Luke Macfarlane ပါဝင်သော ဇာတ်ကားများ

Let's Have Kids! (2026) အမ်မာ နဲ့ ဖီဘီတို့ဟာ ငယ်စဉ်ကလေးဘဝကတည်းက တစ်ယောက်နဲ့တစ်ယောက် ခွဲမရအောင် ခင်မင်ရင်းနှီးလာကြတဲ့ အရင်းနှီးဆုံး သူငယ်ချင်း နှစ်ယောက်ပါ။ ဘဝရဲ့ အရေးပါတဲ့ တိုင်ပင်ဖော် တိုင်ပင်ဖက်တွေဖြစ်ကြတဲ့အတိုင်း မိခင်ဘဝကို ကူးပြောင်းချိန်မှာလည်း တစ်ယောက်တည်း မဖြတ်သန်းချင်ကြပါဘူး။ ဒါကြောင့် သူတို့နှစ်ယောက်ဟာ ခိုင်မာတဲ့ အစီအစဉ်တစ်ခု ဆွဲလိုက်ကြပါတယ်။ "တစ်ချိန်တည်း၊ တစ်လတည်းမှာ အတူတူ ကိုယ်ဝန်ဆောင်ပြီး ရင်သွေးလေးတွေကို အတူတူ မွေးဖွားမယ်" ဆိုတဲ့ ရူးသွပ်ဖွယ်ရာ စိန်ခေါ်မှုပါပဲ။ ဒါပေမဲ့ သဘာဝတရားကတော့ သူတို့ရဲ့ Perfect ပလန်အတိုင်း ဖြစ်မလာခဲ့ပါဘူး။ တစ်ယောက်က အလွယ်တကူ ကိုယ်ဝန်ရသွားခဲ့ပေမဲ့ အခြားတစ်ယောက်မှာတော့ အခက်အခဲတွေနဲ့ ရင်ဆိုင်လိုက်ရတဲ့အခါ...မနာလိုမှု၊ စိတ်ဓာတ်ကျမှု၊ ဝမ်းနည်းမှု စတဲ့ စိတ်ခံစားချက် အတက်အကျတွေကြားမှာ သူတို့နှစ်ယောက်ရဲ့ နှစ်ပေါင်းများစွာ ခိုင်မာခဲ့တဲ့ သံယောဇဉ်နဲ့ သူငယ်ချင်းဆက်ဆံရေးဟာ ကြီးမားတဲ့ စမ်းသပ်မှုတစ်ခုနဲ့ ကြုံတွေ့လိုက်ရပါတယ်.... တကယ်ပဲ သူတို့ရဲ့ ချစ်ခြင်းမေတ္တာနဲ့ သူငယ်ချင်းဆက်ဆံရေးက ဒီအခက်အခဲတွေကို ကျော်လွှားနိုင်ပါ့မလား.... File Size - 2.2 GB/ 653 MB Quality - WEB-DL 1080p/ 720p Duration - 1h 35m Format - mp4 Genre - Comedy Subtitle - Myanmar Subtitle (Hard Sub)

This Is Not a Test (2026) ++++++++ "This Is Not a Test" (2025) က Courtney Summers ရဲ့ နာမည်ကြီး လူငယ်သည်းထိတ်ရင်ဖို ဝတ္ထုကို ပြန်ရိုက်ထားတာဖြစ်ပြီး၊ ပုံမှန် ဇွန်ဘီကားတွေနဲ့မတူဘဲ စိတ်ပိုင်းဆိုင်ရာ ခံစားချက်တွေကို ပိုဦးစားပေးထားတဲ့ ကားကောင်းတစ်ကားပါ။ ဇာတ်လိုက်က Sloane ဆိုတဲ့ ကောင်မလေးပါ။ သူ့ဘဝက တကယ်တော့ ဇွန်ဘီတွေ မလာခင်ကတည်းက အမှောင်ကျနေတာ။ အဖေဖြစ်သူရဲ့ နှိပ်စက်မှုကို ခံနေရသလို၊ အားကိုးရတဲ့ အစ်မဖြစ်သူကလည်း သူ့ကိုထားပြီး အိမ်ကနေ ထွက်သွားခဲ့ပါတယ်။ Sloane အတွက်တော့ သူ့ဘဝက