Madison MacIsaac ပါဝင်သော ဇာတ်ကားများ

My Secret Santa (2025) ဒီရုပ်ရှင်ကတော့ Netflix ကနေ ဒီဇင်ဘာလ (၃) ရက်နေ့မှာ ထွက်ရှိထားတဲ့ Christmas Romantic Comedy (ခရစ္စမတ် အချစ်ဟာသ) ဇာတ်ကားလေး ဖြစ်ပါတယ်။ နာမည်ကြီး "Virgin River" မင်းသမီး Alexandra Breckenridge နဲ့ "New Amsterdam" မင်းသား Ryan Eggold တို့ အဓိက ပါဝင်ထားကြပါတယ်။ ဇာတ်လမ်းအကျဉ်းချုပ် ဇာတ်လမ်းက တေလာ (Taylor) လို့ခေါ်တဲ့ Single Mom (မိခင်တစ်ကိုယ်တော်) တစ်ယောက်အကြောင်းက စပါတယ်။ တေလာဟာ အလုပ်ပြုတ်သွားတဲ့အချိန်မှာပဲ၊ သူ့ရဲ့ ဆယ်ကျော်သက်သမီးလေးက ဈေးကြီးတဲ့ နှင်းလျှောစီး သင်တန်းကျောင်း (Snowboarding Camp) တစ်ခုကို တက်ဖို့ ရွေးချယ်ခံလိုက်ရပါတယ်။ သမီးဖြစ်သူရဲ့ အိပ်မက်ကို အကောင်အထည်ဖော်ပေးချင်တဲ့ တေလာဟာ ပိုက်ဆံမတတ်နိုင်ပေမဲ့၊ အဲဒီ သင်တန်းကျောင်းရှိတဲ့ Sun Peaks နှင်းလျှောစီးစခန်း (Resort) မှာ ဝန်ထမ်းလုပ်ရင် သင်တန်းကြေး ၅၀% လျှော့ဈေး ရမယ်ဆိုတာ သိသွားပါတယ်။ ပြဿနာက အဲဒီအချိန်မှာ ဝန်ထမ်းနေရာ လွတ်နေတာဆိုလို့ ဆန်တာကလော့စ် (Santa Claus) နေရာတစ်ခုပဲ ရှိနေတာပါ။ အမျိုးသမီးဖြစ်နေတဲ့ တေလာဟာ မထူးဇာတ်ခင်းပြီး သူ့မောင်လေးရဲ့ အကူအညီနဲ့ မိတ်ကပ်တွေ၊ ဝတ်စုံတွေဝတ်၊ အသံကို ပြုပြင်ပြီး "Hugh Mann" (ဟူးမန်း) လို့ခေါ်တဲ့ အဘိုးကြီး ဆန်တာကလော့စ်အဖြစ် ရုပ်ဖျက်ပြီး အလုပ်ဝင်လိုက်ပါတော့တယ်။ တေလာရဲ့ ပုံမှန်ဘဝမှာလည်း မက်သရူးနဲ့ တွေ့ဆုံပြီး အချစ်ဇာတ်လမ်း ဖြစ်ပေါ်လာတဲ့အခါ၊ သူဟာ ဆန်တာအဖြစ် ဟန်ဆောင်ထားတဲ့ လျှို့ဝှက်ချက် ပေါက်ကြားမှာကို စိုးရိမ်ရင်း ဗျာများရပါတော့တယ်။ ဒါ့အပြင် မက်သရူးရဲ့ ပြိုင်ဘက်ဖြစ်တဲ့ နတာရှာ (Natasha) ကလည်း တေလာရဲ့ လျှို့ဝှက်ချက်ကို ဖော်ထုတ်ဖို့ ကြိုးစားနေတာကြောင့် ပိုပြီး ပြသာနာတွေရှုပ်လာပါတယ်။ အနှစ်ချုပ်ကတော့ သမီးအတွက် ယောကျ်ားကြီးအဖြစ် ရုပ်ဖျက်ထားရတဲ့ မိခင်တစ်ဦး နဲ့ သူ့ရဲ့ သူဌေးကြားက ရယ်စရာ၊ ချစ်စရာကောင်းတဲ့ ခရစ္စမတ် အချစ်ဇာတ်လမ်းလေးပဲ ဖြစ်ပါတယ်။ File size… (6 GB) / (2.4 GB) / (1 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Comedy, Romance Duration…. 01:32:56 Subtitle…. Myanmar Subtitle (Hardsub)

