ပြောရရင် ခိုးယူဖို့အတွက် တရုတ်ရဲ့ နာမည်ကျော် မဟာတံတိုင်းကြီးကိုရောက်လာခဲ့ပါတယ်။ တရုတ်ပြည်မဟာတံတိုင်းကြီးကိုတည်ဆောက်ခဲ့တဲ့ အဓိကရည်ရွယ်ချက်က လူတွေထင်ထားသလိုမျိုးမဟုတ်ပဲ ကြောက်မက်ဖွယ်ကောင်းတဲ့ လျှို့ဝှက်သတ္တဝါတွေရန်ကနေ ကာကွယ်ဖို့ဆိုတာကို ဝီလျံတို့နှစ်ယောက် တံတိုင်းကိုရောက်တဲ့အချိန်မှာ သိလိုက်ရပါတော့တယ်။ ဝီလျံတို့လိုပဲ ယမ်းမှုန့်တွေကို အပိုင်စီးဖို့ကြိုရောက်နေသူတစ်ဦးရှိပါတယ်။ သူကတော့ ဆာဘဲလက်ဒ်ဖြစ်ပါတယ်။ ဒါပေမဲ့ ဆာဘဲလက်ဒ်ရောက်နေတာ နှစ်ပေါင်းဆယ်နဲ့ချီကြာနေပြီဖြစ်ပြီးတော့ မဟာတံတိုင်းကိုရောက်ပြီးတဲ့ လူတစ်ယောက်က ဘယ်လိုမှပြန်ထွက်လို့မရနိုင်ဘူးဆိုတာကို သိလိုက်ရတဲ့အခါမှာတော့ ဝီလျံတို့ ဘာဆက်လုပ်ကြမလဲ၊ တစ်ဖက်မှာလည်း အကောင်ကြီးတွေရဲ့ ရန်ကလည်းရှိနေတာဆိုတော့ ဘာတွေဆက်ဖြစ်မလဲဆိုတာကို ခံစားကြည့်လိုက်ကြပါခင်ဗျာ။ File size…   6 GB / 2.5 GB / 1.5 GB Quality… BluRay 4K / 1080p / 720p Format… mp4 Duration…. 1h 43m Genre ..... Fantasy / Action Subtitle…. Myanmar Subtitle (Hard Sub)

“ခန်းနားကြီးကျယ်လွန်းလှတဲ့ ယဥ်ကျေးမှု အမွေအနှစ်တွေရဲ့ နောက်ကွယ်မှာ ဘယ်သူမှ မသိနိုင်တဲ့ ကြီးမားလှတဲ့ ဇာတ်လမ်း ဇာတ်ကွက်တွေကတော့ ရှိစမြဲပါပဲ” ပျူနိုင်ငံတော်(ရှေးခေတ်မြန်မာနိုင်ငံတော်) ရဲ့ ဘုရင်ဟာ ပျူမင်းသား သုနန္ဒ ဦးဆောင်တဲ့ ပျူနိုင်ငံတေးဂီတအဖွဲ့ကို စေလွှတ်ပြီး ပြည်သရေခေတ္တရာမြို့တော်မှတစ်ဆင့် ချန်အန်းမှာရှိတဲ့ ထန်မင်းဆက်နန်းတော်ကို ဖျော်ဖြေစေဖို့ စေလွှတ်ခဲ့ပါတယ် စေလွှတ်ရခြင်းရဲ့ အကြောင်းပြချက်ကတော့ ထန်မင်းဆက်နဲ့ ဆက်ဆံရေး အဒွန့်ရှည်စေဖို့ တစ်နိုင်ငံနဲ့ တစ်နိုင်ငံ အပြန်အလှန် ကူညီနိုင်စေဖို့ အတွက်ပါ သုနန္ဒဒီတာဝန်ကို ထမ်းရွက်နေစဥ်အတွင်းမှာ ခရီးစဥ်က ဖျောင့်ဖြူးခြင်းမရှိခဲ့ပါဘူး သုနန္ဒ မင်းနေပြည်တော်ကနေပြီး ထွက်သွားတာကို အခွင့်အကောင်းယူကာ ပျူနိုင်ငံတော်ရဲ့ စစ်သူကြီးဖြစ်သူ ကျားလော်နက အရှင်မင်းကြီးကို လုပ်ကြံသတ်ဖြတ်ပြီး ထီးနန်းကို အပိုင်သိမ်းယူဖို့ ကြံစည်နေခဲ့တာပါ ဒါပေမဲ့လို့ စစ်သူကြီးရဲ့ မွေးစားသားဖြစ်သူ စူးကျွယ်ဟာ သုနန္ဒနဲ့ ညီအစ်ကိုလို ခင်မင်နေခဲ့တာကိုတော့ သူမသိရှာခဲ့ပါဘူး