Mako ပါဝင်သော ဇာတ်ကားများ

၁၉၆၈နောက်ပိုင်း Bpအော်စကာရတဲ့ တစ်ကားတည်းသော မြူဇစ်ကယ်ကားဖြစ်ခဲ့တဲ့ Chicagoကို ရိုက်ခဲ့တဲ့ Rob Marshallက ချီကာဂိုအပြီးမှာ Arthur Goldenရေးတဲ့ Memoirs of a Geishaဝတ္တုကို ရိုက်ခဲ့တယ်။ ဂျပန်ဂေးရှားမယ်တွေအကြောင်းကို အမေရိကန်စာရေးဆရာက ရေးထားတာကို အမေရိကန်ဒါရိုက်တာက ရိုက်ထားတဲ့ ရုပ်ရှင်ပေါ့။ စားတာက ဒါတင်ပဲမဟုတ်ဘူး။ ဂေးရှားဇာတ်ဆိုတော့ မင်းသမီးက အဓိကဆိုတာ သိသာနေပြီ ဒါကို သုံးထားတဲ့ အဓိက မင်းသမီးသုံးယောက်စလုံးက တရုတ်မင်းသမီးတွေဖြစ်နေတယ်။ Steven Spielbergကတော့ ပရိုဂျူဆာလုပ်ထားပေးတယ်။ အော်စကာ ခြောက်ဆုဆန်ခါတင်ဝင်ခဲ့ပြီး Best Art Direction, Best Cinematography, Best Costume Design ၃ဆုကိုတော့ ရခဲ့တယ်။ ၁၉၂၉မှာ ချိရိုဆိုတဲ့ကောင်မလေး ဂေးရှားဂေဟာကို အရောင်းခံလိုက်ရတာကနေ စပြီး ဇာတ်အိမ်တည်ထားတယ်။ သူ့အစ်မရော သူရော နှစ်ယောက်စလုံးမတူတဲ့ဂေဟာတွေကို အရောင်းခံလိုက်ရတယ်။ ဂေးရှားအဖြစ် ပုံသွင်းခံခဲ့ရတယ်။ နည်းနည်းကြာတော့ သူ့အစ်မနဲ့သူပြန်တွေ့ပြီး ထွက်ပြေးဖို့လုပ်တယ်။ ထွက်ပြေးဖို့လုပ်ရာကနေ မိသွားပြီး သူ့အစ်မနဲ့ တစ်သက်လုံးကွဲသွားခဲ့တယ်။ ဂေဟာကလည်း သူ့ကို ဂေးရှားမယ်အဖြစ် လက်မခံတော့ဘဲ အိမ်စေအဖြစ်သာ အကြွေးမကျေမချင်းခိုင်းဖို့လုပ်ထားခဲ့တယ်။ တစ်နေ့မှာ သူ့ကံကြမ္မာအလှည့်အပြောင်းဖြစ်လာရာကနေ ကျွန်အဖြစ်ကနေ ဂေးရှားဖြစ်ဖို့လမ်းစပွင့်လာပြီး သူဖြတ်သန်းခဲ့ရတဲ့ ဂေးရှားဘဝ, သူဖြတ်သန်းခဲ့ရတဲ့ခေတ်နဲ့ သူမြိုသိပ်ခဲ့ရတဲ့အချစ်ကို ပြထားခဲ့တယ်။ ဒီရုပ်ရှင်မှာ နာမည်ကျော်ဂေးရှားသုံးယောက်အဖြစ်သရုပ်ဆောင်ထားတဲ့ မင်းသမီးသုံးယောက်စလုံးက ဒိတ်ဒိတ်ကြဲတရုတ်မင်းသမီးတွေချည်းပဲ။ ကျန်းကျိရီ, ဂေါင်လီ နောက် မစ်ချဲလ်ယိုကလည်း ဟောင်ကောင်ကားတွေချည်း ရိုက်ခဲ့တာဆိုတော့ တရုတ်မင်းသမီးလို့ပဲပြောရမှာပဲ။ ဒိတ်ဒိတ်ကြဲဆိုတာထက် အဲဒီခေတ်ရဲ့ထိပ်ဆုံး၃ယောက်လို့တောင် ပြောလို့ရတယ်။ မင်းသားတွေကလည်း ဟောလိဝုဒ်မှာ တော်တော်ပေါက်ရောက်တဲ့ ဂျပန်မင်းသား Ken Watanabe နဲ့ စရိုက်ကတည်းက ကားအလန်းစားတွေချည်းပဲရိုက်ခဲ့သလို လက်ရှိမှာလည်း ဂျပန်ရဲ့အကောင်းဆုံးသရုပ်ဆောင်ဖြစ်နေသေးတဲ့ Kōji Yakushoတို့ကိုသုံးထားတယ်။ စတားပါဝါကတော့ အာရှတစ်ခွင် ရိုက်သတ်လို့ရပေမဲ့ တရုတ်မှာအပိတ်ခံခဲ့ရပြီး ဂျပန်မှာတော့ အဆဲခံခဲ့ရတယ်။ တရုတ်ကတော့ တရုတ်မင်းသမီးတွေက ဂျပန်ဂေးရှားအဖြစ်သွားသရုပ်ဆောင်လို့ရော လိင်မှုအသားပေးခန်းတွေကြောင့်ရောပိတ်ခဲ့တာပေမဲ့ ဂျပန်ကတော့ ဂေးရှားတွေကို သေချာနားမလည်ဘဲ ပုံဖော်ထားလို့ ဝေဖန်ခဲ့တယ်။ ပထမတစ်ချက်အနေနဲ့တော့ တရုတ်မင်းသမီးသုံးတာက အမှားလို့တော့ မမြင်ဘူး။ အင်္ဂလိပ်စာရေးဆရာကရေးထားတဲ့ ဒီဇာတ်ရဲ့ ဇာတ်ကြောင်းနဲ့ ဒီဇာတ်ကောင်ပုံစံတွေနဲ့ဆို ဂျပန်မင်းသမီးတွေနဲ့ အံကိုက်လှမယ်မဟုတ်ဘူး။ ကျန်တာတွေထက်တော့ ဂေါင်လီသရုပ်ဆောင်ခဲ့တဲ့ မနာလိုစိတ်များတဲ့ ဟာဆုမိုမိုဇာတ်ကောင်ကို ဂျပန်မင်းသမီးနဲ့ပုံဖော်ဖို့ တော်တော်ခက်မယ်။ ဂေါင်လီမလို့သာ ဒီလောက်အသက်ဝင်နေတာပါပဲ။ ကျန်းကျိရီနဲ့ မစ်ချဲလ်ယိုနေရာကတော့ ဂျပန်မင်းသမီး သုံးလို့ရကောင်းရနိုင်တယ်။ ဒါပေမဲ့ သူ့ဇာတ်ကောင်နဲ့တော့ အံဝင်ခွင်ကျဖြစ်နေတော့ ဒီအချက်ကတော့ မမှားဘူးလို့ပြောရမယ်။ ဂျပန်မှာအဆဲခံရတဲ့ ဂေးရှားတွေကို ပုံဖော်မှု မပြည့်စုံဘဲ အပျက်ဘက်ပိုဆောင်နေတဲ့အချက်ကတော့ မှန်တယ်ပြောရမှာပဲ။ Hirokazu Kore-edaကိုယ်တိုင်ရေးသားရိုက်ကူးခဲ့တဲ့ The Makanai: Cooking for the Maiko Houseဇာတ်လမ်းတွဲကို ကြည့်ရင် ဂေးရှားဆိုတာ ဘယ်လောက်အနုပညာမြောက်လဲ Kore-eda အသေးစိတ်ပုံဖော်ပြထားတာကို မြင်ရလိမ့်မယ်။ အဲဒီဇာတ်လမ်းတွဲနဲ့တွဲကြည့်ရင်တော့ အဆင်ပြေတယ်။ ဒီတိုင်းဆိုရင်တော့ ဂေးရှားဆိုတဲ့ဖြစ်တည်မှုကို အောက်ကိုဆွဲချလိုက်သလိုတော့ ဖြစ်သွားမယ်။ တမင်လည်း အောက်ကိုဆွဲချထားတာပါပဲ။ ဒီအချက်က ဂျပန်တွေအတွက်တော့ ဆဲချင်စရာကောင်းနေတာ မဆန်းဘူး။ ပြောရရင် ဒီရုပ်ရှင်က တော်တော်ကြည့်ကောင်းတဲ့ရုပ်ရှင်ပါပဲ။ ဒါပေမဲ့ ဂျပန်ယဉ်ကျေးမှုထဲက ဂေးရှားယဉ်ကျေးမှုကို ဒီကားကြည့်ပြီးအကဲဖြတ်ဖို့ ဒီကားကြည့်ပြီး တီးမိခေါက်မိရှိဖို့တော့ မဖြစ်နိုင်ဘူး။ ဇာတ်ကိုပဲယူပြီး အထဲက အင်္ဂလိပ်အမြင်နဲ့ပုံဖော်ထားတဲ့ ဂေးရှားအပိုင်းကို မမှတ်ယူဘဲကြည့်ဖို့တော့လိုမယ်။ ဒါကလည်း သူတို့ အင်္ဂလိပ်အမြင်နဲ့မြင်တာက မှားတယ်မှန်တယ်ဆိုတာထက် ယဉ်ကျေးမှုတစ်ခုကို တီးမိခေါက်မိရှိဖို့က သူ့နိုင်ငံက သူ့ယဉ်ကျေးမှုကို သူပြောပြတာက