IMDb Rating (6.7) / Rotten Tomatoes (78%) ၂၀၂၁ က ရှယ်ကြမ်းခဲ့ပြီး Box Office မှာလည်း တော်တော်ဝင်ငွေကောင်းခဲ့တဲ့ Nobody ကတော့ ယခု ( 2 ) ထပ်မံထွက်ရှိလို့ လာပါပြီ..... ပထမရုပ်ရှင်တုန်းကတော့ ဂျွန်ဝစ်ထက် ကောင်းတယ်လို့တောင် ယူဆတဲ့သူတွေရှိခဲ့ပါတယ်။ သာမန်ရိုးရိုးအေးအေး အိမ်ထောင်ရှင်တစ်ယောက်က တစ်လောကလုံးက ကြောက်ရတဲ့ အေးဂျင့်ဟောင်းကြီး ဖြစ်နေပြီး မာဖီးယားတွေကို ကျုံးတဲ့ဇာတ်လမ်းမျိုးပါ။ ပထမရုပ်ရှင်မှာ သူ့လက်က တက်တူးကိုမြင်ပြီး ကြောက်သွားကြတဲ့အခန်းတစ်ခန်းကိုလည်းတွေ့မှာပါ အဲဒီတက်တူးကတော့ စပိတ်-၇ ဖဲ နဲ့ ထောင့်-၂ ဖဲ ပုံပဲဖြစ်ပါတယ်။ အဲဒီဖဲနှစ်ချပ်ကို လူသေလက်လို့ ခေါ်ပါတယ်။ ပိုကာမှာ အညံ့ဆုံးဖဲနှစ်ချပ်ပါပဲ။ မဖြစ်နိုင်တဲ့ အသေခံစစ်ဆင်ရေးတွေကို လုပ်တဲ့လူတွေကို ထိုးပေးတဲ့ တက်တူးမျိုးပါ။ ဒါကြောင့် ဟက်ချ်ရဲ့အတိတ်ကို အကျယ်မပြပေမဲ့ ဒီတက်တူးနဲ့တင် စစ်ဆင်ရေးတွေအများကြီးမှာ အသေအကြေကျုံးခဲ့ဖူးသူမှန်းသိသာနေတာပါ။ အခု ဒုတိယရုပ်ရှင်မှာတော့ သူ့မိသားစုက သူ့အကြောင်းကို သိနေပါပြီ။ ဒါပေမဲ့ အလုပ်နဲ့ မိသားစုကို သူ သပ်သပ်ခွဲပြီးနေနေတုန်းပါပဲ။ ဒီလိုနဲ့ နွေရာသီ ပိတ်ရက်မှာ မိသားစုလိုက် အေးဆေး အမှတ်တရခရီးထွက်မယ်ဆိုပြီး မြို့လေးတစ်မြို့ကို ထွက်လာခဲ့ပါတယ်။ ဖြစ်ချင်တော့ တစ်မြို့လုံးကို နောက်ထပ် ရာဇဝတ်ဂိုဏ်းကြီးတစ်ခုက ဦးစီးနေတာဖြစ်ပြီး ပြဿနာတွေမတော်တဆကြုံရတယ်အခါ စစ်ပြန်အဖေ နဲ့ အထူးအေးဂျင့်ဟောင်း သားအဖတို့ တစ်မြို့လုံးနဲ့ တစ်ယောက် ထပ်ကျုံးရပါတော့တယ်။ File Size… (4.13GB )/(1.31GB) / (795MB) Quality… WEB-DL 4K HEVC / 1080p HEVC /720p Format…mkv / mp4 Duration…1h 29m Genre ….Action , Comedy , Crime , Thriller Subtitle….Myanmar Subtitle (Hard Sub)

