IMDb Rating - 7.9/10 ဇာတ်လမ်းလေးကတော့ ရိုးရှင်းပါတယ်။ ပျောက်ဆုံးနေတဲ့ မိသားစုဝင် တွေကို ရှာဖွေတဲ့ ဇာတ်လမ်းလေးပေါ့။ ဒါပေမဲ့ ဘာကြောင့်ပျောက်ဆုံး ခဲ့ရလဲဆိုတာကို သိလိုက်ရရင် အင်မတန်မှ ကြေကွဲစရာကောင်းရလိမ့်မယ်။ ကနေဒါနိုင်ငံမှာ ၁၉၆၀-၁၉၈၀ ကြား ကာလတွေတုန်းက အစိုးရပေါ်လစီ တစ်ရပ်ရှိခဲ့ပါတယ်။ နိုင်ငံသားစစ်စစ်တွေကိုပဲ နေခွင့်ပြုပြီး တိုင်းရင်းသား၊ သွေးနှောကလေးတွေကို သူတို့ရဲ့မိသားစုတွေဆီကနေ အမေးအမြန်းမရှိ ဖယ်ရှားပစ်သတဲ့။ ဒီတော့ တိုင်းရင်းသားကလေးငယ်လေးတွေ ရှိတဲ့ မိသား စုတွေအနေနဲ့ တောတွင်းတစ်နေရာမှာ ပုန်းရှောင်လို့ နေခဲ့ကြရပါတယ်။ ဒါပေမဲ့ ကံမကောင်းချင်တော့ Little Bird မိသားစုကို ရဲတွေက ရှာတွေ့သွား ခဲ့ပြီး ကလေးငယ်လေး(၄)ယောက်လုံးကို ခေါ်ဆောင်သွားခဲ့ကြပါတယ်။ အဲဒီကလေးတွေထဲက ဘက်ဇစ် ဆိုတဲ့ ကောင်မလေးတစ်ယောက်ကတော့ တခြားနယ်မြေတစ်ခုက မိသားစုတစ်ခုဆီ မွေးစားခံလိုက်ရပြီး ကောင်းကောင်း လူလားမြောက်ခဲ့ရပါတယ်။ သူအရွယ်ရောက်လာလို့ စေ့စပ်တော့မဲ့ အချိန်မှာတော့ သူ့ရဲ့ပျောက်ဆုံးနေတဲ့ မိသားစုဝင်တွေကို ရှာဖွေတဲ့ ဒီဇာတ်လမ်းလေး စတင်လာခဲ့ပါတော့တယ်။ ဒီဇာတ်လမ်းကို ရေးပေးနေတုန်းမှာ ကျွန်တော့်အတွေးအာရုံထဲ ရောက်လာ နေတာကတော့ ဝိုင်းစုခိုင်သိန်းရဲ့ ဟိုတုန်းကအိမ် ဆိုတဲ့ သီချင်းလေးပါပဲ။ "ကလေးဘဝက တို့တွေပျော်ဖူးတဲ့အိမ်... ဒီအချိန်အနေဝေးပြီ... ဟိုးတုန်းက တို့အိမ်အိုလေးထဲမှာ... လူစုံဖူးပါသည်... ဆောင်းတွင်းရဲ့ မီးဖိုနံဘေးမှာ မိသားစုနဲ့အတူပျော်ရင်း... ညည်းခဲ့တဲ့ ကလေးဘဝတေးတွေ ဒီအချိန်ပြန်တမ်းတရင်းနဲ့... အခုတော့လည်း တို့အိမ်အိုလေးထဲမှာ အသံတွေတိတ်ကုန်ပြီ..." ကဲ ဘက်ဇစ်တို့ မိသားစုလေး အတူဆုံစည်းရဖို့ ဆုတောင်းပေးလိုက်ကြတာပါ့။ (ဒီစီးရီးရဲ့ အညွှန်းနဲ့ဘာသာပြန် ရေးသားပေးသူကတော့ May Thet Khine Soe ဖြစ်ပါတယ်။) File Size.............(300 MB) / (700 MB) Quality...............WEB-DL 720p / 1080p Duration............46Mins(@Episode) Subtitle..............Myanmar Hardsub Format...............MP4 Genre.................Drama Translator..........May Thet Khine Soe Encoder..............SWM
ဇာတ်ကားကြည့်ရန်