Mario Brega ပါဝင်သော ဇာတ်ကားများ

သူများပြောတာ ကြားဖူးတာကတော့ ဒီရုပ်ရှင်ကို ဘယ်လိုရုပ်ရှင်မျိုးလဲဆိုတာ စကားနှစ်လုံးနဲ့ ခြုံလွှမ်းဖော်ပြရရင် ခမ်းနားထည်ဝါခြင်းနဲ့ ရင်သပ်ရှုမောဖွယ်ဖြစ်ခြင်းဆိုတဲ့ စကားလုံးနှစ်ခုကို ရွေးရလိမ့်မယ်တဲ့။ ကျွန်တော်တော့ အဲ့ဒီနှစ်ခုထက်ပို ဒီရုပ်ရှင်ရဲ့ အနှစ်သာရဖြစ်မယ်ထင်တဲ့ တတိယ စကားလုံးနဲ့ ဖော်ပြချင်တယ်။လွမ်းမောဖွယ်ကောင်းခြင်း။ Once upon A Time in Americaဟာ နာမည်နဲ့လိုက်အောင် လွမ်းမောဖွယ်အတိရှိနေတဲ့ ရုပ်ရှင်ပါပဲ။ ဘယ်လိုဇာတ်လမ်းအမျိုးအစားလဲပြောရရင်တော့ဂန်းရုပ်ရှင်ပါ။ အမေရိကရဲ့ လမ်းမပေါ်က ဘဝတွေအ‌ကြောင်းပါပဲ။ မူရင်းဝတ္တုဟာ တကယ့်အပြင်လောကက ဂန်းစတားတွေရဲ့ ကိုယ်တိုင်ရေးအတ္ထုပ္ပတိပါ။ ဖြစ်ရပ်အများစုက အဖြစ်မှန်‌တွေလို့ ဆိုလို့ရတယ်။ ဒီဝတ္တုကို စာရေးဆရာဟာ ထောင်ကျနေတုန်း ရေးခဲ့တယ်လည်း ပြောကြတယ်။ မူရင်းဝတ္တုရဲ့စာရေးဆရာဟာ ဒီရုပ်ရှင်ထဲက Robert De niroရဲ့ ကာရိုက်တာလို့ ဆိုကြတယ်။ ဟုတ်မှာပါ။ ဒီလေးနာရီကြာ ရုပ်ရှင်ကို ကျွန်တော်တော့ ရုပ်ရှင်တစ်ခုလို့ မခံစားခဲ့ရဘူး။ လူတစ်ယောက်ရဲ့ဘဝကို လေးနာရီအတွင်း ကြည့်နေရသလိုခံစားခဲ့ရတယ်။ ဂန်းစတားတစ်ယောက်ရဲ့တကယ့်ဘဝတစ်ခုကိုပေါ့။ ဂန်းကားချင်း ယှဉ်ကြည့်မယ်ဆိုရင် ယေဘုယျအမြင်အရတော့ ဒီရုပ်ရှင်ဟာ Godfatherတို့ Goodfellasတို့ထက် မညံ့ဘူး။ ပုဂ္ဂလိကအမြင်အရပြောရမယ်ဆိုရင်တော့ သူ့ရဲ့ လွမ်းမောဖွယ်ကောင်းခြင်းကြောင့် အဲ့ဒီနှစ်ကားလုံးထက် ပိုသဘောကျမိတယ်။ လွမ်းမောဖွယ်ကောင်းတယ်ဆိုတဲ့နေရာမှာ ဇာတ်အိမ်၊ တေးဂီတနဲ့ ရုပ်ရှင်ဓာတ်ပုံပညာတို့အပြင် ဂျနီဖာကွန်နယ်လီရဲ့ ကလေးဘဝက အလှအပကိုပါ ထည့်တွက်ရမယ်ထင်တယ်။ သူ့ဇာတ်ဝင်ခန်းကသိပ်မများပေမဲ့ သူ့ရဲ့ ချစ်စရာကောင်းလွန်းတဲ့ ငယ်ရုပ်ကလေးက ဒီဘက်ခေတ်က ကျွန်တော့်အတွက် ပိုလွမ်းမောဖွယ်ဖြစ်စေခဲ့တယ်။ လေးနာရီဆယ့်တစ်မိနစ်ကြာတဲ့ ဒီရုပ်ရှင်ကိုကြည့်ဖို့ စိတ်ထင့်ကောင်း ထင့်ပါလိမ့်မယ်။ ဒါပေမဲ့ ‌ပထမ၁၅မိနစ်ကိုကျော်လွန်ပြီးတဲ့အခါ မရပ်တမ်းဆက်ကြည့်ချင်လောက်အောင် Directorရဲ့ Storytellingဟာ သေ‌သပ်လှပတယ်။ အဲ့ဒီဘကိခေတ်ရုပ်ရှင်တွေမှာ ကျွန်တော်တော့ သိပ်မတွေ့ဖူးတဲ့ ပုံသဏ္ဍာန်မျိုးပဲ။ Poetic Cinemaဆိုတဲ့ ရုပ်ရှင်ဂရုထဲက ရုပ်ရှင်သမားတစ်ယောက်ကတော့ ဒီလိုပြောခဲ့ဖူးတယ်။ " ဇာတ်လမ်းရဲ့အဆုံးမှာ ဒီရုပ်ရှင်ရဲ့ ဒါရိုက်တာ Sergio Leoneကို ဘာလို့Geniusတစ်ယောက်လို့ သတ်မှတ်ခဲ့ကြလဲဆိုတာ ခင်ဗျားနားလည်သွားလိမ့်မယ်။ ပြီးတော့ သူ့ရုပ်ရှင်ဟာ ဘယ်လောက်အထိ ရင်သပ်ရှုမောဖွယ်ကောင်းလဲ ခင်ဗျားသိသွားလိမ့်မယ်။"တဲ့။ ပုဂ္ဂလိကအမြင်အရတော့ အကောင်းဆုံးဂန်းရုပ်ရှင်အဖြစ်ရော Robert De Niroရဲ့ အကောင်းဆုံးရုပ်ရှင်အဖြစ်ရော ကျွန်တော်တော့ သတ်မှတ်ထားတယ်။ Once upon A Timeဆိုတဲ့ စကားလုံးနဲ့ အလိုက်ဖက်ဆုံးရုပ်ရှင်လို့လည်း ဆိုချင်တယ်။ ( အညွှန်းရေးသားထားသူကတော့ WiRa Aung ပါ ) Quality__EXTENDED VERSION - 720p 5.1 IMDb Rating__8.4/10 Format__mp4 Duration__03:50:00 Type__Crime , Drama Subtitle__Myanmar Subtitle (Hardsub) Translated by WiRa Aung Encoded by Naing Aung Latt

ဒီဇာတ်ကားဟာ Joe Thanks (Terence Hill) ဆိုတဲ့ ပါးနပ်လွန်းတဲ့ လူလိမ်/လူတော်တစ်ယောက်အကြောင်းကို အခြေခံထားတာပါ။ သူဟာ သူ့ရဲ့သူငယ်ချင်း နှစ်ယောက်ဖြစ်တဲ့ လူအေးကြီး Bill နဲ့ ခပ်တုံးတုံး Lucy တို့နဲ့ ပေါင်းပြီး အမေရိကန်စစ်တပ်ဆီက ဒေါ်လာ ၃ သိန်းကို ခိုးယူဖို့ အစီအစဉ်ဆွဲပါတယ်။ ဇာတ်လမ်းတစ်လျှောက်မှာ သူတို့ရဲ့ လှည့်ကွက်တွေ၊ အလွဲအချော်တွေနဲ့ ရန်သူတွေကို ဘယ်လို ပညာပေးသွားမလဲဆိုတာကို တွေ့ရမှာပါ။ Terence Hill ရဲ့ ထုံးစံအတိုင်း ဆွဲဆောင်မှုရှိပြီး စနောက်တတ်တဲ့ သရုပ်ဆောင်ချက်တွေက ဒီကားရဲ့ အသက်ပါ။ သူဟာ သေနတ်ပစ်လည်း မြန်သလို ဉာဏ်လည်း အရမ်းကောင်းတဲ့ ဇာတ်ကောင်နေရာကနေ ပီပြင်စွာ သရုပ်ဆောင်ထားပါတယ်။ ကျန်တဲ့ သူငယ်ချင်းနှစ်ယောက်နဲ့ သူတို့ကြားက ဓာတ်သဘာဝ (Chemistry) ကလည်း ကြည့်ရှုသူကို ရယ်မောစေပါတယ်။ဒီကားရဲ့ ထူးခြားချက်ကတော့ နာမည်ကြီး တေးရေးဆရာ Ennio Morricone ရဲ့ ဂီတပဲ ဖြစ်ပါတယ်။ အနောက်တိုင်း နွားကျောင်းသားကားတွေရဲ့ ပီပြင်တဲ့ ခံစားချက်ကို ပေးစွမ်းနိုင်ပါတယ်။ ရိုက်ကွက်တွေကလည်း ၁၉၇၀ ဝန်းကျင်ရဲ့ အငွေ့အသက်ကို အပြည့်အဝ ဖော်ပြနေပါတယ်။ ဒီကားဟာ တကယ့်အက်ရှင်ကားစစ်စစ်ထက် "Action-Comedy" ဘက်ကို ပိုသွားပါတယ်။ သေနတ်ပစ်ခတ်မှုတွေ ပါဝင်ပေမဲ့ အဓိကကတော့ ဉာဏ်ကစားတာနဲ့ လူရွှင်တော်ဆန်ဆန် အလွဲတွေကို ဦးစားပေးထားတာကြောင့် မိသားစုလိုက် ကြည့်ဖို့ သင့်တော်ပါတယ်။ သင်ဟာ Spaghetti Western ကားတွေကို ကြိုက်နှစ်သက်သူဖြစ်စေ၊ Terence Hill ရဲ့ ပရိသတ်ဖြစ်စေ ဒီဇာတ်ကားကို လက်မလွှတ်သင့်ပါဘူး။ ဇာတ်လမ်းက အရမ်းကြီး လေးနက်မနေဘဲ တစ်နေ့တာ ပင်ပန်းသမျှကို အပန်းဖြေဖို့အတွက် ကြည့်သင့်တဲ့ ဇာတ်ကားဟောင်းလေး တစ်ကားဖြစ်ပါတယ်။ File size…2.19 GB / 1.17 GB Quality… Blu -RayL 1080p / 720p Format… mp4 Duration…. 1h 57m Genre ..... Comedy , Western Subtitle…. Myanmar Subtitle (Hard Sub)

ဒီရုပ်ရှင်ဟာ Spaghetti Western လို့ခေါ်တဲ့ အီတလီစတိုင် ကောင်းဘွိုင်ကားတွေထဲမှာ ထူးခြားတဲ့ကားတစ်ကား ဖြစ်ပါတယ်။ နာမည်ကျော် ဒါရိုက်တာ Sergio Leone ရဲ့ စိတ်ကူး (Idea) ကို အခြေခံပြီး ဒါရိုက်တာ Tonino Valerii က ရိုက်ကူးထားတာဖြစ်လို့ အက်ရှင်ရော၊ ဟာသပါ နှောထားတဲ့ ဂန္တဝင်လက်ရာတစ်ခုပါ။ ဇာတ်လမ်းကတော့ ခေတ်ဟောင်းအနောက်ပိုင်း (Wild West) ရဲ့ နာမည်အကြီးဆုံး သေနတ်သမား Jack Beauregard (Henry Fonda) အကြောင်းကို အခြေခံထားပါတယ်။ Jack ဟာ သေနတ်ကိုင်သက်တမ်းတစ်လျှောက်မှာ လူမိုက်ပေါင်းများစွာကို ရှင်းလင်းခဲ့ပြီးပြီဖြစ်လို့ အခုချိန်မှာတော့ အေးအေးဆေးဆေး အနားယူပြီး ဥရောပကို ထွက်ခွာချင်နေပါပြီ။ ဒါပေမဲ့ သူ့ရဲ့ အမာခံပရိသတ်တစ်ယောက်ဖြစ်တဲ့ "Nobody" (Terence Hill) လို့ခေါ်တဲ့ လူငယ်သေနတ်သမားတစ်ယောက်နဲ့ ဆုံတွေ့တဲ့အခါ အခြေအနေတွေ ပြောင်းလဲသွားပါတယ်။ Nobody ဟာ Jack ကို ရိုးရိုးတန်းတန်း အနားယူသွားတာမျိုး မလိုလားဘဲ၊ သမိုင်းမှာ တွင်ကျန်ရစ်မယ့် "လူဆိုးဂိုဏ်းသား ၁၅၀ (The Wild Bunch)" နဲ့ တစ်ယောက်တည်း ယှဉ်ပြိုင်တိုက်ခိုက်တဲ့ ပွဲကြီးပွဲကောင်းတစ်ခုကို ဖန်တီးပေးချင်နေတာပါ။ My Name is Nobody ဟာ ကောင်းဘွိုင်ကားတွေကို ကြိုက်နှစ်သက်သူတွေအတွက်သာမက၊ ပေါ့ပေါ့ပါးပါး အက်ရှင်ဟာသကား ကောင်းကောင်းတစ်ကား ကြည့်ချင်သူတွေအတွက်ပါ လက်မလွှတ်သင့်တဲ့ ဇာတ်ကားပါ။ ခေတ်ဟောင်းတစ်ခု ကုန်ဆုံးသွားပုံကို လွမ်းမောဖွယ်၊ ရယ်မောဖွယ် တင်ဆက်ထားတဲ့ Masterpiece တစ်ခုပါပဲ။ File size…5.44 GB / 1.55 GB Quality… Blu -RAY 1080p / 720p Format… mp4 Duration….1h 57m Genre ..... Comedy , Western Subtitle…. Myanmar Subtitle (Hard Sub)

The Good, the Bad and the Ugly (1966) IMDb - 8.8/10 Rotten - 97% "The Good, the Bad and the Ugly" ဆိုရင် မကြည့်ဖူးရင်နေမည် မကြားဖူးသူရှိမည်မထင်။ ဇာတ်ကားစစချင်း မိတ်ဆက်ပေးလိုက်တာကတော့... The Good - ပိုက်ဆံများများရဖို့ ကြိုးစားနေတဲ့ လက်ဖြောင့်သေနတ်သမား Blondie The Bad - ပိုက်ဆံလက်ခံပြီးရင် ပြီးဆုံးအောင်တာဝန်ယူမယ့် ကြေးစားသူသတ်သမား Angel Eyes The Ugly - Wanted စာရင်းမှာ ပါတဲ့ ဥပဒေပြင်ပက သောက်ကျင့်မကောင်းတဲ့ တစ်ကိုယ်ကောင်းသမား Tuco Blondie နဲ့ Tuco က ဂွင်ဖန်နေကြ ပါတနာတွေ။ Blondie လုပ်ရမှာက Tuco ကိုဖမ်းမယ် ရဲလက်အပ်မယ် ဆုငွေထုတ်မယ် ကြိုးစင်တင်တဲ့အချိန် နောက်ကွယ်ကနေ ကြိုးကို သေနတ်နဲ့ပစ်ပေးမယ် အဆင်သင့်ပြင်ထားတဲ့ မြင်းနဲ့ထွက်ပြေးမယ် ပြီးတော့ ငွေခွဲယူကြမယ် ဒါပဲ။ ဒါပေမယ့် Blondie က Tuco ကိုဘယ်တော့မှ ဆုငွေရဲ့ တစ်ဝက်အပြည့်မပေးဘူး။ ဒီတစ်ခါ Tuco အတင်းတောင်းတာကြောင့် သူ့ကို သဲကန္တာရထဲမှာ ပစ်ထားခဲ့တယ်။ နောက်တစ်ခါမှာ Tuco ဂလဲ့စားချေပြီပေါ့။ Blondie ကိုအကွက်ဆင်ဖမ်းပြီး ကန္တာရထဲ ကြိုးတုပ်ခေါ်လာတဲ့အချိန်မှာ လူသေတွေနဲ့ လှည်းတစ်စီးကိုတွေ့လိုက်ရတယ်။ ဒီထဲမှာ ငွေတွေဘယ်မှာမှန်းသိတဲ့ Bill Carson ဆိုတဲ့ တစ်ယောက်ကတော့ မျောနေတယ်ဗျ။ Tuco ပြေးသွားပြီး ငွေအကြောင်းအတင်းသွားမေးတော့ ဟိုလူက ငွေတွေဝှက်ထားတဲ့ သင်္ချိုင်းနာမည်ဘဲအရင်ပြောပြီး ရေ ရေ လို့ဘဲအော်နေတယ် အုတ်ဂူနာမည်မပြောဘူး။ Tuco ရေပြန်လာယူပြီး လှည်းဆီပြန်အရောက်မှာ Blondie က Bill Carson ကိုရေတိုက်မေးပြီး သတ်လိုက်ပြီပေါ့။ ငွေမြှုပ်ထားတဲ့ အုတ်ဂူသိချင်ရင်တော့ Blondie ကိုသတ်လို့မရတော့ဘူး။ Blondie လဲသင်္ချိုင်းနာမည်သိပေမယ့် အဲဒီသင်္ချိုင်းဘယ်မှန်ရှိမှန်း မသိတော့ Tuco ကိုအသက်ရှင်အောင်ထားမှဘဲ ရမှာပေါ့။ ဒီအချိန်မှာ Angel Eyes ကလဲ Bill Carson နဲ့ပတ်သက်ပြီး ငွေတွေဝှက်ထားတဲ့နေရာ လိုက်စုံစမ်းနေတာမို့ သူတို့နှစ်ယောက်ငွေရှိနေတဲ့နေရာ သိနေမှန်း သိသွားတယ်။ နောက်ဆုံး The Good ရယ် The Bad ရယ် The Ugly ရယ်သုံးယောက်သား ရွှေဒင်္ဂါးနှစ်သိန်း ရဖို့အတွက် သင်္ချိုင်းရောက်လာကြပြီ။ တစ်ယောက်အပေါ်တစ်ယောက် ဒီလောက်ခေါင်းပုံဖြတ် ဖျံကျနေပုံအရတော့ သုံးယောက်စလုံးက တစ်ယောက်နဲ့တစ်ယောက်ယုံလို့ရပါ့မလား... ဒီဇာတ်ကားက ရှည်တာမှန်ပါတယ်။ ဒါပေမယ့် ပျင်းစရာတစ်ကွက်မှ မပါတာကတော့ အာမခံတယ်။ သုံးယောက်စလုံးဟာ စရိုက်တစ်မျိုးစီနဲ့ တစ်လမ်းတည်း အတူသွားနေကြတာမို့ ရှေ့ဆက်ဘာဖြစ်မယ်ဆိုတာ အခန်းတိုင်းက ဆွဲဆောင်နေမှာပါ။ ဇာတ်လမ်းပိုင်း ဓာတ်ပုံပိုင်း သရုပ်ဆောင်ပိုင်း ဇာတ်ဝင်တေးပိုင်းတွေမှာလဲ အပြစ်ပြောစရာမရှိအောင်ကိုကောင်းပါတယ်။ Blondie အဖြစ် Client Eastwood၊ Angel Eyes အဖြစ် Lee Van Cleef နဲ့ Tuco အဖြစ် Eli Wallach တို့ကသရုပ်ဆောင်ထားတာပြီး Western Director Sergio Leone ကရိုက်ထားတာပါ။ စစထွက်ချင်းမှာ ဒီလို အီတလီမှာရိုက်တဲ့ ကောင်းဘွိုင်ကားစတိုင် ဇာတ်ကားတွေက ခေတ်မရှိတာကြောင့် ဝေဖန်ရေးတွေကြားမှာ အကြိုက်မတွေ့ခဲ့ကြပေမယ့် နောက်ပိုင်းနှစ်တွေမှာမှ ဒီဇာတ်ကားကို တအားအကြိုက်တွေ့လာကြတာပါ။ အဲဒါကြောင့် OSCAR မှာလဲ ဆန်ကာတင်တစ်ဆုမှ မပါခဲ့လိုက်ရပါဘူး။ “လောကကြီးမှာ လူနှစ်မျိုးနှစ်စားဘဲ ရှိတယ် သူငယ်ချင်း၊ တစ်ယောက်က..... နဲ့ တစ်ယောက်က.....” ဆိုတဲ့ စကားကို ဒီကားထဲမှာ ခဏခဏကြားရမှာပါ။ ပြောလိုက်ရတယ့် အချိန်မှာတော့ တော်တော် feel ရှိမယ့်စကားပါဘဲ။ ဟာသဆိုပေမယ့် ဝါးလုံးကွဲရီနေရမှာ မဟုတ်ဘဲနဲ့ အထာကျတဲ့ dialogues တွေကြောင့် ပြုံးစိစိဖြစ်နေမှာတော့ အမှန်ပါ။ အကောင်းဆုံး ကောင်းဘွိုင်ကားတွေထဲက တစ်ကားအဖြစ် သတ်မှတ်ခံရုံတင်မက အကောင်းဆုံးဇာတ်ကားတစ်ကား အနေနဲ့ပါ အသတ်မှတ်ခံခဲ့ရတဲ့ ဇာတ်ကားပါ။ မကြည့်သေးဘူးဆိုရင်တော့ ကြည့်လိုက်ဖို့ မမေ့နဲ့နော်။ (ရုပ်ရှင်အညွှန်းကို Movie Movies Facebook Page မှကူးယူဖော်ပြပါသည်။) File size…(1.5 GB) Quality…Blu-Ray Rip 720p Format…mp4 Duration….03:06:00 Subtitle….Myanmar Subtitle (Hardsub) Encoder….Nyeinsaeya Aung Translated by Myo Myint Oo

For a Few Dollars More (1965) ~ IMDb - 8.2/10, RT- 92%, Meta - 74% နာမည်မရှိသော ကောင်းဘွိုင်ကြီး လာပါပြီခင်ဗျာ။ ဇာတ်ကားသုံးကားကို သုံးနှစ်ဆက်တိုက် ရိုက်ကူးထုတ်လွှင့်ခဲ့တဲ့၊ ကောင်းဘွိုင်ကားသမိုင်းမှာ မှတ်ကျောက်တင်ခဲ့တဲ့ Clint Eastwood ရဲ့ သမိုင်းမှတ်တိုင်တွေပါ။ အခုကားကတော့ ဒုတိယမြောက်ကားဖြစ်ပါတယ်။ ဇာတ်လမ်းအကျဉ်းကတော့ ကောင်းဘွိုင် ယန်းကီးလေးဟာ ဆုကြေးစား လူဆိုးဖမ်းသမား ဖြစ်နေပြန်ပါပြီ။ အရင်ဇာတ်ကားကရခဲ့တဲ့ ပိုက်ဆံတွေ ဘယ်တည်းခိုခန်းမှာ ဖြုန်းလိုက်လဲ မသိပါဘူးဗျာ။ အခုတော့ ဒေါ်လာတစ်ထောင်တန် လူဆိုးလေးတွေ လိုက်ဖမ်းနေလေရဲ့။ အချီကြီးကြံတတ်တဲ့ ပုဂ္ဂိုလ်ဆိုတော့လည်း တကယ့် ဒိတ်ဒိတ်ကြဲ လူဆိုးဂိုဏ်းနောက်ကို အမဲလိုက်ဖို့ ဖြစ်လာတာပေါ့။ တစ်ခါတလေမှာ မုဆိုးက ကျားစာမိသွားတာမျိုးလည်း ရှိတတ်တာမျိုးလေ။ အဲဒီမှာ ပုဂ္ဂိုလ်ရေးရန်ငြိုးနဲ့ လိုက်လာတဲ့ ဘဲကြီးတစ်ပွေရယ်၊ နာမည်မရှိတဲ့ ယန်းကီးလေးရယ်တို့ ခြင်္သေ့ဂူထဲဝင်ပြီး လူဆိုးတစ်သိုက်နဲ့ ဘတပြန် ကျားတပြန် ဆော်ကြနှက်ကြရော။ မင်းသားနှစ်လက် အပြိုင်ကြဲတဲ့ ရှေးရှေးကောင်းဘွိုင်ကားကြီးက ခင်ဗျားတို့ရဲ့ နှလုံးသားထဲ ငြိတွယ်မှာပါ။ အခု Dollars Trilogy လို့ခေါ်တဲ့ သုံးကားပြိုင်ဇာတ်လမ်းကြီး CM မှာ စုံလင်သွားပြီမို့ ကြည့်ရှုခံစားနိုင်ပြီဖြစ်ပါကြောင်း။ (ဇာတ်ကားနဲ့အညွှန်းကို Arr Khun Winchester မှ ပြန်ဆိုရေးသားပေးထားပါတယ်) Size - 2.02GB, 1.2GB Quality - Bluray 1080p, 720p IMDb Rating - 8.2/10 Duration - 2hr 12mins Subtitles - Myanmar Hardsub Format - MP4 Genre - Action, Western Translated by Arr Khun Winchester Encoded by Y

A Fistful of Dollars (1964) ~ IMDb - 8/10, RT - 98% ~ ဇာတ်ကား သုံးကားမှာ အဓိက သရုပ်ဆောင်ဖြစ်ပေမယ့် ဇာတ်ကားထဲမှာ သူ့နာမည်ကို ဘယ်သူမှ မသိကြဘူး။ သိတဲ့သူတွေကလည်း သူ့နာမည်ကို မခေါ်ကြဘူး။ ဒီတော့ ကောင်းဘွိုင်ရုပ်ရှင်ချစ်ပရိသတ်က သူ့ကိုချစ်စနိုးခေါ်ကြတာ Man with No Name တဲ့။ နာမည်မရှိတဲ့လူသားကြီး၊ လူကြမ်းကြီး၊ ခြေသလုံးအိမ်တိုင်၊ လေနှင်ရာလွင့်၊ ရောက်တဲ့အရပ်မှာ ဘဝကို ကုလားဖန်ထိုး၊ မတရားတာတွေ့ရင် ဓားခုတ်ရာ လက်ဝင်လျှိုတတ်သေး။ အမေရိကန်မြောက်ပိုင်းသား ယန်းကီး၊ မြင်းနဲ့ မြည်း စပ်ပြီးကျလာတဲ့ mule တစ်ကောင်နဲ့၊ ပွိုင့် 45 ပစ္စတို (ခြောက်လုံးပူး) တစ်လက်နဲ့၊ ဘယ်အချိန်မဆို ဘိုင်ကျ အိတ်ကပ်ခါလီသမား။ ခါးကြားကဗျောက်ကိုထုတ် တစ်စက္ကန့်အတွင်းမှာ 6 rounds (ကျည်ခြောက်တောင့်) လုံးကို ကုန်အောင်ပစ်ပြနိုင်တဲ့သူ။ သူတို့ခေတ်က ‌ပစ္စတို (ခြောက်လုံးပူး) ဆိုတာက တစ်ချက်ပစ်ပြီးရင် ပြောင်းရင်းကမောင်းကို ပြန်ဆွဲချရသေးတာနော်။ အဲ ကျည်ခြောက်တောင့်ထွက်ရင် အနည်းဆုံး လူလေးယောက်ပဲ။ မင်းသားကြီး Clint Eastwood ရဲ့ ဇာတ်ကားသုံးကား။ A Fistful of Dollars (1964), For a Few Dollars More (1965), The Good The Bad and The Ugly (1966)။ ဝက်ဝက်ကွဲအောင်မြင်ခဲ့ပြီး Clint Eastwood ဆိုတဲ့ စစ်ထွက်ချာတိတ်လေးကို အရှိန်အဝါကြီးလှတဲ့ မင်းသားကြီး ဖြစ်စေခဲ့တာပေါ့။ အခုတင်ဆက်ပေးမယ့် A Fistful of Dollars (1964) ရယ်၊ အရင်က တင်ပေးထားတဲ့ The Good The Bad and The Ugly (1966) ရယ်ဆိုရင် two down one to go ပေါ့နော့။ ဇာတ်လမ်းအကျဉ်းကတော့ စီးပွားပြိုင်ဖက် အုပ်စုကြီးနှစ်စု မြို့ငယ်လေးတစ်မြို့မှာ အားပြိုင်နေကြ။ အူတူတူလိုလို ဆရာကြီးလိုလိုပုံစံနဲ့ နာမည်မရှိတဲ့ ‌အမေရိကန်သား ကောင်းဘွိုင်လေးဝင်လာ။ ခါးကြားကဗျောက်ကိုဆွဲထုတ် တစ်စက္ကန့်အတွင်း လူလေးယောက် ငရဲပြည်ပို့ပြလိုက်တော့ အုပ်စုကြီးနှစ်ခုလုံးကစိတ်ဝင်စားသွား။ ဟိုဘက်သားလိုလို ဒီဘက်သားလိုလိုနဲ့ ကုလာဖန်ထိုး လွန်းလိုနှစ်ဖက်ချွန်မက၊ စမူဆာလို သုံးဖက်ချွန်မက၊ ဆိုင်ကယ်စပေါ့ကတ်လို နေရာတကာချွန်တဲ့ကောင်ဆိုတော့လည်း နှစ်ဖွဲ့လုံးကို ရန်တိုက်ပြီး လိုချင်တာယူသွားရောတဲ့။ အညှီအဟောက်မပါ မိန်းမဇာတ်ကောင်ကို ငါးမိနစ်ပြည့်အောင်မထည့်ဘဲ အတောင်ခြောက်ဆယ်ဝတ် မင်းယောက်ျားကြီးတွေ ရမ်းကားပစ်ခတ် လူ့အသက်ကို ကွမ်းရွက်လေးလို ဝါးပြီးထွေးကြပုံတွေ၊ ငါသတ်မင်းသေ မင်းသတ်ငါသေ လမ်း‌အလယ်မှာ မပြေးတမ်း ကြမ်းပြတာတွေကတော့ ကောင်းဘွိုင်ကားမှ ကောင်းဘွိုင်ကားပါပဲပေါ့။ လေရှည်ပါတယ်ဗျာ။ Download and watch and let it makes your day ပါပဲ ရုပ်ရှင်ချစ်ပရိသတ်တို့။ (ဇာတ်ကားအညွှန်းကို Arr Khun Winchester မှ ရေးသားပေးထားပါတယ်) Size - 1.55GB, 962MB Quality - Bluray 1080p, 720p Duration - 1Hr 39mins Subtitles - Myanmar Hardsub Format - MP4 Genre - Action, Drama, Western Translated by Arr Khun Winchester Encoded by Y