ပိုဖြစ်သင့်လို့ပါပဲ။ အာရှအကြောင်းပုံဖော်ထားတဲ့ အမေရိကန်ရုပ်ရှင်တွေထဲက အကောင်းဆုံးတွေထဲတော့ပါပေမဲ့ ယဉ်ကျေးမှုတစ်ခုကို ကျောရိုးတည်ပြီး ရိုက်ပြတဲ့ ရုပ်ရှင်မှာ အဲဒီယဉ်ကျေးမှုက သူ့နိုင်ငံကလက်ခံထားသလိုမဖြစ်ဘဲ အနောက်တိုင်းအမြင်အရမ်းလွှမ်းသွားတာကတော့ အမေရိကန်စာရေးဆရာရေးပြီး အမေရိကန်ဒါရိုက်တာရိုက်တဲ့ သူ့အခြေအနေတွေအရတော့ အပြစ်ဆိုမရပေမဲ့ အဲဒီလိုမဟုတ်ခဲ့ရင်တော့ ခြောက်ပြစ်ကင်းသွားမယ့်ရုပ်ရှင်ပါပဲ။ ဘာပဲဖြစ်ဖြစ် BPအော်စကာရထားတဲ့ ဒါရိုက်တာရိုက်တဲ့ အော်စကာ၃ဆုရထားတဲ့ဒီရုပ်ရှင်ကို ပြည်မ ဟောင်ကောင်နဲ့ ဂျပန်က ဒိတ်ဒိတ်ကြဲမင်းသားမင်းသမီးတွေနဲ့ ကြည့်ရမှာဆိုတော့ ကြည့်ကိုကြည့်သင့်တဲ့ရုပ်ရှင်ပါပဲ။ File Size :  2.2 GB, 1 GB Quality : Blu-Ray  1080p / 720p Running Time : 2hr 25min Format : Mp4 Genre : Drama, Romance Subtitle : Myanmar Subtitle (Hard Sub) Translated by : Wira Aung Encode by : Thit San Khant

အက်ရှင်ကားလေးတွေကြိုက်နှစ်သက်တဲ့သူတွေအတွက်သဘောကျမယ့် ဇာတ်ကားလေးပဲဖြစ်ပါတယ် ဇာတ်လမ်းအကျဉ်းကတော့ ဒုတိယကမ္ဘာစစ်တွင်းမှာ တိဘတ်တောင်တန်းပေါ်မှာ အနန္တစွမ်းအင်တွေရနိုင်မယ့် ပေလိတ်ကိုစောင့်ရှောက်တဲ့ဘုန်းကြီးတွေနေထိုင်ပြီး အနှစ်၆၀တစ်ခါ စောင့်ရှောက်သူလွှဲပြောင်းပါတယ် နာဇီစစ်ဗိုလ်တစ်ယောက်ဟာအဲ့ဒီစွမ်းအင်ကိုတပ်မက်လွန်းလို့ အနှစ်၆၀တိုင်တိုင် ဇွဲကြီးကြီးနဲ့လိုက်နေပါတယ် နာဇီရဲ့အကြံကတော့သူစွမ်းအားတွေရရင် နိမ့်ကျတယ်လို့သူယူဆရဲ့တဲ့လူမျိုးစုတွေ အပြတ်ရှင်းပြစ်ပြီး သူ့စိတ်တိုင်းကျကမ္ဘာတည်ထောင်မှာဖြစ်ပါတယ် ဒါကိုကာကွယ်ဖို့ ဘုန်ကြီးဟာအနှစ်၆၀ထွက်ပြေးရင် နှစ်၆၀ပြည့်တဲ့အချိန်မှာ ဘယ်သူ့ကိုစောင့်ရှောက်သူအဖြစ်လွှဲအပ်မလဲ နာဇီစစ်ဗိုလ်ကို ဘယ်လိုဖြေရှင်းမလဲဆိုတာ ပေါ့ပေါ့ပါးပါး အက်ရှင်ကားကောင်းတစ်ကားအနေနဲ့ကြည့်ရမှာပါ ပေလိတ်ကိုစောင့်ရှောက်သူဘုန်းကြီးအဖြစ် Chow Yun Fatကပါဝင်သရုပ်ဆောင်ထားပါတယ် Filesize : 1.87 GB / 985 MB Quality : BrRip 1080p , 720p Format : mkv Genres : Action , Comedy Runtime : 1h 44 min Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK

Pearl Harbor 2001 ၁၉၄၁ ခုနှစ်က အမေရိကန်နိုင်ငံ၊ပုလဲဆိပ်ကမ်းကိုဂျပန်တွေလာရောက်တိုက်ခိုက်ခဲ့တဲ့ဖြစ်ရပ်မှန်အပေါ်မူတည်ပြီးရိုက်ကူးထားတဲ့ ဇာတ်လမ်းဖြစ်ပါတယ်။ ဖြစ်ရပ်မှန်ဆိုပေမယ့်အဓိကဇာတ်ကောင်တွေကတော့စိတ်ကူးယဥ်သာဖြစ်ပြီးအချစ်ဇာတ်လမ်းအပိုင်းပါထည့် သွင်းထားတာဖြစ်ပါတယ်။ ရေ့ဖ်နဲ့ဒန်နီဟာ ငယ်စဥ်ကတည်းကအချစ်ဆုံးသူငယ်ချင်းတွေဖြစ်ပြီး အမေရိကန်လေတပ်ပိုင်းလော့တွေလည်းဖြစ်ကြပါတယ်။ ရေ့ဖ်ဟာ အက်ဗလင်း ဆိုတဲ့ စစ်သူနာပြုနဲ့ချစ်ကြိုက်ပြီးနောက် ဥရောပမှာဖြစ်ပွားနေတဲ့ဒုတိယကမ္ဘာစစ်အတွက် ဗြိတိန်ဘက်မှဝင်တိုက်ပေးဖို့အခွင့်အရေးကိုရရှိသောအခါလက်လွှတ်မခံနိုင်၍ ချစ်သူအက်ဗလင်းကိုနှုတ်ဆက်ကာ အင်္ဂလန်သို့ထွက်သွားပါတော့တယ်။ ရေ့ဖ်တစ်ယောက် အင်္ဂလန်မှာဂျာမန်တွေကိုတိုက်ခိုက်နေချိန်မှာ အင်အားနည်းနေတဲ့ပုလဲဆိပ်ကမ်းကို ထင်မှတ်မထားတဲ့အန္တရာယ်ကြီးကျရောက်လာပါတော့တယ်။ ဒီဇာတ်လမ်းကိုရိုက်ကူးခဲ့တဲ့ဒါရိုက်တာဟာ Transformers ဇာတ်လမ်းတွေနဲ့နာမည်ကြီးခဲ့တဲ့ Michael Bay ဖြစ်တာမို့သူ့ရဲ့အက်ရှင်ပေါက်ကွဲမှုလက်ရာတွေကိုဇာတ်လမ်းတစ်လျှောက် အားရပါးရမြင်တွေ့ရမှာပါ။ အက်ရှင်ကားကြမ်းကြမ်းကြိုက်သူတွေ၊ စစ်ဇာတ်လမ်းကြိုက်သူတွေ၊ ဒါရိုက်တာ Michael Bay ရဲ့လက်ရာတွေကြိုက်သူတွေအဖို့တော့ ကြည့်သင့်တဲ့ဇာတ်ကားကောင်းတစ်ကားဖြစ်ပါတယ်။ Translated by : Pyi T Nyein Encoded by : YK Quality : 1080p blueray and 720p

Seven Years in Tibet (1997) PG-13 | 136 min | Adventure, Biography, Drama IMdb rating......  7 " တို့ တိဗက်မှာ စကားတစ်ခွန်းရှိတယ်...  ဖြေရှင်းလို့ရနိုင်တဲ့ ပြဿ နာတစ်ခုဆိုရင် အဲ့ဒီအတွက် ပူပန်နေစရာ မလိုဘူး  ဖြေရှင်းလို့မရနိုု်င်ဘူးဆိုရင်တော့.. ပူပန်ခြင်းနေတာက အလကားပဲ"    ဒီစကားက ငြိမ်းချမ်းလွန်းတဲ့ တိဗက်ရဲ့ အတွေးအခေါ် ဝါဒကို  ရှင်းရှင်းလင်းလင်း ပေါ်လွင်စေမှာပါ။ တိဗက်ဆိုတဲ့ နယ်မြေအကြောင်း  ကို မြန်မာ စာရေးဆရာတွေလည်း ရေးခဲ့ကြပါတယ်။ Seven year in Tibet ဆိုတဲ့  သြစတြီးယား တောင်တက်သမား Heinrich Harrer ရဲ့   ကိုယ့်တွေ့အဖြစ်အပျက်ခရီးသွားမှတ်တမ်းကို အခြေခံပြီးရိုက်ကူးထားတဲ့ ရုပ်ရှင်မှာ   ကျွန်တော်တို့ တစ်ခါက စကားလုံးနဲ့ပဲ ခံစားဖူးခဲ့တဲ့ တိဗက်မြေကို ရုပ်သဏ္ဍာန်နဲ့  ခံစားတွေ့မြင်ရမှာပါ။ တိဗက်ရဲ့မိုးကောင်းကင်နဲ့  ထိလုနီးပါးဖြစ်နေတဲ့တောင်တန်းကြီးတွေ ကျယ်ပြန့်လှတဲ့လွင်ပြင်ကျယ်ကြီးတွေကို  တွေ့မြင်ခံစားရမှာပါ။ တိဗက်လူမျိုးတွေရဲ့ ဘာသာတရားအပေါ်   ထူးခြားတဲ့သက်ဝင်ယုံကြည်မှုတွေ အယူဝါဒတွေ ဓလေ့တွေကိုလည်း   တွေ့ရမှာဖြစ်ပါတယ်။ ဒီ အဖြစ်အပျက်တွေဟာ...   ဒုတိယကမ္ဘာစစ်ကာလ ၁၉၄၄ခုနှစ်နဲ့၁၉၅၁ခုနှစ်ကြား   တိဗက်ကို တရုတ်ပြည်သူ့လွတ်မြောက်ရေး ကွန်မြူ နစ်တပ်မတော် မကျူ းကျော်မီ   ၁၉၅ဝဝန်းကျင်က အကြောင်းအရာတွေပါ။ Heinrichဟာ အခြေအနေတစ်ခုကြောင့်  တိဗက်ကို ဖြတ်လာရင်း တိဗက်မှာ ဒုတိယကမ္ဘာစစ်ကာလအတွင်း    ခိုလှုံနေခဲ့ရပါတယ်။ အိမ်ပြန်မလို့လုပ်ခဲ့ပေမဲ့ သားဖြစ်သူဆီက အေးစက်တဲ့စကားလုံးတွေနဲ့   စာတစ်စောင်ကြောင့် တိဗက်မှာ နေဖို့ဖန်လာရင်း ၁၄ယောက်မြောက် ဒလိုင်းလားမားနဲ့ သိခဲ့ပါတယ်။   ၁၄ယောက်မြောက် ဒလိုင်းလားမား ရဲ့ အသက်အရွယ်က ငယ်လွန်းနေတယ်... ဒါပေမဲ့ သူသိထားတဲ့ ဓမ္မကတော့ Heinrichရဲ့ ဆရာတစ်ယောက် လမ်းပြတစ်ယောက် အနေနဲ့ ထိုက်တန်ခဲ့ပါတယ်။ Heinrich ဟာ ဒလိုင်းလားမားရဲ့ တိဗက်ရဲ့ဖွံ့ဖြိုးရေးလုပ်ငန်းတွေမှာ အကူအညီပေးခဲ့ပါတယ်။ တိဗက်ဟာ ဘာသာတရားရဲ့အဆုံးအမတွေနဲ့  ငြိမ်းချမ်းနေခဲ့ပေမဲ့ ဒုတိယကမ္ဘာစစ်ရဲ့ လှိုင်းတံပိုးတွေအဖျားခတ်လာခဲ့တဲ့အခါ   ငြိမ်းချမ်းမှု အချို့ ပျက်ပြားပြီး ဘယ်လို ဘေးတွေကျလာမလဲနဲ့   Heinrich နဲ့ သူ့ရဲ့ သွေးအေးသွားတဲ့ သားရော ပြန်တွေ့နိုင်ဦးမလား   ဆိုတာကိုတော့....... တိဗက်ပြည်မှာ ခုနှစ်နှစ်တာကို   ခံစားကြည့်ရှုရင်း အဖြေရှာကြည့်ကြပါ။ ဒုတိယကမ္ဘာစစ်ကာလတွင်းက  အဖြစ်အပျက်တွေ တိဗက်ရဲ့အံ့မခန်းလှပတဲ့ရှုခင်းတွေကိုတွေ့မြင်ခံစားရမယ့်အပြင် ယနေ့ထက်တိုင်အောင်မြင်နေဆဲဖြစ်တဲ့   မင်းသားကြီး Brad Pittရဲ့ နုပျိုစဉ်ကပုံရိပ်တွေကိုလည်း  ပြန်လည်ခံစားနိုင်မှာဖြစ်ပါတယ်...ဇာတ်လမ်းအညွှန်းနဲ့ ဘာသာပြန်သူကတော့ Hnin Amy Khine ပဲဖြစ်ပါတယ်... File Size : (878 MB) and (383 MB) Quality : Blu-Ray 720p Format…mp4 Duration…02:03:00 Genre :  Adventure , Biography , Drama Subtitle : Myanmar Subtitle (Hard Sub) Translated by Hnin Amy Khine Encoded by Phyo Pyae

Crying Free Man 1995 ဒီတစ်ခါမှာတော့ ဂျပန် ကာတွန်း manga ဇာတ်လမ်းတွေကို ပြန်ရိုက်ထားတဲ့ ဇာတ်ကားတွေထဲက အက်ရှင်ဇာတ်ကားကောင်းလေးတစ်ကားကို ဖော်ပြပေးလိုက်ပါတယ်။ ဒီဇာတ်ကားဟာ fantasy film award အတွက် ဆန်ကာတင်ဝင်ခဲ့သလို ဘတ်ဂျက်နည်းနည်းနဲ့ အကောင်းဆုံးလက်စွမ်းပြ ရိုက်ကူးထားပါတယ်။ ဇာတ်လမ်းအကျဉ်းကတော့ တရုတ်လျို့ဝှက်အဖွဲ့အစည်းတစ်ခုက လူသတ်ပြီးရင်မျက်ရည်ကျတတ်တဲ့ လူသတ်သမားတစ်ယောက်ကို တစဖက်ရန်သူဂိုဏ်းက လက်တုံ့ပြန်ဖို့ကြိုးစားတဲ့ ဇာတ်လမ်းပါ။ ဇာတ်ကားက B အဆင့် ဇာတ်ကားတစ်ကားဖြစ်ပေမယ့် တိုက်ခိုက်ခန်းတွေကို လှလှပပ ရိုက်ပြထားတာကြောင့် အတော်လေးကြည့်လို့ကောင်းပါတယ်။တိုက်ခိုက်ခန်းတွေမှာ အနှေးပြကွက်တွေကို အထူးဂရုစိုက်ပြီး အသေးစိတ်ပြုလုပ်ထားပါတယ်။ မင်းသား Mark Dacascos ရဲ့ ကိုယ်ခံပညာပိုင်နိုင်ကျွမ်းကျင်မှုကို လည်း မြင်တွေ့ရမှာပါ။ Christophe Gans ရဲ့ လက်ရာကောင်းတစ်ခုဖြစ်ပြီး Mark Dacascos(ပါရာနာဝေးမင်းသား) က Freeman အဖြစ်သရုပ်ဆောင်ထားပါတယ်။ လိင်အသားပေးဇာတ်ဝင်ခန်းတချို့ပါဝင်တာကြောင့် မိသားစုအတူကြည့်ဖို့ မသင့်တော်ပေမယ့် ၁၉၉၀ ပြည့်လွန်နှစ်တွေရဲ့ အကောင်းဆုံး အက်ရှင်ကားတွေထဲက တစ်ခုအဖြစ် ညွှန်းဆိုလိုက်ပါရစေ။ IMDB raing 6.5 ပါ။ (ရုပ်ရှင်အညွှန်းကို https://www.facebook.com/UMCKEZ FB Page မှကူးယူဖော်ပြပါသည်။) File size…(905MB) Quality…Blu-Ray Rip 720p Format…mp4 Duration….01:41:00 Subtitle….Myanmar Subtitle (Hardsub) Encoder….Nyeinsaeya Aung (KK မှဘာသာပြန်တင်ဆက်ထားတာပါ။)

၉၀ ပြည့်လွန်နှစ်တွေတုန်းက ကိုယ်ခံပညာ (Martial Arts) ဇာတ်ကားဟောင်းလေးတွေကို လွမ်းဆွတ်နေတဲ့ သူတွေအတွက်တော့ ၁၉၉၂ ခုနှစ်က ထွက်ရှိခဲ့တဲ့ "Sidekicks" ဇာတ်ကားလေးက တကယ့်ကို အကြိုက်တွေ့စေမယ့် ဇာတ်ကားလေးပါ။ "The Karate Kid" ရဲ့ လွှမ်းမိုးမှုတွေ အများကြီးပါပေမယ့် သူ့ခေတ်သူ့အခါက ကလေးတွေ၊ လူငယ်တွေကြားမှာ တော်တော်လေး ရေပန်းစားခဲ့တဲ့ Feel-good ဇာတ်ကားလေး တစ်ကားဖြစ်ပါတယ်။ ဇာတ်လမ်းက ဘယ်ရီ (Barry) ဆိုတဲ့ အထီးကျန်ဆန်ပြီး ပန်းနာရင်ကျပ်ရောဂါရှိတဲ့ ဆယ်ကျော်သက် ကောင်လေးတစ်ယောက်အကြောင်းပါ။ ကျောင်းမှာ အမြဲအနိုင်ကျင့်ခံရတဲ့ ဘယ်ရီဟာ လက်တွေ့ဘဝကနေ ထွက်ပြေးဖို့အတွက် နာမည်ကြီး အက်ရှင်မင်းသားကြီး ချပ်ခ်နောရစ် (Chuck Norris) နဲ့အတူ သူကိုယ်တိုင် တွဲဖက် (Sidekick) အဖြစ် စွန့်စားခန်းတွေဖွင့်နေတယ်လို့ အမြဲ စိတ်ကူးယဉ်လေ့ရှိပါတယ်။ တစ်နေ့မှာတော့ မစ္စတာလီ (Mr. Lee) ဆိုတဲ့ တရုတ်စားသောက်ဆိုင်က အဖိုးအိုဆီမှာ ကိုယ်ခံပညာ သင်ယူခွင့်ရသွားပါတယ်။ အဲ့ဒီနောက်မှာတော့ ဘယ်ရီတစ်ယောက် သူ့ရဲ့ ကြောက်စိတ်တွေကို ဘယ်လိုကျော်လွှားမလဲ၊ အနိုင်ကျင့်တဲ့သူတွေကို ကရာတေးပြိုင်ပွဲမှာ ဘယ်လို ရင်ဆိုင်မလဲဆိုတာကို ရိုက်ကူးထားတာပါ။ ရိုးရှင်းပေမယ့် ကြည့်ရတာ စိတ်ချမ်းသာစေတဲ့ (Comfort movie) အရသာကို အပြည့်အဝ ပေးစွမ်းနိုင်ပါတယ်။ ကိုယ့်ကိုယ်ကိုယ် ယုံကြည်မှုမရှိတဲ့ ကောင်လေးတစ်ယောက် ကြိုးစားရင်း အောင်မြင်လာတဲ့ ဇာတ်ကွက်မျိုးက ဘယ်အချိန်ကြည့်ကြည့် စိတ်ခွန်အား ရစေပါတယ်။ ကွယ်လွန်သူ မင်းသားချောလေး ဂျိုနသန် ဘရန်ဒစ် (Jonathan Brandis) ရဲ့ သရုပ်ဆောင်မှုက သဘာဝကျပြီး အားပေးချင်စရာ ကောင်းပါတယ်။ အက်ရှင်မင်းသားကြီး Chuck Norris ကိုယ်တိုင် ပါဝင်သရုပ်ဆောင်ပေးထားတာကလည်း ဒီကားရဲ့ အသက်ပါပဲ။ ဘယ်ရီရဲ့ စိတ်ကူးယဉ်ကမ္ဘာထဲမှာ Chuck Norris ရဲ့ နာမည်ကြီး ဇာတ်ကားတွေ (ဥပမာ- Missing in Action လိုကားမျိုးတွေ) ကို ပြန်လည်သရော်ထားတဲ့ အခန်းလေးတွေက တော်တော်လေး ရယ်ရပြီး ဖျော်ဖြေမှု အပြည့်ပေးနိုင်ပါတယ်။ အချုပ်ပြောရရင် Sidekicks ဟာ အော်စကာဆုရလောက်တဲ့ ပြောင်မြောက်လှတဲ့ ရုပ်ရှင်ကားကြီး မဟုတ်ပေမယ့်၊ ငယ်ဘဝကို ပြန်လွမ်းချင်တဲ့ အချိန်တွေ၊ ပေါ့ပေါ့ပါးပါးနဲ့ ရယ်ရယ်မောမော ကြည့်ချင်တဲ့ ပိတ်ရက်တွေအတွက်တော့ ကွက်တိဖြစ်မယ့် ဇာတ်ကားဟောင်းလေး တစ်ကား ဖြစ်ပါတယ်။ File size… 2.4 GB/ 1 GB Quality… Blu-ray 1080p/ 720p Format… mp4 Duration…. 1h 41m Genre ..... , Adventure, Action , Drama , Family Subtitle…. Myanmar Subtitle (Hard Sub)