ရှင်သန်ချင်စိတ်တောင် မရှိတော့တဲ့ အခြေအနေပေါ့။ တစ်နေ့တော့ သူတို့နေတဲ့ မြို့လေးမှာ ဇွန်ဘီကပ်ဆိုးကြီး စဖြစ်ပါလေရော။ ဒါပေမဲ့ ဒီကားထဲက ဇွန်ဘီတွေက ပုံမှန်ကားတွေလို ဖြည်းဖြည်းလျှောက်တာမဟုတ်ဘဲ "28 Days Later" ထဲကလို တအားမြန်ပြီး ကြောက်ဖို့ကောင်းတာ။ မြို့ထဲမှာ ပရမ်းပတာတွေ ဖြစ်ကုန်ချိန်မှာ Sloane က သူ့ကျောင်းနေဖက် ၅ ယောက်နဲ့အတူ သူတို့တက်ခဲ့တဲ့ Cortege High School ထဲမှာ သွားပုန်းနေခဲ့ကြပါတယ်။ သူတို့ ကျောင်းထဲမှာ ဘယ်လိုရှင်သန်မလဲလို့ ကြံစည်နေတုန်း၊ အရင်ကတည်းက သံသယဖြစ်စရာကောင်းတဲ့ သူတို့ရဲ့ ဆရာ Mr. Baxter ကို သေနတ်တစ်လက်နဲ့အတူ ကျောင်းထဲမှာ သွားတွေ့ကြတယ်။ အဲဒီမှာတင် "အပြင်က ဇွန်ဘီတွေက ပိုကြောက်ဖို့ကောင်းလား၊ အထဲက လူတွေက ပိုကြောက်ဖို့ကောင်းလား" ဆိုတဲ့ အားပြိုင်မှုတွေ စလာပါတော့တယ်။ ဒီကားရဲ့ ထူးခြားချက်က Sloane ရဲ့ စိတ်အခြေအနေပါ။ သူက သေချင်နေတဲ့သူဆိုတော့ ဇွန်ဘီတွေကြားမှာလည်း ဘာမှမကြောက်တော့ဘူး။ ဒါပေမဲ့ ကျောင်းထဲမှာ သူငယ်ချင်းတွေနဲ့ အတူတူ ဖြတ်သန်းရင်း၊ တစ်ယောက်ကိုတစ်ယောက် ကူညီရင်းနဲ့မှ "ငါ တကယ်ပဲ သေချင်တာလား၊ ဒါမှမဟုတ် ရှင်သန်ဖို့ အကြောင်းပြချက် တစ်ခုခုများ ရှိနေသေးလား" ဆိုတာကို ပြန်စဉ်းစားလာရတယ်။ ဒီကားက သွေးထွက်သံယိုတွေ၊ ဇိုမ်ဘီတွေကို ခေါင်းရိုက်ခွဲတာတွေ ပါသလိုပဲ၊ လူငယ်တွေရဲ့ စိတ်ဒဏ်ရာ (Trauma) နဲ့ ရှင်သန်လိုစိတ်အကြောင်းကို သေချာပုံဖော်ထားတာပါ။ ဇွန်ဘီကား ကြိုက်တဲ့သူတွေရော၊ Drama ကား ကြိုက်တဲ့ သူတွေအတွက်ပါ ကြည့်သင့်တဲ့ ကားတစ်ကား ဖြစ်ပါတယ်။ File Size… (969MB) / (650MB) Quality… WEB-DL 1080p HEVC /720p Format…mkv / mp4 Duration…1h 43m Genre ….Horror , Thriller Subtitle….Myanmar Subtitle (Hard Sub)

စူပါမန်းစီးရီး Smallville ကိုရိုက်ခဲ့တဲ့ ဒါရိုက်တာ Kevin Fair ရဲ့ Drama ကားကောင်းလေးပါ လက်တွေ့ဘဝမှာ ဖြစ်နိုင်တဲ့ toxic relationship ကို ထိထိမိမိ ပြထားပြီးအချစ်” နဲ့ စွဲလန်းမှု ကြားက မျဉ်းကို ပြထားတာ စိတ်ဝင်စားဖို့ကောင်းတဲ့ကောင်းလေးပါဇာတ်လမ်းက အတိတ်မှာ စိတ်ဒဏ်ရာတွေရှိပြီးဘဝကို အသစ်ပြန်စချင်တဲ့ မိန်းကလေးတစ်ယောက်နဲ့သူမကို ချစ်ခင်ပြုစုတဲ့ ယောက်ျားတစ်ယောက် တွေ့ဆုံရာက စတင်ပါတယ်။ အစပိုင်းမှာတော့သူက နားလည်ပေးတတ်တဲ့သူ ကာကွယ်ပေးတတ်တဲ့သူPerfect partner လိုပဲ ထင်ရပါတယ်ဒါပေမယ့် အချိန်ကြာလာတဲ့အခါသူ့ရဲ့ ချစ်ခြင်းက တဖြည်းဖြည်း ထိန်းချုပ်မှု ဖြစ်လာတယ်မိန်းကလေးရဲ့ လူမှုဘဝ၊ မိတ်ဆွေတွေကို ကန့်သတ်လာတယ်“အချစ်” ဆိုတဲ့ နာမည်နဲ့ အန္တရာယ်ဆန်တဲ့ အပြုအမူတွေ ပေါ်လာပါတယ် နောက်ပိုင်းမှာမိန်းကလေးကသူမ ချစ်မိထားတာဟာသူမကို ကာကွယ်နေတာလားဒါမှမဟုတ် ချုပ်ချယ်ထားတာလားဆိုတာကို သိလာရပါတယ်။ File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

Crimetime: Free fall (2024) IMDb Rating (5.9) / Rotten Tomatoes (99%) ဒီဇာတ်ကားလေးကတော့ 2024 ခုနှစ်ထဲမှာထွက်ရှိထားတဲ့ အမေရိကန် Drama Mystery ဇာတ်လမ်းအမျိုးအစားလေးဖြစ်ပါတယ်။ IMDb rating 5.9 ထိရထားပြီးတော့ မင်းသမီး Lyndie Greenwood အဓိကသရုပ်ဆောင်ထားပါတယ်။ ဟက်ဒ်လီ ဝါနာဟာ ဆယ်စုနှစ်တစ်ခုလောက် နာမည်ကြီးခဲ့တဲ့ ရုပ်သံလောကမှာ နာမည်ကြီးခဲ့တဲ့ စုံထောက်မင်းသမီးတစ်ယောက်ပါ။ သူဟာ “Crimetime” လို့ခေါ်တဲ့ နာမည်ကျော် မှုခင်းစီးရီးတစ်ခုမှာ သရုပ်ဆောင်ပြီးတဲ့နောက်မှာ အယ်လ်အေ(LA) မြို့ကနေ အေးချမ်းတဲ့ တောင်ပေါ်မြို့လေးဖြစ်တဲ့ ကော်လိုရာဒိုက မစ်စတစ်လေးကို မိသားစုနဲ့အတူ ပြောင်းလာခဲ့ပါတယ်။ တိတ်ဆိတ်အေးချမ်းတဲ့ ဘဝသစ်ကို စတင်ဖို့ ကြိုးစားနေချိန်မှာပဲ၊ သူမရဲ့ အိမ်နောက်ဖေး ခြံဝင်းထဲကို ရုတ်တရက် လူသေအလောင်းတစ်လောင်းက မိုးပေါ်ကနေ ပြုတ်ကျလာသလိုမျိုး ထူးဆန်းစွာ ရောက်လာပါတော့တယ်။ ဒီအဖြစ်အပျက်ကြောင့် ဟက်ဒ်လီဟာ ရုပ်သံထဲက အခန်းကဏ္ဍကနေ အပြင်ဘဝရဲ့ မှုခင်းလောကထဲကို ချက်ချင်းရောက်သွားပါတယ်။ သူရိုက်ခဲ့တဲ့ ဇာတ်ကားတွေမှာ သင်ယူလေ့လာခဲ့ရတဲ့ ရာဇဝတ်မှုပညာ၊ သရုပ်ဆောင်မှုအတွက် လေ့လာခဲ့တဲ့ ဇာတ်ကောင်လေ့လာမှု စတာတွေအပေါ် အခြေခံပြီး