နှစ်အကြာကြီးနေမှ ကျောင်းတုန်းက crush ကြီးကို အရှင်လတ်လတ်ပြန်တွေ့ရရင် ဘယ်လိုခံစားရမယ် ထင်ပါသလဲ။ နှစ်ဖက်လုံးက လူပျိုလူလွတ်အခြေအနေနဲ့ဆိုရင် ပေါ့။ ဒီဇာတ်လမ်းလေးကတော့ ခရစ္စမတ်ပိတ်ရက် မွေးရပ်မြေကိုပြန်လာတဲ့ အချစ် ဆုံးသူငယ်ချင်းမနှစ်ယောက် ၁၇ နှစ်ကြာမှ ကျောင်းတုန်းက crush နဲ့ ပြန်ဆုံရပုံ၊ သူတို့တွေရဲ့ လူမှုရေး၊ အချစ်ရေးကိစ္စတွေကို ခရစ္စမတ်အငွေ့အသက်လေးနဲ့ ခပ်မြူး မြူး‌လေးပုံဖော်ထားတာ ဖြစ်ပါတယ်။ ဇာတ်လမ်းအကျဉ်းကတော့ - နေအိုမီနဲ့လစ်ဇ်ဟာ အထက်တန်းကတည်းက အရမ်းချစ်ကြတဲ့ သူငယ်ချင်းတွေပါ။ ၃၅ နှစ်အရွယ်တန်းကို ရောက်လာတဲ့အထိ အတူအလုပ်လုပ်ရင်း single ဘ၀နဲ့ နေလာ ကြသူတွေပေါ့။ ခရစ္စမတ်ပိတ်ရက်ရှည်မှာတော့ သူတို‌ဇာတိမြေကိုပြန်လာခဲ့ကြပါတယ်။ အဲဒီမြေကို စရောက်ပါပြီဆိုကတည်းက အရင်ဆုံးကြုံတွေ့ရသူဟာ သူတိုနှစ်ယောက် လုံးရဲ့ အထက်တန်းကျောင်းက crush ကြီး ခရစ်ဆေးလ်ဗားပါပဲ။ ခရစ်ကောင်းမှုနဲ့ တခြား အတန်းဖော်ဟောင်းတွေနဲ့ပါ ပြန်ဆုံရပြီး ခရစ်နဲ့လည်း အရင်ထက်ပိုရင်းနှီးလာကြပါတယ်။ နေအိုမီနဲ့လစ်ဇ်ဟာ အိမ်ကမိသားစုပြဿနာတွေ အလုပ်ကိစ္စတွေဖြေရှင်းရင်းကပဲ ခရစ်နဲ့ သုံးပွင့်ဆိုင်ဆန်ဆန် အချစ်ဇာတ်‌လမ်းလေးစတင်ပါတော့တယ်။ ဒီလိုနဲ့ ဘယ်သူက ခရစ်ရဲ့နှလုံးသားကိုပိုင်ဆိုင်ရမလဲ၊ အချင်းချင်းအမြဲအနစ်နာခံလေ့ရှိတဲ့ နေအိုမီနဲ့လစ်ဇ်ရဲ့ သူငယ်ချင်းသံယောဇဉ်ကရော ဘယ်လိုတွေအစမ်းသပ်ခံရမလဲ၊ နောက်ဆုံး မှာ happy ending ဖြစ်နိုင်ပါ့မလားဆိုတာကို ရယ်မောပြုံးရွှင်ရင်း ကြည်ကြည်နူးနူး ကြည့် ကြရမှာဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ C'mon ဖြစ်ပါတယ်) File Size..........(1.9 GB) / (659 MB) Quality............WEB-DL 1080p / 720p Duration.........1Hr 24Min Subtitle...........Myanmar Hardsub Format............MP4 Genre..............Comedy, Romance Translator.......C'mon Encoder..........SWM

ကြောက်စရာသရဲဂိမ်းတွေကို ဆော့ပြပြီး ကြည့်ရှုသူတွေအားပေးထောက်ခံမှုကို အတော်ထားရတဲ့ အထက်တန်းကျောင်းပြီးခါစသူငယ်ချင်းငါးယောက်ဟာ သူတို့ရဲ့ ရည်မှန်းချက်ဖြစ်တဲ့ ဒီရှိုးကို အသက်မွေးဝမ်းအကြောင်းတစ်ခုအနေနဲ့ လုပ်ဖို့ရည်ရွယ်ထားကြတယ်။ ငါးယောက်ထဲမှာ ကယ်ဗင်က စပွန်ဆာရအောင်ရှာဖွေရပြီး ခရစ်၊မက်တီနဲ့ ကလိုဝီတို့ကတော့ လူတွေစိတ်ဝင်စားလာအောင် သရဲဂိမ်းတွေ ကိုဆော့ပြရတယ်။ နောက်ဆုံးတစ်ယောက်ဖြစ်တဲ့ အစ်ဇီကတော့ တည်းဖြတ်ရေးပိုင်းကို တာဝန်ယူရတယ်။ တစ်နေ့ သူတို့ကုမ္ပဏီကိုအထက်တန်းကျောင်းတက်လက်စ ကျောင်းသားတစ်ယောက်က volunteer အနေနဲ့ကူညီပေးဖို့ရောက်လာတယ်။တစ်ဖွဲ့လုံးက အပိုင်းသစ်ရိုက်ကူးဖို့အတွက် အကြံကုန်နေကြတဲ့အတွက် လူသစ်လေး Elevator Game ကိုကစားလို့ရကြောင်း ပြောလာတယ်။ အရင်က ခရစ်က ဒီဂိမ်းအကြောင်းကိုပြောခဲ့ပေမယ့် ကြည့်ရှုသူတွေ ပျင်းမှာစိုးလို့ မလုပ်ချင်ကြောင်းပြောပြတယ်။ ဒါပေမဲ့ ရှေ့အပိုင်းမှာ စပွန်ဆာ product ကို သေချာရိုက်မပြခဲ့တဲ့အတွက် စပွန်ဆာ ကုမ္ပဏီကတင်းပြီးတော့ တစ်ပတ်အတွင်း အပိုင်းသစ်လုပ်ခိုင်းတယ်။ မလုပ်နိုင်ရင် ငွေကြေးမထောက်ပံ့တော့ဘူးဆိုပြီး ပြောလာတဲ့ အတွက် လူသစ်လေးရဲ့အကြံအတိုင်းလုပ်ဖို့ဆုံးဖြတ်ခဲ့ကြတယ်။ Elevator Game ဟာ အွန်လိုင်းပေါ်မှာနာမည်ကြီး ဆော့တဲ့သူတွေဟာ ဂိမ်းဆော့နေရင်းနဲ့ပျောက်သွားကြောင်း ကလိုဝီတို့အဖွဲ့သိလိုက်ကြတယ်။ သရဲကားတို့ထုံစံအတိုင်း Elevator Game ရဲ့ သံမဏိစည်းမျဉ်းကို ကလိုဝီတို့အဖွဲ့ချိုးဖောက်လိုက်တဲ့အခါမှာတော့........ File size…1.05 GB / 624 MB Quality…WEB-DL 1080p 5.1 CH/ 720p Format…mp4 Duration….1h 34m Genre ….. Horror Subtitle….Myanmar Subtitle (Hard Sub) Encoder….Min Wai Translated by Tin Myo Lwin

Abby တို့ကျောင်းက Cheerleader အဖွဲ့ဟာ အနှိမ်ခံနေရတဲ့အဖွဲ့ပါ။ လွန်ခဲ့တဲ့ နှစ်နှစ်ဆယ်လောက်က ပြိုင်ပွဲတစ်ခုမှာ Cheerleader တစ်ယောက် သေဆုံးခဲ့ပြီးနောက် သူတို့အဖွဲ့ကို စတန့်ကွက်တွေ လုပ်ခွင့်မပေးတော့သလို ဘယ်ပွဲမှာမှလည်း ပါဝင်ခွင့် မပေးတော့ပါဘူး။ ဒါပေမဲ့ Abby တို့က လာမယ့် ပြည်နယ်ပေါင်းစုံပြိုင်ပွဲမှာ ဝင်ပြိုင်ချင်ကြတယ်။ အဲဒါကြောင့် လူမသိတဲ့ ကျောင်းဟောင်းတစ်ခုဆီ သွားပြီး ခိုးလေ့ကျင့်ကြပါတယ်။ သူတို့ရောက်သွားတဲ့ညက Halloween ည ဖြစ်နေပြီး အဲဒီမှာ သူတို့ကို လိုက်သတ်မယ့် လူသတ်သမား ရှိနေတယ်။ လေ့ကျင့်ဖို့လာတဲ့အဖွဲ့ဟာ ဘာအလွဲတွေ ကြုံရဦးမလဲ၊ လူသတ်သမားလက်ကနေ လွတ်အောင် ရှောင်နိုင်ပါ့မလား။