စူးကျွယ်ဟာ သုနန္ဒကို မွေးစားအဖေရဲ့ အစီအစဥ်တွေကို ပြောပြလိုက်ပြီးနောက်မှာတော့ သုနန္ဒဟာ စူးကျွယ်ကို မိမိအနေနဲ့ ဟန်ဆောင်ခိုင်းခဲ့ပြီး ဖျော်ဖြေရေးအဖွဲ့ထဲကို လိုက်သွားစေခဲ့ပါတယ် တစ်ဆက်ထဲမှာပဲ ကြာပန်းလိုလှပ နူးညံ့လှတဲ့ မိန်းမပျိုလေး ယင်းမာစန္ဒီရဲ့ နူးညံ့လှတဲ့လှတဲ့ ပုံပန်းသွင်ပြင်နောက်ကွယ်မှာ ထိတ်လန့်စရာကောင်းတဲ့ လျှို့ဝှက်ချက်တစ်ခု သိုဝှက်ထားတယ်ဆိုတာ ဘယ်သူကမှ မသိခဲ့ပါဘူး အခက်အခဲများစွာ အတားအဆီးပေါင်းများစွာကို ဖြတ်သန်းပြီး ချန်အန်းကို ရောက်တဲ့အခါမှာတော့ - ❏ စစ်သူကြီး ကျားလော်နအပြင် သူတို့ စောင့်ကြည့်နေတဲ့ ကြောက်စရာမျက်လုံးတစ်စုံရှိသေးတယ်ဆိုတဲ့ အကြောင်း သုနန္ဒသိရှိသွားတဲ့ အခါ....? ❏ ချန်အန်းကိုရောက်ရင် အရာအားလုံးပြီးဆုံသွားပြီထင်ထားပေမဲ့ အမှန်တကယ်မှာတော့ ဇာတ်လမ်းအစပဲ ရှိသေးတယ်ဆိုတာ သုနန္ဒတစ်ယောက်သိရှိသွားတဲ့အခါ...? ❏ သူတို့ရဲ့ ဖျော်ဖြေရေးအဖွဲ့ကို အသုံးချပြီး အရှင်မင်းကြီးကို လုပ်ကြံသတ်ဖြတ်ချင်နေတဲ့သူ ရှိနေတဲ့အကြောင်း သုနန္ဒတစ်ယောက်သိရှိသွားတဲ့အခါ...? ဘာတွေဆက်ဖြစ်ကြမှာလဲဆိုတာ စိတ်ဝင်တစားနဲ့ ကြည့်ရှုရမဲ့ ဇာတ်လမ်းတွဲတစ်ကားပဲဖြစ်ပါတယ်ရှင် ဒီဇာတ်ကားလေးဟာဆိုရင် တရုတ် - မြန်မာ နှစ်နိုင်ငံ ပူးပေါင်းရိုက်ကူးထားတဲ့ ဇာတ်လမ်းတွဲလေး တစ်ခုပဲဖြစ်ပြီးတော့ ထန်မင်းဆက်နန်းတော်၊ နန်စောပြည်၊ ပျူနိုင်ငံ စတဲ့ ဒေသများအကြောင်း ရိုက်ကူးပုံဖော်ထားတဲ့ကားလေးဆိုရင်လဲမမှားပါဘူး ပါဝင်သရုပ်ဆောင်ထားတဲ့ သူများအနေနဲ့ကလဲ - ❏ ရုပ်ရည်ချောမောလှပြီး ပရိယာယ်ကြွယ်လှတဲ့ ပျူမင်းသား သုနန္ဒအဖြစ် - Lin Geng Xin ❏ နေရာစုံကိုလျှောက်သွားပြီး ပစ္စည်းတွေခိုးရတာ နှစ်သက်သူ / အပျော်အပါးမက်သူ / သွက်သွက်လပ်ရှိသူ မိန်းမပျိုလေး ယဲ့ရှားလော်အဖြစ် - Choo Ja Hyun တို့က အဓိက ပါဝင်သရုပ်ဆောင်ထားကြတဲ့အပြင် မြန်မာရုပ်ရှင်သရုပ်ဆောင်များဖြစ်ကြတဲ့ ရန်ကျော်နဲ့ မေသဥ္ဇာဦးတို့ကပါ ပါဝင်သရုပ်ဆောင်ထားပါသေးတယ်ရှင် အားလုံးရင်းနီးပြီးသား ကားလေးကို CM ကနေပြီးတော့ တစ်ဖန်ကြည့်ရှုခံစားလိုက်ကြပါဦးလားရှင် [Reviewed By Chit Mya Mya Hmwe] Quality : WEB-DL 720p Total Episodes : 42 Format : mp4 Genres : Historical, Wuxia Duration : 45 min per Episode Subtitle : Myanmar Subtitle ( Hardsub ) Translated by CM Team Encoded by LK