တကယ့်အပြင်က မှုခင်းတစ်ခုကို ဖြေရှင်းဖို့ ဆုံးဖြတ်လိုက်ပါတယ်။ ဟက်ဒ်လီတစ်ယောက် မှုခင်းအစိတ်အပိုင်းတစ်ခုချင်းစီ ရှာဖွေရင်းနောက်ဆုံးမှာ အမှုကိုဖြေရှင်းနိုင်သွားမလားဆိုတာကို စိတ်ဝင်စားဖွယ် စောင့်ကြည့်ရမယ့် ရုပ်ရှင်လေးတစ်ခု ဖြစ်ပါတယ်။ File size… (1.5 GB) / (660 MB) Quality…. WEB-DL 1080p HEVC / 720p Format…. mkv/mp4 Genre…. Drama, Mystery Duration…. 01:24:00 Subtitle…. Myanmar Subtitle (Hardsub)

Platonic (2023) အခု မေလ ၂၄ ရက်နေ့ကမှ Apple TV ကနေ စတင်ထုတ်လွှင့်ခဲ့တဲ့စီးရီးလေးတစ်ခုနဲ့ မိတ်ဆက်ပေးပါရစေ။ ရာဂမပါတဲ့ အဖြူထည် သံယောဇဉ်အချစ်မျိုးကို အင်္ဂလိပ်ဘာသာစကားမှာ "Platonic love" လို့ခေါ်ပါတယ်။ မြန်မာမှုပြုရင်တော့ "၅၂၈" ပါပေါ့။ ဆိုတော့ ခေါင်းစဉ်လေးအတိုင်းပါပဲ၊ ငယ်ငယ်က တရင်းတနှီး ပေါင်းခဲ့ကြတဲ့ Sylvia နဲ့ Will တို့ သူငယ်ချင်းနှစ်ယောက် လောကဓမ္မတာအတိုင်း အရွယ်ရောက်လာရင် ကြုံတွေ့ရလေ့ရှိတဲ့ ပြဿနာတွေထဲက တစ်ခုကြောင့် အဆက်အသွယ်ပြတ် ကွဲကွာသွားခဲ့ကြပါတယ်။ အိမ်ထောင်ကိုယ်စီနဲ့ နှစ်တွေအကြာကြီး နေလာခဲ့ပြီးမှ Will တစ်ယောက် ဘယ်လိုမှ အပေါက်အလမ်း မတည့်နိုင်တော့တဲ့အဆုံး ဇနီးဖြစ်သူနဲ့ ကွာရှင်းပြတ်စဲလိုက်ရတယ်။ ဒါကို Sylvia သိသွားတော့ ခင်ပွန်းဖြစ်သူကလည်း တိုက်တွန်းတာနဲ့ စိတ်ညစ်ညူးနေတဲ့ Will ကို ပြန်အဆက်အသွယ်လုပ်ပြီး နှစ်သိမ့်အားပေးဖို့ အကြောင်းဖန်လာပါတယ်။ ဒီလိုနဲ့ပဲ ဘုပြောဘေးထိုင် မတည့်အတူနေ သူငယ်ချင်းနှစ်ယောက် သက်လတ်ပိုင်းရောက်မှ ပြန်ဆုံဖြစ်ကြပြီး ထုံးစံအတိုင်း တလွဲဇာတ်တွေ စုံနေအောင်ခင်းပုံကို ကြည့်ကြရမှာပါ။ ပေါ့ပေါ့ပါးပါး ဘဝသရုပ်ဖော်ကိုမှ Comedy လေးပါ ရောထားပြီး ခေတ်ဆန်ဆန် တင်ဆက်ပေးထားတာမို့ ဇာတ်လေးကြီးတွေပဲကြည့်ပြီး အီဆိမ့်နေသူတွေအနေနဲ့ ကြည့်ရှုဖို့ သင့်တော်ပါတယ်။ လောလောဆယ် IMDb မှာ 6.8, Rotten Tomatoes မှာ 92% ရထားတဲ့အတွက် အနည်းဆုံး အဖွင့်မဆိုးဘူးလို့တော့ ပြောလို့ရပါတယ်။ စုစုပေါင်း ၁၀ ပိုင်း တင်ဆက်‌ေးသွားမှာပဲ ဖြစ်ပါတယ်။ အညွှန်း နဲ့ ဘာသာပြန်ကတော့ Hugo ပဲ ဖြစ်ပါတယ်။ Genre..... Comedy Quality…. 1080p File size… 500MB Format… mp4 Duration…. 42min Episodes....10 Eps Subtitle…. Myanmar Subtitle (Hardsub) Translator ..... Hugo Encoder ..... Aaron

IMDb Rating - 6.6/10 ဒီကားလေးက ခရစ်စမတ်ဒရာမာကားလေးပါပဲ။ သတင်းတင်ဆက်သူအဖြစ် အလုပ်ရနိုင်ဖို့ကြိုးစားနေတဲ့အေဗရီက ခရစ်စမတ်ကိုအကြောင်းပြုပြီးတော့ သူ့ရဲ့လုပ်နိုင်စွမ်းကိုရှာဖွေတွေ့ရှိသွားတဲ့ စွန့်စားခန်းတွေနဲ့ ကြည့်ရတဲ့ကားလေး ပါ။မိသားစုနဲ့အတူ ကြည့်ဖို့သင့်လျော်တဲ့ ဇာတ်ကားပါ။ အလုပ်တွေလုပ်နေကြပေမယ့် ဘဝမှာ ကိုယ်တကယ်လုပ်သင့်တာကဘာလဲ ဆိုတာကို ရှာဖွေဖို့လိုအပ်ပါတယ်။ ဘဝရဲ့အရေးကြီးတဲ့အရာတွေကို လုပ်ဆောင် နိုင်မှာသာ ကျွန်တော်တို့ဟာ ဘဝကို အဓိပ္ပါယ်ရှိရှိဖြတ်သန်းနိုင်ကြတယ်လို့ဆို ကြရမှာပါ။ ဒီဇာတ်လမ်းမှာလည်းကြည့်ရှုသူတွေအနေနဲ့ အဲဒါကိုတွေ့ကြရမှာ ပါ။ ဒီရုပ်ရှင်ကို ဒါရိုက်တာ Bradley Walsh က စီစဥ်ရိုက်ကူးခဲ့ခြင်းဖြစ်ပြီး IMDb rating 6.6 ရရှိထားပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thy Santa ဖြစ်ပါတယ်) File Size..........(1.43 GB) / (570 MB) Quality............WEB-DL 1080p / 720p Duration.........1Hr 24Min Subtitle...........Myanmar Hardsub Format............MP4 Genre..............Romance Translator.......Thy Santa Encoder..........SWM

ဘော်ဘီဟာ ဂေးအသိုင်းအဝိုင်းမှာ သြဇာရှိပြီး လူအများ စံပြထားကြတဲ့သူတစ်ယောက်ပါ။ ဂေးတွေနဲ့ပတ်သက်တဲ့ အသံလွှင့်အစီအစဉ်တစ်ခုကိုလည်း လုပ်ကိုင်နေတယ်။ သူကိုယ်တိုင်ကတော့ အတည်တကျ ချစ်သူထားဖို့ စိတ်မကူးဘဲ Grindr ကနေ တွေ့တဲ့အမျိုးသားတွေနဲ့ ခဏတာ ဆက်ဆံရေးတွေပဲ ထားပြီး တစ်ကိုယ်တည်း နေလာခဲ့ပါတယ်။ တစ်နေ့ ဂေးပါတီတစ်ခုမှာ ဘော်ဘီနဲ့ အယ်ရွန်တို့ တွေ့ဆုံကြတယ်။ အယ်ရွန်က သေတမ်းစာရှေ့နေတစ်ယောက်ဖြစ်ပြီး ကိုယ့်အလုပ်ကို ငြီးငွေ့နေသူပါ။ သူလည်း ဘော်ဘီလိုပဲ အတည်တကျ ဆက်ဆံရေးတစ်ခု မလိုချင်ဘူး။ ဒါကြောင့် အစမှာ အပျော်သဘောပဲ တွဲခဲ့ကြပေမယ့် နောက်ပိုင်းမှာတော့ တစ်ယောက်ကိုတစ်ယောက် တကယ်ချစ်လာကြပါတယ်။ ကြီးပြင်းခဲ့တဲ့ အသိုင်းအဝိုင်းတွေ မတူကြတော့ နှစ်ယောက်ကြားမှာ အဖုအထစ်တွေ ပေါ်လာပြီး ညှိနှိုင်းကြရတယ်။ အဲဒီအခက်အခဲတွေကို အတူရင်ဆိုင်နိုင်မလား၊ လမ်းခွဲဖြစ်သွားမလားဆိုတာကို ဟာသနှောပြီး ပြထားပါတယ်။ LGBTQ အသိုင်းအဝိုင်း၊ အထူးသဖြင့် ဂေးတွေရဲ့ နေထိုင်မှုနဲ့ အပြောအဆိုတွေကို ပွင့်ပွင့်လင်းလင်း တင်ပြထားပြီး လိင်အသားပေးအခန်းတွေ များတာကြောင့် မိသားစုနဲ့အတူ ကြည့်ဖို့တော့ မသင့်တော်ပါဘူး။

အခုတစ်ခေါက်တင်ဆက်ပေးမှာကတော့ January 2 ရက်နေ့မှပူပူနွေးနွေးထွက်ရှိထားတဲ့ Taking a Shot at Love ရုပ်ရှင်လေးပဲဖြစ်ပါတယ် ဇာတ်လမ်းလေးကိုတော့ ဒီလိုလေးနဲ့အစပြုထားပါတယ် ရေခဲပြင်ဟော်ကီကစားသမားဖြစ်တဲ့ ရိုင်ယန်ကုဖ့်ပါဟာ ရေခဲပြင်ဟော်ကီမှာတော့ နာမည်ကြီးတဲ့အကျော်အမော်ကစားသမားတစ်ဦးပါ ရိုင်ယန်လိုအားကစားသမားတစ်ဦးအတွက် ထိခိုက်ဒဏ်ရာရတယ်ဆိုတာ တွေးတောင်မတွေးဝံ့တဲ့ အိပ်မက်ဆိုးတစ်ရပ်ပဲဖြစ်ပါတယ် ဒါပေမယ့်ကံကြမ္မာဟာ ရိုင်ယန်အပေါ်မျက်နှာသာမပေးခဲ့ပါဘူး တစ်နေ့ ရိုင်ယန်တစ်ယောက် ဟော်ကီကစားရင်း ခြေချင်းဝတ်ကိုထိခိုက်မိခဲ့ရာမှ သူအနှစ်သက်ဆုံးဟော်ကီကစားနည်းကိုလက်လွှတ်ရမလို ဖြစ်ခဲ့ရပါတယ် ဒီလိုနဲ့ခြေချင်းဝတ်ဒဏ်ရာရတဲ့ရိုင်ယန်တစ်ယောက် သူရဲ့ညီဝမ်းကွဲဖြစ်တဲ့တယ်ရီနဲ့ဆက်စပ်မိပြီး အေဗွန်မြို့မှ ဘဲလေးဆရာမဂျန်နာထံမှာ ခြေချင်းဝတ်ဒဏ်ရာကုသရန် အကြောင်းဖန်လာပါတော့တယ် ဂျန်နာဆိုသူမှာလည်း ရိုင်ယန်ကုဖ့်ပါလိုမျိုး ခြေချင်းဝတ်ဒဏ်ရာကြောင့် သူမရဲ့ပရော်ဖက်ရှင်နယ်ဘဲလေးကချေသည်ဘဝကို လက်လွှတ်ခဲ့ရသူပါ ဒါပေမယ့်သူမဟာ သူမတတ်ကျွမ်းတဲ့ဘဲလေးအကကိုသုံးပြီး ခြေချင်းဝတ်ဒဏ်ရာကို ပျောက်ကင်းအောင်စွမ်းဆောင်နိုင်ခဲ့ပါတယ် ကုထုံးတွေအများကြီးရှိတဲ့အထဲမှာ ဘဲလေးအကကုထုံးကိုသုံးပြီး ကုသပေးတာဆို​တော့ အတော်လေးစိတ်ဝင်စားဖို့ကောင်းပါတယ် ဒီလိုနဲ့ဂျန်နာတစ်ယောက် ဘဲလေးကုထုံးကိုသုံးပြီး