Maria Rossing ပါဝင်သော ဇာတ်ကားများ

Fathers & Mothers (Fædre & mødre) (2022) IMDb - 5.9/10 ဒီရုပ်ရှင်ကတော့ ၂၀၂၂ခုနှစ်က ထွက်ရှိခဲ့တဲ့ ဒိန်းမတ်ရုပ်ရှင်ဖြစ်ပြီး လူတွေရဲ့ သဘောသဘာဝတွေ ဟန်ဆောင်မှုတွေနဲ့အတူ ကျောင်းသားမိဘတွေကြားထဲက အဖွဲ့အစည်းတွေမှာ မိဘဖြစ်သူတွေ ရုန်းကန်ကြရပုံကို တင်ဆက်ထားပါတယ်။ မိဘရယ်လို့ဖြစ်လာရင် ကိုယ့်ရဲ့သားသမီးအတွက် သက်ဆိုင်ရာအသိုင်းအဝိုင်းတွေမှာ ဝင်ဆန့်ဖို့ ကြိုးစားရုန်းကန်ရတာက လွယ်ကူတဲ့ကိစ္စတော့ မဟုတ်ပါဘူး။ ဒီရုပ်ရှင်ထဲမှာဆိုလည်း ဇနီးမောင်နှံနှစ်ဦးဟာ သမီးဖြစ်သူအတွက် နယ်မြေအသစ်တစ်ခုက ကျောင်းသစ်တစ်ခုကို ပြောင်းလာခဲ့ကြပါတယ်။ သူတို့တွေဟာ အဲဒီကျောင်းရဲ့ နာမည်ကြီး တောတွင်းစခန်းချမီးပုံပွဲကိုသွားရင်း အဲဒီမှာရှိတဲ့ ကျောင်းသားမိဘတွေကြားမှာ ဝင်ဆန့်ဖို့ ကြိုးစားကြရပါတယ်။ မတူဘီတဲ့ စရိုက်တွေကြားထဲကို ရောဝင်ဖို့ကြိုးစားရင်း အပေါ်ယံသကာလောင်းမှုတွေ၊ အားနည်းသူကို နှိမ်ကြတာတွေ၊ ကိုယ်စွမ်းကိုယ်စပြချင်တာတွေကို ကြုံတွေ့သည်းခံရပုံတွေကို ဒီရုပ်ရှင်ထဲမှာ တင်ဆက်ပြထားပါတယ်။ (အညွှန်းနဲ့ဘာသာပြန်ကတော့ Pyae Phyoဖြစ်ပါတယ်)

The Bombardment (or) The Shadow in My Eye (2022) IMDb Rating - 7.3/10 ဒုတိယကမ္ဘာစစ်အတွင်းမှာ ဂျာမန်တွေက ဒိန်းမတ်ကို သိမ်းပိုက်ထားခဲ့ပြီး ဒုတိယကမ္ဘာစစ်ကာလ ၁၉၄၅ မတ်လ ၂၁မှာ ဗြိတိန်တော်ဝင်လေတပ်က နာဇီတွေရဲ့ လျှို့ဝှက်နိုင်ငံရေးရဲတပ်ဖွဲ့ ဂတ်စတာပိုရဲ့ ဒိန်းမတ်ဌာနချုပ်ကို ဗုံးကြဲဖို့ လုပ်ခဲ့ပါတယ်။ အဲဒီဌာနချုပ်ဟာ ကိုပင်ဟေဂင်မြို့လယ်ကြီးမှာ ရှိနေပြီး၊ ထပ်ခိုးမှာ ဂျာမနီတွေကိုတော်လှန်ဖို့ လုပ်နေတဲ့ ဒိန်းမတ်အတိုက်အခံ အဖွဲ့၀င်တွေကို ဖမ်းထားပြီး လူသားဒိုင်းကာအနေနဲ့ ထားထားပါတယ်။ ဒီဌာနချုပ်ကို ဗုံးကြဲရင် သူ့လူတွေပါ သေမှာသိပေမဲ့ ဒိန်းမတ်က ဂျာမန် တော်လှန်ရေးသမားတွေက ကြာရင် သူတို့အင်အားစုတစ်ခုလုံးကို ဂျာမန်တွေ ချေမှုန်းနိုင်တော့မှာ ဖြစ်တာကြောင့် ‌ဗြိတိန်ဘက်ကို ထပ်ခါထပ်ခါ တောင်းဆိုခဲ့ ပါတယ်။ ဒီလိုနဲ့ ၁၉၄၅ မတ်လ ၂၁မှာ ဗြိတိန်တော်၀င်လေတပ်က Operation Carthage ခေါ် ဂတ်စတာပိုဌာနချုပ်ကို ဗုံးကြဲဖို့ စစ်ဆင်ရေးကို လုပ်ခဲ့ပါတယ်။ ဒီစစ်ဆင်ရေး အောင်မြင်ခဲ့သလို အဖမ်းခံရတဲ့ အကျဉ်းသားတွေလည်းလွတ်လာခဲ့ပါတယ်။ သို့ပေမဲ့ ဒီစစ်ဆင်ရေးဟာ ကံဆိုးမိုးမှောင်ကျမှုကြီးတစ်ခုကိုပါ ဖြစ်ပေါ်စေခဲ့တာပါပဲ။ ဗြိတိန်တိုက်လေယာဉ်တွေဟာ ပစ်မှတ်မှားပြီး ကိုပင်ဟေဂင်က ကျောင်းတစ်ကျောင်းကိုပါ ဗုံးကြခဲ့မိပါတယ်။ ဒီဖြစ်ရပ်ကြောင့် လူ၁၂၅ယောက်သေဆုံးခဲ့ပြီး ၈၆ယောက်က ကျောင်းက ကလေးလေးတွေပါပဲ။ ဒုတိယကမ္ဘာစစ်အကြောင်း ရုပ်ရှင်အများစုကတော့ တိုက်ပွဲအကြောင်းသာများပါတယ်။ နောက်အဲဒီကာလက လူကြီးတွေရဲ့ အနေအထားနဲ့အမြင်ကို ဖော်ပြတတ်ကြပါတယ်။ Shadow In My Eyeကတော့ လူကြီးတွေအမြင်ကို သိပ်အသားမပေးဘဲ အဲဒီကာလက ကလေးတွေအပေါ် စစ်ရဲ့သက်ရောက်မှုတွေကို အသားပေးဖော်ပြထားတဲ့ ရုပ်ရှင်ပါ။ ကလေးတွေရဲ့ မျက်လုံးထဲက စစ်ရဲ့အရိပ်တွေကို ပြန်လည်ဖော်ကျူးထားခြင်းပါပဲ။ ကိုယ့်ရှေ့မှာ ကားတစ်စီးကို တိုက်လေယာဉ်က မှားပြီး ဗုံးကြဲမိတာကို မြင်လိုက်တဲ့ ကလေးလေးရဲ့ အခြေအနေကနေ ဇာတ်ကိုစဖွင့်ထားပြီး အဲဒီကလေးဟာ ကောင်းကင် ကျယ်ကြီးကို မြင်ရမှာကြောက်နေတာကိုရော စကားမပြောနိုင်တော့တဲ့အထိ စိတ်ဒဏ်ရာ ရနေတာကိုရောပါ ပြသပြီး စစ်အနိဠာရုံအောက်က ကလေးတွေရဲ့ အခြေအနေနဲ့ စဖွင့်ထား ပါတယ်။ ပြီးနောက်မှာ ဒါရိုက်တာဟာ ကံဆိုးမှုကြီးဆီတည့်တည့်သွားရတော့မယ် ကလေးမလေး တစ်ယောက်ကို ကျွန်တော်တို့ ချစ်မိတဲ့အထိ သူ့ကိုကောင်းကောင်းသိတဲ့အထိကိုပြထား ပါတယ်။  ကိုယ်လုံး၀မသိတဲ့ ဇာတ်ကောင်တစ်ကောင်ရဲ့ သေဆုံးခြင်းထက် ကျွန်တော်တို့ အရှိုက်ကို ပိုထိစေမယ့်နည်းကို သုံးလိုက်တာပါပဲ။ အဆုံးကျမှ ဒီကလေးရဲ့ ဝေဒနာတွေကို အသည်းကွဲရအောင် ပြသွားခဲ့တယ်။ ဒါရိုက်တာဟာ သူဖော်ကျူးချင်တဲ့အချက်ကို‌ ပိုင်ပိုင် နိုင်နိုင်ကို ဖော်ကျူးလိုက်တာပဲ။ Shadow In My Eyeဟာ ဖြစ်ရပ်မှန်ပေါ် အခြေတည်ရိုက်ကူးထားတာဖြစ်ပြီး စစ်ပွဲထက် စစ်ဒဏ်ခံရသူတို့ရဲ့ ဘ၀ကိုသေချာပေါ်လွင်စေတဲ့ စိတ်မမာရင်အသည်းကွဲစေမယ့် ရုပ်ရှင်ပါပဲ။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ WiRa Aung ဖြစ်ပါတယ်) File Size - (1.57 GB) / (661 MB) Quality – WEB-DL 1080p / 720p Duration - 1h 47mins Subtitle – Myanmar Hardsub Format – MP4 Genre : Drama, History, War Translator – WiRa Aung Encoder – SWM