တန်နိုင်ငံကို ဧကရာဇ်မင်းကြီးနဲ့ မိဖုရားဝူတို့ အတူအုပ်ချုပ်နေချိန်မှာ ဇာတ်လမ်းစပါတယ်။ အမည်အားဖြင့် နှစ်ဦးအတူ အုပ်ချုပ်နေပေမယ့် နိုင်ငံ့အာဏာကို ဝူကပဲ ကြိုးကိုင်ထားတာပါ။ ဖူယုနိုင်ငံနဲ့ စစ်ဖြစ်နေတဲ့အချိန် ရေကြောင်းကနေ စစ်ချီသွားတဲ့ တန်ရေတပ်ကြီးကို ပင်လယ်သတ္တဝါကြီးတစ်ကောင်က ဖျက်ဆီးလိုက်တော့ တစ်နိုင်ငံလုံး ထိတ်လန့်ကုန်ကြတယ်။ မြို့သူမြို့သားတွေက ပင်လယ်နဂါး အမျက်ထွက်တာလို့ ယုံကြည်ပြီး လူးရန်မြို့က နာမည်ကျော် အထက်တန်းပြည့်တန်ဆာမလေး ယင်ယူကျီကို နဂါးကျောင်းတော်မှာ ဥပုသ်စောင့်ဖို့ ရွေးချယ်လိုက်ကြပါတယ်။ အဲဒီအချိန်မှာပဲ ဘင်းစီရင်စုကနေ နေပြည်တော်ကို အဆင့် ၇ အရာရှိအဖြစ် ရောက်လာတဲ့ ဒီးလျန်ကျယ်က သဲလွန်စတစ်ခုကို ဖော်ထုတ်မိသွားတယ်။ စုံစမ်းနေရင်း မြို့ထဲမှာလည်း နောက်ထပ် ရေသတ္တဝါငယ်တစ်ကောင်နဲ့ မမျှော်လင့်ဘဲ ဆုံရပြန်ပါတယ်။ မထင်မရှား အရာရှိလေးမို့ သူ့ကို အလေးမထားသူတွေကြားမှာ ဒီးက တစ်နိုင်ငံလုံးနဲ့ဆိုင်တဲ့ ကပ်ဆိုးကို အချိန်အကန့်အသတ်အတွင်း ဖြေရှင်းရတော့မယ်။ တစ်ဖက်မှာလည်း ဝူရဲ့ ရက်စက်မှုကို သတိထားနေရသေးတယ်။ ယင်ယူကျီရဲ့ ဖြူစင်တဲ့စိတ်ကို စာနာမိတဲ့အတွက် သူ့အသက်ကိုပါ ရင်းရတဲ့အထိ ပါဝင်ပတ်သက်လာပါတယ်။ ဉာဏ်သုံးရတဲ့နေရာမှာ ထက်မြက်ပေမယ့် အတိုက်အခိုက်မှာတော့ သူတာဝန်ထမ်းဆောင်တဲ့ တလီစီရုံးတော်ရဲ့ အကြီးအကဲ ယုချီကို မမီသေးဘူး။ ရေတောင်မကူးတတ်တဲ့ ဒီးအတွက် ပင်လယ်ပြင်က အန္တရာယ်ကို ရင်ဆိုင်ဖို့က ပိုပြီးခက်ခဲနေပါတယ်။ ဒီကားက ၂၀၁၀ ခုနှစ်က Detective Dee and the Mystery of the Phantom Flame မတိုင်ခင်က အဖြစ်အပျက်တွေကို ရိုက်ထားတာဖြစ်ပြီး ငယ်ရွယ်တဲ့ စုံထောက်ဒီးအဖြစ် Mark Chao ပါဝင်ထားပါတယ်။ Angelababy နဲ့ Kim Bum တို့လည်း သရုပ်ဆောင်ထားကြတယ်။ ဒီးလျန်ကျယ် စုံစမ်းစစ်ဆေးရေးအရာရှိတစ်ယောက် ဘယ်လိုဖြစ်လာသလဲ၊ နဂါးနိုင်ဓားလို့ခေါ်တဲ့ ကျိုင်းတော်ကို ဘယ်လိုရခဲ့သလဲဆိုတဲ့ အကြောင်းတွေအပြင် ဝူရဲ့ ထီးနန်းလုရေးကြောင့် ဖြစ်လာနိုင်တဲ့ သွေးထွက်သံယိုမှုတွေကို ကြိုတင်ရိပ်မိပုံလည်း ပါဝင်ပါတယ်။