ရိုင်ယန်ကိုဘယ်လိုတွေကုသပေးမလဲ..... နှစ်ဦးကြားမှာလည်း ဘယ်လိုသံယောဇဥ်ကြိုးလေးတွေ ရစ်နှောင်သွားမလဲဆိုတာတွေကို စောင့်မျှော်ကြည့်ရှုလိုက်ရအောင်ရှင် ရိုင်ယန်အနေနဲ့ မင်းသား Luke Macfarlaneကပါဝင်သရုပ်ဆောင်ထားပြီး မင်းသမီးချော Alexa Penavega က ဂျန်နာအဖြစ် ပါဝင်အားဖြည့်သရုပ်​ဆောင်ထားပါတယ် Rating အနေနဲ့ကလည်း 7.4/10ရရှိထားတော့ အားလုံးသဘောတွေ့မယ့် romantic movie လေးဖြစ်မယ်လို့ မျှော်လင့်မိပါတယ် အညွှန်းနှင့်ဘာသာပြန်ဆိုသူ Emily ဖြစ်ပါတယ် Translated and Reviewed by : Shwe Pwint Pyae Sone Encoded by : YK  Quality: 1080p HDTV and  720p File Size : 1.5GB and  763MB Duration : 1h 24min Subtitles : Myanmar (Hardsub)

ရိုမန်တစ်ခရစ္စမတ်ရာသီဆိုတော့ ဒီတစ်ခါလည်း ရိုမန်တစ် ခရစ္စမတ်ကားလေးနဲ့ မိတ်ဆက်ပေးပါရစေ ဒီရိုမန်တစ်ဇာတ်လမ်းလေးကတော့ ဂေးနှစ်ယောက်ကြားက အချစ်ဇာတ်လမ်းလေးပါ ဇာတ်လမ်းအကျဉ်းကတော့ ဒီလိုပါ ပီတာက သူ့ဇာတိ နယူးဟမ့်ရှိုင်းယားနယ်လေးကနေ အယ်လ်အေမှာ အခြေချခဲ့တာ ကိုးနှစ်ကြာခဲ့ပါပြီ အယ်လ်အေမြို့ကြီးမှာတော့ အရမ်းချော အရမ်းခန့် အရမ်းသန့်တဲ့ ကောင်လေးတွေကို ဘူဖေးလိုပဲ ရိုက်သတ်လို့မကုန်နိုင်အောင် အများကြီးတွေ့ခဲ့ရပါတယ်တဲ့ ဒါပေမယ့် ပီတာတစ်ယောက်ကတော့ အချစ်ကံခေသူပဲ ဆိုရမလား တွဲသမျှလူတိုင်းနဲ့ လပိုင်းလောက်ပဲခံပြီး ပြတ်သွားကြတာချည်းပါပဲ မိသားစုကလည်း ခရစ္စမတ် အိမ်ပြန်လာတိုင်း ဆင်ဂယ်ဖြစ်နေတဲ့သူ့ကို မြန်မြန် လက်တွဲဖော်ရှာဖို့ အမြဲတဖွဖွနဲ့ပေါ့နော် အဲဒီလို နားပူနားဆာလုပ်တာတွေ မခံနိုင်တော့တဲ့ ပီတာတစ်ယောက် ဒီနှစ်ခရစ္စမတ် အိမ်ပြန်တဲ့အခါမှာတော့ သူ့အခင်ဆုံးသူငယ်ချင်းနစ်ခ်ကို ရည်းစားဟန်ဆောင်ခိုင်းမယ်ဆိုတဲ့ အကြံအစည်ကြီးနဲ့ နှစ်ယောက်သား နယူးဟမ့်ရှိုင်းယားဇာတိမြို့‌လေးကို ထွက်လာခဲ့ကြလေ‌ရဲ့ ပီတာတစ်ယောက် ဇာတ်လမ်းနာမည်အတိုင်း single all the way ပဲ ဆက်သွားမလားဆိုတာတော့ ကြည့်ရှုလိုက်ကြပါဦး File size…(1.6 GB) / (900 Mb) / (500 Mb) Quality….Webrip 1080p / 720p / 480p Format…mp4 Duration….01:39:00 Genre...Comedy, Drama, Romance Subtitle….Myanmar Subtitle (Hardsub) Encoder….Mr. Anderson Translated by MTA