Conan the Destroyer (1984) IMDb - 5.9/10 Rotten Tomatoes - 26% Conan The Barbarian (1982) နဲ့ Conan The Destroyer (1984) ဇာတ်ကားတွေကတော့ မင်းသားကြီး အာနိုးကို စင်တင်ပေးခဲ့တဲ့ ရောမခေတ် Dark Magic အခြေခံဇာတ်ကားတွေဖြစ်ပါတယ်။ Conan The Barbarian (1982) ဇာတ်ကားရဲ့အောင်မြင်မှုဟာ စံချိန်တွေချိုးခဲ့ပြီး ရိုက်ကူးစဉ်က အမေရိကန်ဒေါ်လာ (၁၆) သန်းသာ ကုန်ကျခဲ့ပေမယ့် ရုံဝင်ငွေ သန်း(၁၃၀)ထိပြန်လည်ရရှိခဲ့ပါတယ်။ အာနိုးရဲ့ငယ်စဉ်က ဘော်ဒီအလှအပနဲ့ ရောမခေတ် အကြမ်းအရမ်း အသတ်အဖြတ်တွေအပြင် Dark Magic အစီအရင်တွေနဲ့ပါ ထည့်သွင်းရိုက်ကူးထားတာမို့ တခြားဇာတ်ကားတွေနဲ့မတူတဲ့ ရသတွေကို ခံစားရမှာပါ။ အားပေးကြည့်ရှုကြပါဦး။ File size…(999 MB) Quality…Blu-Ray Rip 720p Format…mp4 Duration….01:43:00 Subtitle….Myanmar Subtitle (Hardsub) Encoder….Nyeinsaeya Aung Translated by Tariq L Walker

Conan the Barbarian (1982) ဟာ အာနိုးကို နာမည်ရလာစေခဲ့တဲ့ ဇာတ်ကားတွေထဲက တစ်ကားပါ။ မူရင်းအညွှန်းမှာ Conan the Destroyer (1984) နဲ့အတူ အာနိုးရဲ့ အစောပိုင်းအောင်မြင်မှုတွေထဲက ဇာတ်ကားအဖြစ် ဖော်ပြထားပါတယ်။ အာနိုး ငယ်စဉ်က ကြွက်သားကိုယ်လုံးနဲ့ အကြမ်းအရမ်း တိုက်ခိုက်သတ်ဖြတ်ခန်းတွေကို မှော်နက်အစီအရင်တွေနဲ့ တွဲဖက်ရိုက်ကူးထားပါတယ်။

သရုပ်ဆောင်အက်ရှင်မင်းသားကြီးဂျက်ကီချမ်းငယ်ငယ်ကဇာတ်ကားလေးတစ်ကားတင်ဆက်ပေးချင်ပါတယ်။ ဂျက်ကီချမ်းရဲ့ ဇာတ်ကားတွေရဲ့ထုံးစံအတိုင်းပဲ အက်ရှင်ခန်းတွေ အတိုက်အခိုက်တွေ ဟာသာတွေဝေဝေဆာဆာနဲ့ ပရိတ်သတ်တွေအမောပြေရဦးမှာပါ။ ဇာတ်ကားထဲမှာမင်းသားကအလုပ်မရှိအကိုင်မရှိ (ဒါပေမယ့်ကောင်မလေးတော့ရှိပါတယ်)ပါ အဖေဖြစ်သူဖွင့်ထားတဲ့ဆိုင်ကို လူဆိုးတွေလာပြီး ဆက်ကြေးကောက်ရာကစလို့ သူတတ်ထားတဲ့ကွန်ဖူးပညာကို လူဆိုးအဖွဲ့ဘက်ကခေါင်းဆောင်က တွေ့ပြီးသဘောကျသွားခဲ့ပါတယ်။ အဲ့ဒီနောက် ချီကာဂိုမှာကျင်းပမယ့် battle creek brawlမှာ ဂျက်ကီချမ်းကိုသူ့ဘက်ကနေ ဝင်ပြိုင်အောင် အကြပ်ကိုင်ဖို့ နည်းလမ်းရှာပါတော့တယ်......... ကဲ .. အညွှန်းဖတ်ပြီးပြီဆိုရင်တော့ 1980 ခုနှစ်တွေဆီက အနုပညာတွေကိုတဖန်ပြန်ခံစားလိုက်ကြပါဦး....... File size…(1.8 GB)/(960 Mb) Quality….Webrip 1080p / 720p Format…mp4 Duration….01:35:00 Genre...Action, Comedy, Crime Subtitle….Myanmar Subtitle (Hardsub) Encoder….Thit San Khant Translated by Nay Chii