Maria Almeida ပါဝင်သော ဇာတ်ကားများ

နိဗ်ဟာ အလှူအတန်းရက်ရောပြီး သူများအားကျရတဲ့ အိမ်ထောင်ရှင်မတစ်ယောက်ပါ။ သားတစ်ယောက်၊ သမီးတစ်ယောက်နဲ့ ပျော်ရွှင်တဲ့ မိသားစုဘဝကို ပိုင်ဆိုင်ထားပေမယ့် သူ့မှာ ပြန်မတွေးချင်တော့တဲ့ အတိတ်အိပ်မက်ဆိုးတွေ ရှိနေပါတယ်။ တစ်နေ့မှာတော့ လူမည်းနှစ်ယောက် သူ့ဘဝထဲ ဝင်လာပြီး မေ့ထားချင်တဲ့ အတိတ်ကို ပြန်သတိရစေဖို့ ဖြစ်လာတယ်။ ဒီလူနှစ်ယောက်က နိဗ်နဲ့ ဘယ်လိုပတ်သက်နေကြတာလဲ။ သူ မေ့ပစ်ချင်တဲ့ အတိတ်မှာရော ဘာတွေဖြစ်ခဲ့တာလဲ။

ဒီမိသားစုမှာ အမေက သမီးကို ကျွေးမွေးဖို့ အလုပ်လုပ်နေရင်း ကိုယ့်အိပ်မက်ကိုလည်း လက်မလွှတ်နိုင်ဘဲ တတ်နိုင်သလောက် ကြိုးစားနေသူပါ။ သမီးကတော့ ယောက်ျားလေးဆန်ဆန် နေတတ်ပြီး ဂျစ်ကန်ကန်နဲ့ မိဘတွေနဲ့လည်း သိပ်အဆင်မပြေဘူး။ အဖေက ထောင်ကနေ ထွက်လာခါစဖြစ်ပြီး အပြင်ပန်းကြည့်ရင် ခပ်ကြမ်းကြမ်းလူတစ်ယောက်လို ထင်ရပါတယ်။ ဇနီးရဲ့ဆန္ဒအတိုင်း အဖေဖြစ်သူက သူ့အစ်ကိုရဲ့ဆိုင်မှာ အလုပ်ဝင်လုပ်ဖြစ်တယ်။ အဲဒီကရတဲ့ လုပ်အားခကို စုဆောင်းပြီး ဇနီးလိုချင်နေတဲ့ အနီရောင်ဝတ်စုံလှလှတစ်စုံကို မဖြစ်ဖြစ်အောင် ဝယ်ပေးလိုက်ပါတယ်။ ဒါပေမယ့် ဝတ်စုံက အိမ်ကိုရောက်လာပြီးနောက် မထင်မှတ်တဲ့ ပြဿနာတစ်ခု ပေါ်လာတယ်။ အဲဒီကနေ မိသားစုကြားက မပြေလည်မှုတွေ၊ ဖုံးကွယ်ထားခဲ့တဲ့အရာတွေနဲ့ တစ်ယောက်ချင်းစီရဲ့ ပုံစံအစစ်အမှန်တွေ တဖြည်းဖြည်း ပေါ်လာတော့တယ်။