Kinsey ကတော့ ၂၀၀၄ ခုနှစ်မှာထွက်ရှိထားတဲ့ Alfred Charles Kinsey အကြောင်းရိုက်ထားတဲ့ အတ္ထုပ္ပတ္တိရုပ်ရှင်ပဲဖြစ်ပါတယ်။ အတ္ထုပ္ပတ္တိရုပ်ရှင် ဖြစ်တဲ့အတွက် ဒေါက်တာ kinsey ရဲ့အကြောင်းကိုပဲ သေချာ မီးမောင်းထိုးပြီး ရိုက်ပြထားတာမျိုးဖြစ်ပါတယ်။ အတ္ထုပ္ပတ္တိဆိုပေမဲ့ ပျင်းစရာကောင်းတဲ့ရုပ်ရှင်မျိုး မဟုတ်ပဲ စိတ်ဝင်စားစရာကောင်းကောင်းနဲ့ ကြည့်ရမှာပါ Kinsey ကတော့ ၂၀ ရာစုအလယ်ပိုင်းလောက်က အမေရိကန်လူမျိူးတွေရဲ့ လိင်မှုကိစ္စတွေနဲ့ လိင်ပိုင်းဆိုင်ရာ အချက်အလက်တွေကို စမ်းသပ်နေတဲ့ ဇီဝဗေဒသုတေသနပညာရှင်တစ်ယောက်ပါ။ ဒီဇာတ်ကားမှာဆိုရင် kinsey ရဲ့အံ့ဩလောက်စရာ သုတေသနစာတမ်းတွေ စစ်တမ်းကောက်ယူချက်တွေ သူရုန်းကန်ခဲ့တာတွေ လူထုရဲ့အမြင်တွေနဲ့ အခက်အခဲတွေ နဲ့ကြုံလာရချိန်မှာ kinsey တစ်ယောက်ဘာတွေဆက်လုပ်မလဲ ဘယ်လိုတွေဖြစ်သွားမလဲဆိုတာကို ကြည့်ရမှာပါ လိင်ကိစ္စတွေမှာ သိပ်ပြီးပွင့်လင်းမြင်သာမှု မရှိသေးတဲ့ရာစုနှစ်တွေမှာ လူတွေရဲ့ လိင်ပိုင်းဆိုင်ရာအသိဉာဏ် နည်းပါးတဲ့အတွက်ကြောင့် ဆက်ဆံပုံတွေမှာ ပုံသေတစ်ခုထဲသတ်မှတ်ထားတာမျိုးတွေက အဆင်မပြေနိုင်ပုံတွေ စိတ်ကျေနပ်မှုရအောင် ဘယ်လိုမျိုးတွေရှိသင့်တယ်ဆိုတောတွေကို ဒေါက်တာ kinsey ကစစ်တမ်းတွေ ကောက်ယူပြီး သူ့ရဲ့စာအုပ်တွေထုတ်နိုင်ဖို့အတွက် ကြိုးစားနေတာတွေကိုတွေ့ရမှာပါ။ ပွင့်လင်းမြင်သာမှုမရှိတဲ့အတွက်ကြောင့်မို့ လိင်ကိစ္စကိုအဲ့လိုမျိုးပြောနေတဲ့ kinsey ကိုလူတွေရဲ့ အထင်အမြင်တွေစောင်းလာချိန်မှာရော ဘယ်လိုတွေဆက်ဖြစ်မလဲဆိုတာ စိတ်ဝင်စားဖွယ်ဆက်ကြည့် ရမှာပါ File size…(2 GB)/(1 GB) Quality….Webrip 1080p / 720p Format…mp4 Duration….01:58:00 Genre... Drama  Subtitle….Myanmar Subtitle (Hardsub) Encoder….Mr. Anderson Translated by Kaung Myat