ပင်လယ်ထဲမှာ ရှစ်နှစ်ကြာ မျောနေခဲ့တဲ့ ပုလင်းတစ်လုံးထဲက စာတစ်စောင် Q ဌာနဆီ ရောက်လာပါတယ်။ အဲဒီစာက အဖမ်းခံထားရတဲ့ ကလေးတစ်ယောက် ရေးထားတာဖြစ်ပြီး သူ့ကို လာကယ်ပေးဖို့ အကူအညီတောင်းထားတာပါ။ ရေးခဲ့ချိန်ကနေ ရှစ်နှစ်ကြာသွားပြီဖြစ်တဲ့ ဒီစာရဲ့နောက်ကြောင်းကို Q ဌာနက လိုက်စုံစမ်းကြရတယ်။ တစ်ချိန်တည်းမှာပဲ နယ်ဘက်က ဘာသာရေးကိုင်းရှိုင်းတဲ့ လယ်သမားမိသားစုတစ်စုမှာလည်း ပြဿနာတစ်ခု ကြုံနေရပါတယ်။ ဒီဖြစ်ရပ်နှစ်ခု ဆက်စပ်နေသလား၊ နောက်ထပ် အမှုတွေ ရှိနေသေးသလားဆိုတာကို စုံစမ်းရင်း ပဟေဠိတွေ ပိုများလာတယ်။ ဘာသာရေးကိုင်းရှိုင်းတဲ့ ကလေးတွေကို ဘာကြောင့် ဖမ်းဆီးတာလဲ၊ သူတို့ကို ဘာတွေလုပ်ခဲ့တာလဲ၊ ဒီလိုလုပ်ရခြင်းရဲ့ နောက်ကွယ်မှာ ဘယ်လိုအတိတ်ဆိုးမျိုး ရှိနေမလဲဆိုတဲ့ မေးခွန်းတွေနဲ့အတူ ဉာဏ်များတဲ့ လူဆိုးတစ်ယောက်ကို ရင်ဆိုင်ကြရပါတယ်။ Q ဌာနရဲ့ တတိယအမှုတွဲဖြစ်တဲ့ ဒီကားမှာ ကားလ်က ခါတိုင်းထက်တောင် အခြေအနေဆိုးနေပုံရတယ်။ ဘာယုံကြည်မှုမှ မရှိတဲ့သူနဲ့ အာဆတ်တို့ကြား ယုံကြည်မှုအကြောင်း အငြင်းပွားနေကြသလို ဇာတ်လမ်းကလည်း ဘာသာရေးနဲ့ ယုံကြည်မှုတွေ အစွန်းရောက်သွားတဲ့အခါ ဖြစ်လာနိုင်တဲ့ ဆိုးကျိုးတွေကို မေးခွန်းထုတ်ထားပါတယ်။ Kon Tiki ရုပ်ရှင်မှာ သော်ရ်အဖြစ် သရုပ်ဆောင်ခဲ့တဲ့ မင်းသားလည်း ဒီကားမှာ ပါဝင်ထားပါတယ်။

the Hour of the Lynxတဲ့ နာမည်လေးကိုက ခပ်ဆန်းဆန်း လေးရယ်၊ ဇာတ်ကားအစပိုင်းမှာကတည်းကို cinematography ကောင်းကောင်းလေးနဲ့ အစပြုထားတော့ ထင်လိုက်တာက အမြင် ဆန်းဆန်းလေးနဲ့ကြည့်ရမယ့် လူသတ်ကားထင်ရပေမယ့် drama ပိုင်းကလဲ တော်တော်လေး strongဖြစ်တယ်။ ဇာတ်လမ်းအသွားလေး ခန့်မှန်းနေရတာလေးကိုက ဒီဇာတ်ကားကို ကြည့်နေရတဲ့ ရသ တစ်မျိုးပဲဗျာ၊ ကြည်နူးရတဲ့ ချစ်ခြင်းမေတ္တာရဲ့ သဘောတရားကိုလဲ မတူညီတဲ့ ရှုထောင့်တစ်ခုကနေ မြင်စေရမယ့် ဇာတ်ကားလေးတစ်ကားလဲဖြစ်နေတာမို့ အချိန်ကုန်ကြည့်ရကျိုးနပ်တဲ့ ဇာတ်ကားလို့တော့ ကျွန်တော်ညွှန်းလိုက်ပါရစေ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Paul ဖြစ်ပါတယ်) File Size..........(1.7 GB) / (586 MB) / (300 MB) Quality............BluRay 1080p / 720p / 480p Duration.........1Hr 33mins Subtitle...........Myanmar Hardsub Format............MP4 Genre..............Crime, Drama Translator.......Paul Encoder..........SWM